|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 80
|
1. Info |
| To: | uṣas | |
| From: | vasiṣṭha maitrāvaruṇi | |
| Metres: | 1st set of styles: triṣṭup (1); virāṭtrisṭup (2); nicṛttriṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.080.01 (Mandala. Sukta. Rik)
5.5.27.01 (Ashtaka. Adhyaya. Varga. Rik)
07.05.054 (Mandala. Anuvāka. Rik)
Samhita Devanagari Accented
प्रति॒ स्तोमे॑भिरु॒षसं॒ वसि॑ष्ठा गी॒र्भिर्विप्रा॑सः प्रथ॒मा अ॑बुध्रन् ।
वि॒व॒र्तयं॑तीं॒ रज॑सी॒ समं॑ते आविष्कृण्व॒तीं भुव॑नानि॒ विश्वा॑ ॥
Samhita Devanagari Nonaccented
प्रति स्तोमेभिरुषसं वसिष्ठा गीर्भिर्विप्रासः प्रथमा अबुध्रन् ।
विवर्तयंतीं रजसी समंते आविष्कृण्वतीं भुवनानि विश्वा ॥
Samhita Transcription Accented
práti stómebhiruṣásam vásiṣṭhā gīrbhírvíprāsaḥ prathamā́ abudhran ǀ
vivartáyantīm rájasī sámante āviṣkṛṇvatī́m bhúvanāni víśvā ǁ
Samhita Transcription Nonaccented
prati stomebhiruṣasam vasiṣṭhā gīrbhirviprāsaḥ prathamā abudhran ǀ
vivartayantīm rajasī samante āviṣkṛṇvatīm bhuvanāni viśvā ǁ
Padapatha Devanagari Accented
प्रति॑ । स्तोमे॑भिः । उ॒षस॑म् । वसि॑ष्ठाः । गीः॒ऽभिः । विप्रा॑सः । प्र॒थ॒माः । अ॒बु॒ध्र॒न् ।
वि॒ऽव॒र्तय॑न्तीम् । रज॑सी॒ इति॑ । सम॑न्ते॒ इति॒ सम्ऽअ॑न्ते । आ॒विः॒ऽकृ॒ण्व॒तीम् । भुव॑नानि । विश्वा॑ ॥
Padapatha Devanagari Nonaccented
प्रति । स्तोमेभिः । उषसम् । वसिष्ठाः । गीःऽभिः । विप्रासः । प्रथमाः । अबुध्रन् ।
विऽवर्तयन्तीम् । रजसी इति । समन्ते इति सम्ऽअन्ते । आविःऽकृण्वतीम् । भुवनानि । विश्वा ॥
Padapatha Transcription Accented
práti ǀ stómebhiḥ ǀ uṣásam ǀ vásiṣṭhāḥ ǀ gīḥ-bhíḥ ǀ víprāsaḥ ǀ prathamā́ḥ ǀ abudhran ǀ
vi-vartáyantīm ǀ rájasī íti ǀ sámante íti sám-ante ǀ āviḥ-kṛṇvatī́m ǀ bhúvanāni ǀ víśvā ǁ
Padapatha Transcription Nonaccented
prati ǀ stomebhiḥ ǀ uṣasam ǀ vasiṣṭhāḥ ǀ gīḥ-bhiḥ ǀ viprāsaḥ ǀ prathamāḥ ǀ abudhran ǀ
vi-vartayantīm ǀ rajasī iti ǀ samante iti sam-ante ǀ āviḥ-kṛṇvatīm ǀ bhuvanāni ǀ viśvā ǁ
07.080.02 (Mandala. Sukta. Rik)
5.5.27.02 (Ashtaka. Adhyaya. Varga. Rik)
07.05.055 (Mandala. Anuvāka. Rik)
Samhita Devanagari Accented
ए॒षा स्या नव्य॒मायु॒र्दधा॑ना गू॒ढ्वी तमो॒ ज्योति॑षो॒षा अ॑बोधि ।
अग्र॑ एति युव॒तिरह्र॑याणा॒ प्राचि॑कित॒त्सूर्यं॑ य॒ज्ञम॒ग्निं ॥
Samhita Devanagari Nonaccented
एषा स्या नव्यमायुर्दधाना गूढ्वी तमो ज्योतिषोषा अबोधि ।
अग्र एति युवतिरह्रयाणा प्राचिकितत्सूर्यं यज्ञमग्निं ॥
Samhita Transcription Accented
eṣā́ syā́ návyamā́yurdádhānā gūḍhvī́ támo jyótiṣoṣā́ abodhi ǀ
ágra eti yuvatíráhrayāṇā prā́cikitatsū́ryam yajñámagním ǁ
Samhita Transcription Nonaccented
eṣā syā navyamāyurdadhānā gūḍhvī tamo jyotiṣoṣā abodhi ǀ
agra eti yuvatirahrayāṇā prācikitatsūryam yajñamagnim ǁ
Padapatha Devanagari Accented
ए॒षा । स्या । नव्य॑म् । आयुः॑ । दधा॑ना । गू॒ढ्वी । तमः॑ । ज्योति॑षा । उ॒षाः । अ॒बो॒धि॒ ।
अग्रे॑ । ए॒ति॒ । यु॒व॒तिः । अह्र॑याणा । प्र । अ॒चि॒कि॒त॒त् । सूर्य॑म् । य॒ज्ञम् । अ॒ग्निम् ॥
Padapatha Devanagari Nonaccented
एषा । स्या । नव्यम् । आयुः । दधाना । गूढ्वी । तमः । ज्योतिषा । उषाः । अबोधि ।
अग्रे । एति । युवतिः । अह्रयाणा । प्र । अचिकितत् । सूर्यम् । यज्ञम् । अग्निम् ॥
Padapatha Transcription Accented
eṣā́ ǀ syā́ ǀ návyam ǀ ā́yuḥ ǀ dádhānā ǀ gūḍhvī́ ǀ támaḥ ǀ jyótiṣā ǀ uṣā́ḥ ǀ abodhi ǀ
ágre ǀ eti ǀ yuvatíḥ ǀ áhrayāṇā ǀ prá ǀ acikitat ǀ sū́ryam ǀ yajñám ǀ agním ǁ
Padapatha Transcription Nonaccented
eṣā ǀ syā ǀ navyam ǀ āyuḥ ǀ dadhānā ǀ gūḍhvī ǀ tamaḥ ǀ jyotiṣā ǀ uṣāḥ ǀ abodhi ǀ
agre ǀ eti ǀ yuvatiḥ ǀ ahrayāṇā ǀ pra ǀ acikitat ǀ sūryam ǀ yajñam ǀ agnim ǁ
07.080.03 (Mandala. Sukta. Rik)
5.5.27.03 (Ashtaka. Adhyaya. Varga. Rik)
07.05.056 (Mandala. Anuvāka. Rik)
Samhita Devanagari Accented
अश्वा॑वती॒र्गोम॑तीर्न उ॒षासो॑ वी॒रव॑तीः॒ सद॑मुच्छंतु भ॒द्राः ।
घृ॒तं दुहा॑ना वि॒श्वतः॒ प्रपी॑ता यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
अश्वावतीर्गोमतीर्न उषासो वीरवतीः सदमुच्छंतु भद्राः ।
घृतं दुहाना विश्वतः प्रपीता यूयं पात स्वस्तिभिः सदा नः ॥
Samhita Transcription Accented
áśvāvatīrgómatīrna uṣā́so vīrávatīḥ sádamucchantu bhadrā́ḥ ǀ
ghṛtám dúhānā viśvátaḥ prápītā yūyám pāta svastíbhiḥ sádā naḥ ǁ
Samhita Transcription Nonaccented
aśvāvatīrgomatīrna uṣāso vīravatīḥ sadamucchantu bhadrāḥ ǀ
ghṛtam duhānā viśvataḥ prapītā yūyam pāta svastibhiḥ sadā naḥ ǁ
Padapatha Devanagari Accented
अश्व॑ऽवतीः । गोऽम॑तीः । नः॒ । उ॒षसः॑ । वी॒रऽव॑तीः । सद॑म् । उ॒च्छ॒न्तु॒ । भ॒द्राः ।
घृ॒तम् । दुहा॑नाः । वि॒श्वतः॑ । प्रऽपी॑ताः । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
अश्वऽवतीः । गोऽमतीः । नः । उषसः । वीरऽवतीः । सदम् । उच्छन्तु । भद्राः ।
घृतम् । दुहानाः । विश्वतः । प्रऽपीताः । यूयम् । पात । स्वस्तिऽभिः । सदा । नः ॥
Padapatha Transcription Accented
áśva-vatīḥ ǀ gó-matīḥ ǀ naḥ ǀ uṣásaḥ ǀ vīrá-vatīḥ ǀ sádam ǀ ucchantu ǀ bhadrā́ḥ ǀ
ghṛtám ǀ dúhānāḥ ǀ viśvátaḥ ǀ prá-pītāḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
aśva-vatīḥ ǀ go-matīḥ ǀ naḥ ǀ uṣasaḥ ǀ vīra-vatīḥ ǀ sadam ǀ ucchantu ǀ bhadrāḥ ǀ
ghṛtam ǀ duhānāḥ ǀ viśvataḥ ǀ pra-pītāḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ