|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 54
|
1. Info |
| To: | 1, 2, 5-8: indra; 3, 4: viśvedevās |
|
| From: | mātariśvan kāṇva | |
| Metres: | 1st set of styles: nicṛtpaṅkti (2, 4, 6, 8); nicṛtbṛhatī (1, 5); bṛhatī (3); virāḍbṛhatī (7) 2nd set of styles: bṛhatī (1, 3, 5, 7); satobṛhatī (2, 4, 6, 8) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.054.01 (Mandala. Sukta. Rik)
6.4.24.01 (Ashtaka. Adhyaya. Varga. Rik)
08.06.220 (Mandala. Anuvāka. Rik)
Samhita Devanagari Accented
ए॒तत्त॑ इंद्र वी॒र्यं॑ गी॒र्भिर्गृ॒णंति॑ का॒रवः॑ ।
ते स्तोभं॑त॒ ऊर्ज॑मावन्घृत॒श्चुतं॑ पौ॒रासो॑ नक्षंधी॒तिभिः॑ ॥
Samhita Devanagari Nonaccented
एतत्त इंद्र वीर्यं गीर्भिर्गृणंति कारवः ।
ते स्तोभंत ऊर्जमावन्घृतश्चुतं पौरासो नक्षंधीतिभिः ॥
Samhita Transcription Accented
etátta indra vīryám gīrbhírgṛṇánti kārávaḥ ǀ
té stóbhanta ū́rjamāvanghṛtaścútam paurā́so nakṣandhītíbhiḥ ǁ
Samhita Transcription Nonaccented
etatta indra vīryam gīrbhirgṛṇanti kāravaḥ ǀ
te stobhanta ūrjamāvanghṛtaścutam paurāso nakṣandhītibhiḥ ǁ
Padapatha Devanagari Accented
ए॒तत् । ते॒ । इ॒न्द्र॒ । वी॒र्य॑म् । गीः॒ऽभिः । गृ॒णन्ति॑ । का॒रवः॑ ।
ते । स्तोभ॑न्तः । ऊर्ज॑म् । आ॒व॒न् । घृ॒त॒ऽश्चुत॑म् । पौ॒रासः॑ । न॒क्ष॒न् । धी॒तिऽभिः॑ ॥
Padapatha Devanagari Nonaccented
एतत् । ते । इन्द्र । वीर्यम् । गीःऽभिः । गृणन्ति । कारवः ।
ते । स्तोभन्तः । ऊर्जम् । आवन् । घृतऽश्चुतम् । पौरासः । नक्षन् । धीतिऽभिः ॥
Padapatha Transcription Accented
etát ǀ te ǀ indra ǀ vīryám ǀ gīḥ-bhíḥ ǀ gṛṇánti ǀ kārávaḥ ǀ
té ǀ stóbhantaḥ ǀ ū́rjam ǀ āvan ǀ ghṛta-ścútam ǀ paurā́saḥ ǀ nakṣan ǀ dhītí-bhiḥ ǁ
Padapatha Transcription Nonaccented
etat ǀ te ǀ indra ǀ vīryam ǀ gīḥ-bhiḥ ǀ gṛṇanti ǀ kāravaḥ ǀ
te ǀ stobhantaḥ ǀ ūrjam ǀ āvan ǀ ghṛta-ścutam ǀ paurāsaḥ ǀ nakṣan ǀ dhīti-bhiḥ ǁ
08.054.02 (Mandala. Sukta. Rik)
6.4.24.02 (Ashtaka. Adhyaya. Varga. Rik)
08.06.221 (Mandala. Anuvāka. Rik)
Samhita Devanagari Accented
नक्षं॑त॒ इंद्र॒मव॑से सुकृ॒त्यया॒ येषां॑ सु॒तेषु॒ मंद॑से ।
यथा॑ संव॒र्ते अम॑दो॒ यथा॑ कृ॒श ए॒वास्मे इं॑द्र मत्स्व ॥
Samhita Devanagari Nonaccented
नक्षंत इंद्रमवसे सुकृत्यया येषां सुतेषु मंदसे ।
यथा संवर्ते अमदो यथा कृश एवास्मे इंद्र मत्स्व ॥
Samhita Transcription Accented
nákṣanta índramávase sukṛtyáyā yéṣām sutéṣu mándase ǀ
yáthā saṃvarté ámado yáthā kṛśá evā́smé indra matsva ǁ
Samhita Transcription Nonaccented
nakṣanta indramavase sukṛtyayā yeṣām suteṣu mandase ǀ
yathā saṃvarte amado yathā kṛśa evāsme indra matsva ǁ
Padapatha Devanagari Accented
नक्ष॑न्ते । इन्द्र॑म् । अव॑से । सु॒ऽकृ॒त्यया॑ । येषा॑म् । सु॒तेषु॑ । मन्द॑से ।
यथा॑ । स॒म्ऽव॒र्ते । अम॑दः । यथा॑ । कृ॒शे । ए॒व । अ॒स्मे इति॑ । इ॒न्द्र॒ । म॒त्स्व॒ ॥
Padapatha Devanagari Nonaccented
नक्षन्ते । इन्द्रम् । अवसे । सुऽकृत्यया । येषाम् । सुतेषु । मन्दसे ।
यथा । सम्ऽवर्ते । अमदः । यथा । कृशे । एव । अस्मे इति । इन्द्र । मत्स्व ॥
Padapatha Transcription Accented
nákṣante ǀ índram ǀ ávase ǀ su-kṛtyáyā ǀ yéṣām ǀ sutéṣu ǀ mándase ǀ
yáthā ǀ sam-varté ǀ ámadaḥ ǀ yáthā ǀ kṛśé ǀ evá ǀ asmé íti ǀ indra ǀ matsva ǁ
Padapatha Transcription Nonaccented
nakṣante ǀ indram ǀ avase ǀ su-kṛtyayā ǀ yeṣām ǀ suteṣu ǀ mandase ǀ
yathā ǀ sam-varte ǀ amadaḥ ǀ yathā ǀ kṛśe ǀ eva ǀ asme iti ǀ indra ǀ matsva ǁ
08.054.03 (Mandala. Sukta. Rik)
6.4.24.03 (Ashtaka. Adhyaya. Varga. Rik)
08.06.222 (Mandala. Anuvāka. Rik)
Samhita Devanagari Accented
आ नो॒ विश्वे॑ स॒जोष॑सो॒ देवा॑सो॒ गंत॒नोप॑ नः ।
वस॑वो रु॒द्रा अव॑से न॒ आ ग॑मंछृ॒ण्वंतु॑ म॒रुतो॒ हवं॑ ॥
Samhita Devanagari Nonaccented
आ नो विश्वे सजोषसो देवासो गंतनोप नः ।
वसवो रुद्रा अवसे न आ गमंछृण्वंतु मरुतो हवं ॥
Samhita Transcription Accented
ā́ no víśve sajóṣaso dévāso gántanópa naḥ ǀ
vásavo rudrā́ ávase na ā́ gamañchṛṇvántu marúto hávam ǁ
Samhita Transcription Nonaccented
ā no viśve sajoṣaso devāso gantanopa naḥ ǀ
vasavo rudrā avase na ā gamañchṛṇvantu maruto havam ǁ
Padapatha Devanagari Accented
आ । नः॒ । विश्वे॑ । स॒ऽजोष॑सः । देवा॑सः । गन्त॑न । उप॑ । नः॒ ।
वस॑वः । रु॒द्राः । अव॑से । नः॒ । आ । ग॒म॒न् । शृ॒ण्वन्तु॑ । म॒रुतः॑ । हव॑म् ॥
Padapatha Devanagari Nonaccented
आ । नः । विश्वे । सऽजोषसः । देवासः । गन्तन । उप । नः ।
वसवः । रुद्राः । अवसे । नः । आ । गमन् । शृण्वन्तु । मरुतः । हवम् ॥
Padapatha Transcription Accented
ā́ ǀ naḥ ǀ víśve ǀ sa-jóṣasaḥ ǀ dévāsaḥ ǀ gántana ǀ úpa ǀ naḥ ǀ
vásavaḥ ǀ rudrā́ḥ ǀ ávase ǀ naḥ ǀ ā́ ǀ gaman ǀ śṛṇvántu ǀ marútaḥ ǀ hávam ǁ
Padapatha Transcription Nonaccented
ā ǀ naḥ ǀ viśve ǀ sa-joṣasaḥ ǀ devāsaḥ ǀ gantana ǀ upa ǀ naḥ ǀ
vasavaḥ ǀ rudrāḥ ǀ avase ǀ naḥ ǀ ā ǀ gaman ǀ śṛṇvantu ǀ marutaḥ ǀ havam ǁ
08.054.04 (Mandala. Sukta. Rik)
6.4.24.04 (Ashtaka. Adhyaya. Varga. Rik)
08.06.223 (Mandala. Anuvāka. Rik)
Samhita Devanagari Accented
पू॒षा विष्णु॒र्हव॑नं मे॒ सर॑स्व॒त्यवं॑तु स॒प्त सिंध॑वः ।
आपो॒ वातः॒ पर्व॑तासो॒ वन॒स्पतिः॑ शृ॒णोतु॑ पृथि॒वी हवं॑ ॥
Samhita Devanagari Nonaccented
पूषा विष्णुर्हवनं मे सरस्वत्यवंतु सप्त सिंधवः ।
आपो वातः पर्वतासो वनस्पतिः शृणोतु पृथिवी हवं ॥
Samhita Transcription Accented
pūṣā́ víṣṇurhávanam me sárasvatyávantu saptá síndhavaḥ ǀ
ā́po vā́taḥ párvatāso vánaspátiḥ śṛṇótu pṛthivī́ hávam ǁ
Samhita Transcription Nonaccented
pūṣā viṣṇurhavanam me sarasvatyavantu sapta sindhavaḥ ǀ
āpo vātaḥ parvatāso vanaspatiḥ śṛṇotu pṛthivī havam ǁ
Padapatha Devanagari Accented
पू॒षा । विष्णुः॑ । हव॑नम् । मे॒ । सर॑स्वती । अव॑न्तु । स॒प्त । सिन्ध॑वः ।
आपः॑ । वातः॑ । पर्व॑तासः । वन॒स्पतिः॑ । शृ॒णोतु॑ । पृ॒थि॒वी । हव॑म् ॥
Padapatha Devanagari Nonaccented
पूषा । विष्णुः । हवनम् । मे । सरस्वती । अवन्तु । सप्त । सिन्धवः ।
आपः । वातः । पर्वतासः । वनस्पतिः । शृणोतु । पृथिवी । हवम् ॥
Padapatha Transcription Accented
pūṣā́ ǀ víṣṇuḥ ǀ hávanam ǀ me ǀ sárasvatī ǀ ávantu ǀ saptá ǀ síndhavaḥ ǀ
ā́paḥ ǀ vā́taḥ ǀ párvatāsaḥ ǀ vánaspátiḥ ǀ śṛṇótu ǀ pṛthivī́ ǀ hávam ǁ
Padapatha Transcription Nonaccented
pūṣā ǀ viṣṇuḥ ǀ havanam ǀ me ǀ sarasvatī ǀ avantu ǀ sapta ǀ sindhavaḥ ǀ
āpaḥ ǀ vātaḥ ǀ parvatāsaḥ ǀ vanaspatiḥ ǀ śṛṇotu ǀ pṛthivī ǀ havam ǁ
08.054.05 (Mandala. Sukta. Rik)
6.4.25.01 (Ashtaka. Adhyaya. Varga. Rik)
08.06.224 (Mandala. Anuvāka. Rik)
Samhita Devanagari Accented
यदिं॑द्र॒ राधो॒ अस्ति॑ ते॒ माघो॑नं मघवत्तम ।
तेन॑ नो बोधि सध॒माद्यो॑ वृ॒धे भगो॑ दा॒नाय॑ वृत्रहन् ॥
Samhita Devanagari Nonaccented
यदिंद्र राधो अस्ति ते माघोनं मघवत्तम ।
तेन नो बोधि सधमाद्यो वृधे भगो दानाय वृत्रहन् ॥
Samhita Transcription Accented
yádindra rā́dho ásti te mā́ghonam maghavattama ǀ
téna no bodhi sadhamā́dyo vṛdhé bhágo dānā́ya vṛtrahan ǁ
Samhita Transcription Nonaccented
yadindra rādho asti te māghonam maghavattama ǀ
tena no bodhi sadhamādyo vṛdhe bhago dānāya vṛtrahan ǁ
Padapatha Devanagari Accented
यत् । इ॒न्द्र॒ । राधः॑ । अस्ति॑ । ते॒ । माघो॑नम् । म॒घ॒व॒त्ऽत॒म॒ ।
तेन॑ । नः॒ । बो॒धि॒ । स॒ध॒ऽमाद्यः॑ । वृ॒धे । भगः॑ । दा॒नाय॑ । वृ॒त्र॒ऽह॒न् ॥
Padapatha Devanagari Nonaccented
यत् । इन्द्र । राधः । अस्ति । ते । माघोनम् । मघवत्ऽतम ।
तेन । नः । बोधि । सधऽमाद्यः । वृधे । भगः । दानाय । वृत्रऽहन् ॥
Padapatha Transcription Accented
yát ǀ indra ǀ rā́dhaḥ ǀ ásti ǀ te ǀ mā́ghonam ǀ maghavat-tama ǀ
téna ǀ naḥ ǀ bodhi ǀ sadha-mā́dyaḥ ǀ vṛdhé ǀ bhágaḥ ǀ dānā́ya ǀ vṛtra-han ǁ
Padapatha Transcription Nonaccented
yat ǀ indra ǀ rādhaḥ ǀ asti ǀ te ǀ māghonam ǀ maghavat-tama ǀ
tena ǀ naḥ ǀ bodhi ǀ sadha-mādyaḥ ǀ vṛdhe ǀ bhagaḥ ǀ dānāya ǀ vṛtra-han ǁ
08.054.06 (Mandala. Sukta. Rik)
6.4.25.02 (Ashtaka. Adhyaya. Varga. Rik)
08.06.225 (Mandala. Anuvāka. Rik)
Samhita Devanagari Accented
आजि॑पते नृपते॒ त्वमिद्धि नो॒ वाज॒ आ व॑क्षि सुक्रतो ।
वी॒ती होत्रा॑भिरु॒त दे॒ववी॑तिभिः सस॒वांसो॒ वि शृ॑ण्विरे ॥
Samhita Devanagari Nonaccented
आजिपते नृपते त्वमिद्धि नो वाज आ वक्षि सुक्रतो ।
वीती होत्राभिरुत देववीतिभिः ससवांसो वि शृण्विरे ॥
Samhita Transcription Accented
ā́jipate nṛpate tvámíddhí no vā́ja ā́ vakṣi sukrato ǀ
vītī́ hótrābhirutá devávītibhiḥ sasavā́ṃso ví śṛṇvire ǁ
Samhita Transcription Nonaccented
ājipate nṛpate tvamiddhi no vāja ā vakṣi sukrato ǀ
vītī hotrābhiruta devavītibhiḥ sasavāṃso vi śṛṇvire ǁ
Padapatha Devanagari Accented
आजि॑ऽपते । नृ॒ऽप॒ते॒ । त्वम् । इत् । हि । नः॒ । वाजे॑ । आ । व॒क्षि॒ । सु॒क्र॒तो॒ इति॑ सुऽक्रतो ।
वी॒ती । होत्रा॑भिः । उ॒त । दे॒ववी॑तिऽभिः । स॒स॒ऽवांसः॑ । वि । शृ॒ण्वि॒रे॒ ॥
Padapatha Devanagari Nonaccented
आजिऽपते । नृऽपते । त्वम् । इत् । हि । नः । वाजे । आ । वक्षि । सुक्रतो इति सुऽक्रतो ।
वीती । होत्राभिः । उत । देववीतिऽभिः । ससऽवांसः । वि । शृण्विरे ॥
Padapatha Transcription Accented
ā́ji-pate ǀ nṛ-pate ǀ tvám ǀ ít ǀ hí ǀ naḥ ǀ vā́je ǀ ā́ ǀ vakṣi ǀ sukrato íti su-krato ǀ
vītī́ ǀ hótrābhiḥ ǀ utá ǀ devávīti-bhiḥ ǀ sasa-vā́ṃsaḥ ǀ ví ǀ śṛṇvire ǁ
Padapatha Transcription Nonaccented
āji-pate ǀ nṛ-pate ǀ tvam ǀ it ǀ hi ǀ naḥ ǀ vāje ǀ ā ǀ vakṣi ǀ sukrato iti su-krato ǀ
vītī ǀ hotrābhiḥ ǀ uta ǀ devavīti-bhiḥ ǀ sasa-vāṃsaḥ ǀ vi ǀ śṛṇvire ǁ
08.054.07 (Mandala. Sukta. Rik)
6.4.25.03 (Ashtaka. Adhyaya. Varga. Rik)
08.06.226 (Mandala. Anuvāka. Rik)
Samhita Devanagari Accented
संति॒ ह्य१॒॑र्य आ॒शिष॒ इंद्र॒ आयु॒र्जना॑नां ।
अ॒स्मान्न॑क्षस्व मघव॒न्नुपाव॑से धु॒क्षस्व॑ पि॒प्युषी॒मिषं॑ ॥
Samhita Devanagari Nonaccented
संति ह्यर्य आशिष इंद्र आयुर्जनानां ।
अस्मान्नक्षस्व मघवन्नुपावसे धुक्षस्व पिप्युषीमिषं ॥
Samhita Transcription Accented
sánti hyáryá āśíṣa índra ā́yurjánānām ǀ
asmā́nnakṣasva maghavannúpā́vase dhukṣásva pipyúṣīmíṣam ǁ
Samhita Transcription Nonaccented
santi hyarya āśiṣa indra āyurjanānām ǀ
asmānnakṣasva maghavannupāvase dhukṣasva pipyuṣīmiṣam ǁ
Padapatha Devanagari Accented
सन्ति॑ । हि । अ॒र्ये । आ॒ऽशिषः॑ । इन्द्रे॑ । आयुः॑ । जना॑नाम् ।
अ॒स्मान् । न॒क्ष॒स्व॒ । म॒घ॒ऽव॒न् । उप॑ । अव॑से । धु॒क्षस्व॑ । पि॒प्युषी॑म् । इष॑म् ॥
Padapatha Devanagari Nonaccented
सन्ति । हि । अर्ये । आऽशिषः । इन्द्रे । आयुः । जनानाम् ।
अस्मान् । नक्षस्व । मघऽवन् । उप । अवसे । धुक्षस्व । पिप्युषीम् । इषम् ॥
Padapatha Transcription Accented
sánti ǀ hí ǀ aryé ǀ ā-śíṣaḥ ǀ índre ǀ ā́yuḥ ǀ jánānām ǀ
asmā́n ǀ nakṣasva ǀ magha-van ǀ úpa ǀ ávase ǀ dhukṣásva ǀ pipyúṣīm ǀ íṣam ǁ
Padapatha Transcription Nonaccented
santi ǀ hi ǀ arye ǀ ā-śiṣaḥ ǀ indre ǀ āyuḥ ǀ janānām ǀ
asmān ǀ nakṣasva ǀ magha-van ǀ upa ǀ avase ǀ dhukṣasva ǀ pipyuṣīm ǀ iṣam ǁ
08.054.08 (Mandala. Sukta. Rik)
6.4.25.04 (Ashtaka. Adhyaya. Varga. Rik)
08.06.227 (Mandala. Anuvāka. Rik)
Samhita Devanagari Accented
व॒यं त॑ इंद्र॒ स्तोमे॑भिर्विधेम॒ त्वम॒स्माकं॑ शतक्रतो ।
महि॑ स्थू॒रं श॑श॒यं राधो॒ अह्र॑यं॒ प्रस्क॑ण्वाय॒ नि तो॑शय ॥
Samhita Devanagari Nonaccented
वयं त इंद्र स्तोमेभिर्विधेम त्वमस्माकं शतक्रतो ।
महि स्थूरं शशयं राधो अह्रयं प्रस्कण्वाय नि तोशय ॥
Samhita Transcription Accented
vayám ta indra stómebhirvidhema tvámasmā́kam śatakrato ǀ
máhi sthūrám śaśayám rā́dho áhrayam práskaṇvāya ní tośaya ǁ
Samhita Transcription Nonaccented
vayam ta indra stomebhirvidhema tvamasmākam śatakrato ǀ
mahi sthūram śaśayam rādho ahrayam praskaṇvāya ni tośaya ǁ
Padapatha Devanagari Accented
व॒यम् । ते॒ । इ॒न्द्र॒ । स्तोमे॑भिः । वि॒धे॒म॒ । त्वम् । अ॒स्माक॑म् । श॒त॒क्र॒तो॒ इति॑ शतऽक्रतो ।
महि॑ । स्थू॒रम् । श॒श॒यम् । राधः॑ । अह्र॑यम् । प्रस्क॑ण्वाय । नि । तो॒श॒य॒ ॥
Padapatha Devanagari Nonaccented
वयम् । ते । इन्द्र । स्तोमेभिः । विधेम । त्वम् । अस्माकम् । शतक्रतो इति शतऽक्रतो ।
महि । स्थूरम् । शशयम् । राधः । अह्रयम् । प्रस्कण्वाय । नि । तोशय ॥
Padapatha Transcription Accented
vayám ǀ te ǀ indra ǀ stómebhiḥ ǀ vidhema ǀ tvám ǀ asmā́kam ǀ śatakrato íti śata-krato ǀ
máhi ǀ sthūrám ǀ śaśayám ǀ rā́dhaḥ ǀ áhrayam ǀ práskaṇvāya ǀ ní ǀ tośaya ǁ
Padapatha Transcription Nonaccented
vayam ǀ te ǀ indra ǀ stomebhiḥ ǀ vidhema ǀ tvam ǀ asmākam ǀ śatakrato iti śata-krato ǀ
mahi ǀ sthūram ǀ śaśayam ǀ rādhaḥ ǀ ahrayam ǀ praskaṇvāya ǀ ni ǀ tośaya ǁ