|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 7
Sūkta 96
|
1. Info |
| To: | 1-3: sarasvatī; 4-6: sarasvat |
|
| From: | vasiṣṭha maitrāvaruṇi | |
| Metres: | 1st set of styles: nicṛdgāyatrī (4, 5); ārcītriṣṭup (1); bhurigārṣī (2); nicṛtpaṅkti (3); ārṣīgāyatrī (6) 2nd set of styles: gāyatrī (4-6); bṛhatī (1); satobṛhatī (2); prastārapaṅkti (3) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
07.096.01 (Mandala. Sukta. Rik)
5.6.20.01 (Ashtaka. Adhyaya. Varga. Rik)
07.06.046 (Mandala. Anuvāka. Rik)
Samhita Devanagari Accented
बृ॒हदु॑ गायिषे॒ वचो॑ऽसु॒र्या॑ न॒दीनां॑ ।
सर॑स्वती॒मिन्म॑हया सुवृ॒क्तिभिः॒ स्तोमै॑र्वसिष्ठ॒ रोद॑सी ॥
Samhita Devanagari Nonaccented
बृहदु गायिषे वचोऽसुर्या नदीनां ।
सरस्वतीमिन्महया सुवृक्तिभिः स्तोमैर्वसिष्ठ रोदसी ॥
Samhita Transcription Accented
bṛhádu gāyiṣe váco’suryā́ nadī́nām ǀ
sárasvatīmínmahayā suvṛktíbhiḥ stómairvasiṣṭha ródasī ǁ
Samhita Transcription Nonaccented
bṛhadu gāyiṣe vaco’suryā nadīnām ǀ
sarasvatīminmahayā suvṛktibhiḥ stomairvasiṣṭha rodasī ǁ
Padapatha Devanagari Accented
बृ॒हत् । ऊं॒ इति॑ । गा॒यि॒षे॒ । वचः॑ । अ॒सु॒र्या॑ । न॒दीना॑म् ।
सर॑स्वतीम् । इत् । म॒ह॒य॒ । सु॒वृ॒क्तिऽभिः॑ । स्तोमैः॑ । व॒सि॒ष्ठ॒ । रोद॑सी॒ इति॑ ॥
Padapatha Devanagari Nonaccented
बृहत् । ऊं इति । गायिषे । वचः । असुर्या । नदीनाम् ।
सरस्वतीम् । इत् । महय । सुवृक्तिऽभिः । स्तोमैः । वसिष्ठ । रोदसी इति ॥
Padapatha Transcription Accented
bṛhát ǀ ūṃ íti ǀ gāyiṣe ǀ vácaḥ ǀ asuryā́ ǀ nadī́nām ǀ
sárasvatīm ǀ ít ǀ mahaya ǀ suvṛktí-bhiḥ ǀ stómaiḥ ǀ vasiṣṭha ǀ ródasī íti ǁ
Padapatha Transcription Nonaccented
bṛhat ǀ ūṃ iti ǀ gāyiṣe ǀ vacaḥ ǀ asuryā ǀ nadīnām ǀ
sarasvatīm ǀ it ǀ mahaya ǀ suvṛkti-bhiḥ ǀ stomaiḥ ǀ vasiṣṭha ǀ rodasī iti ǁ
07.096.02 (Mandala. Sukta. Rik)
5.6.20.02 (Ashtaka. Adhyaya. Varga. Rik)
07.06.047 (Mandala. Anuvāka. Rik)
Samhita Devanagari Accented
उ॒भे यत्ते॑ महि॒ना शु॑भ्रे॒ अंध॑सी अधिक्षि॒यंति॑ पू॒रवः॑ ।
सा नो॑ बोध्यवि॒त्री म॒रुत्स॑खा॒ चोद॒ राधो॑ म॒घोनां॑ ॥
Samhita Devanagari Nonaccented
उभे यत्ते महिना शुभ्रे अंधसी अधिक्षियंति पूरवः ।
सा नो बोध्यवित्री मरुत्सखा चोद राधो मघोनां ॥
Samhita Transcription Accented
ubhé yátte mahinā́ śubhre ándhasī adhikṣiyánti pūrávaḥ ǀ
sā́ no bodhyavitrī́ marútsakhā códa rā́dho maghónām ǁ
Samhita Transcription Nonaccented
ubhe yatte mahinā śubhre andhasī adhikṣiyanti pūravaḥ ǀ
sā no bodhyavitrī marutsakhā coda rādho maghonām ǁ
Padapatha Devanagari Accented
उ॒भे इति॑ । यत् । ते॒ । म॒हि॒ना । शु॒भ्रे॒ । अन्ध॑सी॒ इति॑ । अ॒धि॒ऽक्षि॒यन्ति॑ । पू॒रवः॑ ।
सा । नः॒ । बो॒धि॒ । अ॒वि॒त्री । म॒रुत्ऽस॑खा । चोद॑ । राधः॑ । म॒घोना॑म् ॥
Padapatha Devanagari Nonaccented
उभे इति । यत् । ते । महिना । शुभ्रे । अन्धसी इति । अधिऽक्षियन्ति । पूरवः ।
सा । नः । बोधि । अवित्री । मरुत्ऽसखा । चोद । राधः । मघोनाम् ॥
Padapatha Transcription Accented
ubhé íti ǀ yát ǀ te ǀ mahinā́ ǀ śubhre ǀ ándhasī íti ǀ adhi-kṣiyánti ǀ pūrávaḥ ǀ
sā́ ǀ naḥ ǀ bodhi ǀ avitrī́ ǀ marút-sakhā ǀ códa ǀ rā́dhaḥ ǀ maghónām ǁ
Padapatha Transcription Nonaccented
ubhe iti ǀ yat ǀ te ǀ mahinā ǀ śubhre ǀ andhasī iti ǀ adhi-kṣiyanti ǀ pūravaḥ ǀ
sā ǀ naḥ ǀ bodhi ǀ avitrī ǀ marut-sakhā ǀ coda ǀ rādhaḥ ǀ maghonām ǁ
07.096.03 (Mandala. Sukta. Rik)
5.6.20.03 (Ashtaka. Adhyaya. Varga. Rik)
07.06.048 (Mandala. Anuvāka. Rik)
Samhita Devanagari Accented
भ॒द्रमिद्भ॒द्रा कृ॑णव॒त्सर॑स्व॒त्यक॑वारी चेतति वा॒जिनी॑वती ।
गृ॒णा॒ना ज॑मदग्नि॒वत्स्तु॑वा॒ना च॑ वसिष्ठ॒वत् ॥
Samhita Devanagari Nonaccented
भद्रमिद्भद्रा कृणवत्सरस्वत्यकवारी चेतति वाजिनीवती ।
गृणाना जमदग्निवत्स्तुवाना च वसिष्ठवत् ॥
Samhita Transcription Accented
bhadrámídbhadrā́ kṛṇavatsárasvatyákavārī cetati vājínīvatī ǀ
gṛṇānā́ jamadagnivátstuvānā́ ca vasiṣṭhavát ǁ
Samhita Transcription Nonaccented
bhadramidbhadrā kṛṇavatsarasvatyakavārī cetati vājinīvatī ǀ
gṛṇānā jamadagnivatstuvānā ca vasiṣṭhavat ǁ
Padapatha Devanagari Accented
भ॒द्रम् । इत् । भ॒द्रा । कृ॒ण॒व॒त् । सर॑स्वती । अक॑वऽअरी । चे॒त॒ति॒ । वा॒जिनी॑ऽवती ।
गृ॒णा॒ना । ज॒म॒द॒ग्नि॒ऽवत् । स्तु॒वा॒ना । च॒ । व॒सि॒ष्ठ॒ऽवत् ॥
Padapatha Devanagari Nonaccented
भद्रम् । इत् । भद्रा । कृणवत् । सरस्वती । अकवऽअरी । चेतति । वाजिनीऽवती ।
गृणाना । जमदग्निऽवत् । स्तुवाना । च । वसिष्ठऽवत् ॥
Padapatha Transcription Accented
bhadrám ǀ ít ǀ bhadrā́ ǀ kṛṇavat ǀ sárasvatī ǀ ákava-arī ǀ cetati ǀ vājínī-vatī ǀ
gṛṇānā́ ǀ jamadagni-vát ǀ stuvānā́ ǀ ca ǀ vasiṣṭha-vát ǁ
Padapatha Transcription Nonaccented
bhadram ǀ it ǀ bhadrā ǀ kṛṇavat ǀ sarasvatī ǀ akava-arī ǀ cetati ǀ vājinī-vatī ǀ
gṛṇānā ǀ jamadagni-vat ǀ stuvānā ǀ ca ǀ vasiṣṭha-vat ǁ
07.096.04 (Mandala. Sukta. Rik)
5.6.20.04 (Ashtaka. Adhyaya. Varga. Rik)
07.06.049 (Mandala. Anuvāka. Rik)
Samhita Devanagari Accented
ज॒नी॒यंतो॒ न्वग्र॑वः पुत्री॒यंतः॑ सु॒दान॑वः ।
सर॑स्वंतं हवामहे ॥
Samhita Devanagari Nonaccented
जनीयंतो न्वग्रवः पुत्रीयंतः सुदानवः ।
सरस्वंतं हवामहे ॥
Samhita Transcription Accented
janīyánto nvágravaḥ putrīyántaḥ sudā́navaḥ ǀ
sárasvantam havāmahe ǁ
Samhita Transcription Nonaccented
janīyanto nvagravaḥ putrīyantaḥ sudānavaḥ ǀ
sarasvantam havāmahe ǁ
Padapatha Devanagari Accented
ज॒नि॒ऽयन्तः॑ । नु । अग्र॑वः । पु॒त्रि॒ऽयन्तः॑ । सु॒ऽदान॑वः ।
सर॑स्वन्तम् । ह॒वा॒म॒हे॒ ॥
Padapatha Devanagari Nonaccented
जनिऽयन्तः । नु । अग्रवः । पुत्रिऽयन्तः । सुऽदानवः ।
सरस्वन्तम् । हवामहे ॥
Padapatha Transcription Accented
jani-yántaḥ ǀ nú ǀ ágravaḥ ǀ putri-yántaḥ ǀ su-dā́navaḥ ǀ
sárasvantam ǀ havāmahe ǁ
Padapatha Transcription Nonaccented
jani-yantaḥ ǀ nu ǀ agravaḥ ǀ putri-yantaḥ ǀ su-dānavaḥ ǀ
sarasvantam ǀ havāmahe ǁ
07.096.05 (Mandala. Sukta. Rik)
5.6.20.05 (Ashtaka. Adhyaya. Varga. Rik)
07.06.050 (Mandala. Anuvāka. Rik)
Samhita Devanagari Accented
ये ते॑ सरस्व ऊ॒र्मयो॒ मधु॑मंतो घृत॒श्चुतः॑ ।
तेभि॑र्नोऽवि॒ता भ॑व ॥
Samhita Devanagari Nonaccented
ये ते सरस्व ऊर्मयो मधुमंतो घृतश्चुतः ।
तेभिर्नोऽविता भव ॥
Samhita Transcription Accented
yé te sarasva ūrmáyo mádhumanto ghṛtaścútaḥ ǀ
tébhirno’vitā́ bhava ǁ
Samhita Transcription Nonaccented
ye te sarasva ūrmayo madhumanto ghṛtaścutaḥ ǀ
tebhirno’vitā bhava ǁ
Padapatha Devanagari Accented
ये । ते॒ । स॒र॒स्वः॒ । ऊ॒र्मयः॑ । मधु॑ऽमन्तः । घृ॒त॒ऽश्चुतः॑ ।
तेभिः॑ । नः॒ । अ॒वि॒ता । भ॒व॒ ॥
Padapatha Devanagari Nonaccented
ये । ते । सरस्वः । ऊर्मयः । मधुऽमन्तः । घृतऽश्चुतः ।
तेभिः । नः । अविता । भव ॥
Padapatha Transcription Accented
yé ǀ te ǀ sarasvaḥ ǀ ūrmáyaḥ ǀ mádhu-mantaḥ ǀ ghṛta-ścútaḥ ǀ
tébhiḥ ǀ naḥ ǀ avitā́ ǀ bhava ǁ
Padapatha Transcription Nonaccented
ye ǀ te ǀ sarasvaḥ ǀ ūrmayaḥ ǀ madhu-mantaḥ ǀ ghṛta-ścutaḥ ǀ
tebhiḥ ǀ naḥ ǀ avitā ǀ bhava ǁ
07.096.06 (Mandala. Sukta. Rik)
5.6.20.06 (Ashtaka. Adhyaya. Varga. Rik)
07.06.051 (Mandala. Anuvāka. Rik)
Samhita Devanagari Accented
पी॒पि॒वांसं॒ सर॑स्वतः॒ स्तनं॒ यो वि॒श्वद॑र्शतः ।
भ॒क्षी॒महि॑ प्र॒जामिषं॑ ॥
Samhita Devanagari Nonaccented
पीपिवांसं सरस्वतः स्तनं यो विश्वदर्शतः ।
भक्षीमहि प्रजामिषं ॥
Samhita Transcription Accented
pīpivā́ṃsam sárasvataḥ stánam yó viśvádarśataḥ ǀ
bhakṣīmáhi prajā́míṣam ǁ
Samhita Transcription Nonaccented
pīpivāṃsam sarasvataḥ stanam yo viśvadarśataḥ ǀ
bhakṣīmahi prajāmiṣam ǁ
Padapatha Devanagari Accented
पी॒पि॒ऽवांस॑म् । सर॑स्वतः । स्तन॑म् । यः । वि॒श्वऽद॑र्शतः ।
भ॒क्षी॒महि॑ । प्र॒ऽजाम् । इष॑म् ॥
Padapatha Devanagari Nonaccented
पीपिऽवांसम् । सरस्वतः । स्तनम् । यः । विश्वऽदर्शतः ।
भक्षीमहि । प्रऽजाम् । इषम् ॥
Padapatha Transcription Accented
pīpi-vā́ṃsam ǀ sárasvataḥ ǀ stánam ǀ yáḥ ǀ viśvá-darśataḥ ǀ
bhakṣīmáhi ǀ pra-jā́m ǀ íṣam ǁ
Padapatha Transcription Nonaccented
pīpi-vāṃsam ǀ sarasvataḥ ǀ stanam ǀ yaḥ ǀ viśva-darśataḥ ǀ
bhakṣīmahi ǀ pra-jām ǀ iṣam ǁ