|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 77
|
1. Info |
| To: | uṣas | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (2-5); triṣṭup (1); virāṭtrisṭup (6) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.077.01 (Mandala. Sukta. Rik)
5.5.24.01 (Ashtaka. Adhyaya. Varga. Rik)
07.05.038 (Mandala. Anuvāka. Rik)
Samhita Devanagari Accented
उपो॑ रुरुचे युव॒तिर्न योषा॒ विश्वं॑ जी॒वं प्र॑सु॒वंती॑ च॒रायै॑ ।
अभू॑द॒ग्निः स॒मिधे॒ मानु॑षाणा॒मक॒र्ज्योति॒र्बाध॑माना॒ तमां॑सि ॥
Samhita Devanagari Nonaccented
उपो रुरुचे युवतिर्न योषा विश्वं जीवं प्रसुवंती चरायै ।
अभूदग्निः समिधे मानुषाणामकर्ज्योतिर्बाधमाना तमांसि ॥
Samhita Transcription Accented
úpo ruruce yuvatírná yóṣā víśvam jīvám prasuvántī carā́yai ǀ
ábhūdagníḥ samídhe mā́nuṣāṇāmákarjyótirbā́dhamānā támāṃsi ǁ
Samhita Transcription Nonaccented
upo ruruce yuvatirna yoṣā viśvam jīvam prasuvantī carāyai ǀ
abhūdagniḥ samidhe mānuṣāṇāmakarjyotirbādhamānā tamāṃsi ǁ
Padapatha Devanagari Accented
उपो॒ इति॑ । रु॒रु॒चे॒ । यु॒व॒तिः । न । योषा॑ । विश्व॑म् । जी॒वम् । प्र॒ऽसु॒वन्ती॑ । च॒रायै॑ ।
अभू॑त् । अ॒ग्निः । स॒म्ऽइधे॑ । मानु॑षाणाम् । अकः॑ । ज्योतिः॑ । बाध॑माना । तमां॑सि ॥
Padapatha Devanagari Nonaccented
उपो इति । रुरुचे । युवतिः । न । योषा । विश्वम् । जीवम् । प्रऽसुवन्ती । चरायै ।
अभूत् । अग्निः । सम्ऽइधे । मानुषाणाम् । अकः । ज्योतिः । बाधमाना । तमांसि ॥
Padapatha Transcription Accented
úpo íti ǀ ruruce ǀ yuvatíḥ ǀ ná ǀ yóṣā ǀ víśvam ǀ jīvám ǀ pra-suvántī ǀ carā́yai ǀ
ábhūt ǀ agníḥ ǀ sam-ídhe ǀ mā́nuṣāṇām ǀ ákaḥ ǀ jyótiḥ ǀ bā́dhamānā ǀ támāṃsi ǁ
Padapatha Transcription Nonaccented
upo iti ǀ ruruce ǀ yuvatiḥ ǀ na ǀ yoṣā ǀ viśvam ǀ jīvam ǀ pra-suvantī ǀ carāyai ǀ
abhūt ǀ agniḥ ǀ sam-idhe ǀ mānuṣāṇām ǀ akaḥ ǀ jyotiḥ ǀ bādhamānā ǀ tamāṃsi ǁ
07.077.02 (Mandala. Sukta. Rik)
5.5.24.02 (Ashtaka. Adhyaya. Varga. Rik)
07.05.039 (Mandala. Anuvāka. Rik)
Samhita Devanagari Accented
विश्वं॑ प्रती॒ची स॒प्रथा॒ उद॑स्था॒द्रुश॒द्वासो॒ बिभ्र॑ती शु॒क्रम॑श्वैत् ।
हिर॑ण्यवर्णा सु॒दृशी॑कसंदृ॒ग्गवां॑ मा॒ता ने॒त्र्यह्ना॑मरोचि ॥
Samhita Devanagari Nonaccented
विश्वं प्रतीची सप्रथा उदस्थाद्रुशद्वासो बिभ्रती शुक्रमश्वैत् ।
हिरण्यवर्णा सुदृशीकसंदृग्गवां माता नेत्र्यह्नामरोचि ॥
Samhita Transcription Accented
víśvam pratīcī́ sapráthā údasthādrúśadvā́so bíbhratī śukrámaśvait ǀ
híraṇyavarṇā sudṛ́śīkasaṃdṛggávām mātā́ netryáhnāmaroci ǁ
Samhita Transcription Nonaccented
viśvam pratīcī saprathā udasthādruśadvāso bibhratī śukramaśvait ǀ
hiraṇyavarṇā sudṛśīkasaṃdṛggavām mātā netryahnāmaroci ǁ
Padapatha Devanagari Accented
विश्व॑म् । प्र॒ती॒ची । स॒ऽप्रथाः॑ । उत् । अ॒स्था॒त् । रुश॑त् । वासः॑ । बिभ्र॑ती । शु॒क्रम् । अ॒श्वै॒त् ।
हिर॑ण्यऽवर्णा । सु॒दृशी॑कऽसन्दृक् । गवा॑म् । मा॒ता । ने॒त्री । अह्ना॑म् । अ॒रो॒चि॒ ॥
Padapatha Devanagari Nonaccented
विश्वम् । प्रतीची । सऽप्रथाः । उत् । अस्थात् । रुशत् । वासः । बिभ्रती । शुक्रम् । अश्वैत् ।
हिरण्यऽवर्णा । सुदृशीकऽसन्दृक् । गवाम् । माता । नेत्री । अह्नाम् । अरोचि ॥
Padapatha Transcription Accented
víśvam ǀ pratīcī́ ǀ sa-práthāḥ ǀ út ǀ asthāt ǀ rúśat ǀ vā́saḥ ǀ bíbhratī ǀ śukrám ǀ aśvait ǀ
híraṇya-varṇā ǀ sudṛ́śīka-sandṛk ǀ gávām ǀ mātā́ ǀ netrī́ ǀ áhnām ǀ aroci ǁ
Padapatha Transcription Nonaccented
viśvam ǀ pratīcī ǀ sa-prathāḥ ǀ ut ǀ asthāt ǀ ruśat ǀ vāsaḥ ǀ bibhratī ǀ śukram ǀ aśvait ǀ
hiraṇya-varṇā ǀ sudṛśīka-sandṛk ǀ gavām ǀ mātā ǀ netrī ǀ ahnām ǀ aroci ǁ
07.077.03 (Mandala. Sukta. Rik)
5.5.24.03 (Ashtaka. Adhyaya. Varga. Rik)
07.05.040 (Mandala. Anuvāka. Rik)
Samhita Devanagari Accented
दे॒वानां॒ चक्षुः॑ सु॒भगा॒ वहं॑ती श्वे॒तं नयं॑ती सु॒दृशी॑क॒मश्वं॑ ।
उ॒षा अ॑दर्शि र॒श्मिभि॒र्व्य॑क्ता चि॒त्राम॑घा॒ विश्व॒मनु॒ प्रभू॑ता ॥
Samhita Devanagari Nonaccented
देवानां चक्षुः सुभगा वहंती श्वेतं नयंती सुदृशीकमश्वं ।
उषा अदर्शि रश्मिभिर्व्यक्ता चित्रामघा विश्वमनु प्रभूता ॥
Samhita Transcription Accented
devā́nām cákṣuḥ subhágā váhantī śvetám náyantī sudṛ́śīkamáśvam ǀ
uṣā́ adarśi raśmíbhirvyáktā citrā́maghā víśvamánu prábhūtā ǁ
Samhita Transcription Nonaccented
devānām cakṣuḥ subhagā vahantī śvetam nayantī sudṛśīkamaśvam ǀ
uṣā adarśi raśmibhirvyaktā citrāmaghā viśvamanu prabhūtā ǁ
Padapatha Devanagari Accented
दे॒वाना॑म् । चक्षुः॑ । सु॒ऽभगा॑ । वह॑न्ती । श्वे॒तम् । नय॑न्ती । सु॒ऽदृशी॑कम् । अश्व॑म् ।
उ॒षाः । अ॒द॒र्शि॒ । र॒श्मिऽभिः॑ । विऽअ॑क्ता । चि॒त्रऽम॑घा । विश्व॑म् । अनु॑ । प्रऽभू॑ता ॥
Padapatha Devanagari Nonaccented
देवानाम् । चक्षुः । सुऽभगा । वहन्ती । श्वेतम् । नयन्ती । सुऽदृशीकम् । अश्वम् ।
उषाः । अदर्शि । रश्मिऽभिः । विऽअक्ता । चित्रऽमघा । विश्वम् । अनु । प्रऽभूता ॥
Padapatha Transcription Accented
devā́nām ǀ cákṣuḥ ǀ su-bhágā ǀ váhantī ǀ śvetám ǀ náyantī ǀ su-dṛ́śīkam ǀ áśvam ǀ
uṣā́ḥ ǀ adarśi ǀ raśmí-bhiḥ ǀ ví-aktā ǀ citrá-maghā ǀ víśvam ǀ ánu ǀ prá-bhūtā ǁ
Padapatha Transcription Nonaccented
devānām ǀ cakṣuḥ ǀ su-bhagā ǀ vahantī ǀ śvetam ǀ nayantī ǀ su-dṛśīkam ǀ aśvam ǀ
uṣāḥ ǀ adarśi ǀ raśmi-bhiḥ ǀ vi-aktā ǀ citra-maghā ǀ viśvam ǀ anu ǀ pra-bhūtā ǁ
07.077.04 (Mandala. Sukta. Rik)
5.5.24.04 (Ashtaka. Adhyaya. Varga. Rik)
07.05.041 (Mandala. Anuvāka. Rik)
Samhita Devanagari Accented
अंति॑वामा दू॒रे अ॒मित्र॑मुच्छो॒र्वीं गव्यू॑ति॒मभ॑यं कृधी नः ।
या॒वय॒ द्वेष॒ आ भ॑रा॒ वसू॑नि चो॒दय॒ राधो॑ गृण॒ते म॑घोनि ॥
Samhita Devanagari Nonaccented
अंतिवामा दूरे अमित्रमुच्छोर्वीं गव्यूतिमभयं कृधी नः ।
यावय द्वेष आ भरा वसूनि चोदय राधो गृणते मघोनि ॥
Samhita Transcription Accented
ántivāmā dūré amítramucchorvī́m gávyūtimábhayam kṛdhī naḥ ǀ
yāváya dvéṣa ā́ bharā vásūni codáya rā́dho gṛṇaté maghoni ǁ
Samhita Transcription Nonaccented
antivāmā dūre amitramucchorvīm gavyūtimabhayam kṛdhī naḥ ǀ
yāvaya dveṣa ā bharā vasūni codaya rādho gṛṇate maghoni ǁ
Padapatha Devanagari Accented
अन्ति॑ऽवामा । दू॒रे । अ॒मित्र॑म् । उ॒च्छ॒ । उ॒र्वीम् । गव्यू॑तिम् । अभ॑यम् । कृ॒धि॒ । नः॒ ।
य॒वय॑ । द्वेषः॑ । आ । भ॒र॒ । वसू॑नि । चो॒दय॑ । राधः॑ । गृ॒ण॒ते । म॒घो॒नि॒ ॥
Padapatha Devanagari Nonaccented
अन्तिऽवामा । दूरे । अमित्रम् । उच्छ । उर्वीम् । गव्यूतिम् । अभयम् । कृधि । नः ।
यवय । द्वेषः । आ । भर । वसूनि । चोदय । राधः । गृणते । मघोनि ॥
Padapatha Transcription Accented
ánti-vāmā ǀ dūré ǀ amítram ǀ uccha ǀ urvī́m ǀ gávyūtim ǀ ábhayam ǀ kṛdhi ǀ naḥ ǀ
yaváya ǀ dvéṣaḥ ǀ ā́ ǀ bhara ǀ vásūni ǀ codáya ǀ rā́dhaḥ ǀ gṛṇaté ǀ maghoni ǁ
Padapatha Transcription Nonaccented
anti-vāmā ǀ dūre ǀ amitram ǀ uccha ǀ urvīm ǀ gavyūtim ǀ abhayam ǀ kṛdhi ǀ naḥ ǀ
yavaya ǀ dveṣaḥ ǀ ā ǀ bhara ǀ vasūni ǀ codaya ǀ rādhaḥ ǀ gṛṇate ǀ maghoni ǁ
07.077.05 (Mandala. Sukta. Rik)
5.5.24.05 (Ashtaka. Adhyaya. Varga. Rik)
07.05.042 (Mandala. Anuvāka. Rik)
Samhita Devanagari Accented
अ॒स्मे श्रेष्ठे॑भिर्भा॒नुभि॒र्वि भा॒ह्युषो॑ देवि प्रति॒रंती॑ न॒ आयुः॑ ।
इषं॑ च नो॒ दध॑ती विश्ववारे॒ गोम॒दश्वा॑व॒द्रथ॑वच्च॒ राधः॑ ॥
Samhita Devanagari Nonaccented
अस्मे श्रेष्ठेभिर्भानुभिर्वि भाह्युषो देवि प्रतिरंती न आयुः ।
इषं च नो दधती विश्ववारे गोमदश्वावद्रथवच्च राधः ॥
Samhita Transcription Accented
asmé śréṣṭhebhirbhānúbhirví bhāhyúṣo devi pratirántī na ā́yuḥ ǀ
íṣam ca no dádhatī viśvavāre gómadáśvāvadráthavacca rā́dhaḥ ǁ
Samhita Transcription Nonaccented
asme śreṣṭhebhirbhānubhirvi bhāhyuṣo devi pratirantī na āyuḥ ǀ
iṣam ca no dadhatī viśvavāre gomadaśvāvadrathavacca rādhaḥ ǁ
Padapatha Devanagari Accented
अ॒स्मे इति॑ । श्रेष्ठे॑भिः । भा॒नुऽभिः॑ । वि । भा॒हि॒ । उषः॑ । दे॒वि॒ । प्र॒ऽति॒रन्ती॑ । नः॒ । आयुः॑ ।
इष॑म् । च॒ । नः॒ । दध॑ती । वि॒श्व॒ऽवा॒रे॒ । गोऽम॑त् । अश्व॑ऽवत् । रथ॑ऽवत् । च॒ । राधः॑ ॥
Padapatha Devanagari Nonaccented
अस्मे इति । श्रेष्ठेभिः । भानुऽभिः । वि । भाहि । उषः । देवि । प्रऽतिरन्ती । नः । आयुः ।
इषम् । च । नः । दधती । विश्वऽवारे । गोऽमत् । अश्वऽवत् । रथऽवत् । च । राधः ॥
Padapatha Transcription Accented
asmé íti ǀ śréṣṭhebhiḥ ǀ bhānú-bhiḥ ǀ ví ǀ bhāhi ǀ úṣaḥ ǀ devi ǀ pra-tirántī ǀ naḥ ǀ ā́yuḥ ǀ
íṣam ǀ ca ǀ naḥ ǀ dádhatī ǀ viśva-vāre ǀ gó-mat ǀ áśva-vat ǀ rátha-vat ǀ ca ǀ rā́dhaḥ ǁ
Padapatha Transcription Nonaccented
asme iti ǀ śreṣṭhebhiḥ ǀ bhānu-bhiḥ ǀ vi ǀ bhāhi ǀ uṣaḥ ǀ devi ǀ pra-tirantī ǀ naḥ ǀ āyuḥ ǀ
iṣam ǀ ca ǀ naḥ ǀ dadhatī ǀ viśva-vāre ǀ go-mat ǀ aśva-vat ǀ ratha-vat ǀ ca ǀ rādhaḥ ǁ
07.077.06 (Mandala. Sukta. Rik)
5.5.24.06 (Ashtaka. Adhyaya. Varga. Rik)
07.05.043 (Mandala. Anuvāka. Rik)
Samhita Devanagari Accented
यां त्वा॑ दिवो दुहितर्व॒र्धयं॒त्युषः॑ सुजाते म॒तिभि॒र्वसि॑ष्ठाः ।
सास्मासु॑ धा र॒यिमृ॒ष्वं बृ॒हंतं॑ यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
यां त्वा दिवो दुहितर्वर्धयंत्युषः सुजाते मतिभिर्वसिष्ठाः ।
सास्मासु धा रयिमृष्वं बृहंतं यूयं पात स्वस्तिभिः सदा नः ॥
Samhita Transcription Accented
yā́m tvā divo duhitarvardháyantyúṣaḥ sujāte matíbhirvásiṣṭhāḥ ǀ
sā́smā́su dhā rayímṛṣvám bṛhántam yūyám pāta svastíbhiḥ sádā naḥ ǁ
Samhita Transcription Nonaccented
yām tvā divo duhitarvardhayantyuṣaḥ sujāte matibhirvasiṣṭhāḥ ǀ
sāsmāsu dhā rayimṛṣvam bṛhantam yūyam pāta svastibhiḥ sadā naḥ ǁ
Padapatha Devanagari Accented
यान् । त्वा॒ । दि॒वः॒ । दु॒हि॒तः॒ । व॒र्धय॑न्ति । उषः॑ । सु॒ऽजा॒ते॒ । म॒तिऽभिः॑ । वसि॑ष्ठाः ।
सा । अ॒स्मासु॑ । धाः॒ । र॒यिम् । ऋ॒ष्वम् । बृ॒हन्त॑म् । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
यान् । त्वा । दिवः । दुहितः । वर्धयन्ति । उषः । सुऽजाते । मतिऽभिः । वसिष्ठाः ।
सा । अस्मासु । धाः । रयिम् । ऋष्वम् । बृहन्तम् । यूयम् । पात । स्वस्तिऽभिः । सदा । नः ॥
Padapatha Transcription Accented
yā́n ǀ tvā ǀ divaḥ ǀ duhitaḥ ǀ vardháyanti ǀ úṣaḥ ǀ su-jāte ǀ matí-bhiḥ ǀ vásiṣṭhāḥ ǀ
sā́ ǀ asmā́su ǀ dhāḥ ǀ rayím ǀ ṛṣvám ǀ bṛhántam ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
yān ǀ tvā ǀ divaḥ ǀ duhitaḥ ǀ vardhayanti ǀ uṣaḥ ǀ su-jāte ǀ mati-bhiḥ ǀ vasiṣṭhāḥ ǀ
sā ǀ asmāsu ǀ dhāḥ ǀ rayim ǀ ṛṣvam ǀ bṛhantam ǀ yūyam ǀ pāta ǀ svasti-bhiḥ ǀ sadā ǀ naḥ ǁ