|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 77
|
1. Info |
| To: | indra | |
| From: | kurusuti kāṇva | |
| Metres: | 1st set of styles: gāyatrī (1-9); nicṛdbṛhatī (10); nicṛtpaṅkti (11) 2nd set of styles: gāyatrī (1-9); bṛhatī (10); satobṛhatī (11) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.077.01 (Mandala. Sukta. Rik)
6.5.29.01 (Ashtaka. Adhyaya. Varga. Rik)
08.08.110 (Mandala. Anuvāka. Rik)
Samhita Devanagari Accented
ज॒ज्ञा॒नो नु श॒तक्र॑तु॒र्वि पृ॑च्छ॒दिति॑ मा॒तरं॑ ।
क उ॒ग्राः के ह॑ शृण्विरे ॥
Samhita Devanagari Nonaccented
जज्ञानो नु शतक्रतुर्वि पृच्छदिति मातरं ।
क उग्राः के ह शृण्विरे ॥
Samhita Transcription Accented
jajñānó nú śatákraturví pṛcchadíti mātáram ǀ
ká ugrā́ḥ ké ha śṛṇvire ǁ
Samhita Transcription Nonaccented
jajñāno nu śatakraturvi pṛcchaditi mātaram ǀ
ka ugrāḥ ke ha śṛṇvire ǁ
Padapatha Devanagari Accented
ज॒ज्ञा॒नः । नु । श॒तऽक्र॑तुः । वि । पृ॒च्छ॒त् । इति॑ । मा॒तर॑म् ।
के । उ॒ग्राः । के । ह॒ । शृ॒ण्वि॒रे॒ ॥
Padapatha Devanagari Nonaccented
जज्ञानः । नु । शतऽक्रतुः । वि । पृच्छत् । इति । मातरम् ।
के । उग्राः । के । ह । शृण्विरे ॥
Padapatha Transcription Accented
jajñānáḥ ǀ nú ǀ śatá-kratuḥ ǀ ví ǀ pṛcchat ǀ íti ǀ mātáram ǀ
ké ǀ ugrā́ḥ ǀ ké ǀ ha ǀ śṛṇvire ǁ
Padapatha Transcription Nonaccented
jajñānaḥ ǀ nu ǀ śata-kratuḥ ǀ vi ǀ pṛcchat ǀ iti ǀ mātaram ǀ
ke ǀ ugrāḥ ǀ ke ǀ ha ǀ śṛṇvire ǁ
08.077.02 (Mandala. Sukta. Rik)
6.5.29.02 (Ashtaka. Adhyaya. Varga. Rik)
08.08.111 (Mandala. Anuvāka. Rik)
Samhita Devanagari Accented
आदीं॑ शव॒स्य॑ब्रवीदौर्णवा॒भम॑ही॒शुवं॑ ।
ते पु॑त्र संतु नि॒ष्टुरः॑ ॥
Samhita Devanagari Nonaccented
आदीं शवस्यब्रवीदौर्णवाभमहीशुवं ।
ते पुत्र संतु निष्टुरः ॥
Samhita Transcription Accented
ā́dīm śavasyábravīdaurṇavābhámahīśúvam ǀ
té putra santu niṣṭúraḥ ǁ
Samhita Transcription Nonaccented
ādīm śavasyabravīdaurṇavābhamahīśuvam ǀ
te putra santu niṣṭuraḥ ǁ
Padapatha Devanagari Accented
आत् । ई॒म् । श॒व॒सी । अ॒ब्र॒वी॒त् । औ॒र्ण॒ऽवा॒भम् । अ॒ही॒शुव॑म् ।
ते । पु॒त्र॒ । स॒न्तु॒ । निः॒ऽतुरः॑ ॥
Padapatha Devanagari Nonaccented
आत् । ईम् । शवसी । अब्रवीत् । और्णऽवाभम् । अहीशुवम् ।
ते । पुत्र । सन्तु । निःऽतुरः ॥
Padapatha Transcription Accented
ā́t ǀ īm ǀ śavasī́ ǀ abravīt ǀ aurṇa-vābhám ǀ ahīśúvam ǀ
té ǀ putra ǀ santu ǀ niḥ-túraḥ ǁ
Padapatha Transcription Nonaccented
āt ǀ īm ǀ śavasī ǀ abravīt ǀ aurṇa-vābham ǀ ahīśuvam ǀ
te ǀ putra ǀ santu ǀ niḥ-turaḥ ǁ
08.077.03 (Mandala. Sukta. Rik)
6.5.29.03 (Ashtaka. Adhyaya. Varga. Rik)
08.08.112 (Mandala. Anuvāka. Rik)
Samhita Devanagari Accented
समित्तान्वृ॑त्र॒हाखि॑द॒त्खे अ॒राँ इ॑व॒ खेद॑या ।
प्रवृ॑द्धो दस्यु॒हाभ॑वत् ॥
Samhita Devanagari Nonaccented
समित्तान्वृत्रहाखिदत्खे अराँ इव खेदया ।
प्रवृद्धो दस्युहाभवत् ॥
Samhita Transcription Accented
sámíttā́nvṛtrahā́khidatkhé arā́m̐ iva khédayā ǀ
právṛddho dasyuhā́bhavat ǁ
Samhita Transcription Nonaccented
samittānvṛtrahākhidatkhe arām̐ iva khedayā ǀ
pravṛddho dasyuhābhavat ǁ
Padapatha Devanagari Accented
सम् । इत् । तान् । वृ॒त्र॒ऽहा । अ॒खि॒द॒त् । खे । अ॒रान्ऽइ॑व । खेद॑या ।
प्रऽवृ॑द्धः । द॒स्यु॒ऽहा । अ॒भ॒व॒त् ॥
Padapatha Devanagari Nonaccented
सम् । इत् । तान् । वृत्रऽहा । अखिदत् । खे । अरान्ऽइव । खेदया ।
प्रऽवृद्धः । दस्युऽहा । अभवत् ॥
Padapatha Transcription Accented
sám ǀ ít ǀ tā́n ǀ vṛtra-hā́ ǀ akhidat ǀ khé ǀ arā́n-iva ǀ khédayā ǀ
prá-vṛddhaḥ ǀ dasyu-hā́ ǀ abhavat ǁ
Padapatha Transcription Nonaccented
sam ǀ it ǀ tān ǀ vṛtra-hā ǀ akhidat ǀ khe ǀ arān-iva ǀ khedayā ǀ
pra-vṛddhaḥ ǀ dasyu-hā ǀ abhavat ǁ
08.077.04 (Mandala. Sukta. Rik)
6.5.29.04 (Ashtaka. Adhyaya. Varga. Rik)
08.08.113 (Mandala. Anuvāka. Rik)
Samhita Devanagari Accented
एक॑या प्रति॒धापि॑बत्सा॒कं सरां॑सि त्रिं॒शतं॑ ।
इंद्रः॒ सोम॑स्य काणु॒का ॥
Samhita Devanagari Nonaccented
एकया प्रतिधापिबत्साकं सरांसि त्रिंशतं ।
इंद्रः सोमस्य काणुका ॥
Samhita Transcription Accented
ékayā pratidhā́pibatsākám sárāṃsi triṃśátam ǀ
índraḥ sómasya kāṇukā́ ǁ
Samhita Transcription Nonaccented
ekayā pratidhāpibatsākam sarāṃsi triṃśatam ǀ
indraḥ somasya kāṇukā ǁ
Padapatha Devanagari Accented
एक॑या । प्र॒ति॒ऽधा । अ॒पि॒ब॒त् । सा॒कम् । सरां॑सि । त्रिं॒शत॑म् ।
इन्द्रः॑ । सोम॑स्य । का॒णु॒का ॥
Padapatha Devanagari Nonaccented
एकया । प्रतिऽधा । अपिबत् । साकम् । सरांसि । त्रिंशतम् ।
इन्द्रः । सोमस्य । काणुका ॥
Padapatha Transcription Accented
ékayā ǀ prati-dhā́ ǀ apibat ǀ sākám ǀ sárāṃsi ǀ triṃśátam ǀ
índraḥ ǀ sómasya ǀ kāṇukā́ ǁ
Padapatha Transcription Nonaccented
ekayā ǀ prati-dhā ǀ apibat ǀ sākam ǀ sarāṃsi ǀ triṃśatam ǀ
indraḥ ǀ somasya ǀ kāṇukā ǁ
08.077.05 (Mandala. Sukta. Rik)
6.5.29.05 (Ashtaka. Adhyaya. Varga. Rik)
08.08.114 (Mandala. Anuvāka. Rik)
Samhita Devanagari Accented
अ॒भि गं॑ध॒र्वम॑तृणदबु॒ध्नेषु॒ रज॒स्स्वा ।
इंद्रो॑ ब्र॒ह्मभ्य॒ इद्वृ॒धे ॥
Samhita Devanagari Nonaccented
अभि गंधर्वमतृणदबुध्नेषु रजस्स्वा ।
इंद्रो ब्रह्मभ्य इद्वृधे ॥
Samhita Transcription Accented
abhí gandharvámatṛṇadabudhnéṣu rájassvā́ ǀ
índro brahmábhya ídvṛdhé ǁ
Samhita Transcription Nonaccented
abhi gandharvamatṛṇadabudhneṣu rajassvā ǀ
indro brahmabhya idvṛdhe ǁ
Padapatha Devanagari Accented
अ॒भि । ग॒न्ध॒र्वम् । अ॒तृ॒ण॒त् । अ॒बु॒ध्नेषु॑ । रजः॑ऽसु । आ ।
इन्द्रः॑ । ब्र॒ह्मऽभ्यः॑ । इत् । वृ॒धे ॥
Padapatha Devanagari Nonaccented
अभि । गन्धर्वम् । अतृणत् । अबुध्नेषु । रजःऽसु । आ ।
इन्द्रः । ब्रह्मऽभ्यः । इत् । वृधे ॥
Padapatha Transcription Accented
abhí ǀ gandharvám ǀ atṛṇat ǀ abudhnéṣu ǀ rájaḥ-su ǀ ā́ ǀ
índraḥ ǀ brahmá-bhyaḥ ǀ ít ǀ vṛdhé ǁ
Padapatha Transcription Nonaccented
abhi ǀ gandharvam ǀ atṛṇat ǀ abudhneṣu ǀ rajaḥ-su ǀ ā ǀ
indraḥ ǀ brahma-bhyaḥ ǀ it ǀ vṛdhe ǁ
08.077.06 (Mandala. Sukta. Rik)
6.5.30.01 (Ashtaka. Adhyaya. Varga. Rik)
08.08.115 (Mandala. Anuvāka. Rik)
Samhita Devanagari Accented
निरा॑विध्यद्गि॒रिभ्य॒ आ धा॒रय॑त्प॒क्वमो॑द॒नं ।
इंद्रो॑ बुं॒दं स्वा॑ततं ॥
Samhita Devanagari Nonaccented
निराविध्यद्गिरिभ्य आ धारयत्पक्वमोदनं ।
इंद्रो बुंदं स्वाततं ॥
Samhita Transcription Accented
nírāvidhyadgiríbhya ā́ dhāráyatpakvámodanám ǀ
índro bundám svā́tatam ǁ
Samhita Transcription Nonaccented
nirāvidhyadgiribhya ā dhārayatpakvamodanam ǀ
indro bundam svātatam ǁ
Padapatha Devanagari Accented
निः । अ॒वि॒ध्य॒त् । गि॒रिऽभ्यः॑ । आ । धा॒रय॑त् । प॒क्वम् । ओ॒द॒नम् ।
इन्द्रः॑ । बु॒न्दम् । सुऽआ॑ततम् ॥
Padapatha Devanagari Nonaccented
निः । अविध्यत् । गिरिऽभ्यः । आ । धारयत् । पक्वम् । ओदनम् ।
इन्द्रः । बुन्दम् । सुऽआततम् ॥
Padapatha Transcription Accented
níḥ ǀ avidhyat ǀ girí-bhyaḥ ǀ ā́ ǀ dhāráyat ǀ pakvám ǀ odanám ǀ
índraḥ ǀ bundám ǀ sú-ātatam ǁ
Padapatha Transcription Nonaccented
niḥ ǀ avidhyat ǀ giri-bhyaḥ ǀ ā ǀ dhārayat ǀ pakvam ǀ odanam ǀ
indraḥ ǀ bundam ǀ su-ātatam ǁ
08.077.07 (Mandala. Sukta. Rik)
6.5.30.02 (Ashtaka. Adhyaya. Varga. Rik)
08.08.116 (Mandala. Anuvāka. Rik)
Samhita Devanagari Accented
श॒तब्र॑ध्न॒ इषु॒स्तव॑ स॒हस्र॑पर्ण॒ एक॒ इत् ।
यमिं॑द्र चकृ॒षे युजं॑ ॥
Samhita Devanagari Nonaccented
शतब्रध्न इषुस्तव सहस्रपर्ण एक इत् ।
यमिंद्र चकृषे युजं ॥
Samhita Transcription Accented
śatábradhna íṣustáva sahásraparṇa éka ít ǀ
yámindra cakṛṣé yújam ǁ
Samhita Transcription Nonaccented
śatabradhna iṣustava sahasraparṇa eka it ǀ
yamindra cakṛṣe yujam ǁ
Padapatha Devanagari Accented
श॒तऽब्र॑ध्नः । इषुः॑ । तव॑ । स॒हस्र॑ऽपर्णः । एकः॑ । इत् ।
यम् । इ॒न्द्र॒ । च॒कृ॒षे । युज॑म् ॥
Padapatha Devanagari Nonaccented
शतऽब्रध्नः । इषुः । तव । सहस्रऽपर्णः । एकः । इत् ।
यम् । इन्द्र । चकृषे । युजम् ॥
Padapatha Transcription Accented
śatá-bradhnaḥ ǀ íṣuḥ ǀ táva ǀ sahásra-parṇaḥ ǀ ékaḥ ǀ ít ǀ
yám ǀ indra ǀ cakṛṣé ǀ yújam ǁ
Padapatha Transcription Nonaccented
śata-bradhnaḥ ǀ iṣuḥ ǀ tava ǀ sahasra-parṇaḥ ǀ ekaḥ ǀ it ǀ
yam ǀ indra ǀ cakṛṣe ǀ yujam ǁ
08.077.08 (Mandala. Sukta. Rik)
6.5.30.03 (Ashtaka. Adhyaya. Varga. Rik)
08.08.117 (Mandala. Anuvāka. Rik)
Samhita Devanagari Accented
तेन॑ स्तो॒तृभ्य॒ आ भ॑र॒ नृभ्यो॒ नारि॑भ्यो॒ अत्त॑वे ।
स॒द्यो जा॒त ऋ॑भुष्ठिर ॥
Samhita Devanagari Nonaccented
तेन स्तोतृभ्य आ भर नृभ्यो नारिभ्यो अत्तवे ।
सद्यो जात ऋभुष्ठिर ॥
Samhita Transcription Accented
téna stotṛ́bhya ā́ bhara nṛ́bhyo nā́ribhyo áttave ǀ
sadyó jātá ṛbhuṣṭhira ǁ
Samhita Transcription Nonaccented
tena stotṛbhya ā bhara nṛbhyo nāribhyo attave ǀ
sadyo jāta ṛbhuṣṭhira ǁ
Padapatha Devanagari Accented
तेन॑ । स्तो॒तृऽभ्यः॑ । आ । भ॒र॒ । नृऽभ्यः॑ । नारि॑ऽभ्यः । अत्त॑वे ।
स॒द्यः । जा॒तः । ऋ॒भु॒ऽस्थि॒र॒ ॥
Padapatha Devanagari Nonaccented
तेन । स्तोतृऽभ्यः । आ । भर । नृऽभ्यः । नारिऽभ्यः । अत्तवे ।
सद्यः । जातः । ऋभुऽस्थिर ॥
Padapatha Transcription Accented
téna ǀ stotṛ́-bhyaḥ ǀ ā́ ǀ bhara ǀ nṛ́-bhyaḥ ǀ nā́ri-bhyaḥ ǀ áttave ǀ
sadyáḥ ǀ jātáḥ ǀ ṛbhu-sthira ǁ
Padapatha Transcription Nonaccented
tena ǀ stotṛ-bhyaḥ ǀ ā ǀ bhara ǀ nṛ-bhyaḥ ǀ nāri-bhyaḥ ǀ attave ǀ
sadyaḥ ǀ jātaḥ ǀ ṛbhu-sthira ǁ
08.077.09 (Mandala. Sukta. Rik)
6.5.30.04 (Ashtaka. Adhyaya. Varga. Rik)
08.08.118 (Mandala. Anuvāka. Rik)
Samhita Devanagari Accented
ए॒ता च्यौ॒त्नानि॑ ते कृ॒ता वर्षि॑ष्ठानि॒ परी॑णसा ।
हृ॒दा वी॒ड्व॑धारयः ॥
Samhita Devanagari Nonaccented
एता च्यौत्नानि ते कृता वर्षिष्ठानि परीणसा ।
हृदा वीड्वधारयः ॥
Samhita Transcription Accented
etā́ cyautnā́ni te kṛtā́ várṣiṣṭhāni párīṇasā ǀ
hṛdā́ vīḍvádhārayaḥ ǁ
Samhita Transcription Nonaccented
etā cyautnāni te kṛtā varṣiṣṭhāni parīṇasā ǀ
hṛdā vīḍvadhārayaḥ ǁ
Padapatha Devanagari Accented
ए॒ता । च्यौ॒त्नानि॑ । ते॒ । कृ॒ता । वर्षि॑ष्ठानि । परी॑णसा ।
हृ॒दा । वी॒ळु । अ॒धा॒र॒यः॒ ॥
Padapatha Devanagari Nonaccented
एता । च्यौत्नानि । ते । कृता । वर्षिष्ठानि । परीणसा ।
हृदा । वीळु । अधारयः ॥
Padapatha Transcription Accented
etā́ ǀ cyautnā́ni ǀ te ǀ kṛtā́ ǀ várṣiṣṭhāni ǀ párīṇasā ǀ
hṛdā́ ǀ vīḷú ǀ adhārayaḥ ǁ
Padapatha Transcription Nonaccented
etā ǀ cyautnāni ǀ te ǀ kṛtā ǀ varṣiṣṭhāni ǀ parīṇasā ǀ
hṛdā ǀ vīḷu ǀ adhārayaḥ ǁ
08.077.10 (Mandala. Sukta. Rik)
6.5.30.05 (Ashtaka. Adhyaya. Varga. Rik)
08.08.119 (Mandala. Anuvāka. Rik)
Samhita Devanagari Accented
विश्वेत्ता विष्णु॒राभ॑रदुरुक्र॒मस्त्वेषि॑तः ।
श॒तं म॑हि॒षान्क्षी॑रपा॒कमो॑द॒नं व॑रा॒हमिंद्र॑ एमु॒षं ॥
Samhita Devanagari Nonaccented
विश्वेत्ता विष्णुराभरदुरुक्रमस्त्वेषितः ।
शतं महिषान्क्षीरपाकमोदनं वराहमिंद्र एमुषं ॥
Samhita Transcription Accented
víśvéttā́ víṣṇurā́bharadurukramástvéṣitaḥ ǀ
śatám mahiṣā́nkṣīrapākámodanám varāhámíndra emuṣám ǁ
Samhita Transcription Nonaccented
viśvettā viṣṇurābharadurukramastveṣitaḥ ǀ
śatam mahiṣānkṣīrapākamodanam varāhamindra emuṣam ǁ
Padapatha Devanagari Accented
विश्वा॑ । इत् । ता । विष्णुः॑ । आ । अ॒भ॒र॒त् । उ॒रु॒ऽक्र॒मः । त्वाऽइ॑षितः ।
श॒तम् । म॒हि॒षान् । क्षी॒र॒ऽपा॒कम् । ओ॒द॒नम् । व॒रा॒हम् । इन्द्रः॑ । ए॒मु॒षम् ॥
Padapatha Devanagari Nonaccented
विश्वा । इत् । ता । विष्णुः । आ । अभरत् । उरुऽक्रमः । त्वाऽइषितः ।
शतम् । महिषान् । क्षीरऽपाकम् । ओदनम् । वराहम् । इन्द्रः । एमुषम् ॥
Padapatha Transcription Accented
víśvā ǀ ít ǀ tā́ ǀ víṣṇuḥ ǀ ā́ ǀ abharat ǀ uru-kramáḥ ǀ tvā́-iṣitaḥ ǀ
śatám ǀ mahiṣā́n ǀ kṣīra-pākám ǀ odanám ǀ varāhám ǀ índraḥ ǀ emuṣám ǁ
Padapatha Transcription Nonaccented
viśvā ǀ it ǀ tā ǀ viṣṇuḥ ǀ ā ǀ abharat ǀ uru-kramaḥ ǀ tvā-iṣitaḥ ǀ
śatam ǀ mahiṣān ǀ kṣīra-pākam ǀ odanam ǀ varāham ǀ indraḥ ǀ emuṣam ǁ
08.077.11 (Mandala. Sukta. Rik)
6.5.30.06 (Ashtaka. Adhyaya. Varga. Rik)
08.08.120 (Mandala. Anuvāka. Rik)
Samhita Devanagari Accented
तु॒वि॒क्षं ते॒ सुकृ॑तं सू॒मयं॒ धनुः॑ सा॒धुर्बुं॒दो हि॑र॒ण्ययः॑ ।
उ॒भा ते॑ बा॒हू रण्या॒ सुसं॑स्कृत ऋदू॒पे चि॑दृदू॒वृधा॑ ॥
Samhita Devanagari Nonaccented
तुविक्षं ते सुकृतं सूमयं धनुः साधुर्बुंदो हिरण्ययः ।
उभा ते बाहू रण्या सुसंस्कृत ऋदूपे चिदृदूवृधा ॥
Samhita Transcription Accented
tuvikṣám te súkṛtam sūmáyam dhánuḥ sādhúrbundó hiraṇyáyaḥ ǀ
ubhā́ te bāhū́ ráṇyā súsaṃskṛta ṛdūpé cidṛdūvṛ́dhā ǁ
Samhita Transcription Nonaccented
tuvikṣam te sukṛtam sūmayam dhanuḥ sādhurbundo hiraṇyayaḥ ǀ
ubhā te bāhū raṇyā susaṃskṛta ṛdūpe cidṛdūvṛdhā ǁ
Padapatha Devanagari Accented
तु॒वि॒ऽक्षम् । ते॒ । सुऽकृ॑तम् । सु॒ऽमय॑म् । धनुः॑ । सा॒धुः । बु॒न्दः । हि॒र॒ण्ययः॑ ।
उ॒भा । ते॒ । बा॒हू इति॑ । रण्या॑ । सुऽसं॑स्कृता । ऋ॒दु॒ऽपे । चि॒त् । ऋ॒दु॒ऽवृधा॑ ॥
Padapatha Devanagari Nonaccented
तुविऽक्षम् । ते । सुऽकृतम् । सुऽमयम् । धनुः । साधुः । बुन्दः । हिरण्ययः ।
उभा । ते । बाहू इति । रण्या । सुऽसंस्कृता । ऋदुऽपे । चित् । ऋदुऽवृधा ॥
Padapatha Transcription Accented
tuvi-kṣám ǀ te ǀ sú-kṛtam ǀ su-máyam ǀ dhánuḥ ǀ sādhúḥ ǀ bundáḥ ǀ hiraṇyáyaḥ ǀ
ubhā́ ǀ te ǀ bāhū́ íti ǀ ráṇyā ǀ sú-saṃskṛtā ǀ ṛdu-pé ǀ cit ǀ ṛdu-vṛ́dhā ǁ
Padapatha Transcription Nonaccented
tuvi-kṣam ǀ te ǀ su-kṛtam ǀ su-mayam ǀ dhanuḥ ǀ sādhuḥ ǀ bundaḥ ǀ hiraṇyayaḥ ǀ
ubhā ǀ te ǀ bāhū iti ǀ raṇyā ǀ su-saṃskṛtā ǀ ṛdu-pe ǀ cit ǀ ṛdu-vṛdhā ǁ