|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 79
|
1. Info |
| To: | uṣas | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (1, 4); virāṭtrisṭup (2, 3); paṅktiḥ (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.079.01 (Mandala. Sukta. Rik)
5.5.26.01 (Ashtaka. Adhyaya. Varga. Rik)
07.05.049 (Mandala. Anuvāka. Rik)
Samhita Devanagari Accented
व्यु१॒॑षा आ॑वः प॒थ्या॒३॒॑ जना॑नां॒ पंच॑ क्षि॒तीर्मानु॑षीर्बो॒धयं॑ती ।
सु॒सं॒दृग्भि॑रु॒क्षभि॑र्भा॒नुम॑श्रे॒द्वि सूर्यो॒ रोद॑सी॒ चक्ष॑सावः ॥
Samhita Devanagari Nonaccented
व्युषा आवः पथ्या जनानां पंच क्षितीर्मानुषीर्बोधयंती ।
सुसंदृग्भिरुक्षभिर्भानुमश्रेद्वि सूर्यो रोदसी चक्षसावः ॥
Samhita Transcription Accented
vyúṣā́ āvaḥ pathyā́ jánānām páñca kṣitī́rmā́nuṣīrbodháyantī ǀ
susaṃdṛ́gbhirukṣábhirbhānúmaśredví sū́ryo ródasī cákṣasāvaḥ ǁ
Samhita Transcription Nonaccented
vyuṣā āvaḥ pathyā janānām pañca kṣitīrmānuṣīrbodhayantī ǀ
susaṃdṛgbhirukṣabhirbhānumaśredvi sūryo rodasī cakṣasāvaḥ ǁ
Padapatha Devanagari Accented
वि । उ॒षाः । आ॒वः॒ । प॒थ्या॑ । जना॑नाम् । पञ्च॑ । क्षि॒तीः । मानु॑षीः । बो॒धय॑न्ती ।
सु॒स॒न्दृक्ऽभिः॑ । उ॒क्षऽभिः॑ । भा॒नुम् । अ॒श्रे॒त् । वि । सूर्यः॑ । रोद॑सी॒ इति॑ । चक्ष॑सा । आ॒व॒रित्या॑वः ॥
Padapatha Devanagari Nonaccented
वि । उषाः । आवः । पथ्या । जनानाम् । पञ्च । क्षितीः । मानुषीः । बोधयन्ती ।
सुसन्दृक्ऽभिः । उक्षऽभिः । भानुम् । अश्रेत् । वि । सूर्यः । रोदसी इति । चक्षसा । आवरित्यावः ॥
Padapatha Transcription Accented
ví ǀ uṣā́ḥ ǀ āvaḥ ǀ pathyā́ ǀ jánānām ǀ páñca ǀ kṣitī́ḥ ǀ mā́nuṣīḥ ǀ bodháyantī ǀ
susandṛ́k-bhiḥ ǀ ukṣá-bhiḥ ǀ bhānúm ǀ aśret ǀ ví ǀ sū́ryaḥ ǀ ródasī íti ǀ cákṣasā ǀ āvarítyāvaḥ ǁ
Padapatha Transcription Nonaccented
vi ǀ uṣāḥ ǀ āvaḥ ǀ pathyā ǀ janānām ǀ pañca ǀ kṣitīḥ ǀ mānuṣīḥ ǀ bodhayantī ǀ
susandṛk-bhiḥ ǀ ukṣa-bhiḥ ǀ bhānum ǀ aśret ǀ vi ǀ sūryaḥ ǀ rodasī iti ǀ cakṣasā ǀ āvarityāvaḥ ǁ
07.079.02 (Mandala. Sukta. Rik)
5.5.26.02 (Ashtaka. Adhyaya. Varga. Rik)
07.05.050 (Mandala. Anuvāka. Rik)
Samhita Devanagari Accented
व्यं॑जते दि॒वो अंते॑ष्व॒क्तून्विशो॒ न यु॒क्ता उ॒षसो॑ यतंते ।
सं ते॒ गाव॒स्तम॒ आ व॑र्तयंति॒ ज्योति॑र्यच्छंति सवि॒तेव॑ बा॒हू ॥
Samhita Devanagari Nonaccented
व्यंजते दिवो अंतेष्वक्तून्विशो न युक्ता उषसो यतंते ।
सं ते गावस्तम आ वर्तयंति ज्योतिर्यच्छंति सवितेव बाहू ॥
Samhita Transcription Accented
vyáñjate divó ánteṣvaktū́nvíśo ná yuktā́ uṣáso yatante ǀ
sám te gā́vastáma ā́ vartayanti jyótiryacchanti savitéva bāhū́ ǁ
Samhita Transcription Nonaccented
vyañjate divo anteṣvaktūnviśo na yuktā uṣaso yatante ǀ
sam te gāvastama ā vartayanti jyotiryacchanti saviteva bāhū ǁ
Padapatha Devanagari Accented
वि । अ॒ञ्ज॒ते॒ । दि॒वः । अन्ते॑षु । अ॒क्तून् । विशः॑ । न । यु॒क्ताः । उ॒षसः॑ । य॒त॒न्ते॒ ।
सम् । ते॒ । गावः॑ । तमः॑ । आ । व॒र्त॒य॒न्ति॒ । ज्योतिः॑ । य॒च्छ॒न्ति॒ । स॒वि॒ताऽइ॑व । बा॒हू इति॑ ॥
Padapatha Devanagari Nonaccented
वि । अञ्जते । दिवः । अन्तेषु । अक्तून् । विशः । न । युक्ताः । उषसः । यतन्ते ।
सम् । ते । गावः । तमः । आ । वर्तयन्ति । ज्योतिः । यच्छन्ति । सविताऽइव । बाहू इति ॥
Padapatha Transcription Accented
ví ǀ añjate ǀ diváḥ ǀ ánteṣu ǀ aktū́n ǀ víśaḥ ǀ ná ǀ yuktā́ḥ ǀ uṣásaḥ ǀ yatante ǀ
sám ǀ te ǀ gā́vaḥ ǀ támaḥ ǀ ā́ ǀ vartayanti ǀ jyótiḥ ǀ yacchanti ǀ savitā́-iva ǀ bāhū́ íti ǁ
Padapatha Transcription Nonaccented
vi ǀ añjate ǀ divaḥ ǀ anteṣu ǀ aktūn ǀ viśaḥ ǀ na ǀ yuktāḥ ǀ uṣasaḥ ǀ yatante ǀ
sam ǀ te ǀ gāvaḥ ǀ tamaḥ ǀ ā ǀ vartayanti ǀ jyotiḥ ǀ yacchanti ǀ savitā-iva ǀ bāhū iti ǁ
07.079.03 (Mandala. Sukta. Rik)
5.5.26.03 (Ashtaka. Adhyaya. Varga. Rik)
07.05.051 (Mandala. Anuvāka. Rik)
Samhita Devanagari Accented
अभू॑दु॒षा इंद्र॑तमा म॒घोन्यजी॑जनत्सुवि॒ताय॒ श्रवां॑सि ।
वि दि॒वो दे॒वी दु॑हि॒ता द॑धा॒त्यंगि॑रस्तमा सु॒कृते॒ वसू॑नि ॥
Samhita Devanagari Nonaccented
अभूदुषा इंद्रतमा मघोन्यजीजनत्सुविताय श्रवांसि ।
वि दिवो देवी दुहिता दधात्यंगिरस्तमा सुकृते वसूनि ॥
Samhita Transcription Accented
ábhūduṣā́ índratamā maghónyájījanatsuvitā́ya śrávāṃsi ǀ
ví divó devī́ duhitā́ dadhātyáṅgirastamā sukṛ́te vásūni ǁ
Samhita Transcription Nonaccented
abhūduṣā indratamā maghonyajījanatsuvitāya śravāṃsi ǀ
vi divo devī duhitā dadhātyaṅgirastamā sukṛte vasūni ǁ
Padapatha Devanagari Accented
अभू॑त् । उ॒षाः । इन्द्र॑ऽतमा । म॒घोनी॑ । अजी॑जनत् । सु॒वि॒ताय॑ । श्रवां॑सि ।
वि । दि॒वः । दे॒वी । दु॒हि॒ता । द॒धा॒ति॒ । अङ्गि॑रःऽतमा । सु॒ऽकृते॑ । वसू॑नि ॥
Padapatha Devanagari Nonaccented
अभूत् । उषाः । इन्द्रऽतमा । मघोनी । अजीजनत् । सुविताय । श्रवांसि ।
वि । दिवः । देवी । दुहिता । दधाति । अङ्गिरःऽतमा । सुऽकृते । वसूनि ॥
Padapatha Transcription Accented
ábhūt ǀ uṣā́ḥ ǀ índra-tamā ǀ maghónī ǀ ájījanat ǀ suvitā́ya ǀ śrávāṃsi ǀ
ví ǀ diváḥ ǀ devī́ ǀ duhitā́ ǀ dadhāti ǀ áṅgiraḥ-tamā ǀ su-kṛ́te ǀ vásūni ǁ
Padapatha Transcription Nonaccented
abhūt ǀ uṣāḥ ǀ indra-tamā ǀ maghonī ǀ ajījanat ǀ suvitāya ǀ śravāṃsi ǀ
vi ǀ divaḥ ǀ devī ǀ duhitā ǀ dadhāti ǀ aṅgiraḥ-tamā ǀ su-kṛte ǀ vasūni ǁ
07.079.04 (Mandala. Sukta. Rik)
5.5.26.04 (Ashtaka. Adhyaya. Varga. Rik)
07.05.052 (Mandala. Anuvāka. Rik)
Samhita Devanagari Accented
ताव॑दुषो॒ राधो॑ अ॒स्मभ्यं॑ रास्व॒ याव॑त्स्तो॒तृभ्यो॒ अर॑दो गृणा॒ना ।
यां त्वा॑ ज॒ज्ञुर्वृ॑ष॒भस्या॒ रवे॑ण॒ वि दृ॒ळ्हस्य॒ दुरो॒ अद्रे॑रौर्णोः ॥
Samhita Devanagari Nonaccented
तावदुषो राधो अस्मभ्यं रास्व यावत्स्तोतृभ्यो अरदो गृणाना ।
यां त्वा जज्ञुर्वृषभस्या रवेण वि दृळ्हस्य दुरो अद्रेरौर्णोः ॥
Samhita Transcription Accented
tā́vaduṣo rā́dho asmábhyam rāsva yā́vatstotṛ́bhyo árado gṛṇānā́ ǀ
yā́m tvā jajñúrvṛṣabhásyā ráveṇa ví dṛḷhásya dúro ádreraurṇoḥ ǁ
Samhita Transcription Nonaccented
tāvaduṣo rādho asmabhyam rāsva yāvatstotṛbhyo arado gṛṇānā ǀ
yām tvā jajñurvṛṣabhasyā raveṇa vi dṛḷhasya duro adreraurṇoḥ ǁ
Padapatha Devanagari Accented
ताव॑त् । उ॒षः॒ । राधः॑ । अ॒स्मभ्य॑म् । रा॒स्व॒ । याव॑त् । स्तो॒तृऽभ्यः॑ । अर॑दः । गृ॒णा॒ना ।
याम् । त्वा॒ । ज॒ज्ञुः । वृ॒ष॒भस्य॑ । रवे॑ण । वि । दृ॒ळ्हस्य॑ । दुरः॑ । अद्रेः॑ । औ॒र्णोः॒ ॥
Padapatha Devanagari Nonaccented
तावत् । उषः । राधः । अस्मभ्यम् । रास्व । यावत् । स्तोतृऽभ्यः । अरदः । गृणाना ।
याम् । त्वा । जज्ञुः । वृषभस्य । रवेण । वि । दृळ्हस्य । दुरः । अद्रेः । और्णोः ॥
Padapatha Transcription Accented
tā́vat ǀ uṣaḥ ǀ rā́dhaḥ ǀ asmábhyam ǀ rāsva ǀ yā́vat ǀ stotṛ́-bhyaḥ ǀ áradaḥ ǀ gṛṇānā́ ǀ
yā́m ǀ tvā ǀ jajñúḥ ǀ vṛṣabhásya ǀ ráveṇa ǀ ví ǀ dṛḷhásya ǀ dúraḥ ǀ ádreḥ ǀ aurṇoḥ ǁ
Padapatha Transcription Nonaccented
tāvat ǀ uṣaḥ ǀ rādhaḥ ǀ asmabhyam ǀ rāsva ǀ yāvat ǀ stotṛ-bhyaḥ ǀ aradaḥ ǀ gṛṇānā ǀ
yām ǀ tvā ǀ jajñuḥ ǀ vṛṣabhasya ǀ raveṇa ǀ vi ǀ dṛḷhasya ǀ duraḥ ǀ adreḥ ǀ aurṇoḥ ǁ
07.079.05 (Mandala. Sukta. Rik)
5.5.26.05 (Ashtaka. Adhyaya. Varga. Rik)
07.05.053 (Mandala. Anuvāka. Rik)
Samhita Devanagari Accented
दे॒वंदे॑वं॒ राध॑से चो॒दयं॑त्यस्म॒द्र्य॑क्सू॒नृता॑ ई॒रयं॑ती ।
व्यु॒च्छंती॑ नः स॒नये॒ धियो॑ धा यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
देवंदेवं राधसे चोदयंत्यस्मद्र्यक्सूनृता ईरयंती ।
व्युच्छंती नः सनये धियो धा यूयं पात स्वस्तिभिः सदा नः ॥
Samhita Transcription Accented
deváṃdevam rā́dhase codáyantyasmadryáksūnṛ́tā īráyantī ǀ
vyucchántī naḥ sanáye dhíyo dhā yūyám pāta svastíbhiḥ sádā naḥ ǁ
Samhita Transcription Nonaccented
devaṃdevam rādhase codayantyasmadryaksūnṛtā īrayantī ǀ
vyucchantī naḥ sanaye dhiyo dhā yūyam pāta svastibhiḥ sadā naḥ ǁ
Padapatha Devanagari Accented
दे॒वम्ऽदे॑वम् । राध॑से । चो॒दय॑न्ती । अ॒स्म॒द्र्य॑क् । सू॒नृताः॑ । ई॒रय॑न्ती ।
वि॒ऽउ॒च्छन्ती॑ । नः॒ । स॒नये॑ । धियः॑ । धाः॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
देवम्ऽदेवम् । राधसे । चोदयन्ती । अस्मद्र्यक् । सूनृताः । ईरयन्ती ।
विऽउच्छन्ती । नः । सनये । धियः । धाः । यूयम् । पात । स्वस्तिऽभिः । सदा । नः ॥
Padapatha Transcription Accented
devám-devam ǀ rā́dhase ǀ codáyantī ǀ asmadryák ǀ sūnṛ́tāḥ ǀ īráyantī ǀ
vi-ucchántī ǀ naḥ ǀ sanáye ǀ dhíyaḥ ǀ dhāḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
devam-devam ǀ rādhase ǀ codayantī ǀ asmadryak ǀ sūnṛtāḥ ǀ īrayantī ǀ
vi-ucchantī ǀ naḥ ǀ sanaye ǀ dhiyaḥ ǀ dhāḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ