|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 22
|
1. Info |
| To: | aśvins | |
| From: | sobhari kāṇva | |
| Metres: | 1st set of styles: nicṛtpaṅkti (6, 16, 18); uṣṇik (9, 11, 17); nicṛdbṛhatī (3, 5); sataḥpaṅkti (4, 10); virāḍbṛhatī (1); virāṭpaṅkti (2); pathyāvṛhatī (7); anuṣṭup (8); nicṛttriṣṭup (12); nicṛduṣṇik (13); bhurikpaṅkti (14); pādanicṛduṣṇik (15) 2nd set of styles: satobṛhatī (2, 4, 6, 10, 14, 16, 18); kakubh (9, 11, 13, 15, 17); bṛhatī (1, 3, 5, 7); anuṣṭubh (8); madhyejyotis (12) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.022.01 (Mandala. Sukta. Rik)
6.2.05.01 (Ashtaka. Adhyaya. Varga. Rik)
08.04.019 (Mandala. Anuvāka. Rik)
Samhita Devanagari Accented
ओ त्यम॑ह्व॒ आ रथ॑म॒द्या दंसि॑ष्ठमू॒तये॑ ।
यम॑श्विना सुहवा रुद्रवर्तनी॒ आ सू॒र्यायै॑ त॒स्थथुः॑ ॥
Samhita Devanagari Nonaccented
ओ त्यमह्व आ रथमद्या दंसिष्ठमूतये ।
यमश्विना सुहवा रुद्रवर्तनी आ सूर्यायै तस्थथुः ॥
Samhita Transcription Accented
ó tyámahva ā́ ráthamadyā́ dáṃsiṣṭhamūtáye ǀ
yámaśvinā suhavā rudravartanī ā́ sūryā́yai tastháthuḥ ǁ
Samhita Transcription Nonaccented
o tyamahva ā rathamadyā daṃsiṣṭhamūtaye ǀ
yamaśvinā suhavā rudravartanī ā sūryāyai tasthathuḥ ǁ
Padapatha Devanagari Accented
ओ इति॑ । त्यम् । अ॒ह्वे॒ । आ । रथ॑म् । अ॒द्य । दंसि॑ष्ठम् । ऊ॒तये॑ ।
यम् । अ॒श्वि॒ना॒ । सु॒ऽह॒वा॒ । रु॒द्र॒व॒र्त॒नी॒ इति॑ रुद्रऽवर्तनी । आ । सू॒र्यायै॑ । त॒स्थथुः॑ ॥
Padapatha Devanagari Nonaccented
ओ इति । त्यम् । अह्वे । आ । रथम् । अद्य । दंसिष्ठम् । ऊतये ।
यम् । अश्विना । सुऽहवा । रुद्रवर्तनी इति रुद्रऽवर्तनी । आ । सूर्यायै । तस्थथुः ॥
Padapatha Transcription Accented
ó íti ǀ tyám ǀ ahve ǀ ā́ ǀ rátham ǀ adyá ǀ dáṃsiṣṭham ǀ ūtáye ǀ
yám ǀ aśvinā ǀ su-havā ǀ rudravartanī íti rudra-vartanī ǀ ā́ ǀ sūryā́yai ǀ tastháthuḥ ǁ
Padapatha Transcription Nonaccented
o iti ǀ tyam ǀ ahve ǀ ā ǀ ratham ǀ adya ǀ daṃsiṣṭham ǀ ūtaye ǀ
yam ǀ aśvinā ǀ su-havā ǀ rudravartanī iti rudra-vartanī ǀ ā ǀ sūryāyai ǀ tasthathuḥ ǁ
08.022.02 (Mandala. Sukta. Rik)
6.2.05.02 (Ashtaka. Adhyaya. Varga. Rik)
08.04.020 (Mandala. Anuvāka. Rik)
Samhita Devanagari Accented
पू॒र्वा॒युषं॑ सु॒हवं॑ पुरु॒स्पृहं॑ भु॒ज्युं वाजे॑षु॒ पूर्व्यं॑ ।
स॒च॒नावं॑तं सुम॒तिभिः॑ सोभरे॒ विद्वे॑षसमने॒हसं॑ ॥
Samhita Devanagari Nonaccented
पूर्वायुषं सुहवं पुरुस्पृहं भुज्युं वाजेषु पूर्व्यं ।
सचनावंतं सुमतिभिः सोभरे विद्वेषसमनेहसं ॥
Samhita Transcription Accented
pūrvāyúṣam suhávam puruspṛ́ham bhujyúm vā́jeṣu pū́rvyam ǀ
sacanā́vantam sumatíbhiḥ sobhare vídveṣasamanehásam ǁ
Samhita Transcription Nonaccented
pūrvāyuṣam suhavam puruspṛham bhujyum vājeṣu pūrvyam ǀ
sacanāvantam sumatibhiḥ sobhare vidveṣasamanehasam ǁ
Padapatha Devanagari Accented
पू॒र्व॒ऽआ॒युष॑म् । सु॒ऽहव॑म् । पु॒रु॒ऽस्पृह॑म् । भु॒ज्युम् । वाजे॑षु । पूर्व्य॑म् ।
स॒च॒नाऽव॑न्तम् । सु॒म॒तिऽभिः॑ । सो॒भ॒रे॒ । विऽद्वे॑षसम् । अ॒ने॒हस॑म् ॥
Padapatha Devanagari Nonaccented
पूर्वऽआयुषम् । सुऽहवम् । पुरुऽस्पृहम् । भुज्युम् । वाजेषु । पूर्व्यम् ।
सचनाऽवन्तम् । सुमतिऽभिः । सोभरे । विऽद्वेषसम् । अनेहसम् ॥
Padapatha Transcription Accented
pūrva-āyúṣam ǀ su-hávam ǀ puru-spṛ́ham ǀ bhujyúm ǀ vā́jeṣu ǀ pū́rvyam ǀ
sacanā́-vantam ǀ sumatí-bhiḥ ǀ sobhare ǀ ví-dveṣasam ǀ anehásam ǁ
Padapatha Transcription Nonaccented
pūrva-āyuṣam ǀ su-havam ǀ puru-spṛham ǀ bhujyum ǀ vājeṣu ǀ pūrvyam ǀ
sacanā-vantam ǀ sumati-bhiḥ ǀ sobhare ǀ vi-dveṣasam ǀ anehasam ǁ
08.022.03 (Mandala. Sukta. Rik)
6.2.05.03 (Ashtaka. Adhyaya. Varga. Rik)
08.04.021 (Mandala. Anuvāka. Rik)
Samhita Devanagari Accented
इ॒ह त्या पु॑रु॒भूत॑मा दे॒वा नमो॑भिर॒श्विना॑ ।
अ॒र्वा॒ची॒ना स्वव॑से करामहे॒ गंता॑रा दा॒शुषो॑ गृ॒हं ॥
Samhita Devanagari Nonaccented
इह त्या पुरुभूतमा देवा नमोभिरश्विना ।
अर्वाचीना स्ववसे करामहे गंतारा दाशुषो गृहं ॥
Samhita Transcription Accented
ihá tyā́ purubhū́tamā devā́ námobhiraśvínā ǀ
arvācīnā́ svávase karāmahe gántārā dāśúṣo gṛhám ǁ
Samhita Transcription Nonaccented
iha tyā purubhūtamā devā namobhiraśvinā ǀ
arvācīnā svavase karāmahe gantārā dāśuṣo gṛham ǁ
Padapatha Devanagari Accented
इ॒ह । त्या । पु॒रु॒ऽभूत॑मा । दे॒वा । नमः॑ऽभिः । अ॒श्विना॑ ।
अ॒र्वा॒ची॒ना । सु । अव॑से । क॒रा॒म॒हे॒ । गन्ता॑रा । दा॒शुषः॑ । गृ॒हम् ॥
Padapatha Devanagari Nonaccented
इह । त्या । पुरुऽभूतमा । देवा । नमःऽभिः । अश्विना ।
अर्वाचीना । सु । अवसे । करामहे । गन्तारा । दाशुषः । गृहम् ॥
Padapatha Transcription Accented
ihá ǀ tyā́ ǀ puru-bhū́tamā ǀ devā́ ǀ námaḥ-bhiḥ ǀ aśvínā ǀ
arvācīnā́ ǀ sú ǀ ávase ǀ karāmahe ǀ gántārā ǀ dāśúṣaḥ ǀ gṛhám ǁ
Padapatha Transcription Nonaccented
iha ǀ tyā ǀ puru-bhūtamā ǀ devā ǀ namaḥ-bhiḥ ǀ aśvinā ǀ
arvācīnā ǀ su ǀ avase ǀ karāmahe ǀ gantārā ǀ dāśuṣaḥ ǀ gṛham ǁ
08.022.04 (Mandala. Sukta. Rik)
6.2.05.04 (Ashtaka. Adhyaya. Varga. Rik)
08.04.022 (Mandala. Anuvāka. Rik)
Samhita Devanagari Accented
यु॒वो रथ॑स्य॒ परि॑ च॒क्रमी॑यत ई॒र्मान्यद्वा॑मिषण्यति ।
अ॒स्माँ अच्छा॑ सुम॒तिर्वां॑ शुभस्पती॒ आ धे॒नुरि॑व धावतु ॥
Samhita Devanagari Nonaccented
युवो रथस्य परि चक्रमीयत ईर्मान्यद्वामिषण्यति ।
अस्माँ अच्छा सुमतिर्वां शुभस्पती आ धेनुरिव धावतु ॥
Samhita Transcription Accented
yuvó ráthasya pári cakrámīyata īrmā́nyádvāmiṣaṇyati ǀ
asmā́m̐ ácchā sumatírvām śubhaspatī ā́ dhenúriva dhāvatu ǁ
Samhita Transcription Nonaccented
yuvo rathasya pari cakramīyata īrmānyadvāmiṣaṇyati ǀ
asmām̐ acchā sumatirvām śubhaspatī ā dhenuriva dhāvatu ǁ
Padapatha Devanagari Accented
यु॒वोः । रथ॑स्य । परि॑ । च॒क्रम् । ई॒य॒ते॒ । ई॒र्मा । अ॒न्यत् । वा॒म् । इ॒ष॒ण्य॒ति॒ ।
अ॒स्मान् । अच्छ॑ । सु॒ऽम॒तिः । वा॒म् । शु॒भः॒ । प॒ती॒ इति॑ । आ । धे॒नुःऽइ॑व । धा॒व॒तु॒ ॥
Padapatha Devanagari Nonaccented
युवोः । रथस्य । परि । चक्रम् । ईयते । ईर्मा । अन्यत् । वाम् । इषण्यति ।
अस्मान् । अच्छ । सुऽमतिः । वाम् । शुभः । पती इति । आ । धेनुःऽइव । धावतु ॥
Padapatha Transcription Accented
yuvóḥ ǀ ráthasya ǀ pári ǀ cakrám ǀ īyate ǀ īrmā́ ǀ anyát ǀ vām ǀ iṣaṇyati ǀ
asmā́n ǀ áccha ǀ su-matíḥ ǀ vām ǀ śubhaḥ ǀ patī íti ǀ ā́ ǀ dhenúḥ-iva ǀ dhāvatu ǁ
Padapatha Transcription Nonaccented
yuvoḥ ǀ rathasya ǀ pari ǀ cakram ǀ īyate ǀ īrmā ǀ anyat ǀ vām ǀ iṣaṇyati ǀ
asmān ǀ accha ǀ su-matiḥ ǀ vām ǀ śubhaḥ ǀ patī iti ǀ ā ǀ dhenuḥ-iva ǀ dhāvatu ǁ
08.022.05 (Mandala. Sukta. Rik)
6.2.05.05 (Ashtaka. Adhyaya. Varga. Rik)
08.04.023 (Mandala. Anuvāka. Rik)
Samhita Devanagari Accented
रथो॒ यो वां॑ त्रिवंधु॒रो हिर॑ण्याभीशुरश्विना ।
परि॒ द्यावा॑पृथि॒वी भूष॑ति श्रु॒तस्तेन॑ नास॒त्या ग॑तं ॥
Samhita Devanagari Nonaccented
रथो यो वां त्रिवंधुरो हिरण्याभीशुरश्विना ।
परि द्यावापृथिवी भूषति श्रुतस्तेन नासत्या गतं ॥
Samhita Transcription Accented
rátho yó vām trivandhuró híraṇyābhīśuraśvinā ǀ
pári dyā́vāpṛthivī́ bhū́ṣati śrutásténa nāsatyā́ gatam ǁ
Samhita Transcription Nonaccented
ratho yo vām trivandhuro hiraṇyābhīśuraśvinā ǀ
pari dyāvāpṛthivī bhūṣati śrutastena nāsatyā gatam ǁ
Padapatha Devanagari Accented
रथः॑ । यः । वा॒म् । त्रि॒ऽव॒न्धु॒रः । हिर॑ण्यऽअभीशुः । अ॒श्वि॒ना॒ ।
परि॑ । द्यावा॑पृथि॒वी इति॑ । भूष॑ति । श्रु॒तः । तेन॑ । ना॒स॒त्या॒ । आ । ग॒त॒म् ॥
Padapatha Devanagari Nonaccented
रथः । यः । वाम् । त्रिऽवन्धुरः । हिरण्यऽअभीशुः । अश्विना ।
परि । द्यावापृथिवी इति । भूषति । श्रुतः । तेन । नासत्या । आ । गतम् ॥
Padapatha Transcription Accented
ráthaḥ ǀ yáḥ ǀ vām ǀ tri-vandhuráḥ ǀ híraṇya-abhīśuḥ ǀ aśvinā ǀ
pári ǀ dyā́vāpṛthivī́ íti ǀ bhū́ṣati ǀ śrutáḥ ǀ téna ǀ nāsatyā ǀ ā́ ǀ gatam ǁ
Padapatha Transcription Nonaccented
rathaḥ ǀ yaḥ ǀ vām ǀ tri-vandhuraḥ ǀ hiraṇya-abhīśuḥ ǀ aśvinā ǀ
pari ǀ dyāvāpṛthivī iti ǀ bhūṣati ǀ śrutaḥ ǀ tena ǀ nāsatyā ǀ ā ǀ gatam ǁ
08.022.06 (Mandala. Sukta. Rik)
6.2.06.01 (Ashtaka. Adhyaya. Varga. Rik)
08.04.024 (Mandala. Anuvāka. Rik)
Samhita Devanagari Accented
द॒श॒स्यंता॒ मन॑वे पू॒र्व्यं दि॒वि यवं॒ वृके॑ण कर्षथः ।
ता वा॑म॒द्य सु॑म॒तिभिः॑ शुभस्पती॒ अश्वि॑ना॒ प्र स्तु॑वीमहि ॥
Samhita Devanagari Nonaccented
दशस्यंता मनवे पूर्व्यं दिवि यवं वृकेण कर्षथः ।
ता वामद्य सुमतिभिः शुभस्पती अश्विना प्र स्तुवीमहि ॥
Samhita Transcription Accented
daśasyántā mánave pūrvyám diví yávam vṛ́keṇa karṣathaḥ ǀ
tā́ vāmadyá sumatíbhiḥ śubhaspatī áśvinā prá stuvīmahi ǁ
Samhita Transcription Nonaccented
daśasyantā manave pūrvyam divi yavam vṛkeṇa karṣathaḥ ǀ
tā vāmadya sumatibhiḥ śubhaspatī aśvinā pra stuvīmahi ǁ
Padapatha Devanagari Accented
द॒श॒स्यन्ता॑ । मन॑वे । पू॒र्व्यम् । दि॒वि । यव॑म् । वृके॑ण । क॒र्ष॒थः॒ ।
ता । वा॒म् । अ॒द्य । सु॒म॒तिऽभिः॑ । शु॒भः॒ । प॒ती॒ इति॑ । अश्वि॑ना । प्र । स्तु॒वी॒म॒हि॒ ॥
Padapatha Devanagari Nonaccented
दशस्यन्ता । मनवे । पूर्व्यम् । दिवि । यवम् । वृकेण । कर्षथः ।
ता । वाम् । अद्य । सुमतिऽभिः । शुभः । पती इति । अश्विना । प्र । स्तुवीमहि ॥
Padapatha Transcription Accented
daśasyántā ǀ mánave ǀ pūrvyám ǀ diví ǀ yávam ǀ vṛ́keṇa ǀ karṣathaḥ ǀ
tā́ ǀ vām ǀ adyá ǀ sumatí-bhiḥ ǀ śubhaḥ ǀ patī íti ǀ áśvinā ǀ prá ǀ stuvīmahi ǁ
Padapatha Transcription Nonaccented
daśasyantā ǀ manave ǀ pūrvyam ǀ divi ǀ yavam ǀ vṛkeṇa ǀ karṣathaḥ ǀ
tā ǀ vām ǀ adya ǀ sumati-bhiḥ ǀ śubhaḥ ǀ patī iti ǀ aśvinā ǀ pra ǀ stuvīmahi ǁ
08.022.07 (Mandala. Sukta. Rik)
6.2.06.02 (Ashtaka. Adhyaya. Varga. Rik)
08.04.025 (Mandala. Anuvāka. Rik)
Samhita Devanagari Accented
उप॑ नो वाजिनीवसू या॒तमृ॒तस्य॑ प॒थिभिः॑ ।
येभि॑स्तृ॒क्षिं वृ॑षणा त्रासदस्य॒वं म॒हे क्ष॒त्राय॒ जिन्व॑थः ॥
Samhita Devanagari Nonaccented
उप नो वाजिनीवसू यातमृतस्य पथिभिः ।
येभिस्तृक्षिं वृषणा त्रासदस्यवं महे क्षत्राय जिन्वथः ॥
Samhita Transcription Accented
úpa no vājinīvasū yātámṛtásya pathíbhiḥ ǀ
yébhistṛkṣím vṛṣaṇā trāsadasyavám mahé kṣatrā́ya jínvathaḥ ǁ
Samhita Transcription Nonaccented
upa no vājinīvasū yātamṛtasya pathibhiḥ ǀ
yebhistṛkṣim vṛṣaṇā trāsadasyavam mahe kṣatrāya jinvathaḥ ǁ
Padapatha Devanagari Accented
उप॑ । नः॒ । वा॒जि॒नी॒व॒सू॒ इति॑ वाजिनीऽवसू । या॒तम् । ऋ॒तस्य॑ । प॒थिऽभिः॑ ।
येभिः॑ । तृ॒क्षिम् । वृ॒ष॒णा॒ । त्रा॒स॒द॒स्य॒वम् । म॒हे । क्ष॒त्राय॑ । जिन्व॑थः ॥
Padapatha Devanagari Nonaccented
उप । नः । वाजिनीवसू इति वाजिनीऽवसू । यातम् । ऋतस्य । पथिऽभिः ।
येभिः । तृक्षिम् । वृषणा । त्रासदस्यवम् । महे । क्षत्राय । जिन्वथः ॥
Padapatha Transcription Accented
úpa ǀ naḥ ǀ vājinīvasū íti vājinī-vasū ǀ yātám ǀ ṛtásya ǀ pathí-bhiḥ ǀ
yébhiḥ ǀ tṛkṣím ǀ vṛṣaṇā ǀ trāsadasyavám ǀ mahé ǀ kṣatrā́ya ǀ jínvathaḥ ǁ
Padapatha Transcription Nonaccented
upa ǀ naḥ ǀ vājinīvasū iti vājinī-vasū ǀ yātam ǀ ṛtasya ǀ pathi-bhiḥ ǀ
yebhiḥ ǀ tṛkṣim ǀ vṛṣaṇā ǀ trāsadasyavam ǀ mahe ǀ kṣatrāya ǀ jinvathaḥ ǁ
08.022.08 (Mandala. Sukta. Rik)
6.2.06.03 (Ashtaka. Adhyaya. Varga. Rik)
08.04.026 (Mandala. Anuvāka. Rik)
Samhita Devanagari Accented
अ॒यं वा॒मद्रि॑भिः सु॒तः सोमो॑ नरा वृषण्वसू ।
आ या॑तं॒ सोम॑पीतये॒ पिब॑तं दा॒शुषो॑ गृ॒हे ॥
Samhita Devanagari Nonaccented
अयं वामद्रिभिः सुतः सोमो नरा वृषण्वसू ।
आ यातं सोमपीतये पिबतं दाशुषो गृहे ॥
Samhita Transcription Accented
ayám vāmádribhiḥ sutáḥ sómo narā vṛṣaṇvasū ǀ
ā́ yātam sómapītaye píbatam dāśúṣo gṛhé ǁ
Samhita Transcription Nonaccented
ayam vāmadribhiḥ sutaḥ somo narā vṛṣaṇvasū ǀ
ā yātam somapītaye pibatam dāśuṣo gṛhe ǁ
Padapatha Devanagari Accented
अ॒यम् । वा॒म् । अद्रि॑ऽभिः । सु॒तः । सोमः॑ । न॒रा॒ । वृ॒ष॒ण्व॒सू॒ इति॑ वृषण्ऽवसू ।
आ । या॒त॒म् । सोम॑ऽपीतये । पिब॑तम् । दा॒शुषः॑ । गृ॒हे ॥
Padapatha Devanagari Nonaccented
अयम् । वाम् । अद्रिऽभिः । सुतः । सोमः । नरा । वृषण्वसू इति वृषण्ऽवसू ।
आ । यातम् । सोमऽपीतये । पिबतम् । दाशुषः । गृहे ॥
Padapatha Transcription Accented
ayám ǀ vām ǀ ádri-bhiḥ ǀ sutáḥ ǀ sómaḥ ǀ narā ǀ vṛṣaṇvasū íti vṛṣaṇ-vasū ǀ
ā́ ǀ yātam ǀ sóma-pītaye ǀ píbatam ǀ dāśúṣaḥ ǀ gṛhé ǁ
Padapatha Transcription Nonaccented
ayam ǀ vām ǀ adri-bhiḥ ǀ sutaḥ ǀ somaḥ ǀ narā ǀ vṛṣaṇvasū iti vṛṣaṇ-vasū ǀ
ā ǀ yātam ǀ soma-pītaye ǀ pibatam ǀ dāśuṣaḥ ǀ gṛhe ǁ
08.022.09 (Mandala. Sukta. Rik)
6.2.06.04 (Ashtaka. Adhyaya. Varga. Rik)
08.04.027 (Mandala. Anuvāka. Rik)
Samhita Devanagari Accented
आ हि रु॒हत॑मश्विना॒ रथे॒ कोशे॑ हिर॒ण्यये॑ वृषण्वसू ।
युं॒जाथां॒ पीव॑री॒रिषः॑ ॥
Samhita Devanagari Nonaccented
आ हि रुहतमश्विना रथे कोशे हिरण्यये वृषण्वसू ।
युंजाथां पीवरीरिषः ॥
Samhita Transcription Accented
ā́ hí ruhátamaśvinā ráthe kóśe hiraṇyáye vṛṣaṇvasū ǀ
yuñjā́thām pī́varīríṣaḥ ǁ
Samhita Transcription Nonaccented
ā hi ruhatamaśvinā rathe kośe hiraṇyaye vṛṣaṇvasū ǀ
yuñjāthām pīvarīriṣaḥ ǁ
Padapatha Devanagari Accented
आ । हि । रु॒हत॑म् । अ॒श्वि॒ना॒ । रथे॑ । कोशे॑ । हि॒र॒ण्यये॑ । वृ॒ष॒ण्व॒सू॒ इति॑ वृषण्ऽवसू ।
यु॒ञ्जाथा॑म् । पीव॑रीः । इषः॑ ॥
Padapatha Devanagari Nonaccented
आ । हि । रुहतम् । अश्विना । रथे । कोशे । हिरण्यये । वृषण्वसू इति वृषण्ऽवसू ।
युञ्जाथाम् । पीवरीः । इषः ॥
Padapatha Transcription Accented
ā́ ǀ hí ǀ ruhátam ǀ aśvinā ǀ ráthe ǀ kóśe ǀ hiraṇyáye ǀ vṛṣaṇvasū íti vṛṣaṇ-vasū ǀ
yuñjā́thām ǀ pī́varīḥ ǀ íṣaḥ ǁ
Padapatha Transcription Nonaccented
ā ǀ hi ǀ ruhatam ǀ aśvinā ǀ rathe ǀ kośe ǀ hiraṇyaye ǀ vṛṣaṇvasū iti vṛṣaṇ-vasū ǀ
yuñjāthām ǀ pīvarīḥ ǀ iṣaḥ ǁ
08.022.10 (Mandala. Sukta. Rik)
6.2.06.05 (Ashtaka. Adhyaya. Varga. Rik)
08.04.028 (Mandala. Anuvāka. Rik)
Samhita Devanagari Accented
याभिः॑ प॒क्थमव॑थो॒ याभि॒रध्रि॑गुं॒ याभि॑र्ब॒भ्रुं विजो॑षसं ।
ताभि॑र्नो म॒क्षू तूय॑मश्वि॒ना ग॑तं भिष॒ज्यतं॒ यदातु॑रं ॥
Samhita Devanagari Nonaccented
याभिः पक्थमवथो याभिरध्रिगुं याभिर्बभ्रुं विजोषसं ।
ताभिर्नो मक्षू तूयमश्विना गतं भिषज्यतं यदातुरं ॥
Samhita Transcription Accented
yā́bhiḥ pakthámávatho yā́bhirádhrigum yā́bhirbabhrúm víjoṣasam ǀ
tā́bhirno makṣū́ tū́yamaśvinā́ gatam bhiṣajyátam yádā́turam ǁ
Samhita Transcription Nonaccented
yābhiḥ pakthamavatho yābhiradhrigum yābhirbabhrum vijoṣasam ǀ
tābhirno makṣū tūyamaśvinā gatam bhiṣajyatam yadāturam ǁ
Padapatha Devanagari Accented
याभिः॑ । प॒क्थम् । अव॑थः । याभिः॑ । अध्रि॑ऽगुम् । याभिः॑ । ब॒भ्रुम् । विऽजो॑षसम् ।
ताभिः॑ । नः॒ । म॒क्षु । तूय॑म् । अ॒श्वि॒ना॒ । आ । ग॒त॒म् । भि॒ष॒ज्यत॑म् । यत् । आतु॑रम् ॥
Padapatha Devanagari Nonaccented
याभिः । पक्थम् । अवथः । याभिः । अध्रिऽगुम् । याभिः । बभ्रुम् । विऽजोषसम् ।
ताभिः । नः । मक्षु । तूयम् । अश्विना । आ । गतम् । भिषज्यतम् । यत् । आतुरम् ॥
Padapatha Transcription Accented
yā́bhiḥ ǀ pakthám ǀ ávathaḥ ǀ yā́bhiḥ ǀ ádhri-gum ǀ yā́bhiḥ ǀ babhrúm ǀ ví-joṣasam ǀ
tā́bhiḥ ǀ naḥ ǀ makṣú ǀ tū́yam ǀ aśvinā ǀ ā́ ǀ gatam ǀ bhiṣajyátam ǀ yát ǀ ā́turam ǁ
Padapatha Transcription Nonaccented
yābhiḥ ǀ paktham ǀ avathaḥ ǀ yābhiḥ ǀ adhri-gum ǀ yābhiḥ ǀ babhrum ǀ vi-joṣasam ǀ
tābhiḥ ǀ naḥ ǀ makṣu ǀ tūyam ǀ aśvinā ǀ ā ǀ gatam ǀ bhiṣajyatam ǀ yat ǀ āturam ǁ
08.022.11 (Mandala. Sukta. Rik)
6.2.07.01 (Ashtaka. Adhyaya. Varga. Rik)
08.04.029 (Mandala. Anuvāka. Rik)
Samhita Devanagari Accented
यदध्रि॑गावो॒ अध्रि॑गू इ॒दा चि॒दह्नो॑ अ॒श्विना॒ हवा॑महे ।
व॒यं गी॒र्भिर्वि॑प॒न्यवः॑ ॥
Samhita Devanagari Nonaccented
यदध्रिगावो अध्रिगू इदा चिदह्नो अश्विना हवामहे ।
वयं गीर्भिर्विपन्यवः ॥
Samhita Transcription Accented
yádádhrigāvo ádhrigū idā́ cidáhno aśvínā hávāmahe ǀ
vayám gīrbhírvipanyávaḥ ǁ
Samhita Transcription Nonaccented
yadadhrigāvo adhrigū idā cidahno aśvinā havāmahe ǀ
vayam gīrbhirvipanyavaḥ ǁ
Padapatha Devanagari Accented
यत् । अध्रि॑ऽगावः । अध्रि॑गू॒ इत्यध्रि॑ऽगू । इ॒दा । चि॒त् । अह्नः॑ । अ॒श्विना॑ । हवा॑महे ।
व॒यम् । गीः॒ऽभिः । वि॒प॒न्यवः॑ ॥
Padapatha Devanagari Nonaccented
यत् । अध्रिऽगावः । अध्रिगू इत्यध्रिऽगू । इदा । चित् । अह्नः । अश्विना । हवामहे ।
वयम् । गीःऽभिः । विपन्यवः ॥
Padapatha Transcription Accented
yát ǀ ádhri-gāvaḥ ǀ ádhrigū ítyadhri-gū ǀ idā́ ǀ cit ǀ áhnaḥ ǀ aśvínā ǀ hávāmahe ǀ
vayám ǀ gīḥ-bhíḥ ǀ vipanyávaḥ ǁ
Padapatha Transcription Nonaccented
yat ǀ adhri-gāvaḥ ǀ adhrigū ityadhri-gū ǀ idā ǀ cit ǀ ahnaḥ ǀ aśvinā ǀ havāmahe ǀ
vayam ǀ gīḥ-bhiḥ ǀ vipanyavaḥ ǁ
08.022.12 (Mandala. Sukta. Rik)
6.2.07.02 (Ashtaka. Adhyaya. Varga. Rik)
08.04.030 (Mandala. Anuvāka. Rik)
Samhita Devanagari Accented
ताभि॒रा या॑तं वृष॒णोप॑ मे॒ हवं॑ वि॒श्वप्सुं॑ वि॒श्ववा॑र्यं ।
इ॒षा मंहि॑ष्ठा पुरु॒भूत॑मा नरा॒ याभिः॒ क्रिविं॑ वावृ॒धुस्ताभि॒रा ग॑तं ॥
Samhita Devanagari Nonaccented
ताभिरा यातं वृषणोप मे हवं विश्वप्सुं विश्ववार्यं ।
इषा मंहिष्ठा पुरुभूतमा नरा याभिः क्रिविं वावृधुस्ताभिरा गतं ॥
Samhita Transcription Accented
tā́bhirā́ yātam vṛṣaṇópa me hávam viśvápsum viśvávāryam ǀ
iṣā́ máṃhiṣṭhā purubhū́tamā narā yā́bhiḥ krívim vāvṛdhústā́bhirā́ gatam ǁ
Samhita Transcription Nonaccented
tābhirā yātam vṛṣaṇopa me havam viśvapsum viśvavāryam ǀ
iṣā maṃhiṣṭhā purubhūtamā narā yābhiḥ krivim vāvṛdhustābhirā gatam ǁ
Padapatha Devanagari Accented
ताभिः॑ । आ । या॒त॒म् । वृ॒ष॒णा॒ । उप॑ । मे॒ । हव॑म् । वि॒श्वऽप्सु॑म् । वि॒श्वऽवा॑र्यम् ।
इ॒षा । मंहि॑ष्ठा । पु॒रु॒ऽभूत॑मा । न॒रा॒ । याभिः॑ । क्रिवि॑म् । व॒वृ॒धुः । ताभिः॑ । आ । ग॒त॒म् ॥
Padapatha Devanagari Nonaccented
ताभिः । आ । यातम् । वृषणा । उप । मे । हवम् । विश्वऽप्सुम् । विश्वऽवार्यम् ।
इषा । मंहिष्ठा । पुरुऽभूतमा । नरा । याभिः । क्रिविम् । ववृधुः । ताभिः । आ । गतम् ॥
Padapatha Transcription Accented
tā́bhiḥ ǀ ā́ ǀ yātam ǀ vṛṣaṇā ǀ úpa ǀ me ǀ hávam ǀ viśvá-psum ǀ viśvá-vāryam ǀ
iṣā́ ǀ máṃhiṣṭhā ǀ puru-bhū́tamā ǀ narā ǀ yā́bhiḥ ǀ krívim ǀ vavṛdhúḥ ǀ tā́bhiḥ ǀ ā́ ǀ gatam ǁ
Padapatha Transcription Nonaccented
tābhiḥ ǀ ā ǀ yātam ǀ vṛṣaṇā ǀ upa ǀ me ǀ havam ǀ viśva-psum ǀ viśva-vāryam ǀ
iṣā ǀ maṃhiṣṭhā ǀ puru-bhūtamā ǀ narā ǀ yābhiḥ ǀ krivim ǀ vavṛdhuḥ ǀ tābhiḥ ǀ ā ǀ gatam ǁ
08.022.13 (Mandala. Sukta. Rik)
6.2.07.03 (Ashtaka. Adhyaya. Varga. Rik)
08.04.031 (Mandala. Anuvāka. Rik)
Samhita Devanagari Accented
तावि॒दा चि॒दहा॑नां॒ ताव॒श्विना॒ वंद॑मान॒ उप॑ ब्रुवे ।
ता उ॒ नमो॑भिरीमहे ॥
Samhita Devanagari Nonaccented
ताविदा चिदहानां तावश्विना वंदमान उप ब्रुवे ।
ता उ नमोभिरीमहे ॥
Samhita Transcription Accented
tā́vidā́ cidáhānām tā́vaśvínā vándamāna úpa bruve ǀ
tā́ u námobhirīmahe ǁ
Samhita Transcription Nonaccented
tāvidā cidahānām tāvaśvinā vandamāna upa bruve ǀ
tā u namobhirīmahe ǁ
Padapatha Devanagari Accented
तौ । इ॒दा । चि॒त् । अहा॑नाम् । तौ । अ॒श्विना॑ । वन्द॑मानः । उप॑ । ब्रु॒वे॒ ।
तौ । ऊं॒ इति॑ । नमः॑ऽभिः । ई॒म॒हे॒ ॥
Padapatha Devanagari Nonaccented
तौ । इदा । चित् । अहानाम् । तौ । अश्विना । वन्दमानः । उप । ब्रुवे ।
तौ । ऊं इति । नमःऽभिः । ईमहे ॥
Padapatha Transcription Accented
táu ǀ idā́ ǀ cit ǀ áhānām ǀ táu ǀ aśvínā ǀ vándamānaḥ ǀ úpa ǀ bruve ǀ
táu ǀ ūṃ íti ǀ námaḥ-bhiḥ ǀ īmahe ǁ
Padapatha Transcription Nonaccented
tau ǀ idā ǀ cit ǀ ahānām ǀ tau ǀ aśvinā ǀ vandamānaḥ ǀ upa ǀ bruve ǀ
tau ǀ ūṃ iti ǀ namaḥ-bhiḥ ǀ īmahe ǁ
08.022.14 (Mandala. Sukta. Rik)
6.2.07.04 (Ashtaka. Adhyaya. Varga. Rik)
08.04.032 (Mandala. Anuvāka. Rik)
Samhita Devanagari Accented
ताविद्दो॒षा ता उ॒षसि॑ शु॒भस्पती॒ ता याम॑न्रु॒द्रव॑र्तनी ।
मा नो॒ मर्ता॑य रि॒पवे॑ वाजिनीवसू प॒रो रु॑द्रा॒वति॑ ख्यतं ॥
Samhita Devanagari Nonaccented
ताविद्दोषा ता उषसि शुभस्पती ता यामन्रुद्रवर्तनी ।
मा नो मर्ताय रिपवे वाजिनीवसू परो रुद्रावति ख्यतं ॥
Samhita Transcription Accented
tā́víddoṣā́ tā́ uṣási śubháspátī tā́ yā́manrudrávartanī ǀ
mā́ no mártāya ripáve vājinīvasū paró rudrāváti khyatam ǁ
Samhita Transcription Nonaccented
tāviddoṣā tā uṣasi śubhaspatī tā yāmanrudravartanī ǀ
mā no martāya ripave vājinīvasū paro rudrāvati khyatam ǁ
Padapatha Devanagari Accented
तौ । इत् । दो॒षा । तौ । उ॒षसि॑ । शु॒भः । पती॒ इति॑ । ता । याम॑न् । रु॒द्रव॑र्तनी॒ इति॑ रु॒द्रऽव॑र्तनी ।
मा । नः॒ । मर्ता॑य । रि॒पवे॑ । वा॒जि॒नी॒व॒सू॒ इति॑ वाजिनीऽवसू । प॒रः । रु॒द्रौ॒ । अति॑ । ख्य॒त॒म् ॥
Padapatha Devanagari Nonaccented
तौ । इत् । दोषा । तौ । उषसि । शुभः । पती इति । ता । यामन् । रुद्रवर्तनी इति रुद्रऽवर्तनी ।
मा । नः । मर्ताय । रिपवे । वाजिनीवसू इति वाजिनीऽवसू । परः । रुद्रौ । अति । ख्यतम् ॥
Padapatha Transcription Accented
táu ǀ ít ǀ doṣā́ ǀ táu ǀ uṣási ǀ śubháḥ ǀ pátī íti ǀ tā́ ǀ yā́man ǀ rudrávartanī íti rudrá-vartanī ǀ
mā́ ǀ naḥ ǀ mártāya ǀ ripáve ǀ vājinīvasū íti vājinī-vasū ǀ paráḥ ǀ rudrau ǀ áti ǀ khyatam ǁ
Padapatha Transcription Nonaccented
tau ǀ it ǀ doṣā ǀ tau ǀ uṣasi ǀ śubhaḥ ǀ patī iti ǀ tā ǀ yāman ǀ rudravartanī iti rudra-vartanī ǀ
mā ǀ naḥ ǀ martāya ǀ ripave ǀ vājinīvasū iti vājinī-vasū ǀ paraḥ ǀ rudrau ǀ ati ǀ khyatam ǁ
08.022.15 (Mandala. Sukta. Rik)
6.2.07.05 (Ashtaka. Adhyaya. Varga. Rik)
08.04.033 (Mandala. Anuvāka. Rik)
Samhita Devanagari Accented
आ सुग्म्या॑य॒ सुग्म्यं॑ प्रा॒ता रथे॑ना॒श्विना॑ वा स॒क्षणी॑ ।
हु॒वे पि॒तेव॒ सोभ॑री ॥
Samhita Devanagari Nonaccented
आ सुग्म्याय सुग्म्यं प्राता रथेनाश्विना वा सक्षणी ।
हुवे पितेव सोभरी ॥
Samhita Transcription Accented
ā́ súgmyāya súgmyam prātā́ ráthenāśvínā vā sakṣáṇī ǀ
huvé pitéva sóbharī ǁ
Samhita Transcription Nonaccented
ā sugmyāya sugmyam prātā rathenāśvinā vā sakṣaṇī ǀ
huve piteva sobharī ǁ
Padapatha Devanagari Accented
आ । सुग्म्या॑य । सुग्म्य॑म् । प्रा॒तरिति॑ । रथे॑न । अ॒श्विना॑ । वा॒ । स॒क्षणी॒ इति॑ ।
हु॒वे । पि॒ताऽइ॑व । सोभ॑री ॥
Padapatha Devanagari Nonaccented
आ । सुग्म्याय । सुग्म्यम् । प्रातरिति । रथेन । अश्विना । वा । सक्षणी इति ।
हुवे । पिताऽइव । सोभरी ॥
Padapatha Transcription Accented
ā́ ǀ súgmyāya ǀ súgmyam ǀ prātáríti ǀ ráthena ǀ aśvínā ǀ vā ǀ sakṣáṇī íti ǀ
huvé ǀ pitā́-iva ǀ sóbharī ǁ
Padapatha Transcription Nonaccented
ā ǀ sugmyāya ǀ sugmyam ǀ prātariti ǀ rathena ǀ aśvinā ǀ vā ǀ sakṣaṇī iti ǀ
huve ǀ pitā-iva ǀ sobharī ǁ
08.022.16 (Mandala. Sukta. Rik)
6.2.08.01 (Ashtaka. Adhyaya. Varga. Rik)
08.04.034 (Mandala. Anuvāka. Rik)
Samhita Devanagari Accented
मनो॑जवसा वृषणा मदच्युता मक्षुंग॒माभि॑रू॒तिभिः॑ ।
आ॒रात्ता॑च्चिद्भूतम॒स्मे अव॑से पू॒र्वीभिः॑ पुरुभोजसा ॥
Samhita Devanagari Nonaccented
मनोजवसा वृषणा मदच्युता मक्षुंगमाभिरूतिभिः ।
आरात्ताच्चिद्भूतमस्मे अवसे पूर्वीभिः पुरुभोजसा ॥
Samhita Transcription Accented
mánojavasā vṛṣaṇā madacyutā makṣuṃgamā́bhirūtíbhiḥ ǀ
ārā́ttāccidbhūtamasmé ávase pūrvī́bhiḥ purubhojasā ǁ
Samhita Transcription Nonaccented
manojavasā vṛṣaṇā madacyutā makṣuṃgamābhirūtibhiḥ ǀ
ārāttāccidbhūtamasme avase pūrvībhiḥ purubhojasā ǁ
Padapatha Devanagari Accented
मनः॑ऽजवसा । वृ॒ष॒णा॒ । म॒द॒ऽच्यु॒ता॒ । म॒क्षु॒म्ऽग॒माभिः॑ । ऊ॒तिऽभिः॑ ।
आ॒रात्ता॑त् । चि॒त् । भू॒त॒म् । अ॒स्मे इति॑ । अव॑से । पू॒र्वीभिः॑ । पु॒रु॒ऽभो॒ज॒सा॒ ॥
Padapatha Devanagari Nonaccented
मनःऽजवसा । वृषणा । मदऽच्युता । मक्षुम्ऽगमाभिः । ऊतिऽभिः ।
आरात्तात् । चित् । भूतम् । अस्मे इति । अवसे । पूर्वीभिः । पुरुऽभोजसा ॥
Padapatha Transcription Accented
mánaḥ-javasā ǀ vṛṣaṇā ǀ mada-cyutā ǀ makṣum-gamā́bhiḥ ǀ ūtí-bhiḥ ǀ
ārā́ttāt ǀ cit ǀ bhūtam ǀ asmé íti ǀ ávase ǀ pūrvī́bhiḥ ǀ puru-bhojasā ǁ
Padapatha Transcription Nonaccented
manaḥ-javasā ǀ vṛṣaṇā ǀ mada-cyutā ǀ makṣum-gamābhiḥ ǀ ūti-bhiḥ ǀ
ārāttāt ǀ cit ǀ bhūtam ǀ asme iti ǀ avase ǀ pūrvībhiḥ ǀ puru-bhojasā ǁ
08.022.17 (Mandala. Sukta. Rik)
6.2.08.02 (Ashtaka. Adhyaya. Varga. Rik)
08.04.035 (Mandala. Anuvāka. Rik)
Samhita Devanagari Accented
आ नो॒ अश्वा॑वदश्विना व॒र्तिर्या॑सिष्टं मधुपातमा नरा ।
गोम॑द्दस्रा॒ हिर॑ण्यवत् ॥
Samhita Devanagari Nonaccented
आ नो अश्वावदश्विना वर्तिर्यासिष्टं मधुपातमा नरा ।
गोमद्दस्रा हिरण्यवत् ॥
Samhita Transcription Accented
ā́ no áśvāvadaśvinā vartíryāsiṣṭam madhupātamā narā ǀ
gómaddasrā híraṇyavat ǁ
Samhita Transcription Nonaccented
ā no aśvāvadaśvinā vartiryāsiṣṭam madhupātamā narā ǀ
gomaddasrā hiraṇyavat ǁ
Padapatha Devanagari Accented
आ । नः॒ । अश्व॑ऽवत् । अ॒श्वि॒ना॒ । व॒र्तिः । या॒सि॒ष्ट॒म् । म॒धु॒ऽपा॒त॒मा॒ । न॒रा॒ ।
गोऽम॑त् । द॒स्रा॒ । हिर॑ण्यऽवत् ॥
Padapatha Devanagari Nonaccented
आ । नः । अश्वऽवत् । अश्विना । वर्तिः । यासिष्टम् । मधुऽपातमा । नरा ।
गोऽमत् । दस्रा । हिरण्यऽवत् ॥
Padapatha Transcription Accented
ā́ ǀ naḥ ǀ áśva-vat ǀ aśvinā ǀ vartíḥ ǀ yāsiṣṭam ǀ madhu-pātamā ǀ narā ǀ
gó-mat ǀ dasrā ǀ híraṇya-vat ǁ
Padapatha Transcription Nonaccented
ā ǀ naḥ ǀ aśva-vat ǀ aśvinā ǀ vartiḥ ǀ yāsiṣṭam ǀ madhu-pātamā ǀ narā ǀ
go-mat ǀ dasrā ǀ hiraṇya-vat ǁ
08.022.18 (Mandala. Sukta. Rik)
6.2.08.03 (Ashtaka. Adhyaya. Varga. Rik)
08.04.036 (Mandala. Anuvāka. Rik)
Samhita Devanagari Accented
सु॒प्रा॒व॒र्गं सु॒वीर्यं॑ सु॒ष्ठु वार्य॒मना॑धृष्टं रक्ष॒स्विना॑ ।
अ॒स्मिन्ना वा॑मा॒याने॑ वाजिनीवसू॒ विश्वा॑ वा॒मानि॑ धीमहि ॥
Samhita Devanagari Nonaccented
सुप्रावर्गं सुवीर्यं सुष्ठु वार्यमनाधृष्टं रक्षस्विना ।
अस्मिन्ना वामायाने वाजिनीवसू विश्वा वामानि धीमहि ॥
Samhita Transcription Accented
suprāvargám suvī́ryam suṣṭhú vā́ryamánādhṛṣṭam rakṣasvínā ǀ
asmínnā́ vāmāyā́ne vājinīvasū víśvā vāmā́ni dhīmahi ǁ
Samhita Transcription Nonaccented
suprāvargam suvīryam suṣṭhu vāryamanādhṛṣṭam rakṣasvinā ǀ
asminnā vāmāyāne vājinīvasū viśvā vāmāni dhīmahi ǁ
Padapatha Devanagari Accented
सु॒ऽप्रा॒व॒र्गम् । सु॒ऽवीर्य॑म् । सु॒ष्ठु । वार्य॑म् । अना॑धृष्टम् । र॒क्ष॒स्विना॑ ।
अ॒स्मिन् । आ । वा॒म् । आ॒ऽयाने॑ । वा॒जि॒नी॒व॒सू॒ इति॑ वाजिनीऽवसू । विश्वा॑ । वा॒मानि॑ । धी॒म॒हि॒ ॥
Padapatha Devanagari Nonaccented
सुऽप्रावर्गम् । सुऽवीर्यम् । सुष्ठु । वार्यम् । अनाधृष्टम् । रक्षस्विना ।
अस्मिन् । आ । वाम् । आऽयाने । वाजिनीवसू इति वाजिनीऽवसू । विश्वा । वामानि । धीमहि ॥
Padapatha Transcription Accented
su-prāvargám ǀ su-vī́ryam ǀ suṣṭhú ǀ vā́ryam ǀ ánādhṛṣṭam ǀ rakṣasvínā ǀ
asmín ǀ ā́ ǀ vām ǀ ā-yā́ne ǀ vājinīvasū íti vājinī-vasū ǀ víśvā ǀ vāmā́ni ǀ dhīmahi ǁ
Padapatha Transcription Nonaccented
su-prāvargam ǀ su-vīryam ǀ suṣṭhu ǀ vāryam ǀ anādhṛṣṭam ǀ rakṣasvinā ǀ
asmin ǀ ā ǀ vām ǀ ā-yāne ǀ vājinīvasū iti vājinī-vasū ǀ viśvā ǀ vāmāni ǀ dhīmahi ǁ