|
2. Audio (Samhita) |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 62
|
1. Info |
| To: | soma pavamāna | |
| From: | jamadagni bhārgava | |
| Metres: | 1st set of styles: gāyatrī (2, 5, 11-19, 21, 22, 24, 27, 30); nicṛdgāyatrī (1, 6, 7, 9, 10, 23, 25, 28, 29); virāḍgāyatrī (8, 20, 26); kakummatīgāyatrī (3); pipīlikāmadhyāgāyatrī (4) 2nd set of styles: gāyatrī |
|
2. Audio (Samhita) |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Video (Padapatha) |
by Vasudevan Namboodiri in the pada adhyana style of Thirunavaya Veda Padasala with Hasta Mudras |
|
4. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
5. Text |
09.062.01 (Mandala. Sukta. Rik)
7.1.24.01 (Ashtaka. Adhyaya. Varga. Rik)
09.03.031 (Mandala. Anuvāka. Rik)
Samhita Devanagari Accented
ए॒ते अ॑सृग्र॒मिंद॑वस्ति॒रः प॒वित्र॑मा॒शवः॑ ।
विश्वा॑न्य॒भि सौभ॑गा ॥
Samhita Devanagari Nonaccented
एते असृग्रमिंदवस्तिरः पवित्रमाशवः ।
विश्वान्यभि सौभगा ॥
Samhita Transcription Accented
eté asṛgramíndavastiráḥ pavítramāśávaḥ ǀ
víśvānyabhí sáubhagā ǁ
Samhita Transcription Nonaccented
ete asṛgramindavastiraḥ pavitramāśavaḥ ǀ
viśvānyabhi saubhagā ǁ
Padapatha Devanagari Accented
ए॒ते । अ॒सृ॒ग्र॒म् । इन्द॑वः । ति॒रः । प॒वित्र॑म् । आ॒शवः॑ ।
विश्वा॑नि । अ॒भि । सौभ॑गा ॥
Padapatha Devanagari Nonaccented
एते । असृग्रम् । इन्दवः । तिरः । पवित्रम् । आशवः ।
विश्वानि । अभि । सौभगा ॥
Padapatha Transcription Accented
eté ǀ asṛgram ǀ índavaḥ ǀ tiráḥ ǀ pavítram ǀ āśávaḥ ǀ
víśvāni ǀ abhí ǀ sáubhagā ǁ
Padapatha Transcription Nonaccented
ete ǀ asṛgram ǀ indavaḥ ǀ tiraḥ ǀ pavitram ǀ āśavaḥ ǀ
viśvāni ǀ abhi ǀ saubhagā ǁ
09.062.02 (Mandala. Sukta. Rik)
7.1.24.02 (Ashtaka. Adhyaya. Varga. Rik)
09.03.032 (Mandala. Anuvāka. Rik)
Samhita Devanagari Accented
वि॒घ्नंतो॑ दुरि॒ता पु॒रु सु॒गा तो॒काय॑ वा॒जिनः॑ ।
तना॑ कृ॒ण्वंतो॒ अर्व॑ते ॥
Samhita Devanagari Nonaccented
विघ्नंतो दुरिता पुरु सुगा तोकाय वाजिनः ।
तना कृण्वंतो अर्वते ॥
Samhita Transcription Accented
vighnánto duritā́ purú sugā́ tokā́ya vājínaḥ ǀ
tánā kṛṇvánto árvate ǁ
Samhita Transcription Nonaccented
vighnanto duritā puru sugā tokāya vājinaḥ ǀ
tanā kṛṇvanto arvate ǁ
Padapatha Devanagari Accented
वि॒ऽघ्नन्तः॑ । दुः॒ऽइ॒ता । पु॒रु । सु॒ऽगा । तो॒काय॑ । वा॒जिनः॑ ।
तना॑ । कृ॒ण्वन्तः॑ । अर्व॑ते ॥
Padapatha Devanagari Nonaccented
विऽघ्नन्तः । दुःऽइता । पुरु । सुऽगा । तोकाय । वाजिनः ।
तना । कृण्वन्तः । अर्वते ॥
Padapatha Transcription Accented
vi-ghnántaḥ ǀ duḥ-itā́ ǀ purú ǀ su-gā́ ǀ tokā́ya ǀ vājínaḥ ǀ
tánā ǀ kṛṇvántaḥ ǀ árvate ǁ
Padapatha Transcription Nonaccented
vi-ghnantaḥ ǀ duḥ-itā ǀ puru ǀ su-gā ǀ tokāya ǀ vājinaḥ ǀ
tanā ǀ kṛṇvantaḥ ǀ arvate ǁ
09.062.03 (Mandala. Sukta. Rik)
7.1.24.03 (Ashtaka. Adhyaya. Varga. Rik)
09.03.033 (Mandala. Anuvāka. Rik)
Samhita Devanagari Accented
कृ॒ण्वंतो॒ वरि॑वो॒ गवे॒ऽभ्य॑र्षंति सुष्टु॒तिं ।
इळा॑म॒स्मभ्यं॑ सं॒यतं॑ ॥
Samhita Devanagari Nonaccented
कृण्वंतो वरिवो गवेऽभ्यर्षंति सुष्टुतिं ।
इळामस्मभ्यं संयतं ॥
Samhita Transcription Accented
kṛṇvánto várivo gáve’bhyárṣanti suṣṭutím ǀ
íḷāmasmábhyam saṃyátam ǁ
Samhita Transcription Nonaccented
kṛṇvanto varivo gave’bhyarṣanti suṣṭutim ǀ
iḷāmasmabhyam saṃyatam ǁ
Padapatha Devanagari Accented
कृ॒ण्वन्तः॑ । वरि॑वः । गवे॑ । अ॒भि । अ॒र्ष॒न्ति॒ । सु॒ऽस्तु॒तिम् ।
इळा॑म् । अ॒स्मभ्य॑म् । स॒म्ऽयत॑म् ॥
Padapatha Devanagari Nonaccented
कृण्वन्तः । वरिवः । गवे । अभि । अर्षन्ति । सुऽस्तुतिम् ।
इळाम् । अस्मभ्यम् । सम्ऽयतम् ॥
Padapatha Transcription Accented
kṛṇvántaḥ ǀ várivaḥ ǀ gáve ǀ abhí ǀ arṣanti ǀ su-stutím ǀ
íḷām ǀ asmábhyam ǀ sam-yátam ǁ
Padapatha Transcription Nonaccented
kṛṇvantaḥ ǀ varivaḥ ǀ gave ǀ abhi ǀ arṣanti ǀ su-stutim ǀ
iḷām ǀ asmabhyam ǀ sam-yatam ǁ
09.062.04 (Mandala. Sukta. Rik)
7.1.24.04 (Ashtaka. Adhyaya. Varga. Rik)
09.03.034 (Mandala. Anuvāka. Rik)
Samhita Devanagari Accented
असा॑व्यं॒शुर्मदा॑या॒प्सु दक्षो॑ गिरि॒ष्ठाः ।
श्ये॒नो न योनि॒मास॑दत् ॥
Samhita Devanagari Nonaccented
असाव्यंशुर्मदायाप्सु दक्षो गिरिष्ठाः ।
श्येनो न योनिमासदत् ॥
Samhita Transcription Accented
ásāvyaṃśúrmádāyāpsú dákṣo giriṣṭhā́ḥ ǀ
śyenó ná yónimā́sadat ǁ
Samhita Transcription Nonaccented
asāvyaṃśurmadāyāpsu dakṣo giriṣṭhāḥ ǀ
śyeno na yonimāsadat ǁ
Padapatha Devanagari Accented
असा॑वि । अं॒शुः । मदा॑य । अ॒प्ऽसु । दक्षः॑ । गि॒रि॒ऽस्थाः ।
श्ये॒नः । न । योनि॑म् । आ । अ॒स॒द॒त् ॥
Padapatha Devanagari Nonaccented
असावि । अंशुः । मदाय । अप्ऽसु । दक्षः । गिरिऽस्थाः ।
श्येनः । न । योनिम् । आ । असदत् ॥
Padapatha Transcription Accented
ásāvi ǀ aṃśúḥ ǀ mádāya ǀ ap-sú ǀ dákṣaḥ ǀ giri-sthā́ḥ ǀ
śyenáḥ ǀ ná ǀ yónim ǀ ā́ ǀ asadat ǁ
Padapatha Transcription Nonaccented
asāvi ǀ aṃśuḥ ǀ madāya ǀ ap-su ǀ dakṣaḥ ǀ giri-sthāḥ ǀ
śyenaḥ ǀ na ǀ yonim ǀ ā ǀ asadat ǁ
09.062.05 (Mandala. Sukta. Rik)
7.1.24.05 (Ashtaka. Adhyaya. Varga. Rik)
09.03.035 (Mandala. Anuvāka. Rik)
Samhita Devanagari Accented
शु॒भ्रमंधो॑ दे॒ववा॑तम॒प्सु धू॒तो नृभिः॑ सु॒तः ।
स्वदं॑ति॒ गावः॒ पयो॑भिः ॥
Samhita Devanagari Nonaccented
शुभ्रमंधो देववातमप्सु धूतो नृभिः सुतः ।
स्वदंति गावः पयोभिः ॥
Samhita Transcription Accented
śubhrámándho devávātamapsú dhūtó nṛ́bhiḥ sutáḥ ǀ
svádanti gā́vaḥ páyobhiḥ ǁ
Samhita Transcription Nonaccented
śubhramandho devavātamapsu dhūto nṛbhiḥ sutaḥ ǀ
svadanti gāvaḥ payobhiḥ ǁ
Padapatha Devanagari Accented
शु॒भ्रम् । अन्धः॑ । दे॒वऽवा॑तम् । अ॒प्ऽसु । धू॒तः । नृऽभिः॑ । सु॒तः ।
स्वद॑न्ति । गावः॑ । पयः॑ऽभिः ॥
Padapatha Devanagari Nonaccented
शुभ्रम् । अन्धः । देवऽवातम् । अप्ऽसु । धूतः । नृऽभिः । सुतः ।
स्वदन्ति । गावः । पयःऽभिः ॥
Padapatha Transcription Accented
śubhrám ǀ ándhaḥ ǀ devá-vātam ǀ ap-sú ǀ dhūtáḥ ǀ nṛ́-bhiḥ ǀ sutáḥ ǀ
svádanti ǀ gā́vaḥ ǀ páyaḥ-bhiḥ ǁ
Padapatha Transcription Nonaccented
śubhram ǀ andhaḥ ǀ deva-vātam ǀ ap-su ǀ dhūtaḥ ǀ nṛ-bhiḥ ǀ sutaḥ ǀ
svadanti ǀ gāvaḥ ǀ payaḥ-bhiḥ ǁ
09.062.06 (Mandala. Sukta. Rik)
7.1.25.01 (Ashtaka. Adhyaya. Varga. Rik)
09.03.036 (Mandala. Anuvāka. Rik)
Samhita Devanagari Accented
आदी॒मश्वं॒ न हेता॒रोऽशू॑शुभन्न॒मृता॑य ।
मध्वो॒ रसं॑ सध॒मादे॑ ॥
Samhita Devanagari Nonaccented
आदीमश्वं न हेतारोऽशूशुभन्नमृताय ।
मध्वो रसं सधमादे ॥
Samhita Transcription Accented
ā́dīmáśvam ná hétāró’śūśubhannamṛ́tāya ǀ
mádhvo rásam sadhamā́de ǁ
Samhita Transcription Nonaccented
ādīmaśvam na hetāro’śūśubhannamṛtāya ǀ
madhvo rasam sadhamāde ǁ
Padapatha Devanagari Accented
आत् । ई॒म् । अश्व॑म् । न । हेता॑रः । अशू॑शुभन् । अ॒मृता॑य ।
मध्वः॑ । रस॑म् । स॒ध॒ऽमादे॑ ॥
Padapatha Devanagari Nonaccented
आत् । ईम् । अश्वम् । न । हेतारः । अशूशुभन् । अमृताय ।
मध्वः । रसम् । सधऽमादे ॥
Padapatha Transcription Accented
ā́t ǀ īm ǀ áśvam ǀ ná ǀ hétāraḥ ǀ áśūśubhan ǀ amṛ́tāya ǀ
mádhvaḥ ǀ rásam ǀ sadha-mā́de ǁ
Padapatha Transcription Nonaccented
āt ǀ īm ǀ aśvam ǀ na ǀ hetāraḥ ǀ aśūśubhan ǀ amṛtāya ǀ
madhvaḥ ǀ rasam ǀ sadha-māde ǁ
09.062.07 (Mandala. Sukta. Rik)
7.1.25.02 (Ashtaka. Adhyaya. Varga. Rik)
09.03.037 (Mandala. Anuvāka. Rik)
Samhita Devanagari Accented
यास्ते॒ धारा॑ मधु॒श्चुतोऽसृ॑ग्रमिंद ऊ॒तये॑ ।
ताभिः॑ प॒वित्र॒मास॑दः ॥
Samhita Devanagari Nonaccented
यास्ते धारा मधुश्चुतोऽसृग्रमिंद ऊतये ।
ताभिः पवित्रमासदः ॥
Samhita Transcription Accented
yā́ste dhā́rā madhuścútó’sṛgraminda ūtáye ǀ
tā́bhiḥ pavítramā́sadaḥ ǁ
Samhita Transcription Nonaccented
yāste dhārā madhuścuto’sṛgraminda ūtaye ǀ
tābhiḥ pavitramāsadaḥ ǁ
Padapatha Devanagari Accented
याः । ते॒ । धाराः॑ । म॒धु॒ऽश्चुतः॑ । असृ॑ग्रम् । इ॒न्दो॒ इति॑ । ऊ॒तये॑ ।
ताभिः॑ । प॒वित्र॑म् । आ । अ॒स॒दः॒ ॥
Padapatha Devanagari Nonaccented
याः । ते । धाराः । मधुऽश्चुतः । असृग्रम् । इन्दो इति । ऊतये ।
ताभिः । पवित्रम् । आ । असदः ॥
Padapatha Transcription Accented
yā́ḥ ǀ te ǀ dhā́rāḥ ǀ madhu-ścútaḥ ǀ ásṛgram ǀ indo íti ǀ ūtáye ǀ
tā́bhiḥ ǀ pavítram ǀ ā́ ǀ asadaḥ ǁ
Padapatha Transcription Nonaccented
yāḥ ǀ te ǀ dhārāḥ ǀ madhu-ścutaḥ ǀ asṛgram ǀ indo iti ǀ ūtaye ǀ
tābhiḥ ǀ pavitram ǀ ā ǀ asadaḥ ǁ
09.062.08 (Mandala. Sukta. Rik)
7.1.25.03 (Ashtaka. Adhyaya. Varga. Rik)
09.03.038 (Mandala. Anuvāka. Rik)
Samhita Devanagari Accented
सो अ॒र्षेंद्रा॑य पी॒तये॑ ति॒रो रोमा॑ण्य॒व्यया॑ ।
सीद॒न्योना॒ वने॒ष्वा ॥
Samhita Devanagari Nonaccented
सो अर्षेंद्राय पीतये तिरो रोमाण्यव्यया ।
सीदन्योना वनेष्वा ॥
Samhita Transcription Accented
só arṣéndrāya pītáye tiró rómāṇyavyáyā ǀ
sī́danyónā váneṣvā́ ǁ
Samhita Transcription Nonaccented
so arṣendrāya pītaye tiro romāṇyavyayā ǀ
sīdanyonā vaneṣvā ǁ
Padapatha Devanagari Accented
सः । अ॒र्ष॒ । इन्द्रा॑य । पी॒तये॑ । ति॒रः । रोमा॑णि । अ॒व्यया॑ ।
सीद॑न् । योना॑ । वने॑षु । आ ॥
Padapatha Devanagari Nonaccented
सः । अर्ष । इन्द्राय । पीतये । तिरः । रोमाणि । अव्यया ।
सीदन् । योना । वनेषु । आ ॥
Padapatha Transcription Accented
sáḥ ǀ arṣa ǀ índrāya ǀ pītáye ǀ tiráḥ ǀ rómāṇi ǀ avyáyā ǀ
sī́dan ǀ yónā ǀ váneṣu ǀ ā́ ǁ
Padapatha Transcription Nonaccented
saḥ ǀ arṣa ǀ indrāya ǀ pītaye ǀ tiraḥ ǀ romāṇi ǀ avyayā ǀ
sīdan ǀ yonā ǀ vaneṣu ǀ ā ǁ
09.062.09 (Mandala. Sukta. Rik)
7.1.25.04 (Ashtaka. Adhyaya. Varga. Rik)
09.03.039 (Mandala. Anuvāka. Rik)
Samhita Devanagari Accented
त्वमिं॑दो॒ परि॑ स्रव॒ स्वादि॑ष्ठो॒ अंगि॑रोभ्यः ।
व॒रि॒वो॒विद्घृ॒तं पयः॑ ॥
Samhita Devanagari Nonaccented
त्वमिंदो परि स्रव स्वादिष्ठो अंगिरोभ्यः ।
वरिवोविद्घृतं पयः ॥
Samhita Transcription Accented
tvámindo pári srava svā́diṣṭho áṅgirobhyaḥ ǀ
varivovídghṛtám páyaḥ ǁ
Samhita Transcription Nonaccented
tvamindo pari srava svādiṣṭho aṅgirobhyaḥ ǀ
varivovidghṛtam payaḥ ǁ
Padapatha Devanagari Accented
त्वम् । इ॒न्दो॒ इति॑ । परि॑ । स्र॒व॒ । स्वादि॑ष्ठः । अङ्गि॑रःऽभ्यः ।
व॒रि॒वः॒ऽवित् । घृ॒तम् । पयः॑ ॥
Padapatha Devanagari Nonaccented
त्वम् । इन्दो इति । परि । स्रव । स्वादिष्ठः । अङ्गिरःऽभ्यः ।
वरिवःऽवित् । घृतम् । पयः ॥
Padapatha Transcription Accented
tvám ǀ indo íti ǀ pári ǀ srava ǀ svā́diṣṭhaḥ ǀ áṅgiraḥ-bhyaḥ ǀ
varivaḥ-vít ǀ ghṛtám ǀ páyaḥ ǁ
Padapatha Transcription Nonaccented
tvam ǀ indo iti ǀ pari ǀ srava ǀ svādiṣṭhaḥ ǀ aṅgiraḥ-bhyaḥ ǀ
varivaḥ-vit ǀ ghṛtam ǀ payaḥ ǁ
09.062.10 (Mandala. Sukta. Rik)
7.1.25.05 (Ashtaka. Adhyaya. Varga. Rik)
09.03.040 (Mandala. Anuvāka. Rik)
Samhita Devanagari Accented
अ॒यं विच॑र्षणिर्हि॒तः पव॑मानः॒ स चे॑तति ।
हि॒न्वा॒न आप्यं॑ बृ॒हत् ॥
Samhita Devanagari Nonaccented
अयं विचर्षणिर्हितः पवमानः स चेतति ।
हिन्वान आप्यं बृहत् ॥
Samhita Transcription Accented
ayám vícarṣaṇirhitáḥ pávamānaḥ sá cetati ǀ
hinvāná ā́pyam bṛhát ǁ
Samhita Transcription Nonaccented
ayam vicarṣaṇirhitaḥ pavamānaḥ sa cetati ǀ
hinvāna āpyam bṛhat ǁ
Padapatha Devanagari Accented
अ॒यम् । विऽच॑र्षणिः । हि॒तः । पव॑मानः । सः । चे॒त॒ति॒ ।
हि॒न्वा॒नः । आप्य॑म् । बृ॒हत् ॥
Padapatha Devanagari Nonaccented
अयम् । विऽचर्षणिः । हितः । पवमानः । सः । चेतति ।
हिन्वानः । आप्यम् । बृहत् ॥
Padapatha Transcription Accented
ayám ǀ ví-carṣaṇiḥ ǀ hitáḥ ǀ pávamānaḥ ǀ sáḥ ǀ cetati ǀ
hinvānáḥ ǀ ā́pyam ǀ bṛhát ǁ
Padapatha Transcription Nonaccented
ayam ǀ vi-carṣaṇiḥ ǀ hitaḥ ǀ pavamānaḥ ǀ saḥ ǀ cetati ǀ
hinvānaḥ ǀ āpyam ǀ bṛhat ǁ
09.062.11 (Mandala. Sukta. Rik)
7.1.26.01 (Ashtaka. Adhyaya. Varga. Rik)
09.03.041 (Mandala. Anuvāka. Rik)
Samhita Devanagari Accented
ए॒ष वृषा॒ वृष॑व्रतः॒ पव॑मानो अशस्ति॒हा ।
कर॒द्वसू॑नि दा॒शुषे॑ ॥
Samhita Devanagari Nonaccented
एष वृषा वृषव्रतः पवमानो अशस्तिहा ।
करद्वसूनि दाशुषे ॥
Samhita Transcription Accented
eṣá vṛ́ṣā vṛ́ṣavrataḥ pávamāno aśastihā́ ǀ
káradvásūni dāśúṣe ǁ
Samhita Transcription Nonaccented
eṣa vṛṣā vṛṣavrataḥ pavamāno aśastihā ǀ
karadvasūni dāśuṣe ǁ
Padapatha Devanagari Accented
ए॒षः । वृषा॑ । वृष॑ऽव्रतः । पव॑मानः । अ॒श॒स्ति॒ऽहा ।
कर॑त् । वसू॑नि । दा॒शुषे॑ ॥
Padapatha Devanagari Nonaccented
एषः । वृषा । वृषऽव्रतः । पवमानः । अशस्तिऽहा ।
करत् । वसूनि । दाशुषे ॥
Padapatha Transcription Accented
eṣáḥ ǀ vṛ́ṣā ǀ vṛ́ṣa-vrataḥ ǀ pávamānaḥ ǀ aśasti-hā́ ǀ
kárat ǀ vásūni ǀ dāśúṣe ǁ
Padapatha Transcription Nonaccented
eṣaḥ ǀ vṛṣā ǀ vṛṣa-vrataḥ ǀ pavamānaḥ ǀ aśasti-hā ǀ
karat ǀ vasūni ǀ dāśuṣe ǁ
09.062.12 (Mandala. Sukta. Rik)
7.1.26.02 (Ashtaka. Adhyaya. Varga. Rik)
09.03.042 (Mandala. Anuvāka. Rik)
Samhita Devanagari Accented
आ प॑वस्व सह॒स्रिणं॑ र॒यिं गोमं॑तम॒श्विनं॑ ।
पु॒रु॒श्चं॒द्रं पु॑रु॒स्पृहं॑ ॥
Samhita Devanagari Nonaccented
आ पवस्व सहस्रिणं रयिं गोमंतमश्विनं ।
पुरुश्चंद्रं पुरुस्पृहं ॥
Samhita Transcription Accented
ā́ pavasva sahasríṇam rayím gómantamaśvínam ǀ
puruścandrám puruspṛ́ham ǁ
Samhita Transcription Nonaccented
ā pavasva sahasriṇam rayim gomantamaśvinam ǀ
puruścandram puruspṛham ǁ
Padapatha Devanagari Accented
आ । प॒व॒स्व॒ । स॒ह॒स्रिण॑म् । र॒यिम् । गोऽम॑न्तम् । अ॒श्विन॑म् ।
पु॒रु॒ऽच॒न्द्रम् । पु॒रु॒ऽस्पृह॑म् ॥
Padapatha Devanagari Nonaccented
आ । पवस्व । सहस्रिणम् । रयिम् । गोऽमन्तम् । अश्विनम् ।
पुरुऽचन्द्रम् । पुरुऽस्पृहम् ॥
Padapatha Transcription Accented
ā́ ǀ pavasva ǀ sahasríṇam ǀ rayím ǀ gó-mantam ǀ aśvínam ǀ
puru-candrám ǀ puru-spṛ́ham ǁ
Padapatha Transcription Nonaccented
ā ǀ pavasva ǀ sahasriṇam ǀ rayim ǀ go-mantam ǀ aśvinam ǀ
puru-candram ǀ puru-spṛham ǁ
09.062.13 (Mandala. Sukta. Rik)
7.1.26.03 (Ashtaka. Adhyaya. Varga. Rik)
09.03.043 (Mandala. Anuvāka. Rik)
Samhita Devanagari Accented
ए॒ष स्य परि॑ षिच्यते मर्मृ॒ज्यमा॑न आ॒युभिः॑ ।
उ॒रु॒गा॒यः क॒विक्र॑तुः ॥
Samhita Devanagari Nonaccented
एष स्य परि षिच्यते मर्मृज्यमान आयुभिः ।
उरुगायः कविक्रतुः ॥
Samhita Transcription Accented
eṣá syá pári ṣicyate marmṛjyámāna āyúbhiḥ ǀ
urugāyáḥ kavíkratuḥ ǁ
Samhita Transcription Nonaccented
eṣa sya pari ṣicyate marmṛjyamāna āyubhiḥ ǀ
urugāyaḥ kavikratuḥ ǁ
Padapatha Devanagari Accented
ए॒षः । स्यः । परि॑ । सि॒च्य॒ते॒ । म॒र्मृ॒ज्यमा॑नः । आ॒युऽभिः॑ ।
उ॒रु॒ऽगा॒यः । क॒विऽक्र॑तुः ॥
Padapatha Devanagari Nonaccented
एषः । स्यः । परि । सिच्यते । मर्मृज्यमानः । आयुऽभिः ।
उरुऽगायः । कविऽक्रतुः ॥
Padapatha Transcription Accented
eṣáḥ ǀ syáḥ ǀ pári ǀ sicyate ǀ marmṛjyámānaḥ ǀ āyú-bhiḥ ǀ
uru-gāyáḥ ǀ kaví-kratuḥ ǁ
Padapatha Transcription Nonaccented
eṣaḥ ǀ syaḥ ǀ pari ǀ sicyate ǀ marmṛjyamānaḥ ǀ āyu-bhiḥ ǀ
uru-gāyaḥ ǀ kavi-kratuḥ ǁ
09.062.14 (Mandala. Sukta. Rik)
7.1.26.04 (Ashtaka. Adhyaya. Varga. Rik)
09.03.044 (Mandala. Anuvāka. Rik)
Samhita Devanagari Accented
स॒हस्रो॑तिः श॒ताम॑घो वि॒मानो॒ रज॑सः क॒विः ।
इंद्रा॑य पवते॒ मदः॑ ॥
Samhita Devanagari Nonaccented
सहस्रोतिः शतामघो विमानो रजसः कविः ।
इंद्राय पवते मदः ॥
Samhita Transcription Accented
sahásrotiḥ śatā́magho vimā́no rájasaḥ kavíḥ ǀ
índrāya pavate mádaḥ ǁ
Samhita Transcription Nonaccented
sahasrotiḥ śatāmagho vimāno rajasaḥ kaviḥ ǀ
indrāya pavate madaḥ ǁ
Padapatha Devanagari Accented
स॒हस्र॑ऽऊतिः । श॒तऽम॑घः । वि॒ऽमानः॑ । रज॑सः । क॒विः ।
इन्द्रा॑य । प॒व॒ते॒ । मदः॑ ॥
Padapatha Devanagari Nonaccented
सहस्रऽऊतिः । शतऽमघः । विऽमानः । रजसः । कविः ।
इन्द्राय । पवते । मदः ॥
Padapatha Transcription Accented
sahásra-ūtiḥ ǀ śatá-maghaḥ ǀ vi-mā́naḥ ǀ rájasaḥ ǀ kavíḥ ǀ
índrāya ǀ pavate ǀ mádaḥ ǁ
Padapatha Transcription Nonaccented
sahasra-ūtiḥ ǀ śata-maghaḥ ǀ vi-mānaḥ ǀ rajasaḥ ǀ kaviḥ ǀ
indrāya ǀ pavate ǀ madaḥ ǁ
09.062.15 (Mandala. Sukta. Rik)
7.1.26.05 (Ashtaka. Adhyaya. Varga. Rik)
09.03.045 (Mandala. Anuvāka. Rik)
Samhita Devanagari Accented
गि॒रा जा॒त इ॒ह स्तु॒त इंदु॒रिंद्रा॑य धीयते ।
विर्योना॑ वस॒तावि॑व ॥
Samhita Devanagari Nonaccented
गिरा जात इह स्तुत इंदुरिंद्राय धीयते ।
विर्योना वसताविव ॥
Samhita Transcription Accented
girā́ jātá ihá stutá índuríndrāya dhīyate ǀ
víryónā vasatā́viva ǁ
Samhita Transcription Nonaccented
girā jāta iha stuta indurindrāya dhīyate ǀ
viryonā vasatāviva ǁ
Padapatha Devanagari Accented
गि॒रा । जा॒तः । इ॒ह । स्तु॒तः । इन्दुः॑ । इन्द्रा॑य । धी॒य॒ते॒ ।
विः । योना॑ । व॒स॒तौऽइ॑व ॥
Padapatha Devanagari Nonaccented
गिरा । जातः । इह । स्तुतः । इन्दुः । इन्द्राय । धीयते ।
विः । योना । वसतौऽइव ॥
Padapatha Transcription Accented
girā́ ǀ jātáḥ ǀ ihá ǀ stutáḥ ǀ índuḥ ǀ índrāya ǀ dhīyate ǀ
víḥ ǀ yónā ǀ vasatáu-iva ǁ
Padapatha Transcription Nonaccented
girā ǀ jātaḥ ǀ iha ǀ stutaḥ ǀ induḥ ǀ indrāya ǀ dhīyate ǀ
viḥ ǀ yonā ǀ vasatau-iva ǁ
09.062.16 (Mandala. Sukta. Rik)
7.1.27.01 (Ashtaka. Adhyaya. Varga. Rik)
09.03.046 (Mandala. Anuvāka. Rik)
Samhita Devanagari Accented
पव॑मानः सु॒तो नृभिः॒ सोमो॒ वाज॑मिवासरत् ।
च॒मूषु॒ शक्म॑ना॒सदं॑ ॥
Samhita Devanagari Nonaccented
पवमानः सुतो नृभिः सोमो वाजमिवासरत् ।
चमूषु शक्मनासदं ॥
Samhita Transcription Accented
pávamānaḥ sutó nṛ́bhiḥ sómo vā́jamivāsarat ǀ
camū́ṣu śákmanāsádam ǁ
Samhita Transcription Nonaccented
pavamānaḥ suto nṛbhiḥ somo vājamivāsarat ǀ
camūṣu śakmanāsadam ǁ
Padapatha Devanagari Accented
पव॑मानः । सु॒तः । नृऽभिः॑ । सोमः॑ । वाज॑म्ऽइव । अ॒स॒र॒त् ।
च॒मूषु॑ । शक्म॑ना । आ॒ऽसद॑म् ॥
Padapatha Devanagari Nonaccented
पवमानः । सुतः । नृऽभिः । सोमः । वाजम्ऽइव । असरत् ।
चमूषु । शक्मना । आऽसदम् ॥
Padapatha Transcription Accented
pávamānaḥ ǀ sutáḥ ǀ nṛ́-bhiḥ ǀ sómaḥ ǀ vā́jam-iva ǀ asarat ǀ
camū́ṣu ǀ śákmanā ǀ ā-sádam ǁ
Padapatha Transcription Nonaccented
pavamānaḥ ǀ sutaḥ ǀ nṛ-bhiḥ ǀ somaḥ ǀ vājam-iva ǀ asarat ǀ
camūṣu ǀ śakmanā ǀ ā-sadam ǁ
09.062.17 (Mandala. Sukta. Rik)
7.1.27.02 (Ashtaka. Adhyaya. Varga. Rik)
09.03.047 (Mandala. Anuvāka. Rik)
Samhita Devanagari Accented
तं त्रि॑पृ॒ष्ठे त्रि॑वंधु॒रे रथे॑ युंजंति॒ यात॑वे ।
ऋषी॑णां स॒प्त धी॒तिभिः॑ ॥
Samhita Devanagari Nonaccented
तं त्रिपृष्ठे त्रिवंधुरे रथे युंजंति यातवे ।
ऋषीणां सप्त धीतिभिः ॥
Samhita Transcription Accented
tám tripṛṣṭhé trivandhuré ráthe yuñjanti yā́tave ǀ
ṛ́ṣīṇām saptá dhītíbhiḥ ǁ
Samhita Transcription Nonaccented
tam tripṛṣṭhe trivandhure rathe yuñjanti yātave ǀ
ṛṣīṇām sapta dhītibhiḥ ǁ
Padapatha Devanagari Accented
तम् । त्रि॒ऽपृ॒ष्ठे । त्रि॒ऽव॒न्धु॒रे । रथे॑ । यु॒ञ्ज॒न्ति॒ । यात॑वे ।
ऋषी॑णाम् । स॒प्त । धी॒तिऽभिः॑ ॥
Padapatha Devanagari Nonaccented
तम् । त्रिऽपृष्ठे । त्रिऽवन्धुरे । रथे । युञ्जन्ति । यातवे ।
ऋषीणाम् । सप्त । धीतिऽभिः ॥
Padapatha Transcription Accented
tám ǀ tri-pṛṣṭhé ǀ tri-vandhuré ǀ ráthe ǀ yuñjanti ǀ yā́tave ǀ
ṛ́ṣīṇām ǀ saptá ǀ dhītí-bhiḥ ǁ
Padapatha Transcription Nonaccented
tam ǀ tri-pṛṣṭhe ǀ tri-vandhure ǀ rathe ǀ yuñjanti ǀ yātave ǀ
ṛṣīṇām ǀ sapta ǀ dhīti-bhiḥ ǁ
09.062.18 (Mandala. Sukta. Rik)
7.1.27.03 (Ashtaka. Adhyaya. Varga. Rik)
09.03.048 (Mandala. Anuvāka. Rik)
Samhita Devanagari Accented
तं सो॑तारो धन॒स्पृत॑मा॒शुं वाजा॑य॒ यात॑वे ।
हरिं॑ हिनोत वा॒जिनं॑ ॥
Samhita Devanagari Nonaccented
तं सोतारो धनस्पृतमाशुं वाजाय यातवे ।
हरिं हिनोत वाजिनं ॥
Samhita Transcription Accented
tám sotāro dhanaspṛ́tamāśúm vā́jāya yā́tave ǀ
hárim hinota vājínam ǁ
Samhita Transcription Nonaccented
tam sotāro dhanaspṛtamāśum vājāya yātave ǀ
harim hinota vājinam ǁ
Padapatha Devanagari Accented
तम् । सो॒ता॒रः॒ । ध॒न॒ऽस्पृत॑म् । आ॒शुम् । वाजा॑य । यात॑वे ।
हरि॑म् । हि॒नो॒त॒ । वा॒जिन॑म् ॥
Padapatha Devanagari Nonaccented
तम् । सोतारः । धनऽस्पृतम् । आशुम् । वाजाय । यातवे ।
हरिम् । हिनोत । वाजिनम् ॥
Padapatha Transcription Accented
tám ǀ sotāraḥ ǀ dhana-spṛ́tam ǀ āśúm ǀ vā́jāya ǀ yā́tave ǀ
hárim ǀ hinota ǀ vājínam ǁ
Padapatha Transcription Nonaccented
tam ǀ sotāraḥ ǀ dhana-spṛtam ǀ āśum ǀ vājāya ǀ yātave ǀ
harim ǀ hinota ǀ vājinam ǁ
09.062.19 (Mandala. Sukta. Rik)
7.1.27.04 (Ashtaka. Adhyaya. Varga. Rik)
09.03.049 (Mandala. Anuvāka. Rik)
Samhita Devanagari Accented
आ॒वि॒शन्क॒लशं॑ सु॒तो विश्वा॒ अर्ष॑न्न॒भि श्रियः॑ ।
शूरो॒ न गोषु॑ तिष्ठति ॥
Samhita Devanagari Nonaccented
आविशन्कलशं सुतो विश्वा अर्षन्नभि श्रियः ।
शूरो न गोषु तिष्ठति ॥
Samhita Transcription Accented
āviśánkaláśam sutó víśvā árṣannabhí śríyaḥ ǀ
śū́ro ná góṣu tiṣṭhati ǁ
Samhita Transcription Nonaccented
āviśankalaśam suto viśvā arṣannabhi śriyaḥ ǀ
śūro na goṣu tiṣṭhati ǁ
Padapatha Devanagari Accented
आ॒ऽवि॒शन् । क॒लश॑म् । सु॒तः । विश्वा॑ । अर्ष॑न् । अ॒भि । श्रियः॑ ।
शूरः॑ । न । गोषु॑ । ति॒ष्ठ॒ति॒ ॥
Padapatha Devanagari Nonaccented
आऽविशन् । कलशम् । सुतः । विश्वा । अर्षन् । अभि । श्रियः ।
शूरः । न । गोषु । तिष्ठति ॥
Padapatha Transcription Accented
ā-viśán ǀ kaláśam ǀ sutáḥ ǀ víśvā ǀ árṣan ǀ abhí ǀ śríyaḥ ǀ
śū́raḥ ǀ ná ǀ góṣu ǀ tiṣṭhati ǁ
Padapatha Transcription Nonaccented
ā-viśan ǀ kalaśam ǀ sutaḥ ǀ viśvā ǀ arṣan ǀ abhi ǀ śriyaḥ ǀ
śūraḥ ǀ na ǀ goṣu ǀ tiṣṭhati ǁ
09.062.20 (Mandala. Sukta. Rik)
7.1.27.05 (Ashtaka. Adhyaya. Varga. Rik)
09.03.050 (Mandala. Anuvāka. Rik)
Samhita Devanagari Accented
आ त॑ इंदो॒ मदा॑य॒ कं पयो॑ दुहंत्या॒यवः॑ ।
दे॒वा दे॒वेभ्यो॒ मधु॑ ॥
Samhita Devanagari Nonaccented
आ त इंदो मदाय कं पयो दुहंत्यायवः ।
देवा देवेभ्यो मधु ॥
Samhita Transcription Accented
ā́ ta indo mádāya kám páyo duhantyāyávaḥ ǀ
devā́ devébhyo mádhu ǁ
Samhita Transcription Nonaccented
ā ta indo madāya kam payo duhantyāyavaḥ ǀ
devā devebhyo madhu ǁ
Padapatha Devanagari Accented
आ । ते॒ । इ॒न्दो॒ इति॑ । मदा॑य । कम् । पयः॑ । दु॒ह॒न्ति॒ । आ॒यवः॑ ।
दे॒वाः । दे॒वेभ्यः॑ । मधु॑ ॥
Padapatha Devanagari Nonaccented
आ । ते । इन्दो इति । मदाय । कम् । पयः । दुहन्ति । आयवः ।
देवाः । देवेभ्यः । मधु ॥
Padapatha Transcription Accented
ā́ ǀ te ǀ indo íti ǀ mádāya ǀ kám ǀ páyaḥ ǀ duhanti ǀ āyávaḥ ǀ
devā́ḥ ǀ devébhyaḥ ǀ mádhu ǁ
Padapatha Transcription Nonaccented
ā ǀ te ǀ indo iti ǀ madāya ǀ kam ǀ payaḥ ǀ duhanti ǀ āyavaḥ ǀ
devāḥ ǀ devebhyaḥ ǀ madhu ǁ
09.062.21 (Mandala. Sukta. Rik)
7.1.28.01 (Ashtaka. Adhyaya. Varga. Rik)
09.03.051 (Mandala. Anuvāka. Rik)
Samhita Devanagari Accented
आ नः॒ सोमं॑ प॒वित्र॒ आ सृ॒जता॒ मधु॑मत्तमं ।
दे॒वेभ्यो॑ देव॒श्रुत्त॑मं ॥
Samhita Devanagari Nonaccented
आ नः सोमं पवित्र आ सृजता मधुमत्तमं ।
देवेभ्यो देवश्रुत्तमं ॥
Samhita Transcription Accented
ā́ naḥ sómam pavítra ā́ sṛjátā mádhumattamam ǀ
devébhyo devaśrúttamam ǁ
Samhita Transcription Nonaccented
ā naḥ somam pavitra ā sṛjatā madhumattamam ǀ
devebhyo devaśruttamam ǁ
Padapatha Devanagari Accented
आ । नः॒ । सोम॑म् । प॒वित्रे॑ । आ । सृ॒जत॑ । मधु॑मत्ऽतमम् ।
दे॒वेभ्यः॑ । दे॒व॒श्रुत्ऽत॑मम् ॥
Padapatha Devanagari Nonaccented
आ । नः । सोमम् । पवित्रे । आ । सृजत । मधुमत्ऽतमम् ।
देवेभ्यः । देवश्रुत्ऽतमम् ॥
Padapatha Transcription Accented
ā́ ǀ naḥ ǀ sómam ǀ pavítre ǀ ā́ ǀ sṛjáta ǀ mádhumat-tamam ǀ
devébhyaḥ ǀ devaśrút-tamam ǁ
Padapatha Transcription Nonaccented
ā ǀ naḥ ǀ somam ǀ pavitre ǀ ā ǀ sṛjata ǀ madhumat-tamam ǀ
devebhyaḥ ǀ devaśrut-tamam ǁ
09.062.22 (Mandala. Sukta. Rik)
7.1.28.02 (Ashtaka. Adhyaya. Varga. Rik)
09.03.052 (Mandala. Anuvāka. Rik)
Samhita Devanagari Accented
ए॒ते सोमा॑ असृक्षत गृणा॒नाः श्रव॑से म॒हे ।
म॒दिंत॑मस्य॒ धार॑या ॥
Samhita Devanagari Nonaccented
एते सोमा असृक्षत गृणानाः श्रवसे महे ।
मदिंतमस्य धारया ॥
Samhita Transcription Accented
eté sómā asṛkṣata gṛṇānā́ḥ śrávase mahé ǀ
madíntamasya dhā́rayā ǁ
Samhita Transcription Nonaccented
ete somā asṛkṣata gṛṇānāḥ śravase mahe ǀ
madintamasya dhārayā ǁ
Padapatha Devanagari Accented
ए॒ते । सोमाः॑ । अ॒सृ॒क्ष॒त॒ । गृ॒णा॒नाः । श्रव॑से । म॒हे ।
म॒दिन्ऽत॑मस्य । धार॑या ॥
Padapatha Devanagari Nonaccented
एते । सोमाः । असृक्षत । गृणानाः । श्रवसे । महे ।
मदिन्ऽतमस्य । धारया ॥
Padapatha Transcription Accented
eté ǀ sómāḥ ǀ asṛkṣata ǀ gṛṇānā́ḥ ǀ śrávase ǀ mahé ǀ
madín-tamasya ǀ dhā́rayā ǁ
Padapatha Transcription Nonaccented
ete ǀ somāḥ ǀ asṛkṣata ǀ gṛṇānāḥ ǀ śravase ǀ mahe ǀ
madin-tamasya ǀ dhārayā ǁ
09.062.23 (Mandala. Sukta. Rik)
7.1.28.03 (Ashtaka. Adhyaya. Varga. Rik)
09.03.053 (Mandala. Anuvāka. Rik)
Samhita Devanagari Accented
अ॒भि गव्या॑नि वी॒तये॑ नृ॒म्णा पु॑ना॒नो अ॑र्षसि ।
स॒नद्वा॑जः॒ परि॑ स्रव ॥
Samhita Devanagari Nonaccented
अभि गव्यानि वीतये नृम्णा पुनानो अर्षसि ।
सनद्वाजः परि स्रव ॥
Samhita Transcription Accented
abhí gávyāni vītáye nṛmṇā́ punānó arṣasi ǀ
sanádvājaḥ pári srava ǁ
Samhita Transcription Nonaccented
abhi gavyāni vītaye nṛmṇā punāno arṣasi ǀ
sanadvājaḥ pari srava ǁ
Padapatha Devanagari Accented
अ॒भि । गव्या॑नि । वी॒तये॑ । नृ॒म्णा । पु॒ना॒नः । अ॒र्ष॒सि॒ ।
स॒नत्ऽवा॑जः । परि॑ । स्र॒व॒ ॥
Padapatha Devanagari Nonaccented
अभि । गव्यानि । वीतये । नृम्णा । पुनानः । अर्षसि ।
सनत्ऽवाजः । परि । स्रव ॥
Padapatha Transcription Accented
abhí ǀ gávyāni ǀ vītáye ǀ nṛmṇā́ ǀ punānáḥ ǀ arṣasi ǀ
sanát-vājaḥ ǀ pári ǀ srava ǁ
Padapatha Transcription Nonaccented
abhi ǀ gavyāni ǀ vītaye ǀ nṛmṇā ǀ punānaḥ ǀ arṣasi ǀ
sanat-vājaḥ ǀ pari ǀ srava ǁ
09.062.24 (Mandala. Sukta. Rik)
7.1.28.04 (Ashtaka. Adhyaya. Varga. Rik)
09.03.054 (Mandala. Anuvāka. Rik)
Samhita Devanagari Accented
उ॒त नो॒ गोम॑ती॒रिषो॒ विश्वा॑ अर्ष परि॒ष्टुभः॑ ।
गृ॒णा॒नो ज॒मद॑ग्निना ॥
Samhita Devanagari Nonaccented
उत नो गोमतीरिषो विश्वा अर्ष परिष्टुभः ।
गृणानो जमदग्निना ॥
Samhita Transcription Accented
utá no gómatīríṣo víśvā arṣa pariṣṭúbhaḥ ǀ
gṛṇānó jamádagninā ǁ
Samhita Transcription Nonaccented
uta no gomatīriṣo viśvā arṣa pariṣṭubhaḥ ǀ
gṛṇāno jamadagninā ǁ
Padapatha Devanagari Accented
उ॒त । नः॒ । गोऽम॑तीः । इषः॑ । विश्वाः॑ । अ॒र्ष॒ । प॒रि॒ऽस्तुभः॑ ।
गृ॒णा॒नः । ज॒मत्ऽअ॑ग्निना ॥
Padapatha Devanagari Nonaccented
उत । नः । गोऽमतीः । इषः । विश्वाः । अर्ष । परिऽस्तुभः ।
गृणानः । जमत्ऽअग्निना ॥
Padapatha Transcription Accented
utá ǀ naḥ ǀ gó-matīḥ ǀ íṣaḥ ǀ víśvāḥ ǀ arṣa ǀ pari-stúbhaḥ ǀ
gṛṇānáḥ ǀ jamát-agninā ǁ
Padapatha Transcription Nonaccented
uta ǀ naḥ ǀ go-matīḥ ǀ iṣaḥ ǀ viśvāḥ ǀ arṣa ǀ pari-stubhaḥ ǀ
gṛṇānaḥ ǀ jamat-agninā ǁ
09.062.25 (Mandala. Sukta. Rik)
7.1.28.05 (Ashtaka. Adhyaya. Varga. Rik)
09.03.055 (Mandala. Anuvāka. Rik)
Samhita Devanagari Accented
पव॑स्व वा॒चो अ॑ग्रि॒यः सोम॑ चि॒त्राभि॑रू॒तिभिः॑ ।
अ॒भि विश्वा॑नि॒ काव्या॑ ॥
Samhita Devanagari Nonaccented
पवस्व वाचो अग्रियः सोम चित्राभिरूतिभिः ।
अभि विश्वानि काव्या ॥
Samhita Transcription Accented
pávasva vācó agriyáḥ sóma citrā́bhirūtíbhiḥ ǀ
abhí víśvāni kā́vyā ǁ
Samhita Transcription Nonaccented
pavasva vāco agriyaḥ soma citrābhirūtibhiḥ ǀ
abhi viśvāni kāvyā ǁ
Padapatha Devanagari Accented
पव॑स्व । वा॒चः । अ॒ग्रि॒यः । सोम॑ । चि॒त्राभिः॑ । ऊ॒तिऽभिः॑ ।
अ॒भि । विश्वा॑नि । काव्या॑ ॥
Padapatha Devanagari Nonaccented
पवस्व । वाचः । अग्रियः । सोम । चित्राभिः । ऊतिऽभिः ।
अभि । विश्वानि । काव्या ॥
Padapatha Transcription Accented
pávasva ǀ vācáḥ ǀ agriyáḥ ǀ sóma ǀ citrā́bhiḥ ǀ ūtí-bhiḥ ǀ
abhí ǀ víśvāni ǀ kā́vyā ǁ
Padapatha Transcription Nonaccented
pavasva ǀ vācaḥ ǀ agriyaḥ ǀ soma ǀ citrābhiḥ ǀ ūti-bhiḥ ǀ
abhi ǀ viśvāni ǀ kāvyā ǁ
09.062.26 (Mandala. Sukta. Rik)
7.1.29.01 (Ashtaka. Adhyaya. Varga. Rik)
09.03.056 (Mandala. Anuvāka. Rik)
Samhita Devanagari Accented
त्वं स॑मु॒द्रिया॑ अ॒पो॑ऽग्रि॒यो वाच॑ ई॒रय॑न् ।
पव॑स्व विश्वमेजय ॥
Samhita Devanagari Nonaccented
त्वं समुद्रिया अपोऽग्रियो वाच ईरयन् ।
पवस्व विश्वमेजय ॥
Samhita Transcription Accented
tvám samudríyā apó’griyó vā́ca īráyan ǀ
pávasva viśvamejaya ǁ
Samhita Transcription Nonaccented
tvam samudriyā apo’griyo vāca īrayan ǀ
pavasva viśvamejaya ǁ
Padapatha Devanagari Accented
त्वम् । स॒मु॒द्रियाः॑ । अ॒पः । अ॒ग्रि॒यः । वाचः॑ । ई॒रय॑न् ।
पव॑स्व । वि॒श्व॒म्ऽए॒ज॒य॒ ॥
Padapatha Devanagari Nonaccented
त्वम् । समुद्रियाः । अपः । अग्रियः । वाचः । ईरयन् ।
पवस्व । विश्वम्ऽएजय ॥
Padapatha Transcription Accented
tvám ǀ samudríyāḥ ǀ apáḥ ǀ agriyáḥ ǀ vā́caḥ ǀ īráyan ǀ
pávasva ǀ viśvam-ejaya ǁ
Padapatha Transcription Nonaccented
tvam ǀ samudriyāḥ ǀ apaḥ ǀ agriyaḥ ǀ vācaḥ ǀ īrayan ǀ
pavasva ǀ viśvam-ejaya ǁ
09.062.27 (Mandala. Sukta. Rik)
7.1.29.02 (Ashtaka. Adhyaya. Varga. Rik)
09.03.057 (Mandala. Anuvāka. Rik)
Samhita Devanagari Accented
तुभ्ये॒मा भुव॑ना कवे महि॒म्ने सो॑म तस्थिरे ।
तुभ्य॑मर्षंति॒ सिंध॑वः ॥
Samhita Devanagari Nonaccented
तुभ्येमा भुवना कवे महिम्ने सोम तस्थिरे ।
तुभ्यमर्षंति सिंधवः ॥
Samhita Transcription Accented
túbhyemā́ bhúvanā kave mahimné soma tasthire ǀ
túbhyamarṣanti síndhavaḥ ǁ
Samhita Transcription Nonaccented
tubhyemā bhuvanā kave mahimne soma tasthire ǀ
tubhyamarṣanti sindhavaḥ ǁ
Padapatha Devanagari Accented
तुभ्य॑ । इ॒मा । भुव॑ना । क॒वे॒ । म॒हि॒म्ने । सो॒म॒ । त॒स्थि॒रे॒ ।
तुभ्य॑म् । अ॒र्ष॒न्ति॒ । सिन्ध॑वः ॥
Padapatha Devanagari Nonaccented
तुभ्य । इमा । भुवना । कवे । महिम्ने । सोम । तस्थिरे ।
तुभ्यम् । अर्षन्ति । सिन्धवः ॥
Padapatha Transcription Accented
túbhya ǀ imā́ ǀ bhúvanā ǀ kave ǀ mahimné ǀ soma ǀ tasthire ǀ
túbhyam ǀ arṣanti ǀ síndhavaḥ ǁ
Padapatha Transcription Nonaccented
tubhya ǀ imā ǀ bhuvanā ǀ kave ǀ mahimne ǀ soma ǀ tasthire ǀ
tubhyam ǀ arṣanti ǀ sindhavaḥ ǁ
09.062.28 (Mandala. Sukta. Rik)
7.1.29.03 (Ashtaka. Adhyaya. Varga. Rik)
09.03.058 (Mandala. Anuvāka. Rik)
Samhita Devanagari Accented
प्र ते॑ दि॒वो न वृ॒ष्टयो॒ धारा॑ यंत्यस॒श्चतः॑ ।
अ॒भि शु॒क्रामु॑प॒स्तिरं॑ ॥
Samhita Devanagari Nonaccented
प्र ते दिवो न वृष्टयो धारा यंत्यसश्चतः ।
अभि शुक्रामुपस्तिरं ॥
Samhita Transcription Accented
prá te divó ná vṛṣṭáyo dhā́rā yantyasaścátaḥ ǀ
abhí śukrā́mupastíram ǁ
Samhita Transcription Nonaccented
pra te divo na vṛṣṭayo dhārā yantyasaścataḥ ǀ
abhi śukrāmupastiram ǁ
Padapatha Devanagari Accented
प्र । ते॒ । दि॒वः । न । वृ॒ष्टयः॑ । धाराः॑ । य॒न्ति॒ । अ॒स॒श्चतः॑ ।
अ॒भि । शु॒क्राम् । उ॒प॒ऽस्तिर॑म् ॥
Padapatha Devanagari Nonaccented
प्र । ते । दिवः । न । वृष्टयः । धाराः । यन्ति । असश्चतः ।
अभि । शुक्राम् । उपऽस्तिरम् ॥
Padapatha Transcription Accented
prá ǀ te ǀ diváḥ ǀ ná ǀ vṛṣṭáyaḥ ǀ dhā́rāḥ ǀ yanti ǀ asaścátaḥ ǀ
abhí ǀ śukrā́m ǀ upa-stíram ǁ
Padapatha Transcription Nonaccented
pra ǀ te ǀ divaḥ ǀ na ǀ vṛṣṭayaḥ ǀ dhārāḥ ǀ yanti ǀ asaścataḥ ǀ
abhi ǀ śukrām ǀ upa-stiram ǁ
09.062.29 (Mandala. Sukta. Rik)
7.1.29.04 (Ashtaka. Adhyaya. Varga. Rik)
09.03.059 (Mandala. Anuvāka. Rik)
Samhita Devanagari Accented
इंद्रा॒येंदुं॑ पुनीतनो॒ग्रं दक्षा॑य॒ साध॑नं ।
ई॒शा॒नं वी॒तिरा॑धसं ॥
Samhita Devanagari Nonaccented
इंद्रायेंदुं पुनीतनोग्रं दक्षाय साधनं ।
ईशानं वीतिराधसं ॥
Samhita Transcription Accented
índrāyéndum punītanográm dákṣāya sā́dhanam ǀ
īśānám vītírādhasam ǁ
Samhita Transcription Nonaccented
indrāyendum punītanogram dakṣāya sādhanam ǀ
īśānam vītirādhasam ǁ
Padapatha Devanagari Accented
इन्द्रा॑य । इन्दु॑म् । पु॒नी॒त॒न॒ । उ॒ग्रम् । दक्षा॑य । साध॑नम् ।
ई॒शा॒नम् । वी॒तिऽरा॑धसम् ॥
Padapatha Devanagari Nonaccented
इन्द्राय । इन्दुम् । पुनीतन । उग्रम् । दक्षाय । साधनम् ।
ईशानम् । वीतिऽराधसम् ॥
Padapatha Transcription Accented
índrāya ǀ índum ǀ punītana ǀ ugrám ǀ dákṣāya ǀ sā́dhanam ǀ
īśānám ǀ vītí-rādhasam ǁ
Padapatha Transcription Nonaccented
indrāya ǀ indum ǀ punītana ǀ ugram ǀ dakṣāya ǀ sādhanam ǀ
īśānam ǀ vīti-rādhasam ǁ
09.062.30 (Mandala. Sukta. Rik)
7.1.29.05 (Ashtaka. Adhyaya. Varga. Rik)
09.03.060 (Mandala. Anuvāka. Rik)
Samhita Devanagari Accented
पव॑मान ऋ॒तः क॒विः सोमः॑ प॒वित्र॒मास॑दत् ।
दध॑त्स्तो॒त्रे सु॒वीर्यं॑ ॥
Samhita Devanagari Nonaccented
पवमान ऋतः कविः सोमः पवित्रमासदत् ।
दधत्स्तोत्रे सुवीर्यं ॥
Samhita Transcription Accented
pávamāna ṛtáḥ kavíḥ sómaḥ pavítramā́sadat ǀ
dádhatstotré suvī́ryam ǁ
Samhita Transcription Nonaccented
pavamāna ṛtaḥ kaviḥ somaḥ pavitramāsadat ǀ
dadhatstotre suvīryam ǁ
Padapatha Devanagari Accented
पव॑मानः । ऋ॒तः । क॒विः । सोमः॑ । प॒वित्र॑म् । आ । अ॒स॒द॒त् ।
दध॑त् । स्तो॒त्रे । सु॒ऽवीर्य॑म् ॥
Padapatha Devanagari Nonaccented
पवमानः । ऋतः । कविः । सोमः । पवित्रम् । आ । असदत् ।
दधत् । स्तोत्रे । सुऽवीर्यम् ॥
Padapatha Transcription Accented
pávamānaḥ ǀ ṛtáḥ ǀ kavíḥ ǀ sómaḥ ǀ pavítram ǀ ā́ ǀ asadat ǀ
dádhat ǀ stotré ǀ su-vī́ryam ǁ
Padapatha Transcription Nonaccented
pavamānaḥ ǀ ṛtaḥ ǀ kaviḥ ǀ somaḥ ǀ pavitram ǀ ā ǀ asadat ǀ
dadhat ǀ stotre ǀ su-vīryam ǁ