|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 8
Sūkta 103
|
1. Info |
| To: | 1-13: agni; 14: agni, maruts |
|
| From: | sobhari kāṇva | |
| Metres: | 1st set of styles: virāḍbṛhatī (1, 3, 13); svarāḍbṛhatī (7, 9); nicṛdbṛhatī (2); bṛhatī (4); paṅktiḥ (5); svarāḍārcībṛhatī (6); nicṛduṣṇik (8); bhurigārcīgāyatrī (10); nicṛtpaṅkti (11); virāḍuṣnik (12); anuṣṭup (14) 2nd set of styles: bṛhatī (1-4, 6); satobṛhatī (7, 9, 11, 13); kakubh (8, 12); virāḍrūpā (5); shorter gāyatrī (10); anuṣṭubh (14) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
08.103.01 (Mandala. Sukta. Rik)
6.7.13.01 (Ashtaka. Adhyaya. Varga. Rik)
8.10.128 (Mandala. Anuvāka. Rik)
Samhita Devanagari Accented
अद॑र्शि गातु॒वित्त॑मो॒ यस्मि॑न्व्र॒तान्या॑द॒धुः ।
उपो॒ षु जा॒तमार्य॑स्य॒ वर्ध॑नम॒ग्निं न॑क्षंत नो॒ गिरः॑ ॥
Samhita Devanagari Nonaccented
अदर्शि गातुवित्तमो यस्मिन्व्रतान्यादधुः ।
उपो षु जातमार्यस्य वर्धनमग्निं नक्षंत नो गिरः ॥
Samhita Transcription Accented
ádarśi gātuvíttamo yásminvratā́nyādadhúḥ ǀ
úpo ṣú jātámā́ryasya várdhanamagním nakṣanta no gíraḥ ǁ
Samhita Transcription Nonaccented
adarśi gātuvittamo yasminvratānyādadhuḥ ǀ
upo ṣu jātamāryasya vardhanamagnim nakṣanta no giraḥ ǁ
Padapatha Devanagari Accented
अद॑र्शि । गा॒तु॒वित्ऽत॑मः । यस्मि॑न् । व्र॒तानि॑ । आ॒ऽद॒धुः ।
उपो॒ इति॑ । सु । जा॒तम् । आर्य॑स्य । वर्ध॑नम् । अ॒ग्निम् । न॒क्ष॒न्त॒ । नः॒ । गिरः॑ ॥
Padapatha Devanagari Nonaccented
अदर्शि । गातुवित्ऽतमः । यस्मिन् । व्रतानि । आऽदधुः ।
उपो इति । सु । जातम् । आर्यस्य । वर्धनम् । अग्निम् । नक्षन्त । नः । गिरः ॥
Padapatha Transcription Accented
ádarśi ǀ gātuvít-tamaḥ ǀ yásmin ǀ vratā́ni ǀ ā-dadhúḥ ǀ
úpo íti ǀ sú ǀ jātám ǀ ā́ryasya ǀ várdhanam ǀ agním ǀ nakṣanta ǀ naḥ ǀ gíraḥ ǁ
Padapatha Transcription Nonaccented
adarśi ǀ gātuvit-tamaḥ ǀ yasmin ǀ vratāni ǀ ā-dadhuḥ ǀ
upo iti ǀ su ǀ jātam ǀ āryasya ǀ vardhanam ǀ agnim ǀ nakṣanta ǀ naḥ ǀ giraḥ ǁ
08.103.02 (Mandala. Sukta. Rik)
6.7.13.02 (Ashtaka. Adhyaya. Varga. Rik)
8.10.129 (Mandala. Anuvāka. Rik)
Samhita Devanagari Accented
प्र दैवो॑दासो अ॒ग्निर्दे॒वाँ अच्छा॒ न म॒ज्मना॑ ।
अनु॑ मा॒तरं॑ पृथि॒वीं वि वा॑वृते त॒स्थौ नाक॑स्य॒ सान॑वि ॥
Samhita Devanagari Nonaccented
प्र दैवोदासो अग्निर्देवाँ अच्छा न मज्मना ।
अनु मातरं पृथिवीं वि वावृते तस्थौ नाकस्य सानवि ॥
Samhita Transcription Accented
prá dáivodāso agnírdevā́m̐ ácchā ná majmánā ǀ
ánu mātáram pṛthivī́m ví vāvṛte tastháu nā́kasya sā́navi ǁ
Samhita Transcription Nonaccented
pra daivodāso agnirdevām̐ acchā na majmanā ǀ
anu mātaram pṛthivīm vi vāvṛte tasthau nākasya sānavi ǁ
Padapatha Devanagari Accented
प्र । दैवः॑ऽदासः । अ॒ग्निः । दे॒वान् । अच्छ॑ । न । म॒ज्मना॑ ।
अनु॑ । मा॒तर॑म् । पृ॒थि॒वीम् । वि । व॒वृ॒ते॒ । त॒स्थौ । नाक॑स्य । सान॑वि ॥
Padapatha Devanagari Nonaccented
प्र । दैवःऽदासः । अग्निः । देवान् । अच्छ । न । मज्मना ।
अनु । मातरम् । पृथिवीम् । वि । ववृते । तस्थौ । नाकस्य । सानवि ॥
Padapatha Transcription Accented
prá ǀ dáivaḥ-dāsaḥ ǀ agníḥ ǀ devā́n ǀ áccha ǀ ná ǀ majmánā ǀ
ánu ǀ mātáram ǀ pṛthivī́m ǀ ví ǀ vavṛte ǀ tastháu ǀ nā́kasya ǀ sā́navi ǁ
Padapatha Transcription Nonaccented
pra ǀ daivaḥ-dāsaḥ ǀ agniḥ ǀ devān ǀ accha ǀ na ǀ majmanā ǀ
anu ǀ mātaram ǀ pṛthivīm ǀ vi ǀ vavṛte ǀ tasthau ǀ nākasya ǀ sānavi ǁ
08.103.03 (Mandala. Sukta. Rik)
6.7.13.03 (Ashtaka. Adhyaya. Varga. Rik)
8.10.130 (Mandala. Anuvāka. Rik)
Samhita Devanagari Accented
यस्मा॒द्रेजं॑त कृ॒ष्टय॑श्च॒र्कृत्या॑नि कृण्व॒तः ।
स॒ह॒स्र॒सां मे॒धसा॑ताविव॒ त्मना॒ग्निं धी॒भिः स॑पर्यत ॥
Samhita Devanagari Nonaccented
यस्माद्रेजंत कृष्टयश्चर्कृत्यानि कृण्वतः ।
सहस्रसां मेधसाताविव त्मनाग्निं धीभिः सपर्यत ॥
Samhita Transcription Accented
yásmādréjanta kṛṣṭáyaścarkṛ́tyāni kṛṇvatáḥ ǀ
sahasrasā́m medhásātāviva tmánāgním dhībhíḥ saparyata ǁ
Samhita Transcription Nonaccented
yasmādrejanta kṛṣṭayaścarkṛtyāni kṛṇvataḥ ǀ
sahasrasām medhasātāviva tmanāgnim dhībhiḥ saparyata ǁ
Padapatha Devanagari Accented
यस्मा॑त् । रेज॑न्त । कृ॒ष्टयः॑ । च॒र्कृत्या॑नि । कृ॒ण्व॒तः ।
स॒ह॒स्र॒ऽसाम् । मे॒धसा॑तौऽइव । त्मना॑ । अ॒ग्निम् । धी॒भिः । स॒प॒र्य॒त॒ ॥
Padapatha Devanagari Nonaccented
यस्मात् । रेजन्त । कृष्टयः । चर्कृत्यानि । कृण्वतः ।
सहस्रऽसाम् । मेधसातौऽइव । त्मना । अग्निम् । धीभिः । सपर्यत ॥
Padapatha Transcription Accented
yásmāt ǀ réjanta ǀ kṛṣṭáyaḥ ǀ carkṛ́tyāni ǀ kṛṇvatáḥ ǀ
sahasra-sā́m ǀ medhásātau-iva ǀ tmánā ǀ agním ǀ dhībhíḥ ǀ saparyata ǁ
Padapatha Transcription Nonaccented
yasmāt ǀ rejanta ǀ kṛṣṭayaḥ ǀ carkṛtyāni ǀ kṛṇvataḥ ǀ
sahasra-sām ǀ medhasātau-iva ǀ tmanā ǀ agnim ǀ dhībhiḥ ǀ saparyata ǁ
08.103.04 (Mandala. Sukta. Rik)
6.7.13.04 (Ashtaka. Adhyaya. Varga. Rik)
8.10.131 (Mandala. Anuvāka. Rik)
Samhita Devanagari Accented
प्र यं रा॒ये निनी॑षसि॒ मर्तो॒ यस्ते॑ वसो॒ दाश॑त् ।
स वी॒रं ध॑त्ते अग्न उक्थशं॒सिनं॒ त्मना॑ सहस्रपो॒षिणं॑ ॥
Samhita Devanagari Nonaccented
प्र यं राये निनीषसि मर्तो यस्ते वसो दाशत् ।
स वीरं धत्ते अग्न उक्थशंसिनं त्मना सहस्रपोषिणं ॥
Samhita Transcription Accented
prá yám rāyé nínīṣasi márto yáste vaso dā́śat ǀ
sá vīrám dhatte agna ukthaśaṃsínam tmánā sahasrapoṣíṇam ǁ
Samhita Transcription Nonaccented
pra yam rāye ninīṣasi marto yaste vaso dāśat ǀ
sa vīram dhatte agna ukthaśaṃsinam tmanā sahasrapoṣiṇam ǁ
Padapatha Devanagari Accented
प्र । यम् । रा॒ये । निनी॑षसि । मर्तः॑ । यः । ते॒ । व॒सो॒ इति॑ । दाश॑त् ।
सः । वी॒रम् । ध॒त्ते॒ । अ॒ग्ने॒ । उ॒क्थ॒ऽशं॒सिन॑म् । त्मना॑ । स॒ह॒स्र॒ऽपो॒षिण॑म् ॥
Padapatha Devanagari Nonaccented
प्र । यम् । राये । निनीषसि । मर्तः । यः । ते । वसो इति । दाशत् ।
सः । वीरम् । धत्ते । अग्ने । उक्थऽशंसिनम् । त्मना । सहस्रऽपोषिणम् ॥
Padapatha Transcription Accented
prá ǀ yám ǀ rāyé ǀ nínīṣasi ǀ mártaḥ ǀ yáḥ ǀ te ǀ vaso íti ǀ dā́śat ǀ
sáḥ ǀ vīrám ǀ dhatte ǀ agne ǀ uktha-śaṃsínam ǀ tmánā ǀ sahasra-poṣíṇam ǁ
Padapatha Transcription Nonaccented
pra ǀ yam ǀ rāye ǀ ninīṣasi ǀ martaḥ ǀ yaḥ ǀ te ǀ vaso iti ǀ dāśat ǀ
saḥ ǀ vīram ǀ dhatte ǀ agne ǀ uktha-śaṃsinam ǀ tmanā ǀ sahasra-poṣiṇam ǁ
08.103.05 (Mandala. Sukta. Rik)
6.7.13.05 (Ashtaka. Adhyaya. Varga. Rik)
8.10.132 (Mandala. Anuvāka. Rik)
Samhita Devanagari Accented
स दृ॒ळ्हे चि॑द॒भि तृ॑णत्ति॒ वाज॒मर्व॑ता॒ स ध॑त्ते॒ अक्षि॑ति॒ श्रवः॑ ।
त्वे दे॑व॒त्रा सदा॑ पुरूवसो॒ विश्वा॑ वा॒मानि॑ धीमहि ॥
Samhita Devanagari Nonaccented
स दृळ्हे चिदभि तृणत्ति वाजमर्वता स धत्ते अक्षिति श्रवः ।
त्वे देवत्रा सदा पुरूवसो विश्वा वामानि धीमहि ॥
Samhita Transcription Accented
sá dṛḷhé cidabhí tṛṇatti vā́jamárvatā sá dhatte ákṣiti śrávaḥ ǀ
tvé devatrā́ sádā purūvaso víśvā vāmā́ni dhīmahi ǁ
Samhita Transcription Nonaccented
sa dṛḷhe cidabhi tṛṇatti vājamarvatā sa dhatte akṣiti śravaḥ ǀ
tve devatrā sadā purūvaso viśvā vāmāni dhīmahi ǁ
Padapatha Devanagari Accented
सः । दृ॒ळ्हे । चि॒त् । अ॒भि । तृ॒ण॒त्ति॒ । वाज॑म् । अर्व॑ता । सः । ध॒त्ते॒ । अक्षि॑ति । श्रवः॑ ।
त्वे इति॑ । दे॒व॒ऽत्रा । सदा॑ । पु॒रु॒व॒सो॒ इति॑ पुरुऽवसो । विश्वा॑ । वा॒मानि॑ । धी॒म॒हि॒ ॥
Padapatha Devanagari Nonaccented
सः । दृळ्हे । चित् । अभि । तृणत्ति । वाजम् । अर्वता । सः । धत्ते । अक्षिति । श्रवः ।
त्वे इति । देवऽत्रा । सदा । पुरुवसो इति पुरुऽवसो । विश्वा । वामानि । धीमहि ॥
Padapatha Transcription Accented
sáḥ ǀ dṛḷhé ǀ cit ǀ abhí ǀ tṛṇatti ǀ vā́jam ǀ árvatā ǀ sáḥ ǀ dhatte ǀ ákṣiti ǀ śrávaḥ ǀ
tvé íti ǀ deva-trā́ ǀ sádā ǀ puruvaso íti puru-vaso ǀ víśvā ǀ vāmā́ni ǀ dhīmahi ǁ
Padapatha Transcription Nonaccented
saḥ ǀ dṛḷhe ǀ cit ǀ abhi ǀ tṛṇatti ǀ vājam ǀ arvatā ǀ saḥ ǀ dhatte ǀ akṣiti ǀ śravaḥ ǀ
tve iti ǀ deva-trā ǀ sadā ǀ puruvaso iti puru-vaso ǀ viśvā ǀ vāmāni ǀ dhīmahi ǁ
08.103.06 (Mandala. Sukta. Rik)
6.7.14.01 (Ashtaka. Adhyaya. Varga. Rik)
8.10.133 (Mandala. Anuvāka. Rik)
Samhita Devanagari Accented
यो विश्वा॒ दय॑ते॒ वसु॒ होता॑ मं॒द्रो जना॑नां ।
मधो॒र्न पात्रा॑ प्रथ॒मान्य॑स्मै॒ प्र स्तोमा॑ यंत्य॒ग्नये॑ ॥
Samhita Devanagari Nonaccented
यो विश्वा दयते वसु होता मंद्रो जनानां ।
मधोर्न पात्रा प्रथमान्यस्मै प्र स्तोमा यंत्यग्नये ॥
Samhita Transcription Accented
yó víśvā dáyate vásu hótā mandró jánānām ǀ
mádhorná pā́trā prathamā́nyasmai prá stómā yantyagnáye ǁ
Samhita Transcription Nonaccented
yo viśvā dayate vasu hotā mandro janānām ǀ
madhorna pātrā prathamānyasmai pra stomā yantyagnaye ǁ
Padapatha Devanagari Accented
यः । विश्वा॑ । दय॑ते । वसु॑ । होता॑ । म॒न्द्रः । जना॑नाम् ।
मधोः॑ । न । पात्रा॑ । प्र॒थ॒मानि॑ । अ॒स्मै॒ । प्र । स्तोमाः॑ । य॒न्ति॒ । अ॒ग्नये॑ ॥
Padapatha Devanagari Nonaccented
यः । विश्वा । दयते । वसु । होता । मन्द्रः । जनानाम् ।
मधोः । न । पात्रा । प्रथमानि । अस्मै । प्र । स्तोमाः । यन्ति । अग्नये ॥
Padapatha Transcription Accented
yáḥ ǀ víśvā ǀ dáyate ǀ vásu ǀ hótā ǀ mandráḥ ǀ jánānām ǀ
mádhoḥ ǀ ná ǀ pā́trā ǀ prathamā́ni ǀ asmai ǀ prá ǀ stómāḥ ǀ yanti ǀ agnáye ǁ
Padapatha Transcription Nonaccented
yaḥ ǀ viśvā ǀ dayate ǀ vasu ǀ hotā ǀ mandraḥ ǀ janānām ǀ
madhoḥ ǀ na ǀ pātrā ǀ prathamāni ǀ asmai ǀ pra ǀ stomāḥ ǀ yanti ǀ agnaye ǁ
08.103.07 (Mandala. Sukta. Rik)
6.7.14.02 (Ashtaka. Adhyaya. Varga. Rik)
8.10.134 (Mandala. Anuvāka. Rik)
Samhita Devanagari Accented
अश्वं॒ न गी॒र्भी र॒थ्यं॑ सु॒दान॑वो मर्मृ॒ज्यंते॑ देव॒यवः॑ ।
उ॒भे तो॒के तन॑ये दस्म विश्पते॒ पर्षि॒ राधो॑ म॒घोनां॑ ॥
Samhita Devanagari Nonaccented
अश्वं न गीर्भी रथ्यं सुदानवो मर्मृज्यंते देवयवः ।
उभे तोके तनये दस्म विश्पते पर्षि राधो मघोनां ॥
Samhita Transcription Accented
áśvam ná gīrbhī́ rathyám sudā́navo marmṛjyánte devayávaḥ ǀ
ubhé toké tánaye dasma viśpate párṣi rā́dho maghónām ǁ
Samhita Transcription Nonaccented
aśvam na gīrbhī rathyam sudānavo marmṛjyante devayavaḥ ǀ
ubhe toke tanaye dasma viśpate parṣi rādho maghonām ǁ
Padapatha Devanagari Accented
अश्व॑म् । न । गीः॒ऽभिः । र॒थ्य॑म् । सु॒ऽदान॑वः । म॒र्मृ॒ज्यन्ते॑ । दे॒व॒ऽयवः॑ ।
उ॒भे इति॑ । तो॒के इति॑ । तन॑ये । द॒स्म॒ । वि॒श्प॒ते॒ । पर्षि॑ । राधः॑ । म॒घोना॑म् ॥
Padapatha Devanagari Nonaccented
अश्वम् । न । गीःऽभिः । रथ्यम् । सुऽदानवः । मर्मृज्यन्ते । देवऽयवः ।
उभे इति । तोके इति । तनये । दस्म । विश्पते । पर्षि । राधः । मघोनाम् ॥
Padapatha Transcription Accented
áśvam ǀ ná ǀ gīḥ-bhíḥ ǀ rathyám ǀ su-dā́navaḥ ǀ marmṛjyánte ǀ deva-yávaḥ ǀ
ubhé íti ǀ toké íti ǀ tánaye ǀ dasma ǀ viśpate ǀ párṣi ǀ rā́dhaḥ ǀ maghónām ǁ
Padapatha Transcription Nonaccented
aśvam ǀ na ǀ gīḥ-bhiḥ ǀ rathyam ǀ su-dānavaḥ ǀ marmṛjyante ǀ deva-yavaḥ ǀ
ubhe iti ǀ toke iti ǀ tanaye ǀ dasma ǀ viśpate ǀ parṣi ǀ rādhaḥ ǀ maghonām ǁ
08.103.08 (Mandala. Sukta. Rik)
6.7.14.03 (Ashtaka. Adhyaya. Varga. Rik)
8.10.135 (Mandala. Anuvāka. Rik)
Samhita Devanagari Accented
प्र मंहि॑ष्ठाय गायत ऋ॒ताव्ने॑ बृह॒ते शु॒क्रशो॑चिषे ।
उप॑स्तुतासो अ॒ग्नये॑ ॥
Samhita Devanagari Nonaccented
प्र मंहिष्ठाय गायत ऋताव्ने बृहते शुक्रशोचिषे ।
उपस्तुतासो अग्नये ॥
Samhita Transcription Accented
prá máṃhiṣṭhāya gāyata ṛtā́vne bṛhaté śukráśociṣe ǀ
úpastutāso agnáye ǁ
Samhita Transcription Nonaccented
pra maṃhiṣṭhāya gāyata ṛtāvne bṛhate śukraśociṣe ǀ
upastutāso agnaye ǁ
Padapatha Devanagari Accented
प्र । मंहि॑ष्ठाय । गा॒य॒त॒ । ऋ॒तऽव्ने॑ । बृ॒ह॒ते । शु॒क्रऽशो॑चिषे ।
उप॑ऽस्तुतासः । अ॒ग्नये॑ ॥
Padapatha Devanagari Nonaccented
प्र । मंहिष्ठाय । गायत । ऋतऽव्ने । बृहते । शुक्रऽशोचिषे ।
उपऽस्तुतासः । अग्नये ॥
Padapatha Transcription Accented
prá ǀ máṃhiṣṭhāya ǀ gāyata ǀ ṛtá-vne ǀ bṛhaté ǀ śukrá-śociṣe ǀ
úpa-stutāsaḥ ǀ agnáye ǁ
Padapatha Transcription Nonaccented
pra ǀ maṃhiṣṭhāya ǀ gāyata ǀ ṛta-vne ǀ bṛhate ǀ śukra-śociṣe ǀ
upa-stutāsaḥ ǀ agnaye ǁ
08.103.09 (Mandala. Sukta. Rik)
6.7.14.04 (Ashtaka. Adhyaya. Varga. Rik)
8.10.136 (Mandala. Anuvāka. Rik)
Samhita Devanagari Accented
आ वं॑सते म॒घवा॑ वी॒रव॒द्यशः॒ समि॑द्धो द्यु॒म्न्याहु॑तः ।
कु॒विन्नो॑ अस्य सुम॒तिर्नवी॑य॒स्यच्छा॒ वाजे॑भिरा॒गम॑त् ॥
Samhita Devanagari Nonaccented
आ वंसते मघवा वीरवद्यशः समिद्धो द्युम्न्याहुतः ।
कुविन्नो अस्य सुमतिर्नवीयस्यच्छा वाजेभिरागमत् ॥
Samhita Transcription Accented
ā́ vaṃsate maghávā vīrávadyáśaḥ sámiddho dyumnyā́hutaḥ ǀ
kuvínno asya sumatírnávīyasyácchā vā́jebhirāgámat ǁ
Samhita Transcription Nonaccented
ā vaṃsate maghavā vīravadyaśaḥ samiddho dyumnyāhutaḥ ǀ
kuvinno asya sumatirnavīyasyacchā vājebhirāgamat ǁ
Padapatha Devanagari Accented
आ । वं॒स॒ते॒ । म॒घऽवा॑ । वी॒रऽव॑त् । यशः॑ । सम्ऽइ॑द्धः । द्यु॒म्नी । आऽहु॑तः ।
कु॒वित् । नः॒ । अ॒स्य॒ । सु॒ऽम॒तिः । नवी॑यसी । अच्छ॑ । वाजे॑भिः । आ॒ऽगम॑त् ॥
Padapatha Devanagari Nonaccented
आ । वंसते । मघऽवा । वीरऽवत् । यशः । सम्ऽइद्धः । द्युम्नी । आऽहुतः ।
कुवित् । नः । अस्य । सुऽमतिः । नवीयसी । अच्छ । वाजेभिः । आऽगमत् ॥
Padapatha Transcription Accented
ā́ ǀ vaṃsate ǀ maghá-vā ǀ vīrá-vat ǀ yáśaḥ ǀ sám-iddhaḥ ǀ dyumnī́ ǀ ā́-hutaḥ ǀ
kuvít ǀ naḥ ǀ asya ǀ su-matíḥ ǀ návīyasī ǀ áccha ǀ vā́jebhiḥ ǀ ā-gámat ǁ
Padapatha Transcription Nonaccented
ā ǀ vaṃsate ǀ magha-vā ǀ vīra-vat ǀ yaśaḥ ǀ sam-iddhaḥ ǀ dyumnī ǀ ā-hutaḥ ǀ
kuvit ǀ naḥ ǀ asya ǀ su-matiḥ ǀ navīyasī ǀ accha ǀ vājebhiḥ ǀ ā-gamat ǁ
08.103.10 (Mandala. Sukta. Rik)
6.7.14.05 (Ashtaka. Adhyaya. Varga. Rik)
8.10.137 (Mandala. Anuvāka. Rik)
Samhita Devanagari Accented
प्रेष्ठ॑मु प्रि॒याणां॑ स्तु॒ह्या॑सा॒वाति॑थिं ।
अ॒ग्निं रथा॑नां॒ यमं॑ ॥
Samhita Devanagari Nonaccented
प्रेष्ठमु प्रियाणां स्तुह्यासावातिथिं ।
अग्निं रथानां यमं ॥
Samhita Transcription Accented
préṣṭhamu priyā́ṇām stuhyā́sāvā́tithim ǀ
agním ráthānām yámam ǁ
Samhita Transcription Nonaccented
preṣṭhamu priyāṇām stuhyāsāvātithim ǀ
agnim rathānām yamam ǁ
Padapatha Devanagari Accented
प्रेष्ठ॑म् । ऊं॒ इति॑ । प्रि॒याणा॑म् । स्तु॒हि । आ॒सा॒व॒ । अति॑थिम् ।
अ॒ग्निम् । रथा॑नाम् । यम॑म् ॥
Padapatha Devanagari Nonaccented
प्रेष्ठम् । ऊं इति । प्रियाणाम् । स्तुहि । आसाव । अतिथिम् ।
अग्निम् । रथानाम् । यमम् ॥
Padapatha Transcription Accented
préṣṭham ǀ ūṃ íti ǀ priyā́ṇām ǀ stuhí ǀ āsāva ǀ átithim ǀ
agním ǀ ráthānām ǀ yámam ǁ
Padapatha Transcription Nonaccented
preṣṭham ǀ ūṃ iti ǀ priyāṇām ǀ stuhi ǀ āsāva ǀ atithim ǀ
agnim ǀ rathānām ǀ yamam ǁ
08.103.11 (Mandala. Sukta. Rik)
6.7.15.01 (Ashtaka. Adhyaya. Varga. Rik)
8.10.138 (Mandala. Anuvāka. Rik)
Samhita Devanagari Accented
उदि॑ता॒ यो निदि॑ता॒ वेदि॑ता॒ वस्वा य॒ज्ञियो॑ व॒वर्त॑ति ।
दु॒ष्टरा॒ यस्य॑ प्रव॒णे नोर्मयो॑ धि॒या वाजं॒ सिषा॑सतः ॥
Samhita Devanagari Nonaccented
उदिता यो निदिता वेदिता वस्वा यज्ञियो ववर्तति ।
दुष्टरा यस्य प्रवणे नोर्मयो धिया वाजं सिषासतः ॥
Samhita Transcription Accented
úditā yó níditā véditā vásvā́ yajñíyo vavártati ǀ
duṣṭárā yásya pravaṇé nórmáyo dhiyā́ vā́jam síṣāsataḥ ǁ
Samhita Transcription Nonaccented
uditā yo niditā veditā vasvā yajñiyo vavartati ǀ
duṣṭarā yasya pravaṇe normayo dhiyā vājam siṣāsataḥ ǁ
Padapatha Devanagari Accented
उत्ऽइ॑ता । यः । निऽदि॑ता । वेदि॑ता । वसु॑ । आ । य॒ज्ञियः॑ । व॒वर्त॑ति ।
दु॒स्तराः॑ । यस्य॑ । प्र॒व॒णे । न । ऊ॒र्मयः॑ । धि॒या । वाज॑म् । सिसा॑सतः ॥
Padapatha Devanagari Nonaccented
उत्ऽइता । यः । निऽदिता । वेदिता । वसु । आ । यज्ञियः । ववर्तति ।
दुस्तराः । यस्य । प्रवणे । न । ऊर्मयः । धिया । वाजम् । सिसासतः ॥
Padapatha Transcription Accented
út-itā ǀ yáḥ ǀ ní-ditā ǀ véditā ǀ vásu ǀ ā́ ǀ yajñíyaḥ ǀ vavártati ǀ
dustárāḥ ǀ yásya ǀ pravaṇé ǀ ná ǀ ūrmáyaḥ ǀ dhiyā́ ǀ vā́jam ǀ sísāsataḥ ǁ
Padapatha Transcription Nonaccented
ut-itā ǀ yaḥ ǀ ni-ditā ǀ veditā ǀ vasu ǀ ā ǀ yajñiyaḥ ǀ vavartati ǀ
dustarāḥ ǀ yasya ǀ pravaṇe ǀ na ǀ ūrmayaḥ ǀ dhiyā ǀ vājam ǀ sisāsataḥ ǁ
08.103.12 (Mandala. Sukta. Rik)
6.7.15.02 (Ashtaka. Adhyaya. Varga. Rik)
8.10.139 (Mandala. Anuvāka. Rik)
Samhita Devanagari Accented
मा नो॑ हृणीता॒मति॑थि॒र्वसु॑र॒ग्निः पु॑रुप्रश॒स्त ए॒षः ।
यः सु॒होता॑ स्वध्व॒रः ॥
Samhita Devanagari Nonaccented
मा नो हृणीतामतिथिर्वसुरग्निः पुरुप्रशस्त एषः ।
यः सुहोता स्वध्वरः ॥
Samhita Transcription Accented
mā́ no hṛṇītāmátithirvásuragníḥ purupraśastá eṣáḥ ǀ
yáḥ suhótā svadhvaráḥ ǁ
Samhita Transcription Nonaccented
mā no hṛṇītāmatithirvasuragniḥ purupraśasta eṣaḥ ǀ
yaḥ suhotā svadhvaraḥ ǁ
Padapatha Devanagari Accented
मा । नः॒ । हृ॒णी॒ता॒म् । अति॑थिः । वसुः॑ । अ॒ग्निः । पु॒रु॒ऽप्र॒श॒स्तः । ए॒षः ।
यः । सु॒ऽहोता॑ । सु॒ऽअ॒ध्व॒रः ॥
Padapatha Devanagari Nonaccented
मा । नः । हृणीताम् । अतिथिः । वसुः । अग्निः । पुरुऽप्रशस्तः । एषः ।
यः । सुऽहोता । सुऽअध्वरः ॥
Padapatha Transcription Accented
mā́ ǀ naḥ ǀ hṛṇītām ǀ átithiḥ ǀ vásuḥ ǀ agníḥ ǀ puru-praśastáḥ ǀ eṣáḥ ǀ
yáḥ ǀ su-hótā ǀ su-adhvaráḥ ǁ
Padapatha Transcription Nonaccented
mā ǀ naḥ ǀ hṛṇītām ǀ atithiḥ ǀ vasuḥ ǀ agniḥ ǀ puru-praśastaḥ ǀ eṣaḥ ǀ
yaḥ ǀ su-hotā ǀ su-adhvaraḥ ǁ
08.103.13 (Mandala. Sukta. Rik)
6.7.15.03 (Ashtaka. Adhyaya. Varga. Rik)
8.10.140 (Mandala. Anuvāka. Rik)
Samhita Devanagari Accented
मो ते रि॑ष॒न्ये अच्छो॑क्तिभिर्व॒सोऽग्ने॒ केभि॑श्चि॒देवैः॑ ।
की॒रिश्चि॒द्धि त्वामीट्टे॑ दू॒त्या॑य रा॒तह॑व्यः स्वध्व॒रः ॥
Samhita Devanagari Nonaccented
मो ते रिषन्ये अच्छोक्तिभिर्वसोऽग्ने केभिश्चिदेवैः ।
कीरिश्चिद्धि त्वामीट्टे दूत्याय रातहव्यः स्वध्वरः ॥
Samhita Transcription Accented
mó té riṣanyé ácchoktibhirvasó’gne kébhiścidévaiḥ ǀ
kīríściddhí tvā́mī́ṭṭe dūtyā́ya rātáhavyaḥ svadhvaráḥ ǁ
Samhita Transcription Nonaccented
mo te riṣanye acchoktibhirvaso’gne kebhiścidevaiḥ ǀ
kīriściddhi tvāmīṭṭe dūtyāya rātahavyaḥ svadhvaraḥ ǁ
Padapatha Devanagari Accented
मो इति॑ । ते । रि॒ष॒न् । ये । अच्छो॑क्तिऽभिः । व॒सो॒ इति॑ । अग्ने॑ । केभिः॑ । चि॒त् । एवैः॑ ।
की॒रिः । चि॒त् । हि । त्वाम् । ईट्टे॑ । दू॒त्या॑य । रा॒तऽह॑व्यः । सु॒ऽअ॒ध्व॒रः ॥
Padapatha Devanagari Nonaccented
मो इति । ते । रिषन् । ये । अच्छोक्तिऽभिः । वसो इति । अग्ने । केभिः । चित् । एवैः ।
कीरिः । चित् । हि । त्वाम् । ईट्टे । दूत्याय । रातऽहव्यः । सुऽअध्वरः ॥
Padapatha Transcription Accented
mó íti ǀ té ǀ riṣan ǀ yé ǀ ácchokti-bhiḥ ǀ vaso íti ǀ ágne ǀ kébhiḥ ǀ cit ǀ évaiḥ ǀ
kīríḥ ǀ cit ǀ hí ǀ tvā́m ǀ ī́ṭṭe ǀ dūtyā́ya ǀ rātá-havyaḥ ǀ su-adhvaráḥ ǁ
Padapatha Transcription Nonaccented
mo iti ǀ te ǀ riṣan ǀ ye ǀ acchokti-bhiḥ ǀ vaso iti ǀ agne ǀ kebhiḥ ǀ cit ǀ evaiḥ ǀ
kīriḥ ǀ cit ǀ hi ǀ tvām ǀ īṭṭe ǀ dūtyāya ǀ rāta-havyaḥ ǀ su-adhvaraḥ ǁ
08.103.14 (Mandala. Sukta. Rik)
6.7.15.04 (Ashtaka. Adhyaya. Varga. Rik)
8.10.141 (Mandala. Anuvāka. Rik)
Samhita Devanagari Accented
आग्ने॑ याहि म॒रुत्स॑खा रु॒द्रेभिः॒ सोम॑पीतये ।
सोभ॑र्या॒ उप॑ सुष्टु॒तिं मा॒दय॑स्व॒ स्व॑र्णरे ॥
Samhita Devanagari Nonaccented
आग्ने याहि मरुत्सखा रुद्रेभिः सोमपीतये ।
सोभर्या उप सुष्टुतिं मादयस्व स्वर्णरे ॥
Samhita Transcription Accented
ā́gne yāhi marútsakhā rudrébhiḥ sómapītaye ǀ
sóbharyā úpa suṣṭutím mādáyasva svárṇare ǁ
Samhita Transcription Nonaccented
āgne yāhi marutsakhā rudrebhiḥ somapītaye ǀ
sobharyā upa suṣṭutim mādayasva svarṇare ǁ
Padapatha Devanagari Accented
आ । अ॒ग्ने॒ । या॒हि॒ । म॒रुत्ऽस॑खा । रु॒द्रेभिः॑ । सोम॑ऽपीतये ।
सोभ॑र्याः । उप॑ । सु॒ऽस्तु॒तिम् । मा॒दय॑स्व । स्वः॑ऽनरे ॥
Padapatha Devanagari Nonaccented
आ । अग्ने । याहि । मरुत्ऽसखा । रुद्रेभिः । सोमऽपीतये ।
सोभर्याः । उप । सुऽस्तुतिम् । मादयस्व । स्वःऽनरे ॥
Padapatha Transcription Accented
ā́ ǀ agne ǀ yāhi ǀ marút-sakhā ǀ rudrébhiḥ ǀ sóma-pītaye ǀ
sóbharyāḥ ǀ úpa ǀ su-stutím ǀ mādáyasva ǀ sváḥ-nare ǁ
Padapatha Transcription Nonaccented
ā ǀ agne ǀ yāhi ǀ marut-sakhā ǀ rudrebhiḥ ǀ soma-pītaye ǀ
sobharyāḥ ǀ upa ǀ su-stutim ǀ mādayasva ǀ svaḥ-nare ǁ