|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 91
|
1. Info |
| To: | 1, 3: vāyu; 2, 4-7: indra, vāyu |
|
| From: | vasiṣṭha maitrāvaruṇi | |
| Metres: | 1st set of styles: virāṭtrisṭup (1, 4, 7); ārṣītriṣṭup (2, 5, 6); nicṛttriṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.091.01 (Mandala. Sukta. Rik)
5.6.13.01 (Ashtaka. Adhyaya. Varga. Rik)
07.06.008 (Mandala. Anuvāka. Rik)
Samhita Devanagari Accented
कु॒विदं॒ग नम॑सा॒ ये वृ॒धासः॑ पु॒रा दे॒वा अ॑नव॒द्यास॒ आस॑न् ।
ते वा॒यवे॒ मन॑वे बाधि॒तायावा॑सयन्नु॒षसं॒ सूर्ये॑ण ॥
Samhita Devanagari Nonaccented
कुविदंग नमसा ये वृधासः पुरा देवा अनवद्यास आसन् ।
ते वायवे मनवे बाधितायावासयन्नुषसं सूर्येण ॥
Samhita Transcription Accented
kuvídaṅgá námasā yé vṛdhā́saḥ purā́ devā́ anavadyā́sa ā́san ǀ
té vāyáve mánave bādhitā́yā́vāsayannuṣásam sū́ryeṇa ǁ
Samhita Transcription Nonaccented
kuvidaṅga namasā ye vṛdhāsaḥ purā devā anavadyāsa āsan ǀ
te vāyave manave bādhitāyāvāsayannuṣasam sūryeṇa ǁ
Padapatha Devanagari Accented
कु॒वित् । अ॒ङ्ग । नम॑सा । ये । वृ॒धासः॑ । पु॒रा । दे॒वाः । अ॒न॒व॒द्यासः॑ । आस॑न् ।
ते । वा॒यवे॑ । मन॑वे । बा॒धि॒ताय॑ । अवा॑सयन् । उ॒षस॑म् । सूर्ये॑ण ॥
Padapatha Devanagari Nonaccented
कुवित् । अङ्ग । नमसा । ये । वृधासः । पुरा । देवाः । अनवद्यासः । आसन् ।
ते । वायवे । मनवे । बाधिताय । अवासयन् । उषसम् । सूर्येण ॥
Padapatha Transcription Accented
kuvít ǀ aṅgá ǀ námasā ǀ yé ǀ vṛdhā́saḥ ǀ purā́ ǀ devā́ḥ ǀ anavadyā́saḥ ǀ ā́san ǀ
té ǀ vāyáve ǀ mánave ǀ bādhitā́ya ǀ ávāsayan ǀ uṣásam ǀ sū́ryeṇa ǁ
Padapatha Transcription Nonaccented
kuvit ǀ aṅga ǀ namasā ǀ ye ǀ vṛdhāsaḥ ǀ purā ǀ devāḥ ǀ anavadyāsaḥ ǀ āsan ǀ
te ǀ vāyave ǀ manave ǀ bādhitāya ǀ avāsayan ǀ uṣasam ǀ sūryeṇa ǁ
07.091.02 (Mandala. Sukta. Rik)
5.6.13.02 (Ashtaka. Adhyaya. Varga. Rik)
07.06.009 (Mandala. Anuvāka. Rik)
Samhita Devanagari Accented
उ॒शंता॑ दू॒ता न दभा॑य गो॒पा मा॒सश्च॑ पा॒थः श॒रद॑श्च पू॒र्वीः ।
इंद्र॑वायू सुष्टु॒तिर्वा॑मिया॒ना मा॑र्डी॒कमी॑ट्टे सुवि॒तं च॒ नव्यं॑ ॥
Samhita Devanagari Nonaccented
उशंता दूता न दभाय गोपा मासश्च पाथः शरदश्च पूर्वीः ।
इंद्रवायू सुष्टुतिर्वामियाना मार्डीकमीट्टे सुवितं च नव्यं ॥
Samhita Transcription Accented
uśántā dūtā́ ná dábhāya gopā́ māsáśca pātháḥ śarádaśca pūrvī́ḥ ǀ
índravāyū suṣṭutírvāmiyānā́ mārḍīkámīṭṭe suvitám ca návyam ǁ
Samhita Transcription Nonaccented
uśantā dūtā na dabhāya gopā māsaśca pāthaḥ śaradaśca pūrvīḥ ǀ
indravāyū suṣṭutirvāmiyānā mārḍīkamīṭṭe suvitam ca navyam ǁ
Padapatha Devanagari Accented
उ॒शन्ता॑ । दू॒ता । न । दभा॑य । गो॒पा । मा॒सः । च॒ । पा॒थः । श॒रदः॑ । च॒ । पू॒र्वीः ।
इन्द्र॑वायू॒ इति॑ । सु॒ऽस्तु॒तिः । वा॒म् । इ॒या॒ना । मा॒र्डी॒कम् । ई॒ट्टे॒ । सु॒वि॒तम् । च॒ । नव्य॑म् ॥
Padapatha Devanagari Nonaccented
उशन्ता । दूता । न । दभाय । गोपा । मासः । च । पाथः । शरदः । च । पूर्वीः ।
इन्द्रवायू इति । सुऽस्तुतिः । वाम् । इयाना । मार्डीकम् । ईट्टे । सुवितम् । च । नव्यम् ॥
Padapatha Transcription Accented
uśántā ǀ dūtā́ ǀ ná ǀ dábhāya ǀ gopā́ ǀ māsáḥ ǀ ca ǀ pātháḥ ǀ śarádaḥ ǀ ca ǀ pūrvī́ḥ ǀ
índravāyū íti ǀ su-stutíḥ ǀ vām ǀ iyānā́ ǀ mārḍīkám ǀ īṭṭe ǀ suvitám ǀ ca ǀ návyam ǁ
Padapatha Transcription Nonaccented
uśantā ǀ dūtā ǀ na ǀ dabhāya ǀ gopā ǀ māsaḥ ǀ ca ǀ pāthaḥ ǀ śaradaḥ ǀ ca ǀ pūrvīḥ ǀ
indravāyū iti ǀ su-stutiḥ ǀ vām ǀ iyānā ǀ mārḍīkam ǀ īṭṭe ǀ suvitam ǀ ca ǀ navyam ǁ
07.091.03 (Mandala. Sukta. Rik)
5.6.13.03 (Ashtaka. Adhyaya. Varga. Rik)
07.06.010 (Mandala. Anuvāka. Rik)
Samhita Devanagari Accented
पीवो॑अन्नान्रयि॒वृधः॑ सुमे॒धाः श्वे॒तः सि॑षक्ति नि॒युता॑मभि॒श्रीः ।
ते वा॒यवे॒ सम॑नसो॒ वि त॑स्थु॒र्विश्वेन्नरः॑ स्वप॒त्यानि॑ चक्रुः ॥
Samhita Devanagari Nonaccented
पीवोअन्नान्रयिवृधः सुमेधाः श्वेतः सिषक्ति नियुतामभिश्रीः ।
ते वायवे समनसो वि तस्थुर्विश्वेन्नरः स्वपत्यानि चक्रुः ॥
Samhita Transcription Accented
pī́voannānrayivṛ́dhaḥ sumedhā́ḥ śvetáḥ siṣakti niyútāmabhiśrī́ḥ ǀ
té vāyáve sámanaso ví tasthurvíśvénnáraḥ svapatyā́ni cakruḥ ǁ
Samhita Transcription Nonaccented
pīvoannānrayivṛdhaḥ sumedhāḥ śvetaḥ siṣakti niyutāmabhiśrīḥ ǀ
te vāyave samanaso vi tasthurviśvennaraḥ svapatyāni cakruḥ ǁ
Padapatha Devanagari Accented
पीवः॑ऽअन्नान् । र॒यि॒ऽवृधः॑ । सु॒ऽमे॒धाः । श्वे॒तः । सि॒स॒क्ति॒ । नि॒ऽयुता॑म् । अ॒भि॒ऽश्रीः ।
ते । वा॒यवे॑ । सऽम॑नसः । वि । त॒स्थुः॒ । विश्वा॑ । इत् । नरः॑ । सु॒ऽअ॒प॒त्यानि॑ । च॒क्रुः॒ ॥
Padapatha Devanagari Nonaccented
पीवःऽअन्नान् । रयिऽवृधः । सुऽमेधाः । श्वेतः । सिसक्ति । निऽयुताम् । अभिऽश्रीः ।
ते । वायवे । सऽमनसः । वि । तस्थुः । विश्वा । इत् । नरः । सुऽअपत्यानि । चक्रुः ॥
Padapatha Transcription Accented
pī́vaḥ-annān ǀ rayi-vṛ́dhaḥ ǀ su-medhā́ḥ ǀ śvetáḥ ǀ sisakti ǀ ni-yútām ǀ abhi-śrī́ḥ ǀ
té ǀ vāyáve ǀ sá-manasaḥ ǀ ví ǀ tasthuḥ ǀ víśvā ǀ ít ǀ náraḥ ǀ su-apatyā́ni ǀ cakruḥ ǁ
Padapatha Transcription Nonaccented
pīvaḥ-annān ǀ rayi-vṛdhaḥ ǀ su-medhāḥ ǀ śvetaḥ ǀ sisakti ǀ ni-yutām ǀ abhi-śrīḥ ǀ
te ǀ vāyave ǀ sa-manasaḥ ǀ vi ǀ tasthuḥ ǀ viśvā ǀ it ǀ naraḥ ǀ su-apatyāni ǀ cakruḥ ǁ
07.091.04 (Mandala. Sukta. Rik)
5.6.13.04 (Ashtaka. Adhyaya. Varga. Rik)
07.06.011 (Mandala. Anuvāka. Rik)
Samhita Devanagari Accented
याव॒त्तर॑स्त॒न्वो॒३॒॑ याव॒दोजो॒ याव॒न्नर॒श्चक्ष॑सा॒ दीध्या॑नाः ।
शुचिं॒ सोमं॑ शुचिपा पातम॒स्मे इंद्र॑वायू॒ सद॑तं ब॒र्हिरेदं ॥
Samhita Devanagari Nonaccented
यावत्तरस्तन्वो यावदोजो यावन्नरश्चक्षसा दीध्यानाः ।
शुचिं सोमं शुचिपा पातमस्मे इंद्रवायू सदतं बर्हिरेदं ॥
Samhita Transcription Accented
yā́vattárastanvo yā́vadójo yā́vannáraścákṣasā dī́dhyānāḥ ǀ
śúcim sómam śucipā pātamasmé índravāyū sádatam barhírédám ǁ
Samhita Transcription Nonaccented
yāvattarastanvo yāvadojo yāvannaraścakṣasā dīdhyānāḥ ǀ
śucim somam śucipā pātamasme indravāyū sadatam barhiredam ǁ
Padapatha Devanagari Accented
याव॑त् । तरः॑ । त॒न्वः॑ । याव॑त् । ओजः॑ । याव॑त् । नरः॑ । चक्ष॑सा । दीध्या॑नाः ।
शुचि॑म् । सोम॑म् । शु॒चि॒ऽपा॒ । पा॒त॒म् । अ॒स्मे इति॑ । इन्द्र॑वायू॒ इति॑ । सद॑तम् । ब॒र्हिः । आ । इ॒दम् ॥
Padapatha Devanagari Nonaccented
यावत् । तरः । तन्वः । यावत् । ओजः । यावत् । नरः । चक्षसा । दीध्यानाः ।
शुचिम् । सोमम् । शुचिऽपा । पातम् । अस्मे इति । इन्द्रवायू इति । सदतम् । बर्हिः । आ । इदम् ॥
Padapatha Transcription Accented
yā́vat ǀ táraḥ ǀ tanváḥ ǀ yā́vat ǀ ójaḥ ǀ yā́vat ǀ náraḥ ǀ cákṣasā ǀ dī́dhyānāḥ ǀ
śúcim ǀ sómam ǀ śuci-pā ǀ pātam ǀ asmé íti ǀ índravāyū íti ǀ sádatam ǀ barhíḥ ǀ ā́ ǀ idám ǁ
Padapatha Transcription Nonaccented
yāvat ǀ taraḥ ǀ tanvaḥ ǀ yāvat ǀ ojaḥ ǀ yāvat ǀ naraḥ ǀ cakṣasā ǀ dīdhyānāḥ ǀ
śucim ǀ somam ǀ śuci-pā ǀ pātam ǀ asme iti ǀ indravāyū iti ǀ sadatam ǀ barhiḥ ǀ ā ǀ idam ǁ
07.091.05 (Mandala. Sukta. Rik)
5.6.13.05 (Ashtaka. Adhyaya. Varga. Rik)
07.06.012 (Mandala. Anuvāka. Rik)
Samhita Devanagari Accented
नि॒यु॒वा॒ना नि॒युतः॑ स्पा॒र्हवी॑रा॒ इंद्र॑वायू स॒रथं॑ यातम॒र्वाक् ।
इ॒दं हि वां॒ प्रभृ॑तं॒ मध्वो॒ अग्र॒मध॑ प्रीणा॒ना वि मु॑मुक्तम॒स्मे ॥
Samhita Devanagari Nonaccented
नियुवाना नियुतः स्पार्हवीरा इंद्रवायू सरथं यातमर्वाक् ।
इदं हि वां प्रभृतं मध्वो अग्रमध प्रीणाना वि मुमुक्तमस्मे ॥
Samhita Transcription Accented
niyuvānā́ niyútaḥ spārhávīrā índravāyū sarátham yātamarvā́k ǀ
idám hí vām prábhṛtam mádhvo ágramádha prīṇānā́ ví mumuktamasmé ǁ
Samhita Transcription Nonaccented
niyuvānā niyutaḥ spārhavīrā indravāyū saratham yātamarvāk ǀ
idam hi vām prabhṛtam madhvo agramadha prīṇānā vi mumuktamasme ǁ
Padapatha Devanagari Accented
नि॒ऽयु॒वा॒ना । नि॒ऽयुतः॑ । स्पा॒र्हऽवी॑राः । इन्द्र॑वायू॒ इति॑ । स॒ऽरथ॑म् । या॒त॒म् । अ॒र्वाक् ।
इ॒दम् । हि । वा॒म् । प्रऽभृ॑तम् । मध्वः॑ । अग्र॑म् । अध॑ । प्री॒णा॒ना । वि । मु॒मु॒क्त॒म् । अ॒स्मे इति॑ ॥
Padapatha Devanagari Nonaccented
निऽयुवाना । निऽयुतः । स्पार्हऽवीराः । इन्द्रवायू इति । सऽरथम् । यातम् । अर्वाक् ।
इदम् । हि । वाम् । प्रऽभृतम् । मध्वः । अग्रम् । अध । प्रीणाना । वि । मुमुक्तम् । अस्मे इति ॥
Padapatha Transcription Accented
ni-yuvānā́ ǀ ni-yútaḥ ǀ spārhá-vīrāḥ ǀ índravāyū íti ǀ sa-rátham ǀ yātam ǀ arvā́k ǀ
idám ǀ hí ǀ vām ǀ prá-bhṛtam ǀ mádhvaḥ ǀ ágram ǀ ádha ǀ prīṇānā́ ǀ ví ǀ mumuktam ǀ asmé íti ǁ
Padapatha Transcription Nonaccented
ni-yuvānā ǀ ni-yutaḥ ǀ spārha-vīrāḥ ǀ indravāyū iti ǀ sa-ratham ǀ yātam ǀ arvāk ǀ
idam ǀ hi ǀ vām ǀ pra-bhṛtam ǀ madhvaḥ ǀ agram ǀ adha ǀ prīṇānā ǀ vi ǀ mumuktam ǀ asme iti ǁ
07.091.06 (Mandala. Sukta. Rik)
5.6.13.06 (Ashtaka. Adhyaya. Varga. Rik)
07.06.013 (Mandala. Anuvāka. Rik)
Samhita Devanagari Accented
या वां॑ श॒तं नि॒युतो॒ याः स॒हस्र॒मिंद्र॑वायू वि॒श्ववा॑राः॒ सचं॑ते ।
आभि॑र्यातं सुवि॒दत्रा॑भिर॒र्वाक्पा॒तं न॑रा॒ प्रति॑भृतस्य॒ मध्वः॑ ॥
Samhita Devanagari Nonaccented
या वां शतं नियुतो याः सहस्रमिंद्रवायू विश्ववाराः सचंते ।
आभिर्यातं सुविदत्राभिरर्वाक्पातं नरा प्रतिभृतस्य मध्वः ॥
Samhita Transcription Accented
yā́ vām śatám niyúto yā́ḥ sahásramíndravāyū viśvávārāḥ sácante ǀ
ā́bhiryātam suvidátrābhirarvā́kpātám narā prátibhṛtasya mádhvaḥ ǁ
Samhita Transcription Nonaccented
yā vām śatam niyuto yāḥ sahasramindravāyū viśvavārāḥ sacante ǀ
ābhiryātam suvidatrābhirarvākpātam narā pratibhṛtasya madhvaḥ ǁ
Padapatha Devanagari Accented
याः । वा॒म् । श॒तम् । नि॒ऽयुतः॑ । याः । स॒हस्र॑म् । इन्द्र॑वायू॒ इति॑ । वि॒श्वऽवा॑राः । सच॑न्ते ।
आ । आ॒भिः॒ । या॒त॒म् । सु॒ऽवि॒दत्रा॑भिः । अ॒र्वाक् । पा॒तम् । न॒रा॒ । प्रति॑ऽभृतस्य । मध्वः॑ ॥
Padapatha Devanagari Nonaccented
याः । वाम् । शतम् । निऽयुतः । याः । सहस्रम् । इन्द्रवायू इति । विश्वऽवाराः । सचन्ते ।
आ । आभिः । यातम् । सुऽविदत्राभिः । अर्वाक् । पातम् । नरा । प्रतिऽभृतस्य । मध्वः ॥
Padapatha Transcription Accented
yā́ḥ ǀ vām ǀ śatám ǀ ni-yútaḥ ǀ yā́ḥ ǀ sahásram ǀ índravāyū íti ǀ viśvá-vārāḥ ǀ sácante ǀ
ā́ ǀ ābhiḥ ǀ yātam ǀ su-vidátrābhiḥ ǀ arvā́k ǀ pātám ǀ narā ǀ práti-bhṛtasya ǀ mádhvaḥ ǁ
Padapatha Transcription Nonaccented
yāḥ ǀ vām ǀ śatam ǀ ni-yutaḥ ǀ yāḥ ǀ sahasram ǀ indravāyū iti ǀ viśva-vārāḥ ǀ sacante ǀ
ā ǀ ābhiḥ ǀ yātam ǀ su-vidatrābhiḥ ǀ arvāk ǀ pātam ǀ narā ǀ prati-bhṛtasya ǀ madhvaḥ ǁ
07.091.07 (Mandala. Sukta. Rik)
5.6.13.07 (Ashtaka. Adhyaya. Varga. Rik)
07.06.014 (Mandala. Anuvāka. Rik)
Samhita Devanagari Accented
अर्वं॑तो॒ न श्रव॑सो॒ भिक्ष॑माणा इंद्रवा॒यू सु॑ष्टु॒तिभि॒र्वसि॑ष्ठाः ।
वा॒ज॒यंतः॒ स्वव॑से हुवेम यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
अर्वंतो न श्रवसो भिक्षमाणा इंद्रवायू सुष्टुतिभिर्वसिष्ठाः ।
वाजयंतः स्ववसे हुवेम यूयं पात स्वस्तिभिः सदा नः ॥
Samhita Transcription Accented
árvanto ná śrávaso bhíkṣamāṇā indravāyū́ suṣṭutíbhirvásiṣṭhāḥ ǀ
vājayántaḥ svávase huvema yūyám pāta svastíbhiḥ sádā naḥ ǁ
Samhita Transcription Nonaccented
arvanto na śravaso bhikṣamāṇā indravāyū suṣṭutibhirvasiṣṭhāḥ ǀ
vājayantaḥ svavase huvema yūyam pāta svastibhiḥ sadā naḥ ǁ
Padapatha Devanagari Accented
अर्व॑न्तः । न । श्रव॑सः । भिक्ष॑माणाः । इ॒न्द्र॒वा॒यू इति॑ । सु॒स्तु॒तिऽभिः॑ । वसि॑ष्ठाः ।
वा॒ज॒ऽयन्तः॑ । सु । अव॑से । हु॒वे॒म॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
अर्वन्तः । न । श्रवसः । भिक्षमाणाः । इन्द्रवायू इति । सुस्तुतिऽभिः । वसिष्ठाः ।
वाजऽयन्तः । सु । अवसे । हुवेम । यूयम् । पात । स्वस्तिऽभिः । सदा । नः ॥
Padapatha Transcription Accented
árvantaḥ ǀ ná ǀ śrávasaḥ ǀ bhíkṣamāṇāḥ ǀ indravāyū́ íti ǀ sustutí-bhiḥ ǀ vásiṣṭhāḥ ǀ
vāja-yántaḥ ǀ sú ǀ ávase ǀ huvema ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
arvantaḥ ǀ na ǀ śravasaḥ ǀ bhikṣamāṇāḥ ǀ indravāyū iti ǀ sustuti-bhiḥ ǀ vasiṣṭhāḥ ǀ
vāja-yantaḥ ǀ su ǀ avase ǀ huvema ǀ yūyam ǀ pāta ǀ svasti-bhiḥ ǀ sadā ǀ naḥ ǁ