|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 84
|
1. Info |
| To: | indra, varuṇa | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (1, 2, 4, 5); triṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.084.01 (Mandala. Sukta. Rik)
5.6.06.01 (Ashtaka. Adhyaya. Varga. Rik)
07.05.083 (Mandala. Anuvāka. Rik)
Samhita Devanagari Accented
आ वां॑ राजानावध्व॒रे व॑वृत्यां ह॒व्येभि॑रिंद्रावरुणा॒ नमो॑भिः ।
प्र वां॑ घृ॒ताची॑ बा॒ह्वोर्दधा॑ना॒ परि॒ त्मना॒ विषु॑रूपा जिगाति ॥
Samhita Devanagari Nonaccented
आ वां राजानावध्वरे ववृत्यां हव्येभिरिंद्रावरुणा नमोभिः ।
प्र वां घृताची बाह्वोर्दधाना परि त्मना विषुरूपा जिगाति ॥
Samhita Transcription Accented
ā́ vām rājānāvadhvaré vavṛtyām havyébhirindrāvaruṇā námobhiḥ ǀ
prá vām ghṛtā́cī bāhvórdádhānā pári tmánā víṣurūpā jigāti ǁ
Samhita Transcription Nonaccented
ā vām rājānāvadhvare vavṛtyām havyebhirindrāvaruṇā namobhiḥ ǀ
pra vām ghṛtācī bāhvordadhānā pari tmanā viṣurūpā jigāti ǁ
Padapatha Devanagari Accented
आ । वा॒म् । रा॒जा॒नौ॒ । अ॒ध्व॒रे । व॒वृ॒त्या॒म् । ह॒व्येभिः॑ । इ॒न्द्रा॒व॒रु॒णा॒ । नमः॑ऽभिः ।
प्र । वा॒म् । घृ॒ताची॑ । बा॒ह्वोः । दधा॑ना । परि॑ । त्मना॑ । विषु॑ऽरूपा । जि॒गा॒ति॒ ॥
Padapatha Devanagari Nonaccented
आ । वाम् । राजानौ । अध्वरे । ववृत्याम् । हव्येभिः । इन्द्रावरुणा । नमःऽभिः ।
प्र । वाम् । घृताची । बाह्वोः । दधाना । परि । त्मना । विषुऽरूपा । जिगाति ॥
Padapatha Transcription Accented
ā́ ǀ vām ǀ rājānau ǀ adhvaré ǀ vavṛtyām ǀ havyébhiḥ ǀ indrāvaruṇā ǀ námaḥ-bhiḥ ǀ
prá ǀ vām ǀ ghṛtā́cī ǀ bāhvóḥ ǀ dádhānā ǀ pári ǀ tmánā ǀ víṣu-rūpā ǀ jigāti ǁ
Padapatha Transcription Nonaccented
ā ǀ vām ǀ rājānau ǀ adhvare ǀ vavṛtyām ǀ havyebhiḥ ǀ indrāvaruṇā ǀ namaḥ-bhiḥ ǀ
pra ǀ vām ǀ ghṛtācī ǀ bāhvoḥ ǀ dadhānā ǀ pari ǀ tmanā ǀ viṣu-rūpā ǀ jigāti ǁ
07.084.02 (Mandala. Sukta. Rik)
5.6.06.02 (Ashtaka. Adhyaya. Varga. Rik)
07.05.084 (Mandala. Anuvāka. Rik)
Samhita Devanagari Accented
यु॒वो रा॒ष्ट्रं बृ॒हदि॑न्वति॒ द्यौर्यौ से॒तृभि॑रर॒ज्जुभिः॑ सिनी॒थः ।
परि॑ नो॒ हेळो॒ वरु॑णस्य वृज्या उ॒रुं न॒ इंद्रः॑ कृणवदु लो॒कं ॥
Samhita Devanagari Nonaccented
युवो राष्ट्रं बृहदिन्वति द्यौर्यौ सेतृभिररज्जुभिः सिनीथः ।
परि नो हेळो वरुणस्य वृज्या उरुं न इंद्रः कृणवदु लोकं ॥
Samhita Transcription Accented
yuvó rāṣṭrám bṛhádinvati dyáuryáu setṛ́bhirarajjúbhiḥ sinītháḥ ǀ
pári no héḷo váruṇasya vṛjyā urúm na índraḥ kṛṇavadu lokám ǁ
Samhita Transcription Nonaccented
yuvo rāṣṭram bṛhadinvati dyauryau setṛbhirarajjubhiḥ sinīthaḥ ǀ
pari no heḷo varuṇasya vṛjyā urum na indraḥ kṛṇavadu lokam ǁ
Padapatha Devanagari Accented
यु॒वोः । रा॒ष्ट्रम् । बृ॒हत् । इ॒न्व॒ति॒ । द्यौः । यौ । से॒तृऽभिः॑ । अ॒र॒ज्जुऽभिः॑ । सि॒नी॒थः ।
परि॑ । नः॒ । हेळः॑ । वरु॑णस्य । वृ॒ज्याः॒ । उ॒रुम् । नः॒ । इन्द्रः॑ । कृ॒ण॒व॒त् । ऊं॒ इति॑ । लो॒कम् ॥
Padapatha Devanagari Nonaccented
युवोः । राष्ट्रम् । बृहत् । इन्वति । द्यौः । यौ । सेतृऽभिः । अरज्जुऽभिः । सिनीथः ।
परि । नः । हेळः । वरुणस्य । वृज्याः । उरुम् । नः । इन्द्रः । कृणवत् । ऊं इति । लोकम् ॥
Padapatha Transcription Accented
yuvóḥ ǀ rāṣṭrám ǀ bṛhát ǀ invati ǀ dyáuḥ ǀ yáu ǀ setṛ́-bhiḥ ǀ arajjú-bhiḥ ǀ sinītháḥ ǀ
pári ǀ naḥ ǀ héḷaḥ ǀ váruṇasya ǀ vṛjyāḥ ǀ urúm ǀ naḥ ǀ índraḥ ǀ kṛṇavat ǀ ūṃ íti ǀ lokám ǁ
Padapatha Transcription Nonaccented
yuvoḥ ǀ rāṣṭram ǀ bṛhat ǀ invati ǀ dyauḥ ǀ yau ǀ setṛ-bhiḥ ǀ arajju-bhiḥ ǀ sinīthaḥ ǀ
pari ǀ naḥ ǀ heḷaḥ ǀ varuṇasya ǀ vṛjyāḥ ǀ urum ǀ naḥ ǀ indraḥ ǀ kṛṇavat ǀ ūṃ iti ǀ lokam ǁ
07.084.03 (Mandala. Sukta. Rik)
5.6.06.03 (Ashtaka. Adhyaya. Varga. Rik)
07.05.085 (Mandala. Anuvāka. Rik)
Samhita Devanagari Accented
कृ॒तं नो॑ य॒ज्ञं वि॒दथे॑षु॒ चारुं॑ कृ॒तं ब्रह्मा॑णि सू॒रिषु॑ प्रश॒स्ता ।
उपो॑ र॒यिर्दे॒वजू॑तो न एतु॒ प्र णः॑ स्पा॒र्हाभि॑रू॒तिभि॑स्तिरेतं ॥
Samhita Devanagari Nonaccented
कृतं नो यज्ञं विदथेषु चारुं कृतं ब्रह्माणि सूरिषु प्रशस्ता ।
उपो रयिर्देवजूतो न एतु प्र णः स्पार्हाभिरूतिभिस्तिरेतं ॥
Samhita Transcription Accented
kṛtám no yajñám vidátheṣu cā́rum kṛtám bráhmāṇi sūríṣu praśastā́ ǀ
úpo rayírdevájūto na etu prá ṇaḥ spārhā́bhirūtíbhistiretam ǁ
Samhita Transcription Nonaccented
kṛtam no yajñam vidatheṣu cārum kṛtam brahmāṇi sūriṣu praśastā ǀ
upo rayirdevajūto na etu pra ṇaḥ spārhābhirūtibhistiretam ǁ
Padapatha Devanagari Accented
कृ॒तम् । नः॒ । य॒ज्ञम् । वि॒दथे॑षु । चारु॑म् । कृ॒तम् । ब्रह्मा॑णि । सू॒रिषु॑ । प्र॒ऽश॒स्ता ।
उपो॒ इति॑ । र॒यिः । दे॒वऽजू॑तः । नः॒ । ए॒तु॒ । प्र । नः॒ । स्पा॒र्हाभिः॑ । ऊ॒तिऽभिः॑ । ति॒रे॒त॒म् ॥
Padapatha Devanagari Nonaccented
कृतम् । नः । यज्ञम् । विदथेषु । चारुम् । कृतम् । ब्रह्माणि । सूरिषु । प्रऽशस्ता ।
उपो इति । रयिः । देवऽजूतः । नः । एतु । प्र । नः । स्पार्हाभिः । ऊतिऽभिः । तिरेतम् ॥
Padapatha Transcription Accented
kṛtám ǀ naḥ ǀ yajñám ǀ vidátheṣu ǀ cā́rum ǀ kṛtám ǀ bráhmāṇi ǀ sūríṣu ǀ pra-śastā́ ǀ
úpo íti ǀ rayíḥ ǀ devá-jūtaḥ ǀ naḥ ǀ etu ǀ prá ǀ naḥ ǀ spārhā́bhiḥ ǀ ūtí-bhiḥ ǀ tiretam ǁ
Padapatha Transcription Nonaccented
kṛtam ǀ naḥ ǀ yajñam ǀ vidatheṣu ǀ cārum ǀ kṛtam ǀ brahmāṇi ǀ sūriṣu ǀ pra-śastā ǀ
upo iti ǀ rayiḥ ǀ deva-jūtaḥ ǀ naḥ ǀ etu ǀ pra ǀ naḥ ǀ spārhābhiḥ ǀ ūti-bhiḥ ǀ tiretam ǁ
07.084.04 (Mandala. Sukta. Rik)
5.6.06.04 (Ashtaka. Adhyaya. Varga. Rik)
07.05.086 (Mandala. Anuvāka. Rik)
Samhita Devanagari Accented
अ॒स्मे इं॑द्रावरुणा वि॒श्ववा॑रं र॒यिं ध॑त्तं॒ वसु॑मंतं पुरु॒क्षुं ।
प्र य आ॑दि॒त्यो अनृ॑ता मि॒नात्यमि॑ता॒ शूरो॑ दयते॒ वसू॑नि ॥
Samhita Devanagari Nonaccented
अस्मे इंद्रावरुणा विश्ववारं रयिं धत्तं वसुमंतं पुरुक्षुं ।
प्र य आदित्यो अनृता मिनात्यमिता शूरो दयते वसूनि ॥
Samhita Transcription Accented
asmé indrāvaruṇā viśvávāram rayím dhattam vásumantam purukṣúm ǀ
prá yá ādityó ánṛtā minā́tyámitā śū́ro dayate vásūni ǁ
Samhita Transcription Nonaccented
asme indrāvaruṇā viśvavāram rayim dhattam vasumantam purukṣum ǀ
pra ya ādityo anṛtā minātyamitā śūro dayate vasūni ǁ
Padapatha Devanagari Accented
अ॒स्मे इति॑ । इ॒न्द्रा॒व॒रु॒णा॒ । वि॒श्वऽवा॑रम् । र॒यिम् । ध॒त्त॒म् । वसु॑ऽमन्तम् । पु॒रु॒ऽक्षुम् ।
प्र । यः । आ॒दि॒त्यः । अनृ॑ता । मि॒नाति॑ । अमि॑ता । शूरः॑ । द॒य॒ते॒ । वसू॑नि ॥
Padapatha Devanagari Nonaccented
अस्मे इति । इन्द्रावरुणा । विश्वऽवारम् । रयिम् । धत्तम् । वसुऽमन्तम् । पुरुऽक्षुम् ।
प्र । यः । आदित्यः । अनृता । मिनाति । अमिता । शूरः । दयते । वसूनि ॥
Padapatha Transcription Accented
asmé íti ǀ indrāvaruṇā ǀ viśvá-vāram ǀ rayím ǀ dhattam ǀ vásu-mantam ǀ puru-kṣúm ǀ
prá ǀ yáḥ ǀ ādityáḥ ǀ ánṛtā ǀ minā́ti ǀ ámitā ǀ śū́raḥ ǀ dayate ǀ vásūni ǁ
Padapatha Transcription Nonaccented
asme iti ǀ indrāvaruṇā ǀ viśva-vāram ǀ rayim ǀ dhattam ǀ vasu-mantam ǀ puru-kṣum ǀ
pra ǀ yaḥ ǀ ādityaḥ ǀ anṛtā ǀ mināti ǀ amitā ǀ śūraḥ ǀ dayate ǀ vasūni ǁ
07.084.05 (Mandala. Sukta. Rik)
5.6.06.05 (Ashtaka. Adhyaya. Varga. Rik)
07.05.087 (Mandala. Anuvāka. Rik)
Samhita Devanagari Accented
इ॒यमिंद्रं॒ वरु॑णमष्ट मे॒ गीः प्राव॑त्तो॒के तन॑ये॒ तूतु॑जाना ।
सु॒रत्ना॑सो दे॒ववी॑तिं गमेम यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
इयमिंद्रं वरुणमष्ट मे गीः प्रावत्तोके तनये तूतुजाना ।
सुरत्नासो देववीतिं गमेम यूयं पात स्वस्तिभिः सदा नः ॥
Samhita Transcription Accented
iyámíndram váruṇamaṣṭa me gī́ḥ prā́vattoké tánaye tū́tujānā ǀ
surátnāso devávītim gamema yūyám pāta svastíbhiḥ sádā naḥ ǁ
Samhita Transcription Nonaccented
iyamindram varuṇamaṣṭa me gīḥ prāvattoke tanaye tūtujānā ǀ
suratnāso devavītim gamema yūyam pāta svastibhiḥ sadā naḥ ǁ
Padapatha Devanagari Accented
इ॒यम् । इन्द्र॑म् । वरु॑णम् । अ॒ष्ट॒ । मे॒ । गीः । प्र । आ॒व॒त् । तो॒के । तन॑ये । तूतु॑जाना ।
सु॒ऽरत्ना॑सः । दे॒वऽवी॑तिम् । ग॒मे॒म॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
इयम् । इन्द्रम् । वरुणम् । अष्ट । मे । गीः । प्र । आवत् । तोके । तनये । तूतुजाना ।
सुऽरत्नासः । देवऽवीतिम् । गमेम । यूयम् । पात । स्वस्तिऽभिः । सदा । नः ॥
Padapatha Transcription Accented
iyám ǀ índram ǀ váruṇam ǀ aṣṭa ǀ me ǀ gī́ḥ ǀ prá ǀ āvat ǀ toké ǀ tánaye ǀ tū́tujānā ǀ
su-rátnāsaḥ ǀ devá-vītim ǀ gamema ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
iyam ǀ indram ǀ varuṇam ǀ aṣṭa ǀ me ǀ gīḥ ǀ pra ǀ āvat ǀ toke ǀ tanaye ǀ tūtujānā ǀ
su-ratnāsaḥ ǀ deva-vītim ǀ gamema ǀ yūyam ǀ pāta ǀ svasti-bhiḥ ǀ sadā ǀ naḥ ǁ