|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 76
|
1. Info |
| To: | soma pavamāna | |
| From: | kavi bhārgava | |
| Metres: | 1st set of styles: nicṛjjagatī (3, 5); triṣṭup (1); virāḍjagatī (2); pādanicṛjjgatī (4) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.076.01 (Mandala. Sukta. Rik)
7.3.01.01 (Ashtaka. Adhyaya. Varga. Rik)
09.04.072 (Mandala. Anuvāka. Rik)
Samhita Devanagari Accented
ध॒र्ता दि॒वः प॑वते॒ कृत्व्यो॒ रसो॒ दक्षो॑ दे॒वाना॑मनु॒माद्यो॒ नृभिः॑ ।
हरिः॑ सृजा॒नो अत्यो॒ न सत्व॑भि॒र्वृथा॒ पाजां॑सि कृणुते न॒दीष्वा ॥
Samhita Devanagari Nonaccented
धर्ता दिवः पवते कृत्व्यो रसो दक्षो देवानामनुमाद्यो नृभिः ।
हरिः सृजानो अत्यो न सत्वभिर्वृथा पाजांसि कृणुते नदीष्वा ॥
Samhita Transcription Accented
dhartā́ diváḥ pavate kṛ́tvyo ráso dákṣo devā́nāmanumā́dyo nṛ́bhiḥ ǀ
háriḥ sṛjānó átyo ná sátvabhirvṛ́thā pā́jāṃsi kṛṇute nadī́ṣvā ǁ
Samhita Transcription Nonaccented
dhartā divaḥ pavate kṛtvyo raso dakṣo devānāmanumādyo nṛbhiḥ ǀ
hariḥ sṛjāno atyo na satvabhirvṛthā pājāṃsi kṛṇute nadīṣvā ǁ
Padapatha Devanagari Accented
ध॒र्ता । दि॒वः । प॒व॒ते॒ । कृत्व्यः॑ । रसः॑ । दक्षः॑ । दे॒वाना॑म् । अ॒नु॒ऽमाद्यः॑ । नृऽभिः॑ ।
हरिः॑ । सृ॒जा॒नः । अत्यः॑ । न । सत्व॑ऽभिः । वृथा॑ । पाजां॑सि । कृ॒णु॒ते॒ । न॒दीषु॑ । आ ॥
Padapatha Devanagari Nonaccented
धर्ता । दिवः । पवते । कृत्व्यः । रसः । दक्षः । देवानाम् । अनुऽमाद्यः । नृऽभिः ।
हरिः । सृजानः । अत्यः । न । सत्वऽभिः । वृथा । पाजांसि । कृणुते । नदीषु । आ ॥
Padapatha Transcription Accented
dhartā́ ǀ diváḥ ǀ pavate ǀ kṛ́tvyaḥ ǀ rásaḥ ǀ dákṣaḥ ǀ devā́nām ǀ anu-mā́dyaḥ ǀ nṛ́-bhiḥ ǀ
háriḥ ǀ sṛjānáḥ ǀ átyaḥ ǀ ná ǀ sátva-bhiḥ ǀ vṛ́thā ǀ pā́jāṃsi ǀ kṛṇute ǀ nadī́ṣu ǀ ā́ ǁ
Padapatha Transcription Nonaccented
dhartā ǀ divaḥ ǀ pavate ǀ kṛtvyaḥ ǀ rasaḥ ǀ dakṣaḥ ǀ devānām ǀ anu-mādyaḥ ǀ nṛ-bhiḥ ǀ
hariḥ ǀ sṛjānaḥ ǀ atyaḥ ǀ na ǀ satva-bhiḥ ǀ vṛthā ǀ pājāṃsi ǀ kṛṇute ǀ nadīṣu ǀ ā ǁ
09.076.02 (Mandala. Sukta. Rik)
7.3.01.02 (Ashtaka. Adhyaya. Varga. Rik)
09.04.073 (Mandala. Anuvāka. Rik)
Samhita Devanagari Accented
शूरो॒ न ध॑त्त॒ आयु॑धा॒ गभ॑स्त्योः॒ स्वः१॒॑ सिषा॑सन्रथि॒रो गवि॑ष्टिषु ।
इंद्र॑स्य॒ शुष्म॑मी॒रय॑न्नप॒स्युभि॒रिंदु॑र्हिन्वा॒नो अ॑ज्यते मनी॒षिभिः॑ ॥
Samhita Devanagari Nonaccented
शूरो न धत्त आयुधा गभस्त्योः स्वः सिषासन्रथिरो गविष्टिषु ।
इंद्रस्य शुष्ममीरयन्नपस्युभिरिंदुर्हिन्वानो अज्यते मनीषिभिः ॥
Samhita Transcription Accented
śū́ro ná dhatta ā́yudhā gábhastyoḥ sváḥ síṣāsanrathiró gáviṣṭiṣu ǀ
índrasya śúṣmamīráyannapasyúbhiríndurhinvānó ajyate manīṣíbhiḥ ǁ
Samhita Transcription Nonaccented
śūro na dhatta āyudhā gabhastyoḥ svaḥ siṣāsanrathiro gaviṣṭiṣu ǀ
indrasya śuṣmamīrayannapasyubhirindurhinvāno ajyate manīṣibhiḥ ǁ
Padapatha Devanagari Accented
शूरः॑ । न । ध॒त्ते॒ । आयु॑धा । गभ॑स्त्योः । स्व१॒॑रिति॑ स्वः॑ । सिसा॑सन् । र॒थि॒रः । गोऽइ॑ष्टिषु ।
इन्द्र॑स्य । शुष्म॑म् । ई॒रय॑न् । अ॒प॒स्युऽभिः॑ । इन्दुः॑ । हि॒न्वा॒नः । अ॒ज्य॒ते॒ । म॒नी॒षिऽभिः॑ ॥
Padapatha Devanagari Nonaccented
शूरः । न । धत्ते । आयुधा । गभस्त्योः । स्वरिति स्वः । सिसासन् । रथिरः । गोऽइष्टिषु ।
इन्द्रस्य । शुष्मम् । ईरयन् । अपस्युऽभिः । इन्दुः । हिन्वानः । अज्यते । मनीषिऽभिः ॥
Padapatha Transcription Accented
śū́raḥ ǀ ná ǀ dhatte ǀ ā́yudhā ǀ gábhastyoḥ ǀ sváríti sváḥ ǀ sísāsan ǀ rathiráḥ ǀ gó-iṣṭiṣu ǀ
índrasya ǀ śúṣmam ǀ īráyan ǀ apasyú-bhiḥ ǀ índuḥ ǀ hinvānáḥ ǀ ajyate ǀ manīṣí-bhiḥ ǁ
Padapatha Transcription Nonaccented
śūraḥ ǀ na ǀ dhatte ǀ āyudhā ǀ gabhastyoḥ ǀ svariti svaḥ ǀ sisāsan ǀ rathiraḥ ǀ go-iṣṭiṣu ǀ
indrasya ǀ śuṣmam ǀ īrayan ǀ apasyu-bhiḥ ǀ induḥ ǀ hinvānaḥ ǀ ajyate ǀ manīṣi-bhiḥ ǁ
09.076.03 (Mandala. Sukta. Rik)
7.3.01.03 (Ashtaka. Adhyaya. Varga. Rik)
09.04.074 (Mandala. Anuvāka. Rik)
Samhita Devanagari Accented
इंद्र॑स्य सोम॒ पव॑मान ऊ॒र्मिणा॑ तवि॒ष्यमा॑णो ज॒ठरे॒ष्वा वि॑श ।
प्र णः॑ पिन्व वि॒द्युद॒भ्रेव॒ रोद॑सी धि॒या न वाजाँ॒ उप॑ मासि॒ शश्व॑तः ॥
Samhita Devanagari Nonaccented
इंद्रस्य सोम पवमान ऊर्मिणा तविष्यमाणो जठरेष्वा विश ।
प्र णः पिन्व विद्युदभ्रेव रोदसी धिया न वाजाँ उप मासि शश्वतः ॥
Samhita Transcription Accented
índrasya soma pávamāna ūrmíṇā taviṣyámāṇo jaṭháreṣvā́ viśa ǀ
prá ṇaḥ pinva vidyúdabhréva ródasī dhiyā́ ná vā́jām̐ úpa māsi śáśvataḥ ǁ
Samhita Transcription Nonaccented
indrasya soma pavamāna ūrmiṇā taviṣyamāṇo jaṭhareṣvā viśa ǀ
pra ṇaḥ pinva vidyudabhreva rodasī dhiyā na vājām̐ upa māsi śaśvataḥ ǁ
Padapatha Devanagari Accented
इन्द्र॑स्य । सो॒म॒ । पव॑मानः । ऊ॒र्मिणा॑ । त॒वि॒ष्यमा॑णः । ज॒ठरे॑षु । आ । वि॒श॒ ।
प्र । नः॒ । पि॒न्व॒ । वि॒ऽद्युत् । अ॒भ्राऽइ॑व । रोद॑सी॒ इति॑ । धि॒या । न । वाजा॑न् । उप॑ । मा॒सि॒ । शश्व॑तः ॥
Padapatha Devanagari Nonaccented
इन्द्रस्य । सोम । पवमानः । ऊर्मिणा । तविष्यमाणः । जठरेषु । आ । विश ।
प्र । नः । पिन्व । विऽद्युत् । अभ्राऽइव । रोदसी इति । धिया । न । वाजान् । उप । मासि । शश्वतः ॥
Padapatha Transcription Accented
índrasya ǀ soma ǀ pávamānaḥ ǀ ūrmíṇā ǀ taviṣyámāṇaḥ ǀ jaṭháreṣu ǀ ā́ ǀ viśa ǀ
prá ǀ naḥ ǀ pinva ǀ vi-dyút ǀ abhrā́-iva ǀ ródasī íti ǀ dhiyā́ ǀ ná ǀ vā́jān ǀ úpa ǀ māsi ǀ śáśvataḥ ǁ
Padapatha Transcription Nonaccented
indrasya ǀ soma ǀ pavamānaḥ ǀ ūrmiṇā ǀ taviṣyamāṇaḥ ǀ jaṭhareṣu ǀ ā ǀ viśa ǀ
pra ǀ naḥ ǀ pinva ǀ vi-dyut ǀ abhrā-iva ǀ rodasī iti ǀ dhiyā ǀ na ǀ vājān ǀ upa ǀ māsi ǀ śaśvataḥ ǁ
09.076.04 (Mandala. Sukta. Rik)
7.3.01.04 (Ashtaka. Adhyaya. Varga. Rik)
09.04.075 (Mandala. Anuvāka. Rik)
Samhita Devanagari Accented
विश्व॑स्य॒ राजा॑ पवते स्व॒र्दृश॑ ऋ॒तस्य॑ धी॒तिमृ॑षि॒षाळ॑वीवशत् ।
यः सूर्य॒स्यासि॑रेण मृ॒ज्यते॑ पि॒ता म॑ती॒नामस॑मष्टकाव्यः ॥
Samhita Devanagari Nonaccented
विश्वस्य राजा पवते स्वर्दृश ऋतस्य धीतिमृषिषाळवीवशत् ।
यः सूर्यस्यासिरेण मृज्यते पिता मतीनामसमष्टकाव्यः ॥
Samhita Transcription Accented
víśvasya rā́jā pavate svardṛ́śa ṛtásya dhītímṛṣiṣā́ḷavīvaśat ǀ
yáḥ sū́ryasyā́sireṇa mṛjyáte pitā́ matīnā́másamaṣṭakāvyaḥ ǁ
Samhita Transcription Nonaccented
viśvasya rājā pavate svardṛśa ṛtasya dhītimṛṣiṣāḷavīvaśat ǀ
yaḥ sūryasyāsireṇa mṛjyate pitā matīnāmasamaṣṭakāvyaḥ ǁ
Padapatha Devanagari Accented
विश्व॑स्य । राजा॑ । प॒व॒ते॒ । स्वः॒ऽदृशः॑ । ऋ॒तस्य॑ । धी॒तिम् । ऋ॒षि॒षाट् । अ॒वी॒व॒श॒त् ।
यः । सूर्य॑स्य । असि॑रेण । मृ॒ज्यते॑ । पि॒ता । म॒ती॒नाम् । अस॑मष्टऽकाव्यः ॥
Padapatha Devanagari Nonaccented
विश्वस्य । राजा । पवते । स्वःऽदृशः । ऋतस्य । धीतिम् । ऋषिषाट् । अवीवशत् ।
यः । सूर्यस्य । असिरेण । मृज्यते । पिता । मतीनाम् । असमष्टऽकाव्यः ॥
Padapatha Transcription Accented
víśvasya ǀ rā́jā ǀ pavate ǀ svaḥ-dṛ́śaḥ ǀ ṛtásya ǀ dhītím ǀ ṛṣiṣā́ṭ ǀ avīvaśat ǀ
yáḥ ǀ sū́ryasya ǀ ásireṇa ǀ mṛjyáte ǀ pitā́ ǀ matīnā́m ǀ ásamaṣṭa-kāvyaḥ ǁ
Padapatha Transcription Nonaccented
viśvasya ǀ rājā ǀ pavate ǀ svaḥ-dṛśaḥ ǀ ṛtasya ǀ dhītim ǀ ṛṣiṣāṭ ǀ avīvaśat ǀ
yaḥ ǀ sūryasya ǀ asireṇa ǀ mṛjyate ǀ pitā ǀ matīnām ǀ asamaṣṭa-kāvyaḥ ǁ
09.076.05 (Mandala. Sukta. Rik)
7.3.01.05 (Ashtaka. Adhyaya. Varga. Rik)
09.04.076 (Mandala. Anuvāka. Rik)
Samhita Devanagari Accented
वृषे॑व यू॒था परि॒ कोश॑मर्षस्य॒पामु॒पस्थे॑ वृष॒भः कनि॑क्रदत् ।
स इंद्रा॑य पवसे मत्स॒रिंत॑मो॒ यथा॒ जेषा॑म समि॒थे त्वोत॑यः ॥
Samhita Devanagari Nonaccented
वृषेव यूथा परि कोशमर्षस्यपामुपस्थे वृषभः कनिक्रदत् ।
स इंद्राय पवसे मत्सरिंतमो यथा जेषाम समिथे त्वोतयः ॥
Samhita Transcription Accented
vṛ́ṣeva yūthā́ pári kóśamarṣasyapā́mupásthe vṛṣabháḥ kánikradat ǀ
sá índrāya pavase matsaríntamo yáthā jéṣāma samithé tvótayaḥ ǁ
Samhita Transcription Nonaccented
vṛṣeva yūthā pari kośamarṣasyapāmupasthe vṛṣabhaḥ kanikradat ǀ
sa indrāya pavase matsarintamo yathā jeṣāma samithe tvotayaḥ ǁ
Padapatha Devanagari Accented
वृषा॑ऽइव । यू॒था । परि॑ । कोश॑म् । अ॒र्ष॒सि॒ । अ॒पाम् । उ॒पऽस्थे॑ । वृ॒ष॒भः । कनि॑क्रदत् ।
सः । इन्द्रा॑य । प॒व॒से॒ । म॒त्स॒रिन्ऽत॑मः । यथा॑ । जेषा॑म । स॒म्ऽइ॒थे । त्वाऽऊ॑तयः ॥
Padapatha Devanagari Nonaccented
वृषाऽइव । यूथा । परि । कोशम् । अर्षसि । अपाम् । उपऽस्थे । वृषभः । कनिक्रदत् ।
सः । इन्द्राय । पवसे । मत्सरिन्ऽतमः । यथा । जेषाम । सम्ऽइथे । त्वाऽऊतयः ॥
Padapatha Transcription Accented
vṛ́ṣā-iva ǀ yūthā́ ǀ pári ǀ kóśam ǀ arṣasi ǀ apā́m ǀ upá-sthe ǀ vṛṣabháḥ ǀ kánikradat ǀ
sáḥ ǀ índrāya ǀ pavase ǀ matsarín-tamaḥ ǀ yáthā ǀ jéṣāma ǀ sam-ithé ǀ tvā́-ūtayaḥ ǁ
Padapatha Transcription Nonaccented
vṛṣā-iva ǀ yūthā ǀ pari ǀ kośam ǀ arṣasi ǀ apām ǀ upa-sthe ǀ vṛṣabhaḥ ǀ kanikradat ǀ
saḥ ǀ indrāya ǀ pavase ǀ matsarin-tamaḥ ǀ yathā ǀ jeṣāma ǀ sam-ithe ǀ tvā-ūtayaḥ ǁ