|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 25
|
1. Info |
| To: | 1, 2, 4-9, 11, 15, 17, 20, 22-24: mitra, varuṇa; 3: aditi, mitra, varuṇa; 10: aditi, maruts; 12: viṣṇu, sindhu; 13: aryaman, mitra, varuṇa; 14: aśvins, indra, maruts, mitra, viṣṇu, sindhu; 16: mitra, varuṇa, sūrya; 18, 19, 21: sūrya |
|
| From: | viśvamanas vaiyaśva | |
| Metres: | 1st set of styles: virāḍuṣnik (3, 10, 13-16, 20-22); nicṛduṣṇik (1, 2, 5-9, 19); uṣṇik (4, 11, 12, 24); pādanicṛduṣṇik (17, 18); ārcyuṣṇik (23) 2nd set of styles: uṣṇih (1-22, 24); uṣṇiggarbhā (23) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.025.01 (Mandala. Sukta. Rik)
6.2.21.01 (Ashtaka. Adhyaya. Varga. Rik)
08.04.097 (Mandala. Anuvāka. Rik)
Samhita Devanagari Accented
ता वां॒ विश्व॑स्य गो॒पा दे॒वा दे॒वेषु॑ य॒ज्ञिया॑ ।
ऋ॒तावा॑ना यजसे पू॒तद॑क्षसा ॥
Samhita Devanagari Nonaccented
ता वां विश्वस्य गोपा देवा देवेषु यज्ञिया ।
ऋतावाना यजसे पूतदक्षसा ॥
Samhita Transcription Accented
tā́ vām víśvasya gopā́ devā́ devéṣu yajñíyā ǀ
ṛtā́vānā yajase pūtádakṣasā ǁ
Samhita Transcription Nonaccented
tā vām viśvasya gopā devā deveṣu yajñiyā ǀ
ṛtāvānā yajase pūtadakṣasā ǁ
Padapatha Devanagari Accented
ता । वा॒म् । विश्व॑स्य । गो॒पा । दे॒वा । दे॒वेषु॑ । य॒ज्ञिया॑ ।
ऋ॒तऽवा॑ना । य॒ज॒से॒ । पू॒तऽद॑क्षसा ॥
Padapatha Devanagari Nonaccented
ता । वाम् । विश्वस्य । गोपा । देवा । देवेषु । यज्ञिया ।
ऋतऽवाना । यजसे । पूतऽदक्षसा ॥
Padapatha Transcription Accented
tā́ ǀ vām ǀ víśvasya ǀ gopā́ ǀ devā́ ǀ devéṣu ǀ yajñíyā ǀ
ṛtá-vānā ǀ yajase ǀ pūtá-dakṣasā ǁ
Padapatha Transcription Nonaccented
tā ǀ vām ǀ viśvasya ǀ gopā ǀ devā ǀ deveṣu ǀ yajñiyā ǀ
ṛta-vānā ǀ yajase ǀ pūta-dakṣasā ǁ
08.025.02 (Mandala. Sukta. Rik)
6.2.21.02 (Ashtaka. Adhyaya. Varga. Rik)
08.04.098 (Mandala. Anuvāka. Rik)
Samhita Devanagari Accented
मि॒त्रा तना॒ न र॒थ्या॒३॒॑ वरु॑णो॒ यश्च॑ सु॒क्रतुः॑ ।
स॒नात्सु॑जा॒ता तन॑या धृ॒तव्र॑ता ॥
Samhita Devanagari Nonaccented
मित्रा तना न रथ्या वरुणो यश्च सुक्रतुः ।
सनात्सुजाता तनया धृतव्रता ॥
Samhita Transcription Accented
mitrā́ tánā ná rathyā́ váruṇo yáśca sukrátuḥ ǀ
sanā́tsujātā́ tánayā dhṛtávratā ǁ
Samhita Transcription Nonaccented
mitrā tanā na rathyā varuṇo yaśca sukratuḥ ǀ
sanātsujātā tanayā dhṛtavratā ǁ
Padapatha Devanagari Accented
मि॒त्रा । तना॑ । न । र॒थ्या॑ । वरु॑णः । यः । च॒ । सु॒ऽक्रतुः॑ ।
स॒नात् । सु॒ऽजा॒ता । तन॑या । धृ॒तऽव्र॑ता ॥
Padapatha Devanagari Nonaccented
मित्रा । तना । न । रथ्या । वरुणः । यः । च । सुऽक्रतुः ।
सनात् । सुऽजाता । तनया । धृतऽव्रता ॥
Padapatha Transcription Accented
mitrā́ ǀ tánā ǀ ná ǀ rathyā́ ǀ váruṇaḥ ǀ yáḥ ǀ ca ǀ su-krátuḥ ǀ
sanā́t ǀ su-jātā́ ǀ tánayā ǀ dhṛtá-vratā ǁ
Padapatha Transcription Nonaccented
mitrā ǀ tanā ǀ na ǀ rathyā ǀ varuṇaḥ ǀ yaḥ ǀ ca ǀ su-kratuḥ ǀ
sanāt ǀ su-jātā ǀ tanayā ǀ dhṛta-vratā ǁ
08.025.03 (Mandala. Sukta. Rik)
6.2.21.03 (Ashtaka. Adhyaya. Varga. Rik)
08.04.099 (Mandala. Anuvāka. Rik)
Samhita Devanagari Accented
ता मा॒ता वि॒श्ववे॑दसासु॒र्या॑य॒ प्रम॑हसा ।
म॒ही ज॑जा॒नादि॑तिर्ऋ॒ताव॑री ॥
Samhita Devanagari Nonaccented
ता माता विश्ववेदसासुर्याय प्रमहसा ।
मही जजानादितिर्ऋतावरी ॥
Samhita Transcription Accented
tā́ mātā́ viśvávedasāsuryā́ya prámahasā ǀ
mahī́ jajānā́ditirṛtā́varī ǁ
Samhita Transcription Nonaccented
tā mātā viśvavedasāsuryāya pramahasā ǀ
mahī jajānāditirṛtāvarī ǁ
Padapatha Devanagari Accented
ता । मा॒ता । वि॒श्वऽवे॑दसा । अ॒सु॒र्या॑य । प्रऽम॑हसा ।
म॒ही । ज॒जा॒न॒ । अदि॑तिः । ऋ॒तऽव॑री ॥
Padapatha Devanagari Nonaccented
ता । माता । विश्वऽवेदसा । असुर्याय । प्रऽमहसा ।
मही । जजान । अदितिः । ऋतऽवरी ॥
Padapatha Transcription Accented
tā́ ǀ mātā́ ǀ viśvá-vedasā ǀ asuryā́ya ǀ prá-mahasā ǀ
mahī́ ǀ jajāna ǀ áditiḥ ǀ ṛtá-varī ǁ
Padapatha Transcription Nonaccented
tā ǀ mātā ǀ viśva-vedasā ǀ asuryāya ǀ pra-mahasā ǀ
mahī ǀ jajāna ǀ aditiḥ ǀ ṛta-varī ǁ
08.025.04 (Mandala. Sukta. Rik)
6.2.21.04 (Ashtaka. Adhyaya. Varga. Rik)
08.04.100 (Mandala. Anuvāka. Rik)
Samhita Devanagari Accented
म॒हांता॑ मि॒त्रावरु॑णा स॒म्राजा॑ दे॒वावसु॑रा ।
ऋ॒तावा॑नावृ॒तमा घो॑षतो बृ॒हत् ॥
Samhita Devanagari Nonaccented
महांता मित्रावरुणा सम्राजा देवावसुरा ।
ऋतावानावृतमा घोषतो बृहत् ॥
Samhita Transcription Accented
mahā́ntā mitrā́váruṇā samrā́jā devā́vásurā ǀ
ṛtā́vānāvṛtámā́ ghoṣato bṛhát ǁ
Samhita Transcription Nonaccented
mahāntā mitrāvaruṇā samrājā devāvasurā ǀ
ṛtāvānāvṛtamā ghoṣato bṛhat ǁ
Padapatha Devanagari Accented
म॒हान्ता॑ । मि॒त्रावरु॑णा । स॒म्ऽराजा॑ । दे॒वौ । असु॑रा ।
ऋ॒तऽवा॑नौ । ऋ॒तम् । आ । घो॒ष॒तः॒ । बृ॒हत् ॥
Padapatha Devanagari Nonaccented
महान्ता । मित्रावरुणा । सम्ऽराजा । देवौ । असुरा ।
ऋतऽवानौ । ऋतम् । आ । घोषतः । बृहत् ॥
Padapatha Transcription Accented
mahā́ntā ǀ mitrā́váruṇā ǀ sam-rā́jā ǀ deváu ǀ ásurā ǀ
ṛtá-vānau ǀ ṛtám ǀ ā́ ǀ ghoṣataḥ ǀ bṛhát ǁ
Padapatha Transcription Nonaccented
mahāntā ǀ mitrāvaruṇā ǀ sam-rājā ǀ devau ǀ asurā ǀ
ṛta-vānau ǀ ṛtam ǀ ā ǀ ghoṣataḥ ǀ bṛhat ǁ
08.025.05 (Mandala. Sukta. Rik)
6.2.21.05 (Ashtaka. Adhyaya. Varga. Rik)
08.04.101 (Mandala. Anuvāka. Rik)
Samhita Devanagari Accented
नपा॑ता॒ शव॑सो म॒हः सू॒नू दक्ष॑स्य सु॒क्रतू॑ ।
सृ॒प्रदा॑नू इ॒षो वास्त्वधि॑ क्षितः ॥
Samhita Devanagari Nonaccented
नपाता शवसो महः सूनू दक्षस्य सुक्रतू ।
सृप्रदानू इषो वास्त्वधि क्षितः ॥
Samhita Transcription Accented
nápātā śávaso maháḥ sūnū́ dákṣasya sukrátū ǀ
sṛprádānū iṣó vā́stvádhi kṣitaḥ ǁ
Samhita Transcription Nonaccented
napātā śavaso mahaḥ sūnū dakṣasya sukratū ǀ
sṛpradānū iṣo vāstvadhi kṣitaḥ ǁ
Padapatha Devanagari Accented
नपा॑ता । शव॑सः । म॒हः । सू॒नू इति॑ । दक्ष॑स्य । सु॒क्रतू॒ इति॑ सु॒ऽक्रतू॑ ।
सृ॒प्रदा॑नू॒ इति॑ सृ॒प्रऽदा॑नू । इ॒षः । वास्तु॑ । अधि॑ । क्षि॒तः॒ ॥
Padapatha Devanagari Nonaccented
नपाता । शवसः । महः । सूनू इति । दक्षस्य । सुक्रतू इति सुऽक्रतू ।
सृप्रदानू इति सृप्रऽदानू । इषः । वास्तु । अधि । क्षितः ॥
Padapatha Transcription Accented
nápātā ǀ śávasaḥ ǀ maháḥ ǀ sūnū́ íti ǀ dákṣasya ǀ sukrátū íti su-krátū ǀ
sṛprádānū íti sṛprá-dānū ǀ iṣáḥ ǀ vā́stu ǀ ádhi ǀ kṣitaḥ ǁ
Padapatha Transcription Nonaccented
napātā ǀ śavasaḥ ǀ mahaḥ ǀ sūnū iti ǀ dakṣasya ǀ sukratū iti su-kratū ǀ
sṛpradānū iti sṛpra-dānū ǀ iṣaḥ ǀ vāstu ǀ adhi ǀ kṣitaḥ ǁ
08.025.06 (Mandala. Sukta. Rik)
6.2.22.01 (Ashtaka. Adhyaya. Varga. Rik)
08.04.102 (Mandala. Anuvāka. Rik)
Samhita Devanagari Accented
सं या दानू॑नि ये॒मथु॑र्दि॒व्याः पार्थि॑वी॒रिषः॑ ।
नभ॑स्वती॒रा वां॑ चरंतु वृ॒ष्टयः॑ ॥
Samhita Devanagari Nonaccented
सं या दानूनि येमथुर्दिव्याः पार्थिवीरिषः ।
नभस्वतीरा वां चरंतु वृष्टयः ॥
Samhita Transcription Accented
sám yā́ dā́nūni yemáthurdivyā́ḥ pā́rthivīríṣaḥ ǀ
nábhasvatīrā́ vām carantu vṛṣṭáyaḥ ǁ
Samhita Transcription Nonaccented
sam yā dānūni yemathurdivyāḥ pārthivīriṣaḥ ǀ
nabhasvatīrā vām carantu vṛṣṭayaḥ ǁ
Padapatha Devanagari Accented
सम् । या । दानू॑नि । ये॒मथुः॑ । दि॒व्याः । पार्थि॑वीः । इषः॑ ।
नभ॑स्वतीः । आ । वा॒म् । च॒र॒न्तु॒ । वृ॒ष्टयः॑ ॥
Padapatha Devanagari Nonaccented
सम् । या । दानूनि । येमथुः । दिव्याः । पार्थिवीः । इषः ।
नभस्वतीः । आ । वाम् । चरन्तु । वृष्टयः ॥
Padapatha Transcription Accented
sám ǀ yā́ ǀ dā́nūni ǀ yemáthuḥ ǀ divyā́ḥ ǀ pā́rthivīḥ ǀ íṣaḥ ǀ
nábhasvatīḥ ǀ ā́ ǀ vām ǀ carantu ǀ vṛṣṭáyaḥ ǁ
Padapatha Transcription Nonaccented
sam ǀ yā ǀ dānūni ǀ yemathuḥ ǀ divyāḥ ǀ pārthivīḥ ǀ iṣaḥ ǀ
nabhasvatīḥ ǀ ā ǀ vām ǀ carantu ǀ vṛṣṭayaḥ ǁ
08.025.07 (Mandala. Sukta. Rik)
6.2.22.02 (Ashtaka. Adhyaya. Varga. Rik)
08.04.103 (Mandala. Anuvāka. Rik)
Samhita Devanagari Accented
अधि॒ या बृ॑ह॒तो दि॒वो॒३॒॑ऽभि यू॒थेव॒ पश्य॑तः ।
ऋ॒तावा॑ना स॒म्राजा॒ नम॑से हि॒ता ॥
Samhita Devanagari Nonaccented
अधि या बृहतो दिवोऽभि यूथेव पश्यतः ।
ऋतावाना सम्राजा नमसे हिता ॥
Samhita Transcription Accented
ádhi yā́ bṛható divó’bhí yūthéva páśyataḥ ǀ
ṛtā́vānā samrā́jā námase hitā́ ǁ
Samhita Transcription Nonaccented
adhi yā bṛhato divo’bhi yūtheva paśyataḥ ǀ
ṛtāvānā samrājā namase hitā ǁ
Padapatha Devanagari Accented
अधि॑ । या । बृ॒ह॒तः । दि॒वः । अ॒भि । यू॒थाऽइ॑व । पश्य॑तः ।
ऋ॒तऽवा॑ना । स॒म्ऽराजा॑ । नम॑से । हि॒ता ॥
Padapatha Devanagari Nonaccented
अधि । या । बृहतः । दिवः । अभि । यूथाऽइव । पश्यतः ।
ऋतऽवाना । सम्ऽराजा । नमसे । हिता ॥
Padapatha Transcription Accented
ádhi ǀ yā́ ǀ bṛhatáḥ ǀ diváḥ ǀ abhí ǀ yūthā́-iva ǀ páśyataḥ ǀ
ṛtá-vānā ǀ sam-rā́jā ǀ námase ǀ hitā́ ǁ
Padapatha Transcription Nonaccented
adhi ǀ yā ǀ bṛhataḥ ǀ divaḥ ǀ abhi ǀ yūthā-iva ǀ paśyataḥ ǀ
ṛta-vānā ǀ sam-rājā ǀ namase ǀ hitā ǁ
08.025.08 (Mandala. Sukta. Rik)
6.2.22.03 (Ashtaka. Adhyaya. Varga. Rik)
08.04.104 (Mandala. Anuvāka. Rik)
Samhita Devanagari Accented
ऋ॒तावा॑ना॒ नि षे॑दतुः॒ साम्रा॑ज्याय सु॒क्रतू॑ ।
धृ॒तव्र॑ता क्ष॒त्रिया॑ क्ष॒त्रमा॑शतुः ॥
Samhita Devanagari Nonaccented
ऋतावाना नि षेदतुः साम्राज्याय सुक्रतू ।
धृतव्रता क्षत्रिया क्षत्रमाशतुः ॥
Samhita Transcription Accented
ṛtā́vānā ní ṣedatuḥ sā́mrājyāya sukrátū ǀ
dhṛtávratā kṣatríyā kṣatrámāśatuḥ ǁ
Samhita Transcription Nonaccented
ṛtāvānā ni ṣedatuḥ sāmrājyāya sukratū ǀ
dhṛtavratā kṣatriyā kṣatramāśatuḥ ǁ
Padapatha Devanagari Accented
ऋ॒तऽवा॑ना । नि । से॒द॒तुः॒ । साम्ऽरा॑ज्याय । सु॒क्रतू॒ इति॑ सु॒ऽक्रतू॑ ।
धृ॒तऽव्र॑ता । क्ष॒त्रिया॑ । क्ष॒त्रम् । आ॒श॒तुः॒ ॥
Padapatha Devanagari Nonaccented
ऋतऽवाना । नि । सेदतुः । साम्ऽराज्याय । सुक्रतू इति सुऽक्रतू ।
धृतऽव्रता । क्षत्रिया । क्षत्रम् । आशतुः ॥
Padapatha Transcription Accented
ṛtá-vānā ǀ ní ǀ sedatuḥ ǀ sā́m-rājyāya ǀ sukrátū íti su-krátū ǀ
dhṛtá-vratā ǀ kṣatríyā ǀ kṣatrám ǀ āśatuḥ ǁ
Padapatha Transcription Nonaccented
ṛta-vānā ǀ ni ǀ sedatuḥ ǀ sām-rājyāya ǀ sukratū iti su-kratū ǀ
dhṛta-vratā ǀ kṣatriyā ǀ kṣatram ǀ āśatuḥ ǁ
08.025.09 (Mandala. Sukta. Rik)
6.2.22.04 (Ashtaka. Adhyaya. Varga. Rik)
08.04.105 (Mandala. Anuvāka. Rik)
Samhita Devanagari Accented
अ॒क्ष्णश्चि॑द्गातु॒वित्त॑रानुल्ब॒णेन॒ चक्ष॑सा ।
नि चि॑न्मि॒षंता॑ निचि॒रा नि चि॑क्यतुः ॥
Samhita Devanagari Nonaccented
अक्ष्णश्चिद्गातुवित्तरानुल्बणेन चक्षसा ।
नि चिन्मिषंता निचिरा नि चिक्यतुः ॥
Samhita Transcription Accented
akṣṇáścidgātuvíttarānulbaṇéna cákṣasā ǀ
ní cinmiṣántā nicirā́ ní cikyatuḥ ǁ
Samhita Transcription Nonaccented
akṣṇaścidgātuvittarānulbaṇena cakṣasā ǀ
ni cinmiṣantā nicirā ni cikyatuḥ ǁ
Padapatha Devanagari Accented
अ॒क्ष्णः । चि॒त् । गा॒तु॒वित्ऽत॑रा । अ॒नु॒ल्ब॒णेन॑ । चक्ष॑सा ।
नि । चि॒त् । मि॒षन्ता॑ । नि॒ऽचि॒रा । नि । चि॒क्य॒तुः॒ ॥
Padapatha Devanagari Nonaccented
अक्ष्णः । चित् । गातुवित्ऽतरा । अनुल्बणेन । चक्षसा ।
नि । चित् । मिषन्ता । निऽचिरा । नि । चिक्यतुः ॥
Padapatha Transcription Accented
akṣṇáḥ ǀ cit ǀ gātuvít-tarā ǀ anulbaṇéna ǀ cákṣasā ǀ
ní ǀ cit ǀ miṣántā ǀ ni-cirā́ ǀ ní ǀ cikyatuḥ ǁ
Padapatha Transcription Nonaccented
akṣṇaḥ ǀ cit ǀ gātuvit-tarā ǀ anulbaṇena ǀ cakṣasā ǀ
ni ǀ cit ǀ miṣantā ǀ ni-cirā ǀ ni ǀ cikyatuḥ ǁ
08.025.10 (Mandala. Sukta. Rik)
6.2.22.05 (Ashtaka. Adhyaya. Varga. Rik)
08.04.106 (Mandala. Anuvāka. Rik)
Samhita Devanagari Accented
उ॒त नो॑ दे॒व्यदि॑तिरुरु॒ष्यतां॒ नास॑त्या ।
उ॒रु॒ष्यंतु॑ म॒रुतो॑ वृ॒द्धश॑वसः ॥
Samhita Devanagari Nonaccented
उत नो देव्यदितिरुरुष्यतां नासत्या ।
उरुष्यंतु मरुतो वृद्धशवसः ॥
Samhita Transcription Accented
utá no devyáditiruruṣyátām nā́satyā ǀ
uruṣyántu marúto vṛddháśavasaḥ ǁ
Samhita Transcription Nonaccented
uta no devyaditiruruṣyatām nāsatyā ǀ
uruṣyantu maruto vṛddhaśavasaḥ ǁ
Padapatha Devanagari Accented
उ॒त । नः॒ । दे॒वी । अदि॑तिः । उ॒रु॒ष्यता॑म् । नास॑त्या ।
उ॒रु॒ष्यन्तु॑ । म॒रुतः॑ । वृ॒द्धऽश॑वसः ॥
Padapatha Devanagari Nonaccented
उत । नः । देवी । अदितिः । उरुष्यताम् । नासत्या ।
उरुष्यन्तु । मरुतः । वृद्धऽशवसः ॥
Padapatha Transcription Accented
utá ǀ naḥ ǀ devī́ ǀ áditiḥ ǀ uruṣyátām ǀ nā́satyā ǀ
uruṣyántu ǀ marútaḥ ǀ vṛddhá-śavasaḥ ǁ
Padapatha Transcription Nonaccented
uta ǀ naḥ ǀ devī ǀ aditiḥ ǀ uruṣyatām ǀ nāsatyā ǀ
uruṣyantu ǀ marutaḥ ǀ vṛddha-śavasaḥ ǁ
08.025.11 (Mandala. Sukta. Rik)
6.2.23.01 (Ashtaka. Adhyaya. Varga. Rik)
08.04.107 (Mandala. Anuvāka. Rik)
Samhita Devanagari Accented
ते नो॑ ना॒वमु॑रुष्यत॒ दिवा॒ नक्तं॑ सुदानवः ।
अरि॑ष्यंतो॒ नि पा॒युभिः॑ सचेमहि ॥
Samhita Devanagari Nonaccented
ते नो नावमुरुष्यत दिवा नक्तं सुदानवः ।
अरिष्यंतो नि पायुभिः सचेमहि ॥
Samhita Transcription Accented
té no nāvámuruṣyata dívā náktam sudānavaḥ ǀ
áriṣyanto ní pāyúbhiḥ sacemahi ǁ
Samhita Transcription Nonaccented
te no nāvamuruṣyata divā naktam sudānavaḥ ǀ
ariṣyanto ni pāyubhiḥ sacemahi ǁ
Padapatha Devanagari Accented
ते । नः॒ । ना॒वम् । उ॒रु॒ष्य॒त॒ । दिवा॑ । नक्त॑म् । सु॒ऽदा॒न॒वः॒ ।
अरि॑ष्यन्तः । नि । पा॒युऽभिः॑ । स॒चे॒म॒हि॒ ॥
Padapatha Devanagari Nonaccented
ते । नः । नावम् । उरुष्यत । दिवा । नक्तम् । सुऽदानवः ।
अरिष्यन्तः । नि । पायुऽभिः । सचेमहि ॥
Padapatha Transcription Accented
té ǀ naḥ ǀ nāvám ǀ uruṣyata ǀ dívā ǀ náktam ǀ su-dānavaḥ ǀ
áriṣyantaḥ ǀ ní ǀ pāyú-bhiḥ ǀ sacemahi ǁ
Padapatha Transcription Nonaccented
te ǀ naḥ ǀ nāvam ǀ uruṣyata ǀ divā ǀ naktam ǀ su-dānavaḥ ǀ
ariṣyantaḥ ǀ ni ǀ pāyu-bhiḥ ǀ sacemahi ǁ
08.025.12 (Mandala. Sukta. Rik)
6.2.23.02 (Ashtaka. Adhyaya. Varga. Rik)
08.04.108 (Mandala. Anuvāka. Rik)
Samhita Devanagari Accented
अघ्न॑ते॒ विष्ण॑वे व॒यमरि॑ष्यंतः सु॒दान॑वे ।
श्रु॒धि स्व॑यावन्त्सिंधो पू॒र्वचि॑त्तये ॥
Samhita Devanagari Nonaccented
अघ्नते विष्णवे वयमरिष्यंतः सुदानवे ।
श्रुधि स्वयावन्त्सिंधो पूर्वचित्तये ॥
Samhita Transcription Accented
ághnate víṣṇave vayámáriṣyantaḥ sudā́nave ǀ
śrudhí svayāvantsindho pūrvácittaye ǁ
Samhita Transcription Nonaccented
aghnate viṣṇave vayamariṣyantaḥ sudānave ǀ
śrudhi svayāvantsindho pūrvacittaye ǁ
Padapatha Devanagari Accented
अघ्न॑ते । विष्ण॑वे । व॒यम् । अरि॑ष्यन्तः । सु॒ऽदान॑वे ।
श्रु॒धि । स्व॒ऽया॒व॒न् । सि॒न्धो॒ इति॑ । पू॒र्वऽचि॑त्तये ॥
Padapatha Devanagari Nonaccented
अघ्नते । विष्णवे । वयम् । अरिष्यन्तः । सुऽदानवे ।
श्रुधि । स्वऽयावन् । सिन्धो इति । पूर्वऽचित्तये ॥
Padapatha Transcription Accented
ághnate ǀ víṣṇave ǀ vayám ǀ áriṣyantaḥ ǀ su-dā́nave ǀ
śrudhí ǀ sva-yāvan ǀ sindho íti ǀ pūrvá-cittaye ǁ
Padapatha Transcription Nonaccented
aghnate ǀ viṣṇave ǀ vayam ǀ ariṣyantaḥ ǀ su-dānave ǀ
śrudhi ǀ sva-yāvan ǀ sindho iti ǀ pūrva-cittaye ǁ
08.025.13 (Mandala. Sukta. Rik)
6.2.23.03 (Ashtaka. Adhyaya. Varga. Rik)
08.04.109 (Mandala. Anuvāka. Rik)
Samhita Devanagari Accented
तद्वार्यं॑ वृणीमहे॒ वरि॑ष्ठं गोप॒यत्यं॑ ।
मि॒त्रो यत्पांति॒ वरु॑णो॒ यद॑र्य॒मा ॥
Samhita Devanagari Nonaccented
तद्वार्यं वृणीमहे वरिष्ठं गोपयत्यं ।
मित्रो यत्पांति वरुणो यदर्यमा ॥
Samhita Transcription Accented
tádvā́ryam vṛṇīmahe váriṣṭham gopayátyam ǀ
mitró yátpā́nti váruṇo yádaryamā́ ǁ
Samhita Transcription Nonaccented
tadvāryam vṛṇīmahe variṣṭham gopayatyam ǀ
mitro yatpānti varuṇo yadaryamā ǁ
Padapatha Devanagari Accented
तत् । वार्य॑म् । वृ॒णी॒म॒हे॒ । वरि॑ष्ठम् । गो॒प॒यत्य॑म् ।
मि॒त्रः । यत् । पान्ति॑ । वरु॑णः । यत् । अ॒र्य॒मा ॥
Padapatha Devanagari Nonaccented
तत् । वार्यम् । वृणीमहे । वरिष्ठम् । गोपयत्यम् ।
मित्रः । यत् । पान्ति । वरुणः । यत् । अर्यमा ॥
Padapatha Transcription Accented
tát ǀ vā́ryam ǀ vṛṇīmahe ǀ váriṣṭham ǀ gopayátyam ǀ
mitráḥ ǀ yát ǀ pā́nti ǀ váruṇaḥ ǀ yát ǀ aryamā́ ǁ
Padapatha Transcription Nonaccented
tat ǀ vāryam ǀ vṛṇīmahe ǀ variṣṭham ǀ gopayatyam ǀ
mitraḥ ǀ yat ǀ pānti ǀ varuṇaḥ ǀ yat ǀ aryamā ǁ
08.025.14 (Mandala. Sukta. Rik)
6.2.23.04 (Ashtaka. Adhyaya. Varga. Rik)
08.04.110 (Mandala. Anuvāka. Rik)
Samhita Devanagari Accented
उ॒त नः॒ सिंधु॑र॒पां तन्म॒रुत॒स्तद॒श्विना॑ ।
इंद्रो॒ विष्णु॑र्मी॒ढ्वांसः॑ स॒जोष॑सः ॥
Samhita Devanagari Nonaccented
उत नः सिंधुरपां तन्मरुतस्तदश्विना ।
इंद्रो विष्णुर्मीढ्वांसः सजोषसः ॥
Samhita Transcription Accented
utá naḥ síndhurapā́m tánmarútastádaśvínā ǀ
índro víṣṇurmīḍhvā́ṃsaḥ sajóṣasaḥ ǁ
Samhita Transcription Nonaccented
uta naḥ sindhurapām tanmarutastadaśvinā ǀ
indro viṣṇurmīḍhvāṃsaḥ sajoṣasaḥ ǁ
Padapatha Devanagari Accented
उ॒त । नः॒ । सिन्धुः॑ । अ॒पाम् । तत् । म॒रुतः॑ । तत् । अ॒श्विना॑ ।
इन्द्रः॑ । विष्णुः॑ । मी॒ढ्वांसः॑ । स॒ऽजोष॑सः ॥
Padapatha Devanagari Nonaccented
उत । नः । सिन्धुः । अपाम् । तत् । मरुतः । तत् । अश्विना ।
इन्द्रः । विष्णुः । मीढ्वांसः । सऽजोषसः ॥
Padapatha Transcription Accented
utá ǀ naḥ ǀ síndhuḥ ǀ apā́m ǀ tát ǀ marútaḥ ǀ tát ǀ aśvínā ǀ
índraḥ ǀ víṣṇuḥ ǀ mīḍhvā́ṃsaḥ ǀ sa-jóṣasaḥ ǁ
Padapatha Transcription Nonaccented
uta ǀ naḥ ǀ sindhuḥ ǀ apām ǀ tat ǀ marutaḥ ǀ tat ǀ aśvinā ǀ
indraḥ ǀ viṣṇuḥ ǀ mīḍhvāṃsaḥ ǀ sa-joṣasaḥ ǁ
08.025.15 (Mandala. Sukta. Rik)
6.2.23.05 (Ashtaka. Adhyaya. Varga. Rik)
08.04.111 (Mandala. Anuvāka. Rik)
Samhita Devanagari Accented
ते हि ष्मा॑ व॒नुषो॒ नरो॒ऽभिमा॑तिं॒ कय॑स्य चित् ।
ति॒ग्मं न क्षोदः॑ प्रति॒घ्नंति॒ भूर्ण॑यः ॥
Samhita Devanagari Nonaccented
ते हि ष्मा वनुषो नरोऽभिमातिं कयस्य चित् ।
तिग्मं न क्षोदः प्रतिघ्नंति भूर्णयः ॥
Samhita Transcription Accented
té hí ṣmā vanúṣo náro’bhímātim káyasya cit ǀ
tigmám ná kṣódaḥ pratighnánti bhū́rṇayaḥ ǁ
Samhita Transcription Nonaccented
te hi ṣmā vanuṣo naro’bhimātim kayasya cit ǀ
tigmam na kṣodaḥ pratighnanti bhūrṇayaḥ ǁ
Padapatha Devanagari Accented
ते । हि । स्म॒ । व॒नुषः॑ । नरः॑ । अ॒भिऽमा॑तिम् । कय॑स्य । चि॒त् ।
ति॒ग्मम् । न । क्षोदः॑ । प्र॒ति॒ऽघ्नन्ति॑ । भूर्ण॑यः ॥
Padapatha Devanagari Nonaccented
ते । हि । स्म । वनुषः । नरः । अभिऽमातिम् । कयस्य । चित् ।
तिग्मम् । न । क्षोदः । प्रतिऽघ्नन्ति । भूर्णयः ॥
Padapatha Transcription Accented
té ǀ hí ǀ sma ǀ vanúṣaḥ ǀ náraḥ ǀ abhí-mātim ǀ káyasya ǀ cit ǀ
tigmám ǀ ná ǀ kṣódaḥ ǀ prati-ghnánti ǀ bhū́rṇayaḥ ǁ
Padapatha Transcription Nonaccented
te ǀ hi ǀ sma ǀ vanuṣaḥ ǀ naraḥ ǀ abhi-mātim ǀ kayasya ǀ cit ǀ
tigmam ǀ na ǀ kṣodaḥ ǀ prati-ghnanti ǀ bhūrṇayaḥ ǁ
08.025.16 (Mandala. Sukta. Rik)
6.2.24.01 (Ashtaka. Adhyaya. Varga. Rik)
08.04.112 (Mandala. Anuvāka. Rik)
Samhita Devanagari Accented
अ॒यमेक॑ इ॒त्था पु॒रूरु च॑ष्टे॒ वि वि॒श्पतिः॑ ।
तस्य॑ व्र॒तान्यनु॑ वश्चरामसि ॥
Samhita Devanagari Nonaccented
अयमेक इत्था पुरूरु चष्टे वि विश्पतिः ।
तस्य व्रतान्यनु वश्चरामसि ॥
Samhita Transcription Accented
ayáméka itthā́ purū́rú caṣṭe ví viśpátiḥ ǀ
tásya vratā́nyánu vaścarāmasi ǁ
Samhita Transcription Nonaccented
ayameka itthā purūru caṣṭe vi viśpatiḥ ǀ
tasya vratānyanu vaścarāmasi ǁ
Padapatha Devanagari Accented
अ॒यम् । एकः॑ । इ॒त्था । पु॒रु । उ॒रु । च॒ष्टे॒ । वि । वि॒श्पतिः॑ ।
तस्य॑ । व्र॒तानि॑ । अनु॑ । वः॒ । च॒रा॒म॒सि॒ ॥
Padapatha Devanagari Nonaccented
अयम् । एकः । इत्था । पुरु । उरु । चष्टे । वि । विश्पतिः ।
तस्य । व्रतानि । अनु । वः । चरामसि ॥
Padapatha Transcription Accented
ayám ǀ ékaḥ ǀ itthā́ ǀ purú ǀ urú ǀ caṣṭe ǀ ví ǀ viśpátiḥ ǀ
tásya ǀ vratā́ni ǀ ánu ǀ vaḥ ǀ carāmasi ǁ
Padapatha Transcription Nonaccented
ayam ǀ ekaḥ ǀ itthā ǀ puru ǀ uru ǀ caṣṭe ǀ vi ǀ viśpatiḥ ǀ
tasya ǀ vratāni ǀ anu ǀ vaḥ ǀ carāmasi ǁ
08.025.17 (Mandala. Sukta. Rik)
6.2.24.02 (Ashtaka. Adhyaya. Varga. Rik)
08.04.113 (Mandala. Anuvāka. Rik)
Samhita Devanagari Accented
अनु॒ पूर्वा॑ण्यो॒क्या॑ साम्रा॒ज्यस्य॑ सश्चिम ।
मि॒त्रस्य॑ व्र॒ता वरु॑णस्य दीर्घ॒श्रुत् ॥
Samhita Devanagari Nonaccented
अनु पूर्वाण्योक्या साम्राज्यस्य सश्चिम ।
मित्रस्य व्रता वरुणस्य दीर्घश्रुत् ॥
Samhita Transcription Accented
ánu pū́rvāṇyokyā́ sāmrājyásya saścima ǀ
mitrásya vratā́ váruṇasya dīrghaśrút ǁ
Samhita Transcription Nonaccented
anu pūrvāṇyokyā sāmrājyasya saścima ǀ
mitrasya vratā varuṇasya dīrghaśrut ǁ
Padapatha Devanagari Accented
अनु॑ । पूर्वा॑णि । ओ॒क्या॑ । सा॒म्ऽरा॒ज्यस्य॑ । स॒श्चि॒म॒ ।
मि॒त्रस्य॑ । व्र॒ता । वरु॑णस्य । दी॒र्घ॒ऽश्रुत् ॥
Padapatha Devanagari Nonaccented
अनु । पूर्वाणि । ओक्या । साम्ऽराज्यस्य । सश्चिम ।
मित्रस्य । व्रता । वरुणस्य । दीर्घऽश्रुत् ॥
Padapatha Transcription Accented
ánu ǀ pū́rvāṇi ǀ okyā́ ǀ sām-rājyásya ǀ saścima ǀ
mitrásya ǀ vratā́ ǀ váruṇasya ǀ dīrgha-śrút ǁ
Padapatha Transcription Nonaccented
anu ǀ pūrvāṇi ǀ okyā ǀ sām-rājyasya ǀ saścima ǀ
mitrasya ǀ vratā ǀ varuṇasya ǀ dīrgha-śrut ǁ
08.025.18 (Mandala. Sukta. Rik)
6.2.24.03 (Ashtaka. Adhyaya. Varga. Rik)
08.04.114 (Mandala. Anuvāka. Rik)
Samhita Devanagari Accented
परि॒ यो र॒श्मिना॑ दि॒वोऽंता॑न्म॒मे पृ॑थि॒व्याः ।
उ॒भे आ प॑प्रौ॒ रोद॑सी महि॒त्वा ॥
Samhita Devanagari Nonaccented
परि यो रश्मिना दिवोऽंतान्ममे पृथिव्याः ।
उभे आ पप्रौ रोदसी महित्वा ॥
Samhita Transcription Accented
pári yó raśmínā divó’ntānmamé pṛthivyā́ḥ ǀ
ubhé ā́ paprau ródasī mahitvā́ ǁ
Samhita Transcription Nonaccented
pari yo raśminā divo’ntānmame pṛthivyāḥ ǀ
ubhe ā paprau rodasī mahitvā ǁ
Padapatha Devanagari Accented
परि॑ । यः । र॒श्मिना॑ । दि॒वः । अन्ता॑न् । म॒मे । पृ॒थि॒व्याः ।
उ॒भे इति॑ । आ । प॒प्रौ॒ । रोद॑सी॒ इति॑ । म॒हि॒ऽत्वा ॥
Padapatha Devanagari Nonaccented
परि । यः । रश्मिना । दिवः । अन्तान् । ममे । पृथिव्याः ।
उभे इति । आ । पप्रौ । रोदसी इति । महिऽत्वा ॥
Padapatha Transcription Accented
pári ǀ yáḥ ǀ raśmínā ǀ diváḥ ǀ ántān ǀ mamé ǀ pṛthivyā́ḥ ǀ
ubhé íti ǀ ā́ ǀ paprau ǀ ródasī íti ǀ mahi-tvā́ ǁ
Padapatha Transcription Nonaccented
pari ǀ yaḥ ǀ raśminā ǀ divaḥ ǀ antān ǀ mame ǀ pṛthivyāḥ ǀ
ubhe iti ǀ ā ǀ paprau ǀ rodasī iti ǀ mahi-tvā ǁ
08.025.19 (Mandala. Sukta. Rik)
6.2.24.04 (Ashtaka. Adhyaya. Varga. Rik)
08.04.115 (Mandala. Anuvāka. Rik)
Samhita Devanagari Accented
उदु॒ ष्य श॑र॒णे दि॒वो ज्योति॑रयंस्त॒ सूर्यः॑ ।
अ॒ग्निर्न शु॒क्रः स॑मिधा॒न आहु॑तः ॥
Samhita Devanagari Nonaccented
उदु ष्य शरणे दिवो ज्योतिरयंस्त सूर्यः ।
अग्निर्न शुक्रः समिधान आहुतः ॥
Samhita Transcription Accented
údu ṣyá śaraṇé divó jyótirayaṃsta sū́ryaḥ ǀ
agnírná śukráḥ samidhāná ā́hutaḥ ǁ
Samhita Transcription Nonaccented
udu ṣya śaraṇe divo jyotirayaṃsta sūryaḥ ǀ
agnirna śukraḥ samidhāna āhutaḥ ǁ
Padapatha Devanagari Accented
उत् । ऊं॒ इति॑ । स्यः । श॒र॒णे । दि॒वः । ज्योतिः॑ । अ॒यं॒स्त॒ । सूर्यः॑ ।
अ॒ग्निः । न । शु॒क्रः । स॒म्ऽइ॒धा॒नः । आऽहु॑तः ॥
Padapatha Devanagari Nonaccented
उत् । ऊं इति । स्यः । शरणे । दिवः । ज्योतिः । अयंस्त । सूर्यः ।
अग्निः । न । शुक्रः । सम्ऽइधानः । आऽहुतः ॥
Padapatha Transcription Accented
út ǀ ūṃ íti ǀ syáḥ ǀ śaraṇé ǀ diváḥ ǀ jyótiḥ ǀ ayaṃsta ǀ sū́ryaḥ ǀ
agníḥ ǀ ná ǀ śukráḥ ǀ sam-idhānáḥ ǀ ā́-hutaḥ ǁ
Padapatha Transcription Nonaccented
ut ǀ ūṃ iti ǀ syaḥ ǀ śaraṇe ǀ divaḥ ǀ jyotiḥ ǀ ayaṃsta ǀ sūryaḥ ǀ
agniḥ ǀ na ǀ śukraḥ ǀ sam-idhānaḥ ǀ ā-hutaḥ ǁ
08.025.20 (Mandala. Sukta. Rik)
6.2.24.05 (Ashtaka. Adhyaya. Varga. Rik)
08.04.116 (Mandala. Anuvāka. Rik)
Samhita Devanagari Accented
वचो॑ दी॒र्घप्र॑सद्म॒नीशे॒ वाज॑स्य॒ गोम॑तः ।
ईशे॒ हि पि॒त्वो॑ऽवि॒षस्य॑ दा॒वने॑ ॥
Samhita Devanagari Nonaccented
वचो दीर्घप्रसद्मनीशे वाजस्य गोमतः ।
ईशे हि पित्वोऽविषस्य दावने ॥
Samhita Transcription Accented
váco dīrgháprasadmanī́śe vā́jasya gómataḥ ǀ
ī́śe hí pitvó’viṣásya dāváne ǁ
Samhita Transcription Nonaccented
vaco dīrghaprasadmanīśe vājasya gomataḥ ǀ
īśe hi pitvo’viṣasya dāvane ǁ
Padapatha Devanagari Accented
वचः॑ । दी॒र्घऽप्र॑सद्मनि । ईशे॑ । वाज॑स्य । गोऽम॑तः ।
ईशे॑ । हि । पि॒त्वः । अ॒वि॒षस्य॑ । दा॒वने॑ ॥
Padapatha Devanagari Nonaccented
वचः । दीर्घऽप्रसद्मनि । ईशे । वाजस्य । गोऽमतः ।
ईशे । हि । पित्वः । अविषस्य । दावने ॥
Padapatha Transcription Accented
vácaḥ ǀ dīrghá-prasadmani ǀ ī́śe ǀ vā́jasya ǀ gó-mataḥ ǀ
ī́śe ǀ hí ǀ pitváḥ ǀ aviṣásya ǀ dāváne ǁ
Padapatha Transcription Nonaccented
vacaḥ ǀ dīrgha-prasadmani ǀ īśe ǀ vājasya ǀ go-mataḥ ǀ
īśe ǀ hi ǀ pitvaḥ ǀ aviṣasya ǀ dāvane ǁ
08.025.21 (Mandala. Sukta. Rik)
6.2.25.01 (Ashtaka. Adhyaya. Varga. Rik)
08.04.117 (Mandala. Anuvāka. Rik)
Samhita Devanagari Accented
तत्सूर्यं॒ रोद॑सी उ॒भे दो॒षा वस्तो॒रुप॑ ब्रुवे ।
भो॒जेष्व॒स्माँ अ॒भ्युच्च॑रा॒ सदा॑ ॥
Samhita Devanagari Nonaccented
तत्सूर्यं रोदसी उभे दोषा वस्तोरुप ब्रुवे ।
भोजेष्वस्माँ अभ्युच्चरा सदा ॥
Samhita Transcription Accented
tátsū́ryam ródasī ubhé doṣā́ vástorúpa bruve ǀ
bhojéṣvasmā́m̐ abhyúccarā sádā ǁ
Samhita Transcription Nonaccented
tatsūryam rodasī ubhe doṣā vastorupa bruve ǀ
bhojeṣvasmām̐ abhyuccarā sadā ǁ
Padapatha Devanagari Accented
तत् । सूर्य॑म् । रोद॑सी॒ इति॑ । उ॒भे इति॑ । दो॒षा । वस्तोः॑ । उप॑ । ब्रु॒वे॒ ।
भो॒जेषु॑ । अ॒स्मान् । अ॒भि । उत् । च॒र॒ । सदा॑ ॥
Padapatha Devanagari Nonaccented
तत् । सूर्यम् । रोदसी इति । उभे इति । दोषा । वस्तोः । उप । ब्रुवे ।
भोजेषु । अस्मान् । अभि । उत् । चर । सदा ॥
Padapatha Transcription Accented
tát ǀ sū́ryam ǀ ródasī íti ǀ ubhé íti ǀ doṣā́ ǀ vástoḥ ǀ úpa ǀ bruve ǀ
bhojéṣu ǀ asmā́n ǀ abhí ǀ út ǀ cara ǀ sádā ǁ
Padapatha Transcription Nonaccented
tat ǀ sūryam ǀ rodasī iti ǀ ubhe iti ǀ doṣā ǀ vastoḥ ǀ upa ǀ bruve ǀ
bhojeṣu ǀ asmān ǀ abhi ǀ ut ǀ cara ǀ sadā ǁ
08.025.22 (Mandala. Sukta. Rik)
6.2.25.02 (Ashtaka. Adhyaya. Varga. Rik)
08.04.118 (Mandala. Anuvāka. Rik)
Samhita Devanagari Accented
ऋ॒ज्रमु॑क्ष॒ण्याय॑ने रज॒तं हर॑याणे ।
रथं॑ यु॒क्तम॑सनाम सु॒षाम॑णि ॥
Samhita Devanagari Nonaccented
ऋज्रमुक्षण्यायने रजतं हरयाणे ।
रथं युक्तमसनाम सुषामणि ॥
Samhita Transcription Accented
ṛjrámukṣaṇyā́yane rajatám hárayāṇe ǀ
rátham yuktámasanāma suṣā́maṇi ǁ
Samhita Transcription Nonaccented
ṛjramukṣaṇyāyane rajatam harayāṇe ǀ
ratham yuktamasanāma suṣāmaṇi ǁ
Padapatha Devanagari Accented
ऋ॒ज्रम् । उ॒क्ष॒ण्याय॑ने । र॒ज॒तम् । हर॑याणे ।
रथ॑म् । यु॒क्तम् । अ॒स॒ना॒म॒ । सु॒ऽसाम॑नि ॥
Padapatha Devanagari Nonaccented
ऋज्रम् । उक्षण्यायने । रजतम् । हरयाणे ।
रथम् । युक्तम् । असनाम । सुऽसामनि ॥
Padapatha Transcription Accented
ṛjrám ǀ ukṣaṇyā́yane ǀ rajatám ǀ hárayāṇe ǀ
rátham ǀ yuktám ǀ asanāma ǀ su-sā́mani ǁ
Padapatha Transcription Nonaccented
ṛjram ǀ ukṣaṇyāyane ǀ rajatam ǀ harayāṇe ǀ
ratham ǀ yuktam ǀ asanāma ǀ su-sāmani ǁ
08.025.23 (Mandala. Sukta. Rik)
6.2.25.03 (Ashtaka. Adhyaya. Varga. Rik)
08.04.119 (Mandala. Anuvāka. Rik)
Samhita Devanagari Accented
ता मे॒ अश्व्या॑नां॒ हरी॑णां नि॒तोश॑ना ।
उ॒तो नु कृत्व्या॑नां नृ॒वाह॑सा ॥
Samhita Devanagari Nonaccented
ता मे अश्व्यानां हरीणां नितोशना ।
उतो नु कृत्व्यानां नृवाहसा ॥
Samhita Transcription Accented
tā́ me áśvyānām hárīṇām nitóśanā ǀ
utó nú kṛ́tvyānām nṛvā́hasā ǁ
Samhita Transcription Nonaccented
tā me aśvyānām harīṇām nitośanā ǀ
uto nu kṛtvyānām nṛvāhasā ǁ
Padapatha Devanagari Accented
ता । मे॒ । अश्व्या॑नाम् । हरी॑णाम् । नि॒ऽतोश॑ना ।
उ॒तो इति॑ । नु । कृत्व्या॑नाम् । नृ॒ऽवाह॑सा ॥
Padapatha Devanagari Nonaccented
ता । मे । अश्व्यानाम् । हरीणाम् । निऽतोशना ।
उतो इति । नु । कृत्व्यानाम् । नृऽवाहसा ॥
Padapatha Transcription Accented
tā́ ǀ me ǀ áśvyānām ǀ hárīṇām ǀ ni-tóśanā ǀ
utó íti ǀ nú ǀ kṛ́tvyānām ǀ nṛ-vā́hasā ǁ
Padapatha Transcription Nonaccented
tā ǀ me ǀ aśvyānām ǀ harīṇām ǀ ni-tośanā ǀ
uto iti ǀ nu ǀ kṛtvyānām ǀ nṛ-vāhasā ǁ
08.025.24 (Mandala. Sukta. Rik)
6.2.25.04 (Ashtaka. Adhyaya. Varga. Rik)
08.04.120 (Mandala. Anuvāka. Rik)
Samhita Devanagari Accented
स्मद॑भीशू॒ कशा॑वंता॒ विप्रा॒ नवि॑ष्ठया म॒ती ।
म॒हो वा॒जिना॒वर्वं॑ता॒ सचा॑सनं ॥
Samhita Devanagari Nonaccented
स्मदभीशू कशावंता विप्रा नविष्ठया मती ।
महो वाजिनावर्वंता सचासनं ॥
Samhita Transcription Accented
smádabhīśū káśāvantā víprā náviṣṭhayā matī́ ǀ
mahó vājínāvárvantā sácāsanam ǁ
Samhita Transcription Nonaccented
smadabhīśū kaśāvantā viprā naviṣṭhayā matī ǀ
maho vājināvarvantā sacāsanam ǁ
Padapatha Devanagari Accented
स्मद॑भीशू॒ इति॒ स्मत्ऽअ॑भीशू । कशा॑ऽवन्ता । विप्रा॑ । नवि॑ष्ठया । म॒ती ।
म॒हः । वा॒जिनौ॑ । अर्व॑न्ता । सचा॑ । अ॒स॒न॒म् ॥
Padapatha Devanagari Nonaccented
स्मदभीशू इति स्मत्ऽअभीशू । कशाऽवन्ता । विप्रा । नविष्ठया । मती ।
महः । वाजिनौ । अर्वन्ता । सचा । असनम् ॥
Padapatha Transcription Accented
smádabhīśū íti smát-abhīśū ǀ káśā-vantā ǀ víprā ǀ náviṣṭhayā ǀ matī́ ǀ
maháḥ ǀ vājínau ǀ árvantā ǀ sácā ǀ asanam ǁ
Padapatha Transcription Nonaccented
smadabhīśū iti smat-abhīśū ǀ kaśā-vantā ǀ viprā ǀ naviṣṭhayā ǀ matī ǀ
mahaḥ ǀ vājinau ǀ arvantā ǀ sacā ǀ asanam ǁ