|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 23
|
1. Info |
| To: | soma pavamāna | |
| From: | asita kāśyapa or devala kāśyapa | |
| Metres: | 1st set of styles: nicṛdgāyatrī (1, 4, 6); gāyatrī (2, 3, 5); virāḍgāyatrī (7) 2nd set of styles: gāyatrī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.023.01 (Mandala. Sukta. Rik)
6.8.13.01 (Ashtaka. Adhyaya. Varga. Rik)
09.01.191 (Mandala. Anuvāka. Rik)
Samhita Devanagari Accented
सोमा॑ असृग्रमा॒शवो॒ मधो॒र्मद॑स्य॒ धार॑या ।
अ॒भि विश्वा॑नि॒ काव्या॑ ॥
Samhita Devanagari Nonaccented
सोमा असृग्रमाशवो मधोर्मदस्य धारया ।
अभि विश्वानि काव्या ॥
Samhita Transcription Accented
sómā asṛgramāśávo mádhormádasya dhā́rayā ǀ
abhí víśvāni kā́vyā ǁ
Samhita Transcription Nonaccented
somā asṛgramāśavo madhormadasya dhārayā ǀ
abhi viśvāni kāvyā ǁ
Padapatha Devanagari Accented
सोमाः॑ । अ॒सृ॒ग्र॒म् । आ॒शवः॑ । मधोः॑ । मद॑स्य । धार॑या ।
अ॒भि । विश्वा॑नि । काव्या॑ ॥
Padapatha Devanagari Nonaccented
सोमाः । असृग्रम् । आशवः । मधोः । मदस्य । धारया ।
अभि । विश्वानि । काव्या ॥
Padapatha Transcription Accented
sómāḥ ǀ asṛgram ǀ āśávaḥ ǀ mádhoḥ ǀ mádasya ǀ dhā́rayā ǀ
abhí ǀ víśvāni ǀ kā́vyā ǁ
Padapatha Transcription Nonaccented
somāḥ ǀ asṛgram ǀ āśavaḥ ǀ madhoḥ ǀ madasya ǀ dhārayā ǀ
abhi ǀ viśvāni ǀ kāvyā ǁ
09.023.02 (Mandala. Sukta. Rik)
6.8.13.02 (Ashtaka. Adhyaya. Varga. Rik)
09.01.192 (Mandala. Anuvāka. Rik)
Samhita Devanagari Accented
अनु॑ प्र॒त्नास॑ आ॒यवः॑ प॒दं नवी॑यो अक्रमुः ।
रु॒चे ज॑नंत॒ सूर्यं॑ ॥
Samhita Devanagari Nonaccented
अनु प्रत्नास आयवः पदं नवीयो अक्रमुः ।
रुचे जनंत सूर्यं ॥
Samhita Transcription Accented
ánu pratnā́sa āyávaḥ padám návīyo akramuḥ ǀ
rucé jananta sū́ryam ǁ
Samhita Transcription Nonaccented
anu pratnāsa āyavaḥ padam navīyo akramuḥ ǀ
ruce jananta sūryam ǁ
Padapatha Devanagari Accented
अनु॑ । प्र॒त्नासः॑ । आ॒यवः॑ । प॒दम् । नवी॑यः । अ॒क्र॒मुः॒ ।
रु॒चे । ज॒न॒न्त॒ । सूर्य॑म् ॥
Padapatha Devanagari Nonaccented
अनु । प्रत्नासः । आयवः । पदम् । नवीयः । अक्रमुः ।
रुचे । जनन्त । सूर्यम् ॥
Padapatha Transcription Accented
ánu ǀ pratnā́saḥ ǀ āyávaḥ ǀ padám ǀ návīyaḥ ǀ akramuḥ ǀ
rucé ǀ jananta ǀ sū́ryam ǁ
Padapatha Transcription Nonaccented
anu ǀ pratnāsaḥ ǀ āyavaḥ ǀ padam ǀ navīyaḥ ǀ akramuḥ ǀ
ruce ǀ jananta ǀ sūryam ǁ
09.023.03 (Mandala. Sukta. Rik)
6.8.13.03 (Ashtaka. Adhyaya. Varga. Rik)
09.01.193 (Mandala. Anuvāka. Rik)
Samhita Devanagari Accented
आ प॑वमान नो भरा॒र्यो अदा॑शुषो॒ गयं॑ ।
कृ॒धि प्र॒जाव॑ती॒रिषः॑ ॥
Samhita Devanagari Nonaccented
आ पवमान नो भरार्यो अदाशुषो गयं ।
कृधि प्रजावतीरिषः ॥
Samhita Transcription Accented
ā́ pavamāna no bharāryó ádāśuṣo gáyam ǀ
kṛdhí prajā́vatīríṣaḥ ǁ
Samhita Transcription Nonaccented
ā pavamāna no bharāryo adāśuṣo gayam ǀ
kṛdhi prajāvatīriṣaḥ ǁ
Padapatha Devanagari Accented
आ । प॒व॒मा॒न॒ । नः॒ । भ॒र॒ । अ॒र्यः । अदा॑शुषः । गय॑म् ।
कृ॒धि । प्र॒जाऽव॑तीः । इषः॑ ॥
Padapatha Devanagari Nonaccented
आ । पवमान । नः । भर । अर्यः । अदाशुषः । गयम् ।
कृधि । प्रजाऽवतीः । इषः ॥
Padapatha Transcription Accented
ā́ ǀ pavamāna ǀ naḥ ǀ bhara ǀ aryáḥ ǀ ádāśuṣaḥ ǀ gáyam ǀ
kṛdhí ǀ prajā́-vatīḥ ǀ íṣaḥ ǁ
Padapatha Transcription Nonaccented
ā ǀ pavamāna ǀ naḥ ǀ bhara ǀ aryaḥ ǀ adāśuṣaḥ ǀ gayam ǀ
kṛdhi ǀ prajā-vatīḥ ǀ iṣaḥ ǁ
09.023.04 (Mandala. Sukta. Rik)
6.8.13.04 (Ashtaka. Adhyaya. Varga. Rik)
09.01.194 (Mandala. Anuvāka. Rik)
Samhita Devanagari Accented
अ॒भि सोमा॑स आ॒यवः॒ पवं॑ते॒ मद्यं॒ मदं॑ ।
अ॒भि कोशं॑ मधु॒श्चुतं॑ ॥
Samhita Devanagari Nonaccented
अभि सोमास आयवः पवंते मद्यं मदं ।
अभि कोशं मधुश्चुतं ॥
Samhita Transcription Accented
abhí sómāsa āyávaḥ pávante mádyam mádam ǀ
abhí kóśam madhuścútam ǁ
Samhita Transcription Nonaccented
abhi somāsa āyavaḥ pavante madyam madam ǀ
abhi kośam madhuścutam ǁ
Padapatha Devanagari Accented
अ॒भि । सोमा॑सः । आ॒यवः॑ । पव॑न्ते । मद्य॑म् । मद॑म् ।
अ॒भि । कोश॑म् । म॒धु॒ऽश्चुत॑म् ॥
Padapatha Devanagari Nonaccented
अभि । सोमासः । आयवः । पवन्ते । मद्यम् । मदम् ।
अभि । कोशम् । मधुऽश्चुतम् ॥
Padapatha Transcription Accented
abhí ǀ sómāsaḥ ǀ āyávaḥ ǀ pávante ǀ mádyam ǀ mádam ǀ
abhí ǀ kóśam ǀ madhu-ścútam ǁ
Padapatha Transcription Nonaccented
abhi ǀ somāsaḥ ǀ āyavaḥ ǀ pavante ǀ madyam ǀ madam ǀ
abhi ǀ kośam ǀ madhu-ścutam ǁ
09.023.05 (Mandala. Sukta. Rik)
6.8.13.05 (Ashtaka. Adhyaya. Varga. Rik)
09.01.195 (Mandala. Anuvāka. Rik)
Samhita Devanagari Accented
सोमो॑ अर्षति धर्ण॒सिर्दधा॑न इंद्रि॒यं रसं॑ ।
सु॒वीरो॑ अभिशस्ति॒पाः ॥
Samhita Devanagari Nonaccented
सोमो अर्षति धर्णसिर्दधान इंद्रियं रसं ।
सुवीरो अभिशस्तिपाः ॥
Samhita Transcription Accented
sómo arṣati dharṇasírdádhāna indriyám rásam ǀ
suvī́ro abhiśastipā́ḥ ǁ
Samhita Transcription Nonaccented
somo arṣati dharṇasirdadhāna indriyam rasam ǀ
suvīro abhiśastipāḥ ǁ
Padapatha Devanagari Accented
सोमः॑ । अ॒र्ष॒ति॒ । ध॒र्ण॒सिः । दधा॑नः । इ॒न्द्रि॒यम् । रस॑म् ।
सु॒ऽवीरः॑ । अ॒भि॒श॒स्ति॒ऽपाः ॥
Padapatha Devanagari Nonaccented
सोमः । अर्षति । धर्णसिः । दधानः । इन्द्रियम् । रसम् ।
सुऽवीरः । अभिशस्तिऽपाः ॥
Padapatha Transcription Accented
sómaḥ ǀ arṣati ǀ dharṇasíḥ ǀ dádhānaḥ ǀ indriyám ǀ rásam ǀ
su-vī́raḥ ǀ abhiśasti-pā́ḥ ǁ
Padapatha Transcription Nonaccented
somaḥ ǀ arṣati ǀ dharṇasiḥ ǀ dadhānaḥ ǀ indriyam ǀ rasam ǀ
su-vīraḥ ǀ abhiśasti-pāḥ ǁ
09.023.06 (Mandala. Sukta. Rik)
6.8.13.06 (Ashtaka. Adhyaya. Varga. Rik)
09.01.196 (Mandala. Anuvāka. Rik)
Samhita Devanagari Accented
इंद्रा॑य सोम पवसे दे॒वेभ्यः॑ सध॒माद्यः॑ ।
इंदो॒ वाजं॑ सिषाससि ॥
Samhita Devanagari Nonaccented
इंद्राय सोम पवसे देवेभ्यः सधमाद्यः ।
इंदो वाजं सिषाससि ॥
Samhita Transcription Accented
índrāya soma pavase devébhyaḥ sadhamā́dyaḥ ǀ
índo vā́jam siṣāsasi ǁ
Samhita Transcription Nonaccented
indrāya soma pavase devebhyaḥ sadhamādyaḥ ǀ
indo vājam siṣāsasi ǁ
Padapatha Devanagari Accented
इन्द्रा॑य । सो॒म॒ । प॒व॒से॒ । दे॒वेभ्यः॑ । स॒ध॒ऽमाद्यः॑ ।
इन्दो॒ इति॑ । वाज॑म् । सि॒सा॒स॒सि॒ ॥
Padapatha Devanagari Nonaccented
इन्द्राय । सोम । पवसे । देवेभ्यः । सधऽमाद्यः ।
इन्दो इति । वाजम् । सिसाससि ॥
Padapatha Transcription Accented
índrāya ǀ soma ǀ pavase ǀ devébhyaḥ ǀ sadha-mā́dyaḥ ǀ
índo íti ǀ vā́jam ǀ sisāsasi ǁ
Padapatha Transcription Nonaccented
indrāya ǀ soma ǀ pavase ǀ devebhyaḥ ǀ sadha-mādyaḥ ǀ
indo iti ǀ vājam ǀ sisāsasi ǁ
09.023.07 (Mandala. Sukta. Rik)
6.8.13.07 (Ashtaka. Adhyaya. Varga. Rik)
09.01.197 (Mandala. Anuvāka. Rik)
Samhita Devanagari Accented
अ॒स्य पी॒त्वा मदा॑ना॒मिंद्रो॑ वृ॒त्राण्य॑प्र॒ति ।
ज॒घान॑ ज॒घन॑च्च॒ नु ॥
Samhita Devanagari Nonaccented
अस्य पीत्वा मदानामिंद्रो वृत्राण्यप्रति ।
जघान जघनच्च नु ॥
Samhita Transcription Accented
asyá pītvā́ mádānāmíndro vṛtrā́ṇyapratí ǀ
jaghā́na jaghánacca nú ǁ
Samhita Transcription Nonaccented
asya pītvā madānāmindro vṛtrāṇyaprati ǀ
jaghāna jaghanacca nu ǁ
Padapatha Devanagari Accented
अ॒स्य । पी॒त्वा । मदा॑नाम् । इन्द्रः॑ । वृ॒त्राणि॑ । अ॒प्र॒ति ।
ज॒घान॑ । ज॒घन॑त् । च॒ । नु ॥
Padapatha Devanagari Nonaccented
अस्य । पीत्वा । मदानाम् । इन्द्रः । वृत्राणि । अप्रति ।
जघान । जघनत् । च । नु ॥
Padapatha Transcription Accented
asyá ǀ pītvā́ ǀ mádānām ǀ índraḥ ǀ vṛtrā́ṇi ǀ apratí ǀ
jaghā́na ǀ jaghánat ǀ ca ǀ nú ǁ
Padapatha Transcription Nonaccented
asya ǀ pītvā ǀ madānām ǀ indraḥ ǀ vṛtrāṇi ǀ aprati ǀ
jaghāna ǀ jaghanat ǀ ca ǀ nu ǁ