|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 78
|
1. Info |
| To: | uṣas | |
| From: | vasiṣṭha maitrāvaruṇi | |
| Metres: | 1st set of styles: triṣṭup (1, 2); nicṛttriṣṭup (3, 4); virāṭtrisṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.078.01 (Mandala. Sukta. Rik)
5.5.25.01 (Ashtaka. Adhyaya. Varga. Rik)
07.05.044 (Mandala. Anuvāka. Rik)
Samhita Devanagari Accented
प्रति॑ के॒तवः॑ प्रथ॒मा अ॑दृश्रन्नू॒र्ध्वा अ॑स्या अं॒जयो॒ वि श्र॑यंते ।
उषो॑ अ॒र्वाचा॑ बृह॒ता रथे॑न॒ ज्योति॑ष्मता वा॒मम॒स्मभ्यं॑ वक्षि ॥
Samhita Devanagari Nonaccented
प्रति केतवः प्रथमा अदृश्रन्नूर्ध्वा अस्या अंजयो वि श्रयंते ।
उषो अर्वाचा बृहता रथेन ज्योतिष्मता वाममस्मभ्यं वक्षि ॥
Samhita Transcription Accented
práti ketávaḥ prathamā́ adṛśrannūrdhvā́ asyā añjáyo ví śrayante ǀ
úṣo arvā́cā bṛhatā́ ráthena jyótiṣmatā vāmámasmábhyam vakṣi ǁ
Samhita Transcription Nonaccented
prati ketavaḥ prathamā adṛśrannūrdhvā asyā añjayo vi śrayante ǀ
uṣo arvācā bṛhatā rathena jyotiṣmatā vāmamasmabhyam vakṣi ǁ
Padapatha Devanagari Accented
प्रति॑ । के॒तवः॑ । प्र॒थ॒माः । अ॒दृ॒श्र॒न् । ऊ॒र्ध्वाः । अ॒स्याः॒ । अ॒ञ्जयः॑ । वि । श्र॒य॒न्ते॒ ।
उषः॑ । अ॒र्वाचा॑ । बृ॒ह॒ता । रथे॑न । ज्योति॑ष्मता । वा॒मम् । अ॒स्मभ्य॑म् । व॒क्षि॒ ॥
Padapatha Devanagari Nonaccented
प्रति । केतवः । प्रथमाः । अदृश्रन् । ऊर्ध्वाः । अस्याः । अञ्जयः । वि । श्रयन्ते ।
उषः । अर्वाचा । बृहता । रथेन । ज्योतिष्मता । वामम् । अस्मभ्यम् । वक्षि ॥
Padapatha Transcription Accented
práti ǀ ketávaḥ ǀ prathamā́ḥ ǀ adṛśran ǀ ūrdhvā́ḥ ǀ asyāḥ ǀ añjáyaḥ ǀ ví ǀ śrayante ǀ
úṣaḥ ǀ arvā́cā ǀ bṛhatā́ ǀ ráthena ǀ jyótiṣmatā ǀ vāmám ǀ asmábhyam ǀ vakṣi ǁ
Padapatha Transcription Nonaccented
prati ǀ ketavaḥ ǀ prathamāḥ ǀ adṛśran ǀ ūrdhvāḥ ǀ asyāḥ ǀ añjayaḥ ǀ vi ǀ śrayante ǀ
uṣaḥ ǀ arvācā ǀ bṛhatā ǀ rathena ǀ jyotiṣmatā ǀ vāmam ǀ asmabhyam ǀ vakṣi ǁ
07.078.02 (Mandala. Sukta. Rik)
5.5.25.02 (Ashtaka. Adhyaya. Varga. Rik)
07.05.045 (Mandala. Anuvāka. Rik)
Samhita Devanagari Accented
प्रति॑ षीम॒ग्निर्ज॑रते॒ समि॑द्धः॒ प्रति॒ विप्रा॑सो म॒तिभि॑र्गृ॒णंतः॑ ।
उ॒षा या॑ति॒ ज्योति॑षा॒ बाध॑माना॒ विश्वा॒ तमां॑सि दुरि॒ताप॑ दे॒वी ॥
Samhita Devanagari Nonaccented
प्रति षीमग्निर्जरते समिद्धः प्रति विप्रासो मतिभिर्गृणंतः ।
उषा याति ज्योतिषा बाधमाना विश्वा तमांसि दुरिताप देवी ॥
Samhita Transcription Accented
práti ṣīmagnírjarate sámiddhaḥ práti víprāso matíbhirgṛṇántaḥ ǀ
uṣā́ yāti jyótiṣā bā́dhamānā víśvā támāṃsi duritā́pa devī́ ǁ
Samhita Transcription Nonaccented
prati ṣīmagnirjarate samiddhaḥ prati viprāso matibhirgṛṇantaḥ ǀ
uṣā yāti jyotiṣā bādhamānā viśvā tamāṃsi duritāpa devī ǁ
Padapatha Devanagari Accented
प्रति॑ । सी॒म् । अ॒ग्निः । ज॒र॒ते॒ । सम्ऽइ॑द्धः । प्रति॑ । विप्रा॑सः । म॒तिऽभिः॑ । गृ॒णन्तः॑ ।
उ॒षाः । या॒ति॒ । ज्योति॑षा । बाध॑माना । विश्वा॑ । तमां॑सि । दुः॒ऽइ॒ता । अप॑ । दे॒वी ॥
Padapatha Devanagari Nonaccented
प्रति । सीम् । अग्निः । जरते । सम्ऽइद्धः । प्रति । विप्रासः । मतिऽभिः । गृणन्तः ।
उषाः । याति । ज्योतिषा । बाधमाना । विश्वा । तमांसि । दुःऽइता । अप । देवी ॥
Padapatha Transcription Accented
práti ǀ sīm ǀ agníḥ ǀ jarate ǀ sám-iddhaḥ ǀ práti ǀ víprāsaḥ ǀ matí-bhiḥ ǀ gṛṇántaḥ ǀ
uṣā́ḥ ǀ yāti ǀ jyótiṣā ǀ bā́dhamānā ǀ víśvā ǀ támāṃsi ǀ duḥ-itā́ ǀ ápa ǀ devī́ ǁ
Padapatha Transcription Nonaccented
prati ǀ sīm ǀ agniḥ ǀ jarate ǀ sam-iddhaḥ ǀ prati ǀ viprāsaḥ ǀ mati-bhiḥ ǀ gṛṇantaḥ ǀ
uṣāḥ ǀ yāti ǀ jyotiṣā ǀ bādhamānā ǀ viśvā ǀ tamāṃsi ǀ duḥ-itā ǀ apa ǀ devī ǁ
07.078.03 (Mandala. Sukta. Rik)
5.5.25.03 (Ashtaka. Adhyaya. Varga. Rik)
07.05.046 (Mandala. Anuvāka. Rik)
Samhita Devanagari Accented
ए॒ता उ॒ त्याः प्रत्य॑दृश्रन्पु॒रस्ता॒ज्ज्योति॒र्यच्छं॑तीरु॒षसो॑ विभा॒तीः ।
अजी॑जन॒न्त्सूर्यं॑ य॒ज्ञम॒ग्निम॑पा॒चीनं॒ तमो॑ अगा॒दजु॑ष्टं ॥
Samhita Devanagari Nonaccented
एता उ त्याः प्रत्यदृश्रन्पुरस्ताज्ज्योतिर्यच्छंतीरुषसो विभातीः ।
अजीजनन्त्सूर्यं यज्ञमग्निमपाचीनं तमो अगादजुष्टं ॥
Samhita Transcription Accented
etā́ u tyā́ḥ prátyadṛśranpurástājjyótiryácchantīruṣáso vibhātī́ḥ ǀ
ájījanantsū́ryam yajñámagnímapācī́nam támo agādájuṣṭam ǁ
Samhita Transcription Nonaccented
etā u tyāḥ pratyadṛśranpurastājjyotiryacchantīruṣaso vibhātīḥ ǀ
ajījanantsūryam yajñamagnimapācīnam tamo agādajuṣṭam ǁ
Padapatha Devanagari Accented
ए॒ताः । ऊं॒ इति॑ । त्याः । प्रति॑ । अ॒दृ॒श्र॒न् । पु॒रस्ता॑त् । ज्योतिः॑ । यच्छ॑न्तीः । उ॒षसः॑ । वि॒ऽभा॒तीः ।
अजी॑जनन् । सूर्य॑म् । य॒ज्ञम् । अ॒ग्निम् । अ॒पा॒चीन॑म् । तमः॑ । अ॒गा॒त् । अजु॑ष्टम् ॥
Padapatha Devanagari Nonaccented
एताः । ऊं इति । त्याः । प्रति । अदृश्रन् । पुरस्तात् । ज्योतिः । यच्छन्तीः । उषसः । विऽभातीः ।
अजीजनन् । सूर्यम् । यज्ञम् । अग्निम् । अपाचीनम् । तमः । अगात् । अजुष्टम् ॥
Padapatha Transcription Accented
etā́ḥ ǀ ūṃ íti ǀ tyā́ḥ ǀ práti ǀ adṛśran ǀ purástāt ǀ jyótiḥ ǀ yácchantīḥ ǀ uṣásaḥ ǀ vi-bhātī́ḥ ǀ
ájījanan ǀ sū́ryam ǀ yajñám ǀ agním ǀ apācī́nam ǀ támaḥ ǀ agāt ǀ ájuṣṭam ǁ
Padapatha Transcription Nonaccented
etāḥ ǀ ūṃ iti ǀ tyāḥ ǀ prati ǀ adṛśran ǀ purastāt ǀ jyotiḥ ǀ yacchantīḥ ǀ uṣasaḥ ǀ vi-bhātīḥ ǀ
ajījanan ǀ sūryam ǀ yajñam ǀ agnim ǀ apācīnam ǀ tamaḥ ǀ agāt ǀ ajuṣṭam ǁ
07.078.04 (Mandala. Sukta. Rik)
5.5.25.04 (Ashtaka. Adhyaya. Varga. Rik)
07.05.047 (Mandala. Anuvāka. Rik)
Samhita Devanagari Accented
अचे॑ति दि॒वो दु॑हि॒ता म॒घोनी॒ विश्वे॑ पश्यंत्यु॒षसं॑ विभा॒तीं ।
आस्था॒द्रथं॑ स्व॒धया॑ यु॒ज्यमा॑न॒मा यमश्वा॑सः सु॒युजो॒ वहं॑ति ॥
Samhita Devanagari Nonaccented
अचेति दिवो दुहिता मघोनी विश्वे पश्यंत्युषसं विभातीं ।
आस्थाद्रथं स्वधया युज्यमानमा यमश्वासः सुयुजो वहंति ॥
Samhita Transcription Accented
áceti divó duhitā́ maghónī víśve paśyantyuṣásam vibhātī́m ǀ
ā́sthādrátham svadháyā yujyámānamā́ yámáśvāsaḥ suyújo váhanti ǁ
Samhita Transcription Nonaccented
aceti divo duhitā maghonī viśve paśyantyuṣasam vibhātīm ǀ
āsthādratham svadhayā yujyamānamā yamaśvāsaḥ suyujo vahanti ǁ
Padapatha Devanagari Accented
अचे॑ति । दि॒वः । दु॒हि॒ता । म॒घोनी॑ । विश्वे॑ । प॒श्य॒न्ति॒ । उ॒षस॑म् । वि॒ऽभा॒तीम् ।
आ । अ॒स्था॒त् । रथ॑म् । स्व॒धया॑ । यु॒ज्यमा॑नम् । आ । यम् । अश्वा॑सः । सु॒ऽयुजः॑ । वह॑न्ति ॥
Padapatha Devanagari Nonaccented
अचेति । दिवः । दुहिता । मघोनी । विश्वे । पश्यन्ति । उषसम् । विऽभातीम् ।
आ । अस्थात् । रथम् । स्वधया । युज्यमानम् । आ । यम् । अश्वासः । सुऽयुजः । वहन्ति ॥
Padapatha Transcription Accented
áceti ǀ diváḥ ǀ duhitā́ ǀ maghónī ǀ víśve ǀ paśyanti ǀ uṣásam ǀ vi-bhātī́m ǀ
ā́ ǀ asthāt ǀ rátham ǀ svadháyā ǀ yujyámānam ǀ ā́ ǀ yám ǀ áśvāsaḥ ǀ su-yújaḥ ǀ váhanti ǁ
Padapatha Transcription Nonaccented
aceti ǀ divaḥ ǀ duhitā ǀ maghonī ǀ viśve ǀ paśyanti ǀ uṣasam ǀ vi-bhātīm ǀ
ā ǀ asthāt ǀ ratham ǀ svadhayā ǀ yujyamānam ǀ ā ǀ yam ǀ aśvāsaḥ ǀ su-yujaḥ ǀ vahanti ǁ
07.078.05 (Mandala. Sukta. Rik)
5.5.25.05 (Ashtaka. Adhyaya. Varga. Rik)
07.05.048 (Mandala. Anuvāka. Rik)
Samhita Devanagari Accented
प्रति॑ त्वा॒द्य सु॒मन॑सो बुधंता॒स्माका॑सो म॒घवा॑नो व॒यं च॑ ।
ति॒ल्वि॒ला॒यध्व॑मुषसो विभा॒तीर्यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
प्रति त्वाद्य सुमनसो बुधंतास्माकासो मघवानो वयं च ।
तिल्विलायध्वमुषसो विभातीर्यूयं पात स्वस्तिभिः सदा नः ॥
Samhita Transcription Accented
práti tvādyá sumánaso budhantāsmā́kāso maghávāno vayám ca ǀ
tilvilāyádhvamuṣaso vibhātī́ryūyám pāta svastíbhiḥ sádā naḥ ǁ
Samhita Transcription Nonaccented
prati tvādya sumanaso budhantāsmākāso maghavāno vayam ca ǀ
tilvilāyadhvamuṣaso vibhātīryūyam pāta svastibhiḥ sadā naḥ ǁ
Padapatha Devanagari Accented
प्रति॑ । त्वा॒ । अ॒द्य । सु॒ऽमन॑सः । बु॒ध॒न्त॒ । अ॒स्माका॑सः । म॒घऽवा॑नः । व॒यम् । च॒ ।
ति॒ल्वि॒ला॒यध्व॑म् । उ॒ष॒सः॒ । वि॒ऽभा॒तीः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
प्रति । त्वा । अद्य । सुऽमनसः । बुधन्त । अस्माकासः । मघऽवानः । वयम् । च ।
तिल्विलायध्वम् । उषसः । विऽभातीः । यूयम् । पात । स्वस्तिऽभिः । सदा । नः ॥
Padapatha Transcription Accented
práti ǀ tvā ǀ adyá ǀ su-mánasaḥ ǀ budhanta ǀ asmā́kāsaḥ ǀ maghá-vānaḥ ǀ vayám ǀ ca ǀ
tilvilāyádhvam ǀ uṣasaḥ ǀ vi-bhātī́ḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
prati ǀ tvā ǀ adya ǀ su-manasaḥ ǀ budhanta ǀ asmākāsaḥ ǀ magha-vānaḥ ǀ vayam ǀ ca ǀ
tilvilāyadhvam ǀ uṣasaḥ ǀ vi-bhātīḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ