|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 9
|
1. Info |
| To: | soma pavamāna | |
| From: | asita kāśyapa or devala kāśyapa | |
| Metres: | 1st set of styles: gāyatrī (1, 3-5, 8); nicṛdgāyatrī (2, 6, 7, 9) 2nd set of styles: gāyatrī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.009.01 (Mandala. Sukta. Rik)
6.7.32.01 (Ashtaka. Adhyaya. Varga. Rik)
09.01.079 (Mandala. Anuvāka. Rik)
Samhita Devanagari Accented
परि॑ प्रि॒या दि॒वः क॒विर्वयां॑सि न॒प्त्यो॑र्हि॒तः ।
सु॒वा॒नो या॑ति क॒विक्र॑तुः ॥
Samhita Devanagari Nonaccented
परि प्रिया दिवः कविर्वयांसि नप्त्योर्हितः ।
सुवानो याति कविक्रतुः ॥
Samhita Transcription Accented
pári priyā́ diváḥ kavírváyāṃsi naptyórhitáḥ ǀ
suvānó yāti kavíkratuḥ ǁ
Samhita Transcription Nonaccented
pari priyā divaḥ kavirvayāṃsi naptyorhitaḥ ǀ
suvāno yāti kavikratuḥ ǁ
Padapatha Devanagari Accented
परि॑ । प्रि॒या । दि॒वः । क॒विः । वयां॑सि । न॒प्त्योः॑ । हि॒तः ।
सु॒वा॒नः । या॒ति॒ । क॒विऽक्र॑तुः ॥
Padapatha Devanagari Nonaccented
परि । प्रिया । दिवः । कविः । वयांसि । नप्त्योः । हितः ।
सुवानः । याति । कविऽक्रतुः ॥
Padapatha Transcription Accented
pári ǀ priyā́ ǀ diváḥ ǀ kavíḥ ǀ váyāṃsi ǀ naptyóḥ ǀ hitáḥ ǀ
suvānáḥ ǀ yāti ǀ kaví-kratuḥ ǁ
Padapatha Transcription Nonaccented
pari ǀ priyā ǀ divaḥ ǀ kaviḥ ǀ vayāṃsi ǀ naptyoḥ ǀ hitaḥ ǀ
suvānaḥ ǀ yāti ǀ kavi-kratuḥ ǁ
09.009.02 (Mandala. Sukta. Rik)
6.7.32.02 (Ashtaka. Adhyaya. Varga. Rik)
09.01.080 (Mandala. Anuvāka. Rik)
Samhita Devanagari Accented
प्रप्र॒ क्षया॑य॒ पन्य॑से॒ जना॑य॒ जुष्टो॑ अ॒द्रुहे॑ ।
वी॒त्य॑र्ष॒ चनि॑ष्ठया ॥
Samhita Devanagari Nonaccented
प्रप्र क्षयाय पन्यसे जनाय जुष्टो अद्रुहे ।
वीत्यर्ष चनिष्ठया ॥
Samhita Transcription Accented
prápra kṣáyāya pányase jánāya júṣṭo adrúhe ǀ
vītyárṣa cániṣṭhayā ǁ
Samhita Transcription Nonaccented
prapra kṣayāya panyase janāya juṣṭo adruhe ǀ
vītyarṣa caniṣṭhayā ǁ
Padapatha Devanagari Accented
प्रऽप्र॑ । क्षया॑य । पन्य॑से । जना॑य । जुष्टः॑ । अ॒द्रुहे॑ ।
वी॒ती । अ॒र्ष॒ । चनि॑ष्ठया ॥
Padapatha Devanagari Nonaccented
प्रऽप्र । क्षयाय । पन्यसे । जनाय । जुष्टः । अद्रुहे ।
वीती । अर्ष । चनिष्ठया ॥
Padapatha Transcription Accented
prá-pra ǀ kṣáyāya ǀ pányase ǀ jánāya ǀ júṣṭaḥ ǀ adrúhe ǀ
vītī́ ǀ arṣa ǀ cániṣṭhayā ǁ
Padapatha Transcription Nonaccented
pra-pra ǀ kṣayāya ǀ panyase ǀ janāya ǀ juṣṭaḥ ǀ adruhe ǀ
vītī ǀ arṣa ǀ caniṣṭhayā ǁ
09.009.03 (Mandala. Sukta. Rik)
6.7.32.03 (Ashtaka. Adhyaya. Varga. Rik)
09.01.081 (Mandala. Anuvāka. Rik)
Samhita Devanagari Accented
स सू॒नुर्मा॒तरा॒ शुचि॑र्जा॒तो जा॒ते अ॑रोचयत् ।
म॒हान्म॒ही ऋ॑ता॒वृधा॑ ॥
Samhita Devanagari Nonaccented
स सूनुर्मातरा शुचिर्जातो जाते अरोचयत् ।
महान्मही ऋतावृधा ॥
Samhita Transcription Accented
sá sūnúrmātárā śúcirjātó jāté arocayat ǀ
mahā́nmahī́ ṛtāvṛ́dhā ǁ
Samhita Transcription Nonaccented
sa sūnurmātarā śucirjāto jāte arocayat ǀ
mahānmahī ṛtāvṛdhā ǁ
Padapatha Devanagari Accented
सः । सू॒नुः । मा॒तरा॑ । शुचिः॑ । जा॒तः । जा॒ते इति॑ । अ॒रो॒च॒य॒त् ।
म॒हान् । म॒ही इति॑ । ऋ॒त॒ऽवृधा॑ ॥
Padapatha Devanagari Nonaccented
सः । सूनुः । मातरा । शुचिः । जातः । जाते इति । अरोचयत् ।
महान् । मही इति । ऋतऽवृधा ॥
Padapatha Transcription Accented
sáḥ ǀ sūnúḥ ǀ mātárā ǀ śúciḥ ǀ jātáḥ ǀ jāté íti ǀ arocayat ǀ
mahā́n ǀ mahī́ íti ǀ ṛta-vṛ́dhā ǁ
Padapatha Transcription Nonaccented
saḥ ǀ sūnuḥ ǀ mātarā ǀ śuciḥ ǀ jātaḥ ǀ jāte iti ǀ arocayat ǀ
mahān ǀ mahī iti ǀ ṛta-vṛdhā ǁ
09.009.04 (Mandala. Sukta. Rik)
6.7.32.04 (Ashtaka. Adhyaya. Varga. Rik)
09.01.082 (Mandala. Anuvāka. Rik)
Samhita Devanagari Accented
स स॒प्त धी॒तिभि॑र्हि॒तो न॒द्यो॑ अजिन्वद॒द्रुहः॑ ।
या एक॒मक्षि॑ वावृ॒धुः ॥
Samhita Devanagari Nonaccented
स सप्त धीतिभिर्हितो नद्यो अजिन्वदद्रुहः ।
या एकमक्षि वावृधुः ॥
Samhita Transcription Accented
sá saptá dhītíbhirhitó nadyó ajinvadadrúhaḥ ǀ
yā́ ékamákṣi vāvṛdhúḥ ǁ
Samhita Transcription Nonaccented
sa sapta dhītibhirhito nadyo ajinvadadruhaḥ ǀ
yā ekamakṣi vāvṛdhuḥ ǁ
Padapatha Devanagari Accented
सः । स॒प्त । धी॒तिऽभिः॑ । हि॒तः । न॒द्यः॑ । अ॒जि॒न्व॒त् । अ॒द्रुहः॑ ।
याः । एक॑म् । अक्षि॑ । व॒वृ॒धुः ॥
Padapatha Devanagari Nonaccented
सः । सप्त । धीतिऽभिः । हितः । नद्यः । अजिन्वत् । अद्रुहः ।
याः । एकम् । अक्षि । ववृधुः ॥
Padapatha Transcription Accented
sáḥ ǀ saptá ǀ dhītí-bhiḥ ǀ hitáḥ ǀ nadyáḥ ǀ ajinvat ǀ adrúhaḥ ǀ
yā́ḥ ǀ ékam ǀ ákṣi ǀ vavṛdhúḥ ǁ
Padapatha Transcription Nonaccented
saḥ ǀ sapta ǀ dhīti-bhiḥ ǀ hitaḥ ǀ nadyaḥ ǀ ajinvat ǀ adruhaḥ ǀ
yāḥ ǀ ekam ǀ akṣi ǀ vavṛdhuḥ ǁ
09.009.05 (Mandala. Sukta. Rik)
6.7.32.05 (Ashtaka. Adhyaya. Varga. Rik)
09.01.083 (Mandala. Anuvāka. Rik)
Samhita Devanagari Accented
ता अ॒भि संत॒मस्तृ॑तं म॒हे युवा॑न॒मा द॑धुः ।
इंदु॑मिंद्र॒ तव॑ व्र॒ते ॥
Samhita Devanagari Nonaccented
ता अभि संतमस्तृतं महे युवानमा दधुः ।
इंदुमिंद्र तव व्रते ॥
Samhita Transcription Accented
tā́ abhí sántamástṛtam mahé yúvānamā́ dadhuḥ ǀ
índumindra táva vraté ǁ
Samhita Transcription Nonaccented
tā abhi santamastṛtam mahe yuvānamā dadhuḥ ǀ
indumindra tava vrate ǁ
Padapatha Devanagari Accented
ताः । अ॒भि । सन्त॑म् । अस्तृ॑तम् । म॒हे । युवा॑नम् । आ । द॒धुः॒ ।
इन्दु॑म् । इ॒न्द्र॒ । तव॑ । व्र॒ते ॥
Padapatha Devanagari Nonaccented
ताः । अभि । सन्तम् । अस्तृतम् । महे । युवानम् । आ । दधुः ।
इन्दुम् । इन्द्र । तव । व्रते ॥
Padapatha Transcription Accented
tā́ḥ ǀ abhí ǀ sántam ǀ ástṛtam ǀ mahé ǀ yúvānam ǀ ā́ ǀ dadhuḥ ǀ
índum ǀ indra ǀ táva ǀ vraté ǁ
Padapatha Transcription Nonaccented
tāḥ ǀ abhi ǀ santam ǀ astṛtam ǀ mahe ǀ yuvānam ǀ ā ǀ dadhuḥ ǀ
indum ǀ indra ǀ tava ǀ vrate ǁ
09.009.06 (Mandala. Sukta. Rik)
6.7.33.01 (Ashtaka. Adhyaya. Varga. Rik)
09.01.084 (Mandala. Anuvāka. Rik)
Samhita Devanagari Accented
अ॒भि वह्नि॒रम॑र्त्यः स॒प्त प॑श्यति॒ वाव॑हिः ।
क्रिवि॑र्दे॒वीर॑तर्पयत् ॥
Samhita Devanagari Nonaccented
अभि वह्निरमर्त्यः सप्त पश्यति वावहिः ।
क्रिविर्देवीरतर्पयत् ॥
Samhita Transcription Accented
abhí váhnirámartyaḥ saptá paśyati vā́vahiḥ ǀ
krívirdevī́ratarpayat ǁ
Samhita Transcription Nonaccented
abhi vahniramartyaḥ sapta paśyati vāvahiḥ ǀ
krivirdevīratarpayat ǁ
Padapatha Devanagari Accented
अ॒भि । वह्निः॑ । अम॑र्त्यः । स॒प्त । प॒श्य॒ति॒ । वाव॑हिः ।
क्रिविः॑ । दे॒वीः । अ॒त॒र्प॒य॒त् ॥
Padapatha Devanagari Nonaccented
अभि । वह्निः । अमर्त्यः । सप्त । पश्यति । वावहिः ।
क्रिविः । देवीः । अतर्पयत् ॥
Padapatha Transcription Accented
abhí ǀ váhniḥ ǀ ámartyaḥ ǀ saptá ǀ paśyati ǀ vā́vahiḥ ǀ
kríviḥ ǀ devī́ḥ ǀ atarpayat ǁ
Padapatha Transcription Nonaccented
abhi ǀ vahniḥ ǀ amartyaḥ ǀ sapta ǀ paśyati ǀ vāvahiḥ ǀ
kriviḥ ǀ devīḥ ǀ atarpayat ǁ
09.009.07 (Mandala. Sukta. Rik)
6.7.33.02 (Ashtaka. Adhyaya. Varga. Rik)
09.01.085 (Mandala. Anuvāka. Rik)
Samhita Devanagari Accented
अवा॒ कल्पे॑षु नः पुम॒स्तमां॑सि सोम॒ योध्या॑ ।
तानि॑ पुनान जंघनः ॥
Samhita Devanagari Nonaccented
अवा कल्पेषु नः पुमस्तमांसि सोम योध्या ।
तानि पुनान जंघनः ॥
Samhita Transcription Accented
ávā kálpeṣu naḥ pumastámāṃsi soma yódhyā ǀ
tā́ni punāna jaṅghanaḥ ǁ
Samhita Transcription Nonaccented
avā kalpeṣu naḥ pumastamāṃsi soma yodhyā ǀ
tāni punāna jaṅghanaḥ ǁ
Padapatha Devanagari Accented
अव॑ । कल्पे॑षु । नः॒ । पु॒मः॒ । तमां॑सि । सो॒म॒ । योध्या॑ ।
तानि॑ । पु॒ना॒न॒ । ज॒ङ्घ॒नः॒ ॥
Padapatha Devanagari Nonaccented
अव । कल्पेषु । नः । पुमः । तमांसि । सोम । योध्या ।
तानि । पुनान । जङ्घनः ॥
Padapatha Transcription Accented
áva ǀ kálpeṣu ǀ naḥ ǀ pumaḥ ǀ támāṃsi ǀ soma ǀ yódhyā ǀ
tā́ni ǀ punāna ǀ jaṅghanaḥ ǁ
Padapatha Transcription Nonaccented
ava ǀ kalpeṣu ǀ naḥ ǀ pumaḥ ǀ tamāṃsi ǀ soma ǀ yodhyā ǀ
tāni ǀ punāna ǀ jaṅghanaḥ ǁ
09.009.08 (Mandala. Sukta. Rik)
6.7.33.03 (Ashtaka. Adhyaya. Varga. Rik)
09.01.086 (Mandala. Anuvāka. Rik)
Samhita Devanagari Accented
नू नव्य॑से॒ नवी॑यसे सू॒क्ताय॑ साधया प॒थः ।
प्र॒त्न॒वद्रो॑चया॒ रुचः॑ ॥
Samhita Devanagari Nonaccented
नू नव्यसे नवीयसे सूक्ताय साधया पथः ।
प्रत्नवद्रोचया रुचः ॥
Samhita Transcription Accented
nū́ návyase návīyase sūktā́ya sādhayā patháḥ ǀ
pratnavádrocayā rúcaḥ ǁ
Samhita Transcription Nonaccented
nū navyase navīyase sūktāya sādhayā pathaḥ ǀ
pratnavadrocayā rucaḥ ǁ
Padapatha Devanagari Accented
नु । नव्य॑से । नवी॑यसे । सु॒ऽउ॒क्ताय॑ । सा॒ध॒य॒ । प॒थः ।
प्र॒त्न॒ऽवत् । रो॒च॒य॒ । रुचः॑ ॥
Padapatha Devanagari Nonaccented
नु । नव्यसे । नवीयसे । सुऽउक्ताय । साधय । पथः ।
प्रत्नऽवत् । रोचय । रुचः ॥
Padapatha Transcription Accented
nú ǀ návyase ǀ návīyase ǀ su-uktā́ya ǀ sādhaya ǀ patháḥ ǀ
pratna-vát ǀ rocaya ǀ rúcaḥ ǁ
Padapatha Transcription Nonaccented
nu ǀ navyase ǀ navīyase ǀ su-uktāya ǀ sādhaya ǀ pathaḥ ǀ
pratna-vat ǀ rocaya ǀ rucaḥ ǁ
09.009.09 (Mandala. Sukta. Rik)
6.7.33.04 (Ashtaka. Adhyaya. Varga. Rik)
09.01.087 (Mandala. Anuvāka. Rik)
Samhita Devanagari Accented
पव॑मान॒ महि॒ श्रवो॒ गामश्वं॑ रासि वी॒रव॑त् ।
सना॑ मे॒धां सना॒ स्वः॑ ॥
Samhita Devanagari Nonaccented
पवमान महि श्रवो गामश्वं रासि वीरवत् ।
सना मेधां सना स्वः ॥
Samhita Transcription Accented
pávamāna máhi śrávo gā́máśvam rāsi vīrávat ǀ
sánā medhā́m sánā sváḥ ǁ
Samhita Transcription Nonaccented
pavamāna mahi śravo gāmaśvam rāsi vīravat ǀ
sanā medhām sanā svaḥ ǁ
Padapatha Devanagari Accented
पव॑मान । महि॑ । श्रवः॑ । गाम् । अश्व॑म् । रा॒सि॒ । वी॒रऽव॑त् ।
सन॑ । मे॒धाम् । सन॑ । स्वः॑ ॥
Padapatha Devanagari Nonaccented
पवमान । महि । श्रवः । गाम् । अश्वम् । रासि । वीरऽवत् ।
सन । मेधाम् । सन । स्वः ॥
Padapatha Transcription Accented
pávamāna ǀ máhi ǀ śrávaḥ ǀ gā́m ǀ áśvam ǀ rāsi ǀ vīrá-vat ǀ
sána ǀ medhā́m ǀ sána ǀ sváḥ ǁ
Padapatha Transcription Nonaccented
pavamāna ǀ mahi ǀ śravaḥ ǀ gām ǀ aśvam ǀ rāsi ǀ vīra-vat ǀ
sana ǀ medhām ǀ sana ǀ svaḥ ǁ