|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 85
|
1. Info |
| To: | indra, varuṇa | |
| From: | vasiṣṭha maitrāvaruṇi | |
| Metres: | 1st set of styles: nicṛttriṣṭup (2, 3, 5); ārṣītriṣṭup (1, 4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.085.01 (Mandala. Sukta. Rik)
5.6.07.01 (Ashtaka. Adhyaya. Varga. Rik)
07.05.088 (Mandala. Anuvāka. Rik)
Samhita Devanagari Accented
पु॒नी॒षे वा॑मर॒क्षसं॑ मनी॒षां सोम॒मिंद्रा॑य॒ वरु॑णाय॒ जुह्व॑त् ।
घृ॒तप्र॑तीकामु॒षसं॒ न दे॒वीं ता नो॒ याम॑न्नुरुष्यताम॒भीके॑ ॥
Samhita Devanagari Nonaccented
पुनीषे वामरक्षसं मनीषां सोममिंद्राय वरुणाय जुह्वत् ।
घृतप्रतीकामुषसं न देवीं ता नो यामन्नुरुष्यतामभीके ॥
Samhita Transcription Accented
punīṣé vāmarakṣásam manīṣā́m sómamíndrāya váruṇāya júhvat ǀ
ghṛtápratīkāmuṣásam ná devī́m tā́ no yā́mannuruṣyatāmabhī́ke ǁ
Samhita Transcription Nonaccented
punīṣe vāmarakṣasam manīṣām somamindrāya varuṇāya juhvat ǀ
ghṛtapratīkāmuṣasam na devīm tā no yāmannuruṣyatāmabhīke ǁ
Padapatha Devanagari Accented
पु॒नी॒षे । वा॒म् । अ॒र॒क्षस॑म् । म॒नी॒षाम् । सोम॑म् । इन्द्रा॑य । वरु॑णाय । जुह्व॑त् ।
घृ॒तऽप्र॑तीकाम् । उ॒षस॑म् । न । दे॒वीम् । ता । नः॒ । याम॑न् । उ॒रु॒ष्य॒ता॒म् । अ॒भीके॑ ॥
Padapatha Devanagari Nonaccented
पुनीषे । वाम् । अरक्षसम् । मनीषाम् । सोमम् । इन्द्राय । वरुणाय । जुह्वत् ।
घृतऽप्रतीकाम् । उषसम् । न । देवीम् । ता । नः । यामन् । उरुष्यताम् । अभीके ॥
Padapatha Transcription Accented
punīṣé ǀ vām ǀ arakṣásam ǀ manīṣā́m ǀ sómam ǀ índrāya ǀ váruṇāya ǀ júhvat ǀ
ghṛtá-pratīkām ǀ uṣásam ǀ ná ǀ devī́m ǀ tā́ ǀ naḥ ǀ yā́man ǀ uruṣyatām ǀ abhī́ke ǁ
Padapatha Transcription Nonaccented
punīṣe ǀ vām ǀ arakṣasam ǀ manīṣām ǀ somam ǀ indrāya ǀ varuṇāya ǀ juhvat ǀ
ghṛta-pratīkām ǀ uṣasam ǀ na ǀ devīm ǀ tā ǀ naḥ ǀ yāman ǀ uruṣyatām ǀ abhīke ǁ
07.085.02 (Mandala. Sukta. Rik)
5.6.07.02 (Ashtaka. Adhyaya. Varga. Rik)
07.05.089 (Mandala. Anuvāka. Rik)
Samhita Devanagari Accented
स्पर्धं॑ते॒ वा उ॑ देव॒हूये॒ अत्र॒ येषु॑ ध्व॒जेषु॑ दि॒द्यवः॒ पतं॑ति ।
यु॒वं ताँ इं॑द्रावरुणाव॒मित्रा॑न्ह॒तं परा॑चः॒ शर्वा॒ विषू॑चः ॥
Samhita Devanagari Nonaccented
स्पर्धंते वा उ देवहूये अत्र येषु ध्वजेषु दिद्यवः पतंति ।
युवं ताँ इंद्रावरुणावमित्रान्हतं पराचः शर्वा विषूचः ॥
Samhita Transcription Accented
spárdhante vā́ u devahū́ye átra yéṣu dhvajéṣu didyávaḥ pátanti ǀ
yuvám tā́m̐ indrāvaruṇāvamítrānhatám párācaḥ śárvā víṣūcaḥ ǁ
Samhita Transcription Nonaccented
spardhante vā u devahūye atra yeṣu dhvajeṣu didyavaḥ patanti ǀ
yuvam tām̐ indrāvaruṇāvamitrānhatam parācaḥ śarvā viṣūcaḥ ǁ
Padapatha Devanagari Accented
स्पर्ध॑न्ते । वै । ऊं॒ इति॑ । दे॒व॒ऽहूये॑ । अत्र॑ । येषु॑ । ध्व॒जेषु॑ । दि॒द्यवः॑ । पत॑न्ति ।
यु॒वम् । तान् । इ॒न्द्रा॒व॒रु॒णौ॒ । अ॒मित्रा॑न् । ह॒तम् । परा॑चः । शर्वा॑ । विषू॑चः ॥
Padapatha Devanagari Nonaccented
स्पर्धन्ते । वै । ऊं इति । देवऽहूये । अत्र । येषु । ध्वजेषु । दिद्यवः । पतन्ति ।
युवम् । तान् । इन्द्रावरुणौ । अमित्रान् । हतम् । पराचः । शर्वा । विषूचः ॥
Padapatha Transcription Accented
spárdhante ǀ vái ǀ ūṃ íti ǀ deva-hū́ye ǀ átra ǀ yéṣu ǀ dhvajéṣu ǀ didyávaḥ ǀ pátanti ǀ
yuvám ǀ tā́n ǀ indrāvaruṇau ǀ amítrān ǀ hatám ǀ párācaḥ ǀ śárvā ǀ víṣūcaḥ ǁ
Padapatha Transcription Nonaccented
spardhante ǀ vai ǀ ūṃ iti ǀ deva-hūye ǀ atra ǀ yeṣu ǀ dhvajeṣu ǀ didyavaḥ ǀ patanti ǀ
yuvam ǀ tān ǀ indrāvaruṇau ǀ amitrān ǀ hatam ǀ parācaḥ ǀ śarvā ǀ viṣūcaḥ ǁ
07.085.03 (Mandala. Sukta. Rik)
5.6.07.03 (Ashtaka. Adhyaya. Varga. Rik)
07.05.090 (Mandala. Anuvāka. Rik)
Samhita Devanagari Accented
आप॑श्चि॒द्धि स्वय॑शसः॒ सद॑स्सु दे॒वीरिंद्रं॒ वरु॑णं दे॒वता॒ धुः ।
कृ॒ष्टीर॒न्यो धा॒रय॑ति॒ प्रवि॑क्ता वृ॒त्राण्य॒न्यो अ॑प्र॒तीनि॑ हंति ॥
Samhita Devanagari Nonaccented
आपश्चिद्धि स्वयशसः सदस्सु देवीरिंद्रं वरुणं देवता धुः ।
कृष्टीरन्यो धारयति प्रविक्ता वृत्राण्यन्यो अप्रतीनि हंति ॥
Samhita Transcription Accented
ā́paściddhí sváyaśasaḥ sádassu devī́ríndram váruṇam devátā dhúḥ ǀ
kṛṣṭī́ranyó dhāráyati práviktā vṛtrā́ṇyanyó apratī́ni hanti ǁ
Samhita Transcription Nonaccented
āpaściddhi svayaśasaḥ sadassu devīrindram varuṇam devatā dhuḥ ǀ
kṛṣṭīranyo dhārayati praviktā vṛtrāṇyanyo apratīni hanti ǁ
Padapatha Devanagari Accented
आपः॑ । चि॒त् । हि । स्वऽय॑शसः । सदः॑ऽसु । दे॒वीः । इन्द्र॑म् । वरु॑णम् । दे॒वता॑ । धुरिति॒ धुः ।
कृ॒ष्टीः । अ॒न्यः । धा॒रय॑ति । प्रऽवि॑क्ताः । वृ॒त्राणि॑ । अ॒न्यः । अ॒प्र॒तीनि॑ । ह॒न्ति॒ ॥
Padapatha Devanagari Nonaccented
आपः । चित् । हि । स्वऽयशसः । सदःऽसु । देवीः । इन्द्रम् । वरुणम् । देवता । धुरिति धुः ।
कृष्टीः । अन्यः । धारयति । प्रऽविक्ताः । वृत्राणि । अन्यः । अप्रतीनि । हन्ति ॥
Padapatha Transcription Accented
ā́paḥ ǀ cit ǀ hí ǀ svá-yaśasaḥ ǀ sádaḥ-su ǀ devī́ḥ ǀ índram ǀ váruṇam ǀ devátā ǀ dhúríti dhúḥ ǀ
kṛṣṭī́ḥ ǀ anyáḥ ǀ dhāráyati ǀ prá-viktāḥ ǀ vṛtrā́ṇi ǀ anyáḥ ǀ apratī́ni ǀ hanti ǁ
Padapatha Transcription Nonaccented
āpaḥ ǀ cit ǀ hi ǀ sva-yaśasaḥ ǀ sadaḥ-su ǀ devīḥ ǀ indram ǀ varuṇam ǀ devatā ǀ dhuriti dhuḥ ǀ
kṛṣṭīḥ ǀ anyaḥ ǀ dhārayati ǀ pra-viktāḥ ǀ vṛtrāṇi ǀ anyaḥ ǀ apratīni ǀ hanti ǁ
07.085.04 (Mandala. Sukta. Rik)
5.6.07.04 (Ashtaka. Adhyaya. Varga. Rik)
07.05.091 (Mandala. Anuvāka. Rik)
Samhita Devanagari Accented
स सु॒क्रतु॑र्ऋत॒चिद॑स्तु॒ होता॒ य आ॑दित्य॒ शव॑सा वां॒ नम॑स्वान् ।
आ॒व॒वर्त॒दव॑से वां ह॒विष्मा॒नस॒दित्स सु॑वि॒ताय॒ प्रय॑स्वान् ॥
Samhita Devanagari Nonaccented
स सुक्रतुर्ऋतचिदस्तु होता य आदित्य शवसा वां नमस्वान् ।
आववर्तदवसे वां हविष्मानसदित्स सुविताय प्रयस्वान् ॥
Samhita Transcription Accented
sá sukráturṛtacídastu hótā yá āditya śávasā vām námasvān ǀ
āvavártadávase vām havíṣmānásadítsá suvitā́ya práyasvān ǁ
Samhita Transcription Nonaccented
sa sukraturṛtacidastu hotā ya āditya śavasā vām namasvān ǀ
āvavartadavase vām haviṣmānasaditsa suvitāya prayasvān ǁ
Padapatha Devanagari Accented
सः । सु॒ऽक्रतुः॑ । ऋ॒त॒ऽचित् । अ॒स्तु॒ । होता॑ । यः । आ॒दि॒त्या॒ । शव॑सा । वा॒म् । नम॑स्वान् ।
आ॒ऽव॒वर्त॑त् । अव॑से । वा॒म् । ह॒विष्मा॑न् । अस॑त् । इत् । सः । सु॒वि॒ताय॑ । प्रय॑स्वान् ॥
Padapatha Devanagari Nonaccented
सः । सुऽक्रतुः । ऋतऽचित् । अस्तु । होता । यः । आदित्या । शवसा । वाम् । नमस्वान् ।
आऽववर्तत् । अवसे । वाम् । हविष्मान् । असत् । इत् । सः । सुविताय । प्रयस्वान् ॥
Padapatha Transcription Accented
sáḥ ǀ su-krátuḥ ǀ ṛta-cít ǀ astu ǀ hótā ǀ yáḥ ǀ ādityā ǀ śávasā ǀ vām ǀ námasvān ǀ
ā-vavártat ǀ ávase ǀ vām ǀ havíṣmān ǀ ásat ǀ ít ǀ sáḥ ǀ suvitā́ya ǀ práyasvān ǁ
Padapatha Transcription Nonaccented
saḥ ǀ su-kratuḥ ǀ ṛta-cit ǀ astu ǀ hotā ǀ yaḥ ǀ ādityā ǀ śavasā ǀ vām ǀ namasvān ǀ
ā-vavartat ǀ avase ǀ vām ǀ haviṣmān ǀ asat ǀ it ǀ saḥ ǀ suvitāya ǀ prayasvān ǁ
07.085.05 (Mandala. Sukta. Rik)
5.6.07.05 (Ashtaka. Adhyaya. Varga. Rik)
07.05.092 (Mandala. Anuvāka. Rik)
Samhita Devanagari Accented
इ॒यमिंद्रं॒ वरु॑णमष्ट मे॒ गीः प्राव॑त्तो॒के तन॑ये॒ तूतु॑जाना ।
सु॒रत्ना॑सो दे॒ववी॑तिं गमेम यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
इयमिंद्रं वरुणमष्ट मे गीः प्रावत्तोके तनये तूतुजाना ।
सुरत्नासो देववीतिं गमेम यूयं पात स्वस्तिभिः सदा नः ॥
Samhita Transcription Accented
iyámíndram váruṇamaṣṭa me gī́ḥ prā́vattoké tánaye tū́tujānā ǀ
surátnāso devávītim gamema yūyám pāta svastíbhiḥ sádā naḥ ǁ
Samhita Transcription Nonaccented
iyamindram varuṇamaṣṭa me gīḥ prāvattoke tanaye tūtujānā ǀ
suratnāso devavītim gamema yūyam pāta svastibhiḥ sadā naḥ ǁ
Padapatha Devanagari Accented
इ॒यम् । इन्द्र॑म् । वरु॑णम् । अ॒ष्ट॒ । मे॒ । गीः । प्र । आ॒व॒त् । तो॒के । तन॑ये । तूतु॑जाना ।
सु॒ऽरत्ना॑सः । दे॒वऽवी॑तिम् । ग॒मे॒म॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
इयम् । इन्द्रम् । वरुणम् । अष्ट । मे । गीः । प्र । आवत् । तोके । तनये । तूतुजाना ।
सुऽरत्नासः । देवऽवीतिम् । गमेम । यूयम् । पात । स्वस्तिऽभिः । सदा । नः ॥
Padapatha Transcription Accented
iyám ǀ índram ǀ váruṇam ǀ aṣṭa ǀ me ǀ gī́ḥ ǀ prá ǀ āvat ǀ toké ǀ tánaye ǀ tū́tujānā ǀ
su-rátnāsaḥ ǀ devá-vītim ǀ gamema ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
iyam ǀ indram ǀ varuṇam ǀ aṣṭa ǀ me ǀ gīḥ ǀ pra ǀ āvat ǀ toke ǀ tanaye ǀ tūtujānā ǀ
su-ratnāsaḥ ǀ deva-vītim ǀ gamema ǀ yūyam ǀ pāta ǀ svasti-bhiḥ ǀ sadā ǀ naḥ ǁ