|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 46
|
1. Info |
| To: | 1-20, 29-31, 33: indra; 21-24: pṛthuśravas kānīta’s dānastuti; 25-28, 32: vāyu |
|
| From: | vaśa aśvya | |
| Metres: | 1st set of styles: virāḍgāyatrī (2, 10, 15, 29); nicṛdbṛhatī (7, 20, 27, 28); nicṛdgāyatrī (6, 13, 33); nicṛtpaṅkti (12, 22, 24); bṛhatī (21, 25, 32); gāyatrī (3, 23); svarāḍbṛhatī (9, 26); virāḍbṛhatī (11, 14); gāyatrī (pādanicṛdgāyatrī) (1); pratiṣṭhāgāyatrī (4); nicṛduṣṇik (5); virāḍanuṣṭup (8); bhuriguṣṇik (16); jagatī (17); anuṣṭup (18); bhuriganuṣṭup (19); ārcīsvarāḍgāyatrī (30); svarāḍgāyatrī (31) 2nd set of styles: gāyatrī (2-4, 6, 10, 23, 29, 33); bṛhatī (7, 11, 19, 25, 27); paṅkti (21, 22, 24, 32); satobṛhatī (9, 26, 28); pādanicṛt (1); kakubh (5); anuṣṭubh (8); viparītā (12); caturviṃśatikā dvipadā (13); pipīlikamadhyā bṛhatī (14); kakubh nyaṅkuśirā (15); virāj (16); jagatī (17); upariṣṭādbṛhatī (18); viṣamapadā (20); dvipadā virāj (30); uṣṇih (31) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.046.01 (Mandala. Sukta. Rik)
6.4.01.01 (Ashtaka. Adhyaya. Varga. Rik)
08.06.106 (Mandala. Anuvāka. Rik)
Samhita Devanagari Accented
त्वाव॑तः पुरूवसो व॒यमिं॑द्र प्रणेतः ।
स्मसि॑ स्थातर्हरीणां ॥
Samhita Devanagari Nonaccented
त्वावतः पुरूवसो वयमिंद्र प्रणेतः ।
स्मसि स्थातर्हरीणां ॥
Samhita Transcription Accented
tvā́vataḥ purūvaso vayámindra praṇetaḥ ǀ
smási sthātarharīṇām ǁ
Samhita Transcription Nonaccented
tvāvataḥ purūvaso vayamindra praṇetaḥ ǀ
smasi sthātarharīṇām ǁ
Padapatha Devanagari Accented
त्वाऽव॑तः । पु॒रु॒व॒सो॒ इति॑ पुरुऽवसो । व॒यम् । इ॒न्द्र॒ । प्र॒ने॒त॒रिति॑ प्रऽनेतः ।
स्मसि॑ । स्था॒तः॒ । ह॒री॒णा॒म् ॥
Padapatha Devanagari Nonaccented
त्वाऽवतः । पुरुवसो इति पुरुऽवसो । वयम् । इन्द्र । प्रनेतरिति प्रऽनेतः ।
स्मसि । स्थातः । हरीणाम् ॥
Padapatha Transcription Accented
tvā́-vataḥ ǀ puruvaso íti puru-vaso ǀ vayám ǀ indra ǀ pranetaríti pra-netaḥ ǀ
smási ǀ sthātaḥ ǀ harīṇām ǁ
Padapatha Transcription Nonaccented
tvā-vataḥ ǀ puruvaso iti puru-vaso ǀ vayam ǀ indra ǀ pranetariti pra-netaḥ ǀ
smasi ǀ sthātaḥ ǀ harīṇām ǁ
08.046.02 (Mandala. Sukta. Rik)
6.4.01.02 (Ashtaka. Adhyaya. Varga. Rik)
08.06.107 (Mandala. Anuvāka. Rik)
Samhita Devanagari Accented
त्वां हि स॒त्यम॑द्रिवो वि॒द्म दा॒तार॑मि॒षां ।
वि॒द्म दा॒तारं॑ रयी॒णां ॥
Samhita Devanagari Nonaccented
त्वां हि सत्यमद्रिवो विद्म दातारमिषां ।
विद्म दातारं रयीणां ॥
Samhita Transcription Accented
tvā́m hí satyámadrivo vidmá dātā́ramiṣā́m ǀ
vidmá dātā́ram rayīṇā́m ǁ
Samhita Transcription Nonaccented
tvām hi satyamadrivo vidma dātāramiṣām ǀ
vidma dātāram rayīṇām ǁ
Padapatha Devanagari Accented
त्वाम् । हि । स॒त्यम् । अ॒द्रि॒ऽवः॒ । वि॒द्म । दा॒तार॑म् । इ॒षाम् ।
वि॒द्म । दा॒तार॑म् । र॒यी॒णाम् ॥
Padapatha Devanagari Nonaccented
त्वाम् । हि । सत्यम् । अद्रिऽवः । विद्म । दातारम् । इषाम् ।
विद्म । दातारम् । रयीणाम् ॥
Padapatha Transcription Accented
tvā́m ǀ hí ǀ satyám ǀ adri-vaḥ ǀ vidmá ǀ dātā́ram ǀ iṣā́m ǀ
vidmá ǀ dātā́ram ǀ rayīṇā́m ǁ
Padapatha Transcription Nonaccented
tvām ǀ hi ǀ satyam ǀ adri-vaḥ ǀ vidma ǀ dātāram ǀ iṣām ǀ
vidma ǀ dātāram ǀ rayīṇām ǁ
08.046.03 (Mandala. Sukta. Rik)
6.4.01.03 (Ashtaka. Adhyaya. Varga. Rik)
08.06.108 (Mandala. Anuvāka. Rik)
Samhita Devanagari Accented
आ यस्य॑ ते महि॒मानं॒ शत॑मूते॒ शत॑क्रतो ।
गी॒र्भिर्गृ॒णंति॑ का॒रवः॑ ॥
Samhita Devanagari Nonaccented
आ यस्य ते महिमानं शतमूते शतक्रतो ।
गीर्भिर्गृणंति कारवः ॥
Samhita Transcription Accented
ā́ yásya te mahimā́nam śátamūte śátakrato ǀ
gīrbhírgṛṇánti kārávaḥ ǁ
Samhita Transcription Nonaccented
ā yasya te mahimānam śatamūte śatakrato ǀ
gīrbhirgṛṇanti kāravaḥ ǁ
Padapatha Devanagari Accented
आ । यस्य॑ । ते॒ । म॒हि॒मान॑म् । शत॑म्ऽऊते । शत॑क्रतो॒ इति॒ शत॑ऽक्रतो ।
गीः॒ऽभिः । गृ॒णन्ति॑ । का॒रवः॑ ॥
Padapatha Devanagari Nonaccented
आ । यस्य । ते । महिमानम् । शतम्ऽऊते । शतक्रतो इति शतऽक्रतो ।
गीःऽभिः । गृणन्ति । कारवः ॥
Padapatha Transcription Accented
ā́ ǀ yásya ǀ te ǀ mahimā́nam ǀ śátam-ūte ǀ śátakrato íti śáta-krato ǀ
gīḥ-bhíḥ ǀ gṛṇánti ǀ kārávaḥ ǁ
Padapatha Transcription Nonaccented
ā ǀ yasya ǀ te ǀ mahimānam ǀ śatam-ūte ǀ śatakrato iti śata-krato ǀ
gīḥ-bhiḥ ǀ gṛṇanti ǀ kāravaḥ ǁ
08.046.04 (Mandala. Sukta. Rik)
6.4.01.04 (Ashtaka. Adhyaya. Varga. Rik)
08.06.109 (Mandala. Anuvāka. Rik)
Samhita Devanagari Accented
सु॒नी॒थो घा॒ स मर्त्यो॒ यं म॒रुतो॒ यम॑र्य॒मा ।
मि॒त्रः पांत्य॒द्रुहः॑ ॥
Samhita Devanagari Nonaccented
सुनीथो घा स मर्त्यो यं मरुतो यमर्यमा ।
मित्रः पांत्यद्रुहः ॥
Samhita Transcription Accented
sunīthó ghā sá mártyo yám marúto yámaryamā́ ǀ
mitráḥ pā́ntyadrúhaḥ ǁ
Samhita Transcription Nonaccented
sunītho ghā sa martyo yam maruto yamaryamā ǀ
mitraḥ pāntyadruhaḥ ǁ
Padapatha Devanagari Accented
सु॒ऽनी॒थः । घ॒ । सः । मर्त्यः॑ । यम् । म॒रुतः॑ । यम् । अ॒र्य॒मा ।
मि॒त्रः । पान्ति॑ । अ॒द्रुहः॑ ॥
Padapatha Devanagari Nonaccented
सुऽनीथः । घ । सः । मर्त्यः । यम् । मरुतः । यम् । अर्यमा ।
मित्रः । पान्ति । अद्रुहः ॥
Padapatha Transcription Accented
su-nītháḥ ǀ gha ǀ sáḥ ǀ mártyaḥ ǀ yám ǀ marútaḥ ǀ yám ǀ aryamā́ ǀ
mitráḥ ǀ pā́nti ǀ adrúhaḥ ǁ
Padapatha Transcription Nonaccented
su-nīthaḥ ǀ gha ǀ saḥ ǀ martyaḥ ǀ yam ǀ marutaḥ ǀ yam ǀ aryamā ǀ
mitraḥ ǀ pānti ǀ adruhaḥ ǁ
08.046.05 (Mandala. Sukta. Rik)
6.4.01.05 (Ashtaka. Adhyaya. Varga. Rik)
08.06.110 (Mandala. Anuvāka. Rik)
Samhita Devanagari Accented
दधा॑नो॒ गोम॒दश्व॑वत्सु॒वीर्य॑मादि॒त्यजू॑त एधते ।
सदा॑ रा॒या पु॑रु॒स्पृहा॑ ॥
Samhita Devanagari Nonaccented
दधानो गोमदश्ववत्सुवीर्यमादित्यजूत एधते ।
सदा राया पुरुस्पृहा ॥
Samhita Transcription Accented
dádhāno gómadáśvavatsuvī́ryamādityájūta edhate ǀ
sádā rāyā́ puruspṛ́hā ǁ
Samhita Transcription Nonaccented
dadhāno gomadaśvavatsuvīryamādityajūta edhate ǀ
sadā rāyā puruspṛhā ǁ
Padapatha Devanagari Accented
दधा॑नः । गोऽम॑त् । अश्व॑ऽवत् । सु॒ऽवीर्य॑म् । आ॒दि॒त्यऽजू॑तः । ए॒ध॒ते॒ ।
सदा॑ । रा॒या । पु॒रु॒ऽस्पृहा॑ ॥
Padapatha Devanagari Nonaccented
दधानः । गोऽमत् । अश्वऽवत् । सुऽवीर्यम् । आदित्यऽजूतः । एधते ।
सदा । राया । पुरुऽस्पृहा ॥
Padapatha Transcription Accented
dádhānaḥ ǀ gó-mat ǀ áśva-vat ǀ su-vī́ryam ǀ ādityá-jūtaḥ ǀ edhate ǀ
sádā ǀ rāyā́ ǀ puru-spṛ́hā ǁ
Padapatha Transcription Nonaccented
dadhānaḥ ǀ go-mat ǀ aśva-vat ǀ su-vīryam ǀ āditya-jūtaḥ ǀ edhate ǀ
sadā ǀ rāyā ǀ puru-spṛhā ǁ
08.046.06 (Mandala. Sukta. Rik)
6.4.02.01 (Ashtaka. Adhyaya. Varga. Rik)
08.06.111 (Mandala. Anuvāka. Rik)
Samhita Devanagari Accented
तमिंद्रं॒ दान॑मीमहे शवसा॒नमभी॑र्वं ।
ईशा॑नं रा॒य ई॑महे ॥
Samhita Devanagari Nonaccented
तमिंद्रं दानमीमहे शवसानमभीर्वं ।
ईशानं राय ईमहे ॥
Samhita Transcription Accented
támíndram dā́namīmahe śavasānámábhīrvam ǀ
ī́śānam rāyá īmahe ǁ
Samhita Transcription Nonaccented
tamindram dānamīmahe śavasānamabhīrvam ǀ
īśānam rāya īmahe ǁ
Padapatha Devanagari Accented
तम् । इन्द्र॑म् । दान॑म् । ई॒म॒हे॒ । श॒व॒सा॒नम् । अभी॑र्वम् ।
ईशा॑नम् । रा॒यः । ई॒म॒हे॒ ॥
Padapatha Devanagari Nonaccented
तम् । इन्द्रम् । दानम् । ईमहे । शवसानम् । अभीर्वम् ।
ईशानम् । रायः । ईमहे ॥
Padapatha Transcription Accented
tám ǀ índram ǀ dā́nam ǀ īmahe ǀ śavasānám ǀ ábhīrvam ǀ
ī́śānam ǀ rāyáḥ ǀ īmahe ǁ
Padapatha Transcription Nonaccented
tam ǀ indram ǀ dānam ǀ īmahe ǀ śavasānam ǀ abhīrvam ǀ
īśānam ǀ rāyaḥ ǀ īmahe ǁ
08.046.07 (Mandala. Sukta. Rik)
6.4.02.02 (Ashtaka. Adhyaya. Varga. Rik)
08.06.112 (Mandala. Anuvāka. Rik)
Samhita Devanagari Accented
तस्मि॒न्हि संत्यू॒तयो॒ विश्वा॒ अभी॑रवः॒ सचा॑ ।
तमा व॑हंतु॒ सप्त॑यः पुरू॒वसुं॒ मदा॑य॒ हर॑यः सु॒तं ॥
Samhita Devanagari Nonaccented
तस्मिन्हि संत्यूतयो विश्वा अभीरवः सचा ।
तमा वहंतु सप्तयः पुरूवसुं मदाय हरयः सुतं ॥
Samhita Transcription Accented
tásminhí sántyūtáyo víśvā ábhīravaḥ sácā ǀ
támā́ vahantu sáptayaḥ purūvásum mádāya hárayaḥ sutám ǁ
Samhita Transcription Nonaccented
tasminhi santyūtayo viśvā abhīravaḥ sacā ǀ
tamā vahantu saptayaḥ purūvasum madāya harayaḥ sutam ǁ
Padapatha Devanagari Accented
तस्मि॑न् । हि । सन्ति॑ । ऊ॒तयः॑ । विश्वाः॑ । अभी॑रवः । सचा॑ ।
तम् । आ । व॒ह॒न्तु॒ । सप्त॑यः । पु॒रु॒ऽवसु॑म् । मदा॑य । हर॑यः । सु॒तम् ॥
Padapatha Devanagari Nonaccented
तस्मिन् । हि । सन्ति । ऊतयः । विश्वाः । अभीरवः । सचा ।
तम् । आ । वहन्तु । सप्तयः । पुरुऽवसुम् । मदाय । हरयः । सुतम् ॥
Padapatha Transcription Accented
tásmin ǀ hí ǀ sánti ǀ ūtáyaḥ ǀ víśvāḥ ǀ ábhīravaḥ ǀ sácā ǀ
tám ǀ ā́ ǀ vahantu ǀ sáptayaḥ ǀ puru-vásum ǀ mádāya ǀ hárayaḥ ǀ sutám ǁ
Padapatha Transcription Nonaccented
tasmin ǀ hi ǀ santi ǀ ūtayaḥ ǀ viśvāḥ ǀ abhīravaḥ ǀ sacā ǀ
tam ǀ ā ǀ vahantu ǀ saptayaḥ ǀ puru-vasum ǀ madāya ǀ harayaḥ ǀ sutam ǁ
08.046.08 (Mandala. Sukta. Rik)
6.4.02.03 (Ashtaka. Adhyaya. Varga. Rik)
08.06.113 (Mandala. Anuvāka. Rik)
Samhita Devanagari Accented
यस्ते॒ मदो॒ वरे॑ण्यो॒ य इं॑द्र वृत्र॒हंत॑मः ।
य आ॑द॒दिः स्व१॒॑र्नृभि॒र्यः पृत॑नासु दु॒ष्टरः॑ ॥
Samhita Devanagari Nonaccented
यस्ते मदो वरेण्यो य इंद्र वृत्रहंतमः ।
य आददिः स्वर्नृभिर्यः पृतनासु दुष्टरः ॥
Samhita Transcription Accented
yáste mádo váreṇyo yá indra vṛtrahántamaḥ ǀ
yá ādadíḥ svárnṛ́bhiryáḥ pṛ́tanāsu duṣṭáraḥ ǁ
Samhita Transcription Nonaccented
yaste mado vareṇyo ya indra vṛtrahantamaḥ ǀ
ya ādadiḥ svarnṛbhiryaḥ pṛtanāsu duṣṭaraḥ ǁ
Padapatha Devanagari Accented
यः । ते॒ । मदः॑ । वरे॑ण्यः । यः । इ॒न्द्र॒ । वृ॒त्र॒हन्ऽत॑मः ।
यः । आ॒ऽद॒दिः । स्वः॑ । नृऽभिः॑ । यः । पृत॑नासु । दु॒स्तरः॑ ॥
Padapatha Devanagari Nonaccented
यः । ते । मदः । वरेण्यः । यः । इन्द्र । वृत्रहन्ऽतमः ।
यः । आऽददिः । स्वः । नृऽभिः । यः । पृतनासु । दुस्तरः ॥
Padapatha Transcription Accented
yáḥ ǀ te ǀ mádaḥ ǀ váreṇyaḥ ǀ yáḥ ǀ indra ǀ vṛtrahán-tamaḥ ǀ
yáḥ ǀ ā-dadíḥ ǀ sváḥ ǀ nṛ́-bhiḥ ǀ yáḥ ǀ pṛ́tanāsu ǀ dustáraḥ ǁ
Padapatha Transcription Nonaccented
yaḥ ǀ te ǀ madaḥ ǀ vareṇyaḥ ǀ yaḥ ǀ indra ǀ vṛtrahan-tamaḥ ǀ
yaḥ ǀ ā-dadiḥ ǀ svaḥ ǀ nṛ-bhiḥ ǀ yaḥ ǀ pṛtanāsu ǀ dustaraḥ ǁ
08.046.09 (Mandala. Sukta. Rik)
6.4.02.04 (Ashtaka. Adhyaya. Varga. Rik)
08.06.114 (Mandala. Anuvāka. Rik)
Samhita Devanagari Accented
यो दु॒ष्टरो॑ विश्ववार श्र॒वाय्यो॒ वाजे॒ष्वस्ति॑ तरु॒ता ।
स नः॑ शविष्ठ॒ सव॒ना व॑सो गहि ग॒मेम॒ गोम॑ति व्र॒जे ॥
Samhita Devanagari Nonaccented
यो दुष्टरो विश्ववार श्रवाय्यो वाजेष्वस्ति तरुता ।
स नः शविष्ठ सवना वसो गहि गमेम गोमति व्रजे ॥
Samhita Transcription Accented
yó duṣṭáro viśvavāra śravā́yyo vā́jeṣvásti tarutā́ ǀ
sá naḥ śaviṣṭha sávanā́ vaso gahi gaméma gómati vrajé ǁ
Samhita Transcription Nonaccented
yo duṣṭaro viśvavāra śravāyyo vājeṣvasti tarutā ǀ
sa naḥ śaviṣṭha savanā vaso gahi gamema gomati vraje ǁ
Padapatha Devanagari Accented
यः । दु॒स्तरः॑ । वि॒श्व॒ऽवा॒र॒ । श्र॒वाय्यः॑ । वाजे॑षु । अस्ति॑ । त॒रु॒ता ।
सः । नः॒ । श॒वि॒ष्ठ॒ । सव॑ना । आ । व॒सो॒ इति॑ । ग॒हि॒ । ग॒मेम॑ । गोऽम॑ति । व्र॒जे ॥
Padapatha Devanagari Nonaccented
यः । दुस्तरः । विश्वऽवार । श्रवाय्यः । वाजेषु । अस्ति । तरुता ।
सः । नः । शविष्ठ । सवना । आ । वसो इति । गहि । गमेम । गोऽमति । व्रजे ॥
Padapatha Transcription Accented
yáḥ ǀ dustáraḥ ǀ viśva-vāra ǀ śravā́yyaḥ ǀ vā́jeṣu ǀ ásti ǀ tarutā́ ǀ
sáḥ ǀ naḥ ǀ śaviṣṭha ǀ sávanā ǀ ā́ ǀ vaso íti ǀ gahi ǀ gaméma ǀ gó-mati ǀ vrajé ǁ
Padapatha Transcription Nonaccented
yaḥ ǀ dustaraḥ ǀ viśva-vāra ǀ śravāyyaḥ ǀ vājeṣu ǀ asti ǀ tarutā ǀ
saḥ ǀ naḥ ǀ śaviṣṭha ǀ savanā ǀ ā ǀ vaso iti ǀ gahi ǀ gamema ǀ go-mati ǀ vraje ǁ
08.046.10 (Mandala. Sukta. Rik)
6.4.02.05 (Ashtaka. Adhyaya. Varga. Rik)
08.06.115 (Mandala. Anuvāka. Rik)
Samhita Devanagari Accented
ग॒व्यो षु णो॒ यथा॑ पु॒राश्व॒योत र॑थ॒या ।
व॒रि॒व॒स्य म॑हामह ॥
Samhita Devanagari Nonaccented
गव्यो षु णो यथा पुराश्वयोत रथया ।
वरिवस्य महामह ॥
Samhita Transcription Accented
gavyó ṣú ṇo yáthā purā́śvayótá rathayā́ ǀ
varivasyá mahāmaha ǁ
Samhita Transcription Nonaccented
gavyo ṣu ṇo yathā purāśvayota rathayā ǀ
varivasya mahāmaha ǁ
Padapatha Devanagari Accented
ग॒व्यो इति॑ । सु । नः॒ । यथा॑ । पु॒रा । अ॒श्व॒ऽया । उ॒त । र॒थ॒ऽया ।
व॒रि॒व॒स्य । म॒हा॒ऽम॒ह॒ ॥
Padapatha Devanagari Nonaccented
गव्यो इति । सु । नः । यथा । पुरा । अश्वऽया । उत । रथऽया ।
वरिवस्य । महाऽमह ॥
Padapatha Transcription Accented
gavyó íti ǀ sú ǀ naḥ ǀ yáthā ǀ purā́ ǀ aśva-yā́ ǀ utá ǀ ratha-yā́ ǀ
varivasyá ǀ mahā-maha ǁ
Padapatha Transcription Nonaccented
gavyo iti ǀ su ǀ naḥ ǀ yathā ǀ purā ǀ aśva-yā ǀ uta ǀ ratha-yā ǀ
varivasya ǀ mahā-maha ǁ
08.046.11 (Mandala. Sukta. Rik)
6.4.03.01 (Ashtaka. Adhyaya. Varga. Rik)
08.06.116 (Mandala. Anuvāka. Rik)
Samhita Devanagari Accented
न॒हि ते॑ शूर॒ राध॒सोऽंतं॑ विं॒दामि॑ स॒त्रा ।
द॒श॒स्या नो॑ मघव॒न्नू चि॑दद्रिवो॒ धियो॒ वाजे॑भिराविथ ॥
Samhita Devanagari Nonaccented
नहि ते शूर राधसोऽंतं विंदामि सत्रा ।
दशस्या नो मघवन्नू चिदद्रिवो धियो वाजेभिराविथ ॥
Samhita Transcription Accented
nahí te śūra rā́dhasó’ntam vindā́mi satrā́ ǀ
daśasyā́ no maghavannū́ cidadrivo dhíyo vā́jebhirāvitha ǁ
Samhita Transcription Nonaccented
nahi te śūra rādhaso’ntam vindāmi satrā ǀ
daśasyā no maghavannū cidadrivo dhiyo vājebhirāvitha ǁ
Padapatha Devanagari Accented
न॒हि । ते॒ । शू॒र॒ । राध॑सः । अन्त॑म् । वि॒न्दामि॑ । स॒त्रा ।
द॒श॒स्य । नः॒ । म॒घ॒ऽव॒न् । नु । चि॒त् । अ॒द्रि॒ऽवः॒ । धियः॑ । वाजे॑भिः । आ॒वि॒थ॒ ॥
Padapatha Devanagari Nonaccented
नहि । ते । शूर । राधसः । अन्तम् । विन्दामि । सत्रा ।
दशस्य । नः । मघऽवन् । नु । चित् । अद्रिऽवः । धियः । वाजेभिः । आविथ ॥
Padapatha Transcription Accented
nahí ǀ te ǀ śūra ǀ rā́dhasaḥ ǀ ántam ǀ vindā́mi ǀ satrā́ ǀ
daśasyá ǀ naḥ ǀ magha-van ǀ nú ǀ cit ǀ adri-vaḥ ǀ dhíyaḥ ǀ vā́jebhiḥ ǀ āvitha ǁ
Padapatha Transcription Nonaccented
nahi ǀ te ǀ śūra ǀ rādhasaḥ ǀ antam ǀ vindāmi ǀ satrā ǀ
daśasya ǀ naḥ ǀ magha-van ǀ nu ǀ cit ǀ adri-vaḥ ǀ dhiyaḥ ǀ vājebhiḥ ǀ āvitha ǁ
08.046.12 (Mandala. Sukta. Rik)
6.4.03.02 (Ashtaka. Adhyaya. Varga. Rik)
08.06.117 (Mandala. Anuvāka. Rik)
Samhita Devanagari Accented
य ऋ॒ष्वः श्रा॑व॒यत्स॑खा॒ विश्वेत्स वे॑द॒ जनि॑मा पुरुष्टु॒तः ।
तं विश्वे॒ मानु॑षा यु॒गेंद्रं॑ हवंते तवि॒षं य॒तस्रु॑चः ॥
Samhita Devanagari Nonaccented
य ऋष्वः श्रावयत्सखा विश्वेत्स वेद जनिमा पुरुष्टुतः ।
तं विश्वे मानुषा युगेंद्रं हवंते तविषं यतस्रुचः ॥
Samhita Transcription Accented
yá ṛṣváḥ śrāvayátsakhā víśvétsá veda jánimā puruṣṭutáḥ ǀ
tám víśve mā́nuṣā yugéndram havante taviṣám yatásrucaḥ ǁ
Samhita Transcription Nonaccented
ya ṛṣvaḥ śrāvayatsakhā viśvetsa veda janimā puruṣṭutaḥ ǀ
tam viśve mānuṣā yugendram havante taviṣam yatasrucaḥ ǁ
Padapatha Devanagari Accented
यः । ऋ॒ष्वः । श्र॒व॒यत्ऽस॑खा । विश्वा॑ । इत् । सः । वे॒द॒ । जनि॑म । पु॒रु॒ऽस्तु॒तः ।
तम् । विश्वे॑ । मानु॑षा । यु॒गा । इन्द्र॑म् । ह॒व॒न्ते॒ । त॒वि॒षम् । य॒तऽस्रु॑चः ॥
Padapatha Devanagari Nonaccented
यः । ऋष्वः । श्रवयत्ऽसखा । विश्वा । इत् । सः । वेद । जनिम । पुरुऽस्तुतः ।
तम् । विश्वे । मानुषा । युगा । इन्द्रम् । हवन्ते । तविषम् । यतऽस्रुचः ॥
Padapatha Transcription Accented
yáḥ ǀ ṛṣváḥ ǀ śravayát-sakhā ǀ víśvā ǀ ít ǀ sáḥ ǀ veda ǀ jánima ǀ puru-stutáḥ ǀ
tám ǀ víśve ǀ mā́nuṣā ǀ yugā́ ǀ índram ǀ havante ǀ taviṣám ǀ yatá-srucaḥ ǁ
Padapatha Transcription Nonaccented
yaḥ ǀ ṛṣvaḥ ǀ śravayat-sakhā ǀ viśvā ǀ it ǀ saḥ ǀ veda ǀ janima ǀ puru-stutaḥ ǀ
tam ǀ viśve ǀ mānuṣā ǀ yugā ǀ indram ǀ havante ǀ taviṣam ǀ yata-srucaḥ ǁ
08.046.13 (Mandala. Sukta. Rik)
6.4.03.03 (Ashtaka. Adhyaya. Varga. Rik)
08.06.118 (Mandala. Anuvāka. Rik)
Samhita Devanagari Accented
स नो॒ वाजे॑ष्ववि॒ता पु॑रू॒वसुः॑ पुरःस्था॒ता म॒घवा॑ वृत्र॒हा भु॑वत् ॥
Samhita Devanagari Nonaccented
स नो वाजेष्वविता पुरूवसुः पुरःस्थाता मघवा वृत्रहा भुवत् ॥
Samhita Transcription Accented
sá no vā́jeṣvavitā́ purūvásuḥ puraḥsthātā́ maghávā vṛtrahā́ bhuvat ǁ
Samhita Transcription Nonaccented
sa no vājeṣvavitā purūvasuḥ puraḥsthātā maghavā vṛtrahā bhuvat ǁ
Padapatha Devanagari Accented
सः । नः॒ । वाजे॑षु । अ॒वि॒ता । पु॒रु॒ऽवसुः॑ । पु॒रः॒ऽस्था॒ता । म॒घऽवा॑ । वृ॒त्र॒ऽहा । भु॒व॒त् ॥
Padapatha Devanagari Nonaccented
सः । नः । वाजेषु । अविता । पुरुऽवसुः । पुरःऽस्थाता । मघऽवा । वृत्रऽहा । भुवत् ॥
Padapatha Transcription Accented
sáḥ ǀ naḥ ǀ vā́jeṣu ǀ avitā́ ǀ puru-vásuḥ ǀ puraḥ-sthātā́ ǀ maghá-vā ǀ vṛtra-hā́ ǀ bhuvat ǁ
Padapatha Transcription Nonaccented
saḥ ǀ naḥ ǀ vājeṣu ǀ avitā ǀ puru-vasuḥ ǀ puraḥ-sthātā ǀ magha-vā ǀ vṛtra-hā ǀ bhuvat ǁ
08.046.14 (Mandala. Sukta. Rik)
6.4.03.04 (Ashtaka. Adhyaya. Varga. Rik)
08.06.119 (Mandala. Anuvāka. Rik)
Samhita Devanagari Accented
अ॒भि वो॑ वी॒रमंध॑सो॒ मदे॑षु गाय गि॒रा म॒हा विचे॑तसं ।
इंद्रं॒ नाम॒ श्रुत्यं॑ शा॒किनं॒ वचो॒ यथा॑ ॥
Samhita Devanagari Nonaccented
अभि वो वीरमंधसो मदेषु गाय गिरा महा विचेतसं ।
इंद्रं नाम श्रुत्यं शाकिनं वचो यथा ॥
Samhita Transcription Accented
abhí vo vīrámándhaso mádeṣu gāya girā́ mahā́ vícetasam ǀ
índram nā́ma śrútyam śākínam váco yáthā ǁ
Samhita Transcription Nonaccented
abhi vo vīramandhaso madeṣu gāya girā mahā vicetasam ǀ
indram nāma śrutyam śākinam vaco yathā ǁ
Padapatha Devanagari Accented
अ॒भि । वः॒ । वी॒रम् । अन्ध॑सः । मदे॑षु । गा॒य॒ । गि॒रा । म॒हा । विऽचे॑तसम् ।
इन्द्र॑म् । नाम॑ । श्रुत्य॑म् । शा॒किन॑म् । वचः॑ । यथा॑ ॥
Padapatha Devanagari Nonaccented
अभि । वः । वीरम् । अन्धसः । मदेषु । गाय । गिरा । महा । विऽचेतसम् ।
इन्द्रम् । नाम । श्रुत्यम् । शाकिनम् । वचः । यथा ॥
Padapatha Transcription Accented
abhí ǀ vaḥ ǀ vīrám ǀ ándhasaḥ ǀ mádeṣu ǀ gāya ǀ girā́ ǀ mahā́ ǀ ví-cetasam ǀ
índram ǀ nā́ma ǀ śrútyam ǀ śākínam ǀ vácaḥ ǀ yáthā ǁ
Padapatha Transcription Nonaccented
abhi ǀ vaḥ ǀ vīram ǀ andhasaḥ ǀ madeṣu ǀ gāya ǀ girā ǀ mahā ǀ vi-cetasam ǀ
indram ǀ nāma ǀ śrutyam ǀ śākinam ǀ vacaḥ ǀ yathā ǁ
08.046.15 (Mandala. Sukta. Rik)
6.4.03.05 (Ashtaka. Adhyaya. Varga. Rik)
08.06.120 (Mandala. Anuvāka. Rik)
Samhita Devanagari Accented
द॒दी रेक्ण॑स्त॒न्वे॑ द॒दिर्वसु॑ द॒दिर्वाजे॑षु पुरुहूत वा॒जिनं॑ ।
नू॒नमथ॑ ॥
Samhita Devanagari Nonaccented
ददी रेक्णस्तन्वे ददिर्वसु ददिर्वाजेषु पुरुहूत वाजिनं ।
नूनमथ ॥
Samhita Transcription Accented
dadī́ rékṇastanvé dadírvásu dadírvā́jeṣu puruhūta vājínam ǀ
nūnámátha ǁ
Samhita Transcription Nonaccented
dadī rekṇastanve dadirvasu dadirvājeṣu puruhūta vājinam ǀ
nūnamatha ǁ
Padapatha Devanagari Accented
द॒दिः । रेक्णः॑ । त॒न्वे॑ । द॒दिः । वसु॑ । द॒दिः । वाजे॑षु । पु॒रु॒ऽहू॒त॒ । वा॒जिन॑म् ।
नू॒नम् । अथ॑ ॥
Padapatha Devanagari Nonaccented
ददिः । रेक्णः । तन्वे । ददिः । वसु । ददिः । वाजेषु । पुरुऽहूत । वाजिनम् ।
नूनम् । अथ ॥
Padapatha Transcription Accented
dadíḥ ǀ rékṇaḥ ǀ tanvé ǀ dadíḥ ǀ vásu ǀ dadíḥ ǀ vā́jeṣu ǀ puru-hūta ǀ vājínam ǀ
nūnám ǀ átha ǁ
Padapatha Transcription Nonaccented
dadiḥ ǀ rekṇaḥ ǀ tanve ǀ dadiḥ ǀ vasu ǀ dadiḥ ǀ vājeṣu ǀ puru-hūta ǀ vājinam ǀ
nūnam ǀ atha ǁ
08.046.16 (Mandala. Sukta. Rik)
6.4.04.01 (Ashtaka. Adhyaya. Varga. Rik)
08.06.121 (Mandala. Anuvāka. Rik)
Samhita Devanagari Accented
विश्वे॑षामिर॒ज्यंतं॒ वसू॑नां सास॒ह्वांसं॑ चिद॒स्य वर्प॑सः ।
कृ॒प॒य॒तो नू॒नमत्यथ॑ ॥
Samhita Devanagari Nonaccented
विश्वेषामिरज्यंतं वसूनां सासह्वांसं चिदस्य वर्पसः ।
कृपयतो नूनमत्यथ ॥
Samhita Transcription Accented
víśveṣāmirajyántam vásūnām sāsahvā́ṃsam cidasyá várpasaḥ ǀ
kṛpayató nūnámátyátha ǁ
Samhita Transcription Nonaccented
viśveṣāmirajyantam vasūnām sāsahvāṃsam cidasya varpasaḥ ǀ
kṛpayato nūnamatyatha ǁ
Padapatha Devanagari Accented
विश्वे॑षाम् । इ॒र॒ज्यन्त॑म् । वसू॑नाम् । स॒स॒ह्वांस॑म् । चि॒त् । अ॒स्य । वर्प॑सः ।
कृ॒प॒ऽय॒तः । नू॒नम् । अति॑ । अथ॑ ॥
Padapatha Devanagari Nonaccented
विश्वेषाम् । इरज्यन्तम् । वसूनाम् । ससह्वांसम् । चित् । अस्य । वर्पसः ।
कृपऽयतः । नूनम् । अति । अथ ॥
Padapatha Transcription Accented
víśveṣām ǀ irajyántam ǀ vásūnām ǀ sasahvā́ṃsam ǀ cit ǀ asyá ǀ várpasaḥ ǀ
kṛpa-yatáḥ ǀ nūnám ǀ áti ǀ átha ǁ
Padapatha Transcription Nonaccented
viśveṣām ǀ irajyantam ǀ vasūnām ǀ sasahvāṃsam ǀ cit ǀ asya ǀ varpasaḥ ǀ
kṛpa-yataḥ ǀ nūnam ǀ ati ǀ atha ǁ
08.046.17 (Mandala. Sukta. Rik)
6.4.04.02 (Ashtaka. Adhyaya. Varga. Rik)
08.06.122 (Mandala. Anuvāka. Rik)
Samhita Devanagari Accented
म॒हः सु वो॒ अर॑मिषे॒ स्तवा॑महे मी॒ळ्हुषे॑ अरंग॒माय॒ जग्म॑ये ।
य॒ज्ञेभि॑र्गी॒र्भिर्वि॒श्वम॑नुषां म॒रुता॑मियक्षसि॒ गाये॑ त्वा॒ नम॑सा गि॒रा ॥
Samhita Devanagari Nonaccented
महः सु वो अरमिषे स्तवामहे मीळ्हुषे अरंगमाय जग्मये ।
यज्ञेभिर्गीर्भिर्विश्वमनुषां मरुतामियक्षसि गाये त्वा नमसा गिरा ॥
Samhita Transcription Accented
maháḥ sú vo áramiṣe stávāmahe mīḷhúṣe araṃgamā́ya jágmaye ǀ
yajñébhirgīrbhírviśvámanuṣām marútāmiyakṣasi gā́ye tvā námasā girā́ ǁ
Samhita Transcription Nonaccented
mahaḥ su vo aramiṣe stavāmahe mīḷhuṣe araṃgamāya jagmaye ǀ
yajñebhirgīrbhirviśvamanuṣām marutāmiyakṣasi gāye tvā namasā girā ǁ
Padapatha Devanagari Accented
म॒हः । सु । वः॒ । अर॑म् । इ॒षे॒ । स्तवा॑महे । मी॒ळ्हुषे॑ । अ॒र॒म्ऽग॒माय॑ । जग्म॑ये ।
य॒ज्ञेभिः॑ । गीः॒ऽभिः । वि॒श्वऽम॑नुषाम् । म॒रुता॑म् । इ॒य॒क्ष॒सि॒ । गाये॑ । त्वा॒ । नम॑सा । गि॒रा ॥
Padapatha Devanagari Nonaccented
महः । सु । वः । अरम् । इषे । स्तवामहे । मीळ्हुषे । अरम्ऽगमाय । जग्मये ।
यज्ञेभिः । गीःऽभिः । विश्वऽमनुषाम् । मरुताम् । इयक्षसि । गाये । त्वा । नमसा । गिरा ॥
Padapatha Transcription Accented
maháḥ ǀ sú ǀ vaḥ ǀ áram ǀ iṣe ǀ stávāmahe ǀ mīḷhúṣe ǀ aram-gamā́ya ǀ jágmaye ǀ
yajñébhiḥ ǀ gīḥ-bhíḥ ǀ viśvá-manuṣām ǀ marútām ǀ iyakṣasi ǀ gā́ye ǀ tvā ǀ námasā ǀ girā́ ǁ
Padapatha Transcription Nonaccented
mahaḥ ǀ su ǀ vaḥ ǀ aram ǀ iṣe ǀ stavāmahe ǀ mīḷhuṣe ǀ aram-gamāya ǀ jagmaye ǀ
yajñebhiḥ ǀ gīḥ-bhiḥ ǀ viśva-manuṣām ǀ marutām ǀ iyakṣasi ǀ gāye ǀ tvā ǀ namasā ǀ girā ǁ
08.046.18 (Mandala. Sukta. Rik)
6.4.04.03 (Ashtaka. Adhyaya. Varga. Rik)
08.06.123 (Mandala. Anuvāka. Rik)
Samhita Devanagari Accented
ये पा॒तयं॑ते॒ अज्म॑भिर्गिरी॒णां स्नुभि॑रेषां ।
य॒ज्ञं म॑हि॒ष्वणी॑नां सु॒म्नं तु॑वि॒ष्वणी॑नां॒ प्राध्व॒रे ॥
Samhita Devanagari Nonaccented
ये पातयंते अज्मभिर्गिरीणां स्नुभिरेषां ।
यज्ञं महिष्वणीनां सुम्नं तुविष्वणीनां प्राध्वरे ॥
Samhita Transcription Accented
yé pātáyante ájmabhirgirīṇā́m snúbhireṣām ǀ
yajñám mahiṣváṇīnām sumnám tuviṣváṇīnām prā́dhvaré ǁ
Samhita Transcription Nonaccented
ye pātayante ajmabhirgirīṇām snubhireṣām ǀ
yajñam mahiṣvaṇīnām sumnam tuviṣvaṇīnām prādhvare ǁ
Padapatha Devanagari Accented
ये । पा॒तय॑न्ते । अज्म॑ऽभिः । गि॒री॒णाम् । स्नुऽभिः॑ । ए॒षा॒म् ।
य॒ज्ञम् । म॒हि॒ऽस्वनी॑नाम् । सु॒म्नम् । तु॒वि॒ऽस्वनी॑नाम् । प्र । अ॒ध्व॒रे ॥
Padapatha Devanagari Nonaccented
ये । पातयन्ते । अज्मऽभिः । गिरीणाम् । स्नुऽभिः । एषाम् ।
यज्ञम् । महिऽस्वनीनाम् । सुम्नम् । तुविऽस्वनीनाम् । प्र । अध्वरे ॥
Padapatha Transcription Accented
yé ǀ pātáyante ǀ ájma-bhiḥ ǀ girīṇā́m ǀ snú-bhiḥ ǀ eṣām ǀ
yajñám ǀ mahi-svánīnām ǀ sumnám ǀ tuvi-svánīnām ǀ prá ǀ adhvaré ǁ
Padapatha Transcription Nonaccented
ye ǀ pātayante ǀ ajma-bhiḥ ǀ girīṇām ǀ snu-bhiḥ ǀ eṣām ǀ
yajñam ǀ mahi-svanīnām ǀ sumnam ǀ tuvi-svanīnām ǀ pra ǀ adhvare ǁ
08.046.19 (Mandala. Sukta. Rik)
6.4.04.04 (Ashtaka. Adhyaya. Varga. Rik)
08.06.124 (Mandala. Anuvāka. Rik)
Samhita Devanagari Accented
प्र॒भं॒गं दु॑र्मती॒नामिंद्र॑ शवि॒ष्ठा भ॑र ।
र॒यिम॒स्मभ्यं॒ युज्यं॑ चोदयन्मते॒ ज्येष्ठं॑ चोदयन्मते ॥
Samhita Devanagari Nonaccented
प्रभंगं दुर्मतीनामिंद्र शविष्ठा भर ।
रयिमस्मभ्यं युज्यं चोदयन्मते ज्येष्ठं चोदयन्मते ॥
Samhita Transcription Accented
prabhaṅgám durmatīnā́míndra śaviṣṭhā́ bhara ǀ
rayímasmábhyam yújyam codayanmate jyéṣṭham codayanmate ǁ
Samhita Transcription Nonaccented
prabhaṅgam durmatīnāmindra śaviṣṭhā bhara ǀ
rayimasmabhyam yujyam codayanmate jyeṣṭham codayanmate ǁ
Padapatha Devanagari Accented
प्र॒ऽभ॒ङ्गम् । दुः॒ऽम॒ती॒नाम् । इन्द्र॑ । श॒वि॒ष्ठ॒ । आ । भ॒र॒ ।
र॒यिम् । अ॒स्मभ्य॑म् । युज्य॑म् । चो॒द॒य॒त्ऽम॒ते॒ । ज्येष्ठ॑म् । चो॒द॒य॒त्ऽम॒ते॒ ॥
Padapatha Devanagari Nonaccented
प्रऽभङ्गम् । दुःऽमतीनाम् । इन्द्र । शविष्ठ । आ । भर ।
रयिम् । अस्मभ्यम् । युज्यम् । चोदयत्ऽमते । ज्येष्ठम् । चोदयत्ऽमते ॥
Padapatha Transcription Accented
pra-bhaṅgám ǀ duḥ-matīnā́m ǀ índra ǀ śaviṣṭha ǀ ā́ ǀ bhara ǀ
rayím ǀ asmábhyam ǀ yújyam ǀ codayat-mate ǀ jyéṣṭham ǀ codayat-mate ǁ
Padapatha Transcription Nonaccented
pra-bhaṅgam ǀ duḥ-matīnām ǀ indra ǀ śaviṣṭha ǀ ā ǀ bhara ǀ
rayim ǀ asmabhyam ǀ yujyam ǀ codayat-mate ǀ jyeṣṭham ǀ codayat-mate ǁ
08.046.20 (Mandala. Sukta. Rik)
6.4.04.05 (Ashtaka. Adhyaya. Varga. Rik)
08.06.125 (Mandala. Anuvāka. Rik)
Samhita Devanagari Accented
सनि॑तः॒ सुस॑नित॒रुग्र॒ चित्र॒ चेति॑ष्ठ॒ सूनृ॑त ।
प्रा॒सहा॑ सम्रा॒ट् सहु॑रिं॒ सहं॑तं भु॒ज्युं वाजे॑षु॒ पूर्व्यं॑ ॥
Samhita Devanagari Nonaccented
सनितः सुसनितरुग्र चित्र चेतिष्ठ सूनृत ।
प्रासहा सम्राट् सहुरिं सहंतं भुज्युं वाजेषु पूर्व्यं ॥
Samhita Transcription Accented
sánitaḥ súsanitarúgra cítra cétiṣṭha sū́nṛta ǀ
prāsáhā samrāṭ sáhurim sáhantam bhujyúm vā́jeṣu pū́rvyam ǁ
Samhita Transcription Nonaccented
sanitaḥ susanitarugra citra cetiṣṭha sūnṛta ǀ
prāsahā samrāṭ sahurim sahantam bhujyum vājeṣu pūrvyam ǁ
Padapatha Devanagari Accented
सनि॑त॒रिति॑ । सुऽस॑नितः । उग्र॑ । चित्र॑ । चेति॑ष्ठ । सूनृ॑त ।
प्र॒ऽसहा॑ । स॒म्ऽरा॒ट् । सहु॑रिम् । सह॑न्तम् । भु॒ज्युम् । वाजे॑षु । पूर्व्य॑म् ॥
Padapatha Devanagari Nonaccented
सनितरिति । सुऽसनितः । उग्र । चित्र । चेतिष्ठ । सूनृत ।
प्रऽसहा । सम्ऽराट् । सहुरिम् । सहन्तम् । भुज्युम् । वाजेषु । पूर्व्यम् ॥
Padapatha Transcription Accented
sánitaríti ǀ sú-sanitaḥ ǀ úgra ǀ cítra ǀ cétiṣṭha ǀ sū́nṛta ǀ
pra-sáhā ǀ sam-rāṭ ǀ sáhurim ǀ sáhantam ǀ bhujyúm ǀ vā́jeṣu ǀ pū́rvyam ǁ
Padapatha Transcription Nonaccented
sanitariti ǀ su-sanitaḥ ǀ ugra ǀ citra ǀ cetiṣṭha ǀ sūnṛta ǀ
pra-sahā ǀ sam-rāṭ ǀ sahurim ǀ sahantam ǀ bhujyum ǀ vājeṣu ǀ pūrvyam ǁ
08.046.21 (Mandala. Sukta. Rik)
6.4.05.01 (Ashtaka. Adhyaya. Varga. Rik)
08.06.126 (Mandala. Anuvāka. Rik)
Samhita Devanagari Accented
आ स ए॑तु॒ य ईव॒दाँ अदे॑वः पू॒र्तमा॑द॒दे ।
यथा॑ चि॒द्वशो॑ अ॒श्व्यः पृ॑थु॒श्रव॑सि कानी॒ते॒३॒॑ऽस्या व्युष्या॑द॒दे ॥
Samhita Devanagari Nonaccented
आ स एतु य ईवदाँ अदेवः पूर्तमाददे ।
यथा चिद्वशो अश्व्यः पृथुश्रवसि कानीतेऽस्या व्युष्याददे ॥
Samhita Transcription Accented
ā́ sá etu yá ī́vadā́m̐ ádevaḥ pūrtámādadé ǀ
yáthā cidváśo aśvyáḥ pṛthuśrávasi kānīté’syā́ vyúṣyādadé ǁ
Samhita Transcription Nonaccented
ā sa etu ya īvadām̐ adevaḥ pūrtamādade ǀ
yathā cidvaśo aśvyaḥ pṛthuśravasi kānīte’syā vyuṣyādade ǁ
Padapatha Devanagari Accented
आ । सः । ए॒तु॒ । यः । ईव॑त् । आ । अदे॑वः । पू॒र्तम् । आ॒ऽद॒दे ।
यथा॑ । चि॒त् । वशः॑ । अ॒श्व्यः । पृ॒थु॒ऽश्रव॑सि । कानी॒ते । अ॒स्याः । वि॒ऽउषि॑ । आ॒ऽद॒दे ॥
Padapatha Devanagari Nonaccented
आ । सः । एतु । यः । ईवत् । आ । अदेवः । पूर्तम् । आऽददे ।
यथा । चित् । वशः । अश्व्यः । पृथुऽश्रवसि । कानीते । अस्याः । विऽउषि । आऽददे ॥
Padapatha Transcription Accented
ā́ ǀ sáḥ ǀ etu ǀ yáḥ ǀ ī́vat ǀ ā́ ǀ ádevaḥ ǀ pūrtám ǀ ā-dadé ǀ
yáthā ǀ cit ǀ váśaḥ ǀ aśvyáḥ ǀ pṛthu-śrávasi ǀ kā́nīté ǀ asyā́ḥ ǀ vi-úṣi ǀ ā-dadé ǁ
Padapatha Transcription Nonaccented
ā ǀ saḥ ǀ etu ǀ yaḥ ǀ īvat ǀ ā ǀ adevaḥ ǀ pūrtam ǀ ā-dade ǀ
yathā ǀ cit ǀ vaśaḥ ǀ aśvyaḥ ǀ pṛthu-śravasi ǀ kānīte ǀ asyāḥ ǀ vi-uṣi ǀ ā-dade ǁ
08.046.22 (Mandala. Sukta. Rik)
6.4.05.02 (Ashtaka. Adhyaya. Varga. Rik)
08.06.127 (Mandala. Anuvāka. Rik)
Samhita Devanagari Accented
ष॒ष्टिं स॒हस्राश्व्य॑स्या॒युता॑सन॒मुष्ट्रा॑नां विंश॒तिं श॒ता ।
दश॒ श्यावी॑नां श॒ता दश॒ त्र्य॑रुषीणां॒ दश॒ गवां॑ स॒हस्रा॑ ॥
Samhita Devanagari Nonaccented
षष्टिं सहस्राश्व्यस्यायुतासनमुष्ट्रानां विंशतिं शता ।
दश श्यावीनां शता दश त्र्यरुषीणां दश गवां सहस्रा ॥
Samhita Transcription Accented
ṣaṣṭím sahásrā́śvyasyāyútāsanamúṣṭrānām viṃśatím śatā́ ǀ
dáśa śyā́vīnām śatā́ dáśa tryáruṣīṇām dáśa gávām sahásrā ǁ
Samhita Transcription Nonaccented
ṣaṣṭim sahasrāśvyasyāyutāsanamuṣṭrānām viṃśatim śatā ǀ
daśa śyāvīnām śatā daśa tryaruṣīṇām daśa gavām sahasrā ǁ
Padapatha Devanagari Accented
ष॒ष्टिम् । स॒हस्रा॑ । अश्व्य॑स्य । अ॒युता॑ । अ॒स॒न॒म् । उष्ट्रा॑नाम् । विं॒श॒तिम् । श॒ता ।
दश॑ । श्यावी॑नाम् । श॒ता । दश॑ । त्रिऽअ॑रुषीणाम् । दश॑ । गवा॑म् । स॒हस्रा॑ ॥
Padapatha Devanagari Nonaccented
षष्टिम् । सहस्रा । अश्व्यस्य । अयुता । असनम् । उष्ट्रानाम् । विंशतिम् । शता ।
दश । श्यावीनाम् । शता । दश । त्रिऽअरुषीणाम् । दश । गवाम् । सहस्रा ॥
Padapatha Transcription Accented
ṣaṣṭím ǀ sahásrā ǀ áśvyasya ǀ ayútā ǀ asanam ǀ úṣṭrānām ǀ viṃśatím ǀ śatā́ ǀ
dáśa ǀ śyā́vīnām ǀ śatā́ ǀ dáśa ǀ trí-aruṣīṇām ǀ dáśa ǀ gávām ǀ sahásrā ǁ
Padapatha Transcription Nonaccented
ṣaṣṭim ǀ sahasrā ǀ aśvyasya ǀ ayutā ǀ asanam ǀ uṣṭrānām ǀ viṃśatim ǀ śatā ǀ
daśa ǀ śyāvīnām ǀ śatā ǀ daśa ǀ tri-aruṣīṇām ǀ daśa ǀ gavām ǀ sahasrā ǁ
08.046.23 (Mandala. Sukta. Rik)
6.4.05.03 (Ashtaka. Adhyaya. Varga. Rik)
08.06.128 (Mandala. Anuvāka. Rik)
Samhita Devanagari Accented
दश॑ श्या॒वा ऋ॒धद्र॑यो वी॒तवा॑रास आ॒शवः॑ ।
म॒थ्रा ने॒मिं नि वा॑वृतुः ॥
Samhita Devanagari Nonaccented
दश श्यावा ऋधद्रयो वीतवारास आशवः ।
मथ्रा नेमिं नि वावृतुः ॥
Samhita Transcription Accented
dáśa śyāvā́ ṛdhádrayo vītávārāsa āśávaḥ ǀ
mathrā́ nemím ní vāvṛtuḥ ǁ
Samhita Transcription Nonaccented
daśa śyāvā ṛdhadrayo vītavārāsa āśavaḥ ǀ
mathrā nemim ni vāvṛtuḥ ǁ
Padapatha Devanagari Accented
दश॑ । श्या॒वाः । ऋ॒धत्ऽर॑यः । वी॒तऽवा॑रासः । आ॒शवः॑ ।
म॒थ्राः । ने॒मिम् । नि । व॒वृ॒तुः॒ ॥
Padapatha Devanagari Nonaccented
दश । श्यावाः । ऋधत्ऽरयः । वीतऽवारासः । आशवः ।
मथ्राः । नेमिम् । नि । ववृतुः ॥
Padapatha Transcription Accented
dáśa ǀ śyāvā́ḥ ǀ ṛdhát-rayaḥ ǀ vītá-vārāsaḥ ǀ āśávaḥ ǀ
mathrā́ḥ ǀ nemím ǀ ní ǀ vavṛtuḥ ǁ
Padapatha Transcription Nonaccented
daśa ǀ śyāvāḥ ǀ ṛdhat-rayaḥ ǀ vīta-vārāsaḥ ǀ āśavaḥ ǀ
mathrāḥ ǀ nemim ǀ ni ǀ vavṛtuḥ ǁ
08.046.24 (Mandala. Sukta. Rik)
6.4.05.04 (Ashtaka. Adhyaya. Varga. Rik)
08.06.129 (Mandala. Anuvāka. Rik)
Samhita Devanagari Accented
दाना॑सः पृथु॒श्रव॑सः कानी॒तस्य॑ सु॒राध॑सः ।
रथं॑ हिर॒ण्ययं॒ दद॒न्मंहि॑ष्ठः सू॒रिर॑भू॒द्वर्षि॑ष्ठमकृत॒ श्रवः॑ ॥
Samhita Devanagari Nonaccented
दानासः पृथुश्रवसः कानीतस्य सुराधसः ।
रथं हिरण्ययं ददन्मंहिष्ठः सूरिरभूद्वर्षिष्ठमकृत श्रवः ॥
Samhita Transcription Accented
dā́nāsaḥ pṛthuśrávasaḥ kānītásya surā́dhasaḥ ǀ
rátham hiraṇyáyam dádanmáṃhiṣṭhaḥ sūrírabhūdvárṣiṣṭhamakṛta śrávaḥ ǁ
Samhita Transcription Nonaccented
dānāsaḥ pṛthuśravasaḥ kānītasya surādhasaḥ ǀ
ratham hiraṇyayam dadanmaṃhiṣṭhaḥ sūrirabhūdvarṣiṣṭhamakṛta śravaḥ ǁ
Padapatha Devanagari Accented
दाना॑सः । पृ॒थु॒ऽश्रव॑सः । का॒नी॒तस्य॑ । सु॒ऽराध॑सः ।
रथ॑म् । हि॒र॒ण्यय॑म् । दद॑त् । मंहि॑ष्ठः । सू॒रिः । अ॒भू॒त् । वर्षि॑ष्ठम् । अ॒कृ॒त॒ । श्रवः॑ ॥
Padapatha Devanagari Nonaccented
दानासः । पृथुऽश्रवसः । कानीतस्य । सुऽराधसः ।
रथम् । हिरण्ययम् । ददत् । मंहिष्ठः । सूरिः । अभूत् । वर्षिष्ठम् । अकृत । श्रवः ॥
Padapatha Transcription Accented
dā́nāsaḥ ǀ pṛthu-śrávasaḥ ǀ kānītásya ǀ su-rā́dhasaḥ ǀ
rátham ǀ hiraṇyáyam ǀ dádat ǀ máṃhiṣṭhaḥ ǀ sūríḥ ǀ abhūt ǀ várṣiṣṭham ǀ akṛta ǀ śrávaḥ ǁ
Padapatha Transcription Nonaccented
dānāsaḥ ǀ pṛthu-śravasaḥ ǀ kānītasya ǀ su-rādhasaḥ ǀ
ratham ǀ hiraṇyayam ǀ dadat ǀ maṃhiṣṭhaḥ ǀ sūriḥ ǀ abhūt ǀ varṣiṣṭham ǀ akṛta ǀ śravaḥ ǁ
08.046.25 (Mandala. Sukta. Rik)
6.4.05.05 (Ashtaka. Adhyaya. Varga. Rik)
08.06.130 (Mandala. Anuvāka. Rik)
Samhita Devanagari Accented
आ नो॑ वायो म॒हे तने॑ या॒हि म॒खाय॒ पाज॑से ।
व॒यं हि ते॑ चकृ॒मा भूरि॑ दा॒वने॑ स॒द्यश्चि॒न्महि॑ दा॒वने॑ ॥
Samhita Devanagari Nonaccented
आ नो वायो महे तने याहि मखाय पाजसे ।
वयं हि ते चकृमा भूरि दावने सद्यश्चिन्महि दावने ॥
Samhita Transcription Accented
ā́ no vāyo mahé táne yāhí makhā́ya pā́jase ǀ
vayám hí te cakṛmā́ bhū́ri dāváne sadyáścinmáhi dāváne ǁ
Samhita Transcription Nonaccented
ā no vāyo mahe tane yāhi makhāya pājase ǀ
vayam hi te cakṛmā bhūri dāvane sadyaścinmahi dāvane ǁ
Padapatha Devanagari Accented
आ । नः॒ । वा॒यो॒ इति॑ । म॒हे । तने॑ । या॒हि । म॒खाय॑ । पाज॑से ।
व॒यम् । हि । ते॒ । च॒कृ॒म । भूरि॑ । दा॒वने॑ । स॒द्यः । चि॒त् । महि॑ । दा॒वने॑ ॥
Padapatha Devanagari Nonaccented
आ । नः । वायो इति । महे । तने । याहि । मखाय । पाजसे ।
वयम् । हि । ते । चकृम । भूरि । दावने । सद्यः । चित् । महि । दावने ॥
Padapatha Transcription Accented
ā́ ǀ naḥ ǀ vāyo íti ǀ mahé ǀ táne ǀ yāhí ǀ makhā́ya ǀ pā́jase ǀ
vayám ǀ hí ǀ te ǀ cakṛmá ǀ bhū́ri ǀ dāváne ǀ sadyáḥ ǀ cit ǀ máhi ǀ dāváne ǁ
Padapatha Transcription Nonaccented
ā ǀ naḥ ǀ vāyo iti ǀ mahe ǀ tane ǀ yāhi ǀ makhāya ǀ pājase ǀ
vayam ǀ hi ǀ te ǀ cakṛma ǀ bhūri ǀ dāvane ǀ sadyaḥ ǀ cit ǀ mahi ǀ dāvane ǁ
08.046.26 (Mandala. Sukta. Rik)
6.4.06.01 (Ashtaka. Adhyaya. Varga. Rik)
08.06.131 (Mandala. Anuvāka. Rik)
Samhita Devanagari Accented
यो अश्वे॑भि॒र्वह॑ते॒ वस्त॑ उ॒स्रास्त्रिः स॒प्त स॑प्तती॒नां ।
ए॒भिः सोमे॑भिः सोम॒सुद्भिः॑ सोमपा दा॒नाय॑ शुक्रपूतपाः ॥
Samhita Devanagari Nonaccented
यो अश्वेभिर्वहते वस्त उस्रास्त्रिः सप्त सप्ततीनां ।
एभिः सोमेभिः सोमसुद्भिः सोमपा दानाय शुक्रपूतपाः ॥
Samhita Transcription Accented
yó áśvebhirváhate vásta usrā́stríḥ saptá saptatīnā́m ǀ
ebhíḥ sómebhiḥ somasúdbhiḥ somapā dānā́ya śukrapūtapāḥ ǁ
Samhita Transcription Nonaccented
yo aśvebhirvahate vasta usrāstriḥ sapta saptatīnām ǀ
ebhiḥ somebhiḥ somasudbhiḥ somapā dānāya śukrapūtapāḥ ǁ
Padapatha Devanagari Accented
यः । अश्वे॑भिः । वह॑ते । वस्ते॑ । उ॒स्राः । त्रिः । स॒प्त । स॒प्त॒ती॒नाम् ।
ए॒भिः । सोमे॑भिः । सो॒म॒सुत्ऽभिः॑ । सो॒म॒ऽपाः॒ । दा॒नाय॑ । शु॒क्र॒पू॒त॒ऽपाः॒ ॥
Padapatha Devanagari Nonaccented
यः । अश्वेभिः । वहते । वस्ते । उस्राः । त्रिः । सप्त । सप्ततीनाम् ।
एभिः । सोमेभिः । सोमसुत्ऽभिः । सोमऽपाः । दानाय । शुक्रपूतऽपाः ॥
Padapatha Transcription Accented
yáḥ ǀ áśvebhiḥ ǀ váhate ǀ váste ǀ usrā́ḥ ǀ tríḥ ǀ saptá ǀ saptatīnā́m ǀ
ebhíḥ ǀ sómebhiḥ ǀ somasút-bhiḥ ǀ soma-pāḥ ǀ dānā́ya ǀ śukrapūta-pāḥ ǁ
Padapatha Transcription Nonaccented
yaḥ ǀ aśvebhiḥ ǀ vahate ǀ vaste ǀ usrāḥ ǀ triḥ ǀ sapta ǀ saptatīnām ǀ
ebhiḥ ǀ somebhiḥ ǀ somasut-bhiḥ ǀ soma-pāḥ ǀ dānāya ǀ śukrapūta-pāḥ ǁ
08.046.27 (Mandala. Sukta. Rik)
6.4.06.02 (Ashtaka. Adhyaya. Varga. Rik)
08.06.132 (Mandala. Anuvāka. Rik)
Samhita Devanagari Accented
यो म॑ इ॒मं चि॑दु॒ त्मनामं॑दच्चि॒त्रं दा॒वने॑ ।
अ॒र॒ट्वे अक्षे॒ नहु॑षे सु॒कृत्व॑नि सु॒कृत्त॑राय सु॒क्रतुः॑ ॥
Samhita Devanagari Nonaccented
यो म इमं चिदु त्मनामंदच्चित्रं दावने ।
अरट्वे अक्षे नहुषे सुकृत्वनि सुकृत्तराय सुक्रतुः ॥
Samhita Transcription Accented
yó ma imám cidu tmánā́mandaccitrám dāváne ǀ
araṭvé ákṣe náhuṣe sukṛ́tvani sukṛ́ttarāya sukrátuḥ ǁ
Samhita Transcription Nonaccented
yo ma imam cidu tmanāmandaccitram dāvane ǀ
araṭve akṣe nahuṣe sukṛtvani sukṛttarāya sukratuḥ ǁ
Padapatha Devanagari Accented
यः । मे॒ । इ॒मम् । चि॒त् । ऊं॒ इति॑ । त्मना॑ । अम॑न्दत् । चि॒त्रम् । दा॒वने॑ ।
अ॒र॒ट्वे । अक्षे॑ । नहु॑षे । सु॒ऽकृत्व॑नि । सु॒कृत्ऽत॑राय । सु॒ऽक्रतुः॑ ॥
Padapatha Devanagari Nonaccented
यः । मे । इमम् । चित् । ऊं इति । त्मना । अमन्दत् । चित्रम् । दावने ।
अरट्वे । अक्षे । नहुषे । सुऽकृत्वनि । सुकृत्ऽतराय । सुऽक्रतुः ॥
Padapatha Transcription Accented
yáḥ ǀ me ǀ imám ǀ cit ǀ ūṃ íti ǀ tmánā ǀ ámandat ǀ citrám ǀ dāváne ǀ
araṭvé ǀ ákṣe ǀ náhuṣe ǀ su-kṛ́tvani ǀ sukṛ́t-tarāya ǀ su-krátuḥ ǁ
Padapatha Transcription Nonaccented
yaḥ ǀ me ǀ imam ǀ cit ǀ ūṃ iti ǀ tmanā ǀ amandat ǀ citram ǀ dāvane ǀ
araṭve ǀ akṣe ǀ nahuṣe ǀ su-kṛtvani ǀ sukṛt-tarāya ǀ su-kratuḥ ǁ
08.046.28 (Mandala. Sukta. Rik)
6.4.06.03 (Ashtaka. Adhyaya. Varga. Rik)
08.06.133 (Mandala. Anuvāka. Rik)
Samhita Devanagari Accented
उ॒च॒थ्ये॒३॒॑ वपु॑षि॒ यः स्व॒राळु॒त वा॑यो घृत॒स्नाः ।
अश्वे॑षितं॒ रजे॑षितं॒ शुने॑षितं॒ प्राज्म॒ तदि॒दं नु तत् ॥
Samhita Devanagari Nonaccented
उचथ्ये वपुषि यः स्वराळुत वायो घृतस्नाः ।
अश्वेषितं रजेषितं शुनेषितं प्राज्म तदिदं नु तत् ॥
Samhita Transcription Accented
ucathyé vápuṣi yáḥ svarā́ḷutá vāyo ghṛtasnā́ḥ ǀ
áśveṣitam rájeṣitam śúneṣitam prā́jma tádidám nú tát ǁ
Samhita Transcription Nonaccented
ucathye vapuṣi yaḥ svarāḷuta vāyo ghṛtasnāḥ ǀ
aśveṣitam rajeṣitam śuneṣitam prājma tadidam nu tat ǁ
Padapatha Devanagari Accented
उ॒च॒थ्ये॑ । वपु॑षि । यः । स्व॒ऽराट् । उ॒त । वा॒यो॒ इति॑ । घृ॒त॒ऽस्नाः ।
अश्व॑ऽइषितम् । रजः॑ऽइषितम् । शुना॑ऽइषितम् । प्र । अज्म॑ । तत् । इ॒दम् । नु । तत् ॥
Padapatha Devanagari Nonaccented
उचथ्ये । वपुषि । यः । स्वऽराट् । उत । वायो इति । घृतऽस्नाः ।
अश्वऽइषितम् । रजःऽइषितम् । शुनाऽइषितम् । प्र । अज्म । तत् । इदम् । नु । तत् ॥
Padapatha Transcription Accented
ucathyé ǀ vápuṣi ǀ yáḥ ǀ sva-rā́ṭ ǀ utá ǀ vāyo íti ǀ ghṛta-snā́ḥ ǀ
áśva-iṣitam ǀ rájaḥ-iṣitam ǀ śúnā-iṣitam ǀ prá ǀ ájma ǀ tát ǀ idám ǀ nú ǀ tát ǁ
Padapatha Transcription Nonaccented
ucathye ǀ vapuṣi ǀ yaḥ ǀ sva-rāṭ ǀ uta ǀ vāyo iti ǀ ghṛta-snāḥ ǀ
aśva-iṣitam ǀ rajaḥ-iṣitam ǀ śunā-iṣitam ǀ pra ǀ ajma ǀ tat ǀ idam ǀ nu ǀ tat ǁ
08.046.29 (Mandala. Sukta. Rik)
6.4.06.04 (Ashtaka. Adhyaya. Varga. Rik)
08.06.134 (Mandala. Anuvāka. Rik)
Samhita Devanagari Accented
अध॑ प्रि॒यमि॑षि॒राय॑ ष॒ष्टिं स॒हस्रा॑सनं ।
अश्वा॑ना॒मिन्न वृष्णां॑ ॥
Samhita Devanagari Nonaccented
अध प्रियमिषिराय षष्टिं सहस्रासनं ।
अश्वानामिन्न वृष्णां ॥
Samhita Transcription Accented
ádha priyámiṣirā́ya ṣaṣṭím sahásrāsanam ǀ
áśvānāmínná vṛ́ṣṇām ǁ
Samhita Transcription Nonaccented
adha priyamiṣirāya ṣaṣṭim sahasrāsanam ǀ
aśvānāminna vṛṣṇām ǁ
Padapatha Devanagari Accented
अध॑ । प्रि॒यम् । इ॒षि॒राय॑ । ष॒ष्टिम् । स॒हस्रा॑ । अ॒स॒न॒म् ।
अश्वा॑नाम् । इत् । न । वृष्णा॑म् ॥
Padapatha Devanagari Nonaccented
अध । प्रियम् । इषिराय । षष्टिम् । सहस्रा । असनम् ।
अश्वानाम् । इत् । न । वृष्णाम् ॥
Padapatha Transcription Accented
ádha ǀ priyám ǀ iṣirā́ya ǀ ṣaṣṭím ǀ sahásrā ǀ asanam ǀ
áśvānām ǀ ít ǀ ná ǀ vṛ́ṣṇām ǁ
Padapatha Transcription Nonaccented
adha ǀ priyam ǀ iṣirāya ǀ ṣaṣṭim ǀ sahasrā ǀ asanam ǀ
aśvānām ǀ it ǀ na ǀ vṛṣṇām ǁ
08.046.30 (Mandala. Sukta. Rik)
6.4.06.05 (Ashtaka. Adhyaya. Varga. Rik)
08.06.135 (Mandala. Anuvāka. Rik)
Samhita Devanagari Accented
गावो॒ न यू॒थमुप॑ यंति॒ वध्र॑य॒ उप॒ मा यं॑ति॒ वध्र॑यः ॥
Samhita Devanagari Nonaccented
गावो न यूथमुप यंति वध्रय उप मा यंति वध्रयः ॥
Samhita Transcription Accented
gā́vo ná yūthámúpa yanti vádhraya úpa mā́ yanti vádhrayaḥ ǁ
Samhita Transcription Nonaccented
gāvo na yūthamupa yanti vadhraya upa mā yanti vadhrayaḥ ǁ
Padapatha Devanagari Accented
गावः॑ । न । यू॒थम् । उप॑ । य॒न्ति॒ । वध्र॑यः । उप॑ । मा॒ । आ । य॒न्ति॒ । वध्र॑यः ॥
Padapatha Devanagari Nonaccented
गावः । न । यूथम् । उप । यन्ति । वध्रयः । उप । मा । आ । यन्ति । वध्रयः ॥
Padapatha Transcription Accented
gā́vaḥ ǀ ná ǀ yūthám ǀ úpa ǀ yanti ǀ vádhrayaḥ ǀ úpa ǀ mā ǀ ā́ ǀ yanti ǀ vádhrayaḥ ǁ
Padapatha Transcription Nonaccented
gāvaḥ ǀ na ǀ yūtham ǀ upa ǀ yanti ǀ vadhrayaḥ ǀ upa ǀ mā ǀ ā ǀ yanti ǀ vadhrayaḥ ǁ
08.046.31 (Mandala. Sukta. Rik)
6.4.06.06 (Ashtaka. Adhyaya. Varga. Rik)
08.06.136 (Mandala. Anuvāka. Rik)
Samhita Devanagari Accented
अध॒ यच्चार॑थे ग॒णे श॒तमुष्ट्राँ॒ अचि॑क्रदत् ।
अध॒ श्वित्ने॑षु विंश॒तिं श॒ता ॥
Samhita Devanagari Nonaccented
अध यच्चारथे गणे शतमुष्ट्राँ अचिक्रदत् ।
अध श्वित्नेषु विंशतिं शता ॥
Samhita Transcription Accented
ádha yáccā́rathe gaṇé śatámúṣṭrām̐ ácikradat ǀ
ádha śvítneṣu viṃśatím śatā́ ǁ
Samhita Transcription Nonaccented
adha yaccārathe gaṇe śatamuṣṭrām̐ acikradat ǀ
adha śvitneṣu viṃśatim śatā ǁ
Padapatha Devanagari Accented
अध॑ । यत् । चार॑थे । ग॒णे । श॒तम् । उष्ट्रा॑न् । अचि॑क्रदत् ।
अध॑ । श्वित्ने॑षु । विं॒श॒तिम् । श॒ता ॥
Padapatha Devanagari Nonaccented
अध । यत् । चारथे । गणे । शतम् । उष्ट्रान् । अचिक्रदत् ।
अध । श्वित्नेषु । विंशतिम् । शता ॥
Padapatha Transcription Accented
ádha ǀ yát ǀ cā́rathe ǀ gaṇé ǀ śatám ǀ úṣṭrān ǀ ácikradat ǀ
ádha ǀ śvítneṣu ǀ viṃśatím ǀ śatā́ ǁ
Padapatha Transcription Nonaccented
adha ǀ yat ǀ cārathe ǀ gaṇe ǀ śatam ǀ uṣṭrān ǀ acikradat ǀ
adha ǀ śvitneṣu ǀ viṃśatim ǀ śatā ǁ
08.046.32 (Mandala. Sukta. Rik)
6.4.06.07 (Ashtaka. Adhyaya. Varga. Rik)
08.06.137 (Mandala. Anuvāka. Rik)
Samhita Devanagari Accented
श॒तं दा॒से ब॑ल्बू॒थे विप्र॒स्तरु॑क्ष॒ आ द॑दे ।
ते ते॑ वायवि॒मे जना॒ मदं॒तींद्र॑गोपा॒ मदं॑ति दे॒वगो॑पाः ॥
Samhita Devanagari Nonaccented
शतं दासे बल्बूथे विप्रस्तरुक्ष आ ददे ।
ते ते वायविमे जना मदंतींद्रगोपा मदंति देवगोपाः ॥
Samhita Transcription Accented
śatám dāsé balbūthé víprastárukṣa ā́ dade ǀ
té te vāyavimé jánā mádantī́ndragopā mádanti devágopāḥ ǁ
Samhita Transcription Nonaccented
śatam dāse balbūthe viprastarukṣa ā dade ǀ
te te vāyavime janā madantīndragopā madanti devagopāḥ ǁ
Padapatha Devanagari Accented
श॒तम् । दा॒से । ब॒ल्बू॒थे । विप्रः॑ । तरु॑क्षे । आ । द॒दे॒ ।
ते । ते॒ । वा॒यो॒ इति॑ । इ॒मे । जनाः॑ । मद॑न्ति । इन्द्र॑ऽगोपाः । मद॑न्ति । दे॒वऽगो॑पाः ॥
Padapatha Devanagari Nonaccented
शतम् । दासे । बल्बूथे । विप्रः । तरुक्षे । आ । ददे ।
ते । ते । वायो इति । इमे । जनाः । मदन्ति । इन्द्रऽगोपाः । मदन्ति । देवऽगोपाः ॥
Padapatha Transcription Accented
śatám ǀ dāsé ǀ balbūthé ǀ vípraḥ ǀ tárukṣe ǀ ā́ ǀ dade ǀ
té ǀ te ǀ vāyo íti ǀ imé ǀ jánāḥ ǀ mádanti ǀ índra-gopāḥ ǀ mádanti ǀ devá-gopāḥ ǁ
Padapatha Transcription Nonaccented
śatam ǀ dāse ǀ balbūthe ǀ vipraḥ ǀ tarukṣe ǀ ā ǀ dade ǀ
te ǀ te ǀ vāyo iti ǀ ime ǀ janāḥ ǀ madanti ǀ indra-gopāḥ ǀ madanti ǀ deva-gopāḥ ǁ
08.046.33 (Mandala. Sukta. Rik)
6.4.06.08 (Ashtaka. Adhyaya. Varga. Rik)
08.06.138 (Mandala. Anuvāka. Rik)
Samhita Devanagari Accented
अध॒ स्या योष॑णा म॒ही प्र॑ती॒ची वश॑म॒श्व्यं ।
अधि॑रुक्मा॒ वि नी॑यते ॥
Samhita Devanagari Nonaccented
अध स्या योषणा मही प्रतीची वशमश्व्यं ।
अधिरुक्मा वि नीयते ॥
Samhita Transcription Accented
ádha syā́ yóṣaṇā mahī́ pratīcī́ váśamaśvyám ǀ
ádhirukmā ví nīyate ǁ
Samhita Transcription Nonaccented
adha syā yoṣaṇā mahī pratīcī vaśamaśvyam ǀ
adhirukmā vi nīyate ǁ
Padapatha Devanagari Accented
अध॑ । स्या । योष॑णा । म॒ही । प्र॒ती॒ची । वश॑म् । अ॒श्व्यम् ।
अधि॑ऽरुक्मा । वि । नी॒य॒ते॒ ॥
Padapatha Devanagari Nonaccented
अध । स्या । योषणा । मही । प्रतीची । वशम् । अश्व्यम् ।
अधिऽरुक्मा । वि । नीयते ॥
Padapatha Transcription Accented
ádha ǀ syā́ ǀ yóṣaṇā ǀ mahī́ ǀ pratīcī́ ǀ váśam ǀ aśvyám ǀ
ádhi-rukmā ǀ ví ǀ nīyate ǁ
Padapatha Transcription Nonaccented
adha ǀ syā ǀ yoṣaṇā ǀ mahī ǀ pratīcī ǀ vaśam ǀ aśvyam ǀ
adhi-rukmā ǀ vi ǀ nīyate ǁ