|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 83
|
1. Info |
| To: | indra, varuṇa | |
| From: | vasiṣṭha maitrāvaruṇi | |
| Metres: | 1st set of styles: virāḍjagatī (1, 3, 9); nicṛjjagatī (2, 4, 6); ārṣījagatī (7, 8, 10); ārcījagatī (5) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.083.01 (Mandala. Sukta. Rik)
5.6.04.01 (Ashtaka. Adhyaya. Varga. Rik)
07.05.073 (Mandala. Anuvāka. Rik)
Samhita Devanagari Accented
यु॒वां न॑रा॒ पश्य॑मानास॒ आप्यं॑ प्रा॒चा ग॒व्यंतः॑ पृथु॒पर्श॑वो ययुः ।
दासा॑ च वृ॒त्रा ह॒तमार्या॑णि च सु॒दास॑मिंद्रावरु॒णाव॑सावतं ॥
Samhita Devanagari Nonaccented
युवां नरा पश्यमानास आप्यं प्राचा गव्यंतः पृथुपर्शवो ययुः ।
दासा च वृत्रा हतमार्याणि च सुदासमिंद्रावरुणावसावतं ॥
Samhita Transcription Accented
yuvā́m narā páśyamānāsa ā́pyam prācā́ gavyántaḥ pṛthupárśavo yayuḥ ǀ
dā́sā ca vṛtrā́ hatámā́ryāṇi ca sudā́samindrāvaruṇā́vasāvatam ǁ
Samhita Transcription Nonaccented
yuvām narā paśyamānāsa āpyam prācā gavyantaḥ pṛthuparśavo yayuḥ ǀ
dāsā ca vṛtrā hatamāryāṇi ca sudāsamindrāvaruṇāvasāvatam ǁ
Padapatha Devanagari Accented
यु॒वम् । न॒रा॒ । पश्य॑मानासः । आप्य॑म् । प्रा॒चा । ग॒व्यन्तः॑ । पृ॒थु॒ऽपर्श॑वः । य॒युः॒ ।
दासा॑ । च॒ । वृ॒त्रा । ह॒तम् । आर्या॑णि । च॒ । सु॒ऽदास॑म् । इ॒न्द्रा॒व॒रु॒णा॒ । अव॑सा । अ॒व॒त॒म् ॥
Padapatha Devanagari Nonaccented
युवम् । नरा । पश्यमानासः । आप्यम् । प्राचा । गव्यन्तः । पृथुऽपर्शवः । ययुः ।
दासा । च । वृत्रा । हतम् । आर्याणि । च । सुऽदासम् । इन्द्रावरुणा । अवसा । अवतम् ॥
Padapatha Transcription Accented
yuvám ǀ narā ǀ páśyamānāsaḥ ǀ ā́pyam ǀ prācā́ ǀ gavyántaḥ ǀ pṛthu-párśavaḥ ǀ yayuḥ ǀ
dā́sā ǀ ca ǀ vṛtrā́ ǀ hatám ǀ ā́ryāṇi ǀ ca ǀ su-dā́sam ǀ indrāvaruṇā ǀ ávasā ǀ avatam ǁ
Padapatha Transcription Nonaccented
yuvam ǀ narā ǀ paśyamānāsaḥ ǀ āpyam ǀ prācā ǀ gavyantaḥ ǀ pṛthu-parśavaḥ ǀ yayuḥ ǀ
dāsā ǀ ca ǀ vṛtrā ǀ hatam ǀ āryāṇi ǀ ca ǀ su-dāsam ǀ indrāvaruṇā ǀ avasā ǀ avatam ǁ
07.083.02 (Mandala. Sukta. Rik)
5.6.04.02 (Ashtaka. Adhyaya. Varga. Rik)
07.05.074 (Mandala. Anuvāka. Rik)
Samhita Devanagari Accented
यत्रा॒ नरः॑ स॒मयं॑ते कृ॒तध्व॑जो॒ यस्मि॑न्ना॒जा भव॑ति॒ किं च॒न प्रि॒यं ।
यत्रा॒ भयं॑ते॒ भुव॑ना स्व॒र्दृश॒स्तत्रा॑ न इंद्रावरु॒णाधि॑ वोचतं ॥
Samhita Devanagari Nonaccented
यत्रा नरः समयंते कृतध्वजो यस्मिन्नाजा भवति किं चन प्रियं ।
यत्रा भयंते भुवना स्वर्दृशस्तत्रा न इंद्रावरुणाधि वोचतं ॥
Samhita Transcription Accented
yátrā náraḥ samáyante kṛtádhvajo yásminnājā́ bhávati kím caná priyám ǀ
yátrā bháyante bhúvanā svardṛ́śastátrā na indrāvaruṇā́dhi vocatam ǁ
Samhita Transcription Nonaccented
yatrā naraḥ samayante kṛtadhvajo yasminnājā bhavati kim cana priyam ǀ
yatrā bhayante bhuvanā svardṛśastatrā na indrāvaruṇādhi vocatam ǁ
Padapatha Devanagari Accented
यत्र॑ । नरः॑ । स॒म्ऽअय॑न्ते । कृ॒तऽध्व॑जः । यस्मि॑न् । आ॒जा । भव॑ति । किम् । च॒न । प्रि॒यम् ।
यत्र॑ । भय॑न्ते । भुव॑ना । स्वः॒ऽदृशः॑ । तत्र॑ । नः॒ । इ॒न्द्रा॒व॒रु॒णा॒ । अधि॑ । वो॒च॒त॒म् ॥
Padapatha Devanagari Nonaccented
यत्र । नरः । सम्ऽअयन्ते । कृतऽध्वजः । यस्मिन् । आजा । भवति । किम् । चन । प्रियम् ।
यत्र । भयन्ते । भुवना । स्वःऽदृशः । तत्र । नः । इन्द्रावरुणा । अधि । वोचतम् ॥
Padapatha Transcription Accented
yátra ǀ náraḥ ǀ sam-áyante ǀ kṛtá-dhvajaḥ ǀ yásmin ǀ ājā́ ǀ bhávati ǀ kím ǀ caná ǀ priyám ǀ
yátra ǀ bháyante ǀ bhúvanā ǀ svaḥ-dṛ́śaḥ ǀ tátra ǀ naḥ ǀ indrāvaruṇā ǀ ádhi ǀ vocatam ǁ
Padapatha Transcription Nonaccented
yatra ǀ naraḥ ǀ sam-ayante ǀ kṛta-dhvajaḥ ǀ yasmin ǀ ājā ǀ bhavati ǀ kim ǀ cana ǀ priyam ǀ
yatra ǀ bhayante ǀ bhuvanā ǀ svaḥ-dṛśaḥ ǀ tatra ǀ naḥ ǀ indrāvaruṇā ǀ adhi ǀ vocatam ǁ
07.083.03 (Mandala. Sukta. Rik)
5.6.04.03 (Ashtaka. Adhyaya. Varga. Rik)
07.05.075 (Mandala. Anuvāka. Rik)
Samhita Devanagari Accented
सं भूम्या॒ अंता॑ ध्वसि॒रा अ॑दृक्ष॒तेंद्रा॑वरुणा दि॒वि घोष॒ आरु॑हत् ।
अस्थु॒र्जना॑ना॒मुप॒ मामरा॑तयो॒ऽर्वागव॑सा हवनश्रु॒ता ग॑तं ॥
Samhita Devanagari Nonaccented
सं भूम्या अंता ध्वसिरा अदृक्षतेंद्रावरुणा दिवि घोष आरुहत् ।
अस्थुर्जनानामुप मामरातयोऽर्वागवसा हवनश्रुता गतं ॥
Samhita Transcription Accented
sám bhū́myā ántā dhvasirā́ adṛkṣaténdrāvaruṇā diví ghóṣa ā́ruhat ǀ
ásthurjánānāmúpa mā́márātayo’rvā́gávasā havanaśrutā́ gatam ǁ
Samhita Transcription Nonaccented
sam bhūmyā antā dhvasirā adṛkṣatendrāvaruṇā divi ghoṣa āruhat ǀ
asthurjanānāmupa māmarātayo’rvāgavasā havanaśrutā gatam ǁ
Padapatha Devanagari Accented
सम् । भूम्याः॑ । अन्ताः॑ । ध्व॒सि॒राः । अ॒दृ॒क्ष॒त॒ । इन्द्रा॑वरुणा । दि॒वि । घोषः॑ । आ । अ॒रु॒ह॒त् ।
अस्थुः॑ । जना॑नाम् । उप॑ । माम् । अरा॑तयः । अ॒र्वाक् । अव॑सा । ह॒व॒न॒ऽश्रु॒ता॒ । आ । ग॒त॒म् ॥
Padapatha Devanagari Nonaccented
सम् । भूम्याः । अन्ताः । ध्वसिराः । अदृक्षत । इन्द्रावरुणा । दिवि । घोषः । आ । अरुहत् ।
अस्थुः । जनानाम् । उप । माम् । अरातयः । अर्वाक् । अवसा । हवनऽश्रुता । आ । गतम् ॥
Padapatha Transcription Accented
sám ǀ bhū́myāḥ ǀ ántāḥ ǀ dhvasirā́ḥ ǀ adṛkṣata ǀ índrāvaruṇā ǀ diví ǀ ghóṣaḥ ǀ ā́ ǀ aruhat ǀ
ásthuḥ ǀ jánānām ǀ úpa ǀ mā́m ǀ árātayaḥ ǀ arvā́k ǀ ávasā ǀ havana-śrutā ǀ ā́ ǀ gatam ǁ
Padapatha Transcription Nonaccented
sam ǀ bhūmyāḥ ǀ antāḥ ǀ dhvasirāḥ ǀ adṛkṣata ǀ indrāvaruṇā ǀ divi ǀ ghoṣaḥ ǀ ā ǀ aruhat ǀ
asthuḥ ǀ janānām ǀ upa ǀ mām ǀ arātayaḥ ǀ arvāk ǀ avasā ǀ havana-śrutā ǀ ā ǀ gatam ǁ
07.083.04 (Mandala. Sukta. Rik)
5.6.04.04 (Ashtaka. Adhyaya. Varga. Rik)
07.05.076 (Mandala. Anuvāka. Rik)
Samhita Devanagari Accented
इंद्रा॑वरुणा व॒धना॑भिरप्र॒ति भे॒दं व॒न्वंता॒ प्र सु॒दास॑मावतं ।
ब्रह्मा॑ण्येषां शृणुतं॒ हवी॑मनि स॒त्या तृत्सू॑नामभवत्पु॒रोहि॑तिः ॥
Samhita Devanagari Nonaccented
इंद्रावरुणा वधनाभिरप्रति भेदं वन्वंता प्र सुदासमावतं ।
ब्रह्माण्येषां शृणुतं हवीमनि सत्या तृत्सूनामभवत्पुरोहितिः ॥
Samhita Transcription Accented
índrāvaruṇā vadhánābhirapratí bhedám vanvántā prá sudā́samāvatam ǀ
bráhmāṇyeṣām śṛṇutam hávīmani satyā́ tṛ́tsūnāmabhavatpuróhitiḥ ǁ
Samhita Transcription Nonaccented
indrāvaruṇā vadhanābhiraprati bhedam vanvantā pra sudāsamāvatam ǀ
brahmāṇyeṣām śṛṇutam havīmani satyā tṛtsūnāmabhavatpurohitiḥ ǁ
Padapatha Devanagari Accented
इन्द्रा॑वरुणा । व॒धना॑भिः । अ॒प्र॒ति । भे॒दम् । व॒न्वन्ता॑ । प्र । सु॒ऽदास॑म् । आ॒व॒त॒म् ।
ब्रह्मा॑णि । ए॒षा॒म् । शृ॒णु॒त॒म् । हवी॑मनि । स॒त्या । तृत्सू॑नाम् । अ॒भ॒व॒त् । पु॒रःऽहि॑तिः ॥
Padapatha Devanagari Nonaccented
इन्द्रावरुणा । वधनाभिः । अप्रति । भेदम् । वन्वन्ता । प्र । सुऽदासम् । आवतम् ।
ब्रह्माणि । एषाम् । शृणुतम् । हवीमनि । सत्या । तृत्सूनाम् । अभवत् । पुरःऽहितिः ॥
Padapatha Transcription Accented
índrāvaruṇā ǀ vadhánābhiḥ ǀ apratí ǀ bhedám ǀ vanvántā ǀ prá ǀ su-dā́sam ǀ āvatam ǀ
bráhmāṇi ǀ eṣām ǀ śṛṇutam ǀ hávīmani ǀ satyā́ ǀ tṛ́tsūnām ǀ abhavat ǀ puráḥ-hitiḥ ǁ
Padapatha Transcription Nonaccented
indrāvaruṇā ǀ vadhanābhiḥ ǀ aprati ǀ bhedam ǀ vanvantā ǀ pra ǀ su-dāsam ǀ āvatam ǀ
brahmāṇi ǀ eṣām ǀ śṛṇutam ǀ havīmani ǀ satyā ǀ tṛtsūnām ǀ abhavat ǀ puraḥ-hitiḥ ǁ
07.083.05 (Mandala. Sukta. Rik)
5.6.04.05 (Ashtaka. Adhyaya. Varga. Rik)
07.05.077 (Mandala. Anuvāka. Rik)
Samhita Devanagari Accented
इंद्रा॑वरुणाव॒भ्या त॑पंति मा॒घान्य॒र्यो व॒नुषा॒मरा॑तयः ।
यु॒वं हि वस्व॑ उ॒भय॑स्य॒ राज॒थोऽध॑ स्मा नोऽवतं॒ पार्ये॑ दि॒वि ॥
Samhita Devanagari Nonaccented
इंद्रावरुणावभ्या तपंति माघान्यर्यो वनुषामरातयः ।
युवं हि वस्व उभयस्य राजथोऽध स्मा नोऽवतं पार्ये दिवि ॥
Samhita Transcription Accented
índrāvaruṇāvabhyā́ tapanti māghā́nyaryó vanúṣāmárātayaḥ ǀ
yuvám hí vásva ubháyasya rā́jathó’dha smā no’vatam pā́rye diví ǁ
Samhita Transcription Nonaccented
indrāvaruṇāvabhyā tapanti māghānyaryo vanuṣāmarātayaḥ ǀ
yuvam hi vasva ubhayasya rājatho’dha smā no’vatam pārye divi ǁ
Padapatha Devanagari Accented
इन्द्रा॑वरुणौ । अ॒भि । आ । त॒प॒न्ति॒ । मा॒ । अ॒घानि॑ । अ॒र्यः । व॒नुषा॑म् । अरा॑तयः ।
यु॒वम् । हि । वस्वः॑ । उ॒भय॑स्य । राज॑थः । अध॑ । स्म॒ । नः॒ । अ॒व॒त॒म् । पार्ये॑ । दि॒वि ॥
Padapatha Devanagari Nonaccented
इन्द्रावरुणौ । अभि । आ । तपन्ति । मा । अघानि । अर्यः । वनुषाम् । अरातयः ।
युवम् । हि । वस्वः । उभयस्य । राजथः । अध । स्म । नः । अवतम् । पार्ये । दिवि ॥
Padapatha Transcription Accented
índrāvaruṇau ǀ abhí ǀ ā́ ǀ tapanti ǀ mā ǀ aghā́ni ǀ aryáḥ ǀ vanúṣām ǀ árātayaḥ ǀ
yuvám ǀ hí ǀ vásvaḥ ǀ ubháyasya ǀ rā́jathaḥ ǀ ádha ǀ sma ǀ naḥ ǀ avatam ǀ pā́rye ǀ diví ǁ
Padapatha Transcription Nonaccented
indrāvaruṇau ǀ abhi ǀ ā ǀ tapanti ǀ mā ǀ aghāni ǀ aryaḥ ǀ vanuṣām ǀ arātayaḥ ǀ
yuvam ǀ hi ǀ vasvaḥ ǀ ubhayasya ǀ rājathaḥ ǀ adha ǀ sma ǀ naḥ ǀ avatam ǀ pārye ǀ divi ǁ
07.083.06 (Mandala. Sukta. Rik)
5.6.05.01 (Ashtaka. Adhyaya. Varga. Rik)
07.05.078 (Mandala. Anuvāka. Rik)
Samhita Devanagari Accented
यु॒वां ह॑वंत उ॒भया॑स आ॒जिष्विंद्रं॑ च॒ वस्वो॒ वरु॑णं च सा॒तये॑ ।
यत्र॒ राज॑भिर्द॒शभि॒र्निबा॑धितं॒ प्र सु॒दास॒माव॑तं॒ तृत्सु॑भिः स॒ह ॥
Samhita Devanagari Nonaccented
युवां हवंत उभयास आजिष्विंद्रं च वस्वो वरुणं च सातये ।
यत्र राजभिर्दशभिर्निबाधितं प्र सुदासमावतं तृत्सुभिः सह ॥
Samhita Transcription Accented
yuvā́m havanta ubháyāsa ājíṣvíndram ca vásvo váruṇam ca sātáye ǀ
yátra rā́jabhirdaśábhirníbādhitam prá sudā́samā́vatam tṛ́tsubhiḥ sahá ǁ
Samhita Transcription Nonaccented
yuvām havanta ubhayāsa ājiṣvindram ca vasvo varuṇam ca sātaye ǀ
yatra rājabhirdaśabhirnibādhitam pra sudāsamāvatam tṛtsubhiḥ saha ǁ
Padapatha Devanagari Accented
यु॒वाम् । ह॒व॒न्ते॒ । उ॒भया॑सः । आ॒जिषु॑ । इन्द्र॑म् । च॒ । वस्वः॑ । वरु॑णम् । च॒ । सा॒तये॑ ।
यत्र॑ । राज॑ऽभिः । द॒शऽभिः॑ । निऽबा॑धितम् । प्र । सु॒ऽदास॑म् । आव॑तम् । तृत्सु॑ऽभिः । स॒ह ॥
Padapatha Devanagari Nonaccented
युवाम् । हवन्ते । उभयासः । आजिषु । इन्द्रम् । च । वस्वः । वरुणम् । च । सातये ।
यत्र । राजऽभिः । दशऽभिः । निऽबाधितम् । प्र । सुऽदासम् । आवतम् । तृत्सुऽभिः । सह ॥
Padapatha Transcription Accented
yuvā́m ǀ havante ǀ ubháyāsaḥ ǀ ājíṣu ǀ índram ǀ ca ǀ vásvaḥ ǀ váruṇam ǀ ca ǀ sātáye ǀ
yátra ǀ rā́ja-bhiḥ ǀ daśá-bhiḥ ǀ ní-bādhitam ǀ prá ǀ su-dā́sam ǀ ā́vatam ǀ tṛ́tsu-bhiḥ ǀ sahá ǁ
Padapatha Transcription Nonaccented
yuvām ǀ havante ǀ ubhayāsaḥ ǀ ājiṣu ǀ indram ǀ ca ǀ vasvaḥ ǀ varuṇam ǀ ca ǀ sātaye ǀ
yatra ǀ rāja-bhiḥ ǀ daśa-bhiḥ ǀ ni-bādhitam ǀ pra ǀ su-dāsam ǀ āvatam ǀ tṛtsu-bhiḥ ǀ saha ǁ
07.083.07 (Mandala. Sukta. Rik)
5.6.05.02 (Ashtaka. Adhyaya. Varga. Rik)
07.05.079 (Mandala. Anuvāka. Rik)
Samhita Devanagari Accented
दश॒ राजा॑नः॒ समि॑ता॒ अय॑ज्यवः सु॒दास॑मिंद्रावरुणा॒ न यु॑युधुः ।
स॒त्या नृ॒णाम॑द्म॒सदा॒मुप॑स्तुतिर्दे॒वा ए॑षामभवंदे॒वहू॑तिषु ॥
Samhita Devanagari Nonaccented
दश राजानः समिता अयज्यवः सुदासमिंद्रावरुणा न युयुधुः ।
सत्या नृणामद्मसदामुपस्तुतिर्देवा एषामभवंदेवहूतिषु ॥
Samhita Transcription Accented
dáśa rā́jānaḥ sámitā áyajyavaḥ sudā́samindrāvaruṇā ná yuyudhuḥ ǀ
satyā́ nṛṇā́madmasádāmúpastutirdevā́ eṣāmabhavandeváhūtiṣu ǁ
Samhita Transcription Nonaccented
daśa rājānaḥ samitā ayajyavaḥ sudāsamindrāvaruṇā na yuyudhuḥ ǀ
satyā nṛṇāmadmasadāmupastutirdevā eṣāmabhavandevahūtiṣu ǁ
Padapatha Devanagari Accented
दश॑ । राजा॑नः । सम्ऽइ॑ताः । अय॑ज्यवः । सु॒ऽदास॑म् । इ॒न्द्रा॒व॒रु॒णा॒ । न । यु॒यु॒धुः॒ ।
स॒त्या । नृ॒णाम् । अ॒द्म॒ऽसदा॑म् । उप॑ऽस्तुतिः । दे॒वाः । ए॒षा॒म् । अ॒भ॒व॒न् । दे॒वऽहू॑तिषु ॥
Padapatha Devanagari Nonaccented
दश । राजानः । सम्ऽइताः । अयज्यवः । सुऽदासम् । इन्द्रावरुणा । न । युयुधुः ।
सत्या । नृणाम् । अद्मऽसदाम् । उपऽस्तुतिः । देवाः । एषाम् । अभवन् । देवऽहूतिषु ॥
Padapatha Transcription Accented
dáśa ǀ rā́jānaḥ ǀ sám-itāḥ ǀ áyajyavaḥ ǀ su-dā́sam ǀ indrāvaruṇā ǀ ná ǀ yuyudhuḥ ǀ
satyā́ ǀ nṛṇā́m ǀ adma-sádām ǀ úpa-stutiḥ ǀ devā́ḥ ǀ eṣām ǀ abhavan ǀ devá-hūtiṣu ǁ
Padapatha Transcription Nonaccented
daśa ǀ rājānaḥ ǀ sam-itāḥ ǀ ayajyavaḥ ǀ su-dāsam ǀ indrāvaruṇā ǀ na ǀ yuyudhuḥ ǀ
satyā ǀ nṛṇām ǀ adma-sadām ǀ upa-stutiḥ ǀ devāḥ ǀ eṣām ǀ abhavan ǀ deva-hūtiṣu ǁ
07.083.08 (Mandala. Sukta. Rik)
5.6.05.03 (Ashtaka. Adhyaya. Varga. Rik)
07.05.080 (Mandala. Anuvāka. Rik)
Samhita Devanagari Accented
दा॒श॒रा॒ज्ञे परि॑यत्ताय वि॒श्वतः॑ सु॒दास॑ इंद्रावरुणावशिक्षतं ।
श्वि॒त्यंचो॒ यत्र॒ नम॑सा कप॒र्दिनो॑ धि॒या धीवं॑तो॒ अस॑पंत॒ तृत्स॑वः ॥
Samhita Devanagari Nonaccented
दाशराज्ञे परियत्ताय विश्वतः सुदास इंद्रावरुणावशिक्षतं ।
श्वित्यंचो यत्र नमसा कपर्दिनो धिया धीवंतो असपंत तृत्सवः ॥
Samhita Transcription Accented
dāśarājñé páriyattāya viśvátaḥ sudā́sa indrāvaruṇāvaśikṣatam ǀ
śvityáñco yátra námasā kapardíno dhiyā́ dhī́vanto ásapanta tṛ́tsavaḥ ǁ
Samhita Transcription Nonaccented
dāśarājñe pariyattāya viśvataḥ sudāsa indrāvaruṇāvaśikṣatam ǀ
śvityañco yatra namasā kapardino dhiyā dhīvanto asapanta tṛtsavaḥ ǁ
Padapatha Devanagari Accented
दा॒श॒ऽरा॒ज्ञे । परि॑ऽयत्ताय । वि॒श्वतः॑ । सु॒ऽदासे॑ । इ॒न्द्रा॒व॒रु॒णौ॒ । अ॒शि॒क्ष॒त॒म् ।
श्वि॒त्यञ्चः॑ । यत्र॑ । नम॑सा । क॒प॒र्दिनः॑ । धि॒या । धीऽव॑न्तः । अस॑पन्त । तृत्स॑वः ॥
Padapatha Devanagari Nonaccented
दाशऽराज्ञे । परिऽयत्ताय । विश्वतः । सुऽदासे । इन्द्रावरुणौ । अशिक्षतम् ।
श्वित्यञ्चः । यत्र । नमसा । कपर्दिनः । धिया । धीऽवन्तः । असपन्त । तृत्सवः ॥
Padapatha Transcription Accented
dāśa-rājñé ǀ pári-yattāya ǀ viśvátaḥ ǀ su-dā́se ǀ indrāvaruṇau ǀ aśikṣatam ǀ
śvityáñcaḥ ǀ yátra ǀ námasā ǀ kapardínaḥ ǀ dhiyā́ ǀ dhī́-vantaḥ ǀ ásapanta ǀ tṛ́tsavaḥ ǁ
Padapatha Transcription Nonaccented
dāśa-rājñe ǀ pari-yattāya ǀ viśvataḥ ǀ su-dāse ǀ indrāvaruṇau ǀ aśikṣatam ǀ
śvityañcaḥ ǀ yatra ǀ namasā ǀ kapardinaḥ ǀ dhiyā ǀ dhī-vantaḥ ǀ asapanta ǀ tṛtsavaḥ ǁ
07.083.09 (Mandala. Sukta. Rik)
5.6.05.04 (Ashtaka. Adhyaya. Varga. Rik)
07.05.081 (Mandala. Anuvāka. Rik)
Samhita Devanagari Accented
वृ॒त्राण्य॒न्यः स॑मि॒थेषु॒ जिघ्न॑ते व्र॒तान्य॒न्यो अ॒भि र॑क्षते॒ सदा॑ ।
हवा॑महे वां वृषणा सुवृ॒क्तिभि॑र॒स्मे इं॑द्रावरुणा॒ शर्म॑ यच्छतं ॥
Samhita Devanagari Nonaccented
वृत्राण्यन्यः समिथेषु जिघ्नते व्रतान्यन्यो अभि रक्षते सदा ।
हवामहे वां वृषणा सुवृक्तिभिरस्मे इंद्रावरुणा शर्म यच्छतं ॥
Samhita Transcription Accented
vṛtrā́ṇyanyáḥ samithéṣu jíghnate vratā́nyanyó abhí rakṣate sádā ǀ
hávāmahe vām vṛṣaṇā suvṛktíbhirasmé indrāvaruṇā śárma yacchatam ǁ
Samhita Transcription Nonaccented
vṛtrāṇyanyaḥ samitheṣu jighnate vratānyanyo abhi rakṣate sadā ǀ
havāmahe vām vṛṣaṇā suvṛktibhirasme indrāvaruṇā śarma yacchatam ǁ
Padapatha Devanagari Accented
वृ॒त्राणि॑ । अ॒न्यः । स॒म्ऽइ॒थेषु॑ । जिघ्न॑ते । व्र॒तानि॑ । अ॒न्यः । अ॒भि । र॒क्ष॒ते॒ । सदा॑ ।
हवा॑महे । वा॒म् । वृ॒ष॒णा॒ । सु॒वृ॒क्तिऽभिः॑ । अ॒स्मे इति॑ । इ॒न्द्रा॒व॒रु॒णा॒ । शर्म॑ । य॒च्छ॒त॒म् ॥
Padapatha Devanagari Nonaccented
वृत्राणि । अन्यः । सम्ऽइथेषु । जिघ्नते । व्रतानि । अन्यः । अभि । रक्षते । सदा ।
हवामहे । वाम् । वृषणा । सुवृक्तिऽभिः । अस्मे इति । इन्द्रावरुणा । शर्म । यच्छतम् ॥
Padapatha Transcription Accented
vṛtrā́ṇi ǀ anyáḥ ǀ sam-ithéṣu ǀ jíghnate ǀ vratā́ni ǀ anyáḥ ǀ abhí ǀ rakṣate ǀ sádā ǀ
hávāmahe ǀ vām ǀ vṛṣaṇā ǀ suvṛktí-bhiḥ ǀ asmé íti ǀ indrāvaruṇā ǀ śárma ǀ yacchatam ǁ
Padapatha Transcription Nonaccented
vṛtrāṇi ǀ anyaḥ ǀ sam-itheṣu ǀ jighnate ǀ vratāni ǀ anyaḥ ǀ abhi ǀ rakṣate ǀ sadā ǀ
havāmahe ǀ vām ǀ vṛṣaṇā ǀ suvṛkti-bhiḥ ǀ asme iti ǀ indrāvaruṇā ǀ śarma ǀ yacchatam ǁ
07.083.10 (Mandala. Sukta. Rik)
5.6.05.05 (Ashtaka. Adhyaya. Varga. Rik)
07.05.082 (Mandala. Anuvāka. Rik)
Samhita Devanagari Accented
अ॒स्मे इंद्रो॒ वरु॑णो मि॒त्रो अ॑र्य॒मा द्यु॒म्नं य॑च्छंतु॒ महि॒ शर्म॑ स॒प्रथः॑ ।
अ॒व॒ध्रं ज्योति॒रदि॑तेर्ऋता॒वृधो॑ दे॒वस्य॒ श्लोकं॑ सवि॒तुर्म॑नामहे ॥
Samhita Devanagari Nonaccented
अस्मे इंद्रो वरुणो मित्रो अर्यमा द्युम्नं यच्छंतु महि शर्म सप्रथः ।
अवध्रं ज्योतिरदितेर्ऋतावृधो देवस्य श्लोकं सवितुर्मनामहे ॥
Samhita Transcription Accented
asmé índro váruṇo mitró aryamā́ dyumnám yacchantu máhi śárma sapráthaḥ ǀ
avadhrám jyótiráditerṛtāvṛ́dho devásya ślókam savitúrmanāmahe ǁ
Samhita Transcription Nonaccented
asme indro varuṇo mitro aryamā dyumnam yacchantu mahi śarma saprathaḥ ǀ
avadhram jyotiraditerṛtāvṛdho devasya ślokam saviturmanāmahe ǁ
Padapatha Devanagari Accented
अ॒स्मे इति॑ । इन्द्रः॑ । वरु॑णः । मि॒त्रः । अ॒र्य॒मा । द्यु॒म्नम् । य॒च्छ॒न्तु॒ । महि॑ । शर्म॑ । स॒ऽप्रथः॑ ।
अ॒व॒ध्रम् । ज्योतिः॑ । अदि॑तेः । ऋ॒त॒ऽवृधः॑ । दे॒वस्य॑ । श्लोक॑म् । स॒वि॒तुः । म॒ना॒म॒हे॒ ॥
Padapatha Devanagari Nonaccented
अस्मे इति । इन्द्रः । वरुणः । मित्रः । अर्यमा । द्युम्नम् । यच्छन्तु । महि । शर्म । सऽप्रथः ।
अवध्रम् । ज्योतिः । अदितेः । ऋतऽवृधः । देवस्य । श्लोकम् । सवितुः । मनामहे ॥
Padapatha Transcription Accented
asmé íti ǀ índraḥ ǀ váruṇaḥ ǀ mitráḥ ǀ aryamā́ ǀ dyumnám ǀ yacchantu ǀ máhi ǀ śárma ǀ sa-práthaḥ ǀ
avadhrám ǀ jyótiḥ ǀ áditeḥ ǀ ṛta-vṛ́dhaḥ ǀ devásya ǀ ślókam ǀ savitúḥ ǀ manāmahe ǁ
Padapatha Transcription Nonaccented
asme iti ǀ indraḥ ǀ varuṇaḥ ǀ mitraḥ ǀ aryamā ǀ dyumnam ǀ yacchantu ǀ mahi ǀ śarma ǀ sa-prathaḥ ǀ
avadhram ǀ jyotiḥ ǀ aditeḥ ǀ ṛta-vṛdhaḥ ǀ devasya ǀ ślokam ǀ savituḥ ǀ manāmahe ǁ