|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 73
|
1. Info |
| To: | soma pavamāna | |
| From: | pavitra āṅgirasa | |
| Metres: | 1st set of styles: nicṛjjagatī (2-7); virāḍjagatī (8, 9); jagatī (1) 2nd set of styles: jagatī (1-7, 9); triṣṭubh (8) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.073.01 (Mandala. Sukta. Rik)
7.2.29.01 (Ashtaka. Adhyaya. Varga. Rik)
09.04.049 (Mandala. Anuvāka. Rik)
Samhita Devanagari Accented
स्रक्वे॑ द्र॒प्सस्य॒ धम॑तः॒ सम॑स्वरन्नृ॒तस्य॒ योना॒ सम॑रंत॒ नाभ॑यः ।
त्रीन्त्स मू॒र्ध्नो असु॑रश्चक्र आ॒रभे॑ स॒त्यस्य॒ नावः॑ सु॒कृत॑मपीपरन् ॥
Samhita Devanagari Nonaccented
स्रक्वे द्रप्सस्य धमतः समस्वरन्नृतस्य योना समरंत नाभयः ।
त्रीन्त्स मूर्ध्नो असुरश्चक्र आरभे सत्यस्य नावः सुकृतमपीपरन् ॥
Samhita Transcription Accented
srákve drapsásya dhámataḥ sámasvarannṛtásya yónā sámaranta nā́bhayaḥ ǀ
trī́ntsá mūrdhnó ásuraścakra ārábhe satyásya nā́vaḥ sukṛ́tamapīparan ǁ
Samhita Transcription Nonaccented
srakve drapsasya dhamataḥ samasvarannṛtasya yonā samaranta nābhayaḥ ǀ
trīntsa mūrdhno asuraścakra ārabhe satyasya nāvaḥ sukṛtamapīparan ǁ
Padapatha Devanagari Accented
स्रक्वे॑ । द्र॒प्सस्य॑ । धम॑तः । सम् । अ॒स्व॒र॒न् । ऋ॒तस्य॑ । योना॑ । सम् । अ॒र॒न्त॒ । नाभ॑यः ।
त्रीन् । सः । मू॒र्ध्नः । असु॑रः । च॒क्रे॒ । आ॒ऽरभे॑ । स॒त्यस्य॑ । नावः॑ । सु॒ऽकृत॑म् । अ॒पी॒प॒र॒न् ॥
Padapatha Devanagari Nonaccented
स्रक्वे । द्रप्सस्य । धमतः । सम् । अस्वरन् । ऋतस्य । योना । सम् । अरन्त । नाभयः ।
त्रीन् । सः । मूर्ध्नः । असुरः । चक्रे । आऽरभे । सत्यस्य । नावः । सुऽकृतम् । अपीपरन् ॥
Padapatha Transcription Accented
srákve ǀ drapsásya ǀ dhámataḥ ǀ sám ǀ asvaran ǀ ṛtásya ǀ yónā ǀ sám ǀ aranta ǀ nā́bhayaḥ ǀ
trī́n ǀ sáḥ ǀ mūrdhnáḥ ǀ ásuraḥ ǀ cakre ǀ ā-rábhe ǀ satyásya ǀ nā́vaḥ ǀ su-kṛ́tam ǀ apīparan ǁ
Padapatha Transcription Nonaccented
srakve ǀ drapsasya ǀ dhamataḥ ǀ sam ǀ asvaran ǀ ṛtasya ǀ yonā ǀ sam ǀ aranta ǀ nābhayaḥ ǀ
trīn ǀ saḥ ǀ mūrdhnaḥ ǀ asuraḥ ǀ cakre ǀ ā-rabhe ǀ satyasya ǀ nāvaḥ ǀ su-kṛtam ǀ apīparan ǁ
09.073.02 (Mandala. Sukta. Rik)
7.2.29.02 (Ashtaka. Adhyaya. Varga. Rik)
09.04.050 (Mandala. Anuvāka. Rik)
Samhita Devanagari Accented
स॒म्यक्स॒म्यंचो॑ महि॒षा अ॑हेषत॒ सिंधो॑रू॒र्मावधि॑ वे॒ना अ॑वीविपन् ।
मधो॒र्धारा॑भिर्ज॒नयं॑तो अ॒र्कमित्प्रि॒यामिंद्र॑स्य त॒न्व॑मवीवृधन् ॥
Samhita Devanagari Nonaccented
सम्यक्सम्यंचो महिषा अहेषत सिंधोरूर्मावधि वेना अवीविपन् ।
मधोर्धाराभिर्जनयंतो अर्कमित्प्रियामिंद्रस्य तन्वमवीवृधन् ॥
Samhita Transcription Accented
samyáksamyáñco mahiṣā́ aheṣata síndhorūrmā́vádhi venā́ avīvipan ǀ
mádhordhā́rābhirjanáyanto arkámítpriyā́míndrasya tanvámavīvṛdhan ǁ
Samhita Transcription Nonaccented
samyaksamyañco mahiṣā aheṣata sindhorūrmāvadhi venā avīvipan ǀ
madhordhārābhirjanayanto arkamitpriyāmindrasya tanvamavīvṛdhan ǁ
Padapatha Devanagari Accented
स॒म्यक् । स॒म्यञ्चः॑ । म॒हि॒षाः । अ॒हे॒ष॒त॒ । सिन्धोः॑ । ऊ॒र्मौ । अधि॑ । वे॒नाः । अ॒वी॒वि॒प॒न् ।
मधोः॑ । धारा॑भिः । ज॒नय॑न्तः । अ॒र्कम् । इत् । प्रि॒याम् । इन्द्र॑स्य । त॒न्व॑म् । अ॒वी॒वृ॒ध॒न् ॥
Padapatha Devanagari Nonaccented
सम्यक् । सम्यञ्चः । महिषाः । अहेषत । सिन्धोः । ऊर्मौ । अधि । वेनाः । अवीविपन् ।
मधोः । धाराभिः । जनयन्तः । अर्कम् । इत् । प्रियाम् । इन्द्रस्य । तन्वम् । अवीवृधन् ॥
Padapatha Transcription Accented
samyák ǀ samyáñcaḥ ǀ mahiṣā́ḥ ǀ aheṣata ǀ síndhoḥ ǀ ūrmáu ǀ ádhi ǀ venā́ḥ ǀ avīvipan ǀ
mádhoḥ ǀ dhā́rābhiḥ ǀ janáyantaḥ ǀ arkám ǀ ít ǀ priyā́m ǀ índrasya ǀ tanvám ǀ avīvṛdhan ǁ
Padapatha Transcription Nonaccented
samyak ǀ samyañcaḥ ǀ mahiṣāḥ ǀ aheṣata ǀ sindhoḥ ǀ ūrmau ǀ adhi ǀ venāḥ ǀ avīvipan ǀ
madhoḥ ǀ dhārābhiḥ ǀ janayantaḥ ǀ arkam ǀ it ǀ priyām ǀ indrasya ǀ tanvam ǀ avīvṛdhan ǁ
09.073.03 (Mandala. Sukta. Rik)
7.2.29.03 (Ashtaka. Adhyaya. Varga. Rik)
09.04.051 (Mandala. Anuvāka. Rik)
Samhita Devanagari Accented
प॒वित्र॑वंतः॒ परि॒ वाच॑मासते पि॒तैषां॑ प्र॒त्नो अ॒भि र॑क्षति व्र॒तं ।
म॒हः स॑मु॒द्रं वरु॑णस्ति॒रो द॑धे॒ धीरा॒ इच्छे॑कुर्ध॒रुणे॑ष्वा॒रभं॑ ॥
Samhita Devanagari Nonaccented
पवित्रवंतः परि वाचमासते पितैषां प्रत्नो अभि रक्षति व्रतं ।
महः समुद्रं वरुणस्तिरो दधे धीरा इच्छेकुर्धरुणेष्वारभं ॥
Samhita Transcription Accented
pavítravantaḥ pári vā́camāsate pitáiṣām pratnó abhí rakṣati vratám ǀ
maháḥ samudrám váruṇastiró dadhe dhī́rā ícchekurdharúṇeṣvārábham ǁ
Samhita Transcription Nonaccented
pavitravantaḥ pari vācamāsate pitaiṣām pratno abhi rakṣati vratam ǀ
mahaḥ samudram varuṇastiro dadhe dhīrā icchekurdharuṇeṣvārabham ǁ
Padapatha Devanagari Accented
प॒वित्र॑ऽवन्तः । परि॑ । वाच॑म् । आ॒स॒ते॒ । पि॒ता । ए॒षा॒म् । प्र॒त्नः । अ॒भि । र॒क्ष॒ति॒ । व्र॒तम् ।
म॒हः । स॒मु॒द्रम् । वरु॑णः । ति॒रः । द॒धे॒ । धीराः॑ । इत् । शे॒कुः॒ । ध॒रुणे॑षु । आ॒ऽरभ॑म् ॥
Padapatha Devanagari Nonaccented
पवित्रऽवन्तः । परि । वाचम् । आसते । पिता । एषाम् । प्रत्नः । अभि । रक्षति । व्रतम् ।
महः । समुद्रम् । वरुणः । तिरः । दधे । धीराः । इत् । शेकुः । धरुणेषु । आऽरभम् ॥
Padapatha Transcription Accented
pavítra-vantaḥ ǀ pári ǀ vā́cam ǀ āsate ǀ pitā́ ǀ eṣām ǀ pratnáḥ ǀ abhí ǀ rakṣati ǀ vratám ǀ
maháḥ ǀ samudrám ǀ váruṇaḥ ǀ tiráḥ ǀ dadhe ǀ dhī́rāḥ ǀ ít ǀ śekuḥ ǀ dharúṇeṣu ǀ ā-rábham ǁ
Padapatha Transcription Nonaccented
pavitra-vantaḥ ǀ pari ǀ vācam ǀ āsate ǀ pitā ǀ eṣām ǀ pratnaḥ ǀ abhi ǀ rakṣati ǀ vratam ǀ
mahaḥ ǀ samudram ǀ varuṇaḥ ǀ tiraḥ ǀ dadhe ǀ dhīrāḥ ǀ it ǀ śekuḥ ǀ dharuṇeṣu ǀ ā-rabham ǁ
09.073.04 (Mandala. Sukta. Rik)
7.2.29.04 (Ashtaka. Adhyaya. Varga. Rik)
09.04.052 (Mandala. Anuvāka. Rik)
Samhita Devanagari Accented
स॒हस्र॑धा॒रेऽव॒ ते सम॑स्वरंदि॒वो नाके॒ मधु॑जिह्वा अस॒श्चतः॑ ।
अस्य॒ स्पशो॒ न नि मि॑षंति॒ भूर्ण॑यः प॒देप॑दे पा॒शिनः॑ संति॒ सेत॑वः ॥
Samhita Devanagari Nonaccented
सहस्रधारेऽव ते समस्वरंदिवो नाके मधुजिह्वा असश्चतः ।
अस्य स्पशो न नि मिषंति भूर्णयः पदेपदे पाशिनः संति सेतवः ॥
Samhita Transcription Accented
sahásradhāré’va té sámasvarandivó nā́ke mádhujihvā asaścátaḥ ǀ
ásya spáśo ná ní miṣanti bhū́rṇayaḥ padépade pāśínaḥ santi sétavaḥ ǁ
Samhita Transcription Nonaccented
sahasradhāre’va te samasvarandivo nāke madhujihvā asaścataḥ ǀ
asya spaśo na ni miṣanti bhūrṇayaḥ padepade pāśinaḥ santi setavaḥ ǁ
Padapatha Devanagari Accented
स॒हस्र॑ऽधारे । अव॑ । ते । सम् । अ॒स॒र॒न् । दि॒वः । नाके॑ । मधु॑ऽजिह्वाः । अ॒स॒श्चतः॑ ।
अस्य॑ । स्पशः॑ । न । नि । मि॒ष॒न्ति॒ । भूर्ण॑यः । प॒देऽप॑दे । पा॒शिनः॑ । स॒न्ति॒ । सेत॑वः ॥
Padapatha Devanagari Nonaccented
सहस्रऽधारे । अव । ते । सम् । असरन् । दिवः । नाके । मधुऽजिह्वाः । असश्चतः ।
अस्य । स्पशः । न । नि । मिषन्ति । भूर्णयः । पदेऽपदे । पाशिनः । सन्ति । सेतवः ॥
Padapatha Transcription Accented
sahásra-dhāre ǀ áva ǀ té ǀ sám ǀ asaran ǀ diváḥ ǀ nā́ke ǀ mádhu-jihvāḥ ǀ asaścátaḥ ǀ
ásya ǀ spáśaḥ ǀ ná ǀ ní ǀ miṣanti ǀ bhū́rṇayaḥ ǀ padé-pade ǀ pāśínaḥ ǀ santi ǀ sétavaḥ ǁ
Padapatha Transcription Nonaccented
sahasra-dhāre ǀ ava ǀ te ǀ sam ǀ asaran ǀ divaḥ ǀ nāke ǀ madhu-jihvāḥ ǀ asaścataḥ ǀ
asya ǀ spaśaḥ ǀ na ǀ ni ǀ miṣanti ǀ bhūrṇayaḥ ǀ pade-pade ǀ pāśinaḥ ǀ santi ǀ setavaḥ ǁ
09.073.05 (Mandala. Sukta. Rik)
7.2.29.05 (Ashtaka. Adhyaya. Varga. Rik)
09.04.053 (Mandala. Anuvāka. Rik)
Samhita Devanagari Accented
पि॒तुर्मा॒तुरध्या ये स॒मस्व॑रन्नृ॒चा शोचं॑तः सं॒दहं॑तो अव्र॒तान् ।
इंद्र॑द्विष्टा॒मप॑ धमंति मा॒यया॒ त्वच॒मसि॑क्नीं॒ भूम॑नो दि॒वस्परि॑ ॥
Samhita Devanagari Nonaccented
पितुर्मातुरध्या ये समस्वरन्नृचा शोचंतः संदहंतो अव्रतान् ।
इंद्रद्विष्टामप धमंति मायया त्वचमसिक्नीं भूमनो दिवस्परि ॥
Samhita Transcription Accented
pitúrmātúrádhyā́ yé samásvarannṛcā́ śócantaḥ saṃdáhanto avratā́n ǀ
índradviṣṭāmápa dhamanti māyáyā tvácamásiknīm bhū́mano diváspári ǁ
Samhita Transcription Nonaccented
piturmāturadhyā ye samasvarannṛcā śocantaḥ saṃdahanto avratān ǀ
indradviṣṭāmapa dhamanti māyayā tvacamasiknīm bhūmano divaspari ǁ
Padapatha Devanagari Accented
पि॒तुः । मा॒तुः । अधि॑ । आ । ये । स॒म्ऽअस्व॑रन् । ऋ॒चा । शोच॑न्तः । स॒म्ऽदह॑न्तः । अ॒व्र॒तान् ।
इन्द्र॑ऽद्विष्टाम् । अप॑ । ध॒म॒न्ति॒ । मा॒यया॑ । त्वच॑म् । असि॑क्नीम् । भूम॑नः । दि॒वः । परि॑ ॥
Padapatha Devanagari Nonaccented
पितुः । मातुः । अधि । आ । ये । सम्ऽअस्वरन् । ऋचा । शोचन्तः । सम्ऽदहन्तः । अव्रतान् ।
इन्द्रऽद्विष्टाम् । अप । धमन्ति । मायया । त्वचम् । असिक्नीम् । भूमनः । दिवः । परि ॥
Padapatha Transcription Accented
pitúḥ ǀ mātúḥ ǀ ádhi ǀ ā́ ǀ yé ǀ sam-ásvaran ǀ ṛcā́ ǀ śócantaḥ ǀ sam-dáhantaḥ ǀ avratā́n ǀ
índra-dviṣṭām ǀ ápa ǀ dhamanti ǀ māyáyā ǀ tvácam ǀ ásiknīm ǀ bhū́manaḥ ǀ diváḥ ǀ pári ǁ
Padapatha Transcription Nonaccented
pituḥ ǀ mātuḥ ǀ adhi ǀ ā ǀ ye ǀ sam-asvaran ǀ ṛcā ǀ śocantaḥ ǀ sam-dahantaḥ ǀ avratān ǀ
indra-dviṣṭām ǀ apa ǀ dhamanti ǀ māyayā ǀ tvacam ǀ asiknīm ǀ bhūmanaḥ ǀ divaḥ ǀ pari ǁ
09.073.06 (Mandala. Sukta. Rik)
7.2.30.01 (Ashtaka. Adhyaya. Varga. Rik)
09.04.054 (Mandala. Anuvāka. Rik)
Samhita Devanagari Accented
प्र॒त्नान्माना॒दध्या ये स॒मस्व॑रं॒छ्लोक॑यंत्रासो रभ॒सस्य॒ मंत॑वः ।
अपा॑न॒क्षासो॑ बधि॒रा अ॑हासत ऋ॒तस्य॒ पंथां॒ न त॑रंति दु॒ष्कृतः॑ ॥
Samhita Devanagari Nonaccented
प्रत्नान्मानादध्या ये समस्वरंछ्लोकयंत्रासो रभसस्य मंतवः ।
अपानक्षासो बधिरा अहासत ऋतस्य पंथां न तरंति दुष्कृतः ॥
Samhita Transcription Accented
pratnā́nmā́nādádhyā́ yé samásvarañchlókayantrāso rabhasásya mántavaḥ ǀ
ápānakṣā́so badhirā́ ahāsata ṛtásya pánthām ná taranti duṣkṛ́taḥ ǁ
Samhita Transcription Nonaccented
pratnānmānādadhyā ye samasvarañchlokayantrāso rabhasasya mantavaḥ ǀ
apānakṣāso badhirā ahāsata ṛtasya panthām na taranti duṣkṛtaḥ ǁ
Padapatha Devanagari Accented
प्र॒त्नात् । माना॑त् । अधि॑ । आ । ये । स॒म्ऽअस्व॑रन् । श्लोक॑ऽयन्त्रासः । र॒भ॒सस्य॑ । मन्त॑वः ।
अप॑ । अ॒न॒क्षासः॑ । ब॒धि॒राः । अ॒हा॒स॒त॒ । ऋ॒तस्य॑ । पन्था॑म् । न । त॒र॒न्ति॒ । दुः॒ऽकृतः॑ ॥
Padapatha Devanagari Nonaccented
प्रत्नात् । मानात् । अधि । आ । ये । सम्ऽअस्वरन् । श्लोकऽयन्त्रासः । रभसस्य । मन्तवः ।
अप । अनक्षासः । बधिराः । अहासत । ऋतस्य । पन्थाम् । न । तरन्ति । दुःऽकृतः ॥
Padapatha Transcription Accented
pratnā́t ǀ mā́nāt ǀ ádhi ǀ ā́ ǀ yé ǀ sam-ásvaran ǀ ślóka-yantrāsaḥ ǀ rabhasásya ǀ mántavaḥ ǀ
ápa ǀ anakṣā́saḥ ǀ badhirā́ḥ ǀ ahāsata ǀ ṛtásya ǀ pánthām ǀ ná ǀ taranti ǀ duḥ-kṛ́taḥ ǁ
Padapatha Transcription Nonaccented
pratnāt ǀ mānāt ǀ adhi ǀ ā ǀ ye ǀ sam-asvaran ǀ śloka-yantrāsaḥ ǀ rabhasasya ǀ mantavaḥ ǀ
apa ǀ anakṣāsaḥ ǀ badhirāḥ ǀ ahāsata ǀ ṛtasya ǀ panthām ǀ na ǀ taranti ǀ duḥ-kṛtaḥ ǁ
09.073.07 (Mandala. Sukta. Rik)
7.2.30.02 (Ashtaka. Adhyaya. Varga. Rik)
09.04.055 (Mandala. Anuvāka. Rik)
Samhita Devanagari Accented
स॒हस्र॑धारे॒ वित॑ते प॒वित्र॒ आ वाचं॑ पुनंति क॒वयो॑ मनी॒षिणः॑ ।
रु॒द्रास॑ एषामिषि॒रासो॑ अ॒द्रुहः॒ स्पशः॒ स्वंचः॑ सु॒दृशो॑ नृ॒चक्ष॑सः ॥
Samhita Devanagari Nonaccented
सहस्रधारे वितते पवित्र आ वाचं पुनंति कवयो मनीषिणः ।
रुद्रास एषामिषिरासो अद्रुहः स्पशः स्वंचः सुदृशो नृचक्षसः ॥
Samhita Transcription Accented
sahásradhāre vítate pavítra ā́ vā́cam punanti kaváyo manīṣíṇaḥ ǀ
rudrā́sa eṣāmiṣirā́so adrúhaḥ spáśaḥ sváñcaḥ sudṛ́śo nṛcákṣasaḥ ǁ
Samhita Transcription Nonaccented
sahasradhāre vitate pavitra ā vācam punanti kavayo manīṣiṇaḥ ǀ
rudrāsa eṣāmiṣirāso adruhaḥ spaśaḥ svañcaḥ sudṛśo nṛcakṣasaḥ ǁ
Padapatha Devanagari Accented
स॒हस्र॑ऽधारे । विऽत॑ते । प॒वित्रे॑ । आ । वाच॑म् । पु॒न॒न्ति॒ । क॒वयः॑ । म॒नी॒षिणः॑ ।
रु॒द्रासः॑ । ए॒षा॒म् । इ॒षि॒रासः॑ । अ॒द्रुहः॑ । स्पशः॑ । सु॒ऽअञ्चः॑ । सु॒ऽदृशः॑ । नृ॒ऽचक्ष॑सः ॥
Padapatha Devanagari Nonaccented
सहस्रऽधारे । विऽतते । पवित्रे । आ । वाचम् । पुनन्ति । कवयः । मनीषिणः ।
रुद्रासः । एषाम् । इषिरासः । अद्रुहः । स्पशः । सुऽअञ्चः । सुऽदृशः । नृऽचक्षसः ॥
Padapatha Transcription Accented
sahásra-dhāre ǀ ví-tate ǀ pavítre ǀ ā́ ǀ vā́cam ǀ punanti ǀ kaváyaḥ ǀ manīṣíṇaḥ ǀ
rudrā́saḥ ǀ eṣām ǀ iṣirā́saḥ ǀ adrúhaḥ ǀ spáśaḥ ǀ su-áñcaḥ ǀ su-dṛ́śaḥ ǀ nṛ-cákṣasaḥ ǁ
Padapatha Transcription Nonaccented
sahasra-dhāre ǀ vi-tate ǀ pavitre ǀ ā ǀ vācam ǀ punanti ǀ kavayaḥ ǀ manīṣiṇaḥ ǀ
rudrāsaḥ ǀ eṣām ǀ iṣirāsaḥ ǀ adruhaḥ ǀ spaśaḥ ǀ su-añcaḥ ǀ su-dṛśaḥ ǀ nṛ-cakṣasaḥ ǁ
09.073.08 (Mandala. Sukta. Rik)
7.2.30.03 (Ashtaka. Adhyaya. Varga. Rik)
09.04.056 (Mandala. Anuvāka. Rik)
Samhita Devanagari Accented
ऋ॒तस्य॑ गो॒पा न दभा॑य सु॒क्रतु॒स्त्री ष प॒वित्रा॑ हृ॒द्यं१॒॑तरा द॑धे ।
वि॒द्वान्त्स विश्वा॒ भुव॑ना॒भि प॑श्य॒त्यवाजु॑ष्टान्विध्यति क॒र्ते अ॑व्र॒तान् ॥
Samhita Devanagari Nonaccented
ऋतस्य गोपा न दभाय सुक्रतुस्त्री ष पवित्रा हृद्यंतरा दधे ।
विद्वान्त्स विश्वा भुवनाभि पश्यत्यवाजुष्टान्विध्यति कर्ते अव्रतान् ॥
Samhita Transcription Accented
ṛtásya gopā́ ná dábhāya sukrátustrī́ ṣá pavítrā hṛdyántárā́ dadhe ǀ
vidvā́ntsá víśvā bhúvanābhí paśyatyávā́juṣṭānvidhyati karté avratā́n ǁ
Samhita Transcription Nonaccented
ṛtasya gopā na dabhāya sukratustrī ṣa pavitrā hṛdyantarā dadhe ǀ
vidvāntsa viśvā bhuvanābhi paśyatyavājuṣṭānvidhyati karte avratān ǁ
Padapatha Devanagari Accented
ऋ॒तस्य॑ । गो॒पाः । न । दभा॑य । सु॒ऽक्रतुः॑ । त्री । सः । प॒वित्रा॑ । हृ॒दि । अ॒न्तः । आ । द॒धे॒ ।
वि॒द्वान् । सः । विश्वा॑ । भुव॑ना । अ॒भि । प॒श्य॒ति॒ । अव॑ । अजु॑ष्टान् । वि॒ध्य॒ति॒ । क॒र्ते । अ॒व्र॒तान् ॥
Padapatha Devanagari Nonaccented
ऋतस्य । गोपाः । न । दभाय । सुऽक्रतुः । त्री । सः । पवित्रा । हृदि । अन्तः । आ । दधे ।
विद्वान् । सः । विश्वा । भुवना । अभि । पश्यति । अव । अजुष्टान् । विध्यति । कर्ते । अव्रतान् ॥
Padapatha Transcription Accented
ṛtásya ǀ gopā́ḥ ǀ ná ǀ dábhāya ǀ su-krátuḥ ǀ trī́ ǀ sáḥ ǀ pavítrā ǀ hṛdí ǀ antáḥ ǀ ā́ ǀ dadhe ǀ
vidvā́n ǀ sáḥ ǀ víśvā ǀ bhúvanā ǀ abhí ǀ paśyati ǀ áva ǀ ájuṣṭān ǀ vidhyati ǀ karté ǀ avratā́n ǁ
Padapatha Transcription Nonaccented
ṛtasya ǀ gopāḥ ǀ na ǀ dabhāya ǀ su-kratuḥ ǀ trī ǀ saḥ ǀ pavitrā ǀ hṛdi ǀ antaḥ ǀ ā ǀ dadhe ǀ
vidvān ǀ saḥ ǀ viśvā ǀ bhuvanā ǀ abhi ǀ paśyati ǀ ava ǀ ajuṣṭān ǀ vidhyati ǀ karte ǀ avratān ǁ
09.073.09 (Mandala. Sukta. Rik)
7.2.30.04 (Ashtaka. Adhyaya. Varga. Rik)
09.04.057 (Mandala. Anuvāka. Rik)
Samhita Devanagari Accented
ऋ॒तस्य॒ तंतु॒र्वित॑तः प॒वित्र॒ आ जि॒ह्वाया॒ अग्रे॒ वरु॑णस्य मा॒यया॑ ।
धीरा॑श्चि॒त्तत्स॒मिन॑क्षंत आश॒तात्रा॑ क॒र्तमव॑ पदा॒त्यप्र॑भुः ॥
Samhita Devanagari Nonaccented
ऋतस्य तंतुर्विततः पवित्र आ जिह्वाया अग्रे वरुणस्य मायया ।
धीराश्चित्तत्समिनक्षंत आशतात्रा कर्तमव पदात्यप्रभुः ॥
Samhita Transcription Accented
ṛtásya tánturvítataḥ pavítra ā́ jihvā́yā ágre váruṇasya māyáyā ǀ
dhī́rāścittátsamínakṣanta āśatā́trā kartámáva padātyáprabhuḥ ǁ
Samhita Transcription Nonaccented
ṛtasya tanturvitataḥ pavitra ā jihvāyā agre varuṇasya māyayā ǀ
dhīrāścittatsaminakṣanta āśatātrā kartamava padātyaprabhuḥ ǁ
Padapatha Devanagari Accented
ऋ॒तस्य॑ । तन्तुः॑ । विऽत॑तः । प॒वित्रे॑ । आ । जि॒ह्वायाः॑ । अग्रे॑ । वरु॑णस्य । मा॒यया॑ ।
धीराः॑ । चि॒त् । तत् । स॒म्ऽइन॑क्षन्तः । आ॒श॒त॒ । अत्र॑ । क॒र्तम् । अव॑ । प॒दा॒ति॒ । अप्र॑ऽभुः ॥
Padapatha Devanagari Nonaccented
ऋतस्य । तन्तुः । विऽततः । पवित्रे । आ । जिह्वायाः । अग्रे । वरुणस्य । मायया ।
धीराः । चित् । तत् । सम्ऽइनक्षन्तः । आशत । अत्र । कर्तम् । अव । पदाति । अप्रऽभुः ॥
Padapatha Transcription Accented
ṛtásya ǀ tántuḥ ǀ ví-tataḥ ǀ pavítre ǀ ā́ ǀ jihvā́yāḥ ǀ ágre ǀ váruṇasya ǀ māyáyā ǀ
dhī́rāḥ ǀ cit ǀ tát ǀ sam-ínakṣantaḥ ǀ āśata ǀ átra ǀ kartám ǀ áva ǀ padāti ǀ ápra-bhuḥ ǁ
Padapatha Transcription Nonaccented
ṛtasya ǀ tantuḥ ǀ vi-tataḥ ǀ pavitre ǀ ā ǀ jihvāyāḥ ǀ agre ǀ varuṇasya ǀ māyayā ǀ
dhīrāḥ ǀ cit ǀ tat ǀ sam-inakṣantaḥ ǀ āśata ǀ atra ǀ kartam ǀ ava ǀ padāti ǀ apra-bhuḥ ǁ