|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 58
|
1. Info |
| To: | 1: ṛtvij; 2: agni, uṣas, sūrya; 3: aśvins, uṣas |
|
| From: | medhya kāṇva (not mentioned in the sarvānukramaṇī) | |
| Metres: | 1st set of styles: bhuriktriṣṭup (1); nicṛttriṣṭup (2); triṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.058.01 (Mandala. Sukta. Rik)
6.4.29.01 (Ashtaka. Adhyaya. Varga. Rik)
08.06.242 (Mandala. Anuvāka. Rik)
Samhita Devanagari Accented
यमृ॒त्विजो॑ बहु॒धा क॒ल्पयं॑तः॒ सचे॑तसो य॒ज्ञमि॒मं वहं॑ति ।
यो अ॑नूचा॒नो ब्रा॑ह्म॒णो यु॒क्त आ॑सी॒त्का स्वि॒त्तत्र॒ यज॑मानस्य सं॒वित् ॥
Samhita Devanagari Nonaccented
यमृत्विजो बहुधा कल्पयंतः सचेतसो यज्ञमिमं वहंति ।
यो अनूचानो ब्राह्मणो युक्त आसीत्का स्वित्तत्र यजमानस्य संवित् ॥
Samhita Transcription Accented
yámṛtvíjo bahudhā́ kalpáyantaḥ sácetaso yajñámimám váhanti ǀ
yó anūcānó brāhmaṇó yuktá āsītkā́ svittátra yájamānasya saṃvít ǁ
Samhita Transcription Nonaccented
yamṛtvijo bahudhā kalpayantaḥ sacetaso yajñamimam vahanti ǀ
yo anūcāno brāhmaṇo yukta āsītkā svittatra yajamānasya saṃvit ǁ
Padapatha Devanagari Accented
यम् । ऋ॒त्विजः॑ । ब॒हु॒धा । क॒ल्पय॑न्तः । सऽचे॑तसः । य॒ज्ञम् । इ॒मम् । वह॑न्ति ।
यः । अ॒नू॒चा॒नः । ब्रा॒ह्म॒णः । यु॒क्तः । आ॒सी॒त् । का । स्वि॒त् । तत्र॑ । यज॑मानस्य । स॒म्ऽवित् ॥
Padapatha Devanagari Nonaccented
यम् । ऋत्विजः । बहुधा । कल्पयन्तः । सऽचेतसः । यज्ञम् । इमम् । वहन्ति ।
यः । अनूचानः । ब्राह्मणः । युक्तः । आसीत् । का । स्वित् । तत्र । यजमानस्य । सम्ऽवित् ॥
Padapatha Transcription Accented
yám ǀ ṛtvíjaḥ ǀ bahudhā́ ǀ kalpáyantaḥ ǀ sá-cetasaḥ ǀ yajñám ǀ imám ǀ váhanti ǀ
yáḥ ǀ anūcānáḥ ǀ brāhmaṇáḥ ǀ yuktáḥ ǀ āsīt ǀ kā́ ǀ svit ǀ tátra ǀ yájamānasya ǀ sam-vít ǁ
Padapatha Transcription Nonaccented
yam ǀ ṛtvijaḥ ǀ bahudhā ǀ kalpayantaḥ ǀ sa-cetasaḥ ǀ yajñam ǀ imam ǀ vahanti ǀ
yaḥ ǀ anūcānaḥ ǀ brāhmaṇaḥ ǀ yuktaḥ ǀ āsīt ǀ kā ǀ svit ǀ tatra ǀ yajamānasya ǀ sam-vit ǁ
08.058.02 (Mandala. Sukta. Rik)
6.4.29.02 (Ashtaka. Adhyaya. Varga. Rik)
08.06.243 (Mandala. Anuvāka. Rik)
Samhita Devanagari Accented
एक॑ ए॒वाग्निर्ब॑हु॒धा समि॑द्ध॒ एकः॒ सूर्यो॒ विश्व॒मनु॒ प्रभू॑तः ।
एकै॒वोषाः सर्व॑मि॒दं वि भा॒त्येकं॒ वा इ॒दं वि ब॑भूव॒ सर्वं॑ ॥
Samhita Devanagari Nonaccented
एक एवाग्निर्बहुधा समिद्ध एकः सूर्यो विश्वमनु प्रभूतः ।
एकैवोषाः सर्वमिदं वि भात्येकं वा इदं वि बभूव सर्वं ॥
Samhita Transcription Accented
éka evā́gnírbahudhā́ sámiddha ékaḥ sū́ryo víśvamánu prábhūtaḥ ǀ
ékaivóṣā́ḥ sárvamidám ví bhātyékam vā́ idám ví babhūva sárvam ǁ
Samhita Transcription Nonaccented
eka evāgnirbahudhā samiddha ekaḥ sūryo viśvamanu prabhūtaḥ ǀ
ekaivoṣāḥ sarvamidam vi bhātyekam vā idam vi babhūva sarvam ǁ
Padapatha Devanagari Accented
एकः॑ । ए॒व । अ॒ग्निः । ब॒हु॒धा । सम्ऽइ॑द्धः । एकः॑ । सूर्यः॑ । विश्व॑म् । अनु॑ । प्रऽभू॑तः ।
एका॑ । ए॒व । उ॒षाः । सर्व॑म् । इ॒दम् । वि । भा॒ति॒ । एक॑म् । वै । इ॒दम् । वि । ब॒भू॒व॒ । सर्व॑म् ॥
Padapatha Devanagari Nonaccented
एकः । एव । अग्निः । बहुधा । सम्ऽइद्धः । एकः । सूर्यः । विश्वम् । अनु । प्रऽभूतः ।
एका । एव । उषाः । सर्वम् । इदम् । वि । भाति । एकम् । वै । इदम् । वि । बभूव । सर्वम् ॥
Padapatha Transcription Accented
ékaḥ ǀ evá ǀ agníḥ ǀ bahudhā́ ǀ sám-iddhaḥ ǀ ékaḥ ǀ sū́ryaḥ ǀ víśvam ǀ ánu ǀ prá-bhūtaḥ ǀ
ékā ǀ evá ǀ uṣā́ḥ ǀ sárvam ǀ idám ǀ ví ǀ bhāti ǀ ékam ǀ vái ǀ idám ǀ ví ǀ babhūva ǀ sárvam ǁ
Padapatha Transcription Nonaccented
ekaḥ ǀ eva ǀ agniḥ ǀ bahudhā ǀ sam-iddhaḥ ǀ ekaḥ ǀ sūryaḥ ǀ viśvam ǀ anu ǀ pra-bhūtaḥ ǀ
ekā ǀ eva ǀ uṣāḥ ǀ sarvam ǀ idam ǀ vi ǀ bhāti ǀ ekam ǀ vai ǀ idam ǀ vi ǀ babhūva ǀ sarvam ǁ
08.058.03 (Mandala. Sukta. Rik)
6.4.29.03 (Ashtaka. Adhyaya. Varga. Rik)
08.06.244 (Mandala. Anuvāka. Rik)
Samhita Devanagari Accented
ज्योति॑ष्मंतं केतु॒मंतं॑ त्रिच॒क्रं सु॒खं रथं॑ सु॒षदं॒ भूरि॑वारं ।
चि॒त्राम॑घा॒ यस्य॒ योगे॑ऽधिजज्ञे॒ तं वां॑ हु॒वे अति॑ रिक्तं॒ पिब॑ध्यै ॥
Samhita Devanagari Nonaccented
ज्योतिष्मंतं केतुमंतं त्रिचक्रं सुखं रथं सुषदं भूरिवारं ।
चित्रामघा यस्य योगेऽधिजज्ञे तं वां हुवे अति रिक्तं पिबध्यै ॥
Samhita Transcription Accented
jyótiṣmantam ketumántam tricakrám sukhám rátham suṣádam bhū́rivāram ǀ
citrā́maghā yásya yóge’dhijajñe tám vām huvé áti riktam píbadhyai ǁ
Samhita Transcription Nonaccented
jyotiṣmantam ketumantam tricakram sukham ratham suṣadam bhūrivāram ǀ
citrāmaghā yasya yoge’dhijajñe tam vām huve ati riktam pibadhyai ǁ
Padapatha Devanagari Accented
ज्योति॑ष्मन्तम् । के॒तु॒ऽमन्त॑म् । त्रि॒ऽच॒क्रम् । सु॒ऽखम् । रथ॑म् । सु॒ऽसद॑म् । भूरि॑ऽवारम् ।
चि॒त्रऽम॑घा । यस्य॑ । योगे॑ । अ॒धि॒ऽज॒ज्ञे॒ । तम् । वा॒म् । हु॒वे । अति॑ । रि॒क्त॒म् । पिब॑ध्यै ॥
Padapatha Devanagari Nonaccented
ज्योतिष्मन्तम् । केतुऽमन्तम् । त्रिऽचक्रम् । सुऽखम् । रथम् । सुऽसदम् । भूरिऽवारम् ।
चित्रऽमघा । यस्य । योगे । अधिऽजज्ञे । तम् । वाम् । हुवे । अति । रिक्तम् । पिबध्यै ॥
Padapatha Transcription Accented
jyótiṣmantam ǀ ketu-mántam ǀ tri-cakrám ǀ su-khám ǀ rátham ǀ su-sádam ǀ bhū́ri-vāram ǀ
citrá-maghā ǀ yásya ǀ yóge ǀ adhi-jajñe ǀ tám ǀ vām ǀ huvé ǀ áti ǀ riktam ǀ píbadhyai ǁ
Padapatha Transcription Nonaccented
jyotiṣmantam ǀ ketu-mantam ǀ tri-cakram ǀ su-kham ǀ ratham ǀ su-sadam ǀ bhūri-vāram ǀ
citra-maghā ǀ yasya ǀ yoge ǀ adhi-jajñe ǀ tam ǀ vām ǀ huve ǀ ati ǀ riktam ǀ pibadhyai ǁ