|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 73
|
1. Info |
| To: | aśvins | |
| From: | gopavana ātreya or saptavadhri ātreya | |
| Metres: | 1st set of styles: gāyatrī (1, 2, 4, 5, 7, 9-11, 16-18); nicṛdgāyatrī (3, 8, 12-15); virāḍgāyatrī (6) 2nd set of styles: gāyatrī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.073.01 (Mandala. Sukta. Rik)
6.5.18.01 (Ashtaka. Adhyaya. Varga. Rik)
08.08.049 (Mandala. Anuvāka. Rik)
Samhita Devanagari Accented
उदी॑राथामृताय॒ते युं॒जाथा॑मश्विना॒ रथं॑ ।
अंति॒ षद्भू॑तु वा॒मवः॑ ॥
Samhita Devanagari Nonaccented
उदीराथामृतायते युंजाथामश्विना रथं ।
अंति षद्भूतु वामवः ॥
Samhita Transcription Accented
údīrāthāmṛtāyaté yuñjā́thāmaśvinā rátham ǀ
ánti ṣádbhūtu vāmávaḥ ǁ
Samhita Transcription Nonaccented
udīrāthāmṛtāyate yuñjāthāmaśvinā ratham ǀ
anti ṣadbhūtu vāmavaḥ ǁ
Padapatha Devanagari Accented
उत् । ई॒रा॒था॒म् । ऋ॒त॒ऽय॒ते । यु॒ञ्जाथा॑म् । अ॒श्वि॒ना॒ । रथ॑म् ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
उत् । ईराथाम् । ऋतऽयते । युञ्जाथाम् । अश्विना । रथम् ।
अन्ति । सत् । भूतु । वाम् । अवः ॥
Padapatha Transcription Accented
út ǀ īrāthām ǀ ṛta-yaté ǀ yuñjā́thām ǀ aśvinā ǀ rátham ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
ut ǀ īrāthām ǀ ṛta-yate ǀ yuñjāthām ǀ aśvinā ǀ ratham ǀ
anti ǀ sat ǀ bhūtu ǀ vām ǀ avaḥ ǁ
08.073.02 (Mandala. Sukta. Rik)
6.5.18.02 (Ashtaka. Adhyaya. Varga. Rik)
08.08.050 (Mandala. Anuvāka. Rik)
Samhita Devanagari Accented
नि॒मिष॑श्चि॒ज्जवी॑यसा॒ रथे॒ना या॑तमश्विना ।
अंति॒ षद्भू॑तु वा॒मवः॑ ॥
Samhita Devanagari Nonaccented
निमिषश्चिज्जवीयसा रथेना यातमश्विना ।
अंति षद्भूतु वामवः ॥
Samhita Transcription Accented
nimíṣaścijjávīyasā ráthenā́ yātamaśvinā ǀ
ánti ṣádbhūtu vāmávaḥ ǁ
Samhita Transcription Nonaccented
nimiṣaścijjavīyasā rathenā yātamaśvinā ǀ
anti ṣadbhūtu vāmavaḥ ǁ
Padapatha Devanagari Accented
नि॒ऽमिषः॑ । चि॒त् । जवी॑यसा । रथे॑न । आ । या॒त॒म् । अ॒श्वि॒ना॒ ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
निऽमिषः । चित् । जवीयसा । रथेन । आ । यातम् । अश्विना ।
अन्ति । सत् । भूतु । वाम् । अवः ॥
Padapatha Transcription Accented
ni-míṣaḥ ǀ cit ǀ jávīyasā ǀ ráthena ǀ ā́ ǀ yātam ǀ aśvinā ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
ni-miṣaḥ ǀ cit ǀ javīyasā ǀ rathena ǀ ā ǀ yātam ǀ aśvinā ǀ
anti ǀ sat ǀ bhūtu ǀ vām ǀ avaḥ ǁ
08.073.03 (Mandala. Sukta. Rik)
6.5.18.03 (Ashtaka. Adhyaya. Varga. Rik)
08.08.051 (Mandala. Anuvāka. Rik)
Samhita Devanagari Accented
उप॑ स्तृणीत॒मत्र॑ये हि॒मेन॑ घ॒र्मम॑श्विना ।
अंति॒ षद्भू॑तु वा॒मवः॑ ॥
Samhita Devanagari Nonaccented
उप स्तृणीतमत्रये हिमेन घर्ममश्विना ।
अंति षद्भूतु वामवः ॥
Samhita Transcription Accented
úpa stṛṇītamátraye hiména gharmámaśvinā ǀ
ánti ṣádbhūtu vāmávaḥ ǁ
Samhita Transcription Nonaccented
upa stṛṇītamatraye himena gharmamaśvinā ǀ
anti ṣadbhūtu vāmavaḥ ǁ
Padapatha Devanagari Accented
उप॑ । स्तृ॒णी॒त॒म् । अत्र॑ये । हि॒मेन॑ । घ॒र्मम् । अ॒श्वि॒ना॒ ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
उप । स्तृणीतम् । अत्रये । हिमेन । घर्मम् । अश्विना ।
अन्ति । सत् । भूतु । वाम् । अवः ॥
Padapatha Transcription Accented
úpa ǀ stṛṇītam ǀ átraye ǀ hiména ǀ gharmám ǀ aśvinā ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
upa ǀ stṛṇītam ǀ atraye ǀ himena ǀ gharmam ǀ aśvinā ǀ
anti ǀ sat ǀ bhūtu ǀ vām ǀ avaḥ ǁ
08.073.04 (Mandala. Sukta. Rik)
6.5.18.04 (Ashtaka. Adhyaya. Varga. Rik)
08.08.052 (Mandala. Anuvāka. Rik)
Samhita Devanagari Accented
कुह॑ स्थः॒ कुह॑ जग्मथुः॒ कुह॑ श्ये॒नेव॑ पेतथुः ।
अंति॒ षद्भू॑तु वा॒मवः॑ ॥
Samhita Devanagari Nonaccented
कुह स्थः कुह जग्मथुः कुह श्येनेव पेतथुः ।
अंति षद्भूतु वामवः ॥
Samhita Transcription Accented
kúha sthaḥ kúha jagmathuḥ kúha śyenéva petathuḥ ǀ
ánti ṣádbhūtu vāmávaḥ ǁ
Samhita Transcription Nonaccented
kuha sthaḥ kuha jagmathuḥ kuha śyeneva petathuḥ ǀ
anti ṣadbhūtu vāmavaḥ ǁ
Padapatha Devanagari Accented
कुह॑ । स्थः॒ । कुह॑ । ज॒ग्म॒थुः॒ । कुह॑ । श्ये॒नाऽइ॑व । पे॒त॒थुः॒ ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
कुह । स्थः । कुह । जग्मथुः । कुह । श्येनाऽइव । पेतथुः ।
अन्ति । सत् । भूतु । वाम् । अवः ॥
Padapatha Transcription Accented
kúha ǀ sthaḥ ǀ kúha ǀ jagmathuḥ ǀ kúha ǀ śyenā́-iva ǀ petathuḥ ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
kuha ǀ sthaḥ ǀ kuha ǀ jagmathuḥ ǀ kuha ǀ śyenā-iva ǀ petathuḥ ǀ
anti ǀ sat ǀ bhūtu ǀ vām ǀ avaḥ ǁ
08.073.05 (Mandala. Sukta. Rik)
6.5.18.05 (Ashtaka. Adhyaya. Varga. Rik)
08.08.053 (Mandala. Anuvāka. Rik)
Samhita Devanagari Accented
यद॒द्य कर्हि॒ कर्हि॑ चिच्छुश्रू॒यात॑मि॒मं हवं॑ ।
अंति॒ षद्भू॑तु वा॒मवः॑ ॥
Samhita Devanagari Nonaccented
यदद्य कर्हि कर्हि चिच्छुश्रूयातमिमं हवं ।
अंति षद्भूतु वामवः ॥
Samhita Transcription Accented
yádadyá kárhi kárhi cicchuśrūyā́tamimám hávam ǀ
ánti ṣádbhūtu vāmávaḥ ǁ
Samhita Transcription Nonaccented
yadadya karhi karhi cicchuśrūyātamimam havam ǀ
anti ṣadbhūtu vāmavaḥ ǁ
Padapatha Devanagari Accented
यत् । अ॒द्य । कर्हि॑ । कर्हि॑ । चि॒त् । शु॒श्रु॒यात॑म् । इ॒मम् । हव॑म् ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
यत् । अद्य । कर्हि । कर्हि । चित् । शुश्रुयातम् । इमम् । हवम् ।
अन्ति । सत् । भूतु । वाम् । अवः ॥
Padapatha Transcription Accented
yát ǀ adyá ǀ kárhi ǀ kárhi ǀ cit ǀ śuśruyā́tam ǀ imám ǀ hávam ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
yat ǀ adya ǀ karhi ǀ karhi ǀ cit ǀ śuśruyātam ǀ imam ǀ havam ǀ
anti ǀ sat ǀ bhūtu ǀ vām ǀ avaḥ ǁ
08.073.06 (Mandala. Sukta. Rik)
6.5.19.01 (Ashtaka. Adhyaya. Varga. Rik)
08.08.054 (Mandala. Anuvāka. Rik)
Samhita Devanagari Accented
अ॒श्विना॑ याम॒हूत॑मा॒ नेदि॑ष्ठं या॒म्याप्यं॑ ।
अंति॒ षद्भू॑तु वा॒मवः॑ ॥
Samhita Devanagari Nonaccented
अश्विना यामहूतमा नेदिष्ठं याम्याप्यं ।
अंति षद्भूतु वामवः ॥
Samhita Transcription Accented
aśvínā yāmahū́tamā nédiṣṭham yāmyā́pyam ǀ
ánti ṣádbhūtu vāmávaḥ ǁ
Samhita Transcription Nonaccented
aśvinā yāmahūtamā nediṣṭham yāmyāpyam ǀ
anti ṣadbhūtu vāmavaḥ ǁ
Padapatha Devanagari Accented
अ॒श्विना॑ । या॒म॒ऽहूत॑मा । नेदि॑ष्ठम् । या॒मि॒ । आप्य॑म् ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
अश्विना । यामऽहूतमा । नेदिष्ठम् । यामि । आप्यम् ।
अन्ति । सत् । भूतु । वाम् । अवः ॥
Padapatha Transcription Accented
aśvínā ǀ yāma-hū́tamā ǀ nédiṣṭham ǀ yāmi ǀ ā́pyam ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
aśvinā ǀ yāma-hūtamā ǀ nediṣṭham ǀ yāmi ǀ āpyam ǀ
anti ǀ sat ǀ bhūtu ǀ vām ǀ avaḥ ǁ
08.073.07 (Mandala. Sukta. Rik)
6.5.19.02 (Ashtaka. Adhyaya. Varga. Rik)
08.08.055 (Mandala. Anuvāka. Rik)
Samhita Devanagari Accented
अवं॑त॒मत्र॑ये गृ॒हं कृ॑णु॒तं यु॒वम॑श्विना ।
अंति॒ षद्भू॑तु वा॒मवः॑ ॥
Samhita Devanagari Nonaccented
अवंतमत्रये गृहं कृणुतं युवमश्विना ।
अंति षद्भूतु वामवः ॥
Samhita Transcription Accented
ávantamátraye gṛhám kṛṇutám yuvámaśvinā ǀ
ánti ṣádbhūtu vāmávaḥ ǁ
Samhita Transcription Nonaccented
avantamatraye gṛham kṛṇutam yuvamaśvinā ǀ
anti ṣadbhūtu vāmavaḥ ǁ
Padapatha Devanagari Accented
अव॑न्तम् । अत्र॑ये । गृ॒हम् । कृ॒णु॒तम् । यु॒वम् । अ॒श्वि॒ना॒ ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
अवन्तम् । अत्रये । गृहम् । कृणुतम् । युवम् । अश्विना ।
अन्ति । सत् । भूतु । वाम् । अवः ॥
Padapatha Transcription Accented
ávantam ǀ átraye ǀ gṛhám ǀ kṛṇutám ǀ yuvám ǀ aśvinā ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
avantam ǀ atraye ǀ gṛham ǀ kṛṇutam ǀ yuvam ǀ aśvinā ǀ
anti ǀ sat ǀ bhūtu ǀ vām ǀ avaḥ ǁ
08.073.08 (Mandala. Sukta. Rik)
6.5.19.03 (Ashtaka. Adhyaya. Varga. Rik)
08.08.056 (Mandala. Anuvāka. Rik)
Samhita Devanagari Accented
वरे॑थे अ॒ग्निमा॒तपो॒ वद॑ते व॒ल्ग्वत्र॑ये ।
अंति॒ षद्भू॑तु वा॒मवः॑ ॥
Samhita Devanagari Nonaccented
वरेथे अग्निमातपो वदते वल्ग्वत्रये ।
अंति षद्भूतु वामवः ॥
Samhita Transcription Accented
várethe agnímātápo vádate valgvátraye ǀ
ánti ṣádbhūtu vāmávaḥ ǁ
Samhita Transcription Nonaccented
varethe agnimātapo vadate valgvatraye ǀ
anti ṣadbhūtu vāmavaḥ ǁ
Padapatha Devanagari Accented
वरे॑थे॒ इति॑ । अ॒ग्निम् । आ॒ऽतपः॑ । वद॑ते । व॒ल्गु । अत्र॑ये ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
वरेथे इति । अग्निम् । आऽतपः । वदते । वल्गु । अत्रये ।
अन्ति । सत् । भूतु । वाम् । अवः ॥
Padapatha Transcription Accented
várethe íti ǀ agním ǀ ā-tápaḥ ǀ vádate ǀ valgú ǀ átraye ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
varethe iti ǀ agnim ǀ ā-tapaḥ ǀ vadate ǀ valgu ǀ atraye ǀ
anti ǀ sat ǀ bhūtu ǀ vām ǀ avaḥ ǁ
08.073.09 (Mandala. Sukta. Rik)
6.5.19.04 (Ashtaka. Adhyaya. Varga. Rik)
08.08.057 (Mandala. Anuvāka. Rik)
Samhita Devanagari Accented
प्र स॒प्तव॑ध्रिरा॒शसा॒ धारा॑म॒ग्नेर॑शायत ।
अंति॒ षद्भू॑तु वा॒मवः॑ ॥
Samhita Devanagari Nonaccented
प्र सप्तवध्रिराशसा धारामग्नेरशायत ।
अंति षद्भूतु वामवः ॥
Samhita Transcription Accented
prá saptávadhrirāśásā dhā́rāmagnéraśāyata ǀ
ánti ṣádbhūtu vāmávaḥ ǁ
Samhita Transcription Nonaccented
pra saptavadhrirāśasā dhārāmagneraśāyata ǀ
anti ṣadbhūtu vāmavaḥ ǁ
Padapatha Devanagari Accented
प्र । स॒प्तऽव॑ध्रिः । आ॒ऽशसा॑ । धारा॑म् । अ॒ग्नेः । अ॒शा॒य॒त॒ ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
प्र । सप्तऽवध्रिः । आऽशसा । धाराम् । अग्नेः । अशायत ।
अन्ति । सत् । भूतु । वाम् । अवः ॥
Padapatha Transcription Accented
prá ǀ saptá-vadhriḥ ǀ ā-śásā ǀ dhā́rām ǀ agnéḥ ǀ aśāyata ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
pra ǀ sapta-vadhriḥ ǀ ā-śasā ǀ dhārām ǀ agneḥ ǀ aśāyata ǀ
anti ǀ sat ǀ bhūtu ǀ vām ǀ avaḥ ǁ
08.073.10 (Mandala. Sukta. Rik)
6.5.19.05 (Ashtaka. Adhyaya. Varga. Rik)
08.08.058 (Mandala. Anuvāka. Rik)
Samhita Devanagari Accented
इ॒हा ग॑तं वृषण्वसू शृणु॒तं म॑ इ॒मं हवं॑ ।
अंति॒ षद्भू॑तु वा॒मवः॑ ॥
Samhita Devanagari Nonaccented
इहा गतं वृषण्वसू शृणुतं म इमं हवं ।
अंति षद्भूतु वामवः ॥
Samhita Transcription Accented
ihā́ gatam vṛṣaṇvasū śṛṇutám ma imám hávam ǀ
ánti ṣádbhūtu vāmávaḥ ǁ
Samhita Transcription Nonaccented
ihā gatam vṛṣaṇvasū śṛṇutam ma imam havam ǀ
anti ṣadbhūtu vāmavaḥ ǁ
Padapatha Devanagari Accented
इ॒ह । आ । ग॒त॒म् । वृ॒ष॒ण्व॒सू॒ इति॑ वृषण्ऽवसू । शृ॒णु॒तम् । मे॒ । इ॒मम् । हव॑म् ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
इह । आ । गतम् । वृषण्वसू इति वृषण्ऽवसू । शृणुतम् । मे । इमम् । हवम् ।
अन्ति । सत् । भूतु । वाम् । अवः ॥
Padapatha Transcription Accented
ihá ǀ ā́ ǀ gatam ǀ vṛṣaṇvasū íti vṛṣaṇ-vasū ǀ śṛṇutám ǀ me ǀ imám ǀ hávam ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
iha ǀ ā ǀ gatam ǀ vṛṣaṇvasū iti vṛṣaṇ-vasū ǀ śṛṇutam ǀ me ǀ imam ǀ havam ǀ
anti ǀ sat ǀ bhūtu ǀ vām ǀ avaḥ ǁ
08.073.11 (Mandala. Sukta. Rik)
6.5.20.01 (Ashtaka. Adhyaya. Varga. Rik)
08.08.059 (Mandala. Anuvāka. Rik)
Samhita Devanagari Accented
किमि॒दं वां॑ पुराण॒वज्जर॑तोरिव शस्यते ।
अंति॒ षद्भू॑तु वा॒मवः॑ ॥
Samhita Devanagari Nonaccented
किमिदं वां पुराणवज्जरतोरिव शस्यते ।
अंति षद्भूतु वामवः ॥
Samhita Transcription Accented
kímidám vām purāṇavájjáratoriva śasyate ǀ
ánti ṣádbhūtu vāmávaḥ ǁ
Samhita Transcription Nonaccented
kimidam vām purāṇavajjaratoriva śasyate ǀ
anti ṣadbhūtu vāmavaḥ ǁ
Padapatha Devanagari Accented
किम् । इ॒दम् । वा॒म् । पु॒रा॒ण॒ऽवत् । जर॑तोःऽइव । श॒स्य॒ते॒ ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
किम् । इदम् । वाम् । पुराणऽवत् । जरतोःऽइव । शस्यते ।
अन्ति । सत् । भूतु । वाम् । अवः ॥
Padapatha Transcription Accented
kím ǀ idám ǀ vām ǀ purāṇa-vát ǀ járatoḥ-iva ǀ śasyate ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
kim ǀ idam ǀ vām ǀ purāṇa-vat ǀ jaratoḥ-iva ǀ śasyate ǀ
anti ǀ sat ǀ bhūtu ǀ vām ǀ avaḥ ǁ
08.073.12 (Mandala. Sukta. Rik)
6.5.20.02 (Ashtaka. Adhyaya. Varga. Rik)
08.08.060 (Mandala. Anuvāka. Rik)
Samhita Devanagari Accented
स॒मा॒नं वां॑ सजा॒त्यं॑ समा॒नो बंधु॑रश्विना ।
अंति॒ षद्भू॑तु वा॒मवः॑ ॥
Samhita Devanagari Nonaccented
समानं वां सजात्यं समानो बंधुरश्विना ।
अंति षद्भूतु वामवः ॥
Samhita Transcription Accented
samānám vām sajātyám samānó bándhuraśvinā ǀ
ánti ṣádbhūtu vāmávaḥ ǁ
Samhita Transcription Nonaccented
samānam vām sajātyam samāno bandhuraśvinā ǀ
anti ṣadbhūtu vāmavaḥ ǁ
Padapatha Devanagari Accented
स॒मा॒नम् । वा॒म् । स॒ऽजा॒त्य॑म् । स॒मा॒नः । बन्धुः॑ । अ॒श्वि॒ना॒ ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
समानम् । वाम् । सऽजात्यम् । समानः । बन्धुः । अश्विना ।
अन्ति । सत् । भूतु । वाम् । अवः ॥
Padapatha Transcription Accented
samānám ǀ vām ǀ sa-jātyám ǀ samānáḥ ǀ bándhuḥ ǀ aśvinā ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
samānam ǀ vām ǀ sa-jātyam ǀ samānaḥ ǀ bandhuḥ ǀ aśvinā ǀ
anti ǀ sat ǀ bhūtu ǀ vām ǀ avaḥ ǁ
08.073.13 (Mandala. Sukta. Rik)
6.5.20.03 (Ashtaka. Adhyaya. Varga. Rik)
08.08.061 (Mandala. Anuvāka. Rik)
Samhita Devanagari Accented
यो वां॒ रजां॑स्यश्विना॒ रथो॑ वि॒याति॒ रोद॑सी ।
अंति॒ षद्भू॑तु वा॒मवः॑ ॥
Samhita Devanagari Nonaccented
यो वां रजांस्यश्विना रथो वियाति रोदसी ।
अंति षद्भूतु वामवः ॥
Samhita Transcription Accented
yó vām rájāṃsyaśvinā rátho viyā́ti ródasī ǀ
ánti ṣádbhūtu vāmávaḥ ǁ
Samhita Transcription Nonaccented
yo vām rajāṃsyaśvinā ratho viyāti rodasī ǀ
anti ṣadbhūtu vāmavaḥ ǁ
Padapatha Devanagari Accented
यः । वा॒म् । रजां॑सि । अ॒श्वि॒ना॒ । रथः॑ । वि॒ऽयाति॑ । रोद॑सी॒ इति॑ ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
यः । वाम् । रजांसि । अश्विना । रथः । विऽयाति । रोदसी इति ।
अन्ति । सत् । भूतु । वाम् । अवः ॥
Padapatha Transcription Accented
yáḥ ǀ vām ǀ rájāṃsi ǀ aśvinā ǀ ráthaḥ ǀ vi-yā́ti ǀ ródasī íti ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
yaḥ ǀ vām ǀ rajāṃsi ǀ aśvinā ǀ rathaḥ ǀ vi-yāti ǀ rodasī iti ǀ
anti ǀ sat ǀ bhūtu ǀ vām ǀ avaḥ ǁ
08.073.14 (Mandala. Sukta. Rik)
6.5.20.04 (Ashtaka. Adhyaya. Varga. Rik)
08.08.062 (Mandala. Anuvāka. Rik)
Samhita Devanagari Accented
आ नो॒ गव्ये॑भि॒रश्व्यैः॑ स॒हस्रै॒रुप॑ गच्छतं ।
अंति॒ षद्भू॑तु वा॒मवः॑ ॥
Samhita Devanagari Nonaccented
आ नो गव्येभिरश्व्यैः सहस्रैरुप गच्छतं ।
अंति षद्भूतु वामवः ॥
Samhita Transcription Accented
ā́ no gávyebhiráśvyaiḥ sahásrairúpa gacchatam ǀ
ánti ṣádbhūtu vāmávaḥ ǁ
Samhita Transcription Nonaccented
ā no gavyebhiraśvyaiḥ sahasrairupa gacchatam ǀ
anti ṣadbhūtu vāmavaḥ ǁ
Padapatha Devanagari Accented
आ । नः॒ । गव्ये॑भिः । अश्व्यैः॑ । स॒हस्रैः॑ । उप॑ । ग॒च्छ॒त॒म् ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
आ । नः । गव्येभिः । अश्व्यैः । सहस्रैः । उप । गच्छतम् ।
अन्ति । सत् । भूतु । वाम् । अवः ॥
Padapatha Transcription Accented
ā́ ǀ naḥ ǀ gávyebhiḥ ǀ áśvyaiḥ ǀ sahásraiḥ ǀ úpa ǀ gacchatam ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
ā ǀ naḥ ǀ gavyebhiḥ ǀ aśvyaiḥ ǀ sahasraiḥ ǀ upa ǀ gacchatam ǀ
anti ǀ sat ǀ bhūtu ǀ vām ǀ avaḥ ǁ
08.073.15 (Mandala. Sukta. Rik)
6.5.20.05 (Ashtaka. Adhyaya. Varga. Rik)
08.08.063 (Mandala. Anuvāka. Rik)
Samhita Devanagari Accented
मा नो॒ गव्ये॑भि॒रश्व्यैः॑ स॒हस्रे॑भि॒रति॑ ख्यतं ।
अंति॒ षद्भू॑तु वा॒मवः॑ ॥
Samhita Devanagari Nonaccented
मा नो गव्येभिरश्व्यैः सहस्रेभिरति ख्यतं ।
अंति षद्भूतु वामवः ॥
Samhita Transcription Accented
mā́ no gávyebhiráśvyaiḥ sahásrebhiráti khyatam ǀ
ánti ṣádbhūtu vāmávaḥ ǁ
Samhita Transcription Nonaccented
mā no gavyebhiraśvyaiḥ sahasrebhirati khyatam ǀ
anti ṣadbhūtu vāmavaḥ ǁ
Padapatha Devanagari Accented
मा । नः॒ । गव्ये॑भिः । अश्व्यैः॑ । स॒हस्रे॑भिः । अति॑ । ख्य॒त॒म् ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
मा । नः । गव्येभिः । अश्व्यैः । सहस्रेभिः । अति । ख्यतम् ।
अन्ति । सत् । भूतु । वाम् । अवः ॥
Padapatha Transcription Accented
mā́ ǀ naḥ ǀ gávyebhiḥ ǀ áśvyaiḥ ǀ sahásrebhiḥ ǀ áti ǀ khyatam ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
mā ǀ naḥ ǀ gavyebhiḥ ǀ aśvyaiḥ ǀ sahasrebhiḥ ǀ ati ǀ khyatam ǀ
anti ǀ sat ǀ bhūtu ǀ vām ǀ avaḥ ǁ
08.073.16 (Mandala. Sukta. Rik)
6.5.20.06 (Ashtaka. Adhyaya. Varga. Rik)
08.08.064 (Mandala. Anuvāka. Rik)
Samhita Devanagari Accented
अ॒रु॒णप्सु॑रु॒षा अ॑भू॒दक॒र्ज्योति॑र्ऋ॒ताव॑री ।
अंति॒ षद्भू॑तु वा॒मवः॑ ॥
Samhita Devanagari Nonaccented
अरुणप्सुरुषा अभूदकर्ज्योतिर्ऋतावरी ।
अंति षद्भूतु वामवः ॥
Samhita Transcription Accented
aruṇápsuruṣā́ abhūdákarjyótirṛtā́varī ǀ
ánti ṣádbhūtu vāmávaḥ ǁ
Samhita Transcription Nonaccented
aruṇapsuruṣā abhūdakarjyotirṛtāvarī ǀ
anti ṣadbhūtu vāmavaḥ ǁ
Padapatha Devanagari Accented
अ॒रु॒णऽप्सुः॑ । उ॒षाः । अ॒भू॒त् । अकः॑ । ज्योतिः॑ । ऋ॒तऽव॑री ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
अरुणऽप्सुः । उषाः । अभूत् । अकः । ज्योतिः । ऋतऽवरी ।
अन्ति । सत् । भूतु । वाम् । अवः ॥
Padapatha Transcription Accented
aruṇá-psuḥ ǀ uṣā́ḥ ǀ abhūt ǀ ákaḥ ǀ jyótiḥ ǀ ṛtá-varī ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
aruṇa-psuḥ ǀ uṣāḥ ǀ abhūt ǀ akaḥ ǀ jyotiḥ ǀ ṛta-varī ǀ
anti ǀ sat ǀ bhūtu ǀ vām ǀ avaḥ ǁ
08.073.17 (Mandala. Sukta. Rik)
6.5.20.07 (Ashtaka. Adhyaya. Varga. Rik)
08.08.065 (Mandala. Anuvāka. Rik)
Samhita Devanagari Accented
अ॒श्विना॒ सु वि॒चाक॑शद्वृ॒क्षं प॑रशु॒माँ इ॑व ।
अंति॒ षद्भू॑तु वा॒मवः॑ ॥
Samhita Devanagari Nonaccented
अश्विना सु विचाकशद्वृक्षं परशुमाँ इव ।
अंति षद्भूतु वामवः ॥
Samhita Transcription Accented
aśvínā sú vicā́kaśadvṛkṣám paraśumā́m̐ iva ǀ
ánti ṣádbhūtu vāmávaḥ ǁ
Samhita Transcription Nonaccented
aśvinā su vicākaśadvṛkṣam paraśumām̐ iva ǀ
anti ṣadbhūtu vāmavaḥ ǁ
Padapatha Devanagari Accented
अ॒श्विना॑ । सु । वि॒ऽचाक॑शत् । वृ॒क्षम् । प॒र॒शु॒मान्ऽइ॑व ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
अश्विना । सु । विऽचाकशत् । वृक्षम् । परशुमान्ऽइव ।
अन्ति । सत् । भूतु । वाम् । अवः ॥
Padapatha Transcription Accented
aśvínā ǀ sú ǀ vi-cā́kaśat ǀ vṛkṣám ǀ paraśumā́n-iva ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
aśvinā ǀ su ǀ vi-cākaśat ǀ vṛkṣam ǀ paraśumān-iva ǀ
anti ǀ sat ǀ bhūtu ǀ vām ǀ avaḥ ǁ
08.073.18 (Mandala. Sukta. Rik)
6.5.20.08 (Ashtaka. Adhyaya. Varga. Rik)
08.08.066 (Mandala. Anuvāka. Rik)
Samhita Devanagari Accented
पुरं॒ न धृ॑ष्ण॒वा रु॑ज कृ॒ष्णया॑ बाधि॒तो वि॒शा ।
अंति॒ षद्भू॑तु वा॒मवः॑ ॥
Samhita Devanagari Nonaccented
पुरं न धृष्णवा रुज कृष्णया बाधितो विशा ।
अंति षद्भूतु वामवः ॥
Samhita Transcription Accented
púram ná dhṛṣṇavā́ ruja kṛṣṇáyā bādhitó viśā́ ǀ
ánti ṣádbhūtu vāmávaḥ ǁ
Samhita Transcription Nonaccented
puram na dhṛṣṇavā ruja kṛṣṇayā bādhito viśā ǀ
anti ṣadbhūtu vāmavaḥ ǁ
Padapatha Devanagari Accented
पुर॑म् । न । धृ॒ष्णो॒ इति॑ । आ । रु॒ज॒ । कृ॒ष्णया॑ । बा॒धि॒तः । वि॒शा ।
अन्ति॑ । सत् । भू॒तु॒ । वा॒म् । अवः॑ ॥
Padapatha Devanagari Nonaccented
पुरम् । न । धृष्णो इति । आ । रुज । कृष्णया । बाधितः । विशा ।
अन्ति । सत् । भूतु । वाम् । अवः ॥
Padapatha Transcription Accented
púram ǀ ná ǀ dhṛṣṇo íti ǀ ā́ ǀ ruja ǀ kṛṣṇáyā ǀ bādhitáḥ ǀ viśā́ ǀ
ánti ǀ sát ǀ bhūtu ǀ vām ǀ ávaḥ ǁ
Padapatha Transcription Nonaccented
puram ǀ na ǀ dhṛṣṇo iti ǀ ā ǀ ruja ǀ kṛṣṇayā ǀ bādhitaḥ ǀ viśā ǀ
anti ǀ sat ǀ bhūtu ǀ vām ǀ avaḥ ǁ