|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 70
|
1. Info |
| To: | soma pavamāna | |
| From: | reṇu vaiśvāmitra | |
| Metres: | 1st set of styles: nicṛjjagatī (2, 6, 9, 10); jagatī (4, 5, 7); triṣṭup (1, 3); virāḍjagatī (8) 2nd set of styles: jagatī (1-9); triṣṭubh (10) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.070.01 (Mandala. Sukta. Rik)
7.2.23.01 (Ashtaka. Adhyaya. Varga. Rik)
09.04.021 (Mandala. Anuvāka. Rik)
Samhita Devanagari Accented
त्रिर॑स्मै स॒प्त धे॒नवो॑ दुदुह्रे स॒त्यामा॒शिरं॑ पू॒र्व्ये व्यो॑मनि ।
च॒त्वार्य॒न्या भुव॑नानि नि॒र्णिजे॒ चारू॑णि चक्रे॒ यदृ॒तैरव॑र्धत ॥
Samhita Devanagari Nonaccented
त्रिरस्मै सप्त धेनवो दुदुह्रे सत्यामाशिरं पूर्व्ये व्योमनि ।
चत्वार्यन्या भुवनानि निर्णिजे चारूणि चक्रे यदृतैरवर्धत ॥
Samhita Transcription Accented
trírasmai saptá dhenávo duduhre satyā́māśíram pūrvyé vyómani ǀ
catvā́ryanyā́ bhúvanāni nirṇíje cā́rūṇi cakre yádṛtáirávardhata ǁ
Samhita Transcription Nonaccented
trirasmai sapta dhenavo duduhre satyāmāśiram pūrvye vyomani ǀ
catvāryanyā bhuvanāni nirṇije cārūṇi cakre yadṛtairavardhata ǁ
Padapatha Devanagari Accented
त्रिः । अ॒स्मै॒ । स॒प्त । धे॒नवः॑ । दु॒दु॒ह्रे॒ । स॒त्याम् । आ॒ऽशिर॑म् । पू॒र्व्ये । विऽओ॑मनि ।
च॒त्वारि॑ । अ॒न्या । भुव॑नानि । निः॒ऽनिजे॑ । चारू॑णि । च॒क्रे॒ । यत् । ऋ॒तैः । अव॑र्धत ॥
Padapatha Devanagari Nonaccented
त्रिः । अस्मै । सप्त । धेनवः । दुदुह्रे । सत्याम् । आऽशिरम् । पूर्व्ये । विऽओमनि ।
चत्वारि । अन्या । भुवनानि । निःऽनिजे । चारूणि । चक्रे । यत् । ऋतैः । अवर्धत ॥
Padapatha Transcription Accented
tríḥ ǀ asmai ǀ saptá ǀ dhenávaḥ ǀ duduhre ǀ satyā́m ǀ ā-śíram ǀ pūrvyé ǀ ví-omani ǀ
catvā́ri ǀ anyā́ ǀ bhúvanāni ǀ niḥ-níje ǀ cā́rūṇi ǀ cakre ǀ yát ǀ ṛtáiḥ ǀ ávardhata ǁ
Padapatha Transcription Nonaccented
triḥ ǀ asmai ǀ sapta ǀ dhenavaḥ ǀ duduhre ǀ satyām ǀ ā-śiram ǀ pūrvye ǀ vi-omani ǀ
catvāri ǀ anyā ǀ bhuvanāni ǀ niḥ-nije ǀ cārūṇi ǀ cakre ǀ yat ǀ ṛtaiḥ ǀ avardhata ǁ
09.070.02 (Mandala. Sukta. Rik)
7.2.23.02 (Ashtaka. Adhyaya. Varga. Rik)
09.04.022 (Mandala. Anuvāka. Rik)
Samhita Devanagari Accented
स भिक्ष॑माणो अ॒मृत॑स्य॒ चारु॑ण उ॒भे द्यावा॒ काव्ये॑ना॒ वि श॑श्रथे ।
तेजि॑ष्ठा अ॒पो मं॒हना॒ परि॑ व्यत॒ यदी॑ दे॒वस्य॒ श्रव॑सा॒ सदो॑ वि॒दुः ॥
Samhita Devanagari Nonaccented
स भिक्षमाणो अमृतस्य चारुण उभे द्यावा काव्येना वि शश्रथे ।
तेजिष्ठा अपो मंहना परि व्यत यदी देवस्य श्रवसा सदो विदुः ॥
Samhita Transcription Accented
sá bhíkṣamāṇo amṛ́tasya cā́ruṇa ubhé dyā́vā kā́vyenā ví śaśrathe ǀ
téjiṣṭhā apó maṃhánā pári vyata yádī devásya śrávasā sádo vidúḥ ǁ
Samhita Transcription Nonaccented
sa bhikṣamāṇo amṛtasya cāruṇa ubhe dyāvā kāvyenā vi śaśrathe ǀ
tejiṣṭhā apo maṃhanā pari vyata yadī devasya śravasā sado viduḥ ǁ
Padapatha Devanagari Accented
सः । भिक्ष॑माणः । अ॒मृत॑स्य । चारु॑णः । उ॒भे इति॑ । द्यावा॑ । काव्ये॑न । वि । श॒श्र॒थे॒ ।
तेजि॑ष्ठाः । अ॒पः । मं॒हना॑ । परि॑ । व्य॒त॒ । यदि॑ । दे॒वस्य॑ । श्रव॑सा । सदः॑ । वि॒दुः ॥
Padapatha Devanagari Nonaccented
सः । भिक्षमाणः । अमृतस्य । चारुणः । उभे इति । द्यावा । काव्येन । वि । शश्रथे ।
तेजिष्ठाः । अपः । मंहना । परि । व्यत । यदि । देवस्य । श्रवसा । सदः । विदुः ॥
Padapatha Transcription Accented
sáḥ ǀ bhíkṣamāṇaḥ ǀ amṛ́tasya ǀ cā́ruṇaḥ ǀ ubhé íti ǀ dyā́vā ǀ kā́vyena ǀ ví ǀ śaśrathe ǀ
téjiṣṭhāḥ ǀ apáḥ ǀ maṃhánā ǀ pári ǀ vyata ǀ yádi ǀ devásya ǀ śrávasā ǀ sádaḥ ǀ vidúḥ ǁ
Padapatha Transcription Nonaccented
saḥ ǀ bhikṣamāṇaḥ ǀ amṛtasya ǀ cāruṇaḥ ǀ ubhe iti ǀ dyāvā ǀ kāvyena ǀ vi ǀ śaśrathe ǀ
tejiṣṭhāḥ ǀ apaḥ ǀ maṃhanā ǀ pari ǀ vyata ǀ yadi ǀ devasya ǀ śravasā ǀ sadaḥ ǀ viduḥ ǁ
09.070.03 (Mandala. Sukta. Rik)
7.2.23.03 (Ashtaka. Adhyaya. Varga. Rik)
09.04.023 (Mandala. Anuvāka. Rik)
Samhita Devanagari Accented
ते अ॑स्य संतु के॒तवोऽमृ॑त्य॒वोऽदा॑भ्यासो ज॒नुषी॑ उ॒भे अनु॑ ।
येभि॑र्नृ॒म्णा च॑ दे॒व्या॑ च पुन॒त आदिद्राजा॑नं म॒नना॑ अगृभ्णत ॥
Samhita Devanagari Nonaccented
ते अस्य संतु केतवोऽमृत्यवोऽदाभ्यासो जनुषी उभे अनु ।
येभिर्नृम्णा च देव्या च पुनत आदिद्राजानं मनना अगृभ्णत ॥
Samhita Transcription Accented
té asya santu ketávó’mṛtyavó’dābhyāso janúṣī ubhé ánu ǀ
yébhirnṛmṇā́ ca devyā́ ca punatá ā́dídrā́jānam manánā agṛbhṇata ǁ
Samhita Transcription Nonaccented
te asya santu ketavo’mṛtyavo’dābhyāso januṣī ubhe anu ǀ
yebhirnṛmṇā ca devyā ca punata ādidrājānam mananā agṛbhṇata ǁ
Padapatha Devanagari Accented
ते । अ॒स्य॒ । स॒न्तु॒ । के॒तवः॑ । अमृ॑त्यवः । अदा॑भ्यासः । ज॒नुषी॒ इति॑ । उ॒भे इति॑ । अनु॑ ।
येभिः॑ । नृ॒म्णा । च॒ । दे॒व्या॑ । च॒ । पु॒न॒ते । आत् । इत् । राजा॑नम् । म॒ननाः॑ । अ॒गृ॒भ्ण॒त॒ ॥
Padapatha Devanagari Nonaccented
ते । अस्य । सन्तु । केतवः । अमृत्यवः । अदाभ्यासः । जनुषी इति । उभे इति । अनु ।
येभिः । नृम्णा । च । देव्या । च । पुनते । आत् । इत् । राजानम् । मननाः । अगृभ्णत ॥
Padapatha Transcription Accented
té ǀ asya ǀ santu ǀ ketávaḥ ǀ ámṛtyavaḥ ǀ ádābhyāsaḥ ǀ janúṣī íti ǀ ubhé íti ǀ ánu ǀ
yébhiḥ ǀ nṛmṇā́ ǀ ca ǀ devyā́ ǀ ca ǀ punaté ǀ ā́t ǀ ít ǀ rā́jānam ǀ manánāḥ ǀ agṛbhṇata ǁ
Padapatha Transcription Nonaccented
te ǀ asya ǀ santu ǀ ketavaḥ ǀ amṛtyavaḥ ǀ adābhyāsaḥ ǀ januṣī iti ǀ ubhe iti ǀ anu ǀ
yebhiḥ ǀ nṛmṇā ǀ ca ǀ devyā ǀ ca ǀ punate ǀ āt ǀ it ǀ rājānam ǀ mananāḥ ǀ agṛbhṇata ǁ
09.070.04 (Mandala. Sukta. Rik)
7.2.23.04 (Ashtaka. Adhyaya. Varga. Rik)
09.04.024 (Mandala. Anuvāka. Rik)
Samhita Devanagari Accented
स मृ॒ज्यमा॑नो द॒शभिः॑ सु॒कर्म॑भिः॒ प्र म॑ध्य॒मासु॑ मा॒तृषु॑ प्र॒मे सचा॑ ।
व्र॒तानि॑ पा॒नो अ॒मृत॑स्य॒ चारु॑ण उ॒भे नृ॒चक्षा॒ अनु॑ पश्यते॒ विशौ॑ ॥
Samhita Devanagari Nonaccented
स मृज्यमानो दशभिः सुकर्मभिः प्र मध्यमासु मातृषु प्रमे सचा ।
व्रतानि पानो अमृतस्य चारुण उभे नृचक्षा अनु पश्यते विशौ ॥
Samhita Transcription Accented
sá mṛjyámāno daśábhiḥ sukármabhiḥ prá madhyamā́su mātṛ́ṣu pramé sácā ǀ
vratā́ni pānó amṛ́tasya cā́ruṇa ubhé nṛcákṣā ánu paśyate víśau ǁ
Samhita Transcription Nonaccented
sa mṛjyamāno daśabhiḥ sukarmabhiḥ pra madhyamāsu mātṛṣu prame sacā ǀ
vratāni pāno amṛtasya cāruṇa ubhe nṛcakṣā anu paśyate viśau ǁ
Padapatha Devanagari Accented
सः । मृ॒ज्यमा॑नः । द॒शऽभिः॑ । सु॒कर्म॑ऽभिः । प्र । म॒ध्य॒मासु॑ । मा॒तृषु॑ । प्र॒ऽमे । सचा॑ ।
व्र॒तानि॑ । पा॒नः । अ॒मृत॑स्य । चारु॑णः । उ॒भे इति॑ । नृ॒ऽचक्षाः॑ । अनु॑ । प॒श्य॒ते॒ । विशौ॑ ॥
Padapatha Devanagari Nonaccented
सः । मृज्यमानः । दशऽभिः । सुकर्मऽभिः । प्र । मध्यमासु । मातृषु । प्रऽमे । सचा ।
व्रतानि । पानः । अमृतस्य । चारुणः । उभे इति । नृऽचक्षाः । अनु । पश्यते । विशौ ॥
Padapatha Transcription Accented
sáḥ ǀ mṛjyámānaḥ ǀ daśá-bhiḥ ǀ sukárma-bhiḥ ǀ prá ǀ madhyamā́su ǀ mātṛ́ṣu ǀ pra-mé ǀ sácā ǀ
vratā́ni ǀ pānáḥ ǀ amṛ́tasya ǀ cā́ruṇaḥ ǀ ubhé íti ǀ nṛ-cákṣāḥ ǀ ánu ǀ paśyate ǀ víśau ǁ
Padapatha Transcription Nonaccented
saḥ ǀ mṛjyamānaḥ ǀ daśa-bhiḥ ǀ sukarma-bhiḥ ǀ pra ǀ madhyamāsu ǀ mātṛṣu ǀ pra-me ǀ sacā ǀ
vratāni ǀ pānaḥ ǀ amṛtasya ǀ cāruṇaḥ ǀ ubhe iti ǀ nṛ-cakṣāḥ ǀ anu ǀ paśyate ǀ viśau ǁ
09.070.05 (Mandala. Sukta. Rik)
7.2.23.05 (Ashtaka. Adhyaya. Varga. Rik)
09.04.025 (Mandala. Anuvāka. Rik)
Samhita Devanagari Accented
स म॑र्मृजा॒न इं॑द्रि॒याय॒ धाय॑स॒ ओभे अं॒ता रोद॑सी हर्षते हि॒तः ।
वृषा॒ शुष्मे॑ण बाधते॒ वि दु॑र्म॒तीरा॒देदि॑शानः शर्य॒हेव॑ शु॒रुधः॑ ॥
Samhita Devanagari Nonaccented
स मर्मृजान इंद्रियाय धायस ओभे अंता रोदसी हर्षते हितः ।
वृषा शुष्मेण बाधते वि दुर्मतीरादेदिशानः शर्यहेव शुरुधः ॥
Samhita Transcription Accented
sá marmṛjāná indriyā́ya dhā́yasa óbhé antā́ ródasī harṣate hitáḥ ǀ
vṛ́ṣā śúṣmeṇa bādhate ví durmatī́rādédiśānaḥ śaryahéva śurúdhaḥ ǁ
Samhita Transcription Nonaccented
sa marmṛjāna indriyāya dhāyasa obhe antā rodasī harṣate hitaḥ ǀ
vṛṣā śuṣmeṇa bādhate vi durmatīrādediśānaḥ śaryaheva śurudhaḥ ǁ
Padapatha Devanagari Accented
सः । म॒र्मृ॒जा॒नः । इ॒न्द्रि॒याय॑ । धाय॑से । आ । उ॒भे इति॑ । अ॒न्तरिति॑ । रोद॑सी॒ इति॑ । ह॒र्ष॒ते॒ । हि॒तः ।
वृषा॑ । शुष्मे॑ण । बा॒ध॒ते॒ । वि । दुः॒ऽम॒तीः । आ॒देदि॑शानः । श॒र्य॒हाऽइ॑व । शु॒रुधः॑ ॥
Padapatha Devanagari Nonaccented
सः । मर्मृजानः । इन्द्रियाय । धायसे । आ । उभे इति । अन्तरिति । रोदसी इति । हर्षते । हितः ।
वृषा । शुष्मेण । बाधते । वि । दुःऽमतीः । आदेदिशानः । शर्यहाऽइव । शुरुधः ॥
Padapatha Transcription Accented
sáḥ ǀ marmṛjānáḥ ǀ indriyā́ya ǀ dhā́yase ǀ ā́ ǀ ubhé íti ǀ antáríti ǀ ródasī íti ǀ harṣate ǀ hitáḥ ǀ
vṛ́ṣā ǀ śúṣmeṇa ǀ bādhate ǀ ví ǀ duḥ-matī́ḥ ǀ ādédiśānaḥ ǀ śaryahā́-iva ǀ śurúdhaḥ ǁ
Padapatha Transcription Nonaccented
saḥ ǀ marmṛjānaḥ ǀ indriyāya ǀ dhāyase ǀ ā ǀ ubhe iti ǀ antariti ǀ rodasī iti ǀ harṣate ǀ hitaḥ ǀ
vṛṣā ǀ śuṣmeṇa ǀ bādhate ǀ vi ǀ duḥ-matīḥ ǀ ādediśānaḥ ǀ śaryahā-iva ǀ śurudhaḥ ǁ
09.070.06 (Mandala. Sukta. Rik)
7.2.24.01 (Ashtaka. Adhyaya. Varga. Rik)
09.04.026 (Mandala. Anuvāka. Rik)
Samhita Devanagari Accented
स मा॒तरा॒ न ददृ॑शान उ॒स्रियो॒ नान॑ददेति म॒रुता॑मिव स्व॒नः ।
जा॒नन्नृ॒तं प्र॑थ॒मं यत्स्व॑र्णरं॒ प्रश॑स्तये॒ कम॑वृणीत सु॒क्रतुः॑ ॥
Samhita Devanagari Nonaccented
स मातरा न ददृशान उस्रियो नानददेति मरुतामिव स्वनः ।
जानन्नृतं प्रथमं यत्स्वर्णरं प्रशस्तये कमवृणीत सुक्रतुः ॥
Samhita Transcription Accented
sá mātárā ná dádṛśāna usríyo nā́nadadeti marútāmiva svanáḥ ǀ
jānánnṛtám prathamám yátsvárṇaram práśastaye kámavṛṇīta sukrátuḥ ǁ
Samhita Transcription Nonaccented
sa mātarā na dadṛśāna usriyo nānadadeti marutāmiva svanaḥ ǀ
jānannṛtam prathamam yatsvarṇaram praśastaye kamavṛṇīta sukratuḥ ǁ
Padapatha Devanagari Accented
सः । मा॒तरा॑ । न । ददृ॑शानः । उ॒स्रियः॑ । नान॑दत् । ए॒ति॒ । म॒रुता॑म्ऽइव । स्व॒नः ।
जा॒नन् । ऋ॒तम् । प्र॒थ॒मम् । यत् । स्वः॑ऽनरम् । प्रऽश॑स्तये । कम् । अ॒वृ॒णी॒त॒ । सु॒ऽक्रतुः॑ ॥
Padapatha Devanagari Nonaccented
सः । मातरा । न । ददृशानः । उस्रियः । नानदत् । एति । मरुताम्ऽइव । स्वनः ।
जानन् । ऋतम् । प्रथमम् । यत् । स्वःऽनरम् । प्रऽशस्तये । कम् । अवृणीत । सुऽक्रतुः ॥
Padapatha Transcription Accented
sáḥ ǀ mātárā ǀ ná ǀ dádṛśānaḥ ǀ usríyaḥ ǀ nā́nadat ǀ eti ǀ marútām-iva ǀ svanáḥ ǀ
jānán ǀ ṛtám ǀ prathamám ǀ yát ǀ sváḥ-naram ǀ prá-śastaye ǀ kám ǀ avṛṇīta ǀ su-krátuḥ ǁ
Padapatha Transcription Nonaccented
saḥ ǀ mātarā ǀ na ǀ dadṛśānaḥ ǀ usriyaḥ ǀ nānadat ǀ eti ǀ marutām-iva ǀ svanaḥ ǀ
jānan ǀ ṛtam ǀ prathamam ǀ yat ǀ svaḥ-naram ǀ pra-śastaye ǀ kam ǀ avṛṇīta ǀ su-kratuḥ ǁ
09.070.07 (Mandala. Sukta. Rik)
7.2.24.02 (Ashtaka. Adhyaya. Varga. Rik)
09.04.027 (Mandala. Anuvāka. Rik)
Samhita Devanagari Accented
रु॒वति॑ भी॒मो वृ॑ष॒भस्त॑वि॒ष्यया॒ शृंगे॒ शिशा॑नो॒ हरि॑णी विचक्ष॒णः ।
आ योनिं॒ सोमः॒ सुकृ॑तं॒ नि षी॑दति ग॒व्ययी॒ त्वग्भ॑वति नि॒र्णिग॒व्ययी॑ ॥
Samhita Devanagari Nonaccented
रुवति भीमो वृषभस्तविष्यया शृंगे शिशानो हरिणी विचक्षणः ।
आ योनिं सोमः सुकृतं नि षीदति गव्ययी त्वग्भवति निर्णिगव्ययी ॥
Samhita Transcription Accented
ruváti bhīmó vṛṣabhástaviṣyáyā śṛ́ṅge śíśāno háriṇī vicakṣaṇáḥ ǀ
ā́ yónim sómaḥ súkṛtam ní ṣīdati gavyáyī tvágbhavati nirṇígavyáyī ǁ
Samhita Transcription Nonaccented
ruvati bhīmo vṛṣabhastaviṣyayā śṛṅge śiśāno hariṇī vicakṣaṇaḥ ǀ
ā yonim somaḥ sukṛtam ni ṣīdati gavyayī tvagbhavati nirṇigavyayī ǁ
Padapatha Devanagari Accented
रु॒वति॑ । भी॒मः । वृ॒ष॒भः । त॒वि॒ष्यया॑ । शृङ्गे॒ इति॑ । शिशा॑नः । हरि॑णी॒ इति॑ । वि॒ऽच॒क्ष॒णः ।
आ । योनि॑म् । सोमः॑ । सुऽकृ॑तम् । नि । सी॒द॒ति॒ । ग॒व्ययी॑ । त्वक् । भ॒व॒ति॒ । निः॒ऽनिक् । अ॒व्ययी॑ ॥
Padapatha Devanagari Nonaccented
रुवति । भीमः । वृषभः । तविष्यया । शृङ्गे इति । शिशानः । हरिणी इति । विऽचक्षणः ।
आ । योनिम् । सोमः । सुऽकृतम् । नि । सीदति । गव्ययी । त्वक् । भवति । निःऽनिक् । अव्ययी ॥
Padapatha Transcription Accented
ruváti ǀ bhīmáḥ ǀ vṛṣabháḥ ǀ taviṣyáyā ǀ śṛ́ṅge íti ǀ śíśānaḥ ǀ háriṇī íti ǀ vi-cakṣaṇáḥ ǀ
ā́ ǀ yónim ǀ sómaḥ ǀ sú-kṛtam ǀ ní ǀ sīdati ǀ gavyáyī ǀ tvák ǀ bhavati ǀ niḥ-ník ǀ avyáyī ǁ
Padapatha Transcription Nonaccented
ruvati ǀ bhīmaḥ ǀ vṛṣabhaḥ ǀ taviṣyayā ǀ śṛṅge iti ǀ śiśānaḥ ǀ hariṇī iti ǀ vi-cakṣaṇaḥ ǀ
ā ǀ yonim ǀ somaḥ ǀ su-kṛtam ǀ ni ǀ sīdati ǀ gavyayī ǀ tvak ǀ bhavati ǀ niḥ-nik ǀ avyayī ǁ
09.070.08 (Mandala. Sukta. Rik)
7.2.24.03 (Ashtaka. Adhyaya. Varga. Rik)
09.04.028 (Mandala. Anuvāka. Rik)
Samhita Devanagari Accented
शुचिः॑ पुना॒नस्त॒न्व॑मरे॒पस॒मव्ये॒ हरि॒र्न्य॑धाविष्ट॒ सान॑वि ।
जुष्टो॑ मि॒त्राय॒ वरु॑णाय वा॒यवे॑ त्रि॒धातु॒ मधु॑ क्रियते सु॒कर्म॑भिः ॥
Samhita Devanagari Nonaccented
शुचिः पुनानस्तन्वमरेपसमव्ये हरिर्न्यधाविष्ट सानवि ।
जुष्टो मित्राय वरुणाय वायवे त्रिधातु मधु क्रियते सुकर्मभिः ॥
Samhita Transcription Accented
śúciḥ punānástanvámarepásamávye hárirnyádhāviṣṭa sā́navi ǀ
júṣṭo mitrā́ya váruṇāya vāyáve tridhā́tu mádhu kriyate sukármabhiḥ ǁ
Samhita Transcription Nonaccented
śuciḥ punānastanvamarepasamavye harirnyadhāviṣṭa sānavi ǀ
juṣṭo mitrāya varuṇāya vāyave tridhātu madhu kriyate sukarmabhiḥ ǁ
Padapatha Devanagari Accented
शुचिः॑ । पु॒ना॒नः । त॒न्व॑म् । अ॒रे॒पस॑म् । अव्ये॑ । हरिः॑ । नि । अ॒धा॒वि॒ष्ट॒ । सान॑वि ।
जुष्टः॑ । मि॒त्राय॑ । वरु॑णाय । वा॒यवे॑ । त्रि॒ऽधातु॑ । मधु॑ । क्रि॒य॒ते॒ । सु॒कर्म॑ऽभिः ॥
Padapatha Devanagari Nonaccented
शुचिः । पुनानः । तन्वम् । अरेपसम् । अव्ये । हरिः । नि । अधाविष्ट । सानवि ।
जुष्टः । मित्राय । वरुणाय । वायवे । त्रिऽधातु । मधु । क्रियते । सुकर्मऽभिः ॥
Padapatha Transcription Accented
śúciḥ ǀ punānáḥ ǀ tanvám ǀ arepásam ǀ ávye ǀ háriḥ ǀ ní ǀ adhāviṣṭa ǀ sā́navi ǀ
júṣṭaḥ ǀ mitrā́ya ǀ váruṇāya ǀ vāyáve ǀ tri-dhā́tu ǀ mádhu ǀ kriyate ǀ sukárma-bhiḥ ǁ
Padapatha Transcription Nonaccented
śuciḥ ǀ punānaḥ ǀ tanvam ǀ arepasam ǀ avye ǀ hariḥ ǀ ni ǀ adhāviṣṭa ǀ sānavi ǀ
juṣṭaḥ ǀ mitrāya ǀ varuṇāya ǀ vāyave ǀ tri-dhātu ǀ madhu ǀ kriyate ǀ sukarma-bhiḥ ǁ
09.070.09 (Mandala. Sukta. Rik)
7.2.24.04 (Ashtaka. Adhyaya. Varga. Rik)
09.04.029 (Mandala. Anuvāka. Rik)
Samhita Devanagari Accented
पव॑स्व सोम दे॒ववी॑तये॒ वृषेंद्र॑स्य॒ हार्दि॑ सोम॒धान॒मा वि॑श ।
पु॒रा नो॑ बा॒धाद्दु॑रि॒ताति॑ पारय क्षेत्र॒विद्धि दिश॒ आहा॑ विपृच्छ॒ते ॥
Samhita Devanagari Nonaccented
पवस्व सोम देववीतये वृषेंद्रस्य हार्दि सोमधानमा विश ।
पुरा नो बाधाद्दुरिताति पारय क्षेत्रविद्धि दिश आहा विपृच्छते ॥
Samhita Transcription Accented
pávasva soma devávītaye vṛ́ṣéndrasya hā́rdi somadhā́namā́ viśa ǀ
purā́ no bādhā́dduritā́ti pāraya kṣetravíddhí díśa ā́hā vipṛcchaté ǁ
Samhita Transcription Nonaccented
pavasva soma devavītaye vṛṣendrasya hārdi somadhānamā viśa ǀ
purā no bādhādduritāti pāraya kṣetraviddhi diśa āhā vipṛcchate ǁ
Padapatha Devanagari Accented
पव॑स्व । सो॒म॒ । दे॒वऽवी॑तये । वृषा॑ । इन्द्र॑स्य । हार्दि॑ । सो॒म॒ऽधान॑म् । आ । वि॒श॒ ।
पु॒रा । नः॒ । बा॒धात् । दुः॒ऽइ॒ता । अति॑ । पा॒र॒य॒ । क्षे॒त्र॒ऽवित् । हि । दिशः॑ । आह॑ । वि॒ऽपृ॒च्छ॒ते ॥
Padapatha Devanagari Nonaccented
पवस्व । सोम । देवऽवीतये । वृषा । इन्द्रस्य । हार्दि । सोमऽधानम् । आ । विश ।
पुरा । नः । बाधात् । दुःऽइता । अति । पारय । क्षेत्रऽवित् । हि । दिशः । आह । विऽपृच्छते ॥
Padapatha Transcription Accented
pávasva ǀ soma ǀ devá-vītaye ǀ vṛ́ṣā ǀ índrasya ǀ hā́rdi ǀ soma-dhā́nam ǀ ā́ ǀ viśa ǀ
purā́ ǀ naḥ ǀ bādhā́t ǀ duḥ-itā́ ǀ áti ǀ pāraya ǀ kṣetra-vít ǀ hí ǀ díśaḥ ǀ ā́ha ǀ vi-pṛcchaté ǁ
Padapatha Transcription Nonaccented
pavasva ǀ soma ǀ deva-vītaye ǀ vṛṣā ǀ indrasya ǀ hārdi ǀ soma-dhānam ǀ ā ǀ viśa ǀ
purā ǀ naḥ ǀ bādhāt ǀ duḥ-itā ǀ ati ǀ pāraya ǀ kṣetra-vit ǀ hi ǀ diśaḥ ǀ āha ǀ vi-pṛcchate ǁ
09.070.10 (Mandala. Sukta. Rik)
7.2.24.05 (Ashtaka. Adhyaya. Varga. Rik)
09.04.030 (Mandala. Anuvāka. Rik)
Samhita Devanagari Accented
हि॒तो न सप्ति॑र॒भि वाज॑म॒र्षेंद्र॑स्येंदो ज॒ठर॒मा प॑वस्व ।
ना॒वा न सिंधु॒मति॑ पर्षि वि॒द्वांछूरो॒ न युध्य॒न्नव॑ नो नि॒दः स्पः॑ ॥
Samhita Devanagari Nonaccented
हितो न सप्तिरभि वाजमर्षेंद्रस्येंदो जठरमा पवस्व ।
नावा न सिंधुमति पर्षि विद्वांछूरो न युध्यन्नव नो निदः स्पः ॥
Samhita Transcription Accented
hitó ná sáptirabhí vā́jamarṣéndrasyendo jaṭháramā́ pavasva ǀ
nāvā́ ná síndhumáti parṣi vidvā́ñchū́ro ná yúdhyannáva no nidáḥ spaḥ ǁ
Samhita Transcription Nonaccented
hito na saptirabhi vājamarṣendrasyendo jaṭharamā pavasva ǀ
nāvā na sindhumati parṣi vidvāñchūro na yudhyannava no nidaḥ spaḥ ǁ
Padapatha Devanagari Accented
हि॒तः । न । सप्तिः॑ । अ॒भि । वाज॑म् । अ॒र्ष॒ । इन्द्र॑स्य । इ॒न्दो॒ इति॑ । ज॒ठर॑म् । आ । प॒व॒स्व॒ ।
ना॒वा । न । सिन्धु॑म् । अति॑ । प॒र्षि॒ । वि॒द्वान् । शूरः॑ । न । युध्य॑न् । अव॑ । नः॒ । नि॒दः । स्प॒रिति॑ स्पः ॥
Padapatha Devanagari Nonaccented
हितः । न । सप्तिः । अभि । वाजम् । अर्ष । इन्द्रस्य । इन्दो इति । जठरम् । आ । पवस्व ।
नावा । न । सिन्धुम् । अति । पर्षि । विद्वान् । शूरः । न । युध्यन् । अव । नः । निदः । स्परिति स्पः ॥
Padapatha Transcription Accented
hitáḥ ǀ ná ǀ sáptiḥ ǀ abhí ǀ vā́jam ǀ arṣa ǀ índrasya ǀ indo íti ǀ jaṭháram ǀ ā́ ǀ pavasva ǀ
nāvā́ ǀ ná ǀ síndhum ǀ áti ǀ parṣi ǀ vidvā́n ǀ śū́raḥ ǀ ná ǀ yúdhyan ǀ áva ǀ naḥ ǀ nidáḥ ǀ sparíti spaḥ ǁ
Padapatha Transcription Nonaccented
hitaḥ ǀ na ǀ saptiḥ ǀ abhi ǀ vājam ǀ arṣa ǀ indrasya ǀ indo iti ǀ jaṭharam ǀ ā ǀ pavasva ǀ
nāvā ǀ na ǀ sindhum ǀ ati ǀ parṣi ǀ vidvān ǀ śūraḥ ǀ na ǀ yudhyan ǀ ava ǀ naḥ ǀ nidaḥ ǀ spariti spaḥ ǁ