|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 71
|
1. Info |
| To: | soma pavamāna | |
| From: | ṛṣabha vaiśvāmitra | |
| Metres: | 1st set of styles: virāḍjagatī (1, 4, 7); nicṛjjagatī (3, 5, 8); jagatī (2); pādanicṛjjgatī (6); virāṭtrisṭup (9) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.071.01 (Mandala. Sukta. Rik)
7.2.25.01 (Ashtaka. Adhyaya. Varga. Rik)
09.04.031 (Mandala. Anuvāka. Rik)
Samhita Devanagari Accented
आ दक्षि॑णा सृज्यते शु॒ष्म्या॒३॒॑सदं॒ वेति॑ द्रु॒हो र॒क्षसः॑ पाति॒ जागृ॑विः ।
हरि॑रोप॒शं कृ॑णुते॒ नभ॒स्पय॑ उप॒स्तिरे॑ च॒म्वो॒३॒॑र्ब्रह्म॑ नि॒र्णिजे॑ ॥
Samhita Devanagari Nonaccented
आ दक्षिणा सृज्यते शुष्म्यासदं वेति द्रुहो रक्षसः पाति जागृविः ।
हरिरोपशं कृणुते नभस्पय उपस्तिरे चम्वोर्ब्रह्म निर्णिजे ॥
Samhita Transcription Accented
ā́ dákṣiṇā sṛjyate śuṣmyā́sádam véti druhó rakṣásaḥ pāti jā́gṛviḥ ǀ
háriropaśám kṛṇute nábhaspáya upastíre camvórbráhma nirṇíje ǁ
Samhita Transcription Nonaccented
ā dakṣiṇā sṛjyate śuṣmyāsadam veti druho rakṣasaḥ pāti jāgṛviḥ ǀ
hariropaśam kṛṇute nabhaspaya upastire camvorbrahma nirṇije ǁ
Padapatha Devanagari Accented
आ । दक्षि॑णा । सृ॒ज्य॒ते॒ । शु॒ष्मी । आ॒ऽसद॑म् । वेति॑ । द्रु॒हः । र॒क्षसः॑ । पा॒ति॒ । जागृ॑विः ।
हरिः॑ । ओ॒प॒शम् । कृ॒णु॒ते॒ । नभः॑ । पयः॑ । उ॒प॒ऽस्तिरे॑ । च॒म्वोः॑ । ब्रह्म॑ । निः॒ऽनिजे॑ ॥
Padapatha Devanagari Nonaccented
आ । दक्षिणा । सृज्यते । शुष्मी । आऽसदम् । वेति । द्रुहः । रक्षसः । पाति । जागृविः ।
हरिः । ओपशम् । कृणुते । नभः । पयः । उपऽस्तिरे । चम्वोः । ब्रह्म । निःऽनिजे ॥
Padapatha Transcription Accented
ā́ ǀ dákṣiṇā ǀ sṛjyate ǀ śuṣmī́ ǀ ā-sádam ǀ véti ǀ druháḥ ǀ rakṣásaḥ ǀ pāti ǀ jā́gṛviḥ ǀ
háriḥ ǀ opaśám ǀ kṛṇute ǀ nábhaḥ ǀ páyaḥ ǀ upa-stíre ǀ camvóḥ ǀ bráhma ǀ niḥ-níje ǁ
Padapatha Transcription Nonaccented
ā ǀ dakṣiṇā ǀ sṛjyate ǀ śuṣmī ǀ ā-sadam ǀ veti ǀ druhaḥ ǀ rakṣasaḥ ǀ pāti ǀ jāgṛviḥ ǀ
hariḥ ǀ opaśam ǀ kṛṇute ǀ nabhaḥ ǀ payaḥ ǀ upa-stire ǀ camvoḥ ǀ brahma ǀ niḥ-nije ǁ
09.071.02 (Mandala. Sukta. Rik)
7.2.25.02 (Ashtaka. Adhyaya. Varga. Rik)
09.04.032 (Mandala. Anuvāka. Rik)
Samhita Devanagari Accented
प्र कृ॑ष्टि॒हेव॑ शू॒ष ए॑ति॒ रोरु॑वदसु॒र्यं१॒॑ वर्णं॒ नि रि॑णीते अस्य॒ तं ।
जहा॑ति व॒व्रिं पि॒तुरे॑ति निष्कृ॒तमु॑प॒प्रुतं॑ कृणुते नि॒र्णिजं॒ तना॑ ॥
Samhita Devanagari Nonaccented
प्र कृष्टिहेव शूष एति रोरुवदसुर्यं वर्णं नि रिणीते अस्य तं ।
जहाति वव्रिं पितुरेति निष्कृतमुपप्रुतं कृणुते निर्णिजं तना ॥
Samhita Transcription Accented
prá kṛṣṭihéva śūṣá eti róruvadasuryám várṇam ní riṇīte asya tám ǀ
jáhāti vavrím pitúreti niṣkṛtámupaprútam kṛṇute nirṇíjam tánā ǁ
Samhita Transcription Nonaccented
pra kṛṣṭiheva śūṣa eti roruvadasuryam varṇam ni riṇīte asya tam ǀ
jahāti vavrim pitureti niṣkṛtamupaprutam kṛṇute nirṇijam tanā ǁ
Padapatha Devanagari Accented
प्र । कृ॒ष्टि॒हाऽइ॑व । शू॒षः । ए॒ति॒ । रोरु॑वत् । अ॒सु॒र्य॑म् । वर्ण॑म् । नि । रि॒णी॒ते॒ । अ॒स्य॒ । तम् ।
जहा॑ति । व॒व्रिम् । पि॒तुः । ए॒ति॒ । निः॒ऽकृ॒तम् । उ॒प॒ऽप्रुत॑म् । कृ॒णु॒ते॒ । निः॒ऽनिज॑म् । तना॑ ॥
Padapatha Devanagari Nonaccented
प्र । कृष्टिहाऽइव । शूषः । एति । रोरुवत् । असुर्यम् । वर्णम् । नि । रिणीते । अस्य । तम् ।
जहाति । वव्रिम् । पितुः । एति । निःऽकृतम् । उपऽप्रुतम् । कृणुते । निःऽनिजम् । तना ॥
Padapatha Transcription Accented
prá ǀ kṛṣṭihā́-iva ǀ śūṣáḥ ǀ eti ǀ róruvat ǀ asuryám ǀ várṇam ǀ ní ǀ riṇīte ǀ asya ǀ tám ǀ
jáhāti ǀ vavrím ǀ pitúḥ ǀ eti ǀ niḥ-kṛtám ǀ upa-prútam ǀ kṛṇute ǀ niḥ-níjam ǀ tánā ǁ
Padapatha Transcription Nonaccented
pra ǀ kṛṣṭihā-iva ǀ śūṣaḥ ǀ eti ǀ roruvat ǀ asuryam ǀ varṇam ǀ ni ǀ riṇīte ǀ asya ǀ tam ǀ
jahāti ǀ vavrim ǀ pituḥ ǀ eti ǀ niḥ-kṛtam ǀ upa-prutam ǀ kṛṇute ǀ niḥ-nijam ǀ tanā ǁ
09.071.03 (Mandala. Sukta. Rik)
7.2.25.03 (Ashtaka. Adhyaya. Varga. Rik)
09.04.033 (Mandala. Anuvāka. Rik)
Samhita Devanagari Accented
अद्रि॑भिः सु॒तः प॑वते॒ गभ॑स्त्योर्वृषा॒यते॒ नभ॑सा॒ वेप॑ते म॒ती ।
स मो॑दते॒ नस॑ते॒ साध॑ते गि॒रा ने॑नि॒क्ते अ॒प्सु यज॑ते॒ परी॑मणि ॥
Samhita Devanagari Nonaccented
अद्रिभिः सुतः पवते गभस्त्योर्वृषायते नभसा वेपते मती ।
स मोदते नसते साधते गिरा नेनिक्ते अप्सु यजते परीमणि ॥
Samhita Transcription Accented
ádribhiḥ sutáḥ pavate gábhastyorvṛṣāyáte nábhasā vépate matī́ ǀ
sá modate násate sā́dhate girā́ nenikté apsú yájate párīmaṇi ǁ
Samhita Transcription Nonaccented
adribhiḥ sutaḥ pavate gabhastyorvṛṣāyate nabhasā vepate matī ǀ
sa modate nasate sādhate girā nenikte apsu yajate parīmaṇi ǁ
Padapatha Devanagari Accented
अद्रि॑ऽभिः । सु॒तः । प॒व॒ते॒ । गभ॑स्त्योः । वृ॒ष॒ऽयते॑ । नभ॑सा । वेप॑ते । म॒ती ।
सः । मो॒द॒ते॒ । नस॑ते । साध॑ते । गि॒रा । ने॒नि॒क्ते । अ॒प्ऽसु । यज॑ते । परी॑मणि ॥
Padapatha Devanagari Nonaccented
अद्रिऽभिः । सुतः । पवते । गभस्त्योः । वृषऽयते । नभसा । वेपते । मती ।
सः । मोदते । नसते । साधते । गिरा । नेनिक्ते । अप्ऽसु । यजते । परीमणि ॥
Padapatha Transcription Accented
ádri-bhiḥ ǀ sutáḥ ǀ pavate ǀ gábhastyoḥ ǀ vṛṣa-yáte ǀ nábhasā ǀ vépate ǀ matī́ ǀ
sáḥ ǀ modate ǀ násate ǀ sā́dhate ǀ girā́ ǀ nenikté ǀ ap-sú ǀ yájate ǀ párīmaṇi ǁ
Padapatha Transcription Nonaccented
adri-bhiḥ ǀ sutaḥ ǀ pavate ǀ gabhastyoḥ ǀ vṛṣa-yate ǀ nabhasā ǀ vepate ǀ matī ǀ
saḥ ǀ modate ǀ nasate ǀ sādhate ǀ girā ǀ nenikte ǀ ap-su ǀ yajate ǀ parīmaṇi ǁ
09.071.04 (Mandala. Sukta. Rik)
7.2.25.04 (Ashtaka. Adhyaya. Varga. Rik)
09.04.034 (Mandala. Anuvāka. Rik)
Samhita Devanagari Accented
परि॑ द्यु॒क्षं सह॑सः पर्वता॒वृधं॒ मध्वः॑ सिंचंति ह॒र्म्यस्य॑ स॒क्षणिं॑ ।
आ यस्मि॒न्गावः॑ सुहु॒ताद॒ ऊध॑नि मू॒र्धंछ्री॒णंत्य॑ग्रि॒यं वरी॑मभिः ॥
Samhita Devanagari Nonaccented
परि द्युक्षं सहसः पर्वतावृधं मध्वः सिंचंति हर्म्यस्य सक्षणिं ।
आ यस्मिन्गावः सुहुताद ऊधनि मूर्धंछ्रीणंत्यग्रियं वरीमभिः ॥
Samhita Transcription Accented
pári dyukṣám sáhasaḥ parvatāvṛ́dham mádhvaḥ siñcanti harmyásya sakṣáṇim ǀ
ā́ yásmingā́vaḥ suhutā́da ū́dhani mūrdháñchrīṇántyagriyám várīmabhiḥ ǁ
Samhita Transcription Nonaccented
pari dyukṣam sahasaḥ parvatāvṛdham madhvaḥ siñcanti harmyasya sakṣaṇim ǀ
ā yasmingāvaḥ suhutāda ūdhani mūrdhañchrīṇantyagriyam varīmabhiḥ ǁ
Padapatha Devanagari Accented
परि॑ । द्यु॒क्षम् । सह॑सः । प॒र्व॒त॒ऽवृध॑म् । मध्वः॑ । सि॒ञ्च॒न्ति॒ । ह॒र्म्यस्य॑ । स॒क्षणि॑म् ।
आ । यस्मि॑न् । गावः॑ । सु॒हु॒त॒ऽअदः॑ । ऊध॑नि । मू॒र्धन् । श्री॒णन्ति॑ । अ॒ग्रि॒यम् । वरी॑मऽभिः ॥
Padapatha Devanagari Nonaccented
परि । द्युक्षम् । सहसः । पर्वतऽवृधम् । मध्वः । सिञ्चन्ति । हर्म्यस्य । सक्षणिम् ।
आ । यस्मिन् । गावः । सुहुतऽअदः । ऊधनि । मूर्धन् । श्रीणन्ति । अग्रियम् । वरीमऽभिः ॥
Padapatha Transcription Accented
pári ǀ dyukṣám ǀ sáhasaḥ ǀ parvata-vṛ́dham ǀ mádhvaḥ ǀ siñcanti ǀ harmyásya ǀ sakṣáṇim ǀ
ā́ ǀ yásmin ǀ gā́vaḥ ǀ suhuta-ádaḥ ǀ ū́dhani ǀ mūrdhán ǀ śrīṇánti ǀ agriyám ǀ várīma-bhiḥ ǁ
Padapatha Transcription Nonaccented
pari ǀ dyukṣam ǀ sahasaḥ ǀ parvata-vṛdham ǀ madhvaḥ ǀ siñcanti ǀ harmyasya ǀ sakṣaṇim ǀ
ā ǀ yasmin ǀ gāvaḥ ǀ suhuta-adaḥ ǀ ūdhani ǀ mūrdhan ǀ śrīṇanti ǀ agriyam ǀ varīma-bhiḥ ǁ
09.071.05 (Mandala. Sukta. Rik)
7.2.25.05 (Ashtaka. Adhyaya. Varga. Rik)
09.04.035 (Mandala. Anuvāka. Rik)
Samhita Devanagari Accented
समी॒ रथं॒ न भु॒रिजो॑रहेषत॒ दश॒ स्वसा॑रो॒ अदि॑तेरु॒पस्थ॒ आ ।
जिगा॒दुप॑ ज्रयति॒ गोर॑पी॒च्यं॑ प॒दं यद॑स्य म॒तुथा॒ अजी॑जनन् ॥
Samhita Devanagari Nonaccented
समी रथं न भुरिजोरहेषत दश स्वसारो अदितेरुपस्थ आ ।
जिगादुप ज्रयति गोरपीच्यं पदं यदस्य मतुथा अजीजनन् ॥
Samhita Transcription Accented
sámī rátham ná bhuríjoraheṣata dáśa svásāro áditerupástha ā́ ǀ
jígādúpa jrayati górapīcyám padám yádasya matúthā ájījanan ǁ
Samhita Transcription Nonaccented
samī ratham na bhurijoraheṣata daśa svasāro aditerupastha ā ǀ
jigādupa jrayati gorapīcyam padam yadasya matuthā ajījanan ǁ
Padapatha Devanagari Accented
सम् । ई॒मिति॑ । रथ॑म् । न । भु॒रिजोः॑ । अ॒हे॒ष॒त॒ । दश॑ । स्वसा॑रः । अदि॑तेः । उ॒पऽस्थे॑ । आ ।
जिगा॑त् । उप॑ । ज्र॒य॒ति॒ । गोः । अ॒पी॒च्य॑म् । प॒दम् । यत् । अ॒स्य॒ । म॒तुथाः॑ । अजी॑जनन् ॥
Padapatha Devanagari Nonaccented
सम् । ईमिति । रथम् । न । भुरिजोः । अहेषत । दश । स्वसारः । अदितेः । उपऽस्थे । आ ।
जिगात् । उप । ज्रयति । गोः । अपीच्यम् । पदम् । यत् । अस्य । मतुथाः । अजीजनन् ॥
Padapatha Transcription Accented
sám ǀ īmíti ǀ rátham ǀ ná ǀ bhuríjoḥ ǀ aheṣata ǀ dáśa ǀ svásāraḥ ǀ áditeḥ ǀ upá-sthe ǀ ā́ ǀ
jígāt ǀ úpa ǀ jrayati ǀ góḥ ǀ apīcyám ǀ padám ǀ yát ǀ asya ǀ matúthāḥ ǀ ájījanan ǁ
Padapatha Transcription Nonaccented
sam ǀ īmiti ǀ ratham ǀ na ǀ bhurijoḥ ǀ aheṣata ǀ daśa ǀ svasāraḥ ǀ aditeḥ ǀ upa-sthe ǀ ā ǀ
jigāt ǀ upa ǀ jrayati ǀ goḥ ǀ apīcyam ǀ padam ǀ yat ǀ asya ǀ matuthāḥ ǀ ajījanan ǁ
09.071.06 (Mandala. Sukta. Rik)
7.2.26.01 (Ashtaka. Adhyaya. Varga. Rik)
09.04.036 (Mandala. Anuvāka. Rik)
Samhita Devanagari Accented
श्ये॒नो न योनिं॒ सद॑नं धि॒या कृ॒तं हि॑र॒ण्यय॑मा॒सदं॑ दे॒व एष॑ति ।
ए रि॑णंति ब॒र्हिषि॑ प्रि॒यं गि॒राश्वो॒ न दे॒वाँ अप्ये॑ति य॒ज्ञियः॑ ॥
Samhita Devanagari Nonaccented
श्येनो न योनिं सदनं धिया कृतं हिरण्ययमासदं देव एषति ।
ए रिणंति बर्हिषि प्रियं गिराश्वो न देवाँ अप्येति यज्ञियः ॥
Samhita Transcription Accented
śyenó ná yónim sádanam dhiyā́ kṛtám hiraṇyáyamāsádam devá éṣati ǀ
é riṇanti barhíṣi priyám girā́śvo ná devā́m̐ ápyeti yajñíyaḥ ǁ
Samhita Transcription Nonaccented
śyeno na yonim sadanam dhiyā kṛtam hiraṇyayamāsadam deva eṣati ǀ
e riṇanti barhiṣi priyam girāśvo na devām̐ apyeti yajñiyaḥ ǁ
Padapatha Devanagari Accented
श्ये॒नः । न । योनि॑म् । सद॑नम् । धि॒या । कृ॒तम् । हि॒र॒ण्यय॑म् । आ॒ऽसद॑म् । दे॒वः । आ । ई॒ष॒ति॒ ।
आ । ई॒मिति॑ । रि॒ण॒न्ति॒ । ब॒र्हिषि॑ । प्रि॒यम् । गि॒रा । अश्वः॑ । न । दे॒वान् । अपि॑ । ए॒ति॒ । य॒ज्ञियः॑ ॥
Padapatha Devanagari Nonaccented
श्येनः । न । योनिम् । सदनम् । धिया । कृतम् । हिरण्ययम् । आऽसदम् । देवः । आ । ईषति ।
आ । ईमिति । रिणन्ति । बर्हिषि । प्रियम् । गिरा । अश्वः । न । देवान् । अपि । एति । यज्ञियः ॥
Padapatha Transcription Accented
śyenáḥ ǀ ná ǀ yónim ǀ sádanam ǀ dhiyā́ ǀ kṛtám ǀ hiraṇyáyam ǀ ā-sádam ǀ deváḥ ǀ ā́ ǀ īṣati ǀ
ā́ ǀ īmíti ǀ riṇanti ǀ barhíṣi ǀ priyám ǀ girā́ ǀ áśvaḥ ǀ ná ǀ devā́n ǀ ápi ǀ eti ǀ yajñíyaḥ ǁ
Padapatha Transcription Nonaccented
śyenaḥ ǀ na ǀ yonim ǀ sadanam ǀ dhiyā ǀ kṛtam ǀ hiraṇyayam ǀ ā-sadam ǀ devaḥ ǀ ā ǀ īṣati ǀ
ā ǀ īmiti ǀ riṇanti ǀ barhiṣi ǀ priyam ǀ girā ǀ aśvaḥ ǀ na ǀ devān ǀ api ǀ eti ǀ yajñiyaḥ ǁ
09.071.07 (Mandala. Sukta. Rik)
7.2.26.02 (Ashtaka. Adhyaya. Varga. Rik)
09.04.037 (Mandala. Anuvāka. Rik)
Samhita Devanagari Accented
परा॒ व्य॑क्तो अरु॒षो दि॒वः क॒विर्वृषा॑ त्रिपृ॒ष्ठो अ॑नविष्ट॒ गा अ॒भि ।
स॒हस्र॑णीति॒र्यतिः॑ परा॒यती॑ रे॒भो न पू॒र्वीरु॒षसो॒ वि रा॑जति ॥
Samhita Devanagari Nonaccented
परा व्यक्तो अरुषो दिवः कविर्वृषा त्रिपृष्ठो अनविष्ट गा अभि ।
सहस्रणीतिर्यतिः परायती रेभो न पूर्वीरुषसो वि राजति ॥
Samhita Transcription Accented
párā vyákto aruṣó diváḥ kavírvṛ́ṣā tripṛṣṭhó anaviṣṭa gā́ abhí ǀ
sahásraṇītiryátiḥ parāyátī rebhó ná pūrvī́ruṣáso ví rājati ǁ
Samhita Transcription Nonaccented
parā vyakto aruṣo divaḥ kavirvṛṣā tripṛṣṭho anaviṣṭa gā abhi ǀ
sahasraṇītiryatiḥ parāyatī rebho na pūrvīruṣaso vi rājati ǁ
Padapatha Devanagari Accented
परा॑ । विऽअ॑क्तः । अ॒रु॒षः । दि॒वः । क॒विः । वृषा॑ । त्रि॒ऽपृ॒ष्ठः । अ॒न॒वि॒ष्ट॒ । गाः । अ॒भि ।
स॒हस्र॑ऽनीतिः । यतिः॑ । प॒रा॒ऽयतिः॑ । रे॒भः । न । पू॒र्वीः । उ॒षसः॑ । वि । रा॒ज॒ति॒ ॥
Padapatha Devanagari Nonaccented
परा । विऽअक्तः । अरुषः । दिवः । कविः । वृषा । त्रिऽपृष्ठः । अनविष्ट । गाः । अभि ।
सहस्रऽनीतिः । यतिः । पराऽयतिः । रेभः । न । पूर्वीः । उषसः । वि । राजति ॥
Padapatha Transcription Accented
párā ǀ ví-aktaḥ ǀ aruṣáḥ ǀ diváḥ ǀ kavíḥ ǀ vṛ́ṣā ǀ tri-pṛṣṭháḥ ǀ anaviṣṭa ǀ gā́ḥ ǀ abhí ǀ
sahásra-nītiḥ ǀ yátiḥ ǀ parā-yátiḥ ǀ rebháḥ ǀ ná ǀ pūrvī́ḥ ǀ uṣásaḥ ǀ ví ǀ rājati ǁ
Padapatha Transcription Nonaccented
parā ǀ vi-aktaḥ ǀ aruṣaḥ ǀ divaḥ ǀ kaviḥ ǀ vṛṣā ǀ tri-pṛṣṭhaḥ ǀ anaviṣṭa ǀ gāḥ ǀ abhi ǀ
sahasra-nītiḥ ǀ yatiḥ ǀ parā-yatiḥ ǀ rebhaḥ ǀ na ǀ pūrvīḥ ǀ uṣasaḥ ǀ vi ǀ rājati ǁ
09.071.08 (Mandala. Sukta. Rik)
7.2.26.03 (Ashtaka. Adhyaya. Varga. Rik)
09.04.038 (Mandala. Anuvāka. Rik)
Samhita Devanagari Accented
त्वे॒षं रू॒पं कृ॑णुते॒ वर्णो॑ अस्य॒ स यत्राश॑य॒त्समृ॑ता॒ सेध॑ति स्रि॒धः ।
अ॒प्सा या॑ति स्व॒धया॒ दैव्यं॒ जनं॒ सं सु॑ष्टु॒ती नस॑ते॒ सं गोअ॑ग्रया ॥
Samhita Devanagari Nonaccented
त्वेषं रूपं कृणुते वर्णो अस्य स यत्राशयत्समृता सेधति स्रिधः ।
अप्सा याति स्वधया दैव्यं जनं सं सुष्टुती नसते सं गोअग्रया ॥
Samhita Transcription Accented
tveṣám rūpám kṛṇute várṇo asya sá yátrā́śayatsámṛtā sédhati sridháḥ ǀ
apsā́ yāti svadháyā dáivyam jánam sám suṣṭutī́ násate sám góagrayā ǁ
Samhita Transcription Nonaccented
tveṣam rūpam kṛṇute varṇo asya sa yatrāśayatsamṛtā sedhati sridhaḥ ǀ
apsā yāti svadhayā daivyam janam sam suṣṭutī nasate sam goagrayā ǁ
Padapatha Devanagari Accented
त्वे॒षम् । रू॒पम् । कृ॒णु॒ते॒ । वर्णः॑ । अ॒स्य॒ । सः । यत्र॑ । अश॑यत् । सम्ऽऋ॑ता । सेध॑ति । स्रि॒धः ।
अ॒प्साः । या॒ति॒ । स्व॒धया॑ । दैव्य॑म् । जन॑म् । सम् । सु॒ऽस्तु॒ती । नस॑ते । सम् । गोऽअ॑ग्रया ॥
Padapatha Devanagari Nonaccented
त्वेषम् । रूपम् । कृणुते । वर्णः । अस्य । सः । यत्र । अशयत् । सम्ऽऋता । सेधति । स्रिधः ।
अप्साः । याति । स्वधया । दैव्यम् । जनम् । सम् । सुऽस्तुती । नसते । सम् । गोऽअग्रया ॥
Padapatha Transcription Accented
tveṣám ǀ rūpám ǀ kṛṇute ǀ várṇaḥ ǀ asya ǀ sáḥ ǀ yátra ǀ áśayat ǀ sám-ṛtā ǀ sédhati ǀ sridháḥ ǀ
apsā́ḥ ǀ yāti ǀ svadháyā ǀ dáivyam ǀ jánam ǀ sám ǀ su-stutī́ ǀ násate ǀ sám ǀ gó-agrayā ǁ
Padapatha Transcription Nonaccented
tveṣam ǀ rūpam ǀ kṛṇute ǀ varṇaḥ ǀ asya ǀ saḥ ǀ yatra ǀ aśayat ǀ sam-ṛtā ǀ sedhati ǀ sridhaḥ ǀ
apsāḥ ǀ yāti ǀ svadhayā ǀ daivyam ǀ janam ǀ sam ǀ su-stutī ǀ nasate ǀ sam ǀ go-agrayā ǁ
09.071.09 (Mandala. Sukta. Rik)
7.2.26.04 (Ashtaka. Adhyaya. Varga. Rik)
09.04.039 (Mandala. Anuvāka. Rik)
Samhita Devanagari Accented
उ॒क्षेव॑ यू॒था प॑रि॒यन्न॑रावी॒दधि॒ त्विषी॑रधित॒ सूर्य॑स्य ।
दि॒व्यः सु॑प॒र्णोऽव॑ चक्षत॒ क्षां सोमः॒ परि॒ क्रतु॑ना पश्यते॒ जाः ॥
Samhita Devanagari Nonaccented
उक्षेव यूथा परियन्नरावीदधि त्विषीरधित सूर्यस्य ।
दिव्यः सुपर्णोऽव चक्षत क्षां सोमः परि क्रतुना पश्यते जाः ॥
Samhita Transcription Accented
ukṣéva yūthā́ pariyánnarāvīdádhi tvíṣīradhita sū́ryasya ǀ
divyáḥ suparṇó’va cakṣata kṣā́m sómaḥ pári krátunā paśyate jā́ḥ ǁ
Samhita Transcription Nonaccented
ukṣeva yūthā pariyannarāvīdadhi tviṣīradhita sūryasya ǀ
divyaḥ suparṇo’va cakṣata kṣām somaḥ pari kratunā paśyate jāḥ ǁ
Padapatha Devanagari Accented
उ॒क्षाऽइ॑व । यू॒था । प॒रि॒ऽयन् । अ॒रा॒वी॒त् । अधि॑ । त्विषीः॑ । अ॒धि॒त॒ । सूर्य॑स्य ।
दि॒व्यः । सु॒ऽप॒र्णः । अव॑ । च॒क्ष॒त॒ । क्षाम् । सोमः॑ । परि॑ । क्रतु॑ना । प॒श्य॒ते॒ । जाः ॥
Padapatha Devanagari Nonaccented
उक्षाऽइव । यूथा । परिऽयन् । अरावीत् । अधि । त्विषीः । अधित । सूर्यस्य ।
दिव्यः । सुऽपर्णः । अव । चक्षत । क्षाम् । सोमः । परि । क्रतुना । पश्यते । जाः ॥
Padapatha Transcription Accented
ukṣā́-iva ǀ yūthā́ ǀ pari-yán ǀ arāvīt ǀ ádhi ǀ tvíṣīḥ ǀ adhita ǀ sū́ryasya ǀ
divyáḥ ǀ su-parṇáḥ ǀ áva ǀ cakṣata ǀ kṣā́m ǀ sómaḥ ǀ pári ǀ krátunā ǀ paśyate ǀ jā́ḥ ǁ
Padapatha Transcription Nonaccented
ukṣā-iva ǀ yūthā ǀ pari-yan ǀ arāvīt ǀ adhi ǀ tviṣīḥ ǀ adhita ǀ sūryasya ǀ
divyaḥ ǀ su-parṇaḥ ǀ ava ǀ cakṣata ǀ kṣām ǀ somaḥ ǀ pari ǀ kratunā ǀ paśyate ǀ jāḥ ǁ