|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 41
|
1. Info |
| To: | varuṇa | |
| From: | nābhāka kāṇva | |
| Metres: | 1st set of styles: nicṛjjagatī (2, 3, 6, 10); triṣṭup (1, 5); bhuriktriṣṭup (4, 7); svarāṭtriṣṭup (8); jagatī (9) 2nd set of styles: mahāpaṅkti |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.041.01 (Mandala. Sukta. Rik)
6.3.26.01 (Ashtaka. Adhyaya. Varga. Rik)
08.05.156 (Mandala. Anuvāka. Rik)
Samhita Devanagari Accented
अ॒स्मा ऊ॒ षु प्रभू॑तये॒ वरु॑णाय म॒रुद्भ्योऽर्चा॑ वि॒दुष्ट॑रेभ्यः ।
यो धी॒ता मानु॑षाणां प॒श्वो गा इ॑व॒ रक्ष॑ति॒ नभं॑तामन्य॒के स॑मे ॥
Samhita Devanagari Nonaccented
अस्मा ऊ षु प्रभूतये वरुणाय मरुद्भ्योऽर्चा विदुष्टरेभ्यः ।
यो धीता मानुषाणां पश्वो गा इव रक्षति नभंतामन्यके समे ॥
Samhita Transcription Accented
asmā́ ū ṣú prábhūtaye váruṇāya marúdbhyó’rcā vidúṣṭarebhyaḥ ǀ
yó dhītā́ mā́nuṣāṇām paśvó gā́ iva rákṣati nábhantāmanyaké same ǁ
Samhita Transcription Nonaccented
asmā ū ṣu prabhūtaye varuṇāya marudbhyo’rcā viduṣṭarebhyaḥ ǀ
yo dhītā mānuṣāṇām paśvo gā iva rakṣati nabhantāmanyake same ǁ
Padapatha Devanagari Accented
अ॒स्मै । ऊं॒ इति॑ । सु । प्रऽभू॑तये । वरु॑णाय । म॒रुत्ऽभ्यः॑ । अर्च॑ । वि॒दुःऽत॑रेभ्यः ।
यः । धी॒ता । मानु॑षाणाम् । प॒श्वः । गाःऽइ॑व । रक्ष॑ति । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
अस्मै । ऊं इति । सु । प्रऽभूतये । वरुणाय । मरुत्ऽभ्यः । अर्च । विदुःऽतरेभ्यः ।
यः । धीता । मानुषाणाम् । पश्वः । गाःऽइव । रक्षति । नभन्ताम् । अन्यके । समे ॥
Padapatha Transcription Accented
asmái ǀ ūṃ íti ǀ sú ǀ prá-bhūtaye ǀ váruṇāya ǀ marút-bhyaḥ ǀ árca ǀ vidúḥ-tarebhyaḥ ǀ
yáḥ ǀ dhītā́ ǀ mā́nuṣāṇām ǀ paśváḥ ǀ gā́ḥ-iva ǀ rákṣati ǀ nábhantām ǀ anyaké ǀ same ǁ
Padapatha Transcription Nonaccented
asmai ǀ ūṃ iti ǀ su ǀ pra-bhūtaye ǀ varuṇāya ǀ marut-bhyaḥ ǀ arca ǀ viduḥ-tarebhyaḥ ǀ
yaḥ ǀ dhītā ǀ mānuṣāṇām ǀ paśvaḥ ǀ gāḥ-iva ǀ rakṣati ǀ nabhantām ǀ anyake ǀ same ǁ
08.041.02 (Mandala. Sukta. Rik)
6.3.26.02 (Ashtaka. Adhyaya. Varga. Rik)
08.05.157 (Mandala. Anuvāka. Rik)
Samhita Devanagari Accented
तमू॒ षु स॑म॒ना गि॒रा पि॑तॄ॒णां च॒ मन्म॑भिः ।
ना॒भा॒कस्य॒ प्रश॑स्तिभि॒र्यः सिंधू॑ना॒मुपो॑द॒ये स॒प्तस्व॑सा॒ स म॑ध्य॒मो नभं॑तामन्य॒के स॑मे ॥
Samhita Devanagari Nonaccented
तमू षु समना गिरा पितॄणां च मन्मभिः ।
नाभाकस्य प्रशस्तिभिर्यः सिंधूनामुपोदये सप्तस्वसा स मध्यमो नभंतामन्यके समे ॥
Samhita Transcription Accented
támū ṣú samanā́ girā́ pitṝṇā́m ca mánmabhiḥ ǀ
nābhākásya práśastibhiryáḥ síndhūnāmúpodayé saptásvasā sá madhyamó nábhantāmanyaké same ǁ
Samhita Transcription Nonaccented
tamū ṣu samanā girā pitṝṇām ca manmabhiḥ ǀ
nābhākasya praśastibhiryaḥ sindhūnāmupodaye saptasvasā sa madhyamo nabhantāmanyake same ǁ
Padapatha Devanagari Accented
तम् । ऊं॒ इति॑ । सु । स॒म॒ना । गि॒रा । पि॒तॄ॒णाम् । च॒ । मन्म॑ऽभिः ।
ना॒भा॒कस्य॑ । प्रश॑स्तिऽभिः । यः । सिन्धू॑नाम् । उप॑ । उ॒त्ऽअ॒ये । स॒प्तऽस्व॑सा । सः । म॒ध्य॒मः । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
तम् । ऊं इति । सु । समना । गिरा । पितॄणाम् । च । मन्मऽभिः ।
नाभाकस्य । प्रशस्तिऽभिः । यः । सिन्धूनाम् । उप । उत्ऽअये । सप्तऽस्वसा । सः । मध्यमः । नभन्ताम् । अन्यके । समे ॥
Padapatha Transcription Accented
tám ǀ ūṃ íti ǀ sú ǀ samanā́ ǀ girā́ ǀ pitṝṇā́m ǀ ca ǀ mánma-bhiḥ ǀ
nābhākásya ǀ práśasti-bhiḥ ǀ yáḥ ǀ síndhūnām ǀ úpa ǀ ut-ayé ǀ saptá-svasā ǀ sáḥ ǀ madhyamáḥ ǀ nábhantām ǀ anyaké ǀ same ǁ
Padapatha Transcription Nonaccented
tam ǀ ūṃ iti ǀ su ǀ samanā ǀ girā ǀ pitṝṇām ǀ ca ǀ manma-bhiḥ ǀ
nābhākasya ǀ praśasti-bhiḥ ǀ yaḥ ǀ sindhūnām ǀ upa ǀ ut-aye ǀ sapta-svasā ǀ saḥ ǀ madhyamaḥ ǀ nabhantām ǀ anyake ǀ same ǁ
08.041.03 (Mandala. Sukta. Rik)
6.3.26.03 (Ashtaka. Adhyaya. Varga. Rik)
08.05.158 (Mandala. Anuvāka. Rik)
Samhita Devanagari Accented
स क्षपः॒ परि॑ षस्वजे॒ न्यु१॒॑स्रो मा॒यया॑ दधे॒ स विश्वं॒ परि॑ दर्श॒तः ।
तस्य॒ वेनी॒रनु॑ व्र॒तमु॒षस्ति॒स्रो अ॑वर्धय॒न्नभं॑तामन्य॒के स॑मे ॥
Samhita Devanagari Nonaccented
स क्षपः परि षस्वजे न्युस्रो मायया दधे स विश्वं परि दर्शतः ।
तस्य वेनीरनु व्रतमुषस्तिस्रो अवर्धयन्नभंतामन्यके समे ॥
Samhita Transcription Accented
sá kṣápaḥ pári ṣasvaje nyúsró māyáyā dadhe sá víśvam pári darśatáḥ ǀ
tásya vénīránu vratámuṣástisró avardhayannábhantāmanyaké same ǁ
Samhita Transcription Nonaccented
sa kṣapaḥ pari ṣasvaje nyusro māyayā dadhe sa viśvam pari darśataḥ ǀ
tasya venīranu vratamuṣastisro avardhayannabhantāmanyake same ǁ
Padapatha Devanagari Accented
सः । क्षपः॑ । परि॑ । स॒स्व॒जे॒ । नि । उ॒स्रः । मा॒यया॑ । द॒धे॒ । सः । विश्व॑म् । परि॑ । द॒र्श॒तः ।
तस्य॑ । वेनीः॑ । अनु॑ । व्र॒तम् । उ॒षः । ति॒स्रः । अ॒व॒र्ध॒य॒न् । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
सः । क्षपः । परि । सस्वजे । नि । उस्रः । मायया । दधे । सः । विश्वम् । परि । दर्शतः ।
तस्य । वेनीः । अनु । व्रतम् । उषः । तिस्रः । अवर्धयन् । नभन्ताम् । अन्यके । समे ॥
Padapatha Transcription Accented
sáḥ ǀ kṣápaḥ ǀ pári ǀ sasvaje ǀ ní ǀ usráḥ ǀ māyáyā ǀ dadhe ǀ sáḥ ǀ víśvam ǀ pári ǀ darśatáḥ ǀ
tásya ǀ vénīḥ ǀ ánu ǀ vratám ǀ uṣáḥ ǀ tisráḥ ǀ avardhayan ǀ nábhantām ǀ anyaké ǀ same ǁ
Padapatha Transcription Nonaccented
saḥ ǀ kṣapaḥ ǀ pari ǀ sasvaje ǀ ni ǀ usraḥ ǀ māyayā ǀ dadhe ǀ saḥ ǀ viśvam ǀ pari ǀ darśataḥ ǀ
tasya ǀ venīḥ ǀ anu ǀ vratam ǀ uṣaḥ ǀ tisraḥ ǀ avardhayan ǀ nabhantām ǀ anyake ǀ same ǁ
08.041.04 (Mandala. Sukta. Rik)
6.3.26.04 (Ashtaka. Adhyaya. Varga. Rik)
08.05.159 (Mandala. Anuvāka. Rik)
Samhita Devanagari Accented
यः क॒कुभो॑ निधार॒यः पृ॑थि॒व्यामधि॑ दर्श॒तः ।
स माता॑ पू॒र्व्यं प॒दं तद्वरु॑णस्य॒ सप्त्यं॒ स हि गो॒पा इ॒वेर्यो॒ नभं॑तामन्य॒के स॑मे ॥
Samhita Devanagari Nonaccented
यः ककुभो निधारयः पृथिव्यामधि दर्शतः ।
स माता पूर्व्यं पदं तद्वरुणस्य सप्त्यं स हि गोपा इवेर्यो नभंतामन्यके समे ॥
Samhita Transcription Accented
yáḥ kakúbho nidhārayáḥ pṛthivyā́mádhi darśatáḥ ǀ
sá mā́tā pūrvyám padám tádváruṇasya sáptyam sá hí gopā́ ivéryo nábhantāmanyaké same ǁ
Samhita Transcription Nonaccented
yaḥ kakubho nidhārayaḥ pṛthivyāmadhi darśataḥ ǀ
sa mātā pūrvyam padam tadvaruṇasya saptyam sa hi gopā iveryo nabhantāmanyake same ǁ
Padapatha Devanagari Accented
यः । क॒कुभः॑ । नि॒ऽधा॒र॒यः । पृ॒थि॒व्याम् । अधि॑ । द॒र्श॒तः ।
सः । माता॑ । पू॒र्व्यम् । प॒दम् । तत् । वरु॑णस्य । सप्त्य॑म् । सः । हि । गो॒पाःऽइ॑व । इर्यः॑ । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
यः । ककुभः । निऽधारयः । पृथिव्याम् । अधि । दर्शतः ।
सः । माता । पूर्व्यम् । पदम् । तत् । वरुणस्य । सप्त्यम् । सः । हि । गोपाःऽइव । इर्यः । नभन्ताम् । अन्यके । समे ॥
Padapatha Transcription Accented
yáḥ ǀ kakúbhaḥ ǀ ni-dhārayáḥ ǀ pṛthivyā́m ǀ ádhi ǀ darśatáḥ ǀ
sáḥ ǀ mā́tā ǀ pūrvyám ǀ padám ǀ tát ǀ váruṇasya ǀ sáptyam ǀ sáḥ ǀ hí ǀ gopā́ḥ-iva ǀ íryaḥ ǀ nábhantām ǀ anyaké ǀ same ǁ
Padapatha Transcription Nonaccented
yaḥ ǀ kakubhaḥ ǀ ni-dhārayaḥ ǀ pṛthivyām ǀ adhi ǀ darśataḥ ǀ
saḥ ǀ mātā ǀ pūrvyam ǀ padam ǀ tat ǀ varuṇasya ǀ saptyam ǀ saḥ ǀ hi ǀ gopāḥ-iva ǀ iryaḥ ǀ nabhantām ǀ anyake ǀ same ǁ
08.041.05 (Mandala. Sukta. Rik)
6.3.26.05 (Ashtaka. Adhyaya. Varga. Rik)
08.05.160 (Mandala. Anuvāka. Rik)
Samhita Devanagari Accented
यो ध॒र्ता भुव॑नानां॒ य उ॒स्राणा॑मपी॒च्या॒३॒॑ वेद॒ नामा॑नि॒ गुह्या॑ ।
स क॒विः काव्या॑ पु॒रु रू॒पं द्यौरि॑व पुष्यति॒ नभं॑तामन्य॒के स॑मे ॥
Samhita Devanagari Nonaccented
यो धर्ता भुवनानां य उस्राणामपीच्या वेद नामानि गुह्या ।
स कविः काव्या पुरु रूपं द्यौरिव पुष्यति नभंतामन्यके समे ॥
Samhita Transcription Accented
yó dhartā́ bhúvanānām yá usrā́ṇāmapīcyā́ véda nā́māni gúhyā ǀ
sá kavíḥ kā́vyā purú rūpám dyáuriva puṣyati nábhantāmanyaké same ǁ
Samhita Transcription Nonaccented
yo dhartā bhuvanānām ya usrāṇāmapīcyā veda nāmāni guhyā ǀ
sa kaviḥ kāvyā puru rūpam dyauriva puṣyati nabhantāmanyake same ǁ
Padapatha Devanagari Accented
यः । ध॒र्ता । भुव॑नानाम् । यः । उ॒स्राणा॑म् । अ॒पी॒च्या॑ । वेद॑ । नामा॑नि । गुह्या॑ ।
सः । क॒विः । काव्या॑ । पु॒रु । रू॒पम् । द्यौःऽइ॑व । पु॒ष्य॒ति॒ । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
यः । धर्ता । भुवनानाम् । यः । उस्राणाम् । अपीच्या । वेद । नामानि । गुह्या ।
सः । कविः । काव्या । पुरु । रूपम् । द्यौःऽइव । पुष्यति । नभन्ताम् । अन्यके । समे ॥
Padapatha Transcription Accented
yáḥ ǀ dhartā́ ǀ bhúvanānām ǀ yáḥ ǀ usrā́ṇām ǀ apīcyā́ ǀ véda ǀ nā́māni ǀ gúhyā ǀ
sáḥ ǀ kavíḥ ǀ kā́vyā ǀ purú ǀ rūpám ǀ dyáuḥ-iva ǀ puṣyati ǀ nábhantām ǀ anyaké ǀ same ǁ
Padapatha Transcription Nonaccented
yaḥ ǀ dhartā ǀ bhuvanānām ǀ yaḥ ǀ usrāṇām ǀ apīcyā ǀ veda ǀ nāmāni ǀ guhyā ǀ
saḥ ǀ kaviḥ ǀ kāvyā ǀ puru ǀ rūpam ǀ dyauḥ-iva ǀ puṣyati ǀ nabhantām ǀ anyake ǀ same ǁ
08.041.06 (Mandala. Sukta. Rik)
6.3.27.01 (Ashtaka. Adhyaya. Varga. Rik)
08.05.161 (Mandala. Anuvāka. Rik)
Samhita Devanagari Accented
यस्मि॒न्विश्वा॑नि॒ काव्या॑ च॒क्रे नाभि॑रिव श्रि॒ता ।
त्रि॒तं जू॒ती स॑पर्यत व्र॒जे गावो॒ न सं॒युजे॑ यु॒जे अश्वाँ॑ अयुक्षत॒ नभं॑तामन्य॒के स॑मे ॥
Samhita Devanagari Nonaccented
यस्मिन्विश्वानि काव्या चक्रे नाभिरिव श्रिता ।
त्रितं जूती सपर्यत व्रजे गावो न संयुजे युजे अश्वाँ अयुक्षत नभंतामन्यके समे ॥
Samhita Transcription Accented
yásminvíśvāni kā́vyā cakré nā́bhiriva śritā́ ǀ
tritám jūtī́ saparyata vrajé gā́vo ná saṃyúje yujé áśvām̐ ayukṣata nábhantāmanyaké same ǁ
Samhita Transcription Nonaccented
yasminviśvāni kāvyā cakre nābhiriva śritā ǀ
tritam jūtī saparyata vraje gāvo na saṃyuje yuje aśvām̐ ayukṣata nabhantāmanyake same ǁ
Padapatha Devanagari Accented
यस्मि॑न् । विश्वा॑नि । काव्या॑ । च॒क्रे । नाभिः॑ऽइव । श्रि॒ता ।
त्रि॒तम् । जू॒ती । स॒प॒र्य॒त॒ । व्र॒जे । गावः॑ । न । स॒म्ऽयुजे॑ । यु॒जे । अश्वा॑न् । अ॒यु॒क्ष॒त॒ । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
यस्मिन् । विश्वानि । काव्या । चक्रे । नाभिःऽइव । श्रिता ।
त्रितम् । जूती । सपर्यत । व्रजे । गावः । न । सम्ऽयुजे । युजे । अश्वान् । अयुक्षत । नभन्ताम् । अन्यके । समे ॥
Padapatha Transcription Accented
yásmin ǀ víśvāni ǀ kā́vyā ǀ cakré ǀ nā́bhiḥ-iva ǀ śritā́ ǀ
tritám ǀ jūtī́ ǀ saparyata ǀ vrajé ǀ gā́vaḥ ǀ ná ǀ sam-yúje ǀ yujé ǀ áśvān ǀ ayukṣata ǀ nábhantām ǀ anyaké ǀ same ǁ
Padapatha Transcription Nonaccented
yasmin ǀ viśvāni ǀ kāvyā ǀ cakre ǀ nābhiḥ-iva ǀ śritā ǀ
tritam ǀ jūtī ǀ saparyata ǀ vraje ǀ gāvaḥ ǀ na ǀ sam-yuje ǀ yuje ǀ aśvān ǀ ayukṣata ǀ nabhantām ǀ anyake ǀ same ǁ
08.041.07 (Mandala. Sukta. Rik)
6.3.27.02 (Ashtaka. Adhyaya. Varga. Rik)
08.05.162 (Mandala. Anuvāka. Rik)
Samhita Devanagari Accented
य आ॒स्वत्क॑ आ॒शये॒ विश्वा॑ जा॒तान्ये॑षां ।
परि॒ धामा॑नि॒ मर्मृ॑श॒द्वरु॑णस्य पु॒रो गये॒ विश्वे॑ दे॒वा अनु॑ व्र॒तं नभं॑तामन्य॒के स॑मे ॥
Samhita Devanagari Nonaccented
य आस्वत्क आशये विश्वा जातान्येषां ।
परि धामानि मर्मृशद्वरुणस्य पुरो गये विश्वे देवा अनु व्रतं नभंतामन्यके समे ॥
Samhita Transcription Accented
yá āsvátka āśáye víśvā jātā́nyeṣām ǀ
pári dhā́māni mármṛśadváruṇasya puró gáye víśve devā́ ánu vratám nábhantāmanyaké same ǁ
Samhita Transcription Nonaccented
ya āsvatka āśaye viśvā jātānyeṣām ǀ
pari dhāmāni marmṛśadvaruṇasya puro gaye viśve devā anu vratam nabhantāmanyake same ǁ
Padapatha Devanagari Accented
यः । आ॒सु॒ । अत्कः॑ । आ॒ऽशये॑ । विश्वा॑ । जा॒तानि॑ । ए॒षा॒म् ।
परि॑ । धामा॑नि । मर्मृ॑शत् । वरु॑णस्य । पु॒रः । गये॑ । विश्वे॑ । दे॒वाः । अनु॑ । व्र॒तम् । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
यः । आसु । अत्कः । आऽशये । विश्वा । जातानि । एषाम् ।
परि । धामानि । मर्मृशत् । वरुणस्य । पुरः । गये । विश्वे । देवाः । अनु । व्रतम् । नभन्ताम् । अन्यके । समे ॥
Padapatha Transcription Accented
yáḥ ǀ āsu ǀ átkaḥ ǀ ā-śáye ǀ víśvā ǀ jātā́ni ǀ eṣām ǀ
pári ǀ dhā́māni ǀ mármṛśat ǀ váruṇasya ǀ puráḥ ǀ gáye ǀ víśve ǀ devā́ḥ ǀ ánu ǀ vratám ǀ nábhantām ǀ anyaké ǀ same ǁ
Padapatha Transcription Nonaccented
yaḥ ǀ āsu ǀ atkaḥ ǀ ā-śaye ǀ viśvā ǀ jātāni ǀ eṣām ǀ
pari ǀ dhāmāni ǀ marmṛśat ǀ varuṇasya ǀ puraḥ ǀ gaye ǀ viśve ǀ devāḥ ǀ anu ǀ vratam ǀ nabhantām ǀ anyake ǀ same ǁ
08.041.08 (Mandala. Sukta. Rik)
6.3.27.03 (Ashtaka. Adhyaya. Varga. Rik)
08.05.163 (Mandala. Anuvāka. Rik)
Samhita Devanagari Accented
स स॑मु॒द्रो अ॑पी॒च्य॑स्तु॒रो द्यामि॑व रोहति॒ नि यदा॑सु॒ यजु॑र्द॒धे ।
स मा॒या अ॒र्चिना॑ प॒दास्तृ॑णा॒न्नाक॒मारु॑ह॒न्नभं॑तामन्य॒के स॑मे ॥
Samhita Devanagari Nonaccented
स समुद्रो अपीच्यस्तुरो द्यामिव रोहति नि यदासु यजुर्दधे ।
स माया अर्चिना पदास्तृणान्नाकमारुहन्नभंतामन्यके समे ॥
Samhita Transcription Accented
sá samudró apīcyásturó dyā́miva rohati ní yádāsu yájurdadhé ǀ
sá māyā́ arcínā padā́stṛṇānnā́kamā́ruhannábhantāmanyaké same ǁ
Samhita Transcription Nonaccented
sa samudro apīcyasturo dyāmiva rohati ni yadāsu yajurdadhe ǀ
sa māyā arcinā padāstṛṇānnākamāruhannabhantāmanyake same ǁ
Padapatha Devanagari Accented
सः । स॒मु॒द्रः । अ॒पी॒च्यः॑ । तु॒रः । द्याम्ऽइ॑व । रो॒ह॒ति॒ । नि । यत् । आ॒सु॒ । यजुः॑ । द॒धे ।
सः । मा॒याः । अ॒र्चिना॑ । प॒दा । अस्तृ॑णात् । नाक॑म् । आ । अ॒रु॒ह॒त् । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
सः । समुद्रः । अपीच्यः । तुरः । द्याम्ऽइव । रोहति । नि । यत् । आसु । यजुः । दधे ।
सः । मायाः । अर्चिना । पदा । अस्तृणात् । नाकम् । आ । अरुहत् । नभन्ताम् । अन्यके । समे ॥
Padapatha Transcription Accented
sáḥ ǀ samudráḥ ǀ apīcyáḥ ǀ turáḥ ǀ dyā́m-iva ǀ rohati ǀ ní ǀ yát ǀ āsu ǀ yájuḥ ǀ dadhé ǀ
sáḥ ǀ māyā́ḥ ǀ arcínā ǀ padā́ ǀ ástṛṇāt ǀ nā́kam ǀ ā́ ǀ aruhat ǀ nábhantām ǀ anyaké ǀ same ǁ
Padapatha Transcription Nonaccented
saḥ ǀ samudraḥ ǀ apīcyaḥ ǀ turaḥ ǀ dyām-iva ǀ rohati ǀ ni ǀ yat ǀ āsu ǀ yajuḥ ǀ dadhe ǀ
saḥ ǀ māyāḥ ǀ arcinā ǀ padā ǀ astṛṇāt ǀ nākam ǀ ā ǀ aruhat ǀ nabhantām ǀ anyake ǀ same ǁ
08.041.09 (Mandala. Sukta. Rik)
6.3.27.04 (Ashtaka. Adhyaya. Varga. Rik)
08.05.164 (Mandala. Anuvāka. Rik)
Samhita Devanagari Accented
यस्य॑ श्वे॒ता वि॑चक्ष॒णा ति॒स्रो भूमी॑रधिक्षि॒तः ।
त्रिरुत्त॑राणि प॒प्रतु॒र्वरु॑णस्य ध्रु॒वं सदः॒ स स॑प्ता॒नामि॑रज्यति॒ नभं॑तामन्य॒के स॑मे ॥
Samhita Devanagari Nonaccented
यस्य श्वेता विचक्षणा तिस्रो भूमीरधिक्षितः ।
त्रिरुत्तराणि पप्रतुर्वरुणस्य ध्रुवं सदः स सप्तानामिरज्यति नभंतामन्यके समे ॥
Samhita Transcription Accented
yásya śvetā́ vicakṣaṇā́ tisró bhū́mīradhikṣitáḥ ǀ
trírúttarāṇi papráturváruṇasya dhruvám sádaḥ sá saptānā́mirajyati nábhantāmanyaké same ǁ
Samhita Transcription Nonaccented
yasya śvetā vicakṣaṇā tisro bhūmīradhikṣitaḥ ǀ
triruttarāṇi papraturvaruṇasya dhruvam sadaḥ sa saptānāmirajyati nabhantāmanyake same ǁ
Padapatha Devanagari Accented
यस्य॑ । श्वे॒ता । वि॒ऽच॒क्ष॒णा । ति॒स्रः । भूमीः॑ । अ॒धि॒ऽक्षि॒तः ।
त्रिः । उत्ऽत॑राणि । प॒प्रतुः॑ । वरु॑णस्य । ध्रु॒वम् । सदः॑ । सः । स॒प्ता॒नाम् । इ॒र॒ज्य॒ति॒ । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
यस्य । श्वेता । विऽचक्षणा । तिस्रः । भूमीः । अधिऽक्षितः ।
त्रिः । उत्ऽतराणि । पप्रतुः । वरुणस्य । ध्रुवम् । सदः । सः । सप्तानाम् । इरज्यति । नभन्ताम् । अन्यके । समे ॥
Padapatha Transcription Accented
yásya ǀ śvetā́ ǀ vi-cakṣaṇā́ ǀ tisráḥ ǀ bhū́mīḥ ǀ adhi-kṣitáḥ ǀ
tríḥ ǀ út-tarāṇi ǀ paprátuḥ ǀ váruṇasya ǀ dhruvám ǀ sádaḥ ǀ sáḥ ǀ saptānā́m ǀ irajyati ǀ nábhantām ǀ anyaké ǀ same ǁ
Padapatha Transcription Nonaccented
yasya ǀ śvetā ǀ vi-cakṣaṇā ǀ tisraḥ ǀ bhūmīḥ ǀ adhi-kṣitaḥ ǀ
triḥ ǀ ut-tarāṇi ǀ papratuḥ ǀ varuṇasya ǀ dhruvam ǀ sadaḥ ǀ saḥ ǀ saptānām ǀ irajyati ǀ nabhantām ǀ anyake ǀ same ǁ
08.041.10 (Mandala. Sukta. Rik)
6.3.27.05 (Ashtaka. Adhyaya. Varga. Rik)
08.05.165 (Mandala. Anuvāka. Rik)
Samhita Devanagari Accented
यः श्वे॒ताँ अधि॑निर्णिजश्च॒क्रे कृ॒ष्णाँ अनु॑ व्र॒ता ।
स धाम॑ पू॒र्व्यं म॑मे॒ यः स्कं॒भेन॒ वि रोद॑सी अ॒जो न द्यामधा॑रय॒न्नभं॑तामन्य॒के स॑मे ॥
Samhita Devanagari Nonaccented
यः श्वेताँ अधिनिर्णिजश्चक्रे कृष्णाँ अनु व्रता ।
स धाम पूर्व्यं ममे यः स्कंभेन वि रोदसी अजो न द्यामधारयन्नभंतामन्यके समे ॥
Samhita Transcription Accented
yáḥ śvetā́m̐ ádhinirṇijaścakré kṛṣṇā́m̐ ánu vratā́ ǀ
sá dhā́ma pūrvyám mame yáḥ skambhéna ví ródasī ajó ná dyā́mádhārayannábhantāmanyaké same ǁ
Samhita Transcription Nonaccented
yaḥ śvetām̐ adhinirṇijaścakre kṛṣṇām̐ anu vratā ǀ
sa dhāma pūrvyam mame yaḥ skambhena vi rodasī ajo na dyāmadhārayannabhantāmanyake same ǁ
Padapatha Devanagari Accented
यः । श्वे॒तान् । अधि॑ऽनिर्निजः । च॒क्रे । कृ॒ष्णान् । अनु॑ । व्र॒ता ।
सः । धाम॑ । पू॒र्व्यम् । म॒मे॒ । यः । स्क॒म्भेन॑ । वि । रोद॑सी॒ इति॑ । अ॒जः । न । द्याम् । अधा॑रयत् । नभ॑न्ताम् । अ॒न्य॒के । स॒मे॒ ॥
Padapatha Devanagari Nonaccented
यः । श्वेतान् । अधिऽनिर्निजः । चक्रे । कृष्णान् । अनु । व्रता ।
सः । धाम । पूर्व्यम् । ममे । यः । स्कम्भेन । वि । रोदसी इति । अजः । न । द्याम् । अधारयत् । नभन्ताम् । अन्यके । समे ॥
Padapatha Transcription Accented
yáḥ ǀ śvetā́n ǀ ádhi-nirnijaḥ ǀ cakré ǀ kṛṣṇā́n ǀ ánu ǀ vratā́ ǀ
sáḥ ǀ dhā́ma ǀ pūrvyám ǀ mame ǀ yáḥ ǀ skambhéna ǀ ví ǀ ródasī íti ǀ ajáḥ ǀ ná ǀ dyā́m ǀ ádhārayat ǀ nábhantām ǀ anyaké ǀ same ǁ
Padapatha Transcription Nonaccented
yaḥ ǀ śvetān ǀ adhi-nirnijaḥ ǀ cakre ǀ kṛṣṇān ǀ anu ǀ vratā ǀ
saḥ ǀ dhāma ǀ pūrvyam ǀ mame ǀ yaḥ ǀ skambhena ǀ vi ǀ rodasī iti ǀ ajaḥ ǀ na ǀ dyām ǀ adhārayat ǀ nabhantām ǀ anyake ǀ same ǁ