|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 95
|
1. Info |
| To: | 1, 2, 4-6: sarasvatī; 3: sarasvat |
|
| From: | vasiṣṭha maitrāvaruṇi | |
| Metres: | 1st set of styles: ārṣītriṣṭup (2, 5, 6); virāṭtrisṭup (3, 4); pādanicṛtatriṣṭup (1) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.095.01 (Mandala. Sukta. Rik)
5.6.19.01 (Ashtaka. Adhyaya. Varga. Rik)
07.06.040 (Mandala. Anuvāka. Rik)
Samhita Devanagari Accented
प्र क्षोद॑सा॒ धाय॑सा सस्र ए॒षा सर॑स्वती ध॒रुण॒माय॑सी॒ पूः ।
प्र॒बाब॑धाना र॒थ्ये॑व याति॒ विश्वा॑ अ॒पो म॑हि॒ना सिंधु॑र॒न्याः ॥
Samhita Devanagari Nonaccented
प्र क्षोदसा धायसा सस्र एषा सरस्वती धरुणमायसी पूः ।
प्रबाबधाना रथ्येव याति विश्वा अपो महिना सिंधुरन्याः ॥
Samhita Transcription Accented
prá kṣódasā dhā́yasā sasra eṣā́ sárasvatī dharúṇamā́yasī pū́ḥ ǀ
prabā́badhānā rathyéva yāti víśvā apó mahinā́ síndhuranyā́ḥ ǁ
Samhita Transcription Nonaccented
pra kṣodasā dhāyasā sasra eṣā sarasvatī dharuṇamāyasī pūḥ ǀ
prabābadhānā rathyeva yāti viśvā apo mahinā sindhuranyāḥ ǁ
Padapatha Devanagari Accented
प्र । क्षोद॑सा । धाय॑सा । स॒स्रे॒ । ए॒षा । सर॑स्वती । ध॒रुण॑म् । आय॑सी । पूः ।
प्र॒ऽबाब॑धाना । र॒थ्या॑ऽइव । या॒ति॒ । विश्वाः॑ । अ॒पः । म॒हि॒ना । सिन्धुः॑ । अ॒न्याः ॥
Padapatha Devanagari Nonaccented
प्र । क्षोदसा । धायसा । सस्रे । एषा । सरस्वती । धरुणम् । आयसी । पूः ।
प्रऽबाबधाना । रथ्याऽइव । याति । विश्वाः । अपः । महिना । सिन्धुः । अन्याः ॥
Padapatha Transcription Accented
prá ǀ kṣódasā ǀ dhā́yasā ǀ sasre ǀ eṣā́ ǀ sárasvatī ǀ dharúṇam ǀ ā́yasī ǀ pū́ḥ ǀ
pra-bā́badhānā ǀ rathyā́-iva ǀ yāti ǀ víśvāḥ ǀ apáḥ ǀ mahinā́ ǀ síndhuḥ ǀ anyā́ḥ ǁ
Padapatha Transcription Nonaccented
pra ǀ kṣodasā ǀ dhāyasā ǀ sasre ǀ eṣā ǀ sarasvatī ǀ dharuṇam ǀ āyasī ǀ pūḥ ǀ
pra-bābadhānā ǀ rathyā-iva ǀ yāti ǀ viśvāḥ ǀ apaḥ ǀ mahinā ǀ sindhuḥ ǀ anyāḥ ǁ
07.095.02 (Mandala. Sukta. Rik)
5.6.19.02 (Ashtaka. Adhyaya. Varga. Rik)
07.06.041 (Mandala. Anuvāka. Rik)
Samhita Devanagari Accented
एका॑चेत॒त्सर॑स्वती न॒दीनां॒ शुचि॑र्य॒ती गि॒रिभ्य॒ आ स॑मु॒द्रात् ।
रा॒यश्चेतं॑ती॒ भुव॑नस्य॒ भूरे॑र्घृ॒तं पयो॑ दुदुहे॒ नाहु॑षाय ॥
Samhita Devanagari Nonaccented
एकाचेतत्सरस्वती नदीनां शुचिर्यती गिरिभ्य आ समुद्रात् ।
रायश्चेतंती भुवनस्य भूरेर्घृतं पयो दुदुहे नाहुषाय ॥
Samhita Transcription Accented
ékācetatsárasvatī nadī́nām śúciryatī́ giríbhya ā́ samudrā́t ǀ
rāyáścétantī bhúvanasya bhū́rerghṛtám páyo duduhe nā́huṣāya ǁ
Samhita Transcription Nonaccented
ekācetatsarasvatī nadīnām śuciryatī giribhya ā samudrāt ǀ
rāyaścetantī bhuvanasya bhūrerghṛtam payo duduhe nāhuṣāya ǁ
Padapatha Devanagari Accented
एका॑ । अ॒चे॒त॒त् । सर॑स्वती । न॒दीना॑म् । शुचिः॑ । य॒ती । गि॒रिऽभ्यः॑ । आ । स॒मु॒द्रात् ।
रा॒यः । चेत॑न्ती । भुव॑नस्य । भूरेः॑ । घृ॒तम् । पयः॑ । दु॒दु॒हे॒ । नाहु॑षाय ॥
Padapatha Devanagari Nonaccented
एका । अचेतत् । सरस्वती । नदीनाम् । शुचिः । यती । गिरिऽभ्यः । आ । समुद्रात् ।
रायः । चेतन्ती । भुवनस्य । भूरेः । घृतम् । पयः । दुदुहे । नाहुषाय ॥
Padapatha Transcription Accented
ékā ǀ acetat ǀ sárasvatī ǀ nadī́nām ǀ śúciḥ ǀ yatī́ ǀ girí-bhyaḥ ǀ ā́ ǀ samudrā́t ǀ
rāyáḥ ǀ cétantī ǀ bhúvanasya ǀ bhū́reḥ ǀ ghṛtám ǀ páyaḥ ǀ duduhe ǀ nā́huṣāya ǁ
Padapatha Transcription Nonaccented
ekā ǀ acetat ǀ sarasvatī ǀ nadīnām ǀ śuciḥ ǀ yatī ǀ giri-bhyaḥ ǀ ā ǀ samudrāt ǀ
rāyaḥ ǀ cetantī ǀ bhuvanasya ǀ bhūreḥ ǀ ghṛtam ǀ payaḥ ǀ duduhe ǀ nāhuṣāya ǁ
07.095.03 (Mandala. Sukta. Rik)
5.6.19.03 (Ashtaka. Adhyaya. Varga. Rik)
07.06.042 (Mandala. Anuvāka. Rik)
Samhita Devanagari Accented
स वा॑वृधे॒ नर्यो॒ योष॑णासु॒ वृषा॒ शिशु॑र्वृष॒भो य॒ज्ञिया॑सु ।
स वा॒जिनं॑ म॒घव॑द्भ्यो दधाति॒ वि सा॒तये॑ त॒न्वं॑ मामृजीत ॥
Samhita Devanagari Nonaccented
स वावृधे नर्यो योषणासु वृषा शिशुर्वृषभो यज्ञियासु ।
स वाजिनं मघवद्भ्यो दधाति वि सातये तन्वं मामृजीत ॥
Samhita Transcription Accented
sá vāvṛdhe náryo yóṣaṇāsu vṛ́ṣā śíśurvṛṣabhó yajñíyāsu ǀ
sá vājínam maghávadbhyo dadhāti ví sātáye tanvám māmṛjīta ǁ
Samhita Transcription Nonaccented
sa vāvṛdhe naryo yoṣaṇāsu vṛṣā śiśurvṛṣabho yajñiyāsu ǀ
sa vājinam maghavadbhyo dadhāti vi sātaye tanvam māmṛjīta ǁ
Padapatha Devanagari Accented
सः । व॒वृ॒धे॒ । नर्यः॑ । योष॑णासु । वृषा॑ । शिशुः॑ । वृ॒ष॒भः । य॒ज्ञिया॑सु ।
सः । वा॒जिन॑म् । म॒घव॑त्ऽभ्यः । द॒धा॒ति॒ । वि । सा॒तये॑ । त॒न्व॑म् । म॒मृ॒जी॒त॒ ॥
Padapatha Devanagari Nonaccented
सः । ववृधे । नर्यः । योषणासु । वृषा । शिशुः । वृषभः । यज्ञियासु ।
सः । वाजिनम् । मघवत्ऽभ्यः । दधाति । वि । सातये । तन्वम् । ममृजीत ॥
Padapatha Transcription Accented
sáḥ ǀ vavṛdhe ǀ náryaḥ ǀ yóṣaṇāsu ǀ vṛ́ṣā ǀ śíśuḥ ǀ vṛṣabháḥ ǀ yajñíyāsu ǀ
sáḥ ǀ vājínam ǀ maghávat-bhyaḥ ǀ dadhāti ǀ ví ǀ sātáye ǀ tanvám ǀ mamṛjīta ǁ
Padapatha Transcription Nonaccented
saḥ ǀ vavṛdhe ǀ naryaḥ ǀ yoṣaṇāsu ǀ vṛṣā ǀ śiśuḥ ǀ vṛṣabhaḥ ǀ yajñiyāsu ǀ
saḥ ǀ vājinam ǀ maghavat-bhyaḥ ǀ dadhāti ǀ vi ǀ sātaye ǀ tanvam ǀ mamṛjīta ǁ
07.095.04 (Mandala. Sukta. Rik)
5.6.19.04 (Ashtaka. Adhyaya. Varga. Rik)
07.06.043 (Mandala. Anuvāka. Rik)
Samhita Devanagari Accented
उ॒त स्या नः॒ सर॑स्वती जुषा॒णोप॑ श्रवत्सु॒भगा॑ य॒ज्णे अ॒स्मिन् ।
मि॒तज्ञु॑भिर्नम॒स्यै॑रिया॒ना रा॒या यु॒जा चि॒दुत्त॑रा॒ सखि॑भ्यः ॥
Samhita Devanagari Nonaccented
उत स्या नः सरस्वती जुषाणोप श्रवत्सुभगा यज्णे अस्मिन् ।
मितज्ञुभिर्नमस्यैरियाना राया युजा चिदुत्तरा सखिभ्यः ॥
Samhita Transcription Accented
utá syā́ naḥ sárasvatī juṣāṇópa śravatsubhágā yajṇé asmín ǀ
mitájñubhirnamasyáiriyānā́ rāyā́ yujā́ cidúttarā sákhibhyaḥ ǁ
Samhita Transcription Nonaccented
uta syā naḥ sarasvatī juṣāṇopa śravatsubhagā yajṇe asmin ǀ
mitajñubhirnamasyairiyānā rāyā yujā ciduttarā sakhibhyaḥ ǁ
Padapatha Devanagari Accented
उ॒त । स्या । नः॒ । सर॑स्वती । जु॒षा॒णा । उप॑ । श्र॒व॒त् । सु॒ऽभगा॑ । य॒ज्ञे । अ॒स्मिन् ।
मि॒तज्ञु॑ऽभिः । न॒म॒स्यैः॑ । इ॒या॒ना । रा॒या । यु॒जा । चि॒त् । उत्ऽत॑रा । सखि॑ऽभ्यः ॥
Padapatha Devanagari Nonaccented
उत । स्या । नः । सरस्वती । जुषाणा । उप । श्रवत् । सुऽभगा । यज्ञे । अस्मिन् ।
मितज्ञुऽभिः । नमस्यैः । इयाना । राया । युजा । चित् । उत्ऽतरा । सखिऽभ्यः ॥
Padapatha Transcription Accented
utá ǀ syā́ ǀ naḥ ǀ sárasvatī ǀ juṣāṇā́ ǀ úpa ǀ śravat ǀ su-bhágā ǀ yajñé ǀ asmín ǀ
mitájñu-bhiḥ ǀ namasyáiḥ ǀ iyānā́ ǀ rāyā́ ǀ yujā́ ǀ cit ǀ út-tarā ǀ sákhi-bhyaḥ ǁ
Padapatha Transcription Nonaccented
uta ǀ syā ǀ naḥ ǀ sarasvatī ǀ juṣāṇā ǀ upa ǀ śravat ǀ su-bhagā ǀ yajñe ǀ asmin ǀ
mitajñu-bhiḥ ǀ namasyaiḥ ǀ iyānā ǀ rāyā ǀ yujā ǀ cit ǀ ut-tarā ǀ sakhi-bhyaḥ ǁ
07.095.05 (Mandala. Sukta. Rik)
5.6.19.05 (Ashtaka. Adhyaya. Varga. Rik)
07.06.044 (Mandala. Anuvāka. Rik)
Samhita Devanagari Accented
इ॒मा जुह्वा॑ना यु॒ष्मदा नमो॑भिः॒ प्रति॒ स्तोमं॑ सरस्वति जुषस्व ।
तव॒ शर्म॑न्प्रि॒यत॑मे॒ दधा॑ना॒ उप॑ स्थेयाम शर॒णं न वृ॒क्षं ॥
Samhita Devanagari Nonaccented
इमा जुह्वाना युष्मदा नमोभिः प्रति स्तोमं सरस्वति जुषस्व ।
तव शर्मन्प्रियतमे दधाना उप स्थेयाम शरणं न वृक्षं ॥
Samhita Transcription Accented
imā́ júhvānā yuṣmádā́ námobhiḥ práti stómam sarasvati juṣasva ǀ
táva śármanpriyátame dádhānā úpa stheyāma śaraṇám ná vṛkṣám ǁ
Samhita Transcription Nonaccented
imā juhvānā yuṣmadā namobhiḥ prati stomam sarasvati juṣasva ǀ
tava śarmanpriyatame dadhānā upa stheyāma śaraṇam na vṛkṣam ǁ
Padapatha Devanagari Accented
इ॒मा । जुह्वा॑नाः । यु॒ष्मत् । आ । नमः॑ऽभिः । प्रति॑ । स्तोम॑म् । स॒र॒स्व॒ति॒ । जु॒ष॒स्व॒ ।
तव॑ । शर्म॑न् । प्रि॒यऽत॑मे । दधा॑नाः । उप॑ । स्थे॒या॒म॒ । श॒र॒णम् । न । वृ॒क्षम् ॥
Padapatha Devanagari Nonaccented
इमा । जुह्वानाः । युष्मत् । आ । नमःऽभिः । प्रति । स्तोमम् । सरस्वति । जुषस्व ।
तव । शर्मन् । प्रियऽतमे । दधानाः । उप । स्थेयाम । शरणम् । न । वृक्षम् ॥
Padapatha Transcription Accented
imā́ ǀ júhvānāḥ ǀ yuṣmát ǀ ā́ ǀ námaḥ-bhiḥ ǀ práti ǀ stómam ǀ sarasvati ǀ juṣasva ǀ
táva ǀ śárman ǀ priyá-tame ǀ dádhānāḥ ǀ úpa ǀ stheyāma ǀ śaraṇám ǀ ná ǀ vṛkṣám ǁ
Padapatha Transcription Nonaccented
imā ǀ juhvānāḥ ǀ yuṣmat ǀ ā ǀ namaḥ-bhiḥ ǀ prati ǀ stomam ǀ sarasvati ǀ juṣasva ǀ
tava ǀ śarman ǀ priya-tame ǀ dadhānāḥ ǀ upa ǀ stheyāma ǀ śaraṇam ǀ na ǀ vṛkṣam ǁ
07.095.06 (Mandala. Sukta. Rik)
5.6.19.06 (Ashtaka. Adhyaya. Varga. Rik)
07.06.045 (Mandala. Anuvāka. Rik)
Samhita Devanagari Accented
अ॒यमु॑ ते सरस्वति॒ वसि॑ष्ठो॒ द्वारा॑वृ॒तस्य॑ सुभगे॒ व्या॑वः ।
वर्ध॑ शुभ्रे स्तुव॒ते रा॑सि॒ वाजा॑न्यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
अयमु ते सरस्वति वसिष्ठो द्वारावृतस्य सुभगे व्यावः ।
वर्ध शुभ्रे स्तुवते रासि वाजान्यूयं पात स्वस्तिभिः सदा नः ॥
Samhita Transcription Accented
ayámu te sarasvati vásiṣṭho dvā́rāvṛtásya subhage vyā́vaḥ ǀ
várdha śubhre stuvaté rāsi vā́jānyūyám pāta svastíbhiḥ sádā naḥ ǁ
Samhita Transcription Nonaccented
ayamu te sarasvati vasiṣṭho dvārāvṛtasya subhage vyāvaḥ ǀ
vardha śubhre stuvate rāsi vājānyūyam pāta svastibhiḥ sadā naḥ ǁ
Padapatha Devanagari Accented
अ॒यम् । ऊं॒ इति॑ । ते॒ । स॒र॒स्व॒ति॒ । वसि॑ष्ठः । द्वारौ॑ । ऋ॒तस्य॑ । सु॒ऽभ॒गे॒ । वि । आ॒व॒रित्या॑वः ।
वर्ध॑ । शु॒भ्रे॒ । स्तु॒व॒ते । रा॒सि॒ । वाजा॑न् । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
अयम् । ऊं इति । ते । सरस्वति । वसिष्ठः । द्वारौ । ऋतस्य । सुऽभगे । वि । आवरित्यावः ।
वर्ध । शुभ्रे । स्तुवते । रासि । वाजान् । यूयम् । पात । स्वस्तिऽभिः । सदा । नः ॥
Padapatha Transcription Accented
ayám ǀ ūṃ íti ǀ te ǀ sarasvati ǀ vásiṣṭhaḥ ǀ dvā́rau ǀ ṛtásya ǀ su-bhage ǀ ví ǀ āvarítyāvaḥ ǀ
várdha ǀ śubhre ǀ stuvaté ǀ rāsi ǀ vā́jān ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
ayam ǀ ūṃ iti ǀ te ǀ sarasvati ǀ vasiṣṭhaḥ ǀ dvārau ǀ ṛtasya ǀ su-bhage ǀ vi ǀ āvarityāvaḥ ǀ
vardha ǀ śubhre ǀ stuvate ǀ rāsi ǀ vājān ǀ yūyam ǀ pāta ǀ svasti-bhiḥ ǀ sadā ǀ naḥ ǁ