|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 66
|
1. Info |
| To: | indra | |
| From: | kali prāgātha | |
| Metres: | 1st set of styles: virāḍbṛhatī (3, 5, 11, 13); nicṛtpaṅkti (2, 8, 12); virāṭpaṅkti (4, 6); anuṣṭup (9, 15); bṛhatī (1); pādnicṛdbṛhatī (7); paṅktiḥ (10); pādanicṛtpaṅkti (14) 2nd set of styles: bṛhatī (1, 3, 5, 7, 9, 11, 13); satobṛhatī (2, 4, 6, 8, 10, 12, 14); anuṣṭubh (15) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.066.01 (Mandala. Sukta. Rik)
6.4.48.01 (Ashtaka. Adhyaya. Varga. Rik)
08.07.087 (Mandala. Anuvāka. Rik)
Samhita Devanagari Accented
तरो॑भिर्वो वि॒दद्व॑सु॒मिंद्रं॑ स॒बाध॑ ऊ॒तये॑ ।
बृ॒हद्गायं॑तः सु॒तसो॑मे अध्व॒रे हु॒वे भरं॒ न का॒रिणं॑ ॥
Samhita Devanagari Nonaccented
तरोभिर्वो विदद्वसुमिंद्रं सबाध ऊतये ।
बृहद्गायंतः सुतसोमे अध्वरे हुवे भरं न कारिणं ॥
Samhita Transcription Accented
tárobhirvo vidádvasumíndram sabā́dha ūtáye ǀ
bṛhádgā́yantaḥ sutásome adhvaré huvé bháram ná kāríṇam ǁ
Samhita Transcription Nonaccented
tarobhirvo vidadvasumindram sabādha ūtaye ǀ
bṛhadgāyantaḥ sutasome adhvare huve bharam na kāriṇam ǁ
Padapatha Devanagari Accented
तरः॑ऽभिः । वः॒ । वि॒दत्ऽव॑सुम् । इन्द्र॑म् । स॒ऽबाधः॑ । ऊ॒तये॑ ।
बृ॒हत् । गाय॑न्तः । सु॒तऽसो॑मे । अ॒ध्व॒रे । हु॒वे । भर॑म् । न । का॒रिण॑म् ॥
Padapatha Devanagari Nonaccented
तरःऽभिः । वः । विदत्ऽवसुम् । इन्द्रम् । सऽबाधः । ऊतये ।
बृहत् । गायन्तः । सुतऽसोमे । अध्वरे । हुवे । भरम् । न । कारिणम् ॥
Padapatha Transcription Accented
táraḥ-bhiḥ ǀ vaḥ ǀ vidát-vasum ǀ índram ǀ sa-bā́dhaḥ ǀ ūtáye ǀ
bṛhát ǀ gā́yantaḥ ǀ sutá-some ǀ adhvaré ǀ huvé ǀ bháram ǀ ná ǀ kāríṇam ǁ
Padapatha Transcription Nonaccented
taraḥ-bhiḥ ǀ vaḥ ǀ vidat-vasum ǀ indram ǀ sa-bādhaḥ ǀ ūtaye ǀ
bṛhat ǀ gāyantaḥ ǀ suta-some ǀ adhvare ǀ huve ǀ bharam ǀ na ǀ kāriṇam ǁ
08.066.02 (Mandala. Sukta. Rik)
6.4.48.02 (Ashtaka. Adhyaya. Varga. Rik)
08.07.088 (Mandala. Anuvāka. Rik)
Samhita Devanagari Accented
न यं दु॒ध्रा वरं॑ते॒ न स्थि॒रा मुरो॒ मदे॑ सुशि॒प्रमंध॑सः ।
य आ॒दृत्या॑ शशमा॒नाय॑ सुन्व॒ते दाता॑ जरि॒त्र उ॒क्थ्यं॑ ॥
Samhita Devanagari Nonaccented
न यं दुध्रा वरंते न स्थिरा मुरो मदे सुशिप्रमंधसः ।
य आदृत्या शशमानाय सुन्वते दाता जरित्र उक्थ्यं ॥
Samhita Transcription Accented
ná yám dudhrā́ várante ná sthirā́ múro máde suśiprámándhasaḥ ǀ
yá ādṛ́tyā śaśamānā́ya sunvaté dā́tā jaritrá ukthyám ǁ
Samhita Transcription Nonaccented
na yam dudhrā varante na sthirā muro made suśipramandhasaḥ ǀ
ya ādṛtyā śaśamānāya sunvate dātā jaritra ukthyam ǁ
Padapatha Devanagari Accented
न । यम् । दु॒ध्राः । वर॑न्ते । न । स्थि॒राः । मुरः॑ । मदे॑ । सु॒ऽशि॒प्रम् । अन्ध॑सः ।
यः । आ॒ऽदृत्य॑ । श॒श॒मा॒नाय॑ । सु॒न्व॒ते । दाता॑ । ज॒रि॒त्रे । उ॒क्थ्य॑म् ॥
Padapatha Devanagari Nonaccented
न । यम् । दुध्राः । वरन्ते । न । स्थिराः । मुरः । मदे । सुऽशिप्रम् । अन्धसः ।
यः । आऽदृत्य । शशमानाय । सुन्वते । दाता । जरित्रे । उक्थ्यम् ॥
Padapatha Transcription Accented
ná ǀ yám ǀ dudhrā́ḥ ǀ várante ǀ ná ǀ sthirā́ḥ ǀ múraḥ ǀ máde ǀ su-śiprám ǀ ándhasaḥ ǀ
yáḥ ǀ ā-dṛ́tya ǀ śaśamānā́ya ǀ sunvaté ǀ dā́tā ǀ jaritré ǀ ukthyám ǁ
Padapatha Transcription Nonaccented
na ǀ yam ǀ dudhrāḥ ǀ varante ǀ na ǀ sthirāḥ ǀ muraḥ ǀ made ǀ su-śipram ǀ andhasaḥ ǀ
yaḥ ǀ ā-dṛtya ǀ śaśamānāya ǀ sunvate ǀ dātā ǀ jaritre ǀ ukthyam ǁ
08.066.03 (Mandala. Sukta. Rik)
6.4.48.03 (Ashtaka. Adhyaya. Varga. Rik)
08.07.089 (Mandala. Anuvāka. Rik)
Samhita Devanagari Accented
यः श॒क्रो मृ॒क्षो अश्व्यो॒ यो वा॒ कीजो॑ हिर॒ण्ययः॑ ।
स ऊ॒र्वस्य॑ रेजय॒त्यपा॑वृति॒मिंद्रो॒ गव्य॑स्य वृत्र॒हा ॥
Samhita Devanagari Nonaccented
यः शक्रो मृक्षो अश्व्यो यो वा कीजो हिरण्ययः ।
स ऊर्वस्य रेजयत्यपावृतिमिंद्रो गव्यस्य वृत्रहा ॥
Samhita Transcription Accented
yáḥ śakró mṛkṣó áśvyo yó vā kī́jo hiraṇyáyaḥ ǀ
sá ūrvásya rejayatyápāvṛtimíndro gávyasya vṛtrahā́ ǁ
Samhita Transcription Nonaccented
yaḥ śakro mṛkṣo aśvyo yo vā kījo hiraṇyayaḥ ǀ
sa ūrvasya rejayatyapāvṛtimindro gavyasya vṛtrahā ǁ
Padapatha Devanagari Accented
यः । श॒क्रः । मृ॒क्षः । अश्व्यः॑ । यः । वा॒ । कीजः॑ । हि॒र॒ण्ययः॑ ।
सः । ऊ॒र्वस्य॑ । रे॒ज॒य॒ति॒ । अप॑ऽवृतिम् । इन्द्रः॑ । गव्य॑स्य । वृ॒त्र॒ऽहा ॥
Padapatha Devanagari Nonaccented
यः । शक्रः । मृक्षः । अश्व्यः । यः । वा । कीजः । हिरण्ययः ।
सः । ऊर्वस्य । रेजयति । अपऽवृतिम् । इन्द्रः । गव्यस्य । वृत्रऽहा ॥
Padapatha Transcription Accented
yáḥ ǀ śakráḥ ǀ mṛkṣáḥ ǀ áśvyaḥ ǀ yáḥ ǀ vā ǀ kī́jaḥ ǀ hiraṇyáyaḥ ǀ
sáḥ ǀ ūrvásya ǀ rejayati ǀ ápa-vṛtim ǀ índraḥ ǀ gávyasya ǀ vṛtra-hā́ ǁ
Padapatha Transcription Nonaccented
yaḥ ǀ śakraḥ ǀ mṛkṣaḥ ǀ aśvyaḥ ǀ yaḥ ǀ vā ǀ kījaḥ ǀ hiraṇyayaḥ ǀ
saḥ ǀ ūrvasya ǀ rejayati ǀ apa-vṛtim ǀ indraḥ ǀ gavyasya ǀ vṛtra-hā ǁ
08.066.04 (Mandala. Sukta. Rik)
6.4.48.04 (Ashtaka. Adhyaya. Varga. Rik)
08.07.090 (Mandala. Anuvāka. Rik)
Samhita Devanagari Accented
निखा॑तं चि॒द्यः पु॑रुसंभृ॒तं वसूदिद्वप॑ति दा॒शुषे॑ ।
व॒ज्री सु॑शि॒प्रो हर्य॑श्व॒ इत्क॑र॒दिंद्रः॒ क्रत्वा॒ यथा॒ वश॑त् ॥
Samhita Devanagari Nonaccented
निखातं चिद्यः पुरुसंभृतं वसूदिद्वपति दाशुषे ।
वज्री सुशिप्रो हर्यश्व इत्करदिंद्रः क्रत्वा यथा वशत् ॥
Samhita Transcription Accented
níkhātam cidyáḥ purusambhṛtám vásū́dídvápati dāśúṣe ǀ
vajrī́ suśipró háryaśva ítkaradíndraḥ krátvā yáthā váśat ǁ
Samhita Transcription Nonaccented
nikhātam cidyaḥ purusambhṛtam vasūdidvapati dāśuṣe ǀ
vajrī suśipro haryaśva itkaradindraḥ kratvā yathā vaśat ǁ
Padapatha Devanagari Accented
निऽखा॑तम् । चि॒त् । यः । पु॒रु॒ऽस॒म्भृ॒तम् । वसु॑ । उत् । इत् । वप॑ति । दा॒शुषे॑ ।
व॒ज्री । सु॒ऽशि॒प्रः । हरि॑ऽअश्वः । इत् । क॒र॒त् । इन्द्रः॑ । क्रत्वा॑ । यथा॑ । वश॑त् ॥
Padapatha Devanagari Nonaccented
निऽखातम् । चित् । यः । पुरुऽसम्भृतम् । वसु । उत् । इत् । वपति । दाशुषे ।
वज्री । सुऽशिप्रः । हरिऽअश्वः । इत् । करत् । इन्द्रः । क्रत्वा । यथा । वशत् ॥
Padapatha Transcription Accented
ní-khātam ǀ cit ǀ yáḥ ǀ puru-sambhṛtám ǀ vásu ǀ út ǀ ít ǀ vápati ǀ dāśúṣe ǀ
vajrī́ ǀ su-śipráḥ ǀ hári-aśvaḥ ǀ ít ǀ karat ǀ índraḥ ǀ krátvā ǀ yáthā ǀ váśat ǁ
Padapatha Transcription Nonaccented
ni-khātam ǀ cit ǀ yaḥ ǀ puru-sambhṛtam ǀ vasu ǀ ut ǀ it ǀ vapati ǀ dāśuṣe ǀ
vajrī ǀ su-śipraḥ ǀ hari-aśvaḥ ǀ it ǀ karat ǀ indraḥ ǀ kratvā ǀ yathā ǀ vaśat ǁ
08.066.05 (Mandala. Sukta. Rik)
6.4.48.05 (Ashtaka. Adhyaya. Varga. Rik)
08.07.091 (Mandala. Anuvāka. Rik)
Samhita Devanagari Accented
यद्वा॒वंथ॑ पुरुष्टुत पु॒रा चि॑च्छूर नृ॒णां ।
व॒यं तत्त॑ इंद्र॒ सं भ॑रामसि य॒ज्ञमु॒क्थं तु॒रं वचः॑ ॥
Samhita Devanagari Nonaccented
यद्वावंथ पुरुष्टुत पुरा चिच्छूर नृणां ।
वयं तत्त इंद्र सं भरामसि यज्ञमुक्थं तुरं वचः ॥
Samhita Transcription Accented
yádvāvántha puruṣṭuta purā́ cicchūra nṛṇā́m ǀ
vayám tátta indra sám bharāmasi yajñámukthám turám vácaḥ ǁ
Samhita Transcription Nonaccented
yadvāvantha puruṣṭuta purā cicchūra nṛṇām ǀ
vayam tatta indra sam bharāmasi yajñamuktham turam vacaḥ ǁ
Padapatha Devanagari Accented
यत् । व॒वन्थ॑ । पु॒रु॒ऽस्तु॒त॒ । पु॒रा । चि॒त् । शू॒र॒ । नृ॒णाम् ।
व॒यम् । तत् । ते॒ । इ॒न्द्र॒ । सम् । भ॒रा॒म॒सि॒ । य॒ज्ञम् । उ॒क्थम् । तु॒रम् । वचः॑ ॥
Padapatha Devanagari Nonaccented
यत् । ववन्थ । पुरुऽस्तुत । पुरा । चित् । शूर । नृणाम् ।
वयम् । तत् । ते । इन्द्र । सम् । भरामसि । यज्ञम् । उक्थम् । तुरम् । वचः ॥
Padapatha Transcription Accented
yát ǀ vavántha ǀ puru-stuta ǀ purā́ ǀ cit ǀ śūra ǀ nṛṇā́m ǀ
vayám ǀ tát ǀ te ǀ indra ǀ sám ǀ bharāmasi ǀ yajñám ǀ ukthám ǀ turám ǀ vácaḥ ǁ
Padapatha Transcription Nonaccented
yat ǀ vavantha ǀ puru-stuta ǀ purā ǀ cit ǀ śūra ǀ nṛṇām ǀ
vayam ǀ tat ǀ te ǀ indra ǀ sam ǀ bharāmasi ǀ yajñam ǀ uktham ǀ turam ǀ vacaḥ ǁ
08.066.06 (Mandala. Sukta. Rik)
6.4.49.01 (Ashtaka. Adhyaya. Varga. Rik)
08.07.092 (Mandala. Anuvāka. Rik)
Samhita Devanagari Accented
सचा॒ सोमे॑षु पुरुहूत वज्रिवो॒ मदा॑य द्युक्ष सोमपाः ।
त्वमिद्धि ब्र॑ह्म॒कृते॒ काम्यं॒ वसु॒ देष्ठः॑ सुन्व॒ते भुवः॑ ॥
Samhita Devanagari Nonaccented
सचा सोमेषु पुरुहूत वज्रिवो मदाय द्युक्ष सोमपाः ।
त्वमिद्धि ब्रह्मकृते काम्यं वसु देष्ठः सुन्वते भुवः ॥
Samhita Transcription Accented
sácā sómeṣu puruhūta vajrivo mádāya dyukṣa somapāḥ ǀ
tvámíddhí brahmakṛ́te kā́myam vásu déṣṭhaḥ sunvaté bhúvaḥ ǁ
Samhita Transcription Nonaccented
sacā someṣu puruhūta vajrivo madāya dyukṣa somapāḥ ǀ
tvamiddhi brahmakṛte kāmyam vasu deṣṭhaḥ sunvate bhuvaḥ ǁ
Padapatha Devanagari Accented
सचा॑ । सोमे॑षु । पु॒रु॒ऽहू॒त॒ । व॒ज्रि॒ऽवः॒ । मदा॑य । द्यु॒क्ष॒ । सो॒म॒ऽपाः॒ ।
त्वम् । इत् । हि । ब्र॒ह्म॒ऽकृते॑ । काम्य॑म् । वसु॑ । देष्ठः॑ । सु॒न्व॒ते । भुवः॑ ॥
Padapatha Devanagari Nonaccented
सचा । सोमेषु । पुरुऽहूत । वज्रिऽवः । मदाय । द्युक्ष । सोमऽपाः ।
त्वम् । इत् । हि । ब्रह्मऽकृते । काम्यम् । वसु । देष्ठः । सुन्वते । भुवः ॥
Padapatha Transcription Accented
sácā ǀ sómeṣu ǀ puru-hūta ǀ vajri-vaḥ ǀ mádāya ǀ dyukṣa ǀ soma-pāḥ ǀ
tvám ǀ ít ǀ hí ǀ brahma-kṛ́te ǀ kā́myam ǀ vásu ǀ déṣṭhaḥ ǀ sunvaté ǀ bhúvaḥ ǁ
Padapatha Transcription Nonaccented
sacā ǀ someṣu ǀ puru-hūta ǀ vajri-vaḥ ǀ madāya ǀ dyukṣa ǀ soma-pāḥ ǀ
tvam ǀ it ǀ hi ǀ brahma-kṛte ǀ kāmyam ǀ vasu ǀ deṣṭhaḥ ǀ sunvate ǀ bhuvaḥ ǁ
08.066.07 (Mandala. Sukta. Rik)
6.4.49.02 (Ashtaka. Adhyaya. Varga. Rik)
08.07.093 (Mandala. Anuvāka. Rik)
Samhita Devanagari Accented
व॒यमे॑नमि॒दा ह्योऽपी॑पेमे॒ह व॒ज्रिणं॑ ।
तस्मा॑ उ अ॒द्य स॑म॒ना सु॒तं भ॒रा नू॒नं भू॑षत श्रु॒ते ॥
Samhita Devanagari Nonaccented
वयमेनमिदा ह्योऽपीपेमेह वज्रिणं ।
तस्मा उ अद्य समना सुतं भरा नूनं भूषत श्रुते ॥
Samhita Transcription Accented
vayámenamidā́ hyó’pīpemehá vajríṇam ǀ
tásmā u adyá samanā́ sutám bharā́ nūnám bhūṣata śruté ǁ
Samhita Transcription Nonaccented
vayamenamidā hyo’pīpemeha vajriṇam ǀ
tasmā u adya samanā sutam bharā nūnam bhūṣata śrute ǁ
Padapatha Devanagari Accented
व॒यम् । ए॒न॒म् । इ॒दा । ह्यः । अपी॑पेम । इ॒ह । व॒ज्रिण॑म् ।
तस्मै॑ । ऊं॒ इति॑ । अ॒द्य । स॒म॒ना । सु॒तम् । भ॒र॒ । आ । नू॒नम् । भू॒ष॒त॒ । श्रु॒ते ॥
Padapatha Devanagari Nonaccented
वयम् । एनम् । इदा । ह्यः । अपीपेम । इह । वज्रिणम् ।
तस्मै । ऊं इति । अद्य । समना । सुतम् । भर । आ । नूनम् । भूषत । श्रुते ॥
Padapatha Transcription Accented
vayám ǀ enam ǀ idā́ ǀ hyáḥ ǀ ápīpema ǀ ihá ǀ vajríṇam ǀ
tásmai ǀ ūṃ íti ǀ adyá ǀ samanā́ ǀ sutám ǀ bhara ǀ ā́ ǀ nūnám ǀ bhūṣata ǀ śruté ǁ
Padapatha Transcription Nonaccented
vayam ǀ enam ǀ idā ǀ hyaḥ ǀ apīpema ǀ iha ǀ vajriṇam ǀ
tasmai ǀ ūṃ iti ǀ adya ǀ samanā ǀ sutam ǀ bhara ǀ ā ǀ nūnam ǀ bhūṣata ǀ śrute ǁ
08.066.08 (Mandala. Sukta. Rik)
6.4.49.03 (Ashtaka. Adhyaya. Varga. Rik)
08.07.094 (Mandala. Anuvāka. Rik)
Samhita Devanagari Accented
वृक॑श्चिदस्य वार॒ण उ॑रा॒मथि॒रा व॒युने॑षु भूषति ।
सेमं नः॒ स्तोमं॑ जुजुषा॒ण आ ग॒हींद्र॒ प्र चि॒त्रया॑ धि॒या ॥
Samhita Devanagari Nonaccented
वृकश्चिदस्य वारण उरामथिरा वयुनेषु भूषति ।
सेमं नः स्तोमं जुजुषाण आ गहींद्र प्र चित्रया धिया ॥
Samhita Transcription Accented
vṛ́kaścidasya vāraṇá urāmáthirā́ vayúneṣu bhūṣati ǀ
sémám naḥ stómam jujuṣāṇá ā́ gahī́ndra prá citráyā dhiyā́ ǁ
Samhita Transcription Nonaccented
vṛkaścidasya vāraṇa urāmathirā vayuneṣu bhūṣati ǀ
semam naḥ stomam jujuṣāṇa ā gahīndra pra citrayā dhiyā ǁ
Padapatha Devanagari Accented
वृकः॑ । चि॒त् । अ॒स्य॒ । वा॒र॒णः । उ॒रा॒ऽमथिः॑ । आ । व॒युने॑षु । भू॒ष॒ति॒ ।
सः । इ॒मम् । नः॒ । स्तोम॑म् । जु॒जु॒षा॒णः । आ । ग॒हि॒ । इन्द्र॑ । प्र । चि॒त्रया॑ । धि॒या ॥
Padapatha Devanagari Nonaccented
वृकः । चित् । अस्य । वारणः । उराऽमथिः । आ । वयुनेषु । भूषति ।
सः । इमम् । नः । स्तोमम् । जुजुषाणः । आ । गहि । इन्द्र । प्र । चित्रया । धिया ॥
Padapatha Transcription Accented
vṛ́kaḥ ǀ cit ǀ asya ǀ vāraṇáḥ ǀ urā-máthiḥ ǀ ā́ ǀ vayúneṣu ǀ bhūṣati ǀ
sáḥ ǀ imám ǀ naḥ ǀ stómam ǀ jujuṣāṇáḥ ǀ ā́ ǀ gahi ǀ índra ǀ prá ǀ citráyā ǀ dhiyā́ ǁ
Padapatha Transcription Nonaccented
vṛkaḥ ǀ cit ǀ asya ǀ vāraṇaḥ ǀ urā-mathiḥ ǀ ā ǀ vayuneṣu ǀ bhūṣati ǀ
saḥ ǀ imam ǀ naḥ ǀ stomam ǀ jujuṣāṇaḥ ǀ ā ǀ gahi ǀ indra ǀ pra ǀ citrayā ǀ dhiyā ǁ
08.066.09 (Mandala. Sukta. Rik)
6.4.49.04 (Ashtaka. Adhyaya. Varga. Rik)
08.07.095 (Mandala. Anuvāka. Rik)
Samhita Devanagari Accented
कदू॒ न्व१॒॑स्याकृ॑त॒मिंद्र॑स्यास्ति॒ पौंस्यं॑ ।
केनो॒ नु कं॒ श्रोम॑तेन॒ न शु॑श्रुवे ज॒नुषः॒ परि॑ वृत्र॒हा ॥
Samhita Devanagari Nonaccented
कदू न्वस्याकृतमिंद्रस्यास्ति पौंस्यं ।
केनो नु कं श्रोमतेन न शुश्रुवे जनुषः परि वृत्रहा ॥
Samhita Transcription Accented
kádū nvásyā́kṛtamíndrasyāsti páuṃsyam ǀ
kéno nú kam śrómatena ná śuśruve janúṣaḥ pári vṛtrahā́ ǁ
Samhita Transcription Nonaccented
kadū nvasyākṛtamindrasyāsti pauṃsyam ǀ
keno nu kam śromatena na śuśruve januṣaḥ pari vṛtrahā ǁ
Padapatha Devanagari Accented
कत् । ऊं॒ इति॑ । नु । अ॒स्य॒ । अकृ॑तम् । इन्द्र॑स्य । अ॒स्ति॒ । पौंस्य॑म् ।
केनो॒ इति॑ । नु । क॒म् । श्रोम॑तेन । न । शु॒श्रु॒वे॒ । ज॒नुषः॑ । परि॑ । वृ॒त्र॒ऽहा ॥
Padapatha Devanagari Nonaccented
कत् । ऊं इति । नु । अस्य । अकृतम् । इन्द्रस्य । अस्ति । पौंस्यम् ।
केनो इति । नु । कम् । श्रोमतेन । न । शुश्रुवे । जनुषः । परि । वृत्रऽहा ॥
Padapatha Transcription Accented
kát ǀ ūṃ íti ǀ nú ǀ asya ǀ ákṛtam ǀ índrasya ǀ asti ǀ páuṃsyam ǀ
kéno íti ǀ nú ǀ kam ǀ śrómatena ǀ ná ǀ śuśruve ǀ janúṣaḥ ǀ pári ǀ vṛtra-hā́ ǁ
Padapatha Transcription Nonaccented
kat ǀ ūṃ iti ǀ nu ǀ asya ǀ akṛtam ǀ indrasya ǀ asti ǀ pauṃsyam ǀ
keno iti ǀ nu ǀ kam ǀ śromatena ǀ na ǀ śuśruve ǀ januṣaḥ ǀ pari ǀ vṛtra-hā ǁ
08.066.10 (Mandala. Sukta. Rik)
6.4.49.05 (Ashtaka. Adhyaya. Varga. Rik)
08.07.096 (Mandala. Anuvāka. Rik)
Samhita Devanagari Accented
कदू॑ म॒हीरधृ॑ष्टा अस्य॒ तवि॑षीः॒ कदु॑ वृत्र॒घ्नो अस्तृ॑तं ।
इंद्रो॒ विश्वा॑न्बेक॒नाटाँ॑ अह॒र्दृश॑ उ॒त क्रत्वा॑ प॒णीँर॒भि ॥
Samhita Devanagari Nonaccented
कदू महीरधृष्टा अस्य तविषीः कदु वृत्रघ्नो अस्तृतं ।
इंद्रो विश्वान्बेकनाटाँ अहर्दृश उत क्रत्वा पणीँरभि ॥
Samhita Transcription Accented
kádū mahī́rádhṛṣṭā asya táviṣīḥ kádu vṛtraghnó ástṛtam ǀ
índro víśvānbekanā́ṭām̐ ahardṛ́śa utá krátvā paṇī́m̐rabhí ǁ
Samhita Transcription Nonaccented
kadū mahīradhṛṣṭā asya taviṣīḥ kadu vṛtraghno astṛtam ǀ
indro viśvānbekanāṭām̐ ahardṛśa uta kratvā paṇīm̐rabhi ǁ
Padapatha Devanagari Accented
कत् । ऊं॒ इति॑ । म॒हीः । अधृ॑ष्टाः । अ॒स्य॒ । तवि॑षीः । कत् । ऊं॒ इति॑ । वृ॒त्र॒ऽघ्नः । अस्तृ॑तम् ।
इन्द्रः॑ । विश्वा॑न् । बे॒क॒ऽनाटा॑न् । अ॒हः॒ऽदृशः॑ । उ॒त । क्रत्वा॑ । प॒णीन् । अ॒भि ॥
Padapatha Devanagari Nonaccented
कत् । ऊं इति । महीः । अधृष्टाः । अस्य । तविषीः । कत् । ऊं इति । वृत्रऽघ्नः । अस्तृतम् ।
इन्द्रः । विश्वान् । बेकऽनाटान् । अहःऽदृशः । उत । क्रत्वा । पणीन् । अभि ॥
Padapatha Transcription Accented
kát ǀ ūṃ íti ǀ mahī́ḥ ǀ ádhṛṣṭāḥ ǀ asya ǀ táviṣīḥ ǀ kát ǀ ūṃ íti ǀ vṛtra-ghnáḥ ǀ ástṛtam ǀ
índraḥ ǀ víśvān ǀ beka-nā́ṭān ǀ ahaḥ-dṛ́śaḥ ǀ utá ǀ krátvā ǀ paṇī́n ǀ abhí ǁ
Padapatha Transcription Nonaccented
kat ǀ ūṃ iti ǀ mahīḥ ǀ adhṛṣṭāḥ ǀ asya ǀ taviṣīḥ ǀ kat ǀ ūṃ iti ǀ vṛtra-ghnaḥ ǀ astṛtam ǀ
indraḥ ǀ viśvān ǀ beka-nāṭān ǀ ahaḥ-dṛśaḥ ǀ uta ǀ kratvā ǀ paṇīn ǀ abhi ǁ
08.066.11 (Mandala. Sukta. Rik)
6.4.50.01 (Ashtaka. Adhyaya. Varga. Rik)
08.07.097 (Mandala. Anuvāka. Rik)
Samhita Devanagari Accented
व॒यं घा॑ ते॒ अपू॒र्व्येंद्र॒ ब्रह्मा॑णि वृत्रहन् ।
पु॒रू॒तमा॑सः पुरुहूत वज्रिवो भृ॒तिं न प्र भ॑रामसि ॥
Samhita Devanagari Nonaccented
वयं घा ते अपूर्व्येंद्र ब्रह्माणि वृत्रहन् ।
पुरूतमासः पुरुहूत वज्रिवो भृतिं न प्र भरामसि ॥
Samhita Transcription Accented
vayám ghā te ápūrvyéndra bráhmāṇi vṛtrahan ǀ
purūtámāsaḥ puruhūta vajrivo bhṛtím ná prá bharāmasi ǁ
Samhita Transcription Nonaccented
vayam ghā te apūrvyendra brahmāṇi vṛtrahan ǀ
purūtamāsaḥ puruhūta vajrivo bhṛtim na pra bharāmasi ǁ
Padapatha Devanagari Accented
व॒यम् । घ॒ । ते॒ । अपू॑र्व्या । इन्द्र॑ । ब्रह्मा॑णि । वृ॒त्र॒ऽह॒न् ।
पु॒रु॒ऽतमा॑सः । पु॒रु॒ऽहू॒त॒ । व॒ज्रि॒ऽवः॒ । भृ॒तिम् । न । प्र । भ॒रा॒म॒सि॒ ॥
Padapatha Devanagari Nonaccented
वयम् । घ । ते । अपूर्व्या । इन्द्र । ब्रह्माणि । वृत्रऽहन् ।
पुरुऽतमासः । पुरुऽहूत । वज्रिऽवः । भृतिम् । न । प्र । भरामसि ॥
Padapatha Transcription Accented
vayám ǀ gha ǀ te ǀ ápūrvyā ǀ índra ǀ bráhmāṇi ǀ vṛtra-han ǀ
puru-támāsaḥ ǀ puru-hūta ǀ vajri-vaḥ ǀ bhṛtím ǀ ná ǀ prá ǀ bharāmasi ǁ
Padapatha Transcription Nonaccented
vayam ǀ gha ǀ te ǀ apūrvyā ǀ indra ǀ brahmāṇi ǀ vṛtra-han ǀ
puru-tamāsaḥ ǀ puru-hūta ǀ vajri-vaḥ ǀ bhṛtim ǀ na ǀ pra ǀ bharāmasi ǁ
08.066.12 (Mandala. Sukta. Rik)
6.4.50.02 (Ashtaka. Adhyaya. Varga. Rik)
08.07.098 (Mandala. Anuvāka. Rik)
Samhita Devanagari Accented
पू॒र्वीश्चि॒द्धि त्वे तु॑विकूर्मिन्ना॒शसो॒ हवं॑त इंद्रो॒तयः॑ ।
ति॒रश्चि॑द॒र्यः सव॒ना व॑सो गहि॒ शवि॑ष्ठ श्रु॒धि मे॒ हवं॑ ॥
Samhita Devanagari Nonaccented
पूर्वीश्चिद्धि त्वे तुविकूर्मिन्नाशसो हवंत इंद्रोतयः ।
तिरश्चिदर्यः सवना वसो गहि शविष्ठ श्रुधि मे हवं ॥
Samhita Transcription Accented
pūrvī́ściddhí tvé tuvikūrminnāśáso hávanta indrotáyaḥ ǀ
tiráścidaryáḥ sávanā́ vaso gahi śáviṣṭha śrudhí me hávam ǁ
Samhita Transcription Nonaccented
pūrvīściddhi tve tuvikūrminnāśaso havanta indrotayaḥ ǀ
tiraścidaryaḥ savanā vaso gahi śaviṣṭha śrudhi me havam ǁ
Padapatha Devanagari Accented
पू॒र्वीः । चि॒त् । हि । त्वे इति॑ । तु॒वि॒ऽकू॒र्मि॒न् । आ॒ऽशसः॑ । हव॑न्ते । इ॒न्द्र॒ । ऊ॒तयः॑ ।
ति॒रः । चि॒त् । अ॒र्यः । सव॑ना । आ । व॒सो॒ इति॑ । ग॒हि॒ । शवि॑ष्ठ । श्रु॒धि । मे॒ । हव॑म् ॥
Padapatha Devanagari Nonaccented
पूर्वीः । चित् । हि । त्वे इति । तुविऽकूर्मिन् । आऽशसः । हवन्ते । इन्द्र । ऊतयः ।
तिरः । चित् । अर्यः । सवना । आ । वसो इति । गहि । शविष्ठ । श्रुधि । मे । हवम् ॥
Padapatha Transcription Accented
pūrvī́ḥ ǀ cit ǀ hí ǀ tvé íti ǀ tuvi-kūrmin ǀ ā-śásaḥ ǀ hávante ǀ indra ǀ ūtáyaḥ ǀ
tiráḥ ǀ cit ǀ aryáḥ ǀ sávanā ǀ ā́ ǀ vaso íti ǀ gahi ǀ śáviṣṭha ǀ śrudhí ǀ me ǀ hávam ǁ
Padapatha Transcription Nonaccented
pūrvīḥ ǀ cit ǀ hi ǀ tve iti ǀ tuvi-kūrmin ǀ ā-śasaḥ ǀ havante ǀ indra ǀ ūtayaḥ ǀ
tiraḥ ǀ cit ǀ aryaḥ ǀ savanā ǀ ā ǀ vaso iti ǀ gahi ǀ śaviṣṭha ǀ śrudhi ǀ me ǀ havam ǁ
08.066.13 (Mandala. Sukta. Rik)
6.4.50.03 (Ashtaka. Adhyaya. Varga. Rik)
08.07.099 (Mandala. Anuvāka. Rik)
Samhita Devanagari Accented
व॒यं घा॑ ते॒ त्वे इद्विंद्र॒ विप्रा॒ अपि॑ ष्मसि ।
न॒हि त्वद॒न्यः पु॑रुहूत॒ कश्च॒न मघ॑व॒न्नस्ति॑ मर्डि॒ता ॥
Samhita Devanagari Nonaccented
वयं घा ते त्वे इद्विंद्र विप्रा अपि ष्मसि ।
नहि त्वदन्यः पुरुहूत कश्चन मघवन्नस्ति मर्डिता ॥
Samhita Transcription Accented
vayám ghā te tvé ídvíndra víprā ápi ṣmasi ǀ
nahí tvádanyáḥ puruhūta káścaná mághavannásti marḍitā́ ǁ
Samhita Transcription Nonaccented
vayam ghā te tve idvindra viprā api ṣmasi ǀ
nahi tvadanyaḥ puruhūta kaścana maghavannasti marḍitā ǁ
Padapatha Devanagari Accented
व॒यम् । घ॒ । ते॒ । त्वे इति॑ । इत् । ऊं॒ इति॑ । इन्द्र॑ । विप्राः॑ । अपि॑ । स्म॒सि॒ ।
न॒हि । त्वत् । अ॒न्यः । पु॒रु॒ऽहू॒त॒ । कः । च॒न । मघ॑ऽवन् । अस्ति॑ । म॒र्डि॒ता ॥
Padapatha Devanagari Nonaccented
वयम् । घ । ते । त्वे इति । इत् । ऊं इति । इन्द्र । विप्राः । अपि । स्मसि ।
नहि । त्वत् । अन्यः । पुरुऽहूत । कः । चन । मघऽवन् । अस्ति । मर्डिता ॥
Padapatha Transcription Accented
vayám ǀ gha ǀ te ǀ tvé íti ǀ ít ǀ ūṃ íti ǀ índra ǀ víprāḥ ǀ ápi ǀ smasi ǀ
nahí ǀ tvát ǀ anyáḥ ǀ puru-hūta ǀ káḥ ǀ caná ǀ mágha-van ǀ ásti ǀ marḍitā́ ǁ
Padapatha Transcription Nonaccented
vayam ǀ gha ǀ te ǀ tve iti ǀ it ǀ ūṃ iti ǀ indra ǀ viprāḥ ǀ api ǀ smasi ǀ
nahi ǀ tvat ǀ anyaḥ ǀ puru-hūta ǀ kaḥ ǀ cana ǀ magha-van ǀ asti ǀ marḍitā ǁ
08.066.14 (Mandala. Sukta. Rik)
6.4.50.04 (Ashtaka. Adhyaya. Varga. Rik)
08.07.100 (Mandala. Anuvāka. Rik)
Samhita Devanagari Accented
त्वं नो॑ अ॒स्या अम॑तेरु॒त क्षु॒धो॒३॒॑ऽभिश॑स्ते॒रव॑ स्पृधि ।
त्वं न॑ ऊ॒ती तव॑ चि॒त्रया॑ धि॒या शिक्षा॑ शचिष्ठ गातु॒वित् ॥
Samhita Devanagari Nonaccented
त्वं नो अस्या अमतेरुत क्षुधोऽभिशस्तेरव स्पृधि ।
त्वं न ऊती तव चित्रया धिया शिक्षा शचिष्ठ गातुवित् ॥
Samhita Transcription Accented
tvám no asyā́ ámaterutá kṣudhó’bhíśasteráva spṛdhi ǀ
tvám na ūtī́ táva citráyā dhiyā́ śíkṣā śaciṣṭha gātuvít ǁ
Samhita Transcription Nonaccented
tvam no asyā amateruta kṣudho’bhiśasterava spṛdhi ǀ
tvam na ūtī tava citrayā dhiyā śikṣā śaciṣṭha gātuvit ǁ
Padapatha Devanagari Accented
त्वम् । नः॒ । अ॒स्याः । अम॑तेः । उ॒त । क्षु॒धः । अ॒भिऽश॑स्तेः । अव॑ । स्पृ॒धि॒ ।
त्वम् । नः॒ । ऊ॒ती । तव॑ । चि॒त्रया॑ । धि॒या । शिक्ष॑ । श॒चि॒ष्ठ॒ । गा॒तु॒ऽवित् ॥
Padapatha Devanagari Nonaccented
त्वम् । नः । अस्याः । अमतेः । उत । क्षुधः । अभिऽशस्तेः । अव । स्पृधि ।
त्वम् । नः । ऊती । तव । चित्रया । धिया । शिक्ष । शचिष्ठ । गातुऽवित् ॥
Padapatha Transcription Accented
tvám ǀ naḥ ǀ asyā́ḥ ǀ ámateḥ ǀ utá ǀ kṣudháḥ ǀ abhí-śasteḥ ǀ áva ǀ spṛdhi ǀ
tvám ǀ naḥ ǀ ūtī́ ǀ táva ǀ citráyā ǀ dhiyā́ ǀ śíkṣa ǀ śaciṣṭha ǀ gātu-vít ǁ
Padapatha Transcription Nonaccented
tvam ǀ naḥ ǀ asyāḥ ǀ amateḥ ǀ uta ǀ kṣudhaḥ ǀ abhi-śasteḥ ǀ ava ǀ spṛdhi ǀ
tvam ǀ naḥ ǀ ūtī ǀ tava ǀ citrayā ǀ dhiyā ǀ śikṣa ǀ śaciṣṭha ǀ gātu-vit ǁ
08.066.15 (Mandala. Sukta. Rik)
6.4.50.05 (Ashtaka. Adhyaya. Varga. Rik)
08.07.101 (Mandala. Anuvāka. Rik)
Samhita Devanagari Accented
सोम॒ इद्वः॑ सु॒तो अ॑स्तु॒ कल॑यो॒ मा बि॑भीतन ।
अपेदे॒ष ध्व॒स्माय॑ति स्व॒यं घै॒षो अपा॑यति ॥
Samhita Devanagari Nonaccented
सोम इद्वः सुतो अस्तु कलयो मा बिभीतन ।
अपेदेष ध्वस्मायति स्वयं घैषो अपायति ॥
Samhita Transcription Accented
sóma ídvaḥ sutó astu kálayo mā́ bibhītana ǀ
ápédeṣá dhvasmā́yati svayám ghaiṣó ápāyati ǁ
Samhita Transcription Nonaccented
soma idvaḥ suto astu kalayo mā bibhītana ǀ
apedeṣa dhvasmāyati svayam ghaiṣo apāyati ǁ
Padapatha Devanagari Accented
सोमः॑ । इत् । वः॒ । सु॒तः । अ॒स्तु॒ । कल॑यः । मा । बि॒भी॒त॒न॒ ।
अप॑ । इत् । ए॒षः । ध्व॒स्मा । अ॒य॒ति॒ । स्व॒यम् । घ॒ । ए॒षः । अप॑ । अ॒य॒ति॒ ॥
Padapatha Devanagari Nonaccented
सोमः । इत् । वः । सुतः । अस्तु । कलयः । मा । बिभीतन ।
अप । इत् । एषः । ध्वस्मा । अयति । स्वयम् । घ । एषः । अप । अयति ॥
Padapatha Transcription Accented
sómaḥ ǀ ít ǀ vaḥ ǀ sutáḥ ǀ astu ǀ kálayaḥ ǀ mā́ ǀ bibhītana ǀ
ápa ǀ ít ǀ eṣáḥ ǀ dhvasmā́ ǀ ayati ǀ svayám ǀ gha ǀ eṣáḥ ǀ ápa ǀ ayati ǁ
Padapatha Transcription Nonaccented
somaḥ ǀ it ǀ vaḥ ǀ sutaḥ ǀ astu ǀ kalayaḥ ǀ mā ǀ bibhītana ǀ
apa ǀ it ǀ eṣaḥ ǀ dhvasmā ǀ ayati ǀ svayam ǀ gha ǀ eṣaḥ ǀ apa ǀ ayati ǁ