|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 79
|
1. Info |
| To: | soma pavamāna | |
| From: | kavi bhārgava | |
| Metres: | 1st set of styles: nicṛjjagatī (2, 4, 5); pādanicṛjjgatī (1, 3) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.079.01 (Mandala. Sukta. Rik)
7.3.04.01 (Ashtaka. Adhyaya. Varga. Rik)
09.04.087 (Mandala. Anuvāka. Rik)
Samhita Devanagari Accented
अ॒चो॒दसो॑ नो धन्वं॒त्विंद॑वः॒ प्र सु॑वा॒नासो॑ बृ॒हद्दि॑वेषु॒ हर॑यः ।
वि च॒ नश॑न्न इ॒षो अरा॑तयो॒ऽर्यो न॑शंत॒ सनि॑षंत नो॒ धियः॑ ॥
Samhita Devanagari Nonaccented
अचोदसो नो धन्वंत्विंदवः प्र सुवानासो बृहद्दिवेषु हरयः ।
वि च नशन्न इषो अरातयोऽर्यो नशंत सनिषंत नो धियः ॥
Samhita Transcription Accented
acodáso no dhanvantvíndavaḥ prá suvānā́so bṛháddiveṣu hárayaḥ ǀ
ví ca náśanna iṣó árātayo’ryó naśanta sániṣanta no dhíyaḥ ǁ
Samhita Transcription Nonaccented
acodaso no dhanvantvindavaḥ pra suvānāso bṛhaddiveṣu harayaḥ ǀ
vi ca naśanna iṣo arātayo’ryo naśanta saniṣanta no dhiyaḥ ǁ
Padapatha Devanagari Accented
अ॒चो॒दसः॑ । नः॒ । ध॒न्व॒न्तु॒ । इन्द॑वः । प्र । सु॒वा॒नासः॑ । बृ॒हत्ऽदि॑वेषु । हर॑यः ।
वि । च॒ । नश॑न् । नः॒ । इ॒षः । अरा॑तयः । अ॒र्यः । न॒श॒न्त॒ । सनि॑षन्त । नः॒ । धियः॑ ॥
Padapatha Devanagari Nonaccented
अचोदसः । नः । धन्वन्तु । इन्दवः । प्र । सुवानासः । बृहत्ऽदिवेषु । हरयः ।
वि । च । नशन् । नः । इषः । अरातयः । अर्यः । नशन्त । सनिषन्त । नः । धियः ॥
Padapatha Transcription Accented
acodásaḥ ǀ naḥ ǀ dhanvantu ǀ índavaḥ ǀ prá ǀ suvānā́saḥ ǀ bṛhát-diveṣu ǀ hárayaḥ ǀ
ví ǀ ca ǀ náśan ǀ naḥ ǀ iṣáḥ ǀ árātayaḥ ǀ aryáḥ ǀ naśanta ǀ sániṣanta ǀ naḥ ǀ dhíyaḥ ǁ
Padapatha Transcription Nonaccented
acodasaḥ ǀ naḥ ǀ dhanvantu ǀ indavaḥ ǀ pra ǀ suvānāsaḥ ǀ bṛhat-diveṣu ǀ harayaḥ ǀ
vi ǀ ca ǀ naśan ǀ naḥ ǀ iṣaḥ ǀ arātayaḥ ǀ aryaḥ ǀ naśanta ǀ saniṣanta ǀ naḥ ǀ dhiyaḥ ǁ
09.079.02 (Mandala. Sukta. Rik)
7.3.04.02 (Ashtaka. Adhyaya. Varga. Rik)
09.04.088 (Mandala. Anuvāka. Rik)
Samhita Devanagari Accented
प्र णो॑ धन्वं॒त्विंद॑वो मद॒च्युतो॒ धना॑ वा॒ येभि॒रर्व॑तो जुनी॒मसि॑ ।
ति॒रो मर्त॑स्य॒ कस्य॑ चि॒त्परि॑ह्वृतिं व॒यं धना॑नि वि॒श्वधा॑ भरेमहि ॥
Samhita Devanagari Nonaccented
प्र णो धन्वंत्विंदवो मदच्युतो धना वा येभिरर्वतो जुनीमसि ।
तिरो मर्तस्य कस्य चित्परिह्वृतिं वयं धनानि विश्वधा भरेमहि ॥
Samhita Transcription Accented
prá ṇo dhanvantvíndavo madacyúto dhánā vā yébhirárvato junīmási ǀ
tiró mártasya kásya citpárihvṛtim vayám dhánāni viśvádhā bharemahi ǁ
Samhita Transcription Nonaccented
pra ṇo dhanvantvindavo madacyuto dhanā vā yebhirarvato junīmasi ǀ
tiro martasya kasya citparihvṛtim vayam dhanāni viśvadhā bharemahi ǁ
Padapatha Devanagari Accented
प्र । नः॒ । ध॒न्व॒न्तु॒ । इन्द॑वः । म॒द॒ऽच्युतः॑ । धना॑ । वा॒ । येभिः॑ । अर्व॑तः । जु॒नी॒मसि॑ ।
ति॒रः । मर्त॑स्य । कस्य॑ । चि॒त् । परि॑ऽह्वृतिम् । व॒यम् । धना॑नि । वि॒श्वधा॑ । भ॒रे॒म॒हि॒ ॥
Padapatha Devanagari Nonaccented
प्र । नः । धन्वन्तु । इन्दवः । मदऽच्युतः । धना । वा । येभिः । अर्वतः । जुनीमसि ।
तिरः । मर्तस्य । कस्य । चित् । परिऽह्वृतिम् । वयम् । धनानि । विश्वधा । भरेमहि ॥
Padapatha Transcription Accented
prá ǀ naḥ ǀ dhanvantu ǀ índavaḥ ǀ mada-cyútaḥ ǀ dhánā ǀ vā ǀ yébhiḥ ǀ árvataḥ ǀ junīmási ǀ
tiráḥ ǀ mártasya ǀ kásya ǀ cit ǀ pári-hvṛtim ǀ vayám ǀ dhánāni ǀ viśvádhā ǀ bharemahi ǁ
Padapatha Transcription Nonaccented
pra ǀ naḥ ǀ dhanvantu ǀ indavaḥ ǀ mada-cyutaḥ ǀ dhanā ǀ vā ǀ yebhiḥ ǀ arvataḥ ǀ junīmasi ǀ
tiraḥ ǀ martasya ǀ kasya ǀ cit ǀ pari-hvṛtim ǀ vayam ǀ dhanāni ǀ viśvadhā ǀ bharemahi ǁ
09.079.03 (Mandala. Sukta. Rik)
7.3.04.03 (Ashtaka. Adhyaya. Varga. Rik)
09.04.089 (Mandala. Anuvāka. Rik)
Samhita Devanagari Accented
उ॒त स्वस्या॒ अरा॑त्या अ॒रिर्हि ष उ॒तान्यस्या॒ अरा॑त्या॒ वृको॒ हि षः ।
धन्व॒न्न तृष्णा॒ सम॑रीत॒ ताँ अ॒भि सोम॑ ज॒हि प॑वमान दुरा॒ध्यः॑ ॥
Samhita Devanagari Nonaccented
उत स्वस्या अरात्या अरिर्हि ष उतान्यस्या अरात्या वृको हि षः ।
धन्वन्न तृष्णा समरीत ताँ अभि सोम जहि पवमान दुराध्यः ॥
Samhita Transcription Accented
utá svásyā árātyā arírhí ṣá utā́nyásyā árātyā vṛ́ko hí ṣáḥ ǀ
dhánvanná tṛ́ṣṇā sámarīta tā́m̐ abhí sóma jahí pavamāna durādhyáḥ ǁ
Samhita Transcription Nonaccented
uta svasyā arātyā arirhi ṣa utānyasyā arātyā vṛko hi ṣaḥ ǀ
dhanvanna tṛṣṇā samarīta tām̐ abhi soma jahi pavamāna durādhyaḥ ǁ
Padapatha Devanagari Accented
उ॒त । स्वस्याः॑ । अरा॑त्याः । अ॒रिः । हि । सः । उ॒त । अ॒न्यस्याः॑ । अरा॑त्याः । वृकः॑ । हि । सः ।
धन्व॑न् । न । तृष्णा॑ । सम् । अ॒री॒त॒ । तान् । अ॒भि । सोम॑ । ज॒हि । प॒व॒मा॒न॒ । दुः॒ऽआ॒ध्यः॑ ॥
Padapatha Devanagari Nonaccented
उत । स्वस्याः । अरात्याः । अरिः । हि । सः । उत । अन्यस्याः । अरात्याः । वृकः । हि । सः ।
धन्वन् । न । तृष्णा । सम् । अरीत । तान् । अभि । सोम । जहि । पवमान । दुःऽआध्यः ॥
Padapatha Transcription Accented
utá ǀ svásyāḥ ǀ árātyāḥ ǀ aríḥ ǀ hí ǀ sáḥ ǀ utá ǀ anyásyāḥ ǀ árātyāḥ ǀ vṛ́kaḥ ǀ hí ǀ sáḥ ǀ
dhánvan ǀ ná ǀ tṛ́ṣṇā ǀ sám ǀ arīta ǀ tā́n ǀ abhí ǀ sóma ǀ jahí ǀ pavamāna ǀ duḥ-ādhyáḥ ǁ
Padapatha Transcription Nonaccented
uta ǀ svasyāḥ ǀ arātyāḥ ǀ ariḥ ǀ hi ǀ saḥ ǀ uta ǀ anyasyāḥ ǀ arātyāḥ ǀ vṛkaḥ ǀ hi ǀ saḥ ǀ
dhanvan ǀ na ǀ tṛṣṇā ǀ sam ǀ arīta ǀ tān ǀ abhi ǀ soma ǀ jahi ǀ pavamāna ǀ duḥ-ādhyaḥ ǁ
09.079.04 (Mandala. Sukta. Rik)
7.3.04.04 (Ashtaka. Adhyaya. Varga. Rik)
09.04.090 (Mandala. Anuvāka. Rik)
Samhita Devanagari Accented
दि॒वि ते॒ नाभा॑ पर॒मो य आ॑द॒दे पृ॑थि॒व्यास्ते॑ रुरुहुः॒ सान॑वि॒ क्षिपः॑ ।
अद्र॑यस्त्वा बप्सति॒ गोरधि॑ त्व॒च्य१॒॑प्सु त्वा॒ हस्तै॑र्दुदुहुर्मनी॒षिणः॑ ॥
Samhita Devanagari Nonaccented
दिवि ते नाभा परमो य आददे पृथिव्यास्ते रुरुहुः सानवि क्षिपः ।
अद्रयस्त्वा बप्सति गोरधि त्वच्यप्सु त्वा हस्तैर्दुदुहुर्मनीषिणः ॥
Samhita Transcription Accented
diví te nā́bhā paramó yá ādadé pṛthivyā́ste ruruhuḥ sā́navi kṣípaḥ ǀ
ádrayastvā bapsati górádhi tvacyápsú tvā hástairduduhurmanīṣíṇaḥ ǁ
Samhita Transcription Nonaccented
divi te nābhā paramo ya ādade pṛthivyāste ruruhuḥ sānavi kṣipaḥ ǀ
adrayastvā bapsati goradhi tvacyapsu tvā hastairduduhurmanīṣiṇaḥ ǁ
Padapatha Devanagari Accented
दि॒वि । ते॒ । नाभा॑ । प॒र॒मः । यः । आ॒ऽद॒दे । पृ॒थि॒व्याः । ते॒ । रु॒रु॒हुः॒ । सान॑वि । क्षिपः॑ ।
अद्र॑यः । त्वा॒ । ब॒प्स॒ति॒ । गोः । अधि॑ । त्व॒चि । अ॒प्ऽसु । त्वा॒ । हस्तैः॑ । दु॒दु॒हुः॒ । म॒नी॒षिणः॑ ॥
Padapatha Devanagari Nonaccented
दिवि । ते । नाभा । परमः । यः । आऽददे । पृथिव्याः । ते । रुरुहुः । सानवि । क्षिपः ।
अद्रयः । त्वा । बप्सति । गोः । अधि । त्वचि । अप्ऽसु । त्वा । हस्तैः । दुदुहुः । मनीषिणः ॥
Padapatha Transcription Accented
diví ǀ te ǀ nā́bhā ǀ paramáḥ ǀ yáḥ ǀ ā-dadé ǀ pṛthivyā́ḥ ǀ te ǀ ruruhuḥ ǀ sā́navi ǀ kṣípaḥ ǀ
ádrayaḥ ǀ tvā ǀ bapsati ǀ góḥ ǀ ádhi ǀ tvací ǀ ap-sú ǀ tvā ǀ hástaiḥ ǀ duduhuḥ ǀ manīṣíṇaḥ ǁ
Padapatha Transcription Nonaccented
divi ǀ te ǀ nābhā ǀ paramaḥ ǀ yaḥ ǀ ā-dade ǀ pṛthivyāḥ ǀ te ǀ ruruhuḥ ǀ sānavi ǀ kṣipaḥ ǀ
adrayaḥ ǀ tvā ǀ bapsati ǀ goḥ ǀ adhi ǀ tvaci ǀ ap-su ǀ tvā ǀ hastaiḥ ǀ duduhuḥ ǀ manīṣiṇaḥ ǁ
09.079.05 (Mandala. Sukta. Rik)
7.3.04.05 (Ashtaka. Adhyaya. Varga. Rik)
09.04.091 (Mandala. Anuvāka. Rik)
Samhita Devanagari Accented
ए॒वा त॑ इंदो सु॒भ्वं॑ सु॒पेश॑सं॒ रसं॑ तुंजंति प्रथ॒मा अ॑भि॒श्रियः॑ ।
निदं॑निदं पवमान॒ नि ता॑रिष आ॒विस्ते॒ शुष्मो॑ भवतु प्रि॒यो मदः॑ ॥
Samhita Devanagari Nonaccented
एवा त इंदो सुभ्वं सुपेशसं रसं तुंजंति प्रथमा अभिश्रियः ।
निदंनिदं पवमान नि तारिष आविस्ते शुष्मो भवतु प्रियो मदः ॥
Samhita Transcription Accented
evā́ ta indo subhvám supéśasam rásam tuñjanti prathamā́ abhiśríyaḥ ǀ
nídaṃnidam pavamāna ní tāriṣa āvíste śúṣmo bhavatu priyó mádaḥ ǁ
Samhita Transcription Nonaccented
evā ta indo subhvam supeśasam rasam tuñjanti prathamā abhiśriyaḥ ǀ
nidaṃnidam pavamāna ni tāriṣa āviste śuṣmo bhavatu priyo madaḥ ǁ
Padapatha Devanagari Accented
ए॒व । ते॒ । इ॒न्दो॒ इति॑ । सु॒ऽभ्व॑म् । सु॒ऽपेश॑सम् । रस॑म् । तु॒ञ्ज॒न्ति॒ । प्र॒थ॒माः । अ॒भि॒ऽश्रियः॑ ।
निद॑म्ऽनिदम् । प॒व॒मा॒न॒ । नि । ता॒रि॒षः॒ । आ॒विः । ते॒ । शुष्मः॑ । भ॒व॒तु॒ । प्रि॒यः । मदः॑ ॥
Padapatha Devanagari Nonaccented
एव । ते । इन्दो इति । सुऽभ्वम् । सुऽपेशसम् । रसम् । तुञ्जन्ति । प्रथमाः । अभिऽश्रियः ।
निदम्ऽनिदम् । पवमान । नि । तारिषः । आविः । ते । शुष्मः । भवतु । प्रियः । मदः ॥
Padapatha Transcription Accented
evá ǀ te ǀ indo íti ǀ su-bhvám ǀ su-péśasam ǀ rásam ǀ tuñjanti ǀ prathamā́ḥ ǀ abhi-śríyaḥ ǀ
nídam-nidam ǀ pavamāna ǀ ní ǀ tāriṣaḥ ǀ āvíḥ ǀ te ǀ śúṣmaḥ ǀ bhavatu ǀ priyáḥ ǀ mádaḥ ǁ
Padapatha Transcription Nonaccented
eva ǀ te ǀ indo iti ǀ su-bhvam ǀ su-peśasam ǀ rasam ǀ tuñjanti ǀ prathamāḥ ǀ abhi-śriyaḥ ǀ
nidam-nidam ǀ pavamāna ǀ ni ǀ tāriṣaḥ ǀ āviḥ ǀ te ǀ śuṣmaḥ ǀ bhavatu ǀ priyaḥ ǀ madaḥ ǁ