|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 60
|
1. Info |
| To: | agni | |
| From: | bharga pragātha | |
| Metres: | 1st set of styles: nicṛtpaṅkti (4, 6, 8, 14, 18, 20); virāḍbṛhatī (1, 9, 13, 17); pādnicṛdbṛhatī (3, 5); bṛhatī (7, 19); pādanicṛtpaṅkti (10, 16); nicṛdbṛhatī (11, 15); sataḥpaṅkti (2); paṅktiḥ (12) 2nd set of styles: bṛhatī (1, 3, 5, 7, 9, 11, 13, 15, 17, 19); satobṛhatī (2, 4, 6, 8, 10, 12, 14, 16, 18, 20) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.060.01 (Mandala. Sukta. Rik)
6.4.32.01 (Ashtaka. Adhyaya. Varga. Rik)
08.07.001 (Mandala. Anuvāka. Rik)
Samhita Devanagari Accented
अग्न॒ आ या॑ह्य॒ग्निभि॒र्होता॑रं त्वा वृणीमहे ।
आ त्वाम॑नक्तु॒ प्रय॑ता ह॒विष्म॑ती॒ यजि॑ष्ठं ब॒र्हिरा॒सदे॑ ॥
Samhita Devanagari Nonaccented
अग्न आ याह्यग्निभिर्होतारं त्वा वृणीमहे ।
आ त्वामनक्तु प्रयता हविष्मती यजिष्ठं बर्हिरासदे ॥
Samhita Transcription Accented
ágna ā́ yāhyagníbhirhótāram tvā vṛṇīmahe ǀ
ā́ tvā́manaktu práyatā havíṣmatī yájiṣṭham barhírāsáde ǁ
Samhita Transcription Nonaccented
agna ā yāhyagnibhirhotāram tvā vṛṇīmahe ǀ
ā tvāmanaktu prayatā haviṣmatī yajiṣṭham barhirāsade ǁ
Padapatha Devanagari Accented
अग्ने॑ । आ । या॒हि॒ । अ॒ग्निऽभिः॑ । होता॑रम् । त्वा॒ । वृ॒णी॒म॒हे॒ ।
आ । त्वाम् । अ॒न॒क्तु॒ । प्रऽय॑ता । ह॒विष्म॑ती । यजि॑ष्ठम् । ब॒र्हिः । आ॒ऽसदे॑ ॥
Padapatha Devanagari Nonaccented
अग्ने । आ । याहि । अग्निऽभिः । होतारम् । त्वा । वृणीमहे ।
आ । त्वाम् । अनक्तु । प्रऽयता । हविष्मती । यजिष्ठम् । बर्हिः । आऽसदे ॥
Padapatha Transcription Accented
ágne ǀ ā́ ǀ yāhi ǀ agní-bhiḥ ǀ hótāram ǀ tvā ǀ vṛṇīmahe ǀ
ā́ ǀ tvā́m ǀ anaktu ǀ prá-yatā ǀ havíṣmatī ǀ yájiṣṭham ǀ barhíḥ ǀ ā-sáde ǁ
Padapatha Transcription Nonaccented
agne ǀ ā ǀ yāhi ǀ agni-bhiḥ ǀ hotāram ǀ tvā ǀ vṛṇīmahe ǀ
ā ǀ tvām ǀ anaktu ǀ pra-yatā ǀ haviṣmatī ǀ yajiṣṭham ǀ barhiḥ ǀ ā-sade ǁ
08.060.02 (Mandala. Sukta. Rik)
6.4.32.02 (Ashtaka. Adhyaya. Varga. Rik)
08.07.002 (Mandala. Anuvāka. Rik)
Samhita Devanagari Accented
अच्छा॒ हि त्वा॑ सहसः सूनो अंगिरः॒ स्रुच॒श्चरं॑त्यध्व॒रे ।
ऊ॒र्जो नपा॑तं घृ॒तके॑शमीमहे॒ऽग्निं य॒ज्ञेषु॑ पू॒र्व्यं ॥
Samhita Devanagari Nonaccented
अच्छा हि त्वा सहसः सूनो अंगिरः स्रुचश्चरंत्यध्वरे ।
ऊर्जो नपातं घृतकेशमीमहेऽग्निं यज्ञेषु पूर्व्यं ॥
Samhita Transcription Accented
ácchā hí tvā sahasaḥ sūno aṅgiraḥ srúcaścárantyadhvaré ǀ
ūrjó nápātam ghṛtákeśamīmahe’gním yajñéṣu pūrvyám ǁ
Samhita Transcription Nonaccented
acchā hi tvā sahasaḥ sūno aṅgiraḥ srucaścarantyadhvare ǀ
ūrjo napātam ghṛtakeśamīmahe’gnim yajñeṣu pūrvyam ǁ
Padapatha Devanagari Accented
अच्छ॑ । हि । त्वा॒ । स॒ह॒सः॒ । सू॒नो॒ इति॑ । अ॒ङ्गि॒रः॒ । स्रुचः॑ । चर॑न्ति । अ॒ध्व॒रे ।
ऊ॒र्जः । नपा॑तम् । घृ॒तऽके॑शम् । ई॒म॒हे॒ । अ॒ग्निम् । य॒ज्ञेषु॑ । पू॒र्व्यम् ॥
Padapatha Devanagari Nonaccented
अच्छ । हि । त्वा । सहसः । सूनो इति । अङ्गिरः । स्रुचः । चरन्ति । अध्वरे ।
ऊर्जः । नपातम् । घृतऽकेशम् । ईमहे । अग्निम् । यज्ञेषु । पूर्व्यम् ॥
Padapatha Transcription Accented
áccha ǀ hí ǀ tvā ǀ sahasaḥ ǀ sūno íti ǀ aṅgiraḥ ǀ srúcaḥ ǀ cáranti ǀ adhvaré ǀ
ūrjáḥ ǀ nápātam ǀ ghṛtá-keśam ǀ īmahe ǀ agním ǀ yajñéṣu ǀ pūrvyám ǁ
Padapatha Transcription Nonaccented
accha ǀ hi ǀ tvā ǀ sahasaḥ ǀ sūno iti ǀ aṅgiraḥ ǀ srucaḥ ǀ caranti ǀ adhvare ǀ
ūrjaḥ ǀ napātam ǀ ghṛta-keśam ǀ īmahe ǀ agnim ǀ yajñeṣu ǀ pūrvyam ǁ
08.060.03 (Mandala. Sukta. Rik)
6.4.32.03 (Ashtaka. Adhyaya. Varga. Rik)
08.07.003 (Mandala. Anuvāka. Rik)
Samhita Devanagari Accented
अग्ने॑ क॒विर्वे॒धा अ॑सि॒ होता॑ पावक॒ यक्ष्यः॑ ।
मं॒द्रो यजि॑ष्ठो अध्व॒रेष्वीड्यो॒ विप्रे॑भिः शुक्र॒ मन्म॑भिः ॥
Samhita Devanagari Nonaccented
अग्ने कविर्वेधा असि होता पावक यक्ष्यः ।
मंद्रो यजिष्ठो अध्वरेष्वीड्यो विप्रेभिः शुक्र मन्मभिः ॥
Samhita Transcription Accented
ágne kavírvedhā́ asi hótā pāvaka yákṣyaḥ ǀ
mandró yájiṣṭho adhvaréṣvī́ḍyo víprebhiḥ śukra mánmabhiḥ ǁ
Samhita Transcription Nonaccented
agne kavirvedhā asi hotā pāvaka yakṣyaḥ ǀ
mandro yajiṣṭho adhvareṣvīḍyo viprebhiḥ śukra manmabhiḥ ǁ
Padapatha Devanagari Accented
अग्ने॑ । क॒विः । वे॒धाः । अ॒सि॒ । होता॑ । पा॒व॒क॒ । यक्ष्यः॑ ।
म॒न्द्रः । यजि॑ष्ठः । अ॒ध्व॒रेषु॑ । ईड्यः॑ । विप्रे॑भिः । शु॒क्र॒ । मन्म॑ऽभिः ॥
Padapatha Devanagari Nonaccented
अग्ने । कविः । वेधाः । असि । होता । पावक । यक्ष्यः ।
मन्द्रः । यजिष्ठः । अध्वरेषु । ईड्यः । विप्रेभिः । शुक्र । मन्मऽभिः ॥
Padapatha Transcription Accented
ágne ǀ kavíḥ ǀ vedhā́ḥ ǀ asi ǀ hótā ǀ pāvaka ǀ yákṣyaḥ ǀ
mandráḥ ǀ yájiṣṭhaḥ ǀ adhvaréṣu ǀ ī́ḍyaḥ ǀ víprebhiḥ ǀ śukra ǀ mánma-bhiḥ ǁ
Padapatha Transcription Nonaccented
agne ǀ kaviḥ ǀ vedhāḥ ǀ asi ǀ hotā ǀ pāvaka ǀ yakṣyaḥ ǀ
mandraḥ ǀ yajiṣṭhaḥ ǀ adhvareṣu ǀ īḍyaḥ ǀ viprebhiḥ ǀ śukra ǀ manma-bhiḥ ǁ
08.060.04 (Mandala. Sukta. Rik)
6.4.32.04 (Ashtaka. Adhyaya. Varga. Rik)
08.07.004 (Mandala. Anuvāka. Rik)
Samhita Devanagari Accented
अद्रो॑घ॒मा व॑होश॒तो य॑विष्ठ्य दे॒वाँ अ॑जस्र वी॒तये॑ ।
अ॒भि प्रयां॑सि॒ सुधि॒ता व॑सो गहि॒ मंद॑स्व धी॒तिभि॑र्हि॒तः ॥
Samhita Devanagari Nonaccented
अद्रोघमा वहोशतो यविष्ठ्य देवाँ अजस्र वीतये ।
अभि प्रयांसि सुधिता वसो गहि मंदस्व धीतिभिर्हितः ॥
Samhita Transcription Accented
ádroghamā́ vahośató yaviṣṭhya devā́m̐ ajasra vītáye ǀ
abhí práyāṃsi súdhitā́ vaso gahi mándasva dhītíbhirhitáḥ ǁ
Samhita Transcription Nonaccented
adroghamā vahośato yaviṣṭhya devām̐ ajasra vītaye ǀ
abhi prayāṃsi sudhitā vaso gahi mandasva dhītibhirhitaḥ ǁ
Padapatha Devanagari Accented
अद्रो॑घम् । आ । व॒ह॒ । उ॒श॒तः । य॒वि॒ष्ठ्य॒ । दे॒वान् । अ॒ज॒स्र॒ । वी॒तये॑ ।
अ॒भि । प्रयां॑सि । सुऽधि॑ता । आ । व॒सो॒ इति॑ । ग॒हि॒ । मन्द॑स्व । धी॒तिऽभिः॑ । हि॒तः ॥
Padapatha Devanagari Nonaccented
अद्रोघम् । आ । वह । उशतः । यविष्ठ्य । देवान् । अजस्र । वीतये ।
अभि । प्रयांसि । सुऽधिता । आ । वसो इति । गहि । मन्दस्व । धीतिऽभिः । हितः ॥
Padapatha Transcription Accented
ádrogham ǀ ā́ ǀ vaha ǀ uśatáḥ ǀ yaviṣṭhya ǀ devā́n ǀ ajasra ǀ vītáye ǀ
abhí ǀ práyāṃsi ǀ sú-dhitā ǀ ā́ ǀ vaso íti ǀ gahi ǀ mándasva ǀ dhītí-bhiḥ ǀ hitáḥ ǁ
Padapatha Transcription Nonaccented
adrogham ǀ ā ǀ vaha ǀ uśataḥ ǀ yaviṣṭhya ǀ devān ǀ ajasra ǀ vītaye ǀ
abhi ǀ prayāṃsi ǀ su-dhitā ǀ ā ǀ vaso iti ǀ gahi ǀ mandasva ǀ dhīti-bhiḥ ǀ hitaḥ ǁ
08.060.05 (Mandala. Sukta. Rik)
6.4.32.05 (Ashtaka. Adhyaya. Varga. Rik)
08.07.005 (Mandala. Anuvāka. Rik)
Samhita Devanagari Accented
त्वमित्स॒प्रथा॑ अ॒स्यग्ने॑ त्रातर्ऋ॒तस्क॒विः ।
त्वां विप्रा॑सः समिधान दीदिव॒ आ वि॑वासंति वे॒धसः॑ ॥
Samhita Devanagari Nonaccented
त्वमित्सप्रथा अस्यग्ने त्रातर्ऋतस्कविः ।
त्वां विप्रासः समिधान दीदिव आ विवासंति वेधसः ॥
Samhita Transcription Accented
tvámítsapráthā asyágne trātarṛtáskavíḥ ǀ
tvā́m víprāsaḥ samidhāna dīdiva ā́ vivāsanti vedhásaḥ ǁ
Samhita Transcription Nonaccented
tvamitsaprathā asyagne trātarṛtaskaviḥ ǀ
tvām viprāsaḥ samidhāna dīdiva ā vivāsanti vedhasaḥ ǁ
Padapatha Devanagari Accented
त्वम् । इत् । स॒ऽप्रथाः॑ । अ॒सि॒ । अग्ने॑ । त्रा॒तः॒ । ऋ॒तः । क॒विः ।
त्वाम् । विप्रा॑सः । स॒म्ऽइ॒धा॒न॒ । दी॒दि॒ऽवः॒ । आ । वि॒वा॒स॒न्ति॒ । वे॒धसः॑ ॥
Padapatha Devanagari Nonaccented
त्वम् । इत् । सऽप्रथाः । असि । अग्ने । त्रातः । ऋतः । कविः ।
त्वाम् । विप्रासः । सम्ऽइधान । दीदिऽवः । आ । विवासन्ति । वेधसः ॥
Padapatha Transcription Accented
tvám ǀ ít ǀ sa-práthāḥ ǀ asi ǀ ágne ǀ trātaḥ ǀ ṛtáḥ ǀ kavíḥ ǀ
tvā́m ǀ víprāsaḥ ǀ sam-idhāna ǀ dīdi-vaḥ ǀ ā́ ǀ vivāsanti ǀ vedhásaḥ ǁ
Padapatha Transcription Nonaccented
tvam ǀ it ǀ sa-prathāḥ ǀ asi ǀ agne ǀ trātaḥ ǀ ṛtaḥ ǀ kaviḥ ǀ
tvām ǀ viprāsaḥ ǀ sam-idhāna ǀ dīdi-vaḥ ǀ ā ǀ vivāsanti ǀ vedhasaḥ ǁ
08.060.06 (Mandala. Sukta. Rik)
6.4.33.01 (Ashtaka. Adhyaya. Varga. Rik)
08.07.006 (Mandala. Anuvāka. Rik)
Samhita Devanagari Accented
शोचा॑ शोचिष्ठ दीदि॒हि वि॒शे मयो॒ रास्व॑ स्तो॒त्रे म॒हाँ अ॑सि ।
दे॒वानां॒ शर्म॒न्मम॑ संतु सू॒रयः॑ शत्रू॒षाहः॑ स्व॒ग्नयः॑ ॥
Samhita Devanagari Nonaccented
शोचा शोचिष्ठ दीदिहि विशे मयो रास्व स्तोत्रे महाँ असि ।
देवानां शर्मन्मम संतु सूरयः शत्रूषाहः स्वग्नयः ॥
Samhita Transcription Accented
śócā śociṣṭha dīdihí viśé máyo rā́sva stotré mahā́m̐ asi ǀ
devā́nām śármanmáma santu sūráyaḥ śatrūṣā́haḥ svagnáyaḥ ǁ
Samhita Transcription Nonaccented
śocā śociṣṭha dīdihi viśe mayo rāsva stotre mahām̐ asi ǀ
devānām śarmanmama santu sūrayaḥ śatrūṣāhaḥ svagnayaḥ ǁ
Padapatha Devanagari Accented
शोच॑ । शो॒चि॒ष्ठ॒ । दी॒दि॒हि । वि॒शे । मयः॑ । रास्व॑ । स्तो॒त्रे । म॒हान् । अ॒सि॒ ।
दे॒वाना॑म् । शर्म॑न् । मम॑ । स॒न्तु॒ । सू॒रयः॑ । श॒त्रु॒ऽसहः॑ । सु॒ऽअ॒ग्नयः॑ ॥
Padapatha Devanagari Nonaccented
शोच । शोचिष्ठ । दीदिहि । विशे । मयः । रास्व । स्तोत्रे । महान् । असि ।
देवानाम् । शर्मन् । मम । सन्तु । सूरयः । शत्रुऽसहः । सुऽअग्नयः ॥
Padapatha Transcription Accented
śóca ǀ śociṣṭha ǀ dīdihí ǀ viśé ǀ máyaḥ ǀ rā́sva ǀ stotré ǀ mahā́n ǀ asi ǀ
devā́nām ǀ śárman ǀ máma ǀ santu ǀ sūráyaḥ ǀ śatru-sáhaḥ ǀ su-agnáyaḥ ǁ
Padapatha Transcription Nonaccented
śoca ǀ śociṣṭha ǀ dīdihi ǀ viśe ǀ mayaḥ ǀ rāsva ǀ stotre ǀ mahān ǀ asi ǀ
devānām ǀ śarman ǀ mama ǀ santu ǀ sūrayaḥ ǀ śatru-sahaḥ ǀ su-agnayaḥ ǁ
08.060.07 (Mandala. Sukta. Rik)
6.4.33.02 (Ashtaka. Adhyaya. Varga. Rik)
08.07.007 (Mandala. Anuvāka. Rik)
Samhita Devanagari Accented
यथा॑ चिद्वृ॒द्धम॑त॒समग्ने॑ सं॒जूर्व॑सि॒ क्षमि॑ ।
ए॒वा द॑ह मित्रमहो॒ यो अ॑स्म॒ध्रुग्दु॒र्मन्मा॒ कश्च॒ वेन॑ति ॥
Samhita Devanagari Nonaccented
यथा चिद्वृद्धमतसमग्ने संजूर्वसि क्षमि ।
एवा दह मित्रमहो यो अस्मध्रुग्दुर्मन्मा कश्च वेनति ॥
Samhita Transcription Accented
yáthā cidvṛddhámatasámágne saṃjū́rvasi kṣámi ǀ
evā́ daha mitramaho yó asmadhrúgdurmánmā káśca vénati ǁ
Samhita Transcription Nonaccented
yathā cidvṛddhamatasamagne saṃjūrvasi kṣami ǀ
evā daha mitramaho yo asmadhrugdurmanmā kaśca venati ǁ
Padapatha Devanagari Accented
यथा॑ । चि॒त् । वृ॒द्धम् । अ॒त॒सम् । अग्ने॑ । स॒म्ऽजूर्व॑सि । क्षमि॑ ।
ए॒व । द॒ह॒ । मि॒त्र॒ऽम॒हः॒ । यः । अ॒स्म॒ऽध्रुक् । दुः॒ऽमन्मा॑ । कः । च॒ । वेन॑ति ॥
Padapatha Devanagari Nonaccented
यथा । चित् । वृद्धम् । अतसम् । अग्ने । सम्ऽजूर्वसि । क्षमि ।
एव । दह । मित्रऽमहः । यः । अस्मऽध्रुक् । दुःऽमन्मा । कः । च । वेनति ॥
Padapatha Transcription Accented
yáthā ǀ cit ǀ vṛddhám ǀ atasám ǀ ágne ǀ sam-jū́rvasi ǀ kṣámi ǀ
evá ǀ daha ǀ mitra-mahaḥ ǀ yáḥ ǀ asma-dhrúk ǀ duḥ-mánmā ǀ káḥ ǀ ca ǀ vénati ǁ
Padapatha Transcription Nonaccented
yathā ǀ cit ǀ vṛddham ǀ atasam ǀ agne ǀ sam-jūrvasi ǀ kṣami ǀ
eva ǀ daha ǀ mitra-mahaḥ ǀ yaḥ ǀ asma-dhruk ǀ duḥ-manmā ǀ kaḥ ǀ ca ǀ venati ǁ
08.060.08 (Mandala. Sukta. Rik)
6.4.33.03 (Ashtaka. Adhyaya. Varga. Rik)
08.07.008 (Mandala. Anuvāka. Rik)
Samhita Devanagari Accented
मा नो॒ मर्ता॑य रि॒पवे॑ रक्ष॒स्विने॒ माघशं॑साय रीरधः ।
अस्रे॑धद्भिस्त॒रणि॑भिर्यविष्ठ्य शि॒वेभिः॑ पाहि पा॒युभिः॑ ॥
Samhita Devanagari Nonaccented
मा नो मर्ताय रिपवे रक्षस्विने माघशंसाय रीरधः ।
अस्रेधद्भिस्तरणिभिर्यविष्ठ्य शिवेभिः पाहि पायुभिः ॥
Samhita Transcription Accented
mā́ no mártāya ripáve rakṣasvíne mā́gháśaṃsāya rīradhaḥ ǀ
ásredhadbhistaráṇibhiryaviṣṭhya śivébhiḥ pāhi pāyúbhiḥ ǁ
Samhita Transcription Nonaccented
mā no martāya ripave rakṣasvine māghaśaṃsāya rīradhaḥ ǀ
asredhadbhistaraṇibhiryaviṣṭhya śivebhiḥ pāhi pāyubhiḥ ǁ
Padapatha Devanagari Accented
मा । नः॒ । मर्ता॑य । रि॒पवे॑ । र॒क्ष॒स्विने॑ । मा । अ॒घऽशं॑साय । री॒र॒धः॒ ।
अस्रे॑धत्ऽभिः । त॒रणि॑ऽभिः । य॒वि॒ष्ठ्य॒ । शि॒वेभिः॑ । पा॒हि॒ । पा॒युऽभिः॑ ॥
Padapatha Devanagari Nonaccented
मा । नः । मर्ताय । रिपवे । रक्षस्विने । मा । अघऽशंसाय । रीरधः ।
अस्रेधत्ऽभिः । तरणिऽभिः । यविष्ठ्य । शिवेभिः । पाहि । पायुऽभिः ॥
Padapatha Transcription Accented
mā́ ǀ naḥ ǀ mártāya ǀ ripáve ǀ rakṣasvíne ǀ mā́ ǀ aghá-śaṃsāya ǀ rīradhaḥ ǀ
ásredhat-bhiḥ ǀ taráṇi-bhiḥ ǀ yaviṣṭhya ǀ śivébhiḥ ǀ pāhi ǀ pāyú-bhiḥ ǁ
Padapatha Transcription Nonaccented
mā ǀ naḥ ǀ martāya ǀ ripave ǀ rakṣasvine ǀ mā ǀ agha-śaṃsāya ǀ rīradhaḥ ǀ
asredhat-bhiḥ ǀ taraṇi-bhiḥ ǀ yaviṣṭhya ǀ śivebhiḥ ǀ pāhi ǀ pāyu-bhiḥ ǁ
08.060.09 (Mandala. Sukta. Rik)
6.4.33.04 (Ashtaka. Adhyaya. Varga. Rik)
08.07.009 (Mandala. Anuvāka. Rik)
Samhita Devanagari Accented
पा॒हि नो॑ अग्न॒ एक॑या पा॒ह्यु१॒॑त द्वि॒तीय॑या ।
पा॒हि गी॒र्भिस्ति॒सृभि॑रूर्जां पते पा॒हि च॑त॒सृभि॑र्वसो ॥
Samhita Devanagari Nonaccented
पाहि नो अग्न एकया पाह्युत द्वितीयया ।
पाहि गीर्भिस्तिसृभिरूर्जां पते पाहि चतसृभिर्वसो ॥
Samhita Transcription Accented
pāhí no agna ékayā pāhyútá dvitī́yayā ǀ
pāhí gīrbhístisṛ́bhirūrjām pate pāhí catasṛ́bhirvaso ǁ
Samhita Transcription Nonaccented
pāhi no agna ekayā pāhyuta dvitīyayā ǀ
pāhi gīrbhistisṛbhirūrjām pate pāhi catasṛbhirvaso ǁ
Padapatha Devanagari Accented
पा॒हि । नः॒ । अ॒ग्ने॒ । एक॑या । पा॒हि । उ॒त । द्वि॒तीय॑या ।
पा॒हि । गीः॒ऽभिः । ति॒सृऽभिः॑ । ऊ॒र्जा॒म् । प॒ते॒ । पा॒हि । च॒त॒सृऽभिः॑ । व॒सो॒ इति॑ ॥
Padapatha Devanagari Nonaccented
पाहि । नः । अग्ने । एकया । पाहि । उत । द्वितीयया ।
पाहि । गीःऽभिः । तिसृऽभिः । ऊर्जाम् । पते । पाहि । चतसृऽभिः । वसो इति ॥
Padapatha Transcription Accented
pāhí ǀ naḥ ǀ agne ǀ ékayā ǀ pāhí ǀ utá ǀ dvitī́yayā ǀ
pāhí ǀ gīḥ-bhíḥ ǀ tisṛ́-bhiḥ ǀ ūrjām ǀ pate ǀ pāhí ǀ catasṛ́-bhiḥ ǀ vaso íti ǁ
Padapatha Transcription Nonaccented
pāhi ǀ naḥ ǀ agne ǀ ekayā ǀ pāhi ǀ uta ǀ dvitīyayā ǀ
pāhi ǀ gīḥ-bhiḥ ǀ tisṛ-bhiḥ ǀ ūrjām ǀ pate ǀ pāhi ǀ catasṛ-bhiḥ ǀ vaso iti ǁ
08.060.10 (Mandala. Sukta. Rik)
6.4.33.05 (Ashtaka. Adhyaya. Varga. Rik)
08.07.010 (Mandala. Anuvāka. Rik)
Samhita Devanagari Accented
पा॒हि विश्व॑स्माद्र॒क्षसो॒ अरा॑व्णः॒ प्र स्म॒ वाजे॑षु नोऽव ।
त्वामिद्धि नेदि॑ष्ठं दे॒वता॑तय आ॒पिं नक्षा॑महे वृ॒धे ॥
Samhita Devanagari Nonaccented
पाहि विश्वस्माद्रक्षसो अराव्णः प्र स्म वाजेषु नोऽव ।
त्वामिद्धि नेदिष्ठं देवतातय आपिं नक्षामहे वृधे ॥
Samhita Transcription Accented
pāhí víśvasmādrakṣáso árāvṇaḥ prá sma vā́jeṣu no’va ǀ
tvā́míddhí nédiṣṭham devátātaya āpím nákṣāmahe vṛdhé ǁ
Samhita Transcription Nonaccented
pāhi viśvasmādrakṣaso arāvṇaḥ pra sma vājeṣu no’va ǀ
tvāmiddhi nediṣṭham devatātaya āpim nakṣāmahe vṛdhe ǁ
Padapatha Devanagari Accented
पा॒हि । विश्व॑स्मात् । र॒क्षसः॑ । अरा॑व्णः । प्र । स्म॒ । वाजे॑षु । नः॒ । अ॒व॒ ।
त्वाम् । इत् । हि । नेदि॑ष्ठम् । दे॒वऽता॑तये । आ॒पिम् । नक्षा॑महे । वृ॒धे ॥
Padapatha Devanagari Nonaccented
पाहि । विश्वस्मात् । रक्षसः । अराव्णः । प्र । स्म । वाजेषु । नः । अव ।
त्वाम् । इत् । हि । नेदिष्ठम् । देवऽतातये । आपिम् । नक्षामहे । वृधे ॥
Padapatha Transcription Accented
pāhí ǀ víśvasmāt ǀ rakṣásaḥ ǀ árāvṇaḥ ǀ prá ǀ sma ǀ vā́jeṣu ǀ naḥ ǀ ava ǀ
tvā́m ǀ ít ǀ hí ǀ nédiṣṭham ǀ devá-tātaye ǀ āpím ǀ nákṣāmahe ǀ vṛdhé ǁ
Padapatha Transcription Nonaccented
pāhi ǀ viśvasmāt ǀ rakṣasaḥ ǀ arāvṇaḥ ǀ pra ǀ sma ǀ vājeṣu ǀ naḥ ǀ ava ǀ
tvām ǀ it ǀ hi ǀ nediṣṭham ǀ deva-tātaye ǀ āpim ǀ nakṣāmahe ǀ vṛdhe ǁ
08.060.11 (Mandala. Sukta. Rik)
6.4.34.01 (Ashtaka. Adhyaya. Varga. Rik)
08.07.011 (Mandala. Anuvāka. Rik)
Samhita Devanagari Accented
आ नो॑ अग्ने वयो॒वृधं॑ र॒यिं पा॑वक॒ शंस्यं॑ ।
रास्वा॑ च न उपमाते पुरु॒स्पृहं॒ सुनी॑ती॒ स्वय॑शस्तरं ॥
Samhita Devanagari Nonaccented
आ नो अग्ने वयोवृधं रयिं पावक शंस्यं ।
रास्वा च न उपमाते पुरुस्पृहं सुनीती स्वयशस्तरं ॥
Samhita Transcription Accented
ā́ no agne vayovṛ́dham rayím pāvaka śáṃsyam ǀ
rā́svā ca na upamāte puruspṛ́ham súnītī sváyaśastaram ǁ
Samhita Transcription Nonaccented
ā no agne vayovṛdham rayim pāvaka śaṃsyam ǀ
rāsvā ca na upamāte puruspṛham sunītī svayaśastaram ǁ
Padapatha Devanagari Accented
आ । नः॒ । अ॒ग्ने॒ । व॒यः॒ऽवृध॑म् । र॒यिम् । पा॒व॒क॒ । शंस्य॑म् ।
रास्व॑ । च॒ । नः॒ । उ॒प॒ऽमा॒ते॒ । पु॒रु॒ऽस्पृह॑म् । सुऽनी॑ती । स्वय॑शःऽतरम् ॥
Padapatha Devanagari Nonaccented
आ । नः । अग्ने । वयःऽवृधम् । रयिम् । पावक । शंस्यम् ।
रास्व । च । नः । उपऽमाते । पुरुऽस्पृहम् । सुऽनीती । स्वयशःऽतरम् ॥
Padapatha Transcription Accented
ā́ ǀ naḥ ǀ agne ǀ vayaḥ-vṛ́dham ǀ rayím ǀ pāvaka ǀ śáṃsyam ǀ
rā́sva ǀ ca ǀ naḥ ǀ upa-māte ǀ puru-spṛ́ham ǀ sú-nītī ǀ sváyaśaḥ-taram ǁ
Padapatha Transcription Nonaccented
ā ǀ naḥ ǀ agne ǀ vayaḥ-vṛdham ǀ rayim ǀ pāvaka ǀ śaṃsyam ǀ
rāsva ǀ ca ǀ naḥ ǀ upa-māte ǀ puru-spṛham ǀ su-nītī ǀ svayaśaḥ-taram ǁ
08.060.12 (Mandala. Sukta. Rik)
6.4.34.02 (Ashtaka. Adhyaya. Varga. Rik)
08.07.012 (Mandala. Anuvāka. Rik)
Samhita Devanagari Accented
येन॒ वंसा॑म॒ पृत॑नासु॒ शर्ध॑त॒स्तरं॑तो अ॒र्य आ॒दिशः॑ ।
स त्वं नो॑ वर्ध॒ प्रय॑सा शचीवसो॒ जिन्वा॒ धियो॑ वसु॒विदः॑ ॥
Samhita Devanagari Nonaccented
येन वंसाम पृतनासु शर्धतस्तरंतो अर्य आदिशः ।
स त्वं नो वर्ध प्रयसा शचीवसो जिन्वा धियो वसुविदः ॥
Samhita Transcription Accented
yéna váṃsāma pṛ́tanāsu śárdhatastáranto aryá ādíśaḥ ǀ
sá tvám no vardha práyasā śacīvaso jínvā dhíyo vasuvídaḥ ǁ
Samhita Transcription Nonaccented
yena vaṃsāma pṛtanāsu śardhatastaranto arya ādiśaḥ ǀ
sa tvam no vardha prayasā śacīvaso jinvā dhiyo vasuvidaḥ ǁ
Padapatha Devanagari Accented
येन॑ । वंसा॑म । पृत॑नासु । शर्ध॑तः । तर॑न्तः । अ॒र्यः । आ॒ऽदिशः॑ ।
सः । त्वम् । नः॒ । व॒र्ध॒ । प्रय॑सा । श॒ची॒व॒सो॒ इति॑ शचीऽवसो । जिन्व॑ । धियः॑ । व॒सु॒ऽविदः॑ ॥
Padapatha Devanagari Nonaccented
येन । वंसाम । पृतनासु । शर्धतः । तरन्तः । अर्यः । आऽदिशः ।
सः । त्वम् । नः । वर्ध । प्रयसा । शचीवसो इति शचीऽवसो । जिन्व । धियः । वसुऽविदः ॥
Padapatha Transcription Accented
yéna ǀ váṃsāma ǀ pṛ́tanāsu ǀ śárdhataḥ ǀ tárantaḥ ǀ aryáḥ ǀ ā-díśaḥ ǀ
sáḥ ǀ tvám ǀ naḥ ǀ vardha ǀ práyasā ǀ śacīvaso íti śacī-vaso ǀ jínva ǀ dhíyaḥ ǀ vasu-vídaḥ ǁ
Padapatha Transcription Nonaccented
yena ǀ vaṃsāma ǀ pṛtanāsu ǀ śardhataḥ ǀ tarantaḥ ǀ aryaḥ ǀ ā-diśaḥ ǀ
saḥ ǀ tvam ǀ naḥ ǀ vardha ǀ prayasā ǀ śacīvaso iti śacī-vaso ǀ jinva ǀ dhiyaḥ ǀ vasu-vidaḥ ǁ
08.060.13 (Mandala. Sukta. Rik)
6.4.34.03 (Ashtaka. Adhyaya. Varga. Rik)
08.07.013 (Mandala. Anuvāka. Rik)
Samhita Devanagari Accented
शिशा॑नो वृष॒भो य॑था॒ग्निः शृंगे॒ दवि॑ध्वत् ।
ति॒ग्मा अ॑स्य॒ हन॑वो॒ न प्र॑ति॒धृषे॑ सु॒जंभः॒ सह॑सो य॒हुः ॥
Samhita Devanagari Nonaccented
शिशानो वृषभो यथाग्निः शृंगे दविध्वत् ।
तिग्मा अस्य हनवो न प्रतिधृषे सुजंभः सहसो यहुः ॥
Samhita Transcription Accented
śíśāno vṛṣabhó yathāgníḥ śṛ́ṅge dávidhvat ǀ
tigmā́ asya hánavo ná pratidhṛ́ṣe sujámbhaḥ sáhaso yahúḥ ǁ
Samhita Transcription Nonaccented
śiśāno vṛṣabho yathāgniḥ śṛṅge davidhvat ǀ
tigmā asya hanavo na pratidhṛṣe sujambhaḥ sahaso yahuḥ ǁ
Padapatha Devanagari Accented
शिशा॑नः । वृ॒ष॒भः । य॒था॒ । अ॒ग्निः । शृङ्गे॒ इति॑ । दवि॑ध्वत् ।
ति॒ग्माः । अ॒स्य॒ । हन॑वः । न । प्र॒ति॒ऽधृषे॑ । सु॒ऽजम्भः॑ । सह॑सः । य॒हुः ॥
Padapatha Devanagari Nonaccented
शिशानः । वृषभः । यथा । अग्निः । शृङ्गे इति । दविध्वत् ।
तिग्माः । अस्य । हनवः । न । प्रतिऽधृषे । सुऽजम्भः । सहसः । यहुः ॥
Padapatha Transcription Accented
śíśānaḥ ǀ vṛṣabháḥ ǀ yathā ǀ agníḥ ǀ śṛ́ṅge íti ǀ dávidhvat ǀ
tigmā́ḥ ǀ asya ǀ hánavaḥ ǀ ná ǀ prati-dhṛ́ṣe ǀ su-jámbhaḥ ǀ sáhasaḥ ǀ yahúḥ ǁ
Padapatha Transcription Nonaccented
śiśānaḥ ǀ vṛṣabhaḥ ǀ yathā ǀ agniḥ ǀ śṛṅge iti ǀ davidhvat ǀ
tigmāḥ ǀ asya ǀ hanavaḥ ǀ na ǀ prati-dhṛṣe ǀ su-jambhaḥ ǀ sahasaḥ ǀ yahuḥ ǁ
08.060.14 (Mandala. Sukta. Rik)
6.4.34.04 (Ashtaka. Adhyaya. Varga. Rik)
08.07.014 (Mandala. Anuvāka. Rik)
Samhita Devanagari Accented
न॒हि ते॑ अग्ने वृषभ प्रति॒धृषे॒ जंभा॑सो॒ यद्वि॒तिष्ठ॑से ।
स त्वं नो॑ होतः॒ सुहु॑तं ह॒विष्कृ॑धि॒ वंस्वा॑ नो॒ वार्या॑ पु॒रु ॥
Samhita Devanagari Nonaccented
नहि ते अग्ने वृषभ प्रतिधृषे जंभासो यद्वितिष्ठसे ।
स त्वं नो होतः सुहुतं हविष्कृधि वंस्वा नो वार्या पुरु ॥
Samhita Transcription Accented
nahí te agne vṛṣabha pratidhṛ́ṣe jámbhāso yádvitíṣṭhase ǀ
sá tvám no hotaḥ súhutam havíṣkṛdhi váṃsvā no vā́ryā purú ǁ
Samhita Transcription Nonaccented
nahi te agne vṛṣabha pratidhṛṣe jambhāso yadvitiṣṭhase ǀ
sa tvam no hotaḥ suhutam haviṣkṛdhi vaṃsvā no vāryā puru ǁ
Padapatha Devanagari Accented
न॒हि । ते॒ । अ॒ग्ने॒ । वृ॒ष॒भ॒ । प्र॒ति॒ऽधृषे॑ । जम्भा॑सः । यत् । वि॒ऽतिष्ठ॑से ।
सः । त्वम् । नः॒ । हो॒त॒रिति॑ । सुऽहु॑तम् । ह॒विः । कृ॒धि॒ । वंस्व॑ । नः॒ । वार्या॑ । पु॒रु ॥
Padapatha Devanagari Nonaccented
नहि । ते । अग्ने । वृषभ । प्रतिऽधृषे । जम्भासः । यत् । विऽतिष्ठसे ।
सः । त्वम् । नः । होतरिति । सुऽहुतम् । हविः । कृधि । वंस्व । नः । वार्या । पुरु ॥
Padapatha Transcription Accented
nahí ǀ te ǀ agne ǀ vṛṣabha ǀ prati-dhṛ́ṣe ǀ jámbhāsaḥ ǀ yát ǀ vi-tíṣṭhase ǀ
sáḥ ǀ tvám ǀ naḥ ǀ hotaríti ǀ sú-hutam ǀ havíḥ ǀ kṛdhi ǀ váṃsva ǀ naḥ ǀ vā́ryā ǀ purú ǁ
Padapatha Transcription Nonaccented
nahi ǀ te ǀ agne ǀ vṛṣabha ǀ prati-dhṛṣe ǀ jambhāsaḥ ǀ yat ǀ vi-tiṣṭhase ǀ
saḥ ǀ tvam ǀ naḥ ǀ hotariti ǀ su-hutam ǀ haviḥ ǀ kṛdhi ǀ vaṃsva ǀ naḥ ǀ vāryā ǀ puru ǁ
08.060.15 (Mandala. Sukta. Rik)
6.4.34.05 (Ashtaka. Adhyaya. Varga. Rik)
08.07.015 (Mandala. Anuvāka. Rik)
Samhita Devanagari Accented
शेषे॒ वने॑षु मा॒त्रोः सं त्वा॒ मर्ता॑स इंधते ।
अतं॑द्रो ह॒व्या व॑हसि हवि॒ष्कृत॒ आदिद्दे॒वेषु॑ राजसि ॥
Samhita Devanagari Nonaccented
शेषे वनेषु मात्रोः सं त्वा मर्तास इंधते ।
अतंद्रो हव्या वहसि हविष्कृत आदिद्देवेषु राजसि ॥
Samhita Transcription Accented
śéṣe váneṣu mātróḥ sám tvā mártāsa indhate ǀ
átandro havyā́ vahasi haviṣkṛ́ta ā́díddevéṣu rājasi ǁ
Samhita Transcription Nonaccented
śeṣe vaneṣu mātroḥ sam tvā martāsa indhate ǀ
atandro havyā vahasi haviṣkṛta ādiddeveṣu rājasi ǁ
Padapatha Devanagari Accented
शेषे॑ । वने॑षु । मा॒त्रोः । सम् । त्वा॒ । मर्ता॑सः । इ॒न्ध॒ते॒ ।
अत॑न्द्रः । ह॒व्या । व॒ह॒सि॒ । ह॒विः॒ऽकृतः॑ । आत् । इत् । दे॒वेषु॑ । रा॒ज॒सि॒ ॥
Padapatha Devanagari Nonaccented
शेषे । वनेषु । मात्रोः । सम् । त्वा । मर्तासः । इन्धते ।
अतन्द्रः । हव्या । वहसि । हविःऽकृतः । आत् । इत् । देवेषु । राजसि ॥
Padapatha Transcription Accented
śéṣe ǀ váneṣu ǀ mātróḥ ǀ sám ǀ tvā ǀ mártāsaḥ ǀ indhate ǀ
átandraḥ ǀ havyā́ ǀ vahasi ǀ haviḥ-kṛ́taḥ ǀ ā́t ǀ ít ǀ devéṣu ǀ rājasi ǁ
Padapatha Transcription Nonaccented
śeṣe ǀ vaneṣu ǀ mātroḥ ǀ sam ǀ tvā ǀ martāsaḥ ǀ indhate ǀ
atandraḥ ǀ havyā ǀ vahasi ǀ haviḥ-kṛtaḥ ǀ āt ǀ it ǀ deveṣu ǀ rājasi ǁ
08.060.16 (Mandala. Sukta. Rik)
6.4.35.01 (Ashtaka. Adhyaya. Varga. Rik)
08.07.016 (Mandala. Anuvāka. Rik)
Samhita Devanagari Accented
स॒प्त होता॑र॒स्तमिदी॑ळते॒ त्वाग्ने॑ सु॒त्यज॒मह्र॑यं ।
भि॒नत्स्यद्रिं॒ तप॑सा॒ वि शो॒चिषा॒ प्राग्ने॑ तिष्ठ॒ जनाँ॒ अति॑ ॥
Samhita Devanagari Nonaccented
सप्त होतारस्तमिदीळते त्वाग्ने सुत्यजमह्रयं ।
भिनत्स्यद्रिं तपसा वि शोचिषा प्राग्ने तिष्ठ जनाँ अति ॥
Samhita Transcription Accented
saptá hótārastámídīḷate tvā́gne sutyájamáhrayam ǀ
bhinátsyádrim tápasā ví śocíṣā prā́gne tiṣṭha jánām̐ áti ǁ
Samhita Transcription Nonaccented
sapta hotārastamidīḷate tvāgne sutyajamahrayam ǀ
bhinatsyadrim tapasā vi śociṣā prāgne tiṣṭha janām̐ ati ǁ
Padapatha Devanagari Accented
स॒प्त । होता॑रः । तम् । इत् । ई॒ळ॒ते॒ । त्वा॒ । अग्ने॑ । सु॒ऽत्यज॑म् । अह्र॑यम् ।
भि॒नत्सि । अद्रि॑म् । तप॑सा । वि । शो॒चिषा॑ । प्र । अ॒ग्ने॒ । ति॒ष्ठ॒ । जना॑न् । अति॑ ॥
Padapatha Devanagari Nonaccented
सप्त । होतारः । तम् । इत् । ईळते । त्वा । अग्ने । सुऽत्यजम् । अह्रयम् ।
भिनत्सि । अद्रिम् । तपसा । वि । शोचिषा । प्र । अग्ने । तिष्ठ । जनान् । अति ॥
Padapatha Transcription Accented
saptá ǀ hótāraḥ ǀ tám ǀ ít ǀ īḷate ǀ tvā ǀ ágne ǀ su-tyájam ǀ áhrayam ǀ
bhinátsí ǀ ádrim ǀ tápasā ǀ ví ǀ śocíṣā ǀ prá ǀ agne ǀ tiṣṭha ǀ jánān ǀ áti ǁ
Padapatha Transcription Nonaccented
sapta ǀ hotāraḥ ǀ tam ǀ it ǀ īḷate ǀ tvā ǀ agne ǀ su-tyajam ǀ ahrayam ǀ
bhinatsi ǀ adrim ǀ tapasā ǀ vi ǀ śociṣā ǀ pra ǀ agne ǀ tiṣṭha ǀ janān ǀ ati ǁ
08.060.17 (Mandala. Sukta. Rik)
6.4.35.02 (Ashtaka. Adhyaya. Varga. Rik)
08.07.017 (Mandala. Anuvāka. Rik)
Samhita Devanagari Accented
अ॒ग्निम॑ग्निं वो॒ अध्रि॑गुं हु॒वेम॑ वृ॒क्तब॑र्हिषः ।
अ॒ग्निं हि॒तप्र॑यसः शश्व॒तीष्वा होता॑रं चर्षणी॒नां ॥
Samhita Devanagari Nonaccented
अग्निमग्निं वो अध्रिगुं हुवेम वृक्तबर्हिषः ।
अग्निं हितप्रयसः शश्वतीष्वा होतारं चर्षणीनां ॥
Samhita Transcription Accented
agnímagnim vo ádhrigum huvéma vṛktábarhiṣaḥ ǀ
agním hitáprayasaḥ śaśvatī́ṣvā́ hótāram carṣaṇīnā́m ǁ
Samhita Transcription Nonaccented
agnimagnim vo adhrigum huvema vṛktabarhiṣaḥ ǀ
agnim hitaprayasaḥ śaśvatīṣvā hotāram carṣaṇīnām ǁ
Padapatha Devanagari Accented
अ॒ग्निम्ऽअ॑ग्निम् । वः॒ । अध्रि॑ऽगुम् । हु॒वेम॑ । वृ॒क्तऽब॑र्हिषः ।
अ॒ग्निम् । हि॒तऽप्र॑यसः । श॒श्व॒तीषु॑ । आ । होता॑रम् । च॒र्ष॒णी॒नाम् ॥
Padapatha Devanagari Nonaccented
अग्निम्ऽअग्निम् । वः । अध्रिऽगुम् । हुवेम । वृक्तऽबर्हिषः ।
अग्निम् । हितऽप्रयसः । शश्वतीषु । आ । होतारम् । चर्षणीनाम् ॥
Padapatha Transcription Accented
agním-agnim ǀ vaḥ ǀ ádhri-gum ǀ huvéma ǀ vṛktá-barhiṣaḥ ǀ
agním ǀ hitá-prayasaḥ ǀ śaśvatī́ṣu ǀ ā́ ǀ hótāram ǀ carṣaṇīnā́m ǁ
Padapatha Transcription Nonaccented
agnim-agnim ǀ vaḥ ǀ adhri-gum ǀ huvema ǀ vṛkta-barhiṣaḥ ǀ
agnim ǀ hita-prayasaḥ ǀ śaśvatīṣu ǀ ā ǀ hotāram ǀ carṣaṇīnām ǁ
08.060.18 (Mandala. Sukta. Rik)
6.4.35.03 (Ashtaka. Adhyaya. Varga. Rik)
08.07.018 (Mandala. Anuvāka. Rik)
Samhita Devanagari Accented
केते॑न॒ शर्म॑न्त्सचते सुषा॒मण्यग्ने॒ तुभ्यं॑ चिकि॒त्वना॑ ।
इ॒ष॒ण्यया॑ नः पुरु॒रूप॒मा भ॑र॒ वाजं॒ नेदि॑ष्ठमू॒तये॑ ॥
Samhita Devanagari Nonaccented
केतेन शर्मन्त्सचते सुषामण्यग्ने तुभ्यं चिकित्वना ।
इषण्यया नः पुरुरूपमा भर वाजं नेदिष्ठमूतये ॥
Samhita Transcription Accented
kétena śármantsacate suṣāmáṇyágne túbhyam cikitvánā ǀ
iṣaṇyáyā naḥ pururū́pamā́ bhara vā́jam nédiṣṭhamūtáye ǁ
Samhita Transcription Nonaccented
ketena śarmantsacate suṣāmaṇyagne tubhyam cikitvanā ǀ
iṣaṇyayā naḥ pururūpamā bhara vājam nediṣṭhamūtaye ǁ
Padapatha Devanagari Accented
केते॑न । शर्म॑न् । स॒च॒ते॒ । सु॒ऽसा॒मनि॑ । अग्ने॑ । तुभ्य॑म् । चि॒कि॒त्वना॑ ।
इ॒ष॒ण्यया॑ । नः॒ । पु॒रु॒ऽरूप॑म् । आ । भ॒र॒ । वाज॑म् । नेदि॑ष्ठम् । ऊ॒तये॑ ॥
Padapatha Devanagari Nonaccented
केतेन । शर्मन् । सचते । सुऽसामनि । अग्ने । तुभ्यम् । चिकित्वना ।
इषण्यया । नः । पुरुऽरूपम् । आ । भर । वाजम् । नेदिष्ठम् । ऊतये ॥
Padapatha Transcription Accented
kétena ǀ śárman ǀ sacate ǀ su-sāmáni ǀ ágne ǀ túbhyam ǀ cikitvánā ǀ
iṣaṇyáyā ǀ naḥ ǀ puru-rū́pam ǀ ā́ ǀ bhara ǀ vā́jam ǀ nédiṣṭham ǀ ūtáye ǁ
Padapatha Transcription Nonaccented
ketena ǀ śarman ǀ sacate ǀ su-sāmani ǀ agne ǀ tubhyam ǀ cikitvanā ǀ
iṣaṇyayā ǀ naḥ ǀ puru-rūpam ǀ ā ǀ bhara ǀ vājam ǀ nediṣṭham ǀ ūtaye ǁ
08.060.19 (Mandala. Sukta. Rik)
6.4.35.04 (Ashtaka. Adhyaya. Varga. Rik)
08.07.019 (Mandala. Anuvāka. Rik)
Samhita Devanagari Accented
अग्ने॒ जरि॑तर्वि॒श्पति॑स्तेपा॒नो दे॑व र॒क्षसः॑ ।
अप्रो॑षिवान्गृ॒हप॑तिर्म॒हाँ अ॑सि दि॒वस्पा॒युर्दु॑रोण॒युः ॥
Samhita Devanagari Nonaccented
अग्ने जरितर्विश्पतिस्तेपानो देव रक्षसः ।
अप्रोषिवान्गृहपतिर्महाँ असि दिवस्पायुर्दुरोणयुः ॥
Samhita Transcription Accented
ágne járitarviśpátistepānó deva rakṣásaḥ ǀ
áproṣivāngṛhápatirmahā́m̐ asi diváspāyúrduroṇayúḥ ǁ
Samhita Transcription Nonaccented
agne jaritarviśpatistepāno deva rakṣasaḥ ǀ
aproṣivāngṛhapatirmahām̐ asi divaspāyurduroṇayuḥ ǁ
Padapatha Devanagari Accented
अग्ने॑ । जरि॑तः । वि॒श्पतिः॑ । ते॒पा॒नः । दे॒व॒ । र॒क्षसः॑ ।
अप्रो॑षिऽवान् । गृ॒हऽप॑तिः । म॒हान् । अ॒सि॒ । दि॒वः । पा॒युः । दु॒रो॒ण॒ऽयुः ॥
Padapatha Devanagari Nonaccented
अग्ने । जरितः । विश्पतिः । तेपानः । देव । रक्षसः ।
अप्रोषिऽवान् । गृहऽपतिः । महान् । असि । दिवः । पायुः । दुरोणऽयुः ॥
Padapatha Transcription Accented
ágne ǀ járitaḥ ǀ viśpátiḥ ǀ tepānáḥ ǀ deva ǀ rakṣásaḥ ǀ
áproṣi-vān ǀ gṛhá-patiḥ ǀ mahā́n ǀ asi ǀ diváḥ ǀ pāyúḥ ǀ duroṇa-yúḥ ǁ
Padapatha Transcription Nonaccented
agne ǀ jaritaḥ ǀ viśpatiḥ ǀ tepānaḥ ǀ deva ǀ rakṣasaḥ ǀ
aproṣi-vān ǀ gṛha-patiḥ ǀ mahān ǀ asi ǀ divaḥ ǀ pāyuḥ ǀ duroṇa-yuḥ ǁ
08.060.20 (Mandala. Sukta. Rik)
6.4.35.05 (Ashtaka. Adhyaya. Varga. Rik)
08.07.020 (Mandala. Anuvāka. Rik)
Samhita Devanagari Accented
मा नो॒ रक्ष॒ आ वे॑शीदाघृणीवसो॒ मा या॒तुर्या॑तु॒माव॑तां ।
प॒रो॒ग॒व्यू॒त्यनि॑रा॒मप॒ क्षुध॒मग्ने॒ सेध॑ रक्ष॒स्विनः॑ ॥
Samhita Devanagari Nonaccented
मा नो रक्ष आ वेशीदाघृणीवसो मा यातुर्यातुमावतां ।
परोगव्यूत्यनिरामप क्षुधमग्ने सेध रक्षस्विनः ॥
Samhita Transcription Accented
mā́ no rákṣa ā́ veśīdāghṛṇīvaso mā́ yātúryātumā́vatām ǀ
parogavyūtyánirāmápa kṣúdhamágne sédha rakṣasvínaḥ ǁ
Samhita Transcription Nonaccented
mā no rakṣa ā veśīdāghṛṇīvaso mā yāturyātumāvatām ǀ
parogavyūtyanirāmapa kṣudhamagne sedha rakṣasvinaḥ ǁ
Padapatha Devanagari Accented
मा । नः॒ । रक्षः॑ । आ । वे॒शी॒त् । आ॒घृ॒णि॒व॒सो॒ इत्या॑घृणिऽवसो । मा । या॒तुः । या॒तु॒ऽमाव॑ताम् ।
प॒रः॒ऽग॒व्यू॒ति । अनि॑राम् । अप॑ । क्षुध॑म् । अग्ने॑ । सेध॑ । र॒क्ष॒स्विनः॑ ॥
Padapatha Devanagari Nonaccented
मा । नः । रक्षः । आ । वेशीत् । आघृणिवसो इत्याघृणिऽवसो । मा । यातुः । यातुऽमावताम् ।
परःऽगव्यूति । अनिराम् । अप । क्षुधम् । अग्ने । सेध । रक्षस्विनः ॥
Padapatha Transcription Accented
mā́ ǀ naḥ ǀ rákṣaḥ ǀ ā́ ǀ veśīt ǀ āghṛṇivaso ítyāghṛṇi-vaso ǀ mā́ ǀ yātúḥ ǀ yātu-mā́vatām ǀ
paraḥ-gavyūtí ǀ ánirām ǀ ápa ǀ kṣúdham ǀ ágne ǀ sédha ǀ rakṣasvínaḥ ǁ
Padapatha Transcription Nonaccented
mā ǀ naḥ ǀ rakṣaḥ ǀ ā ǀ veśīt ǀ āghṛṇivaso ityāghṛṇi-vaso ǀ mā ǀ yātuḥ ǀ yātu-māvatām ǀ
paraḥ-gavyūti ǀ anirām ǀ apa ǀ kṣudham ǀ agne ǀ sedha ǀ rakṣasvinaḥ ǁ