|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 7
|
1. Info |
| To: | soma pavamāna | |
| From: | asita kāśyapa or devala kāśyapa | |
| Metres: | 1st set of styles: gāyatrī (1, 3, 5-9); nicṛdgāyatrī (2); virāḍgāyatrī (4) 2nd set of styles: gāyatrī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.007.01 (Mandala. Sukta. Rik)
6.7.28.01 (Ashtaka. Adhyaya. Varga. Rik)
09.01.061 (Mandala. Anuvāka. Rik)
Samhita Devanagari Accented
असृ॑ग्र॒मिंद॑वः प॒था धर्म॑न्नृ॒तस्य॑ सु॒श्रियः॑ ।
वि॒दा॒ना अ॑स्य॒ योज॑नं ॥
Samhita Devanagari Nonaccented
असृग्रमिंदवः पथा धर्मन्नृतस्य सुश्रियः ।
विदाना अस्य योजनं ॥
Samhita Transcription Accented
ásṛgramíndavaḥ pathā́ dhármannṛtásya suśríyaḥ ǀ
vidānā́ asya yójanam ǁ
Samhita Transcription Nonaccented
asṛgramindavaḥ pathā dharmannṛtasya suśriyaḥ ǀ
vidānā asya yojanam ǁ
Padapatha Devanagari Accented
असृ॑ग्रम् । इन्द॑वः । प॒था । धर्म॑न् । ऋ॒तस्य॑ । सु॒ऽश्रियः॑ ।
वि॒दा॒नाः । अ॒स्य॒ । योज॑नम् ॥
Padapatha Devanagari Nonaccented
असृग्रम् । इन्दवः । पथा । धर्मन् । ऋतस्य । सुऽश्रियः ।
विदानाः । अस्य । योजनम् ॥
Padapatha Transcription Accented
ásṛgram ǀ índavaḥ ǀ pathā́ ǀ dhárman ǀ ṛtásya ǀ su-śríyaḥ ǀ
vidānā́ḥ ǀ asya ǀ yójanam ǁ
Padapatha Transcription Nonaccented
asṛgram ǀ indavaḥ ǀ pathā ǀ dharman ǀ ṛtasya ǀ su-śriyaḥ ǀ
vidānāḥ ǀ asya ǀ yojanam ǁ
09.007.02 (Mandala. Sukta. Rik)
6.7.28.02 (Ashtaka. Adhyaya. Varga. Rik)
09.01.062 (Mandala. Anuvāka. Rik)
Samhita Devanagari Accented
प्र धारा॒ मध्वो॑ अग्रि॒यो म॒हीर॒पो वि गा॑हते ।
ह॒विर्ह॒विष्षु॒ वंद्यः॑ ॥
Samhita Devanagari Nonaccented
प्र धारा मध्वो अग्रियो महीरपो वि गाहते ।
हविर्हविष्षु वंद्यः ॥
Samhita Transcription Accented
prá dhā́rā mádhvo agriyó mahī́rapó ví gāhate ǀ
havírhavíṣṣu vándyaḥ ǁ
Samhita Transcription Nonaccented
pra dhārā madhvo agriyo mahīrapo vi gāhate ǀ
havirhaviṣṣu vandyaḥ ǁ
Padapatha Devanagari Accented
प्र । धारा॑ । मध्वः॑ । अ॒ग्रि॒यः । म॒हीः । अ॒पः । वि । गा॒ह॒ते॒ ।
ह॒विः । ह॒विष्षु॑ । वन्द्यः॑ ॥
Padapatha Devanagari Nonaccented
प्र । धारा । मध्वः । अग्रियः । महीः । अपः । वि । गाहते ।
हविः । हविष्षु । वन्द्यः ॥
Padapatha Transcription Accented
prá ǀ dhā́rā ǀ mádhvaḥ ǀ agriyáḥ ǀ mahī́ḥ ǀ apáḥ ǀ ví ǀ gāhate ǀ
havíḥ ǀ havíṣṣu ǀ vándyaḥ ǁ
Padapatha Transcription Nonaccented
pra ǀ dhārā ǀ madhvaḥ ǀ agriyaḥ ǀ mahīḥ ǀ apaḥ ǀ vi ǀ gāhate ǀ
haviḥ ǀ haviṣṣu ǀ vandyaḥ ǁ
09.007.03 (Mandala. Sukta. Rik)
6.7.28.03 (Ashtaka. Adhyaya. Varga. Rik)
09.01.063 (Mandala. Anuvāka. Rik)
Samhita Devanagari Accented
प्र यु॒जो वा॒चो अ॑ग्रि॒यो वृषाव॑ चक्रद॒द्वने॑ ।
सद्मा॒भि स॒त्यो अ॑ध्व॒रः ॥
Samhita Devanagari Nonaccented
प्र युजो वाचो अग्रियो वृषाव चक्रदद्वने ।
सद्माभि सत्यो अध्वरः ॥
Samhita Transcription Accented
prá yujó vācó agriyó vṛ́ṣā́va cakradadváne ǀ
sádmābhí satyó adhvaráḥ ǁ
Samhita Transcription Nonaccented
pra yujo vāco agriyo vṛṣāva cakradadvane ǀ
sadmābhi satyo adhvaraḥ ǁ
Padapatha Devanagari Accented
प्र । यु॒जः । वा॒चः । अ॒ग्रि॒यः । वृषा॑ । अव॑ । च॒क्र॒द॒त् । वने॑ ।
सद्म॑ । अ॒भि । स॒त्यः । अ॒ध्व॒रः ॥
Padapatha Devanagari Nonaccented
प्र । युजः । वाचः । अग्रियः । वृषा । अव । चक्रदत् । वने ।
सद्म । अभि । सत्यः । अध्वरः ॥
Padapatha Transcription Accented
prá ǀ yujáḥ ǀ vācáḥ ǀ agriyáḥ ǀ vṛ́ṣā ǀ áva ǀ cakradat ǀ váne ǀ
sádma ǀ abhí ǀ satyáḥ ǀ adhvaráḥ ǁ
Padapatha Transcription Nonaccented
pra ǀ yujaḥ ǀ vācaḥ ǀ agriyaḥ ǀ vṛṣā ǀ ava ǀ cakradat ǀ vane ǀ
sadma ǀ abhi ǀ satyaḥ ǀ adhvaraḥ ǁ
09.007.04 (Mandala. Sukta. Rik)
6.7.28.04 (Ashtaka. Adhyaya. Varga. Rik)
09.01.064 (Mandala. Anuvāka. Rik)
Samhita Devanagari Accented
परि॒ यत्काव्या॑ क॒विर्नृ॒म्णा वसा॑नो॒ अर्ष॑ति ।
स्व॑र्वा॒जी सि॑षासति ॥
Samhita Devanagari Nonaccented
परि यत्काव्या कविर्नृम्णा वसानो अर्षति ।
स्वर्वाजी सिषासति ॥
Samhita Transcription Accented
pári yátkā́vyā kavírnṛmṇā́ vásāno árṣati ǀ
svárvājī́ siṣāsati ǁ
Samhita Transcription Nonaccented
pari yatkāvyā kavirnṛmṇā vasāno arṣati ǀ
svarvājī siṣāsati ǁ
Padapatha Devanagari Accented
परि॑ । यत् । काव्या॑ । क॒विः । नृ॒म्णा । वसा॑नः । अर्ष॑ति ।
स्वः॑ । वा॒जी । सि॒सा॒स॒ति॒ ॥
Padapatha Devanagari Nonaccented
परि । यत् । काव्या । कविः । नृम्णा । वसानः । अर्षति ।
स्वः । वाजी । सिसासति ॥
Padapatha Transcription Accented
pári ǀ yát ǀ kā́vyā ǀ kavíḥ ǀ nṛmṇā́ ǀ vásānaḥ ǀ árṣati ǀ
sváḥ ǀ vājī́ ǀ sisāsati ǁ
Padapatha Transcription Nonaccented
pari ǀ yat ǀ kāvyā ǀ kaviḥ ǀ nṛmṇā ǀ vasānaḥ ǀ arṣati ǀ
svaḥ ǀ vājī ǀ sisāsati ǁ
09.007.05 (Mandala. Sukta. Rik)
6.7.28.05 (Ashtaka. Adhyaya. Varga. Rik)
09.01.065 (Mandala. Anuvāka. Rik)
Samhita Devanagari Accented
पव॑मानो अ॒भि स्पृधो॒ विशो॒ राजे॑व सीदति ।
यदी॑मृ॒ण्वंति॑ वे॒धसः॑ ॥
Samhita Devanagari Nonaccented
पवमानो अभि स्पृधो विशो राजेव सीदति ।
यदीमृण्वंति वेधसः ॥
Samhita Transcription Accented
pávamāno abhí spṛ́dho víśo rā́jeva sīdati ǀ
yádīmṛṇvánti vedhásaḥ ǁ
Samhita Transcription Nonaccented
pavamāno abhi spṛdho viśo rājeva sīdati ǀ
yadīmṛṇvanti vedhasaḥ ǁ
Padapatha Devanagari Accented
पव॑मानः । अ॒भि । स्पृधः॑ । विशः॑ । राजा॑ऽइव । सी॒द॒ति॒ ।
यत् । ई॒म् । ऋ॒ण्वन्ति॑ । वे॒धसः॑ ॥
Padapatha Devanagari Nonaccented
पवमानः । अभि । स्पृधः । विशः । राजाऽइव । सीदति ।
यत् । ईम् । ऋण्वन्ति । वेधसः ॥
Padapatha Transcription Accented
pávamānaḥ ǀ abhí ǀ spṛ́dhaḥ ǀ víśaḥ ǀ rā́jā-iva ǀ sīdati ǀ
yát ǀ īm ǀ ṛṇvánti ǀ vedhásaḥ ǁ
Padapatha Transcription Nonaccented
pavamānaḥ ǀ abhi ǀ spṛdhaḥ ǀ viśaḥ ǀ rājā-iva ǀ sīdati ǀ
yat ǀ īm ǀ ṛṇvanti ǀ vedhasaḥ ǁ
09.007.06 (Mandala. Sukta. Rik)
6.7.29.01 (Ashtaka. Adhyaya. Varga. Rik)
09.01.066 (Mandala. Anuvāka. Rik)
Samhita Devanagari Accented
अव्यो॒ वारे॒ परि॑ प्रि॒यो हरि॒र्वने॑षु सीदति ।
रे॒भो व॑नुष्यते म॒ती ॥
Samhita Devanagari Nonaccented
अव्यो वारे परि प्रियो हरिर्वनेषु सीदति ।
रेभो वनुष्यते मती ॥
Samhita Transcription Accented
ávyo vā́re pári priyó hárirváneṣu sīdati ǀ
rebhó vanuṣyate matī́ ǁ
Samhita Transcription Nonaccented
avyo vāre pari priyo harirvaneṣu sīdati ǀ
rebho vanuṣyate matī ǁ
Padapatha Devanagari Accented
अव्यः॑ । वारे॑ । परि॑ । प्रि॒यः । हरिः॑ । वने॑षु । सी॒द॒ति॒ ।
रे॒भः । व॒नु॒ष्य॒ते॒ । म॒ती ॥
Padapatha Devanagari Nonaccented
अव्यः । वारे । परि । प्रियः । हरिः । वनेषु । सीदति ।
रेभः । वनुष्यते । मती ॥
Padapatha Transcription Accented
ávyaḥ ǀ vā́re ǀ pári ǀ priyáḥ ǀ háriḥ ǀ váneṣu ǀ sīdati ǀ
rebháḥ ǀ vanuṣyate ǀ matī́ ǁ
Padapatha Transcription Nonaccented
avyaḥ ǀ vāre ǀ pari ǀ priyaḥ ǀ hariḥ ǀ vaneṣu ǀ sīdati ǀ
rebhaḥ ǀ vanuṣyate ǀ matī ǁ
09.007.07 (Mandala. Sukta. Rik)
6.7.29.02 (Ashtaka. Adhyaya. Varga. Rik)
09.01.067 (Mandala. Anuvāka. Rik)
Samhita Devanagari Accented
स वा॒युमिंद्र॑म॒श्विना॑ सा॒कं मदे॑न गच्छति ।
रणा॒ यो अ॑स्य॒ धर्म॑भिः ॥
Samhita Devanagari Nonaccented
स वायुमिंद्रमश्विना साकं मदेन गच्छति ।
रणा यो अस्य धर्मभिः ॥
Samhita Transcription Accented
sá vāyúmíndramaśvínā sākám mádena gacchati ǀ
ráṇā yó asya dhármabhiḥ ǁ
Samhita Transcription Nonaccented
sa vāyumindramaśvinā sākam madena gacchati ǀ
raṇā yo asya dharmabhiḥ ǁ
Padapatha Devanagari Accented
सः । वा॒युम् । इन्द्र॑म् । अ॒श्विना॑ । सा॒कम् । मदे॑न । ग॒च्छ॒ति॒ ।
रण॑ । यः । अ॒स्य॒ । धर्म॑ऽभिः ॥
Padapatha Devanagari Nonaccented
सः । वायुम् । इन्द्रम् । अश्विना । साकम् । मदेन । गच्छति ।
रण । यः । अस्य । धर्मऽभिः ॥
Padapatha Transcription Accented
sáḥ ǀ vāyúm ǀ índram ǀ aśvínā ǀ sākám ǀ mádena ǀ gacchati ǀ
ráṇa ǀ yáḥ ǀ asya ǀ dhárma-bhiḥ ǁ
Padapatha Transcription Nonaccented
saḥ ǀ vāyum ǀ indram ǀ aśvinā ǀ sākam ǀ madena ǀ gacchati ǀ
raṇa ǀ yaḥ ǀ asya ǀ dharma-bhiḥ ǁ
09.007.08 (Mandala. Sukta. Rik)
6.7.29.03 (Ashtaka. Adhyaya. Varga. Rik)
09.01.068 (Mandala. Anuvāka. Rik)
Samhita Devanagari Accented
आ मि॒त्रावरु॑णा॒ भगं॒ मध्वः॑ पवंत ऊ॒र्मयः॑ ।
वि॒दा॒ना अ॑स्य॒ शक्म॑भिः ॥
Samhita Devanagari Nonaccented
आ मित्रावरुणा भगं मध्वः पवंत ऊर्मयः ।
विदाना अस्य शक्मभिः ॥
Samhita Transcription Accented
ā́ mitrā́váruṇā bhágam mádhvaḥ pavanta ūrmáyaḥ ǀ
vidānā́ asya śákmabhiḥ ǁ
Samhita Transcription Nonaccented
ā mitrāvaruṇā bhagam madhvaḥ pavanta ūrmayaḥ ǀ
vidānā asya śakmabhiḥ ǁ
Padapatha Devanagari Accented
आ । मि॒त्रावरु॑णा । भग॑म् । मध्वः॑ । प॒व॒न्ते॒ । ऊ॒र्मयः॑ ।
वि॒दा॒नाः । अ॒स्य॒ । शक्म॑ऽभिः ॥
Padapatha Devanagari Nonaccented
आ । मित्रावरुणा । भगम् । मध्वः । पवन्ते । ऊर्मयः ।
विदानाः । अस्य । शक्मऽभिः ॥
Padapatha Transcription Accented
ā́ ǀ mitrā́váruṇā ǀ bhágam ǀ mádhvaḥ ǀ pavante ǀ ūrmáyaḥ ǀ
vidānā́ḥ ǀ asya ǀ śákma-bhiḥ ǁ
Padapatha Transcription Nonaccented
ā ǀ mitrāvaruṇā ǀ bhagam ǀ madhvaḥ ǀ pavante ǀ ūrmayaḥ ǀ
vidānāḥ ǀ asya ǀ śakma-bhiḥ ǁ
09.007.09 (Mandala. Sukta. Rik)
6.7.29.04 (Ashtaka. Adhyaya. Varga. Rik)
09.01.069 (Mandala. Anuvāka. Rik)
Samhita Devanagari Accented
अ॒स्मभ्यं॑ रोदसी र॒यिं मध्वो॒ वाज॑स्य सा॒तये॑ ।
श्रवो॒ वसू॑नि॒ सं जि॑तं ॥
Samhita Devanagari Nonaccented
अस्मभ्यं रोदसी रयिं मध्वो वाजस्य सातये ।
श्रवो वसूनि सं जितं ॥
Samhita Transcription Accented
asmábhyam rodasī rayím mádhvo vā́jasya sātáye ǀ
śrávo vásūni sám jitam ǁ
Samhita Transcription Nonaccented
asmabhyam rodasī rayim madhvo vājasya sātaye ǀ
śravo vasūni sam jitam ǁ
Padapatha Devanagari Accented
अ॒स्मभ्य॑म् । रो॒द॒सी॒ इति॑ । र॒यिम् । मध्वः॑ । वाज॑स्य । सा॒तये॑ ।
श्रवः॑ । वसू॑नि । सम् । जि॒त॒म् ॥
Padapatha Devanagari Nonaccented
अस्मभ्यम् । रोदसी इति । रयिम् । मध्वः । वाजस्य । सातये ।
श्रवः । वसूनि । सम् । जितम् ॥
Padapatha Transcription Accented
asmábhyam ǀ rodasī íti ǀ rayím ǀ mádhvaḥ ǀ vā́jasya ǀ sātáye ǀ
śrávaḥ ǀ vásūni ǀ sám ǀ jitam ǁ
Padapatha Transcription Nonaccented
asmabhyam ǀ rodasī iti ǀ rayim ǀ madhvaḥ ǀ vājasya ǀ sātaye ǀ
śravaḥ ǀ vasūni ǀ sam ǀ jitam ǁ