|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 21
|
1. Info |
| To: | 1-16: indra; 17: indra, sarasvatī, citra; 18: citra’s dānastuti |
|
| From: | sobhari kāṇva | |
| Metres: | 1st set of styles: kakubuṣṇik (5, 7, 9, 11); nicṛtpaṅkti (6, 8, 16, 18); virāḍuṣnik (1, 3, 15); pādanicṛtpaṅkti (2, 12, 14); nicṛduṣṇik (13, 17); bhurikpaṅkti (4); virāṭpaṅkti (10) 2nd set of styles: kakubh (1, 3, 5, 7, 9, 11, 13, 15, 17); satobṛhatī (2, 4, 6, 8, 10, 12, 14, 16, 18) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.021.01 (Mandala. Sukta. Rik)
6.2.01.01 (Ashtaka. Adhyaya. Varga. Rik)
08.04.001 (Mandala. Anuvāka. Rik)
Samhita Devanagari Accented
व॒यमु॒ त्वाम॑पूर्व्य स्थू॒रं न कच्चि॒द्भरं॑तोऽव॒स्यवः॑ ।
वाजे॑ चि॒त्रं ह॑वामहे ॥
Samhita Devanagari Nonaccented
वयमु त्वामपूर्व्य स्थूरं न कच्चिद्भरंतोऽवस्यवः ।
वाजे चित्रं हवामहे ॥
Samhita Transcription Accented
vayámu tvā́mapūrvya sthūrám ná káccidbháranto’vasyávaḥ ǀ
vā́je citrám havāmahe ǁ
Samhita Transcription Nonaccented
vayamu tvāmapūrvya sthūram na kaccidbharanto’vasyavaḥ ǀ
vāje citram havāmahe ǁ
Padapatha Devanagari Accented
व॒यम् । ऊं॒ इति॑ । त्वाम् । अ॒पू॒र्व्य॒ । स्थू॒रम् । न । कत् । चि॒त् । भर॑न्तः । अ॒व॒स्यवः॑ ।
वाजे॑ । चि॒त्रम् । ह॒वा॒म॒हे॒ ॥
Padapatha Devanagari Nonaccented
वयम् । ऊं इति । त्वाम् । अपूर्व्य । स्थूरम् । न । कत् । चित् । भरन्तः । अवस्यवः ।
वाजे । चित्रम् । हवामहे ॥
Padapatha Transcription Accented
vayám ǀ ūṃ íti ǀ tvā́m ǀ apūrvya ǀ sthūrám ǀ ná ǀ kát ǀ cit ǀ bhárantaḥ ǀ avasyávaḥ ǀ
vā́je ǀ citrám ǀ havāmahe ǁ
Padapatha Transcription Nonaccented
vayam ǀ ūṃ iti ǀ tvām ǀ apūrvya ǀ sthūram ǀ na ǀ kat ǀ cit ǀ bharantaḥ ǀ avasyavaḥ ǀ
vāje ǀ citram ǀ havāmahe ǁ
08.021.02 (Mandala. Sukta. Rik)
6.2.01.02 (Ashtaka. Adhyaya. Varga. Rik)
08.04.002 (Mandala. Anuvāka. Rik)
Samhita Devanagari Accented
उप॑ त्वा॒ कर्म॑न्नू॒तये॒ स नो॒ युवो॒ग्रश्च॑क्राम॒ यो धृ॒षत् ।
त्वामिद्ध्य॑वि॒तारं॑ ववृ॒महे॒ सखा॑य इंद्र सान॒सिं ॥
Samhita Devanagari Nonaccented
उप त्वा कर्मन्नूतये स नो युवोग्रश्चक्राम यो धृषत् ।
त्वामिद्ध्यवितारं ववृमहे सखाय इंद्र सानसिं ॥
Samhita Transcription Accented
úpa tvā kármannūtáye sá no yúvográścakrāma yó dhṛṣát ǀ
tvā́míddhyávitā́ram vavṛmáhe sákhāya indra sānasím ǁ
Samhita Transcription Nonaccented
upa tvā karmannūtaye sa no yuvograścakrāma yo dhṛṣat ǀ
tvāmiddhyavitāram vavṛmahe sakhāya indra sānasim ǁ
Padapatha Devanagari Accented
उप॑ । त्वा॒ । कर्म॑न् । ऊ॒तये॑ । सः । नः॒ । युवा॑ । उ॒ग्रः । च॒क्रा॒म॒ । यः । धृ॒षत् ।
त्वाम् । इत् । हि । अ॒वि॒तार॑म् । व॒वृ॒महे॑ । सखा॑यः । इ॒न्द्र॒ । सा॒न॒सिम् ॥
Padapatha Devanagari Nonaccented
उप । त्वा । कर्मन् । ऊतये । सः । नः । युवा । उग्रः । चक्राम । यः । धृषत् ।
त्वाम् । इत् । हि । अवितारम् । ववृमहे । सखायः । इन्द्र । सानसिम् ॥
Padapatha Transcription Accented
úpa ǀ tvā ǀ kárman ǀ ūtáye ǀ sáḥ ǀ naḥ ǀ yúvā ǀ ugráḥ ǀ cakrāma ǀ yáḥ ǀ dhṛṣát ǀ
tvā́m ǀ ít ǀ hí ǀ avitā́ram ǀ vavṛmáhe ǀ sákhāyaḥ ǀ indra ǀ sānasím ǁ
Padapatha Transcription Nonaccented
upa ǀ tvā ǀ karman ǀ ūtaye ǀ saḥ ǀ naḥ ǀ yuvā ǀ ugraḥ ǀ cakrāma ǀ yaḥ ǀ dhṛṣat ǀ
tvām ǀ it ǀ hi ǀ avitāram ǀ vavṛmahe ǀ sakhāyaḥ ǀ indra ǀ sānasim ǁ
08.021.03 (Mandala. Sukta. Rik)
6.2.01.03 (Ashtaka. Adhyaya. Varga. Rik)
08.04.003 (Mandala. Anuvāka. Rik)
Samhita Devanagari Accented
आ या॑ही॒म इंद॒वोऽश्व॑पते॒ गोप॑त॒ उर्व॑रापते ।
सोमं॑ सोमपते पिब ॥
Samhita Devanagari Nonaccented
आ याहीम इंदवोऽश्वपते गोपत उर्वरापते ।
सोमं सोमपते पिब ॥
Samhita Transcription Accented
ā́ yāhīmá índavó’śvapate gópata úrvarāpate ǀ
sómam somapate piba ǁ
Samhita Transcription Nonaccented
ā yāhīma indavo’śvapate gopata urvarāpate ǀ
somam somapate piba ǁ
Padapatha Devanagari Accented
आ । या॒हि॒ । इ॒मे । इन्द॑वः । अश्व॑ऽपते । गोऽप॑ते । उर्व॑राऽपते ।
सोम॑म् । सो॒म॒ऽप॒ते॒ । पि॒ब॒ ॥
Padapatha Devanagari Nonaccented
आ । याहि । इमे । इन्दवः । अश्वऽपते । गोऽपते । उर्वराऽपते ।
सोमम् । सोमऽपते । पिब ॥
Padapatha Transcription Accented
ā́ ǀ yāhi ǀ imé ǀ índavaḥ ǀ áśva-pate ǀ gó-pate ǀ úrvarā-pate ǀ
sómam ǀ soma-pate ǀ piba ǁ
Padapatha Transcription Nonaccented
ā ǀ yāhi ǀ ime ǀ indavaḥ ǀ aśva-pate ǀ go-pate ǀ urvarā-pate ǀ
somam ǀ soma-pate ǀ piba ǁ
08.021.04 (Mandala. Sukta. Rik)
6.2.01.04 (Ashtaka. Adhyaya. Varga. Rik)
08.04.004 (Mandala. Anuvāka. Rik)
Samhita Devanagari Accented
व॒यं हि त्वा॒ बंधु॑मंतमबं॒धवो॒ विप्रा॑स इंद्र येमि॒म ।
या ते॒ धामा॑नि वृषभ॒ तेभि॒रा ग॑हि॒ विश्वे॑भिः॒ सोम॑पीतये ॥
Samhita Devanagari Nonaccented
वयं हि त्वा बंधुमंतमबंधवो विप्रास इंद्र येमिम ।
या ते धामानि वृषभ तेभिरा गहि विश्वेभिः सोमपीतये ॥
Samhita Transcription Accented
vayám hí tvā bándhumantamabandhávo víprāsa indra yemimá ǀ
yā́ te dhā́māni vṛṣabha tébhirā́ gahi víśvebhiḥ sómapītaye ǁ
Samhita Transcription Nonaccented
vayam hi tvā bandhumantamabandhavo viprāsa indra yemima ǀ
yā te dhāmāni vṛṣabha tebhirā gahi viśvebhiḥ somapītaye ǁ
Padapatha Devanagari Accented
व॒यम् । हि । त्वा॒ । बन्धु॑ऽमन्तम् । अ॒ब॒न्धवः॑ । विप्रा॑सः । इ॒न्द्र॒ । ये॒मि॒म ।
या । ते॒ । धामा॑नि । वृ॒ष॒भ॒ । तेभिः॑ । आ । ग॒हि॒ । विश्वे॑भिः । सोम॑ऽपीतये ॥
Padapatha Devanagari Nonaccented
वयम् । हि । त्वा । बन्धुऽमन्तम् । अबन्धवः । विप्रासः । इन्द्र । येमिम ।
या । ते । धामानि । वृषभ । तेभिः । आ । गहि । विश्वेभिः । सोमऽपीतये ॥
Padapatha Transcription Accented
vayám ǀ hí ǀ tvā ǀ bándhu-mantam ǀ abandhávaḥ ǀ víprāsaḥ ǀ indra ǀ yemimá ǀ
yā́ ǀ te ǀ dhā́māni ǀ vṛṣabha ǀ tébhiḥ ǀ ā́ ǀ gahi ǀ víśvebhiḥ ǀ sóma-pītaye ǁ
Padapatha Transcription Nonaccented
vayam ǀ hi ǀ tvā ǀ bandhu-mantam ǀ abandhavaḥ ǀ viprāsaḥ ǀ indra ǀ yemima ǀ
yā ǀ te ǀ dhāmāni ǀ vṛṣabha ǀ tebhiḥ ǀ ā ǀ gahi ǀ viśvebhiḥ ǀ soma-pītaye ǁ
08.021.05 (Mandala. Sukta. Rik)
6.2.01.05 (Ashtaka. Adhyaya. Varga. Rik)
08.04.005 (Mandala. Anuvāka. Rik)
Samhita Devanagari Accented
सीदं॑तस्ते॒ वयो॑ यथा॒ गोश्री॑ते॒ मधौ॑ मदि॒रे वि॒वक्ष॑णे ।
अ॒भि त्वामिं॑द्र नोनुमः ॥
Samhita Devanagari Nonaccented
सीदंतस्ते वयो यथा गोश्रीते मधौ मदिरे विवक्षणे ।
अभि त्वामिंद्र नोनुमः ॥
Samhita Transcription Accented
sī́dantaste váyo yathā góśrīte mádhau madiré vivákṣaṇe ǀ
abhí tvā́mindra nonumaḥ ǁ
Samhita Transcription Nonaccented
sīdantaste vayo yathā gośrīte madhau madire vivakṣaṇe ǀ
abhi tvāmindra nonumaḥ ǁ
Padapatha Devanagari Accented
सीद॑न्तः । ते॒ । वयः॑ । य॒था॒ । गोऽश्री॑ते । मधौ॑ । म॒दि॒रे । वि॒वक्ष॑णे ।
अ॒भि । त्वाम् । इ॒न्द्र॒ । नो॒नु॒मः॒ ॥
Padapatha Devanagari Nonaccented
सीदन्तः । ते । वयः । यथा । गोऽश्रीते । मधौ । मदिरे । विवक्षणे ।
अभि । त्वाम् । इन्द्र । नोनुमः ॥
Padapatha Transcription Accented
sī́dantaḥ ǀ te ǀ váyaḥ ǀ yathā ǀ gó-śrīte ǀ mádhau ǀ madiré ǀ vivákṣaṇe ǀ
abhí ǀ tvā́m ǀ indra ǀ nonumaḥ ǁ
Padapatha Transcription Nonaccented
sīdantaḥ ǀ te ǀ vayaḥ ǀ yathā ǀ go-śrīte ǀ madhau ǀ madire ǀ vivakṣaṇe ǀ
abhi ǀ tvām ǀ indra ǀ nonumaḥ ǁ
08.021.06 (Mandala. Sukta. Rik)
6.2.02.01 (Ashtaka. Adhyaya. Varga. Rik)
08.04.006 (Mandala. Anuvāka. Rik)
Samhita Devanagari Accented
अच्छा॑ च त्वै॒ना नम॑सा॒ वदा॑मसि॒ किं मुहु॑श्चि॒द्वि दी॑धयः ।
संति॒ कामा॑सो हरिवो द॒दिष्ट्वं स्मो व॒यं संति॑ नो॒ धियः॑ ॥
Samhita Devanagari Nonaccented
अच्छा च त्वैना नमसा वदामसि किं मुहुश्चिद्वि दीधयः ।
संति कामासो हरिवो ददिष्ट्वं स्मो वयं संति नो धियः ॥
Samhita Transcription Accented
ácchā ca tvainā́ námasā vádāmasi kím múhuścidví dīdhayaḥ ǀ
sánti kā́māso harivo dadíṣṭvám smó vayám sánti no dhíyaḥ ǁ
Samhita Transcription Nonaccented
acchā ca tvainā namasā vadāmasi kim muhuścidvi dīdhayaḥ ǀ
santi kāmāso harivo dadiṣṭvam smo vayam santi no dhiyaḥ ǁ
Padapatha Devanagari Accented
अच्छ॑ । च॒ । त्वा॒ । ए॒ना । नम॑सा । वदा॑मसि । किम् । मुहुः॑ । चि॒त् । वि । दी॒ध॒यः॒ ।
सन्ति॑ । कामा॑सः । ह॒रि॒ऽवः॒ । द॒दिः । त्वम् । स्मः । व॒यम् । सन्ति॑ । नः॒ । धियः॑ ॥
Padapatha Devanagari Nonaccented
अच्छ । च । त्वा । एना । नमसा । वदामसि । किम् । मुहुः । चित् । वि । दीधयः ।
सन्ति । कामासः । हरिऽवः । ददिः । त्वम् । स्मः । वयम् । सन्ति । नः । धियः ॥
Padapatha Transcription Accented
áccha ǀ ca ǀ tvā ǀ enā́ ǀ námasā ǀ vádāmasi ǀ kím ǀ múhuḥ ǀ cit ǀ ví ǀ dīdhayaḥ ǀ
sánti ǀ kā́māsaḥ ǀ hari-vaḥ ǀ dadíḥ ǀ tvám ǀ smáḥ ǀ vayám ǀ sánti ǀ naḥ ǀ dhíyaḥ ǁ
Padapatha Transcription Nonaccented
accha ǀ ca ǀ tvā ǀ enā ǀ namasā ǀ vadāmasi ǀ kim ǀ muhuḥ ǀ cit ǀ vi ǀ dīdhayaḥ ǀ
santi ǀ kāmāsaḥ ǀ hari-vaḥ ǀ dadiḥ ǀ tvam ǀ smaḥ ǀ vayam ǀ santi ǀ naḥ ǀ dhiyaḥ ǁ
08.021.07 (Mandala. Sukta. Rik)
6.2.02.02 (Ashtaka. Adhyaya. Varga. Rik)
08.04.007 (Mandala. Anuvāka. Rik)
Samhita Devanagari Accented
नूत्ना॒ इदिं॑द्र ते व॒यमू॒ती अ॑भूम न॒हि नू ते॑ अद्रिवः ।
वि॒द्मा पु॒रा परी॑णसः ॥
Samhita Devanagari Nonaccented
नूत्ना इदिंद्र ते वयमूती अभूम नहि नू ते अद्रिवः ।
विद्मा पुरा परीणसः ॥
Samhita Transcription Accented
nū́tnā ídindra te vayámūtī́ abhūma nahí nū́ te adrivaḥ ǀ
vidmā́ purā́ párīṇasaḥ ǁ
Samhita Transcription Nonaccented
nūtnā idindra te vayamūtī abhūma nahi nū te adrivaḥ ǀ
vidmā purā parīṇasaḥ ǁ
Padapatha Devanagari Accented
नूत्नाः॑ । इत् । इ॒न्द्र॒ । ते॒ । व॒यम् । ऊ॒ती । अ॒भू॒म॒ । न॒हि । नु । ते॒ । अ॒द्रि॒ऽवः॒ ।
वि॒द्म । पु॒रा । परी॑णसः ॥
Padapatha Devanagari Nonaccented
नूत्नाः । इत् । इन्द्र । ते । वयम् । ऊती । अभूम । नहि । नु । ते । अद्रिऽवः ।
विद्म । पुरा । परीणसः ॥
Padapatha Transcription Accented
nū́tnāḥ ǀ ít ǀ indra ǀ te ǀ vayám ǀ ūtī́ ǀ abhūma ǀ nahí ǀ nú ǀ te ǀ adri-vaḥ ǀ
vidmá ǀ purā́ ǀ párīṇasaḥ ǁ
Padapatha Transcription Nonaccented
nūtnāḥ ǀ it ǀ indra ǀ te ǀ vayam ǀ ūtī ǀ abhūma ǀ nahi ǀ nu ǀ te ǀ adri-vaḥ ǀ
vidma ǀ purā ǀ parīṇasaḥ ǁ
08.021.08 (Mandala. Sukta. Rik)
6.2.02.03 (Ashtaka. Adhyaya. Varga. Rik)
08.04.008 (Mandala. Anuvāka. Rik)
Samhita Devanagari Accented
वि॒द्मा स॑खि॒त्वमु॒त शू॑र भो॒ज्य१॒॑मा ते॒ ता व॑ज्रिन्नीमहे ।
उ॒तो स॑मस्मि॒न्ना शि॑शीहि नो वसो॒ वाजे॑ सुशिप्र॒ गोम॑ति ॥
Samhita Devanagari Nonaccented
विद्मा सखित्वमुत शूर भोज्यमा ते ता वज्रिन्नीमहे ।
उतो समस्मिन्ना शिशीहि नो वसो वाजे सुशिप्र गोमति ॥
Samhita Transcription Accented
vidmā́ sakhitvámutá śūra bhojyámā́ te tā́ vajrinnīmahe ǀ
utó samasminnā́ śiśīhi no vaso vā́je suśipra gómati ǁ
Samhita Transcription Nonaccented
vidmā sakhitvamuta śūra bhojyamā te tā vajrinnīmahe ǀ
uto samasminnā śiśīhi no vaso vāje suśipra gomati ǁ
Padapatha Devanagari Accented
वि॒द्म । स॒खि॒ऽत्वम् । उ॒त । शू॒र॒ । भो॒ज्य॑म् । आ । ते॒ । ता । व॒ज्रि॒न् । ई॒म॒हे॒ ।
उ॒तो इति॑ । स॒म॒स्मि॒न् । आ । शि॒शी॒हि॒ । नः॒ । व॒सो॒ इति॑ । वाजे॑ । सु॒ऽशि॒प्र॒ । गोऽम॑ति ॥
Padapatha Devanagari Nonaccented
विद्म । सखिऽत्वम् । उत । शूर । भोज्यम् । आ । ते । ता । वज्रिन् । ईमहे ।
उतो इति । समस्मिन् । आ । शिशीहि । नः । वसो इति । वाजे । सुऽशिप्र । गोऽमति ॥
Padapatha Transcription Accented
vidmá ǀ sakhi-tvám ǀ utá ǀ śūra ǀ bhojyám ǀ ā́ ǀ te ǀ tā́ ǀ vajrin ǀ īmahe ǀ
utó íti ǀ samasmin ǀ ā́ ǀ śiśīhi ǀ naḥ ǀ vaso íti ǀ vā́je ǀ su-śipra ǀ gó-mati ǁ
Padapatha Transcription Nonaccented
vidma ǀ sakhi-tvam ǀ uta ǀ śūra ǀ bhojyam ǀ ā ǀ te ǀ tā ǀ vajrin ǀ īmahe ǀ
uto iti ǀ samasmin ǀ ā ǀ śiśīhi ǀ naḥ ǀ vaso iti ǀ vāje ǀ su-śipra ǀ go-mati ǁ
08.021.09 (Mandala. Sukta. Rik)
6.2.02.04 (Ashtaka. Adhyaya. Varga. Rik)
08.04.009 (Mandala. Anuvāka. Rik)
Samhita Devanagari Accented
यो न॑ इ॒दमि॑दं पु॒रा प्र वस्य॑ आनि॒नाय॒ तमु॑ वः स्तुषे ।
सखा॑य॒ इंद्र॑मू॒तये॑ ॥
Samhita Devanagari Nonaccented
यो न इदमिदं पुरा प्र वस्य आनिनाय तमु वः स्तुषे ।
सखाय इंद्रमूतये ॥
Samhita Transcription Accented
yó na idámidam purā́ prá vásya āninā́ya támu vaḥ stuṣe ǀ
sákhāya índramūtáye ǁ
Samhita Transcription Nonaccented
yo na idamidam purā pra vasya ānināya tamu vaḥ stuṣe ǀ
sakhāya indramūtaye ǁ
Padapatha Devanagari Accented
यः । नः॒ । इ॒दम्ऽइ॑दम् । पु॒रा । प्र । वस्यः॑ । आ॒ऽनि॒नाय॑ । तम् । ऊं॒ इति॑ । वः॒ । स्तु॒षे॒ ।
सखा॑यः । इन्द्र॑म् । ऊ॒तये॑ ॥
Padapatha Devanagari Nonaccented
यः । नः । इदम्ऽइदम् । पुरा । प्र । वस्यः । आऽनिनाय । तम् । ऊं इति । वः । स्तुषे ।
सखायः । इन्द्रम् । ऊतये ॥
Padapatha Transcription Accented
yáḥ ǀ naḥ ǀ idám-idam ǀ purā́ ǀ prá ǀ vásyaḥ ǀ ā-ninā́ya ǀ tám ǀ ūṃ íti ǀ vaḥ ǀ stuṣe ǀ
sákhāyaḥ ǀ índram ǀ ūtáye ǁ
Padapatha Transcription Nonaccented
yaḥ ǀ naḥ ǀ idam-idam ǀ purā ǀ pra ǀ vasyaḥ ǀ ā-nināya ǀ tam ǀ ūṃ iti ǀ vaḥ ǀ stuṣe ǀ
sakhāyaḥ ǀ indram ǀ ūtaye ǁ
08.021.10 (Mandala. Sukta. Rik)
6.2.02.05 (Ashtaka. Adhyaya. Varga. Rik)
08.04.010 (Mandala. Anuvāka. Rik)
Samhita Devanagari Accented
हर्य॑श्वं॒ सत्प॑तिं चर्षणी॒सहं॒ स हि ष्मा॒ यो अमं॑दत ।
आ तु नः॒ स व॑यति॒ गव्य॒मश्व्यं॑ स्तो॒तृभ्यो॑ म॒घवा॑ श॒तं ॥
Samhita Devanagari Nonaccented
हर्यश्वं सत्पतिं चर्षणीसहं स हि ष्मा यो अमंदत ।
आ तु नः स वयति गव्यमश्व्यं स्तोतृभ्यो मघवा शतं ॥
Samhita Transcription Accented
háryaśvam sátpatim carṣaṇīsáham sá hí ṣmā yó ámandata ǀ
ā́ tú naḥ sá vayati gávyamáśvyam stotṛ́bhyo maghávā śatám ǁ
Samhita Transcription Nonaccented
haryaśvam satpatim carṣaṇīsaham sa hi ṣmā yo amandata ǀ
ā tu naḥ sa vayati gavyamaśvyam stotṛbhyo maghavā śatam ǁ
Padapatha Devanagari Accented
हरि॑ऽअश्वम् । सत्ऽप॑तिम् । च॒र्ष॒णि॒ऽसह॑म् । सः । हि । स्म॒ । यः । अम॑न्दत ।
आ । तु । नः॒ । सः । व॒य॒ति॒ । गव्य॑म् । अश्व्य॑म् । स्तो॒तृऽभ्यः॑ । म॒घऽवा॑ । श॒तम् ॥
Padapatha Devanagari Nonaccented
हरिऽअश्वम् । सत्ऽपतिम् । चर्षणिऽसहम् । सः । हि । स्म । यः । अमन्दत ।
आ । तु । नः । सः । वयति । गव्यम् । अश्व्यम् । स्तोतृऽभ्यः । मघऽवा । शतम् ॥
Padapatha Transcription Accented
hári-aśvam ǀ sát-patim ǀ carṣaṇi-sáham ǀ sáḥ ǀ hí ǀ sma ǀ yáḥ ǀ ámandata ǀ
ā́ ǀ tú ǀ naḥ ǀ sáḥ ǀ vayati ǀ gávyam ǀ áśvyam ǀ stotṛ́-bhyaḥ ǀ maghá-vā ǀ śatám ǁ
Padapatha Transcription Nonaccented
hari-aśvam ǀ sat-patim ǀ carṣaṇi-saham ǀ saḥ ǀ hi ǀ sma ǀ yaḥ ǀ amandata ǀ
ā ǀ tu ǀ naḥ ǀ saḥ ǀ vayati ǀ gavyam ǀ aśvyam ǀ stotṛ-bhyaḥ ǀ magha-vā ǀ śatam ǁ
08.021.11 (Mandala. Sukta. Rik)
6.2.03.01 (Ashtaka. Adhyaya. Varga. Rik)
08.04.011 (Mandala. Anuvāka. Rik)
Samhita Devanagari Accented
त्वया॑ ह स्विद्यु॒जा व॒यं प्रति॑ श्व॒संतं॑ वृषभ ब्रुवीमहि ।
सं॒स्थे जन॑स्य॒ गोम॑तः ॥
Samhita Devanagari Nonaccented
त्वया ह स्विद्युजा वयं प्रति श्वसंतं वृषभ ब्रुवीमहि ।
संस्थे जनस्य गोमतः ॥
Samhita Transcription Accented
tváyā ha svidyujā́ vayám práti śvasántam vṛṣabha bruvīmahi ǀ
saṃsthé jánasya gómataḥ ǁ
Samhita Transcription Nonaccented
tvayā ha svidyujā vayam prati śvasantam vṛṣabha bruvīmahi ǀ
saṃsthe janasya gomataḥ ǁ
Padapatha Devanagari Accented
त्वया॑ । ह॒ । स्वि॒त् । यु॒जा । व॒यम् । प्रति॑ । श्व॒सन्त॑म् । वृ॒ष॒भ॒ । ब्रु॒वी॒म॒हि॒ ।
स॒म्ऽस्थे । जन॑स्य । गोऽम॑तः ॥
Padapatha Devanagari Nonaccented
त्वया । ह । स्वित् । युजा । वयम् । प्रति । श्वसन्तम् । वृषभ । ब्रुवीमहि ।
सम्ऽस्थे । जनस्य । गोऽमतः ॥
Padapatha Transcription Accented
tváyā ǀ ha ǀ svit ǀ yujā́ ǀ vayám ǀ práti ǀ śvasántam ǀ vṛṣabha ǀ bruvīmahi ǀ
sam-sthé ǀ jánasya ǀ gó-mataḥ ǁ
Padapatha Transcription Nonaccented
tvayā ǀ ha ǀ svit ǀ yujā ǀ vayam ǀ prati ǀ śvasantam ǀ vṛṣabha ǀ bruvīmahi ǀ
sam-sthe ǀ janasya ǀ go-mataḥ ǁ
08.021.12 (Mandala. Sukta. Rik)
6.2.03.02 (Ashtaka. Adhyaya. Varga. Rik)
08.04.012 (Mandala. Anuvāka. Rik)
Samhita Devanagari Accented
जये॑म का॒रे पु॑रुहूत का॒रिणो॒ऽभि ति॑ष्ठेम दू॒ढ्यः॑ ।
नृभि॑र्वृ॒त्रं ह॒न्याम॑ शूशु॒याम॒ चावे॑रिंद्र॒ प्र णो॒ धियः॑ ॥
Samhita Devanagari Nonaccented
जयेम कारे पुरुहूत कारिणोऽभि तिष्ठेम दूढ्यः ।
नृभिर्वृत्रं हन्याम शूशुयाम चावेरिंद्र प्र णो धियः ॥
Samhita Transcription Accented
jáyema kāré puruhūta kāríṇo’bhí tiṣṭhema dūḍhyáḥ ǀ
nṛ́bhirvṛtrám hanyā́ma śūśuyā́ma cā́verindra prá ṇo dhíyaḥ ǁ
Samhita Transcription Nonaccented
jayema kāre puruhūta kāriṇo’bhi tiṣṭhema dūḍhyaḥ ǀ
nṛbhirvṛtram hanyāma śūśuyāma cāverindra pra ṇo dhiyaḥ ǁ
Padapatha Devanagari Accented
जये॑म । का॒रे । पु॒रु॒ऽहू॒त॒ । का॒रिणः॑ । अ॒भि । ति॒ष्ठे॒म॒ । दुः॒ऽध्यः॑ ।
नृऽभिः॑ । वृ॒त्रम् । ह॒न्याम॑ । शू॒शु॒याम॑ । च॒ । अवेः॑ । इ॒न्द्र॒ । प्र । नः॒ । धियः॑ ॥
Padapatha Devanagari Nonaccented
जयेम । कारे । पुरुऽहूत । कारिणः । अभि । तिष्ठेम । दुःऽध्यः ।
नृऽभिः । वृत्रम् । हन्याम । शूशुयाम । च । अवेः । इन्द्र । प्र । नः । धियः ॥
Padapatha Transcription Accented
jáyema ǀ kāré ǀ puru-hūta ǀ kāríṇaḥ ǀ abhí ǀ tiṣṭhema ǀ duḥ-dhyáḥ ǀ
nṛ́-bhiḥ ǀ vṛtrám ǀ hanyā́ma ǀ śūśuyā́ma ǀ ca ǀ áveḥ ǀ indra ǀ prá ǀ naḥ ǀ dhíyaḥ ǁ
Padapatha Transcription Nonaccented
jayema ǀ kāre ǀ puru-hūta ǀ kāriṇaḥ ǀ abhi ǀ tiṣṭhema ǀ duḥ-dhyaḥ ǀ
nṛ-bhiḥ ǀ vṛtram ǀ hanyāma ǀ śūśuyāma ǀ ca ǀ aveḥ ǀ indra ǀ pra ǀ naḥ ǀ dhiyaḥ ǁ
08.021.13 (Mandala. Sukta. Rik)
6.2.03.03 (Ashtaka. Adhyaya. Varga. Rik)
08.04.013 (Mandala. Anuvāka. Rik)
Samhita Devanagari Accented
अ॒भ्रा॒तृ॒व्यो अ॒ना त्वमना॑पिरिंद्र ज॒नुषा॑ स॒नाद॑सि ।
यु॒धेदा॑पि॒त्वमि॑च्छसे ॥
Samhita Devanagari Nonaccented
अभ्रातृव्यो अना त्वमनापिरिंद्र जनुषा सनादसि ।
युधेदापित्वमिच्छसे ॥
Samhita Transcription Accented
abhrātṛvyó anā́ tvámánāpirindra janúṣā sanā́dasi ǀ
yudhédāpitvámicchase ǁ
Samhita Transcription Nonaccented
abhrātṛvyo anā tvamanāpirindra januṣā sanādasi ǀ
yudhedāpitvamicchase ǁ
Padapatha Devanagari Accented
अ॒भ्रा॒तृ॒व्यः । अ॒ना । त्वम् । अना॑पिः । इ॒न्द्र॒ । ज॒नुषा॑ । स॒नात् । अ॒सि॒ ।
यु॒धा । इत् । आ॒पि॒ऽत्वम् । इ॒च्छ॒से॒ ॥
Padapatha Devanagari Nonaccented
अभ्रातृव्यः । अना । त्वम् । अनापिः । इन्द्र । जनुषा । सनात् । असि ।
युधा । इत् । आपिऽत्वम् । इच्छसे ॥
Padapatha Transcription Accented
abhrātṛvyáḥ ǀ anā́ ǀ tvám ǀ ánāpiḥ ǀ indra ǀ janúṣā ǀ sanā́t ǀ asi ǀ
yudhā́ ǀ ít ǀ āpi-tvám ǀ icchase ǁ
Padapatha Transcription Nonaccented
abhrātṛvyaḥ ǀ anā ǀ tvam ǀ anāpiḥ ǀ indra ǀ januṣā ǀ sanāt ǀ asi ǀ
yudhā ǀ it ǀ āpi-tvam ǀ icchase ǁ
08.021.14 (Mandala. Sukta. Rik)
6.2.03.04 (Ashtaka. Adhyaya. Varga. Rik)
08.04.014 (Mandala. Anuvāka. Rik)
Samhita Devanagari Accented
नकी॑ रे॒वंतं॑ स॒ख्याय॑ विंदसे॒ पीयं॑ति ते सुरा॒श्वः॑ ।
य॒दा कृ॒णोषि॑ नद॒नुं समू॑ह॒स्यादित्पि॒तेव॑ हूयसे ॥
Samhita Devanagari Nonaccented
नकी रेवंतं सख्याय विंदसे पीयंति ते सुराश्वः ।
यदा कृणोषि नदनुं समूहस्यादित्पितेव हूयसे ॥
Samhita Transcription Accented
nákī revántam sakhyā́ya vindase pī́yanti te surāśváḥ ǀ
yadā́ kṛṇóṣi nadanúm sámūhasyā́dítpitéva hūyase ǁ
Samhita Transcription Nonaccented
nakī revantam sakhyāya vindase pīyanti te surāśvaḥ ǀ
yadā kṛṇoṣi nadanum samūhasyāditpiteva hūyase ǁ
Padapatha Devanagari Accented
नकिः॑ । रे॒वन्त॑म् । स॒ख्याय॑ । वि॒न्द॒से॒ । पीय॑न्ति । ते॒ । सु॒रा॒श्वः॑ ।
य॒दा । कृ॒णोषि॑ । न॒द॒नुम् । सम् । ऊ॒ह॒सि॒ । आत् । इत् । पि॒ताऽइ॑व । हू॒य॒से॒ ॥
Padapatha Devanagari Nonaccented
नकिः । रेवन्तम् । सख्याय । विन्दसे । पीयन्ति । ते । सुराश्वः ।
यदा । कृणोषि । नदनुम् । सम् । ऊहसि । आत् । इत् । पिताऽइव । हूयसे ॥
Padapatha Transcription Accented
nákiḥ ǀ revántam ǀ sakhyā́ya ǀ vindase ǀ pī́yanti ǀ te ǀ surāśváḥ ǀ
yadā́ ǀ kṛṇóṣi ǀ nadanúm ǀ sám ǀ ūhasi ǀ ā́t ǀ ít ǀ pitā́-iva ǀ hūyase ǁ
Padapatha Transcription Nonaccented
nakiḥ ǀ revantam ǀ sakhyāya ǀ vindase ǀ pīyanti ǀ te ǀ surāśvaḥ ǀ
yadā ǀ kṛṇoṣi ǀ nadanum ǀ sam ǀ ūhasi ǀ āt ǀ it ǀ pitā-iva ǀ hūyase ǁ
08.021.15 (Mandala. Sukta. Rik)
6.2.03.05 (Ashtaka. Adhyaya. Varga. Rik)
08.04.015 (Mandala. Anuvāka. Rik)
Samhita Devanagari Accented
मा ते॑ अमा॒जुरो॑ यथा मू॒रास॑ इंद्र स॒ख्ये त्वाव॑तः ।
नि ष॑दाम॒ सचा॑ सु॒ते ॥
Samhita Devanagari Nonaccented
मा ते अमाजुरो यथा मूरास इंद्र सख्ये त्वावतः ।
नि षदाम सचा सुते ॥
Samhita Transcription Accented
mā́ te amājúro yathā mūrā́sa indra sakhyé tvā́vataḥ ǀ
ní ṣadāma sácā suté ǁ
Samhita Transcription Nonaccented
mā te amājuro yathā mūrāsa indra sakhye tvāvataḥ ǀ
ni ṣadāma sacā sute ǁ
Padapatha Devanagari Accented
मा । ते॒ । अ॒मा॒ऽजुरः॑ । य॒था॒ । मू॒रासः॑ । इ॒न्द्र॒ । स॒ख्ये । त्वाऽव॑तः ।
नि । स॒दा॒म॒ । सचा॑ । सु॒ते ॥
Padapatha Devanagari Nonaccented
मा । ते । अमाऽजुरः । यथा । मूरासः । इन्द्र । सख्ये । त्वाऽवतः ।
नि । सदाम । सचा । सुते ॥
Padapatha Transcription Accented
mā́ ǀ te ǀ amā-júraḥ ǀ yathā ǀ mūrā́saḥ ǀ indra ǀ sakhyé ǀ tvā́-vataḥ ǀ
ní ǀ sadāma ǀ sácā ǀ suté ǁ
Padapatha Transcription Nonaccented
mā ǀ te ǀ amā-juraḥ ǀ yathā ǀ mūrāsaḥ ǀ indra ǀ sakhye ǀ tvā-vataḥ ǀ
ni ǀ sadāma ǀ sacā ǀ sute ǁ
08.021.16 (Mandala. Sukta. Rik)
6.2.04.01 (Ashtaka. Adhyaya. Varga. Rik)
08.04.016 (Mandala. Anuvāka. Rik)
Samhita Devanagari Accented
मा ते॑ गोदत्र॒ निर॑राम॒ राध॑स॒ इंद्र॒ मा ते॑ गृहामहि ।
दृ॒ळ्हा चि॑द॒र्यः प्र मृ॑शा॒भ्या भ॑र॒ न ते॑ दा॒मान॑ आ॒दभे॑ ॥
Samhita Devanagari Nonaccented
मा ते गोदत्र निरराम राधस इंद्र मा ते गृहामहि ।
दृळ्हा चिदर्यः प्र मृशाभ्या भर न ते दामान आदभे ॥
Samhita Transcription Accented
mā́ te godatra nírarāma rā́dhasa índra mā́ te gṛhāmahi ǀ
dṛḷhā́ cidaryáḥ prá mṛśābhyā́ bhara ná te dāmā́na ādábhe ǁ
Samhita Transcription Nonaccented
mā te godatra nirarāma rādhasa indra mā te gṛhāmahi ǀ
dṛḷhā cidaryaḥ pra mṛśābhyā bhara na te dāmāna ādabhe ǁ
Padapatha Devanagari Accented
मा । ते॒ । गो॒ऽद॒त्र॒ । निः । अ॒रा॒म॒ । राध॑सः । इन्द्र॑ । मा । ते॒ । गृ॒हा॒म॒हि॒ ।
दृ॒ळ्हा । चि॒त् । अ॒र्यः । प्र । मृ॒श॒ । अ॒भि । आ । भ॒र॒ । न । ते॒ । दा॒मानः॑ । आ॒ऽदभे॑ ॥
Padapatha Devanagari Nonaccented
मा । ते । गोऽदत्र । निः । अराम । राधसः । इन्द्र । मा । ते । गृहामहि ।
दृळ्हा । चित् । अर्यः । प्र । मृश । अभि । आ । भर । न । ते । दामानः । आऽदभे ॥
Padapatha Transcription Accented
mā́ ǀ te ǀ go-datra ǀ níḥ ǀ arāma ǀ rā́dhasaḥ ǀ índra ǀ mā́ ǀ te ǀ gṛhāmahi ǀ
dṛḷhā́ ǀ cit ǀ aryáḥ ǀ prá ǀ mṛśa ǀ abhí ǀ ā́ ǀ bhara ǀ ná ǀ te ǀ dāmā́naḥ ǀ ā-dábhe ǁ
Padapatha Transcription Nonaccented
mā ǀ te ǀ go-datra ǀ niḥ ǀ arāma ǀ rādhasaḥ ǀ indra ǀ mā ǀ te ǀ gṛhāmahi ǀ
dṛḷhā ǀ cit ǀ aryaḥ ǀ pra ǀ mṛśa ǀ abhi ǀ ā ǀ bhara ǀ na ǀ te ǀ dāmānaḥ ǀ ā-dabhe ǁ
08.021.17 (Mandala. Sukta. Rik)
6.2.04.02 (Ashtaka. Adhyaya. Varga. Rik)
08.04.017 (Mandala. Anuvāka. Rik)
Samhita Devanagari Accented
इंद्रो॑ वा॒ घेदिय॑न्म॒घं सर॑स्वती वा सु॒भगा॑ द॒दिर्वसु॑ ।
त्वं वा॑ चित्र दा॒शुषे॑ ॥
Samhita Devanagari Nonaccented
इंद्रो वा घेदियन्मघं सरस्वती वा सुभगा ददिर्वसु ।
त्वं वा चित्र दाशुषे ॥
Samhita Transcription Accented
índro vā ghédíyanmaghám sárasvatī vā subhágā dadírvásu ǀ
tvám vā citra dāśúṣe ǁ
Samhita Transcription Nonaccented
indro vā ghediyanmagham sarasvatī vā subhagā dadirvasu ǀ
tvam vā citra dāśuṣe ǁ
Padapatha Devanagari Accented
इन्द्रः॑ । वा॒ । घ॒ । इत् । इय॑त् । म॒घम् । सर॑स्वती । वा॒ । सु॒ऽभगा॑ । द॒दिः । वसु॑ ।
त्वम् । वा॒ । चि॒त्र॒ । दा॒शुषे॑ ॥
Padapatha Devanagari Nonaccented
इन्द्रः । वा । घ । इत् । इयत् । मघम् । सरस्वती । वा । सुऽभगा । ददिः । वसु ।
त्वम् । वा । चित्र । दाशुषे ॥
Padapatha Transcription Accented
índraḥ ǀ vā ǀ gha ǀ ít ǀ íyat ǀ maghám ǀ sárasvatī ǀ vā ǀ su-bhágā ǀ dadíḥ ǀ vásu ǀ
tvám ǀ vā ǀ citra ǀ dāśúṣe ǁ
Padapatha Transcription Nonaccented
indraḥ ǀ vā ǀ gha ǀ it ǀ iyat ǀ magham ǀ sarasvatī ǀ vā ǀ su-bhagā ǀ dadiḥ ǀ vasu ǀ
tvam ǀ vā ǀ citra ǀ dāśuṣe ǁ
08.021.18 (Mandala. Sukta. Rik)
6.2.04.03 (Ashtaka. Adhyaya. Varga. Rik)
08.04.018 (Mandala. Anuvāka. Rik)
Samhita Devanagari Accented
चित्र॒ इद्राजा॑ राज॒का इद॑न्य॒के य॒के सर॑स्वती॒मनु॑ ।
प॒र्जन्य॑ इव त॒तन॒द्धि वृ॒ष्ट्या स॒हस्र॑म॒युता॒ दद॑त् ॥
Samhita Devanagari Nonaccented
चित्र इद्राजा राजका इदन्यके यके सरस्वतीमनु ।
पर्जन्य इव ततनद्धि वृष्ट्या सहस्रमयुता ददत् ॥
Samhita Transcription Accented
cítra ídrā́jā rājakā́ ídanyaké yaké sárasvatīmánu ǀ
parjánya iva tatánaddhí vṛṣṭyā́ sahásramayútā dádat ǁ
Samhita Transcription Nonaccented
citra idrājā rājakā idanyake yake sarasvatīmanu ǀ
parjanya iva tatanaddhi vṛṣṭyā sahasramayutā dadat ǁ
Padapatha Devanagari Accented
चित्रः॑ । इत् । राजा॑ । रा॒ज॒काः । इत् । अ॒न्य॒के । य॒के । सर॑स्वतीम् । अनु॑ ।
प॒र्जन्यः॑ऽइव । त॒तन॑त् । हि । वृ॒ष्ट्या । स॒हस्र॑म् । अ॒युता॑ । दद॑त् ॥
Padapatha Devanagari Nonaccented
चित्रः । इत् । राजा । राजकाः । इत् । अन्यके । यके । सरस्वतीम् । अनु ।
पर्जन्यःऽइव । ततनत् । हि । वृष्ट्या । सहस्रम् । अयुता । ददत् ॥
Padapatha Transcription Accented
cítraḥ ǀ ít ǀ rā́jā ǀ rājakā́ḥ ǀ ít ǀ anyaké ǀ yaké ǀ sárasvatīm ǀ ánu ǀ
parjányaḥ-iva ǀ tatánat ǀ hí ǀ vṛṣṭyā́ ǀ sahásram ǀ ayútā ǀ dádat ǁ
Padapatha Transcription Nonaccented
citraḥ ǀ it ǀ rājā ǀ rājakāḥ ǀ it ǀ anyake ǀ yake ǀ sarasvatīm ǀ anu ǀ
parjanyaḥ-iva ǀ tatanat ǀ hi ǀ vṛṣṭyā ǀ sahasram ǀ ayutā ǀ dadat ǁ