|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 20
|
1. Info |
| To: | maruts | |
| From: | sobhari kāṇva | |
| Metres: | 1st set of styles: kakubuṣṇik (1, 5, 7, 19, 23); sataḥpaṅkti (2, 10, 16, 22); pādanicṛtpaṅkti (4, 6, 12, 18); nicṛtpaṅkti (8, 20, 24, 26); nicṛduṣṇik (9, 13, 21, 25); virāḍuṣnik (3, 15, 17); pādanicṛduṣṇik (11); ārcībhurikpaṅkti (14) 2nd set of styles: kakubh (1, 3, 5, 7, 9, 11, 13, 15, 17, 19, 21, 23, 25); satobṛhatī (2, 4, 6, 8, 10, 12, 14, 16, 18, 20, 22, 24, 26) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.020.01 (Mandala. Sukta. Rik)
6.1.36.01 (Ashtaka. Adhyaya. Varga. Rik)
08.03.148 (Mandala. Anuvāka. Rik)
Samhita Devanagari Accented
आ गं॑ता॒ मा रि॑षण्यत॒ प्रस्था॑वानो॒ माप॑ स्थाता समन्यवः ।
स्थि॒रा चि॑न्नमयिष्णवः ॥
Samhita Devanagari Nonaccented
आ गंता मा रिषण्यत प्रस्थावानो माप स्थाता समन्यवः ।
स्थिरा चिन्नमयिष्णवः ॥
Samhita Transcription Accented
ā́ gantā mā́ riṣaṇyata prásthāvāno mā́pa sthātā samanyavaḥ ǀ
sthirā́ cinnamayiṣṇavaḥ ǁ
Samhita Transcription Nonaccented
ā gantā mā riṣaṇyata prasthāvāno māpa sthātā samanyavaḥ ǀ
sthirā cinnamayiṣṇavaḥ ǁ
Padapatha Devanagari Accented
आ । ग॒न्त॒ । मा । रि॒ष॒ण्य॒त॒ । प्रऽस्था॑वानः । मा । अप॑ । स्था॒त॒ । स॒ऽम॒न्य॒वः॒ ।
स्थि॒रा । चि॒त् । न॒म॒यि॒ष्ण॒वः॒ ॥
Padapatha Devanagari Nonaccented
आ । गन्त । मा । रिषण्यत । प्रऽस्थावानः । मा । अप । स्थात । सऽमन्यवः ।
स्थिरा । चित् । नमयिष्णवः ॥
Padapatha Transcription Accented
ā́ ǀ ganta ǀ mā́ ǀ riṣaṇyata ǀ prá-sthāvānaḥ ǀ mā́ ǀ ápa ǀ sthāta ǀ sa-manyavaḥ ǀ
sthirā́ ǀ cit ǀ namayiṣṇavaḥ ǁ
Padapatha Transcription Nonaccented
ā ǀ ganta ǀ mā ǀ riṣaṇyata ǀ pra-sthāvānaḥ ǀ mā ǀ apa ǀ sthāta ǀ sa-manyavaḥ ǀ
sthirā ǀ cit ǀ namayiṣṇavaḥ ǁ
08.020.02 (Mandala. Sukta. Rik)
6.1.36.02 (Ashtaka. Adhyaya. Varga. Rik)
08.03.149 (Mandala. Anuvāka. Rik)
Samhita Devanagari Accented
वी॒ळु॒प॒विभि॑र्मरुत ऋभुक्षण॒ आ रु॑द्रासः सुदी॒तिभिः॑ ।
इ॒षा नो॑ अ॒द्या ग॑ता पुरुस्पृहो य॒ज्ञमा सो॑भरी॒यवः॑ ॥
Samhita Devanagari Nonaccented
वीळुपविभिर्मरुत ऋभुक्षण आ रुद्रासः सुदीतिभिः ।
इषा नो अद्या गता पुरुस्पृहो यज्ञमा सोभरीयवः ॥
Samhita Transcription Accented
vīḷupavíbhirmaruta ṛbhukṣaṇa ā́ rudrāsaḥ sudītíbhiḥ ǀ
iṣā́ no adyā́ gatā puruspṛho yajñámā́ sobharīyávaḥ ǁ
Samhita Transcription Nonaccented
vīḷupavibhirmaruta ṛbhukṣaṇa ā rudrāsaḥ sudītibhiḥ ǀ
iṣā no adyā gatā puruspṛho yajñamā sobharīyavaḥ ǁ
Padapatha Devanagari Accented
वी॒ळु॒प॒विऽभिः॑ । म॒रु॒तः॒ । ऋ॒भु॒क्ष॒णः॒ । आ । रु॒द्रा॒सः॒ । सु॒दी॒तिऽभिः॑ ।
इ॒षा । नः॒ । अ॒द्य । आ । ग॒त॒ । पु॒रु॒ऽस्पृ॒हः॒ । य॒ज्ञम् । आ । सो॒भ॒री॒ऽयवः॑ ॥
Padapatha Devanagari Nonaccented
वीळुपविऽभिः । मरुतः । ऋभुक्षणः । आ । रुद्रासः । सुदीतिऽभिः ।
इषा । नः । अद्य । आ । गत । पुरुऽस्पृहः । यज्ञम् । आ । सोभरीऽयवः ॥
Padapatha Transcription Accented
vīḷupaví-bhiḥ ǀ marutaḥ ǀ ṛbhukṣaṇaḥ ǀ ā́ ǀ rudrāsaḥ ǀ sudītí-bhiḥ ǀ
iṣā́ ǀ naḥ ǀ adyá ǀ ā́ ǀ gata ǀ puru-spṛhaḥ ǀ yajñám ǀ ā́ ǀ sobharī-yávaḥ ǁ
Padapatha Transcription Nonaccented
vīḷupavi-bhiḥ ǀ marutaḥ ǀ ṛbhukṣaṇaḥ ǀ ā ǀ rudrāsaḥ ǀ sudīti-bhiḥ ǀ
iṣā ǀ naḥ ǀ adya ǀ ā ǀ gata ǀ puru-spṛhaḥ ǀ yajñam ǀ ā ǀ sobharī-yavaḥ ǁ
08.020.03 (Mandala. Sukta. Rik)
6.1.36.03 (Ashtaka. Adhyaya. Varga. Rik)
08.03.150 (Mandala. Anuvāka. Rik)
Samhita Devanagari Accented
वि॒द्मा हि रु॒द्रिया॑णां॒ शुष्म॑मु॒ग्रं म॒रुतां॒ शिमी॑वतां ।
विष्णो॑रे॒षस्य॑ मी॒ळ्हुषां॑ ॥
Samhita Devanagari Nonaccented
विद्मा हि रुद्रियाणां शुष्ममुग्रं मरुतां शिमीवतां ।
विष्णोरेषस्य मीळ्हुषां ॥
Samhita Transcription Accented
vidmā́ hí rudríyāṇām śúṣmamugrám marútām śímīvatām ǀ
víṣṇoreṣásya mīḷhúṣām ǁ
Samhita Transcription Nonaccented
vidmā hi rudriyāṇām śuṣmamugram marutām śimīvatām ǀ
viṣṇoreṣasya mīḷhuṣām ǁ
Padapatha Devanagari Accented
वि॒द्म । हि । रु॒द्रिया॑णाम् । शुष्म॑म् । उ॒ग्रम् । म॒रुता॑म् । शिमी॑ऽवताम् ।
विष्णोः॑ । ए॒षस्य॑ । मी॒ळ्हुषा॑म् ॥
Padapatha Devanagari Nonaccented
विद्म । हि । रुद्रियाणाम् । शुष्मम् । उग्रम् । मरुताम् । शिमीऽवताम् ।
विष्णोः । एषस्य । मीळ्हुषाम् ॥
Padapatha Transcription Accented
vidmá ǀ hí ǀ rudríyāṇām ǀ śúṣmam ǀ ugrám ǀ marútām ǀ śímī-vatām ǀ
víṣṇoḥ ǀ eṣásya ǀ mīḷhúṣām ǁ
Padapatha Transcription Nonaccented
vidma ǀ hi ǀ rudriyāṇām ǀ śuṣmam ǀ ugram ǀ marutām ǀ śimī-vatām ǀ
viṣṇoḥ ǀ eṣasya ǀ mīḷhuṣām ǁ
08.020.04 (Mandala. Sukta. Rik)
6.1.36.04 (Ashtaka. Adhyaya. Varga. Rik)
08.03.151 (Mandala. Anuvāka. Rik)
Samhita Devanagari Accented
वि द्वी॒पानि॒ पाप॑तं॒तिष्ठ॑द्दु॒च्छुनो॒भे यु॑जंत॒ रोद॑सी ।
प्र धन्वा॑न्यैरत शुभ्रखादयो॒ यदेज॑थ स्वभानवः ॥
Samhita Devanagari Nonaccented
वि द्वीपानि पापतंतिष्ठद्दुच्छुनोभे युजंत रोदसी ।
प्र धन्वान्यैरत शुभ्रखादयो यदेजथ स्वभानवः ॥
Samhita Transcription Accented
ví dvīpā́ni pā́patantíṣṭhadducchúnobhé yujanta ródasī ǀ
prá dhánvānyairata śubhrakhādayo yádéjatha svabhānavaḥ ǁ
Samhita Transcription Nonaccented
vi dvīpāni pāpatantiṣṭhadducchunobhe yujanta rodasī ǀ
pra dhanvānyairata śubhrakhādayo yadejatha svabhānavaḥ ǁ
Padapatha Devanagari Accented
वि । द्वी॒पानि॑ । पाप॑तन् । तिष्ठ॑त् । दु॒च्छुना॑ । उ॒भे इति॑ । यु॒ज॒न्त॒ । रोद॑सी॒ इति॑ ।
प्र । धन्वा॑नि । ऐ॒र॒त॒ । शु॒भ्र॒ऽखा॒द॒यः॒ । यत् । एज॑थ । स्व॒ऽभा॒न॒वः॒ ॥
Padapatha Devanagari Nonaccented
वि । द्वीपानि । पापतन् । तिष्ठत् । दुच्छुना । उभे इति । युजन्त । रोदसी इति ।
प्र । धन्वानि । ऐरत । शुभ्रऽखादयः । यत् । एजथ । स्वऽभानवः ॥
Padapatha Transcription Accented
ví ǀ dvīpā́ni ǀ pā́patan ǀ tíṣṭhat ǀ ducchúnā ǀ ubhé íti ǀ yujanta ǀ ródasī íti ǀ
prá ǀ dhánvāni ǀ airata ǀ śubhra-khādayaḥ ǀ yát ǀ éjatha ǀ sva-bhānavaḥ ǁ
Padapatha Transcription Nonaccented
vi ǀ dvīpāni ǀ pāpatan ǀ tiṣṭhat ǀ ducchunā ǀ ubhe iti ǀ yujanta ǀ rodasī iti ǀ
pra ǀ dhanvāni ǀ airata ǀ śubhra-khādayaḥ ǀ yat ǀ ejatha ǀ sva-bhānavaḥ ǁ
08.020.05 (Mandala. Sukta. Rik)
6.1.36.05 (Ashtaka. Adhyaya. Varga. Rik)
08.03.152 (Mandala. Anuvāka. Rik)
Samhita Devanagari Accented
अच्यु॑ता चिद्वो॒ अज्म॒न्ना नान॑दति॒ पर्व॑तासो॒ वन॒स्पतिः॑ ।
भूमि॒र्यामे॑षु रेजते ॥
Samhita Devanagari Nonaccented
अच्युता चिद्वो अज्मन्ना नानदति पर्वतासो वनस्पतिः ।
भूमिर्यामेषु रेजते ॥
Samhita Transcription Accented
ácyutā cidvo ájmannā́ nā́nadati párvatāso vánaspátiḥ ǀ
bhū́miryā́meṣu rejate ǁ
Samhita Transcription Nonaccented
acyutā cidvo ajmannā nānadati parvatāso vanaspatiḥ ǀ
bhūmiryāmeṣu rejate ǁ
Padapatha Devanagari Accented
अच्यु॑ता । चि॒त् । वः॒ । अज्म॑न् । आ । नान॑दति । पर्व॑तासः । वन॒स्पतिः॑ ।
भूमिः॑ । यामे॑षु । रे॒ज॒ते॒ ॥
Padapatha Devanagari Nonaccented
अच्युता । चित् । वः । अज्मन् । आ । नानदति । पर्वतासः । वनस्पतिः ।
भूमिः । यामेषु । रेजते ॥
Padapatha Transcription Accented
ácyutā ǀ cit ǀ vaḥ ǀ ájman ǀ ā́ ǀ nā́nadati ǀ párvatāsaḥ ǀ vánaspátiḥ ǀ
bhū́miḥ ǀ yā́meṣu ǀ rejate ǁ
Padapatha Transcription Nonaccented
acyutā ǀ cit ǀ vaḥ ǀ ajman ǀ ā ǀ nānadati ǀ parvatāsaḥ ǀ vanaspatiḥ ǀ
bhūmiḥ ǀ yāmeṣu ǀ rejate ǁ
08.020.06 (Mandala. Sukta. Rik)
6.1.37.01 (Ashtaka. Adhyaya. Varga. Rik)
08.03.153 (Mandala. Anuvāka. Rik)
Samhita Devanagari Accented
अमा॑य वो मरुतो॒ यात॑वे॒ द्यौर्जिही॑त॒ उत्त॑रा बृ॒हत् ।
यत्रा॒ नरो॒ देदि॑शते त॒नूष्वा त्वक्षां॑सि बा॒ह्वो॑जसः ॥
Samhita Devanagari Nonaccented
अमाय वो मरुतो यातवे द्यौर्जिहीत उत्तरा बृहत् ।
यत्रा नरो देदिशते तनूष्वा त्वक्षांसि बाह्वोजसः ॥
Samhita Transcription Accented
ámāya vo maruto yā́tave dyáurjíhīta úttarā bṛhát ǀ
yátrā náro dédiśate tanū́ṣvā́ tvákṣāṃsi bāhvójasaḥ ǁ
Samhita Transcription Nonaccented
amāya vo maruto yātave dyaurjihīta uttarā bṛhat ǀ
yatrā naro dediśate tanūṣvā tvakṣāṃsi bāhvojasaḥ ǁ
Padapatha Devanagari Accented
अमा॑य । वः॒ । म॒रु॒तः॒ । यात॑वे । द्यौः । जिही॑ते । उत्ऽत॑रा । बृ॒हत् ।
यत्र॑ । नरः॑ । देदि॑शते । त॒नूषु॑ । आ । त्वक्षां॑सि । ब॒हुऽओ॑जसः ॥
Padapatha Devanagari Nonaccented
अमाय । वः । मरुतः । यातवे । द्यौः । जिहीते । उत्ऽतरा । बृहत् ।
यत्र । नरः । देदिशते । तनूषु । आ । त्वक्षांसि । बहुऽओजसः ॥
Padapatha Transcription Accented
ámāya ǀ vaḥ ǀ marutaḥ ǀ yā́tave ǀ dyáuḥ ǀ jíhīte ǀ út-tarā ǀ bṛhát ǀ
yátra ǀ náraḥ ǀ dédiśate ǀ tanū́ṣu ǀ ā́ ǀ tvákṣāṃsi ǀ bahú-ojasaḥ ǁ
Padapatha Transcription Nonaccented
amāya ǀ vaḥ ǀ marutaḥ ǀ yātave ǀ dyauḥ ǀ jihīte ǀ ut-tarā ǀ bṛhat ǀ
yatra ǀ naraḥ ǀ dediśate ǀ tanūṣu ǀ ā ǀ tvakṣāṃsi ǀ bahu-ojasaḥ ǁ
08.020.07 (Mandala. Sukta. Rik)
6.1.37.02 (Ashtaka. Adhyaya. Varga. Rik)
08.03.154 (Mandala. Anuvāka. Rik)
Samhita Devanagari Accented
स्व॒धामनु॒ श्रियं॒ नरो॒ महि॑ त्वे॒षा अम॑वंतो॒ वृष॑प्सवः ।
वहं॑ते॒ अह्रु॑तप्सवः ॥
Samhita Devanagari Nonaccented
स्वधामनु श्रियं नरो महि त्वेषा अमवंतो वृषप्सवः ।
वहंते अह्रुतप्सवः ॥
Samhita Transcription Accented
svadhā́mánu śríyam náro máhi tveṣā́ ámavanto vṛ́ṣapsavaḥ ǀ
váhante áhrutapsavaḥ ǁ
Samhita Transcription Nonaccented
svadhāmanu śriyam naro mahi tveṣā amavanto vṛṣapsavaḥ ǀ
vahante ahrutapsavaḥ ǁ
Padapatha Devanagari Accented
स्व॒धाम् । अनु॑ । श्रिय॑म् । नरः॑ । महि॑ । त्वे॒षाः । अम॑ऽवन्तः । वृष॑ऽप्सवः ।
वह॑न्ते । अह्रु॑तऽप्सवः ॥
Padapatha Devanagari Nonaccented
स्वधाम् । अनु । श्रियम् । नरः । महि । त्वेषाः । अमऽवन्तः । वृषऽप्सवः ।
वहन्ते । अह्रुतऽप्सवः ॥
Padapatha Transcription Accented
svadhā́m ǀ ánu ǀ śríyam ǀ náraḥ ǀ máhi ǀ tveṣā́ḥ ǀ áma-vantaḥ ǀ vṛ́ṣa-psavaḥ ǀ
váhante ǀ áhruta-psavaḥ ǁ
Padapatha Transcription Nonaccented
svadhām ǀ anu ǀ śriyam ǀ naraḥ ǀ mahi ǀ tveṣāḥ ǀ ama-vantaḥ ǀ vṛṣa-psavaḥ ǀ
vahante ǀ ahruta-psavaḥ ǁ
08.020.08 (Mandala. Sukta. Rik)
6.1.37.03 (Ashtaka. Adhyaya. Varga. Rik)
08.03.155 (Mandala. Anuvāka. Rik)
Samhita Devanagari Accented
गोभि॑र्वा॒णो अ॑ज्यते॒ सोभ॑रीणां॒ रथे॒ कोशे॑ हिर॒ण्यये॑ ।
गोबं॑धवः सुजा॒तास॑ इ॒षे भु॒जे म॒हांतो॑ नः॒ स्पर॑से॒ नु ॥
Samhita Devanagari Nonaccented
गोभिर्वाणो अज्यते सोभरीणां रथे कोशे हिरण्यये ।
गोबंधवः सुजातास इषे भुजे महांतो नः स्परसे नु ॥
Samhita Transcription Accented
góbhirvāṇó ajyate sóbharīṇām ráthe kóśe hiraṇyáye ǀ
góbandhavaḥ sujātā́sa iṣé bhujé mahā́nto naḥ spárase nú ǁ
Samhita Transcription Nonaccented
gobhirvāṇo ajyate sobharīṇām rathe kośe hiraṇyaye ǀ
gobandhavaḥ sujātāsa iṣe bhuje mahānto naḥ sparase nu ǁ
Padapatha Devanagari Accented
गोभिः॑ । वा॒णः । अ॒ज्य॒ते॒ । सोभ॑रीणाम् । रथे॑ । कोशे॑ । हि॒र॒ण्यये॑ ।
गोऽब॑न्धवः । सु॒ऽजा॒तासः॑ । इ॒षे । भु॒जे । म॒हान्तः॑ । नः॒ । स्पर॑से । नु ॥
Padapatha Devanagari Nonaccented
गोभिः । वाणः । अज्यते । सोभरीणाम् । रथे । कोशे । हिरण्यये ।
गोऽबन्धवः । सुऽजातासः । इषे । भुजे । महान्तः । नः । स्परसे । नु ॥
Padapatha Transcription Accented
góbhiḥ ǀ vāṇáḥ ǀ ajyate ǀ sóbharīṇām ǀ ráthe ǀ kóśe ǀ hiraṇyáye ǀ
gó-bandhavaḥ ǀ su-jātā́saḥ ǀ iṣé ǀ bhujé ǀ mahā́ntaḥ ǀ naḥ ǀ spárase ǀ nú ǁ
Padapatha Transcription Nonaccented
gobhiḥ ǀ vāṇaḥ ǀ ajyate ǀ sobharīṇām ǀ rathe ǀ kośe ǀ hiraṇyaye ǀ
go-bandhavaḥ ǀ su-jātāsaḥ ǀ iṣe ǀ bhuje ǀ mahāntaḥ ǀ naḥ ǀ sparase ǀ nu ǁ
08.020.09 (Mandala. Sukta. Rik)
6.1.37.04 (Ashtaka. Adhyaya. Varga. Rik)
08.03.156 (Mandala. Anuvāka. Rik)
Samhita Devanagari Accented
प्रति॑ वो वृषदंजयो॒ वृष्णे॒ शर्धा॑य॒ मारु॑ताय भरध्वं ।
ह॒व्या वृष॑प्रयाव्णे ॥
Samhita Devanagari Nonaccented
प्रति वो वृषदंजयो वृष्णे शर्धाय मारुताय भरध्वं ।
हव्या वृषप्रयाव्णे ॥
Samhita Transcription Accented
práti vo vṛṣadañjayo vṛ́ṣṇe śárdhāya mā́rutāya bharadhvam ǀ
havyā́ vṛ́ṣaprayāvṇe ǁ
Samhita Transcription Nonaccented
prati vo vṛṣadañjayo vṛṣṇe śardhāya mārutāya bharadhvam ǀ
havyā vṛṣaprayāvṇe ǁ
Padapatha Devanagari Accented
प्रति॑ । वः॒ । वृ॒ष॒त्ऽअ॒ञ्ज॒यः॒ । वृष्णे॑ । शर्धा॑य । मारु॑ताय । भ॒र॒ध्व॒म् ।
ह॒व्या । वृष॑ऽप्रयाव्ने ॥
Padapatha Devanagari Nonaccented
प्रति । वः । वृषत्ऽअञ्जयः । वृष्णे । शर्धाय । मारुताय । भरध्वम् ।
हव्या । वृषऽप्रयाव्ने ॥
Padapatha Transcription Accented
práti ǀ vaḥ ǀ vṛṣat-añjayaḥ ǀ vṛ́ṣṇe ǀ śárdhāya ǀ mā́rutāya ǀ bharadhvam ǀ
havyā́ ǀ vṛ́ṣa-prayāvne ǁ
Padapatha Transcription Nonaccented
prati ǀ vaḥ ǀ vṛṣat-añjayaḥ ǀ vṛṣṇe ǀ śardhāya ǀ mārutāya ǀ bharadhvam ǀ
havyā ǀ vṛṣa-prayāvne ǁ
08.020.10 (Mandala. Sukta. Rik)
6.1.37.05 (Ashtaka. Adhyaya. Varga. Rik)
08.03.157 (Mandala. Anuvāka. Rik)
Samhita Devanagari Accented
वृ॒ष॒ण॒श्वेन॑ मरुतो॒ वृष॑प्सुना॒ रथे॑न॒ वृष॑नाभिना ।
आ श्ये॒नासो॒ न प॒क्षिणो॒ वृथा॑ नरो ह॒व्या नो॑ वी॒तये॑ गत ॥
Samhita Devanagari Nonaccented
वृषणश्वेन मरुतो वृषप्सुना रथेन वृषनाभिना ।
आ श्येनासो न पक्षिणो वृथा नरो हव्या नो वीतये गत ॥
Samhita Transcription Accented
vṛṣaṇaśvéna maruto vṛ́ṣapsunā ráthena vṛ́ṣanābhinā ǀ
ā́ śyenā́so ná pakṣíṇo vṛ́thā naro havyā́ no vītáye gata ǁ
Samhita Transcription Nonaccented
vṛṣaṇaśvena maruto vṛṣapsunā rathena vṛṣanābhinā ǀ
ā śyenāso na pakṣiṇo vṛthā naro havyā no vītaye gata ǁ
Padapatha Devanagari Accented
वृ॒ष॒ण॒श्वेन॑ । म॒रु॒तः॒ । वृष॑ऽप्सुना । रथे॑न । वृष॑ऽनाभिना ।
आ । श्ये॒नासः॑ । न । प॒क्षिणः॑ । वृथा॑ । न॒रः॒ । ह॒व्या । नः॒ । वी॒तये॑ । ग॒त॒ ॥
Padapatha Devanagari Nonaccented
वृषणश्वेन । मरुतः । वृषऽप्सुना । रथेन । वृषऽनाभिना ।
आ । श्येनासः । न । पक्षिणः । वृथा । नरः । हव्या । नः । वीतये । गत ॥
Padapatha Transcription Accented
vṛṣaṇaśvéna ǀ marutaḥ ǀ vṛ́ṣa-psunā ǀ ráthena ǀ vṛ́ṣa-nābhinā ǀ
ā́ ǀ śyenā́saḥ ǀ ná ǀ pakṣíṇaḥ ǀ vṛ́thā ǀ naraḥ ǀ havyā́ ǀ naḥ ǀ vītáye ǀ gata ǁ
Padapatha Transcription Nonaccented
vṛṣaṇaśvena ǀ marutaḥ ǀ vṛṣa-psunā ǀ rathena ǀ vṛṣa-nābhinā ǀ
ā ǀ śyenāsaḥ ǀ na ǀ pakṣiṇaḥ ǀ vṛthā ǀ naraḥ ǀ havyā ǀ naḥ ǀ vītaye ǀ gata ǁ
08.020.11 (Mandala. Sukta. Rik)
6.1.38.01 (Ashtaka. Adhyaya. Varga. Rik)
08.03.158 (Mandala. Anuvāka. Rik)
Samhita Devanagari Accented
स॒मा॒नमं॒ज्ये॑षां॒ वि भ्रा॑जंते रु॒क्मासो॒ अधि॑ बा॒हुषु॑ ।
दवि॑द्युतत्यृ॒ष्टयः॑ ॥
Samhita Devanagari Nonaccented
समानमंज्येषां वि भ्राजंते रुक्मासो अधि बाहुषु ।
दविद्युतत्यृष्टयः ॥
Samhita Transcription Accented
samānámañjyéṣām ví bhrājante rukmā́so ádhi bāhúṣu ǀ
dávidyutatyṛṣṭáyaḥ ǁ
Samhita Transcription Nonaccented
samānamañjyeṣām vi bhrājante rukmāso adhi bāhuṣu ǀ
davidyutatyṛṣṭayaḥ ǁ
Padapatha Devanagari Accented
स॒मा॒नम् । अ॒ञ्जि । ए॒षा॒म् । वि । भ्रा॒ज॒न्ते॒ । रु॒क्मासः॑ । अधि॑ । बा॒हुषु॑ ।
दवि॑द्युतति । ऋ॒ष्टयः॑ ॥
Padapatha Devanagari Nonaccented
समानम् । अञ्जि । एषाम् । वि । भ्राजन्ते । रुक्मासः । अधि । बाहुषु ।
दविद्युतति । ऋष्टयः ॥
Padapatha Transcription Accented
samānám ǀ añjí ǀ eṣām ǀ ví ǀ bhrājante ǀ rukmā́saḥ ǀ ádhi ǀ bāhúṣu ǀ
dávidyutati ǀ ṛṣṭáyaḥ ǁ
Padapatha Transcription Nonaccented
samānam ǀ añji ǀ eṣām ǀ vi ǀ bhrājante ǀ rukmāsaḥ ǀ adhi ǀ bāhuṣu ǀ
davidyutati ǀ ṛṣṭayaḥ ǁ
08.020.12 (Mandala. Sukta. Rik)
6.1.38.02 (Ashtaka. Adhyaya. Varga. Rik)
08.03.159 (Mandala. Anuvāka. Rik)
Samhita Devanagari Accented
त उ॒ग्रासो॒ वृष॑ण उ॒ग्रबा॑हवो॒ नकि॑ष्ट॒नूषु॑ येतिरे ।
स्थि॒रा धन्वा॒न्यायु॑धा॒ रथे॑षु॒ वोऽनी॑के॒ष्वधि॒ श्रियः॑ ॥
Samhita Devanagari Nonaccented
त उग्रासो वृषण उग्रबाहवो नकिष्टनूषु येतिरे ।
स्थिरा धन्वान्यायुधा रथेषु वोऽनीकेष्वधि श्रियः ॥
Samhita Transcription Accented
tá ugrā́so vṛ́ṣaṇa ugrábāhavo nákiṣṭanū́ṣu yetire ǀ
sthirā́ dhánvānyā́yudhā rátheṣu vó’nīkeṣvádhi śríyaḥ ǁ
Samhita Transcription Nonaccented
ta ugrāso vṛṣaṇa ugrabāhavo nakiṣṭanūṣu yetire ǀ
sthirā dhanvānyāyudhā ratheṣu vo’nīkeṣvadhi śriyaḥ ǁ
Padapatha Devanagari Accented
ते । उ॒ग्रासः॑ । वृष॑णः । उ॒ग्रऽबा॑हवः । नकिः॑ । त॒नूषु॑ । ये॒ति॒रे॒ ।
स्थि॒रा । धन्वा॑नि । आयु॑धा । रथे॑षु । वः॒ । अनी॑केषु । अधि॑ । श्रियः॑ ॥
Padapatha Devanagari Nonaccented
ते । उग्रासः । वृषणः । उग्रऽबाहवः । नकिः । तनूषु । येतिरे ।
स्थिरा । धन्वानि । आयुधा । रथेषु । वः । अनीकेषु । अधि । श्रियः ॥
Padapatha Transcription Accented
té ǀ ugrā́saḥ ǀ vṛ́ṣaṇaḥ ǀ ugrá-bāhavaḥ ǀ nákiḥ ǀ tanū́ṣu ǀ yetire ǀ
sthirā́ ǀ dhánvāni ǀ ā́yudhā ǀ rátheṣu ǀ vaḥ ǀ ánīkeṣu ǀ ádhi ǀ śríyaḥ ǁ
Padapatha Transcription Nonaccented
te ǀ ugrāsaḥ ǀ vṛṣaṇaḥ ǀ ugra-bāhavaḥ ǀ nakiḥ ǀ tanūṣu ǀ yetire ǀ
sthirā ǀ dhanvāni ǀ āyudhā ǀ ratheṣu ǀ vaḥ ǀ anīkeṣu ǀ adhi ǀ śriyaḥ ǁ
08.020.13 (Mandala. Sukta. Rik)
6.1.38.03 (Ashtaka. Adhyaya. Varga. Rik)
08.03.160 (Mandala. Anuvāka. Rik)
Samhita Devanagari Accented
येषा॒मर्णो॒ न स॒प्रथो॒ नाम॑ त्वे॒षं शश्व॑ता॒मेक॒मिद्भु॒जे ।
वयो॒ न पित्र्यं॒ सहः॑ ॥
Samhita Devanagari Nonaccented
येषामर्णो न सप्रथो नाम त्वेषं शश्वतामेकमिद्भुजे ।
वयो न पित्र्यं सहः ॥
Samhita Transcription Accented
yéṣāmárṇo ná saprátho nā́ma tveṣám śáśvatāmékamídbhujé ǀ
váyo ná pítryam sáhaḥ ǁ
Samhita Transcription Nonaccented
yeṣāmarṇo na sapratho nāma tveṣam śaśvatāmekamidbhuje ǀ
vayo na pitryam sahaḥ ǁ
Padapatha Devanagari Accented
येषा॑म् । अर्णः॑ । न । स॒ऽप्रथः॑ । नाम॑ । त्वे॒षम् । शश्व॑ताम् । एक॑म् । इत् । भु॒जे ।
वयः॑ । न । पित्र्य॑म् । सहः॑ ॥
Padapatha Devanagari Nonaccented
येषाम् । अर्णः । न । सऽप्रथः । नाम । त्वेषम् । शश्वताम् । एकम् । इत् । भुजे ।
वयः । न । पित्र्यम् । सहः ॥
Padapatha Transcription Accented
yéṣām ǀ árṇaḥ ǀ ná ǀ sa-práthaḥ ǀ nā́ma ǀ tveṣám ǀ śáśvatām ǀ ékam ǀ ít ǀ bhujé ǀ
váyaḥ ǀ ná ǀ pítryam ǀ sáhaḥ ǁ
Padapatha Transcription Nonaccented
yeṣām ǀ arṇaḥ ǀ na ǀ sa-prathaḥ ǀ nāma ǀ tveṣam ǀ śaśvatām ǀ ekam ǀ it ǀ bhuje ǀ
vayaḥ ǀ na ǀ pitryam ǀ sahaḥ ǁ
08.020.14 (Mandala. Sukta. Rik)
6.1.38.04 (Ashtaka. Adhyaya. Varga. Rik)
08.03.161 (Mandala. Anuvāka. Rik)
Samhita Devanagari Accented
तान्वं॑दस्व म॒रुत॒स्ताँ उप॑ स्तुहि॒ तेषां॒ हि धुनी॑नां ।
अ॒राणां॒ न च॑र॒मस्तदे॑षां दा॒ना म॒ह्ना तदे॑षां ॥
Samhita Devanagari Nonaccented
तान्वंदस्व मरुतस्ताँ उप स्तुहि तेषां हि धुनीनां ।
अराणां न चरमस्तदेषां दाना मह्ना तदेषां ॥
Samhita Transcription Accented
tā́nvandasva marútastā́m̐ úpa stuhi téṣām hí dhúnīnām ǀ
arā́ṇām ná caramástádeṣām dānā́ mahnā́ tádeṣām ǁ
Samhita Transcription Nonaccented
tānvandasva marutastām̐ upa stuhi teṣām hi dhunīnām ǀ
arāṇām na caramastadeṣām dānā mahnā tadeṣām ǁ
Padapatha Devanagari Accented
तान् । व॒न्द॒स्व॒ । म॒रुतः॑ । तान् । उप॑ । स्तु॒हि॒ । तेषा॑म् । हि । धुनी॑नाम् ।
अ॒राणा॑म् । न । च॒र॒मः । तत् । ए॒षा॒म् । दा॒ना । म॒ह्ना । तत् । ए॒षा॒म् ॥
Padapatha Devanagari Nonaccented
तान् । वन्दस्व । मरुतः । तान् । उप । स्तुहि । तेषाम् । हि । धुनीनाम् ।
अराणाम् । न । चरमः । तत् । एषाम् । दाना । मह्ना । तत् । एषाम् ॥
Padapatha Transcription Accented
tā́n ǀ vandasva ǀ marútaḥ ǀ tā́n ǀ úpa ǀ stuhi ǀ téṣām ǀ hí ǀ dhúnīnām ǀ
arā́ṇām ǀ ná ǀ caramáḥ ǀ tát ǀ eṣām ǀ dānā́ ǀ mahnā́ ǀ tát ǀ eṣām ǁ
Padapatha Transcription Nonaccented
tān ǀ vandasva ǀ marutaḥ ǀ tān ǀ upa ǀ stuhi ǀ teṣām ǀ hi ǀ dhunīnām ǀ
arāṇām ǀ na ǀ caramaḥ ǀ tat ǀ eṣām ǀ dānā ǀ mahnā ǀ tat ǀ eṣām ǁ
08.020.15 (Mandala. Sukta. Rik)
6.1.38.05 (Ashtaka. Adhyaya. Varga. Rik)
08.03.162 (Mandala. Anuvāka. Rik)
Samhita Devanagari Accented
सु॒भगः॒ स व॑ ऊ॒तिष्वास॒ पूर्वा॑सु मरुतो॒ व्यु॑ष्टिषु ।
यो वा॑ नू॒नमु॒तास॑ति ॥
Samhita Devanagari Nonaccented
सुभगः स व ऊतिष्वास पूर्वासु मरुतो व्युष्टिषु ।
यो वा नूनमुतासति ॥
Samhita Transcription Accented
subhágaḥ sá va ūtíṣvā́sa pū́rvāsu maruto vyúṣṭiṣu ǀ
yó vā nūnámutā́sati ǁ
Samhita Transcription Nonaccented
subhagaḥ sa va ūtiṣvāsa pūrvāsu maruto vyuṣṭiṣu ǀ
yo vā nūnamutāsati ǁ
Padapatha Devanagari Accented
सु॒ऽभगः॑ । सः । वः॒ । ऊ॒तिषु॑ । आस॑ । पूर्वा॑सु । म॒रु॒तः॒ । विऽउ॑ष्टिषु ।
यः । वा॒ । नू॒नम् । उ॒त । अस॑ति ॥
Padapatha Devanagari Nonaccented
सुऽभगः । सः । वः । ऊतिषु । आस । पूर्वासु । मरुतः । विऽउष्टिषु ।
यः । वा । नूनम् । उत । असति ॥
Padapatha Transcription Accented
su-bhágaḥ ǀ sáḥ ǀ vaḥ ǀ ūtíṣu ǀ ā́sa ǀ pū́rvāsu ǀ marutaḥ ǀ ví-uṣṭiṣu ǀ
yáḥ ǀ vā ǀ nūnám ǀ utá ǀ ásati ǁ
Padapatha Transcription Nonaccented
su-bhagaḥ ǀ saḥ ǀ vaḥ ǀ ūtiṣu ǀ āsa ǀ pūrvāsu ǀ marutaḥ ǀ vi-uṣṭiṣu ǀ
yaḥ ǀ vā ǀ nūnam ǀ uta ǀ asati ǁ
08.020.16 (Mandala. Sukta. Rik)
6.1.39.01 (Ashtaka. Adhyaya. Varga. Rik)
08.03.163 (Mandala. Anuvāka. Rik)
Samhita Devanagari Accented
यस्य॑ वा यू॒यं प्रति॑ वा॒जिनो॑ नर॒ आ ह॒व्या वी॒तये॑ ग॒थ ।
अ॒भि ष द्यु॒म्नैरु॒त वाज॑सातिभिः सु॒म्ना वो॑ धूतयो नशत् ॥
Samhita Devanagari Nonaccented
यस्य वा यूयं प्रति वाजिनो नर आ हव्या वीतये गथ ।
अभि ष द्युम्नैरुत वाजसातिभिः सुम्ना वो धूतयो नशत् ॥
Samhita Transcription Accented
yásya vā yūyám práti vājíno nara ā́ havyā́ vītáye gathá ǀ
abhí ṣá dyumnáirutá vā́jasātibhiḥ sumnā́ vo dhūtayo naśat ǁ
Samhita Transcription Nonaccented
yasya vā yūyam prati vājino nara ā havyā vītaye gatha ǀ
abhi ṣa dyumnairuta vājasātibhiḥ sumnā vo dhūtayo naśat ǁ
Padapatha Devanagari Accented
यस्य॑ । वा॒ । यू॒यम् । प्रति॑ । वा॒जिनः॑ । न॒रः॒ । आ । ह॒व्या । वी॒तये॑ । ग॒थ ।
अ॒भि । सः । द्यु॒म्नैः । उ॒त । वाज॑सातिऽभिः । सु॒म्ना । वः॒ । धू॒त॒यः॒ । न॒श॒त् ॥
Padapatha Devanagari Nonaccented
यस्य । वा । यूयम् । प्रति । वाजिनः । नरः । आ । हव्या । वीतये । गथ ।
अभि । सः । द्युम्नैः । उत । वाजसातिऽभिः । सुम्ना । वः । धूतयः । नशत् ॥
Padapatha Transcription Accented
yásya ǀ vā ǀ yūyám ǀ práti ǀ vājínaḥ ǀ naraḥ ǀ ā́ ǀ havyā́ ǀ vītáye ǀ gathá ǀ
abhí ǀ sáḥ ǀ dyumnáiḥ ǀ utá ǀ vā́jasāti-bhiḥ ǀ sumnā́ ǀ vaḥ ǀ dhūtayaḥ ǀ naśat ǁ
Padapatha Transcription Nonaccented
yasya ǀ vā ǀ yūyam ǀ prati ǀ vājinaḥ ǀ naraḥ ǀ ā ǀ havyā ǀ vītaye ǀ gatha ǀ
abhi ǀ saḥ ǀ dyumnaiḥ ǀ uta ǀ vājasāti-bhiḥ ǀ sumnā ǀ vaḥ ǀ dhūtayaḥ ǀ naśat ǁ
08.020.17 (Mandala. Sukta. Rik)
6.1.39.02 (Ashtaka. Adhyaya. Varga. Rik)
08.03.164 (Mandala. Anuvāka. Rik)
Samhita Devanagari Accented
यथा॑ रु॒द्रस्य॑ सू॒नवो॑ दि॒वो वशं॒त्यसु॑रस्य वे॒धसः॑ ।
युवा॑न॒स्तथेद॑सत् ॥
Samhita Devanagari Nonaccented
यथा रुद्रस्य सूनवो दिवो वशंत्यसुरस्य वेधसः ।
युवानस्तथेदसत् ॥
Samhita Transcription Accented
yáthā rudrásya sūnávo divó váśantyásurasya vedhásaḥ ǀ
yúvānastáthédasat ǁ
Samhita Transcription Nonaccented
yathā rudrasya sūnavo divo vaśantyasurasya vedhasaḥ ǀ
yuvānastathedasat ǁ
Padapatha Devanagari Accented
यथा॑ । रु॒द्रस्य॑ । सू॒नवः॑ । दि॒वः । वश॑न्ति । असु॑रस्य । वे॒धसः॑ ।
युवा॑नः । तथा॑ । इत् । अ॒स॒त् ॥
Padapatha Devanagari Nonaccented
यथा । रुद्रस्य । सूनवः । दिवः । वशन्ति । असुरस्य । वेधसः ।
युवानः । तथा । इत् । असत् ॥
Padapatha Transcription Accented
yáthā ǀ rudrásya ǀ sūnávaḥ ǀ diváḥ ǀ váśanti ǀ ásurasya ǀ vedhásaḥ ǀ
yúvānaḥ ǀ táthā ǀ ít ǀ asat ǁ
Padapatha Transcription Nonaccented
yathā ǀ rudrasya ǀ sūnavaḥ ǀ divaḥ ǀ vaśanti ǀ asurasya ǀ vedhasaḥ ǀ
yuvānaḥ ǀ tathā ǀ it ǀ asat ǁ
08.020.18 (Mandala. Sukta. Rik)
6.1.39.03 (Ashtaka. Adhyaya. Varga. Rik)
08.03.165 (Mandala. Anuvāka. Rik)
Samhita Devanagari Accented
ये चार्हं॑ति म॒रुतः॑ सु॒दान॑वः॒ स्मन्मी॒ळ्हुष॒श्चरं॑ति॒ ये ।
अत॑श्चि॒दा न॒ उप॒ वस्य॑सा हृ॒दा युवा॑न॒ आ व॑वृध्वं ॥
Samhita Devanagari Nonaccented
ये चार्हंति मरुतः सुदानवः स्मन्मीळ्हुषश्चरंति ये ।
अतश्चिदा न उप वस्यसा हृदा युवान आ ववृध्वं ॥
Samhita Transcription Accented
yé cā́rhanti marútaḥ sudā́navaḥ smánmīḷhúṣaścáranti yé ǀ
átaścidā́ na úpa vásyasā hṛdā́ yúvāna ā́ vavṛdhvam ǁ
Samhita Transcription Nonaccented
ye cārhanti marutaḥ sudānavaḥ smanmīḷhuṣaścaranti ye ǀ
ataścidā na upa vasyasā hṛdā yuvāna ā vavṛdhvam ǁ
Padapatha Devanagari Accented
ये । च॒ । अर्ह॑न्ति । म॒रुतः॑ । सु॒ऽदान॑वः । स्मत् । मी॒ळ्हुषः॑ । चर॑न्ति । ये ।
अतः॑ । चि॒त् । आ । नः॒ । उप॑ । वस्य॑सा । हृ॒दा । युवा॑नः । आ । व॒वृ॒ध्व॒म् ॥
Padapatha Devanagari Nonaccented
ये । च । अर्हन्ति । मरुतः । सुऽदानवः । स्मत् । मीळ्हुषः । चरन्ति । ये ।
अतः । चित् । आ । नः । उप । वस्यसा । हृदा । युवानः । आ । ववृध्वम् ॥
Padapatha Transcription Accented
yé ǀ ca ǀ árhanti ǀ marútaḥ ǀ su-dā́navaḥ ǀ smát ǀ mīḷhúṣaḥ ǀ cáranti ǀ yé ǀ
átaḥ ǀ cit ǀ ā́ ǀ naḥ ǀ úpa ǀ vásyasā ǀ hṛdā́ ǀ yúvānaḥ ǀ ā́ ǀ vavṛdhvam ǁ
Padapatha Transcription Nonaccented
ye ǀ ca ǀ arhanti ǀ marutaḥ ǀ su-dānavaḥ ǀ smat ǀ mīḷhuṣaḥ ǀ caranti ǀ ye ǀ
ataḥ ǀ cit ǀ ā ǀ naḥ ǀ upa ǀ vasyasā ǀ hṛdā ǀ yuvānaḥ ǀ ā ǀ vavṛdhvam ǁ
08.020.19 (Mandala. Sukta. Rik)
6.1.39.04 (Ashtaka. Adhyaya. Varga. Rik)
08.03.166 (Mandala. Anuvāka. Rik)
Samhita Devanagari Accented
यून॑ ऊ॒ षु नवि॑ष्ठया॒ वृष्णः॑ पाव॒काँ अ॒भि सो॑भरे गि॒रा ।
गाय॒ गा इ॑व॒ चर्कृ॑षत् ॥
Samhita Devanagari Nonaccented
यून ऊ षु नविष्ठया वृष्णः पावकाँ अभि सोभरे गिरा ।
गाय गा इव चर्कृषत् ॥
Samhita Transcription Accented
yū́na ū ṣú náviṣṭhayā vṛ́ṣṇaḥ pāvakā́m̐ abhí sobhare girā́ ǀ
gā́ya gā́ iva cárkṛṣat ǁ
Samhita Transcription Nonaccented
yūna ū ṣu naviṣṭhayā vṛṣṇaḥ pāvakām̐ abhi sobhare girā ǀ
gāya gā iva carkṛṣat ǁ
Padapatha Devanagari Accented
यूनः॑ । ऊं॒ इति॑ । सु । नवि॑ष्ठया । वृष्णः॑ । पा॒व॒कान् । अ॒भि । सो॒भ॒रे॒ । गि॒रा ।
गाय॑ । गाःऽइ॑व । चर्कृ॑षत् ॥
Padapatha Devanagari Nonaccented
यूनः । ऊं इति । सु । नविष्ठया । वृष्णः । पावकान् । अभि । सोभरे । गिरा ।
गाय । गाःऽइव । चर्कृषत् ॥
Padapatha Transcription Accented
yū́naḥ ǀ ūṃ íti ǀ sú ǀ náviṣṭhayā ǀ vṛ́ṣṇaḥ ǀ pāvakā́n ǀ abhí ǀ sobhare ǀ girā́ ǀ
gā́ya ǀ gā́ḥ-iva ǀ cárkṛṣat ǁ
Padapatha Transcription Nonaccented
yūnaḥ ǀ ūṃ iti ǀ su ǀ naviṣṭhayā ǀ vṛṣṇaḥ ǀ pāvakān ǀ abhi ǀ sobhare ǀ girā ǀ
gāya ǀ gāḥ-iva ǀ carkṛṣat ǁ
08.020.20 (Mandala. Sukta. Rik)
6.1.39.05 (Ashtaka. Adhyaya. Varga. Rik)
08.03.167 (Mandala. Anuvāka. Rik)
Samhita Devanagari Accented
सा॒हा ये संति॑ मुष्टि॒हेव॒ हव्यो॒ विश्वा॑सु पृ॒त्सु होतृ॑षु ।
वृष्ण॑श्चं॒द्रान्न सु॒श्रव॑स्तमान्गि॒रा वंद॑स्व म॒रुतो॒ अह॑ ॥
Samhita Devanagari Nonaccented
साहा ये संति मुष्टिहेव हव्यो विश्वासु पृत्सु होतृषु ।
वृष्णश्चंद्रान्न सुश्रवस्तमान्गिरा वंदस्व मरुतो अह ॥
Samhita Transcription Accented
sāhā́ yé sánti muṣṭihéva hávyo víśvāsu pṛtsú hótṛṣu ǀ
vṛ́ṣṇaścandrā́nná suśrávastamāngirā́ vándasva marúto áha ǁ
Samhita Transcription Nonaccented
sāhā ye santi muṣṭiheva havyo viśvāsu pṛtsu hotṛṣu ǀ
vṛṣṇaścandrānna suśravastamāngirā vandasva maruto aha ǁ
Padapatha Devanagari Accented
स॒हाः । ये । सन्ति॑ । मु॒ष्टि॒हाऽइ॑व । हव्यः॑ । विश्वा॑सु । पृ॒त्ऽसु । होतृ॑षु ।
वृष्णः॑ । च॒न्द्रान् । न । सु॒श्रवः॑ऽतमान् । गि॒रा । वन्द॑स्व । म॒रुतः॑ । अह॑ ॥
Padapatha Devanagari Nonaccented
सहाः । ये । सन्ति । मुष्टिहाऽइव । हव्यः । विश्वासु । पृत्ऽसु । होतृषु ।
वृष्णः । चन्द्रान् । न । सुश्रवःऽतमान् । गिरा । वन्दस्व । मरुतः । अह ॥
Padapatha Transcription Accented
sahā́ḥ ǀ yé ǀ sánti ǀ muṣṭihā́-iva ǀ hávyaḥ ǀ víśvāsu ǀ pṛt-sú ǀ hótṛṣu ǀ
vṛ́ṣṇaḥ ǀ candrā́n ǀ ná ǀ suśrávaḥ-tamān ǀ girā́ ǀ vándasva ǀ marútaḥ ǀ áha ǁ
Padapatha Transcription Nonaccented
sahāḥ ǀ ye ǀ santi ǀ muṣṭihā-iva ǀ havyaḥ ǀ viśvāsu ǀ pṛt-su ǀ hotṛṣu ǀ
vṛṣṇaḥ ǀ candrān ǀ na ǀ suśravaḥ-tamān ǀ girā ǀ vandasva ǀ marutaḥ ǀ aha ǁ
08.020.21 (Mandala. Sukta. Rik)
6.1.40.01 (Ashtaka. Adhyaya. Varga. Rik)
08.03.168 (Mandala. Anuvāka. Rik)
Samhita Devanagari Accented
गाव॑श्चिद्घा समन्यवः सजा॒त्ये॑न मरुतः॒ सबं॑धवः ।
रि॒ह॒ते क॒कुभो॑ मि॒थः ॥
Samhita Devanagari Nonaccented
गावश्चिद्घा समन्यवः सजात्येन मरुतः सबंधवः ।
रिहते ककुभो मिथः ॥
Samhita Transcription Accented
gā́vaścidghā samanyavaḥ sajātyéna marutaḥ sábandhavaḥ ǀ
rihaté kakúbho mitháḥ ǁ
Samhita Transcription Nonaccented
gāvaścidghā samanyavaḥ sajātyena marutaḥ sabandhavaḥ ǀ
rihate kakubho mithaḥ ǁ
Padapatha Devanagari Accented
गावः॑ । चि॒त् । घ॒ । स॒ऽम॒न्य॒वः॒ । स॒ऽजा॒त्ये॑न । म॒रु॒तः॒ । सऽब॑न्धवः ।
रि॒ह॒ते । क॒कुभः॑ । मि॒थः ॥
Padapatha Devanagari Nonaccented
गावः । चित् । घ । सऽमन्यवः । सऽजात्येन । मरुतः । सऽबन्धवः ।
रिहते । ककुभः । मिथः ॥
Padapatha Transcription Accented
gā́vaḥ ǀ cit ǀ gha ǀ sa-manyavaḥ ǀ sa-jātyéna ǀ marutaḥ ǀ sá-bandhavaḥ ǀ
rihaté ǀ kakúbhaḥ ǀ mitháḥ ǁ
Padapatha Transcription Nonaccented
gāvaḥ ǀ cit ǀ gha ǀ sa-manyavaḥ ǀ sa-jātyena ǀ marutaḥ ǀ sa-bandhavaḥ ǀ
rihate ǀ kakubhaḥ ǀ mithaḥ ǁ
08.020.22 (Mandala. Sukta. Rik)
6.1.40.02 (Ashtaka. Adhyaya. Varga. Rik)
08.03.169 (Mandala. Anuvāka. Rik)
Samhita Devanagari Accented
मर्त॑श्चिद्वो नृतवो रुक्मवक्षस॒ उप॑ भ्रातृ॒त्वमाय॑ति ।
अधि॑ नो गात मरुतः॒ सदा॒ हि व॑ आपि॒त्वमस्ति॒ निध्रु॑वि ॥
Samhita Devanagari Nonaccented
मर्तश्चिद्वो नृतवो रुक्मवक्षस उप भ्रातृत्वमायति ।
अधि नो गात मरुतः सदा हि व आपित्वमस्ति निध्रुवि ॥
Samhita Transcription Accented
mártaścidvo nṛtavo rukmavakṣasa úpa bhrātṛtvámā́yati ǀ
ádhi no gāta marutaḥ sádā hí va āpitvámásti nídhruvi ǁ
Samhita Transcription Nonaccented
martaścidvo nṛtavo rukmavakṣasa upa bhrātṛtvamāyati ǀ
adhi no gāta marutaḥ sadā hi va āpitvamasti nidhruvi ǁ
Padapatha Devanagari Accented
मर्तः॑ । चि॒त् । वः॒ । नृ॒त॒वः॒ । रु॒क्म॒ऽव॒क्ष॒सः॒ । उप॑ । भ्रा॒तृ॒ऽत्वम् । आ । अ॒य॒ति॒ ।
अधि॑ । नः॒ । गा॒त॒ । म॒रु॒तः॒ । सदा॑ । हि । वः॒ । आ॒पि॒ऽत्वम् । अस्ति॑ । निऽध्रु॑वि ॥
Padapatha Devanagari Nonaccented
मर्तः । चित् । वः । नृतवः । रुक्मऽवक्षसः । उप । भ्रातृऽत्वम् । आ । अयति ।
अधि । नः । गात । मरुतः । सदा । हि । वः । आपिऽत्वम् । अस्ति । निऽध्रुवि ॥
Padapatha Transcription Accented
mártaḥ ǀ cit ǀ vaḥ ǀ nṛtavaḥ ǀ rukma-vakṣasaḥ ǀ úpa ǀ bhrātṛ-tvám ǀ ā́ ǀ ayati ǀ
ádhi ǀ naḥ ǀ gāta ǀ marutaḥ ǀ sádā ǀ hí ǀ vaḥ ǀ āpi-tvám ǀ ásti ǀ ní-dhruvi ǁ
Padapatha Transcription Nonaccented
martaḥ ǀ cit ǀ vaḥ ǀ nṛtavaḥ ǀ rukma-vakṣasaḥ ǀ upa ǀ bhrātṛ-tvam ǀ ā ǀ ayati ǀ
adhi ǀ naḥ ǀ gāta ǀ marutaḥ ǀ sadā ǀ hi ǀ vaḥ ǀ āpi-tvam ǀ asti ǀ ni-dhruvi ǁ
08.020.23 (Mandala. Sukta. Rik)
6.1.40.03 (Ashtaka. Adhyaya. Varga. Rik)
08.03.170 (Mandala. Anuvāka. Rik)
Samhita Devanagari Accented
मरु॑तो॒ मारु॑तस्य न॒ आ भे॑ष॒जस्य॑ वहता सुदानवः ।
यू॒यं स॑खायः सप्तयः ॥
Samhita Devanagari Nonaccented
मरुतो मारुतस्य न आ भेषजस्य वहता सुदानवः ।
यूयं सखायः सप्तयः ॥
Samhita Transcription Accented
máruto mā́rutasya na ā́ bheṣajásya vahatā sudānavaḥ ǀ
yūyám sakhāyaḥ saptayaḥ ǁ
Samhita Transcription Nonaccented
maruto mārutasya na ā bheṣajasya vahatā sudānavaḥ ǀ
yūyam sakhāyaḥ saptayaḥ ǁ
Padapatha Devanagari Accented
मरु॑तः । मारु॑तस्य । नः॒ । आ । भे॒ष॒जस्य॑ । व॒ह॒त॒ । सु॒ऽदा॒न॒वः॒ ।
यू॒यम् । स॒खा॒यः॒ । स॒प्त॒यः॒ ॥
Padapatha Devanagari Nonaccented
मरुतः । मारुतस्य । नः । आ । भेषजस्य । वहत । सुऽदानवः ।
यूयम् । सखायः । सप्तयः ॥
Padapatha Transcription Accented
márutaḥ ǀ mā́rutasya ǀ naḥ ǀ ā́ ǀ bheṣajásya ǀ vahata ǀ su-dānavaḥ ǀ
yūyám ǀ sakhāyaḥ ǀ saptayaḥ ǁ
Padapatha Transcription Nonaccented
marutaḥ ǀ mārutasya ǀ naḥ ǀ ā ǀ bheṣajasya ǀ vahata ǀ su-dānavaḥ ǀ
yūyam ǀ sakhāyaḥ ǀ saptayaḥ ǁ
08.020.24 (Mandala. Sukta. Rik)
6.1.40.04 (Ashtaka. Adhyaya. Varga. Rik)
08.03.171 (Mandala. Anuvāka. Rik)
Samhita Devanagari Accented
याभिः॒ सिंधु॒मव॑थ॒ याभि॒स्तूर्व॑थ॒ याभि॑र्दश॒स्यथा॒ क्रिविं॑ ।
मयो॑ नो भूतो॒तिभि॑र्मयोभुवः शि॒वाभि॑रसचद्विषः ॥
Samhita Devanagari Nonaccented
याभिः सिंधुमवथ याभिस्तूर्वथ याभिर्दशस्यथा क्रिविं ।
मयो नो भूतोतिभिर्मयोभुवः शिवाभिरसचद्विषः ॥
Samhita Transcription Accented
yā́bhiḥ síndhumávatha yā́bhistū́rvatha yā́bhirdaśasyáthā krívim ǀ
máyo no bhūtotíbhirmayobhuvaḥ śivā́bhirasacadviṣaḥ ǁ
Samhita Transcription Nonaccented
yābhiḥ sindhumavatha yābhistūrvatha yābhirdaśasyathā krivim ǀ
mayo no bhūtotibhirmayobhuvaḥ śivābhirasacadviṣaḥ ǁ
Padapatha Devanagari Accented
याभिः॑ । सिन्धु॑म् । अव॑थ । याभिः॑ । तूर्व॑थ । याभिः॑ । द॒श॒स्यथ॑ । क्रिवि॑म् ।
मयः॑ । नः॒ । भू॒त॒ । ऊ॒तिऽभिः॑ । म॒यः॒ऽभु॒वः॒ । शि॒वाभिः॑ । अ॒स॒च॒ऽद्वि॒षः॒ ॥
Padapatha Devanagari Nonaccented
याभिः । सिन्धुम् । अवथ । याभिः । तूर्वथ । याभिः । दशस्यथ । क्रिविम् ।
मयः । नः । भूत । ऊतिऽभिः । मयःऽभुवः । शिवाभिः । असचऽद्विषः ॥
Padapatha Transcription Accented
yā́bhiḥ ǀ síndhum ǀ ávatha ǀ yā́bhiḥ ǀ tū́rvatha ǀ yā́bhiḥ ǀ daśasyátha ǀ krívim ǀ
máyaḥ ǀ naḥ ǀ bhūta ǀ ūtí-bhiḥ ǀ mayaḥ-bhuvaḥ ǀ śivā́bhiḥ ǀ asaca-dviṣaḥ ǁ
Padapatha Transcription Nonaccented
yābhiḥ ǀ sindhum ǀ avatha ǀ yābhiḥ ǀ tūrvatha ǀ yābhiḥ ǀ daśasyatha ǀ krivim ǀ
mayaḥ ǀ naḥ ǀ bhūta ǀ ūti-bhiḥ ǀ mayaḥ-bhuvaḥ ǀ śivābhiḥ ǀ asaca-dviṣaḥ ǁ
08.020.25 (Mandala. Sukta. Rik)
6.1.40.05 (Ashtaka. Adhyaya. Varga. Rik)
08.03.172 (Mandala. Anuvāka. Rik)
Samhita Devanagari Accented
यत्सिंधौ॒ यदसि॑क्न्यां॒ यत्स॑मु॒द्रेषु॑ मरुतः सुबर्हिषः ।
यत्पर्व॑तेषु भेष॒जं ॥
Samhita Devanagari Nonaccented
यत्सिंधौ यदसिक्न्यां यत्समुद्रेषु मरुतः सुबर्हिषः ।
यत्पर्वतेषु भेषजं ॥
Samhita Transcription Accented
yátsíndhau yádásiknyām yátsamudréṣu marutaḥ subarhiṣaḥ ǀ
yátpárvateṣu bheṣajám ǁ
Samhita Transcription Nonaccented
yatsindhau yadasiknyām yatsamudreṣu marutaḥ subarhiṣaḥ ǀ
yatparvateṣu bheṣajam ǁ
Padapatha Devanagari Accented
यत् । सिन्धौ॑ । यत् । असि॑क्न्याम् । यत् । स॒मु॒द्रेषु॑ । म॒रु॒तः॒ । सु॒ऽब॒र्हि॒षः॒ ।
यत् । पर्व॑तेषु । भे॒ष॒जम् ॥
Padapatha Devanagari Nonaccented
यत् । सिन्धौ । यत् । असिक्न्याम् । यत् । समुद्रेषु । मरुतः । सुऽबर्हिषः ।
यत् । पर्वतेषु । भेषजम् ॥
Padapatha Transcription Accented
yát ǀ síndhau ǀ yát ǀ ásiknyām ǀ yát ǀ samudréṣu ǀ marutaḥ ǀ su-barhiṣaḥ ǀ
yát ǀ párvateṣu ǀ bheṣajám ǁ
Padapatha Transcription Nonaccented
yat ǀ sindhau ǀ yat ǀ asiknyām ǀ yat ǀ samudreṣu ǀ marutaḥ ǀ su-barhiṣaḥ ǀ
yat ǀ parvateṣu ǀ bheṣajam ǁ
08.020.26 (Mandala. Sukta. Rik)
6.1.40.06 (Ashtaka. Adhyaya. Varga. Rik)
08.03.173 (Mandala. Anuvāka. Rik)
Samhita Devanagari Accented
विश्वं॒ पश्यं॑तो बिभृथा त॒नूष्वा तेना॑ नो॒ अधि॑ वोचत ।
क्ष॒मा रपो॑ मरुत॒ आतु॑रस्य न॒ इष्क॑र्ता॒ विह्रु॑तं॒ पुनः॑ ॥
Samhita Devanagari Nonaccented
विश्वं पश्यंतो बिभृथा तनूष्वा तेना नो अधि वोचत ।
क्षमा रपो मरुत आतुरस्य न इष्कर्ता विह्रुतं पुनः ॥
Samhita Transcription Accented
víśvam páśyanto bibhṛthā tanū́ṣvā́ ténā no ádhi vocata ǀ
kṣamā́ rápo maruta ā́turasya na íṣkartā víhrutam púnaḥ ǁ
Samhita Transcription Nonaccented
viśvam paśyanto bibhṛthā tanūṣvā tenā no adhi vocata ǀ
kṣamā rapo maruta āturasya na iṣkartā vihrutam punaḥ ǁ
Padapatha Devanagari Accented
विश्व॑म् । पश्य॑न्तः । बि॒भृ॒थ॒ । त॒नूषु॑ । आ । तेन॑ । नः॒ । अधि॑ । वो॒च॒त॒ ।
क्ष॒मा । रपः॑ । म॒रु॒तः॒ । आतु॑रस्य । नः॒ । इष्क॑र्त । विऽह्रु॑तम् । पुन॒रिति॑ ॥
Padapatha Devanagari Nonaccented
विश्वम् । पश्यन्तः । बिभृथ । तनूषु । आ । तेन । नः । अधि । वोचत ।
क्षमा । रपः । मरुतः । आतुरस्य । नः । इष्कर्त । विऽह्रुतम् । पुनरिति ॥
Padapatha Transcription Accented
víśvam ǀ páśyantaḥ ǀ bibhṛtha ǀ tanū́ṣu ǀ ā́ ǀ téna ǀ naḥ ǀ ádhi ǀ vocata ǀ
kṣamā́ ǀ rápaḥ ǀ marutaḥ ǀ ā́turasya ǀ naḥ ǀ íṣkarta ǀ ví-hrutam ǀ púnaríti ǁ
Padapatha Transcription Nonaccented
viśvam ǀ paśyantaḥ ǀ bibhṛtha ǀ tanūṣu ǀ ā ǀ tena ǀ naḥ ǀ adhi ǀ vocata ǀ
kṣamā ǀ rapaḥ ǀ marutaḥ ǀ āturasya ǀ naḥ ǀ iṣkarta ǀ vi-hrutam ǀ punariti ǁ