|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 76
|
1. Info |
| To: | uṣas | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (3-7); triṣṭup (1); virāṭtrisṭup (2) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.076.01 (Mandala. Sukta. Rik)
5.5.23.01 (Ashtaka. Adhyaya. Varga. Rik)
07.05.031 (Mandala. Anuvāka. Rik)
Samhita Devanagari Accented
उदु॒ ज्योति॑र॒मृतं॑ वि॒श्वज॑न्यं वि॒श्वान॑रः सवि॒ता दे॒वो अ॑श्रेत् ।
क्रत्वा॑ दे॒वाना॑मजनिष्ट॒ चक्षु॑रा॒विर॑क॒र्भुव॑नं॒ विश्व॑मु॒षाः ॥
Samhita Devanagari Nonaccented
उदु ज्योतिरमृतं विश्वजन्यं विश्वानरः सविता देवो अश्रेत् ।
क्रत्वा देवानामजनिष्ट चक्षुराविरकर्भुवनं विश्वमुषाः ॥
Samhita Transcription Accented
údu jyótiramṛ́tam viśvájanyam viśvā́naraḥ savitā́ devó aśret ǀ
krátvā devā́nāmajaniṣṭa cákṣurāvírakarbhúvanam víśvamuṣā́ḥ ǁ
Samhita Transcription Nonaccented
udu jyotiramṛtam viśvajanyam viśvānaraḥ savitā devo aśret ǀ
kratvā devānāmajaniṣṭa cakṣurāvirakarbhuvanam viśvamuṣāḥ ǁ
Padapatha Devanagari Accented
उत् । ऊं॒ इति॑ । ज्योतिः॑ । अ॒मृत॑म् । वि॒श्वऽज॑न्यम् । वि॒श्वान॑रः । स॒वि॒ता । दे॒वः । अ॒श्रे॒त् ।
क्रत्वा॑ । दे॒वाना॑म् । अ॒ज॒नि॒ष्ट॒ । चक्षुः॑ । आ॒विः । अ॒कः॒ । भुव॑नम् । विश्व॑म् । उ॒षाः ॥
Padapatha Devanagari Nonaccented
उत् । ऊं इति । ज्योतिः । अमृतम् । विश्वऽजन्यम् । विश्वानरः । सविता । देवः । अश्रेत् ।
क्रत्वा । देवानाम् । अजनिष्ट । चक्षुः । आविः । अकः । भुवनम् । विश्वम् । उषाः ॥
Padapatha Transcription Accented
út ǀ ūṃ íti ǀ jyótiḥ ǀ amṛ́tam ǀ viśvá-janyam ǀ viśvā́naraḥ ǀ savitā́ ǀ deváḥ ǀ aśret ǀ
krátvā ǀ devā́nām ǀ ajaniṣṭa ǀ cákṣuḥ ǀ āvíḥ ǀ akaḥ ǀ bhúvanam ǀ víśvam ǀ uṣā́ḥ ǁ
Padapatha Transcription Nonaccented
ut ǀ ūṃ iti ǀ jyotiḥ ǀ amṛtam ǀ viśva-janyam ǀ viśvānaraḥ ǀ savitā ǀ devaḥ ǀ aśret ǀ
kratvā ǀ devānām ǀ ajaniṣṭa ǀ cakṣuḥ ǀ āviḥ ǀ akaḥ ǀ bhuvanam ǀ viśvam ǀ uṣāḥ ǁ
07.076.02 (Mandala. Sukta. Rik)
5.5.23.02 (Ashtaka. Adhyaya. Varga. Rik)
07.05.032 (Mandala. Anuvāka. Rik)
Samhita Devanagari Accented
प्र मे॒ पंथा॑ देव॒याना॑ अदृश्र॒न्नम॑र्धंतो॒ वसु॑भि॒रिष्कृ॑तासः ।
अभू॑दु के॒तुरु॒षसः॑ पु॒रस्ता॑त्प्रती॒च्यागा॒दधि॑ ह॒र्म्येभ्यः॑ ॥
Samhita Devanagari Nonaccented
प्र मे पंथा देवयाना अदृश्रन्नमर्धंतो वसुभिरिष्कृतासः ।
अभूदु केतुरुषसः पुरस्तात्प्रतीच्यागादधि हर्म्येभ्यः ॥
Samhita Transcription Accented
prá me pánthā devayā́nā adṛśrannámardhanto vásubhiríṣkṛtāsaḥ ǀ
ábhūdu ketúruṣásaḥ purástātpratīcyā́gādádhi harmyébhyaḥ ǁ
Samhita Transcription Nonaccented
pra me panthā devayānā adṛśrannamardhanto vasubhiriṣkṛtāsaḥ ǀ
abhūdu keturuṣasaḥ purastātpratīcyāgādadhi harmyebhyaḥ ǁ
Padapatha Devanagari Accented
प्र । मे॒ । पन्थाः॑ । दे॒व॒ऽयानाः॑ । अ॒दृ॒श्र॒न् । अम॑र्धन्तः । वसु॑ऽभिः । इष्कृ॑तासः ।
अभू॑त् । ऊं॒ इति॑ । के॒तुः । उ॒षसः॑ । पु॒रस्ता॑त् । प्र॒ती॒ची । आ । अ॒गा॒त् । अधि॑ । ह॒र्म्येभ्यः॑ ॥
Padapatha Devanagari Nonaccented
प्र । मे । पन्थाः । देवऽयानाः । अदृश्रन् । अमर्धन्तः । वसुऽभिः । इष्कृतासः ।
अभूत् । ऊं इति । केतुः । उषसः । पुरस्तात् । प्रतीची । आ । अगात् । अधि । हर्म्येभ्यः ॥
Padapatha Transcription Accented
prá ǀ me ǀ pánthāḥ ǀ deva-yā́nāḥ ǀ adṛśran ǀ ámardhantaḥ ǀ vásu-bhiḥ ǀ íṣkṛtāsaḥ ǀ
ábhūt ǀ ūṃ íti ǀ ketúḥ ǀ uṣásaḥ ǀ purástāt ǀ pratīcī́ ǀ ā́ ǀ agāt ǀ ádhi ǀ harmyébhyaḥ ǁ
Padapatha Transcription Nonaccented
pra ǀ me ǀ panthāḥ ǀ deva-yānāḥ ǀ adṛśran ǀ amardhantaḥ ǀ vasu-bhiḥ ǀ iṣkṛtāsaḥ ǀ
abhūt ǀ ūṃ iti ǀ ketuḥ ǀ uṣasaḥ ǀ purastāt ǀ pratīcī ǀ ā ǀ agāt ǀ adhi ǀ harmyebhyaḥ ǁ
07.076.03 (Mandala. Sukta. Rik)
5.5.23.03 (Ashtaka. Adhyaya. Varga. Rik)
07.05.033 (Mandala. Anuvāka. Rik)
Samhita Devanagari Accented
तानीदहा॑नि बहु॒लान्या॑स॒न्या प्रा॒चीन॒मुदि॑ता॒ सूर्य॑स्य ।
यतः॒ परि॑ जा॒र इ॑वा॒चरं॒त्युषो॑ ददृ॒क्षे न पुन॑र्य॒तीव॑ ॥
Samhita Devanagari Nonaccented
तानीदहानि बहुलान्यासन्या प्राचीनमुदिता सूर्यस्य ।
यतः परि जार इवाचरंत्युषो ददृक्षे न पुनर्यतीव ॥
Samhita Transcription Accented
tā́nī́dáhāni bahulā́nyāsanyā́ prācī́namúditā sū́ryasya ǀ
yátaḥ pári jārá ivācárantyúṣo dadṛkṣé ná púnaryatī́va ǁ
Samhita Transcription Nonaccented
tānīdahāni bahulānyāsanyā prācīnamuditā sūryasya ǀ
yataḥ pari jāra ivācarantyuṣo dadṛkṣe na punaryatīva ǁ
Padapatha Devanagari Accented
तानि॑ । इत् । अहा॑नि । ब॒हु॒लानि॑ । आ॒स॒न् । या । प्रा॒चीन॑म् । उत्ऽइ॑ता । सूर्य॑स्य ।
यतः॑ । परि॑ । जा॒रःऽइ॑व । आ॒ऽचर॑न्ती । उषः॑ । द॒दृ॒क्षे । न । पुनः॑ । य॒तीऽइ॑व ॥
Padapatha Devanagari Nonaccented
तानि । इत् । अहानि । बहुलानि । आसन् । या । प्राचीनम् । उत्ऽइता । सूर्यस्य ।
यतः । परि । जारःऽइव । आऽचरन्ती । उषः । ददृक्षे । न । पुनः । यतीऽइव ॥
Padapatha Transcription Accented
tā́ni ǀ ít ǀ áhāni ǀ bahulā́ni ǀ āsan ǀ yā́ ǀ prācī́nam ǀ út-itā ǀ sū́ryasya ǀ
yátaḥ ǀ pári ǀ jāráḥ-iva ǀ ā-cárantī ǀ úṣaḥ ǀ dadṛkṣé ǀ ná ǀ púnaḥ ǀ yatī́-iva ǁ
Padapatha Transcription Nonaccented
tāni ǀ it ǀ ahāni ǀ bahulāni ǀ āsan ǀ yā ǀ prācīnam ǀ ut-itā ǀ sūryasya ǀ
yataḥ ǀ pari ǀ jāraḥ-iva ǀ ā-carantī ǀ uṣaḥ ǀ dadṛkṣe ǀ na ǀ punaḥ ǀ yatī-iva ǁ
07.076.04 (Mandala. Sukta. Rik)
5.5.23.04 (Ashtaka. Adhyaya. Varga. Rik)
07.05.034 (Mandala. Anuvāka. Rik)
Samhita Devanagari Accented
त इद्दे॒वानां॑ सध॒माद॑ आसन्नृ॒तावा॑नः क॒वयः॑ पू॒र्व्यासः॑ ।
गू॒ळ्हं ज्योतिः॑ पि॒तरो॒ अन्व॑विंदन्त्स॒त्यमं॑त्रा अजनयन्नु॒षासं॑ ॥
Samhita Devanagari Nonaccented
त इद्देवानां सधमाद आसन्नृतावानः कवयः पूर्व्यासः ।
गूळ्हं ज्योतिः पितरो अन्वविंदन्त्सत्यमंत्रा अजनयन्नुषासं ॥
Samhita Transcription Accented
tá íddevā́nām sadhamā́da āsannṛtā́vānaḥ kaváyaḥ pūrvyā́saḥ ǀ
gūḷhám jyótiḥ pitáro ánvavindantsatyámantrā ajanayannuṣā́sam ǁ
Samhita Transcription Nonaccented
ta iddevānām sadhamāda āsannṛtāvānaḥ kavayaḥ pūrvyāsaḥ ǀ
gūḷham jyotiḥ pitaro anvavindantsatyamantrā ajanayannuṣāsam ǁ
Padapatha Devanagari Accented
ते । इत् । दे॒वाना॑म् । स॒ध॒ऽमादः॑ । आ॒स॒न् । ऋ॒तऽवा॑नः । क॒वयः॑ । पू॒र्व्यासः॑ ।
गू॒ळ्हम् । ज्योतिः॑ । पि॒तरः॑ । अनु॑ । अ॒वि॒न्द॒न् । स॒त्यऽम॑न्त्राः । अ॒ज॒न॒य॒न् । उ॒षस॑म् ॥
Padapatha Devanagari Nonaccented
ते । इत् । देवानाम् । सधऽमादः । आसन् । ऋतऽवानः । कवयः । पूर्व्यासः ।
गूळ्हम् । ज्योतिः । पितरः । अनु । अविन्दन् । सत्यऽमन्त्राः । अजनयन् । उषसम् ॥
Padapatha Transcription Accented
té ǀ ít ǀ devā́nām ǀ sadha-mā́daḥ ǀ āsan ǀ ṛtá-vānaḥ ǀ kaváyaḥ ǀ pūrvyā́saḥ ǀ
gūḷhám ǀ jyótiḥ ǀ pitáraḥ ǀ ánu ǀ avindan ǀ satyá-mantrāḥ ǀ ajanayan ǀ uṣásam ǁ
Padapatha Transcription Nonaccented
te ǀ it ǀ devānām ǀ sadha-mādaḥ ǀ āsan ǀ ṛta-vānaḥ ǀ kavayaḥ ǀ pūrvyāsaḥ ǀ
gūḷham ǀ jyotiḥ ǀ pitaraḥ ǀ anu ǀ avindan ǀ satya-mantrāḥ ǀ ajanayan ǀ uṣasam ǁ
07.076.05 (Mandala. Sukta. Rik)
5.5.23.05 (Ashtaka. Adhyaya. Varga. Rik)
07.05.035 (Mandala. Anuvāka. Rik)
Samhita Devanagari Accented
स॒मा॒न ऊ॒र्वे अधि॒ संग॑तासः॒ सं जा॑नते॒ न य॑तंते मि॒थस्ते ।
ते दे॒वानां॒ न मि॑नंति व्र॒तान्यम॑र्धंतो॒ वसु॑भि॒र्याद॑मानाः ॥
Samhita Devanagari Nonaccented
समान ऊर्वे अधि संगतासः सं जानते न यतंते मिथस्ते ।
ते देवानां न मिनंति व्रतान्यमर्धंतो वसुभिर्यादमानाः ॥
Samhita Transcription Accented
samāná ūrvé ádhi sáṃgatāsaḥ sám jānate ná yatante mithásté ǀ
té devā́nām ná minanti vratā́nyámardhanto vásubhiryā́damānāḥ ǁ
Samhita Transcription Nonaccented
samāna ūrve adhi saṃgatāsaḥ sam jānate na yatante mithaste ǀ
te devānām na minanti vratānyamardhanto vasubhiryādamānāḥ ǁ
Padapatha Devanagari Accented
स॒मा॒ने । ऊ॒र्वे । अधि॑ । सम्ऽग॑तासः । सम् । जा॒न॒ते॒ । न । य॒त॒न्ते॒ । मि॒थः । ते ।
ते । दे॒वाना॑म् । न । मि॒न॒न्ति॒ । व्र॒तानि॑ । अम॑र्धन्तः । वसु॑ऽभिः । याद॑मानाः ॥
Padapatha Devanagari Nonaccented
समाने । ऊर्वे । अधि । सम्ऽगतासः । सम् । जानते । न । यतन्ते । मिथः । ते ।
ते । देवानाम् । न । मिनन्ति । व्रतानि । अमर्धन्तः । वसुऽभिः । यादमानाः ॥
Padapatha Transcription Accented
samāné ǀ ūrvé ǀ ádhi ǀ sám-gatāsaḥ ǀ sám ǀ jānate ǀ ná ǀ yatante ǀ mitháḥ ǀ té ǀ
té ǀ devā́nām ǀ ná ǀ minanti ǀ vratā́ni ǀ ámardhantaḥ ǀ vásu-bhiḥ ǀ yā́damānāḥ ǁ
Padapatha Transcription Nonaccented
samāne ǀ ūrve ǀ adhi ǀ sam-gatāsaḥ ǀ sam ǀ jānate ǀ na ǀ yatante ǀ mithaḥ ǀ te ǀ
te ǀ devānām ǀ na ǀ minanti ǀ vratāni ǀ amardhantaḥ ǀ vasu-bhiḥ ǀ yādamānāḥ ǁ
07.076.06 (Mandala. Sukta. Rik)
5.5.23.06 (Ashtaka. Adhyaya. Varga. Rik)
07.05.036 (Mandala. Anuvāka. Rik)
Samhita Devanagari Accented
प्रति॑ त्वा॒ स्तोमै॑रीळते॒ वसि॑ष्ठा उष॒र्बुधः॑ सुभगे तुष्टु॒वांसः॑ ।
गवां॑ ने॒त्री वाज॑पत्नी न उ॒च्छोषः॑ सुजाते प्रथ॒मा ज॑रस्व ॥
Samhita Devanagari Nonaccented
प्रति त्वा स्तोमैरीळते वसिष्ठा उषर्बुधः सुभगे तुष्टुवांसः ।
गवां नेत्री वाजपत्नी न उच्छोषः सुजाते प्रथमा जरस्व ॥
Samhita Transcription Accented
práti tvā stómairīḷate vásiṣṭhā uṣarbúdhaḥ subhage tuṣṭuvā́ṃsaḥ ǀ
gávām netrī́ vā́japatnī na ucchóṣaḥ sujāte prathamā́ jarasva ǁ
Samhita Transcription Nonaccented
prati tvā stomairīḷate vasiṣṭhā uṣarbudhaḥ subhage tuṣṭuvāṃsaḥ ǀ
gavām netrī vājapatnī na ucchoṣaḥ sujāte prathamā jarasva ǁ
Padapatha Devanagari Accented
प्रति॑ । त्वा॒ । स्तोमैः॑ । ई॒ळ॒ते॒ । वसि॑ष्ठाः । उ॒षः॒ऽबुधः॑ । सु॒ऽभ॒गे॒ । तु॒स्तु॒ऽवांसः॑ ।
गवा॑म् । ने॒त्री । वाज॑ऽपत्नी । नः॒ । उ॒च्छ॒ । उषः॑ । सु॒ऽजा॒ते॒ । प्र॒थ॒मा । ज॒र॒स्व॒ ॥
Padapatha Devanagari Nonaccented
प्रति । त्वा । स्तोमैः । ईळते । वसिष्ठाः । उषःऽबुधः । सुऽभगे । तुस्तुऽवांसः ।
गवाम् । नेत्री । वाजऽपत्नी । नः । उच्छ । उषः । सुऽजाते । प्रथमा । जरस्व ॥
Padapatha Transcription Accented
práti ǀ tvā ǀ stómaiḥ ǀ īḷate ǀ vásiṣṭhāḥ ǀ uṣaḥ-búdhaḥ ǀ su-bhage ǀ tustu-vā́ṃsaḥ ǀ
gávām ǀ netrī́ ǀ vā́ja-patnī ǀ naḥ ǀ uccha ǀ úṣaḥ ǀ su-jāte ǀ prathamā́ ǀ jarasva ǁ
Padapatha Transcription Nonaccented
prati ǀ tvā ǀ stomaiḥ ǀ īḷate ǀ vasiṣṭhāḥ ǀ uṣaḥ-budhaḥ ǀ su-bhage ǀ tustu-vāṃsaḥ ǀ
gavām ǀ netrī ǀ vāja-patnī ǀ naḥ ǀ uccha ǀ uṣaḥ ǀ su-jāte ǀ prathamā ǀ jarasva ǁ
07.076.07 (Mandala. Sukta. Rik)
5.5.23.07 (Ashtaka. Adhyaya. Varga. Rik)
07.05.037 (Mandala. Anuvāka. Rik)
Samhita Devanagari Accented
ए॒षा ने॒त्री राध॑सः सू॒नृता॑नामु॒षा उ॒च्छंती॑ रिभ्यते॒ वसि॑ष्ठैः ।
दी॒र्घ॒श्रुतं॑ र॒यिम॒स्मे दधा॑ना यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
एषा नेत्री राधसः सूनृतानामुषा उच्छंती रिभ्यते वसिष्ठैः ।
दीर्घश्रुतं रयिमस्मे दधाना यूयं पात स्वस्तिभिः सदा नः ॥
Samhita Transcription Accented
eṣā́ netrī́ rā́dhasaḥ sūnṛ́tānāmuṣā́ ucchántī ribhyate vásiṣṭhaiḥ ǀ
dīrghaśrútam rayímasmé dádhānā yūyám pāta svastíbhiḥ sádā naḥ ǁ
Samhita Transcription Nonaccented
eṣā netrī rādhasaḥ sūnṛtānāmuṣā ucchantī ribhyate vasiṣṭhaiḥ ǀ
dīrghaśrutam rayimasme dadhānā yūyam pāta svastibhiḥ sadā naḥ ǁ
Padapatha Devanagari Accented
ए॒षा । ने॒त्री । राध॑सः । सू॒नृता॑नाम् । उ॒षाः । उ॒च्छन्ती॑ । रि॒भ्य॒ते॒ । वसि॑ष्ठैः ।
दी॒र्घ॒ऽश्रुत॑म् । र॒यिम् । अ॒स्मे इति॑ । दधा॑ना । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
एषा । नेत्री । राधसः । सूनृतानाम् । उषाः । उच्छन्ती । रिभ्यते । वसिष्ठैः ।
दीर्घऽश्रुतम् । रयिम् । अस्मे इति । दधाना । यूयम् । पात । स्वस्तिऽभिः । सदा । नः ॥
Padapatha Transcription Accented
eṣā́ ǀ netrī́ ǀ rā́dhasaḥ ǀ sūnṛ́tānām ǀ uṣā́ḥ ǀ ucchántī ǀ ribhyate ǀ vásiṣṭhaiḥ ǀ
dīrgha-śrútam ǀ rayím ǀ asmé íti ǀ dádhānā ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
eṣā ǀ netrī ǀ rādhasaḥ ǀ sūnṛtānām ǀ uṣāḥ ǀ ucchantī ǀ ribhyate ǀ vasiṣṭhaiḥ ǀ
dīrgha-śrutam ǀ rayim ǀ asme iti ǀ dadhānā ǀ yūyam ǀ pāta ǀ svasti-bhiḥ ǀ sadā ǀ naḥ ǁ