|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 50
|
1. Info |
| To: | indra | |
| From: | puṣṭigu kāṇva | |
| Metres: | 1st set of styles: nicṛdbṛhatī (1, 3, 5, 7); paṅktiḥ (2, 4, 6, 10); nicṛtpaṅkti (8); virāḍbṛhatī (9) 2nd set of styles: bṛhatī (1, 3, 5, 7, 9); satobṛhatī (2, 4, 6, 8, 10) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.050.01 (Mandala. Sukta. Rik)
6.4.16.01 (Ashtaka. Adhyaya. Varga. Rik)
08.06.182 (Mandala. Anuvāka. Rik)
Samhita Devanagari Accented
प्र सु श्रु॒तं सु॒राध॑स॒मर्चा॑ श॒क्रम॒भिष्ट॑ये ।
यः सु॑न्व॒ते स्तु॑व॒ते काम्यं॒ वसु॑ स॒हस्रे॑णेव॒ मंह॑ते ॥
Samhita Devanagari Nonaccented
प्र सु श्रुतं सुराधसमर्चा शक्रमभिष्टये ।
यः सुन्वते स्तुवते काम्यं वसु सहस्रेणेव मंहते ॥
Samhita Transcription Accented
prá sú śrutám surā́dhasamárcā śakrámabhíṣṭaye ǀ
yáḥ sunvaté stuvaté kā́myam vásu sahásreṇeva máṃhate ǁ
Samhita Transcription Nonaccented
pra su śrutam surādhasamarcā śakramabhiṣṭaye ǀ
yaḥ sunvate stuvate kāmyam vasu sahasreṇeva maṃhate ǁ
Padapatha Devanagari Accented
प्र । सु । श्रु॒तम् । सु॒ऽराध॑सम् । अर्च॑ । श॒क्रम् । अ॒भिष्ट॑ये ।
यः । सु॒न्व॒ते । स्तु॒व॒ते । काम्य॑म् । वसु॑ । स॒हस्रे॑णऽइव । मंह॑ते ॥
Padapatha Devanagari Nonaccented
प्र । सु । श्रुतम् । सुऽराधसम् । अर्च । शक्रम् । अभिष्टये ।
यः । सुन्वते । स्तुवते । काम्यम् । वसु । सहस्रेणऽइव । मंहते ॥
Padapatha Transcription Accented
prá ǀ sú ǀ śrutám ǀ su-rā́dhasam ǀ árca ǀ śakrám ǀ abhíṣṭaye ǀ
yáḥ ǀ sunvaté ǀ stuvaté ǀ kā́myam ǀ vásu ǀ sahásreṇa-iva ǀ máṃhate ǁ
Padapatha Transcription Nonaccented
pra ǀ su ǀ śrutam ǀ su-rādhasam ǀ arca ǀ śakram ǀ abhiṣṭaye ǀ
yaḥ ǀ sunvate ǀ stuvate ǀ kāmyam ǀ vasu ǀ sahasreṇa-iva ǀ maṃhate ǁ
08.050.02 (Mandala. Sukta. Rik)
6.4.16.02 (Ashtaka. Adhyaya. Varga. Rik)
08.06.183 (Mandala. Anuvāka. Rik)
Samhita Devanagari Accented
श॒तानी॑का हे॒तयो॑ अस्य दु॒ष्टरा॒ इंद्र॑स्य स॒मिषो॑ म॒हीः ।
गि॒रिर्न भु॒ज्मा म॒घव॑त्सु पिन्वते॒ यदीं॑ सु॒ता अमं॑दिषुः ॥
Samhita Devanagari Nonaccented
शतानीका हेतयो अस्य दुष्टरा इंद्रस्य समिषो महीः ।
गिरिर्न भुज्मा मघवत्सु पिन्वते यदीं सुता अमंदिषुः ॥
Samhita Transcription Accented
śatā́nīkā hetáyo asya duṣṭárā índrasya samíṣo mahī́ḥ ǀ
girírná bhujmā́ maghávatsu pinvate yádīm sutā́ ámandiṣuḥ ǁ
Samhita Transcription Nonaccented
śatānīkā hetayo asya duṣṭarā indrasya samiṣo mahīḥ ǀ
girirna bhujmā maghavatsu pinvate yadīm sutā amandiṣuḥ ǁ
Padapatha Devanagari Accented
श॒तऽअ॑नीकाः । हे॒तयः॑ । अ॒स्य॒ । दु॒स्तराः॑ । इन्द्र॑स्य । स॒म्ऽइषः॑ । म॒हीः ।
गि॒रिः । न । भु॒ज्मा । म॒घव॑त्ऽसु । पि॒न्व॒ते॒ । यत् । ई॒म् । सु॒ताः । अम॑न्दिषुः ॥
Padapatha Devanagari Nonaccented
शतऽअनीकाः । हेतयः । अस्य । दुस्तराः । इन्द्रस्य । सम्ऽइषः । महीः ।
गिरिः । न । भुज्मा । मघवत्ऽसु । पिन्वते । यत् । ईम् । सुताः । अमन्दिषुः ॥
Padapatha Transcription Accented
śatá-anīkāḥ ǀ hetáyaḥ ǀ asya ǀ dustárāḥ ǀ índrasya ǀ sam-íṣaḥ ǀ mahī́ḥ ǀ
giríḥ ǀ ná ǀ bhujmā́ ǀ maghávat-su ǀ pinvate ǀ yát ǀ īm ǀ sutā́ḥ ǀ ámandiṣuḥ ǁ
Padapatha Transcription Nonaccented
śata-anīkāḥ ǀ hetayaḥ ǀ asya ǀ dustarāḥ ǀ indrasya ǀ sam-iṣaḥ ǀ mahīḥ ǀ
giriḥ ǀ na ǀ bhujmā ǀ maghavat-su ǀ pinvate ǀ yat ǀ īm ǀ sutāḥ ǀ amandiṣuḥ ǁ
08.050.03 (Mandala. Sukta. Rik)
6.4.16.03 (Ashtaka. Adhyaya. Varga. Rik)
08.06.184 (Mandala. Anuvāka. Rik)
Samhita Devanagari Accented
यदीं॑ सु॒तास॒ इंद॑वो॒ऽभि प्रि॒यममं॑दिषुः ।
आपो॒ न धा॑यि॒ सव॑नं म॒ आ व॑सो॒ दुघा॑ इ॒वोप॑ दा॒शुषे॑ ॥
Samhita Devanagari Nonaccented
यदीं सुतास इंदवोऽभि प्रियममंदिषुः ।
आपो न धायि सवनं म आ वसो दुघा इवोप दाशुषे ॥
Samhita Transcription Accented
yádīm sutā́sa índavo’bhí priyámámandiṣuḥ ǀ
ā́po ná dhāyi sávanam ma ā́ vaso dúghā ivópa dāśúṣe ǁ
Samhita Transcription Nonaccented
yadīm sutāsa indavo’bhi priyamamandiṣuḥ ǀ
āpo na dhāyi savanam ma ā vaso dughā ivopa dāśuṣe ǁ
Padapatha Devanagari Accented
यत् । ई॒म् । सु॒तासः॑ । इन्द॑वः । अ॒भि । प्रि॒यम् । अम॑न्दिषुः ।
आपः॑ । न । धा॒यि॒ । सव॑नम् । मे॒ । आ । व॒सो॒ इति॑ । दुघाः॑ऽइव । उप॑ । दा॒शुषे॑ ॥
Padapatha Devanagari Nonaccented
यत् । ईम् । सुतासः । इन्दवः । अभि । प्रियम् । अमन्दिषुः ।
आपः । न । धायि । सवनम् । मे । आ । वसो इति । दुघाःऽइव । उप । दाशुषे ॥
Padapatha Transcription Accented
yát ǀ īm ǀ sutā́saḥ ǀ índavaḥ ǀ abhí ǀ priyám ǀ ámandiṣuḥ ǀ
ā́paḥ ǀ ná ǀ dhāyi ǀ sávanam ǀ me ǀ ā́ ǀ vaso íti ǀ dúghāḥ-iva ǀ úpa ǀ dāśúṣe ǁ
Padapatha Transcription Nonaccented
yat ǀ īm ǀ sutāsaḥ ǀ indavaḥ ǀ abhi ǀ priyam ǀ amandiṣuḥ ǀ
āpaḥ ǀ na ǀ dhāyi ǀ savanam ǀ me ǀ ā ǀ vaso iti ǀ dughāḥ-iva ǀ upa ǀ dāśuṣe ǁ
08.050.04 (Mandala. Sukta. Rik)
6.4.16.04 (Ashtaka. Adhyaya. Varga. Rik)
08.06.185 (Mandala. Anuvāka. Rik)
Samhita Devanagari Accented
अ॒ने॒हसं॑ वो॒ हव॑मानमू॒तये॒ मध्वः॑ क्षरंति धी॒तयः॑ ।
आ त्वा॑ वसो॒ हव॑मानास॒ इंद॑व॒ उप॑ स्तो॒त्रेषु॑ दधिरे ॥
Samhita Devanagari Nonaccented
अनेहसं वो हवमानमूतये मध्वः क्षरंति धीतयः ।
आ त्वा वसो हवमानास इंदव उप स्तोत्रेषु दधिरे ॥
Samhita Transcription Accented
anehásam vo hávamānamūtáye mádhvaḥ kṣaranti dhītáyaḥ ǀ
ā́ tvā vaso hávamānāsa índava úpa stotréṣu dadhire ǁ
Samhita Transcription Nonaccented
anehasam vo havamānamūtaye madhvaḥ kṣaranti dhītayaḥ ǀ
ā tvā vaso havamānāsa indava upa stotreṣu dadhire ǁ
Padapatha Devanagari Accented
अ॒ने॒हस॑म् । वः॒ । हव॑मानम् । ऊ॒तये॑ । मध्वः॑ । क्ष॒र॒न्ति॒ । धी॒तयः॑ ।
आ । त्वा॒ । व॒सो॒ इति॑ । हव॑मानासः । इन्द॑वः । उप॑ । स्तो॒त्रेषु॑ । द॒धि॒रे॒ ॥
Padapatha Devanagari Nonaccented
अनेहसम् । वः । हवमानम् । ऊतये । मध्वः । क्षरन्ति । धीतयः ।
आ । त्वा । वसो इति । हवमानासः । इन्दवः । उप । स्तोत्रेषु । दधिरे ॥
Padapatha Transcription Accented
anehásam ǀ vaḥ ǀ hávamānam ǀ ūtáye ǀ mádhvaḥ ǀ kṣaranti ǀ dhītáyaḥ ǀ
ā́ ǀ tvā ǀ vaso íti ǀ hávamānāsaḥ ǀ índavaḥ ǀ úpa ǀ stotréṣu ǀ dadhire ǁ
Padapatha Transcription Nonaccented
anehasam ǀ vaḥ ǀ havamānam ǀ ūtaye ǀ madhvaḥ ǀ kṣaranti ǀ dhītayaḥ ǀ
ā ǀ tvā ǀ vaso iti ǀ havamānāsaḥ ǀ indavaḥ ǀ upa ǀ stotreṣu ǀ dadhire ǁ
08.050.05 (Mandala. Sukta. Rik)
6.4.16.05 (Ashtaka. Adhyaya. Varga. Rik)
08.06.186 (Mandala. Anuvāka. Rik)
Samhita Devanagari Accented
आ नः॒ सोमे॑ स्वध्व॒र इ॑या॒नो अत्यो॒ न तो॑शते ।
यं ते॑ स्वदाव॒न्त्स्वदं॑ति गू॒र्तयः॑ पौ॒रे छं॑दयसे॒ हवं॑ ॥
Samhita Devanagari Nonaccented
आ नः सोमे स्वध्वर इयानो अत्यो न तोशते ।
यं ते स्वदावन्त्स्वदंति गूर्तयः पौरे छंदयसे हवं ॥
Samhita Transcription Accented
ā́ naḥ sóme svadhvará iyānó átyo ná tośate ǀ
yám te svadāvantsvádanti gūrtáyaḥ pauré chandayase hávam ǁ
Samhita Transcription Nonaccented
ā naḥ some svadhvara iyāno atyo na tośate ǀ
yam te svadāvantsvadanti gūrtayaḥ paure chandayase havam ǁ
Padapatha Devanagari Accented
आ । नः॒ । सोमे॑ । सु॒ऽअ॒ध्व॒रे । इ॒या॒नः । अत्यः॑ । न । तो॒श॒ते॒ ।
यम् । ते॒ । स्व॒दा॒ऽव॒न् । स्वद॑न्ति । गू॒र्तयः॑ । पौ॒रे । छ॒न्द॒य॒से॒ । हव॑म् ॥
Padapatha Devanagari Nonaccented
आ । नः । सोमे । सुऽअध्वरे । इयानः । अत्यः । न । तोशते ।
यम् । ते । स्वदाऽवन् । स्वदन्ति । गूर्तयः । पौरे । छन्दयसे । हवम् ॥
Padapatha Transcription Accented
ā́ ǀ naḥ ǀ sóme ǀ su-adhvaré ǀ iyānáḥ ǀ átyaḥ ǀ ná ǀ tośate ǀ
yám ǀ te ǀ svadā-van ǀ svádanti ǀ gūrtáyaḥ ǀ pauré ǀ chandayase ǀ hávam ǁ
Padapatha Transcription Nonaccented
ā ǀ naḥ ǀ some ǀ su-adhvare ǀ iyānaḥ ǀ atyaḥ ǀ na ǀ tośate ǀ
yam ǀ te ǀ svadā-van ǀ svadanti ǀ gūrtayaḥ ǀ paure ǀ chandayase ǀ havam ǁ
08.050.06 (Mandala. Sukta. Rik)
6.4.17.01 (Ashtaka. Adhyaya. Varga. Rik)
08.06.187 (Mandala. Anuvāka. Rik)
Samhita Devanagari Accented
प्र वी॒रमु॒ग्रं विवि॑चिं धन॒स्पृतं॒ विभू॑तिं॒ राध॑सो म॒हः ।
उ॒द्रीव॑ वज्रिन्नव॒तो व॑सुत्व॒ना सदा॑ पीपेथ दा॒शुषे॑ ॥
Samhita Devanagari Nonaccented
प्र वीरमुग्रं विविचिं धनस्पृतं विभूतिं राधसो महः ।
उद्रीव वज्रिन्नवतो वसुत्वना सदा पीपेथ दाशुषे ॥
Samhita Transcription Accented
prá vīrámugrám vívicim dhanaspṛ́tam víbhūtim rā́dhaso maháḥ ǀ
udrī́va vajrinnavató vasutvanā́ sádā pīpetha dāśúṣe ǁ
Samhita Transcription Nonaccented
pra vīramugram vivicim dhanaspṛtam vibhūtim rādhaso mahaḥ ǀ
udrīva vajrinnavato vasutvanā sadā pīpetha dāśuṣe ǁ
Padapatha Devanagari Accented
प्र । वी॒रम् । उ॒ग्रम् । विवि॑चिम् । ध॒न॒ऽस्पृत॑म् । विऽभू॑तिम् । राध॑सः । म॒हः ।
उ॒द्रीऽइ॑व । व॒ज्रि॒न् । अ॒व॒तः । व॒सु॒ऽत्व॒ना । सदा॑ । पी॒पे॒थ॒ । दा॒शुषे॑ ॥
Padapatha Devanagari Nonaccented
प्र । वीरम् । उग्रम् । विविचिम् । धनऽस्पृतम् । विऽभूतिम् । राधसः । महः ।
उद्रीऽइव । वज्रिन् । अवतः । वसुऽत्वना । सदा । पीपेथ । दाशुषे ॥
Padapatha Transcription Accented
prá ǀ vīrám ǀ ugrám ǀ vívicim ǀ dhana-spṛ́tam ǀ ví-bhūtim ǀ rā́dhasaḥ ǀ maháḥ ǀ
udrī́-iva ǀ vajrin ǀ avatáḥ ǀ vasu-tvanā́ ǀ sádā ǀ pīpetha ǀ dāśúṣe ǁ
Padapatha Transcription Nonaccented
pra ǀ vīram ǀ ugram ǀ vivicim ǀ dhana-spṛtam ǀ vi-bhūtim ǀ rādhasaḥ ǀ mahaḥ ǀ
udrī-iva ǀ vajrin ǀ avataḥ ǀ vasu-tvanā ǀ sadā ǀ pīpetha ǀ dāśuṣe ǁ
08.050.07 (Mandala. Sukta. Rik)
6.4.17.02 (Ashtaka. Adhyaya. Varga. Rik)
08.06.188 (Mandala. Anuvāka. Rik)
Samhita Devanagari Accented
यद्ध॑ नू॒नं प॑रा॒वति॒ यद्वा॑ पृथि॒व्यां दि॒वि ।
यु॒जा॒न इं॑द्र॒ हरि॑भिर्महेमत ऋ॒ष्व ऋ॒ष्वेभि॒रा ग॑हि ॥
Samhita Devanagari Nonaccented
यद्ध नूनं परावति यद्वा पृथिव्यां दिवि ।
युजान इंद्र हरिभिर्महेमत ऋष्व ऋष्वेभिरा गहि ॥
Samhita Transcription Accented
yáddha nūnám parāváti yádvā pṛthivyā́m diví ǀ
yujāná indra háribhirmahemata ṛṣvá ṛṣvébhirā́ gahi ǁ
Samhita Transcription Nonaccented
yaddha nūnam parāvati yadvā pṛthivyām divi ǀ
yujāna indra haribhirmahemata ṛṣva ṛṣvebhirā gahi ǁ
Padapatha Devanagari Accented
यत् । ह॒ । नू॒नम् । प॒रा॒ऽवति॑ । यत् । वा॒ । पृ॒थि॒व्याम् । दि॒वि ।
यु॒जा॒नः । इ॒न्द्र॒ । हरि॑ऽभिः । म॒हे॒ऽम॒ते॒ । ऋ॒ष्वः । ऋ॒ष्वेभिः॑ । आ । ग॒हि॒ ॥
Padapatha Devanagari Nonaccented
यत् । ह । नूनम् । पराऽवति । यत् । वा । पृथिव्याम् । दिवि ।
युजानः । इन्द्र । हरिऽभिः । महेऽमते । ऋष्वः । ऋष्वेभिः । आ । गहि ॥
Padapatha Transcription Accented
yát ǀ ha ǀ nūnám ǀ parā-váti ǀ yát ǀ vā ǀ pṛthivyā́m ǀ diví ǀ
yujānáḥ ǀ indra ǀ hári-bhiḥ ǀ mahe-mate ǀ ṛṣváḥ ǀ ṛṣvébhiḥ ǀ ā́ ǀ gahi ǁ
Padapatha Transcription Nonaccented
yat ǀ ha ǀ nūnam ǀ parā-vati ǀ yat ǀ vā ǀ pṛthivyām ǀ divi ǀ
yujānaḥ ǀ indra ǀ hari-bhiḥ ǀ mahe-mate ǀ ṛṣvaḥ ǀ ṛṣvebhiḥ ǀ ā ǀ gahi ǁ
08.050.08 (Mandala. Sukta. Rik)
6.4.17.03 (Ashtaka. Adhyaya. Varga. Rik)
08.06.189 (Mandala. Anuvāka. Rik)
Samhita Devanagari Accented
र॒थि॒रासो॒ हर॑यो॒ ये ते॑ अ॒स्रिध॒ ओजो॒ वात॑स्य॒ पिप्र॑ति ।
येभि॒र्नि दस्युं॒ मनु॑षो नि॒घोष॑यो॒ येभिः॒ स्वः॑ प॒रीय॑से ॥
Samhita Devanagari Nonaccented
रथिरासो हरयो ये ते अस्रिध ओजो वातस्य पिप्रति ।
येभिर्नि दस्युं मनुषो निघोषयो येभिः स्वः परीयसे ॥
Samhita Transcription Accented
rathirā́so hárayo yé te asrídha ójo vā́tasya píprati ǀ
yébhirní dásyum mánuṣo nighóṣayo yébhiḥ sváḥ parī́yase ǁ
Samhita Transcription Nonaccented
rathirāso harayo ye te asridha ojo vātasya piprati ǀ
yebhirni dasyum manuṣo nighoṣayo yebhiḥ svaḥ parīyase ǁ
Padapatha Devanagari Accented
र॒थि॒रासः॑ । हर॑यः । ये । ते॒ । अ॒स्रिधः॑ । ओजः॑ । वात॑स्य । पिप्र॑ति ।
येभिः॑ । नि । दस्यु॑म् । मनु॑षः । नि॒ऽघोष॑यः । येभिः॑ । स्व१॒॑रिति॑ स्वः॑ । प॒रि॒ऽईय॑से ॥
Padapatha Devanagari Nonaccented
रथिरासः । हरयः । ये । ते । अस्रिधः । ओजः । वातस्य । पिप्रति ।
येभिः । नि । दस्युम् । मनुषः । निऽघोषयः । येभिः । स्वरिति स्वः । परिऽईयसे ॥
Padapatha Transcription Accented
rathirā́saḥ ǀ hárayaḥ ǀ yé ǀ te ǀ asrídhaḥ ǀ ójaḥ ǀ vā́tasya ǀ píprati ǀ
yébhiḥ ǀ ní ǀ dásyum ǀ mánuṣaḥ ǀ ni-ghóṣayaḥ ǀ yébhiḥ ǀ sváríti sváḥ ǀ pari-ī́yase ǁ
Padapatha Transcription Nonaccented
rathirāsaḥ ǀ harayaḥ ǀ ye ǀ te ǀ asridhaḥ ǀ ojaḥ ǀ vātasya ǀ piprati ǀ
yebhiḥ ǀ ni ǀ dasyum ǀ manuṣaḥ ǀ ni-ghoṣayaḥ ǀ yebhiḥ ǀ svariti svaḥ ǀ pari-īyase ǁ
08.050.09 (Mandala. Sukta. Rik)
6.4.17.04 (Ashtaka. Adhyaya. Varga. Rik)
08.06.190 (Mandala. Anuvāka. Rik)
Samhita Devanagari Accented
ए॒ताव॑तस्ते वसो वि॒द्याम॑ शूर॒ नव्य॑सः ।
यथा॒ प्राव॒ एत॑शं॒ कृत्व्ये॒ धने॒ यथा॒ वशं॒ दश॑व्रजे ॥
Samhita Devanagari Nonaccented
एतावतस्ते वसो विद्याम शूर नव्यसः ।
यथा प्राव एतशं कृत्व्ये धने यथा वशं दशव्रजे ॥
Samhita Transcription Accented
etā́vataste vaso vidyā́ma śūra návyasaḥ ǀ
yáthā prā́va étaśam kṛ́tvye dháne yáthā váśam dáśavraje ǁ
Samhita Transcription Nonaccented
etāvataste vaso vidyāma śūra navyasaḥ ǀ
yathā prāva etaśam kṛtvye dhane yathā vaśam daśavraje ǁ
Padapatha Devanagari Accented
ए॒ताव॑तः । ते॒ । व॒सो॒ इति॑ । वि॒द्याम॑ । शू॒र॒ । नव्य॑सः ।
यथा॑ । प्र॒ऽआवः॑ । एत॑शम् । कृत्व्ये॑ । धने॑ । यथा॑ । वश॑म् । दश॑ऽव्रजे ॥
Padapatha Devanagari Nonaccented
एतावतः । ते । वसो इति । विद्याम । शूर । नव्यसः ।
यथा । प्रऽआवः । एतशम् । कृत्व्ये । धने । यथा । वशम् । दशऽव्रजे ॥
Padapatha Transcription Accented
etā́vataḥ ǀ te ǀ vaso íti ǀ vidyā́ma ǀ śūra ǀ návyasaḥ ǀ
yáthā ǀ pra-ā́vaḥ ǀ étaśam ǀ kṛ́tvye ǀ dháne ǀ yáthā ǀ váśam ǀ dáśa-vraje ǁ
Padapatha Transcription Nonaccented
etāvataḥ ǀ te ǀ vaso iti ǀ vidyāma ǀ śūra ǀ navyasaḥ ǀ
yathā ǀ pra-āvaḥ ǀ etaśam ǀ kṛtvye ǀ dhane ǀ yathā ǀ vaśam ǀ daśa-vraje ǁ
08.050.10 (Mandala. Sukta. Rik)
6.4.17.05 (Ashtaka. Adhyaya. Varga. Rik)
08.06.191 (Mandala. Anuvāka. Rik)
Samhita Devanagari Accented
यथा॒ कण्वे॑ मघव॒न्मेधे॑ अध्व॒रे दी॒र्घनी॑थे॒ दमू॑नसि ।
यथा॒ गोश॑र्ये॒ असि॑षासो अद्रिवो॒ मयि॑ गो॒त्रं ह॑रि॒श्रियं॑ ॥
Samhita Devanagari Nonaccented
यथा कण्वे मघवन्मेधे अध्वरे दीर्घनीथे दमूनसि ।
यथा गोशर्ये असिषासो अद्रिवो मयि गोत्रं हरिश्रियं ॥
Samhita Transcription Accented
yáthā káṇve maghavanmédhe adhvaré dīrghánīthe dámūnasi ǀ
yáthā góśarye ásiṣāso adrivo máyi gotrám hariśríyam ǁ
Samhita Transcription Nonaccented
yathā kaṇve maghavanmedhe adhvare dīrghanīthe damūnasi ǀ
yathā gośarye asiṣāso adrivo mayi gotram hariśriyam ǁ
Padapatha Devanagari Accented
यथा॑ । कण्वे॑ । म॒घ॒ऽव॒न् । मेधे॑ । अ॒ध्व॒रे । दी॒र्घऽनी॑थे । दमू॑नसि ।
यथा॑ । गोऽश॑र्ये । असि॑सासः । अ॒द्रि॒ऽवः॒ । मयि॑ । गो॒त्रम् । ह॒रि॒ऽश्रिय॑म् ॥
Padapatha Devanagari Nonaccented
यथा । कण्वे । मघऽवन् । मेधे । अध्वरे । दीर्घऽनीथे । दमूनसि ।
यथा । गोऽशर्ये । असिसासः । अद्रिऽवः । मयि । गोत्रम् । हरिऽश्रियम् ॥
Padapatha Transcription Accented
yáthā ǀ káṇve ǀ magha-van ǀ médhe ǀ adhvaré ǀ dīrghá-nīthe ǀ dámūnasi ǀ
yáthā ǀ gó-śarye ǀ ásisāsaḥ ǀ adri-vaḥ ǀ máyi ǀ gotrám ǀ hari-śríyam ǁ
Padapatha Transcription Nonaccented
yathā ǀ kaṇve ǀ magha-van ǀ medhe ǀ adhvare ǀ dīrgha-nīthe ǀ damūnasi ǀ
yathā ǀ go-śarye ǀ asisāsaḥ ǀ adri-vaḥ ǀ mayi ǀ gotram ǀ hari-śriyam ǁ