|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 74
|
1. Info |
| To: | aśvins | |
| From: | vasiṣṭha maitrāvaruṇi | |
| Metres: | 1st set of styles: ārṣībhurigbṛhatī (2, 4, 6); nicṛdbṛhatī (1, 3); ārṣībṛhatī (5) 2nd set of styles: bṛhatī (1, 3, 5); satobṛhatī (2, 4, 6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.074.01 (Mandala. Sukta. Rik)
5.5.21.01 (Ashtaka. Adhyaya. Varga. Rik)
07.05.017 (Mandala. Anuvāka. Rik)
Samhita Devanagari Accented
इ॒मा उ॑ वां॒ दिवि॑ष्टय उ॒स्रा ह॑वंते अश्विना ।
अ॒यं वा॑म॒ह्वेऽव॑से शचीवसू॒ विशं॑विशं॒ हि गच्छ॑थः ॥
Samhita Devanagari Nonaccented
इमा उ वां दिविष्टय उस्रा हवंते अश्विना ।
अयं वामह्वेऽवसे शचीवसू विशंविशं हि गच्छथः ॥
Samhita Transcription Accented
imā́ u vām díviṣṭaya usrā́ havante aśvinā ǀ
ayám vāmahvé’vase śacīvasū víśaṃviśam hí gácchathaḥ ǁ
Samhita Transcription Nonaccented
imā u vām diviṣṭaya usrā havante aśvinā ǀ
ayam vāmahve’vase śacīvasū viśaṃviśam hi gacchathaḥ ǁ
Padapatha Devanagari Accented
इ॒माः । ऊं॒ इति॑ । वा॒म् । दिवि॑ष्टयः । उ॒स्रा । ह॒व॒न्ते॒ । अ॒श्वि॒ना॒ ।
अ॒यम् । वा॒म् । अ॒ह्वे॒ । अव॑से । श॒ची॒व॒सू॒ इति॑ शचीऽवसू । विश॑म्ऽविशम् । हि । गच्छ॑थः ॥
Padapatha Devanagari Nonaccented
इमाः । ऊं इति । वाम् । दिविष्टयः । उस्रा । हवन्ते । अश्विना ।
अयम् । वाम् । अह्वे । अवसे । शचीवसू इति शचीऽवसू । विशम्ऽविशम् । हि । गच्छथः ॥
Padapatha Transcription Accented
imā́ḥ ǀ ūṃ íti ǀ vām ǀ díviṣṭayaḥ ǀ usrā́ ǀ havante ǀ aśvinā ǀ
ayám ǀ vām ǀ ahve ǀ ávase ǀ śacīvasū íti śacī-vasū ǀ víśam-viśam ǀ hí ǀ gácchathaḥ ǁ
Padapatha Transcription Nonaccented
imāḥ ǀ ūṃ iti ǀ vām ǀ diviṣṭayaḥ ǀ usrā ǀ havante ǀ aśvinā ǀ
ayam ǀ vām ǀ ahve ǀ avase ǀ śacīvasū iti śacī-vasū ǀ viśam-viśam ǀ hi ǀ gacchathaḥ ǁ
07.074.02 (Mandala. Sukta. Rik)
5.5.21.02 (Ashtaka. Adhyaya. Varga. Rik)
07.05.018 (Mandala. Anuvāka. Rik)
Samhita Devanagari Accented
यु॒वं चि॒त्रं द॑दथु॒र्भोज॑नं नरा॒ चोदे॑थां सू॒नृता॑वते ।
अ॒र्वाग्रथं॒ सम॑नसा॒ नि य॑च्छतं॒ पिब॑तं सो॒म्यं मधु॑ ॥
Samhita Devanagari Nonaccented
युवं चित्रं ददथुर्भोजनं नरा चोदेथां सूनृतावते ।
अर्वाग्रथं समनसा नि यच्छतं पिबतं सोम्यं मधु ॥
Samhita Transcription Accented
yuvám citrám dadathurbhójanam narā códethām sūnṛ́tāvate ǀ
arvā́grátham sámanasā ní yacchatam píbatam somyám mádhu ǁ
Samhita Transcription Nonaccented
yuvam citram dadathurbhojanam narā codethām sūnṛtāvate ǀ
arvāgratham samanasā ni yacchatam pibatam somyam madhu ǁ
Padapatha Devanagari Accented
यु॒वम् । चि॒त्रम् । द॒द॒थुः॒ । भोज॑नम् । न॒रा॒ । चोदे॑थाम् । सू॒नृता॑ऽवते ।
अ॒र्वाक् । रथ॑म् । सऽम॑नसा । नि । य॒च्छ॒त॒म् । पिब॑तम् । सो॒म्यम् । मधु॑ ॥
Padapatha Devanagari Nonaccented
युवम् । चित्रम् । ददथुः । भोजनम् । नरा । चोदेथाम् । सूनृताऽवते ।
अर्वाक् । रथम् । सऽमनसा । नि । यच्छतम् । पिबतम् । सोम्यम् । मधु ॥
Padapatha Transcription Accented
yuvám ǀ citrám ǀ dadathuḥ ǀ bhójanam ǀ narā ǀ códethām ǀ sūnṛ́tā-vate ǀ
arvā́k ǀ rátham ǀ sá-manasā ǀ ní ǀ yacchatam ǀ píbatam ǀ somyám ǀ mádhu ǁ
Padapatha Transcription Nonaccented
yuvam ǀ citram ǀ dadathuḥ ǀ bhojanam ǀ narā ǀ codethām ǀ sūnṛtā-vate ǀ
arvāk ǀ ratham ǀ sa-manasā ǀ ni ǀ yacchatam ǀ pibatam ǀ somyam ǀ madhu ǁ
07.074.03 (Mandala. Sukta. Rik)
5.5.21.03 (Ashtaka. Adhyaya. Varga. Rik)
07.05.019 (Mandala. Anuvāka. Rik)
Samhita Devanagari Accented
आ या॑त॒मुप॑ भूषतं॒ मध्वः॑ पिबतमश्विना ।
दु॒ग्धं पयो॑ वृषणा जेन्यावसू॒ मा नो॑ मर्धिष्ट॒मा ग॑तं ॥
Samhita Devanagari Nonaccented
आ यातमुप भूषतं मध्वः पिबतमश्विना ।
दुग्धं पयो वृषणा जेन्यावसू मा नो मर्धिष्टमा गतं ॥
Samhita Transcription Accented
ā́ yātamúpa bhūṣatam mádhvaḥ pibatamaśvinā ǀ
dugdhám páyo vṛṣaṇā jenyāvasū mā́ no mardhiṣṭamā́ gatam ǁ
Samhita Transcription Nonaccented
ā yātamupa bhūṣatam madhvaḥ pibatamaśvinā ǀ
dugdham payo vṛṣaṇā jenyāvasū mā no mardhiṣṭamā gatam ǁ
Padapatha Devanagari Accented
आ । या॒त॒म् । उप॑ । भू॒ष॒त॒म् । मध्वः॑ । पि॒ब॒त॒म् । अ॒श्वि॒ना॒ ।
दु॒ग्धम् । पयः॑ । वृ॒ष॒णा॒ । जे॒न्या॒व॒सू॒ इति॑ । मा । नः॒ । म॒र्धि॒ष्ट॒म् । आ । ग॒त॒म् ॥
Padapatha Devanagari Nonaccented
आ । यातम् । उप । भूषतम् । मध्वः । पिबतम् । अश्विना ।
दुग्धम् । पयः । वृषणा । जेन्यावसू इति । मा । नः । मर्धिष्टम् । आ । गतम् ॥
Padapatha Transcription Accented
ā́ ǀ yātam ǀ úpa ǀ bhūṣatam ǀ mádhvaḥ ǀ pibatam ǀ aśvinā ǀ
dugdhám ǀ páyaḥ ǀ vṛṣaṇā ǀ jenyāvasū íti ǀ mā́ ǀ naḥ ǀ mardhiṣṭam ǀ ā́ ǀ gatam ǁ
Padapatha Transcription Nonaccented
ā ǀ yātam ǀ upa ǀ bhūṣatam ǀ madhvaḥ ǀ pibatam ǀ aśvinā ǀ
dugdham ǀ payaḥ ǀ vṛṣaṇā ǀ jenyāvasū iti ǀ mā ǀ naḥ ǀ mardhiṣṭam ǀ ā ǀ gatam ǁ
07.074.04 (Mandala. Sukta. Rik)
5.5.21.04 (Ashtaka. Adhyaya. Varga. Rik)
07.05.020 (Mandala. Anuvāka. Rik)
Samhita Devanagari Accented
अश्वा॑सो॒ ये वा॒मुप॑ दा॒शुषो॑ गृ॒हं यु॒वां दीयं॑ति॒ बिभ्र॑तः ।
म॒क्षू॒युभि॑र्नरा॒ हये॑भिरश्वि॒ना दे॑वा यातमस्म॒यू ॥
Samhita Devanagari Nonaccented
अश्वासो ये वामुप दाशुषो गृहं युवां दीयंति बिभ्रतः ।
मक्षूयुभिर्नरा हयेभिरश्विना देवा यातमस्मयू ॥
Samhita Transcription Accented
áśvāso yé vāmúpa dāśúṣo gṛhám yuvā́m dī́yanti bíbhrataḥ ǀ
makṣūyúbhirnarā háyebhiraśvinā́ devā yātamasmayū́ ǁ
Samhita Transcription Nonaccented
aśvāso ye vāmupa dāśuṣo gṛham yuvām dīyanti bibhrataḥ ǀ
makṣūyubhirnarā hayebhiraśvinā devā yātamasmayū ǁ
Padapatha Devanagari Accented
अश्वा॑सः । ये । वा॒म् । उप॑ । दा॒शुषः॑ । गृ॒हम् । यु॒वाम् । दीय॑न्ति । बिभ्र॑तः ।
म॒क्षु॒युऽभिः॑ । न॒रा॒ । हये॑भिः । अ॒श्वि॒ना॒ । आ । दे॒वा॒ । या॒त॒म् । अ॒स्म॒यू इत्य॑स्म॒ऽयू ॥
Padapatha Devanagari Nonaccented
अश्वासः । ये । वाम् । उप । दाशुषः । गृहम् । युवाम् । दीयन्ति । बिभ्रतः ।
मक्षुयुऽभिः । नरा । हयेभिः । अश्विना । आ । देवा । यातम् । अस्मयू इत्यस्मऽयू ॥
Padapatha Transcription Accented
áśvāsaḥ ǀ yé ǀ vām ǀ úpa ǀ dāśúṣaḥ ǀ gṛhám ǀ yuvā́m ǀ dī́yanti ǀ bíbhrataḥ ǀ
makṣuyú-bhiḥ ǀ narā ǀ háyebhiḥ ǀ aśvinā ǀ ā́ ǀ devā ǀ yātam ǀ asmayū́ ítyasma-yū́ ǁ
Padapatha Transcription Nonaccented
aśvāsaḥ ǀ ye ǀ vām ǀ upa ǀ dāśuṣaḥ ǀ gṛham ǀ yuvām ǀ dīyanti ǀ bibhrataḥ ǀ
makṣuyu-bhiḥ ǀ narā ǀ hayebhiḥ ǀ aśvinā ǀ ā ǀ devā ǀ yātam ǀ asmayū ityasma-yū ǁ
07.074.05 (Mandala. Sukta. Rik)
5.5.21.05 (Ashtaka. Adhyaya. Varga. Rik)
07.05.021 (Mandala. Anuvāka. Rik)
Samhita Devanagari Accented
अधा॑ ह॒ यंतो॑ अ॒श्विना॒ पृक्षः॑ सचंत सू॒रयः॑ ।
ता यं॑सतो म॒घव॑द्भ्यो ध्रु॒वं यश॑श्छ॒र्दिर॒स्मभ्यं॒ नास॑त्या ॥
Samhita Devanagari Nonaccented
अधा ह यंतो अश्विना पृक्षः सचंत सूरयः ।
ता यंसतो मघवद्भ्यो ध्रुवं यशश्छर्दिरस्मभ्यं नासत्या ॥
Samhita Transcription Accented
ádhā ha yánto aśvínā pṛ́kṣaḥ sacanta sūráyaḥ ǀ
tā́ yaṃsato maghávadbhyo dhruvám yáśaśchardírasmábhyam nā́satyā ǁ
Samhita Transcription Nonaccented
adhā ha yanto aśvinā pṛkṣaḥ sacanta sūrayaḥ ǀ
tā yaṃsato maghavadbhyo dhruvam yaśaśchardirasmabhyam nāsatyā ǁ
Padapatha Devanagari Accented
अध॑ । ह॒ । यन्तः॑ । अ॒श्विना॑ । पृक्षः॑ । स॒च॒न्त॒ । सू॒रयः॑ ।
ता । यं॒स॒तः॒ । म॒घव॑त्ऽभ्यः । ध्रु॒वम् । यशः॑ । छ॒र्दिः । अ॒स्मभ्य॑म् । नास॑त्या ॥
Padapatha Devanagari Nonaccented
अध । ह । यन्तः । अश्विना । पृक्षः । सचन्त । सूरयः ।
ता । यंसतः । मघवत्ऽभ्यः । ध्रुवम् । यशः । छर्दिः । अस्मभ्यम् । नासत्या ॥
Padapatha Transcription Accented
ádha ǀ ha ǀ yántaḥ ǀ aśvínā ǀ pṛ́kṣaḥ ǀ sacanta ǀ sūráyaḥ ǀ
tā́ ǀ yaṃsataḥ ǀ maghávat-bhyaḥ ǀ dhruvám ǀ yáśaḥ ǀ chardíḥ ǀ asmábhyam ǀ nā́satyā ǁ
Padapatha Transcription Nonaccented
adha ǀ ha ǀ yantaḥ ǀ aśvinā ǀ pṛkṣaḥ ǀ sacanta ǀ sūrayaḥ ǀ
tā ǀ yaṃsataḥ ǀ maghavat-bhyaḥ ǀ dhruvam ǀ yaśaḥ ǀ chardiḥ ǀ asmabhyam ǀ nāsatyā ǁ
07.074.06 (Mandala. Sukta. Rik)
5.5.21.06 (Ashtaka. Adhyaya. Varga. Rik)
07.05.022 (Mandala. Anuvāka. Rik)
Samhita Devanagari Accented
प्र ये य॒युर॑वृ॒कासो॒ रथा॑ इव नृपा॒तारो॒ जना॑नां ।
उ॒त स्वेन॒ शव॑सा शूशुवु॒र्नर॑ उ॒त क्षि॑यंति सुक्षि॒तिं ॥
Samhita Devanagari Nonaccented
प्र ये ययुरवृकासो रथा इव नृपातारो जनानां ।
उत स्वेन शवसा शूशुवुर्नर उत क्षियंति सुक्षितिं ॥
Samhita Transcription Accented
prá yé yayúravṛkā́so ráthā iva nṛpātā́ro jánānām ǀ
utá svéna śávasā śūśuvurnára utá kṣiyanti sukṣitím ǁ
Samhita Transcription Nonaccented
pra ye yayuravṛkāso rathā iva nṛpātāro janānām ǀ
uta svena śavasā śūśuvurnara uta kṣiyanti sukṣitim ǁ
Padapatha Devanagari Accented
प्र । ये । य॒युः । अ॒वृ॒कासः । रथाः॑ऽइव । नृ॒ऽपा॒तारः॑ । जना॑नाम् ।
उ॒त । स्वेन॑ । शव॑सा । शू॒शु॒वुः॒ । नरः॑ । उ॒त । क्षि॒य॒न्ति॒ । सु॒ऽक्षि॒तिम् ॥
Padapatha Devanagari Nonaccented
प्र । ये । ययुः । अवृकासः । रथाःऽइव । नृऽपातारः । जनानाम् ।
उत । स्वेन । शवसा । शूशुवुः । नरः । उत । क्षियन्ति । सुऽक्षितिम् ॥
Padapatha Transcription Accented
prá ǀ yé ǀ yayúḥ ǀ avṛkā́sáḥ ǀ ráthāḥ-iva ǀ nṛ-pātā́raḥ ǀ jánānām ǀ
utá ǀ svéna ǀ śávasā ǀ śūśuvuḥ ǀ náraḥ ǀ utá ǀ kṣiyanti ǀ su-kṣitím ǁ
Padapatha Transcription Nonaccented
pra ǀ ye ǀ yayuḥ ǀ avṛkāsaḥ ǀ rathāḥ-iva ǀ nṛ-pātāraḥ ǀ janānām ǀ
uta ǀ svena ǀ śavasā ǀ śūśuvuḥ ǀ naraḥ ǀ uta ǀ kṣiyanti ǀ su-kṣitim ǁ