|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 75
|
1. Info |
| To: | soma pavamāna | |
| From: | kavi bhārgava | |
| Metres: | 1st set of styles: nicṛjjagatī (1, 3, 4); pādanicṛjjgatī (2); virāḍjagatī (5) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.075.01 (Mandala. Sukta. Rik)
7.2.33.01 (Ashtaka. Adhyaya. Varga. Rik)
09.04.067 (Mandala. Anuvāka. Rik)
Samhita Devanagari Accented
अ॒भि प्रि॒याणि॑ पवते॒ चनो॑हितो॒ नामा॑नि य॒ह्वो अधि॒ येषु॒ वर्ध॑ते ।
आ सूर्य॑स्य बृह॒तो बृ॒हन्नधि॒ रथं॒ विष्वं॑चमरुहद्विचक्ष॒णः ॥
Samhita Devanagari Nonaccented
अभि प्रियाणि पवते चनोहितो नामानि यह्वो अधि येषु वर्धते ।
आ सूर्यस्य बृहतो बृहन्नधि रथं विष्वंचमरुहद्विचक्षणः ॥
Samhita Transcription Accented
abhí priyā́ṇi pavate cánohito nā́māni yahvó ádhi yéṣu várdhate ǀ
ā́ sū́ryasya bṛható bṛhánnádhi rátham víṣvañcamaruhadvicakṣaṇáḥ ǁ
Samhita Transcription Nonaccented
abhi priyāṇi pavate canohito nāmāni yahvo adhi yeṣu vardhate ǀ
ā sūryasya bṛhato bṛhannadhi ratham viṣvañcamaruhadvicakṣaṇaḥ ǁ
Padapatha Devanagari Accented
अ॒भि । प्रि॒याणि॑ । प॒व॒ते॒ । चनः॑ऽहितः । नामा॑नि । य॒ह्वः । अधि॑ । येषु॑ । वर्ध॑ते ।
आ । सूर्य॑स्य । बृ॒ह॒तः । बृ॒हन् । अधि॑ । रथ॑म् । विष्व॑ञ्चम् । अ॒रु॒ह॒त् । वि॒ऽच॒क्ष॒णः ॥
Padapatha Devanagari Nonaccented
अभि । प्रियाणि । पवते । चनःऽहितः । नामानि । यह्वः । अधि । येषु । वर्धते ।
आ । सूर्यस्य । बृहतः । बृहन् । अधि । रथम् । विष्वञ्चम् । अरुहत् । विऽचक्षणः ॥
Padapatha Transcription Accented
abhí ǀ priyā́ṇi ǀ pavate ǀ cánaḥ-hitaḥ ǀ nā́māni ǀ yahváḥ ǀ ádhi ǀ yéṣu ǀ várdhate ǀ
ā́ ǀ sū́ryasya ǀ bṛhatáḥ ǀ bṛhán ǀ ádhi ǀ rátham ǀ víṣvañcam ǀ aruhat ǀ vi-cakṣaṇáḥ ǁ
Padapatha Transcription Nonaccented
abhi ǀ priyāṇi ǀ pavate ǀ canaḥ-hitaḥ ǀ nāmāni ǀ yahvaḥ ǀ adhi ǀ yeṣu ǀ vardhate ǀ
ā ǀ sūryasya ǀ bṛhataḥ ǀ bṛhan ǀ adhi ǀ ratham ǀ viṣvañcam ǀ aruhat ǀ vi-cakṣaṇaḥ ǁ
09.075.02 (Mandala. Sukta. Rik)
7.2.33.02 (Ashtaka. Adhyaya. Varga. Rik)
09.04.068 (Mandala. Anuvāka. Rik)
Samhita Devanagari Accented
ऋ॒तस्य॑ जि॒ह्वा प॑वते॒ मधु॑ प्रि॒यं व॒क्ता पति॑र्धि॒यो अ॒स्या अदा॑भ्यः ।
दधा॑ति पु॒त्रः पि॒त्रोर॑पी॒च्यं१॒॑ नाम॑ तृ॒तीय॒मधि॑ रोच॒ने दि॒वः ॥
Samhita Devanagari Nonaccented
ऋतस्य जिह्वा पवते मधु प्रियं वक्ता पतिर्धियो अस्या अदाभ्यः ।
दधाति पुत्रः पित्रोरपीच्यं नाम तृतीयमधि रोचने दिवः ॥
Samhita Transcription Accented
ṛtásya jihvā́ pavate mádhu priyám vaktā́ pátirdhiyó asyā́ ádābhyaḥ ǀ
dádhāti putráḥ pitrórapīcyám nā́ma tṛtī́yamádhi rocané diváḥ ǁ
Samhita Transcription Nonaccented
ṛtasya jihvā pavate madhu priyam vaktā patirdhiyo asyā adābhyaḥ ǀ
dadhāti putraḥ pitrorapīcyam nāma tṛtīyamadhi rocane divaḥ ǁ
Padapatha Devanagari Accented
ऋ॒तस्य॑ । जि॒ह्वा । प॒व॒ते॒ । मधु॑ । प्रि॒यम् । व॒क्ता । पतिः॑ । धि॒यः । अ॒स्याः । अदा॑भ्यः ।
दधा॑ति । पु॒त्रः । पि॒त्रोः । अ॒पी॒च्य॑म् । नाम॑ । तृ॒तीय॑म् । अधि॑ । रो॒च॒ने । दि॒वः ॥
Padapatha Devanagari Nonaccented
ऋतस्य । जिह्वा । पवते । मधु । प्रियम् । वक्ता । पतिः । धियः । अस्याः । अदाभ्यः ।
दधाति । पुत्रः । पित्रोः । अपीच्यम् । नाम । तृतीयम् । अधि । रोचने । दिवः ॥
Padapatha Transcription Accented
ṛtásya ǀ jihvā́ ǀ pavate ǀ mádhu ǀ priyám ǀ vaktā́ ǀ pátiḥ ǀ dhiyáḥ ǀ asyā́ḥ ǀ ádābhyaḥ ǀ
dádhāti ǀ putráḥ ǀ pitróḥ ǀ apīcyám ǀ nā́ma ǀ tṛtī́yam ǀ ádhi ǀ rocané ǀ diváḥ ǁ
Padapatha Transcription Nonaccented
ṛtasya ǀ jihvā ǀ pavate ǀ madhu ǀ priyam ǀ vaktā ǀ patiḥ ǀ dhiyaḥ ǀ asyāḥ ǀ adābhyaḥ ǀ
dadhāti ǀ putraḥ ǀ pitroḥ ǀ apīcyam ǀ nāma ǀ tṛtīyam ǀ adhi ǀ rocane ǀ divaḥ ǁ
09.075.03 (Mandala. Sukta. Rik)
7.2.33.03 (Ashtaka. Adhyaya. Varga. Rik)
09.04.069 (Mandala. Anuvāka. Rik)
Samhita Devanagari Accented
अव॑ द्युता॒नः क॒लशाँ॑ अचिक्रद॒न्नृभि॑र्येमा॒नः कोश॒ आ हि॑र॒ण्यये॑ ।
अ॒भीमृ॒तस्य॑ दो॒हना॑ अनूष॒ताधि॑ त्रिपृ॒ष्ठ उ॒षसो॒ वि रा॑जति ॥
Samhita Devanagari Nonaccented
अव द्युतानः कलशाँ अचिक्रदन्नृभिर्येमानः कोश आ हिरण्यये ।
अभीमृतस्य दोहना अनूषताधि त्रिपृष्ठ उषसो वि राजति ॥
Samhita Transcription Accented
áva dyutānáḥ kaláśām̐ acikradannṛ́bhiryemānáḥ kóśa ā́ hiraṇyáye ǀ
abhī́mṛtásya dohánā anūṣatā́dhi tripṛṣṭhá uṣáso ví rājati ǁ
Samhita Transcription Nonaccented
ava dyutānaḥ kalaśām̐ acikradannṛbhiryemānaḥ kośa ā hiraṇyaye ǀ
abhīmṛtasya dohanā anūṣatādhi tripṛṣṭha uṣaso vi rājati ǁ
Padapatha Devanagari Accented
अव॑ । द्यु॒ता॒नः । क॒लशा॑न् । अ॒चि॒क्र॒द॒त् । नृऽभिः॑ । ये॒मा॒नः । कोशे॑ । आ । हि॒र॒ण्यये॑ ।
अ॒भि । ई॒म् । ऋ॒तस्य॑ । दो॒हनाः॑ । अ॒नू॒ष॒त॒ । अधि॑ । त्रि॒ऽपृ॒ष्ठः । उ॒षसः॑ । वि । रा॒ज॒ति॒ ॥
Padapatha Devanagari Nonaccented
अव । द्युतानः । कलशान् । अचिक्रदत् । नृऽभिः । येमानः । कोशे । आ । हिरण्यये ।
अभि । ईम् । ऋतस्य । दोहनाः । अनूषत । अधि । त्रिऽपृष्ठः । उषसः । वि । राजति ॥
Padapatha Transcription Accented
áva ǀ dyutānáḥ ǀ kaláśān ǀ acikradat ǀ nṛ́-bhiḥ ǀ yemānáḥ ǀ kóśe ǀ ā́ ǀ hiraṇyáye ǀ
abhí ǀ īm ǀ ṛtásya ǀ dohánāḥ ǀ anūṣata ǀ ádhi ǀ tri-pṛṣṭháḥ ǀ uṣásaḥ ǀ ví ǀ rājati ǁ
Padapatha Transcription Nonaccented
ava ǀ dyutānaḥ ǀ kalaśān ǀ acikradat ǀ nṛ-bhiḥ ǀ yemānaḥ ǀ kośe ǀ ā ǀ hiraṇyaye ǀ
abhi ǀ īm ǀ ṛtasya ǀ dohanāḥ ǀ anūṣata ǀ adhi ǀ tri-pṛṣṭhaḥ ǀ uṣasaḥ ǀ vi ǀ rājati ǁ
09.075.04 (Mandala. Sukta. Rik)
7.2.33.04 (Ashtaka. Adhyaya. Varga. Rik)
09.04.070 (Mandala. Anuvāka. Rik)
Samhita Devanagari Accented
अद्रि॑भिः सु॒तो म॒तिभि॒श्चनो॑हितः प्ररो॒चय॒न्रोद॑सी मा॒तरा॒ शुचिः॑ ।
रोमा॒ण्यव्या॑ स॒मया॒ वि धा॑वति॒ मधो॒र्धारा॒ पिन्व॑माना दि॒वेदि॑वे ॥
Samhita Devanagari Nonaccented
अद्रिभिः सुतो मतिभिश्चनोहितः प्ररोचयन्रोदसी मातरा शुचिः ।
रोमाण्यव्या समया वि धावति मधोर्धारा पिन्वमाना दिवेदिवे ॥
Samhita Transcription Accented
ádribhiḥ sutó matíbhiścánohitaḥ prarocáyanródasī mātárā śúciḥ ǀ
rómāṇyávyā samáyā ví dhāvati mádhordhā́rā pínvamānā divédive ǁ
Samhita Transcription Nonaccented
adribhiḥ suto matibhiścanohitaḥ prarocayanrodasī mātarā śuciḥ ǀ
romāṇyavyā samayā vi dhāvati madhordhārā pinvamānā divedive ǁ
Padapatha Devanagari Accented
अद्रि॑ऽभिः । सु॒तः । म॒तिऽभिः॑ । चनः॑ऽहितः । प्र॒ऽरो॒चय॑न् । रोद॑सी॒ इति॑ । मा॒तरा॑ । शुचिः॑ ।
रोमा॑णि । अव्या॑ । स॒मया॑ । वि । धा॒व॒ति॒ । मधोः॑ । धारा॑ । पिन्व॑माना । दि॒वेऽदि॑वे ॥
Padapatha Devanagari Nonaccented
अद्रिऽभिः । सुतः । मतिऽभिः । चनःऽहितः । प्रऽरोचयन् । रोदसी इति । मातरा । शुचिः ।
रोमाणि । अव्या । समया । वि । धावति । मधोः । धारा । पिन्वमाना । दिवेऽदिवे ॥
Padapatha Transcription Accented
ádri-bhiḥ ǀ sutáḥ ǀ matí-bhiḥ ǀ cánaḥ-hitaḥ ǀ pra-rocáyan ǀ ródasī íti ǀ mātárā ǀ śúciḥ ǀ
rómāṇi ǀ ávyā ǀ samáyā ǀ ví ǀ dhāvati ǀ mádhoḥ ǀ dhā́rā ǀ pínvamānā ǀ divé-dive ǁ
Padapatha Transcription Nonaccented
adri-bhiḥ ǀ sutaḥ ǀ mati-bhiḥ ǀ canaḥ-hitaḥ ǀ pra-rocayan ǀ rodasī iti ǀ mātarā ǀ śuciḥ ǀ
romāṇi ǀ avyā ǀ samayā ǀ vi ǀ dhāvati ǀ madhoḥ ǀ dhārā ǀ pinvamānā ǀ dive-dive ǁ
09.075.05 (Mandala. Sukta. Rik)
7.2.33.05 (Ashtaka. Adhyaya. Varga. Rik)
09.04.071 (Mandala. Anuvāka. Rik)
Samhita Devanagari Accented
परि॑ सोम॒ प्र ध॑न्वा स्व॒स्तये॒ नृभिः॑ पुना॒नो अ॒भि वा॑सया॒शिरं॑ ।
ये ते॒ मदा॑ आह॒नसो॒ विहा॑यस॒स्तेभि॒रिंद्रं॑ चोदय॒ दात॑वे म॒घं ॥
Samhita Devanagari Nonaccented
परि सोम प्र धन्वा स्वस्तये नृभिः पुनानो अभि वासयाशिरं ।
ये ते मदा आहनसो विहायसस्तेभिरिंद्रं चोदय दातवे मघं ॥
Samhita Transcription Accented
pári soma prá dhanvā svastáye nṛ́bhiḥ punānó abhí vāsayāśíram ǀ
yé te mádā āhanáso víhāyasastébhiríndram codaya dā́tave maghám ǁ
Samhita Transcription Nonaccented
pari soma pra dhanvā svastaye nṛbhiḥ punāno abhi vāsayāśiram ǀ
ye te madā āhanaso vihāyasastebhirindram codaya dātave magham ǁ
Padapatha Devanagari Accented
परि॑ । सो॒म॒ । प्र । ध॒न्व॒ । स्व॒स्तये॑ । नृऽभिः॑ । पु॒ना॒नः । अ॒भि । वा॒स॒य॒ । आ॒ऽशिर॑म् ।
ये । ते॒ । मदाः॑ । आ॒ह॒नसः॑ । विऽहा॑यसः । तेभिः॑ । इन्द्र॑म् । चो॒द॒य॒ । दात॑वे । म॒घम् ॥
Padapatha Devanagari Nonaccented
परि । सोम । प्र । धन्व । स्वस्तये । नृऽभिः । पुनानः । अभि । वासय । आऽशिरम् ।
ये । ते । मदाः । आहनसः । विऽहायसः । तेभिः । इन्द्रम् । चोदय । दातवे । मघम् ॥
Padapatha Transcription Accented
pári ǀ soma ǀ prá ǀ dhanva ǀ svastáye ǀ nṛ́-bhiḥ ǀ punānáḥ ǀ abhí ǀ vāsaya ǀ ā-śíram ǀ
yé ǀ te ǀ mádāḥ ǀ āhanásaḥ ǀ ví-hāyasaḥ ǀ tébhiḥ ǀ índram ǀ codaya ǀ dā́tave ǀ maghám ǁ
Padapatha Transcription Nonaccented
pari ǀ soma ǀ pra ǀ dhanva ǀ svastaye ǀ nṛ-bhiḥ ǀ punānaḥ ǀ abhi ǀ vāsaya ǀ ā-śiram ǀ
ye ǀ te ǀ madāḥ ǀ āhanasaḥ ǀ vi-hāyasaḥ ǀ tebhiḥ ǀ indram ǀ codaya ǀ dātave ǀ magham ǁ