|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 90
|
1. Info |
| To: | indra | |
| From: | nṛmedha āṅgirasa; purumedha āṅgirasa | |
| Metres: | 1st set of styles: pādanicṛtpaṅkti (2, 4); nicṛdbṛhatī (1); virāḍbṛhatī (3); pādnicṛdbṛhatī (5); nicṛtpaṅkti (6) 2nd set of styles: bṛhatī (1, 3, 5); satobṛhatī (2, 4, 6) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.090.01 (Mandala. Sukta. Rik)
6.6.13.01 (Ashtaka. Adhyaya. Varga. Rik)
08.09.070 (Mandala. Anuvāka. Rik)
Samhita Devanagari Accented
आ नो॒ विश्वा॑सु॒ हव्य॒ इंद्रः॑ स॒मत्सु॑ भूषतु ।
उप॒ ब्रह्मा॑णि॒ सव॑नानि वृत्र॒हा प॑रम॒ज्या ऋची॑षमः ॥
Samhita Devanagari Nonaccented
आ नो विश्वासु हव्य इंद्रः समत्सु भूषतु ।
उप ब्रह्माणि सवनानि वृत्रहा परमज्या ऋचीषमः ॥
Samhita Transcription Accented
ā́ no víśvāsu hávya índraḥ samátsu bhūṣatu ǀ
úpa bráhmāṇi sávanāni vṛtrahā́ paramajyā́ ṛ́cīṣamaḥ ǁ
Samhita Transcription Nonaccented
ā no viśvāsu havya indraḥ samatsu bhūṣatu ǀ
upa brahmāṇi savanāni vṛtrahā paramajyā ṛcīṣamaḥ ǁ
Padapatha Devanagari Accented
आ । नः॒ । विश्वा॑सु । हव्यः॑ । इन्द्रः॑ । स॒मत्ऽसु॑ । भू॒ष॒तु॒ ।
उप॑ । ब्रह्मा॑णि । सव॑नानि । वृ॒त्र॒ऽहा । प॒र॒म॒ऽज्याः । ऋची॑षमः ॥
Padapatha Devanagari Nonaccented
आ । नः । विश्वासु । हव्यः । इन्द्रः । समत्ऽसु । भूषतु ।
उप । ब्रह्माणि । सवनानि । वृत्रऽहा । परमऽज्याः । ऋचीषमः ॥
Padapatha Transcription Accented
ā́ ǀ naḥ ǀ víśvāsu ǀ hávyaḥ ǀ índraḥ ǀ samát-su ǀ bhūṣatu ǀ
úpa ǀ bráhmāṇi ǀ sávanāni ǀ vṛtra-hā́ ǀ parama-jyā́ḥ ǀ ṛ́cīṣamaḥ ǁ
Padapatha Transcription Nonaccented
ā ǀ naḥ ǀ viśvāsu ǀ havyaḥ ǀ indraḥ ǀ samat-su ǀ bhūṣatu ǀ
upa ǀ brahmāṇi ǀ savanāni ǀ vṛtra-hā ǀ parama-jyāḥ ǀ ṛcīṣamaḥ ǁ
08.090.02 (Mandala. Sukta. Rik)
6.6.13.02 (Ashtaka. Adhyaya. Varga. Rik)
08.09.071 (Mandala. Anuvāka. Rik)
Samhita Devanagari Accented
त्वं दा॒ता प्र॑थ॒मो राध॑साम॒स्यसि॑ स॒त्य ई॑शान॒कृत् ।
तु॒वि॒द्यु॒म्नस्य॒ युज्या वृ॑णीमहे पु॒त्रस्य॒ शव॑सो म॒हः ॥
Samhita Devanagari Nonaccented
त्वं दाता प्रथमो राधसामस्यसि सत्य ईशानकृत् ।
तुविद्युम्नस्य युज्या वृणीमहे पुत्रस्य शवसो महः ॥
Samhita Transcription Accented
tvám dātā́ prathamó rā́dhasāmasyási satyá īśānakṛ́t ǀ
tuvidyumnásya yújyā́ vṛṇīmahe putrásya śávaso maháḥ ǁ
Samhita Transcription Nonaccented
tvam dātā prathamo rādhasāmasyasi satya īśānakṛt ǀ
tuvidyumnasya yujyā vṛṇīmahe putrasya śavaso mahaḥ ǁ
Padapatha Devanagari Accented
त्वम् । दा॒ता । प्र॒थ॒मः । राध॑साम् । अ॒सि॒ । असि॑ । स॒त्यः । ई॒शा॒न॒ऽकृत् ।
तु॒वि॒ऽद्यु॒म्नस्य॑ । युज्या॑ । आ । वृ॒णी॒म॒हे॒ । पु॒त्रस्य॑ । शव॑सः । म॒हः ॥
Padapatha Devanagari Nonaccented
त्वम् । दाता । प्रथमः । राधसाम् । असि । असि । सत्यः । ईशानऽकृत् ।
तुविऽद्युम्नस्य । युज्या । आ । वृणीमहे । पुत्रस्य । शवसः । महः ॥
Padapatha Transcription Accented
tvám ǀ dātā́ ǀ prathamáḥ ǀ rā́dhasām ǀ asi ǀ ási ǀ satyáḥ ǀ īśāna-kṛ́t ǀ
tuvi-dyumnásya ǀ yújyā ǀ ā́ ǀ vṛṇīmahe ǀ putrásya ǀ śávasaḥ ǀ maháḥ ǁ
Padapatha Transcription Nonaccented
tvam ǀ dātā ǀ prathamaḥ ǀ rādhasām ǀ asi ǀ asi ǀ satyaḥ ǀ īśāna-kṛt ǀ
tuvi-dyumnasya ǀ yujyā ǀ ā ǀ vṛṇīmahe ǀ putrasya ǀ śavasaḥ ǀ mahaḥ ǁ
08.090.03 (Mandala. Sukta. Rik)
6.6.13.03 (Ashtaka. Adhyaya. Varga. Rik)
08.09.072 (Mandala. Anuvāka. Rik)
Samhita Devanagari Accented
ब्रह्मा॑ त इंद्र गिर्वणः क्रि॒यंते॒ अन॑तिद्भुता ।
इ॒मा जु॑षस्व हर्यश्व॒ योज॒नेंद्र॒ या ते॒ अम॑न्महि ॥
Samhita Devanagari Nonaccented
ब्रह्मा त इंद्र गिर्वणः क्रियंते अनतिद्भुता ।
इमा जुषस्व हर्यश्व योजनेंद्र या ते अमन्महि ॥
Samhita Transcription Accented
bráhmā ta indra girvaṇaḥ kriyánte ánatidbhutā ǀ
imā́ juṣasva haryaśva yójanéndra yā́ te ámanmahi ǁ
Samhita Transcription Nonaccented
brahmā ta indra girvaṇaḥ kriyante anatidbhutā ǀ
imā juṣasva haryaśva yojanendra yā te amanmahi ǁ
Padapatha Devanagari Accented
ब्रह्म॑ । ते॒ । इ॒न्द्र॒ । गि॒र्व॒णः॒ । क्रि॒यन्ते॑ । अन॑तिद्भुता ।
इ॒मा । जु॒ष॒स्व॒ । ह॒रि॒ऽअ॒श्व॒ । योज॑ना । इन्द्र॑ । या । ते॒ । अम॑न्महि ॥
Padapatha Devanagari Nonaccented
ब्रह्म । ते । इन्द्र । गिर्वणः । क्रियन्ते । अनतिद्भुता ।
इमा । जुषस्व । हरिऽअश्व । योजना । इन्द्र । या । ते । अमन्महि ॥
Padapatha Transcription Accented
bráhma ǀ te ǀ indra ǀ girvaṇaḥ ǀ kriyánte ǀ ánatidbhutā ǀ
imā́ ǀ juṣasva ǀ hari-aśva ǀ yójanā ǀ índra ǀ yā́ ǀ te ǀ ámanmahi ǁ
Padapatha Transcription Nonaccented
brahma ǀ te ǀ indra ǀ girvaṇaḥ ǀ kriyante ǀ anatidbhutā ǀ
imā ǀ juṣasva ǀ hari-aśva ǀ yojanā ǀ indra ǀ yā ǀ te ǀ amanmahi ǁ
08.090.04 (Mandala. Sukta. Rik)
6.6.13.04 (Ashtaka. Adhyaya. Varga. Rik)
08.09.073 (Mandala. Anuvāka. Rik)
Samhita Devanagari Accented
त्वं हि स॒त्यो म॑घव॒न्नना॑नतो वृ॒त्रा भूरि॑ न्यृं॒जसे॑ ।
स त्वं श॑विष्ठ वज्रहस्त दा॒शुषे॒ऽर्वांचं॑ र॒यिमा कृ॑धि ॥
Samhita Devanagari Nonaccented
त्वं हि सत्यो मघवन्ननानतो वृत्रा भूरि न्यृंजसे ।
स त्वं शविष्ठ वज्रहस्त दाशुषेऽर्वांचं रयिमा कृधि ॥
Samhita Transcription Accented
tvám hí satyó maghavannánānato vṛtrā́ bhū́ri nyṛñjáse ǀ
sá tvám śaviṣṭha vajrahasta dāśúṣe’rvā́ñcam rayímā́ kṛdhi ǁ
Samhita Transcription Nonaccented
tvam hi satyo maghavannanānato vṛtrā bhūri nyṛñjase ǀ
sa tvam śaviṣṭha vajrahasta dāśuṣe’rvāñcam rayimā kṛdhi ǁ
Padapatha Devanagari Accented
त्वम् । हि । स॒त्यः । म॒घ॒ऽव॒न् । अना॑नतः । वृ॒त्रा । भूरि॑ । नि॒ऽऋ॒ञ्जसे॑ ।
सः । त्वम् । श॒वि॒ष्ठ॒ । व॒ज्र॒ऽह॒स्त॒ । दा॒शुषे॑ । अ॒र्वाञ्च॑म् । र॒यिम् । आ । कृ॒धि॒ ॥
Padapatha Devanagari Nonaccented
त्वम् । हि । सत्यः । मघऽवन् । अनानतः । वृत्रा । भूरि । निऽऋञ्जसे ।
सः । त्वम् । शविष्ठ । वज्रऽहस्त । दाशुषे । अर्वाञ्चम् । रयिम् । आ । कृधि ॥
Padapatha Transcription Accented
tvám ǀ hí ǀ satyáḥ ǀ magha-van ǀ ánānataḥ ǀ vṛtrā́ ǀ bhū́ri ǀ ni-ṛñjáse ǀ
sáḥ ǀ tvám ǀ śaviṣṭha ǀ vajra-hasta ǀ dāśúṣe ǀ arvā́ñcam ǀ rayím ǀ ā́ ǀ kṛdhi ǁ
Padapatha Transcription Nonaccented
tvam ǀ hi ǀ satyaḥ ǀ magha-van ǀ anānataḥ ǀ vṛtrā ǀ bhūri ǀ ni-ṛñjase ǀ
saḥ ǀ tvam ǀ śaviṣṭha ǀ vajra-hasta ǀ dāśuṣe ǀ arvāñcam ǀ rayim ǀ ā ǀ kṛdhi ǁ
08.090.05 (Mandala. Sukta. Rik)
6.6.13.05 (Ashtaka. Adhyaya. Varga. Rik)
08.09.074 (Mandala. Anuvāka. Rik)
Samhita Devanagari Accented
त्वमिं॑द्र य॒शा अ॑स्यृजी॒षी श॑वसस्पते ।
त्वं वृ॒त्राणि॑ हंस्यप्र॒तीन्येक॒ इदनु॑त्ता चर्षणी॒धृता॑ ॥
Samhita Devanagari Nonaccented
त्वमिंद्र यशा अस्यृजीषी शवसस्पते ।
त्वं वृत्राणि हंस्यप्रतीन्येक इदनुत्ता चर्षणीधृता ॥
Samhita Transcription Accented
tvámindra yaśā́ asyṛjīṣī́ śavasaspate ǀ
tvám vṛtrā́ṇi haṃsyapratī́nyéka ídánuttā carṣaṇīdhṛ́tā ǁ
Samhita Transcription Nonaccented
tvamindra yaśā asyṛjīṣī śavasaspate ǀ
tvam vṛtrāṇi haṃsyapratīnyeka idanuttā carṣaṇīdhṛtā ǁ
Padapatha Devanagari Accented
त्वम् । इ॒न्द्र॒ । य॒शाः । अ॒सि॒ । ऋ॒जी॒षी । श॒व॒सः॒ । प॒ते॒ ।
त्वम् । वृ॒त्राणि॑ । हं॒सि॒ । अ॒प्र॒तीनि॑ । एकः॑ । इत् । अनु॑त्ता । च॒र्ष॒णि॒ऽधृता॑ ॥
Padapatha Devanagari Nonaccented
त्वम् । इन्द्र । यशाः । असि । ऋजीषी । शवसः । पते ।
त्वम् । वृत्राणि । हंसि । अप्रतीनि । एकः । इत् । अनुत्ता । चर्षणिऽधृता ॥
Padapatha Transcription Accented
tvám ǀ indra ǀ yaśā́ḥ ǀ asi ǀ ṛjīṣī́ ǀ śavasaḥ ǀ pate ǀ
tvám ǀ vṛtrā́ṇi ǀ haṃsi ǀ apratī́ni ǀ ékaḥ ǀ ít ǀ ánuttā ǀ carṣaṇi-dhṛ́tā ǁ
Padapatha Transcription Nonaccented
tvam ǀ indra ǀ yaśāḥ ǀ asi ǀ ṛjīṣī ǀ śavasaḥ ǀ pate ǀ
tvam ǀ vṛtrāṇi ǀ haṃsi ǀ apratīni ǀ ekaḥ ǀ it ǀ anuttā ǀ carṣaṇi-dhṛtā ǁ
08.090.06 (Mandala. Sukta. Rik)
6.6.13.06 (Ashtaka. Adhyaya. Varga. Rik)
08.09.075 (Mandala. Anuvāka. Rik)
Samhita Devanagari Accented
तमु॑ त्वा नू॒नम॑सुर॒ प्रचे॑तसं॒ राधो॑ भा॒गमि॑वेमहे ।
म॒हीव॒ कृत्तिः॑ शर॒णा त॑ इंद्र॒ प्र ते॑ सु॒म्ना नो॑ अश्नवन् ॥
Samhita Devanagari Nonaccented
तमु त्वा नूनमसुर प्रचेतसं राधो भागमिवेमहे ।
महीव कृत्तिः शरणा त इंद्र प्र ते सुम्ना नो अश्नवन् ॥
Samhita Transcription Accented
támu tvā nūnámasura prácetasam rā́dho bhāgámivemahe ǀ
mahī́va kṛ́ttiḥ śaraṇā́ ta indra prá te sumnā́ no aśnavan ǁ
Samhita Transcription Nonaccented
tamu tvā nūnamasura pracetasam rādho bhāgamivemahe ǀ
mahīva kṛttiḥ śaraṇā ta indra pra te sumnā no aśnavan ǁ
Padapatha Devanagari Accented
तम् । ऊं॒ इति॑ । त्वा॒ । नू॒नम् । अ॒सु॒र॒ । प्रऽचे॑तसम् । राधः॑ । भा॒गम्ऽइ॑व । ई॒म॒हे॒ ।
म॒हीऽइ॑व । कृत्तिः॑ । श॒र॒णा । ते॒ । इ॒न्द्र॒ । प्र । ते॒ । सु॒म्ना । नः॒ । अ॒श्न॒व॒न् ॥
Padapatha Devanagari Nonaccented
तम् । ऊं इति । त्वा । नूनम् । असुर । प्रऽचेतसम् । राधः । भागम्ऽइव । ईमहे ।
महीऽइव । कृत्तिः । शरणा । ते । इन्द्र । प्र । ते । सुम्ना । नः । अश्नवन् ॥
Padapatha Transcription Accented
tám ǀ ūṃ íti ǀ tvā ǀ nūnám ǀ asura ǀ prá-cetasam ǀ rā́dhaḥ ǀ bhāgám-iva ǀ īmahe ǀ
mahī́-iva ǀ kṛ́ttiḥ ǀ śaraṇā́ ǀ te ǀ indra ǀ prá ǀ te ǀ sumnā́ ǀ naḥ ǀ aśnavan ǁ
Padapatha Transcription Nonaccented
tam ǀ ūṃ iti ǀ tvā ǀ nūnam ǀ asura ǀ pra-cetasam ǀ rādhaḥ ǀ bhāgam-iva ǀ īmahe ǀ
mahī-iva ǀ kṛttiḥ ǀ śaraṇā ǀ te ǀ indra ǀ pra ǀ te ǀ sumnā ǀ naḥ ǀ aśnavan ǁ