|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 81
|
1. Info |
| To: | soma pavamāna | |
| From: | vasu bhāradvāja | |
| Metres: | 1st set of styles: nicṛjjagatī (1-3); jagatī (4); nicṛttriṣṭup (5) 2nd set of styles: jagatī (1-4); triṣṭubh (5) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.081.01 (Mandala. Sukta. Rik)
7.3.06.01 (Ashtaka. Adhyaya. Varga. Rik)
09.04.097 (Mandala. Anuvāka. Rik)
Samhita Devanagari Accented
प्र सोम॑स्य॒ पव॑मानस्यो॒र्मय॒ इंद्र॑स्य यंति ज॒ठरं॑ सु॒पेश॑सः ।
द॒ध्ना यदी॒मुन्नी॑ता य॒शसा॒ गवां॑ दा॒नाय॒ शूर॑मु॒दमं॑दिषुः सु॒ताः ॥
Samhita Devanagari Nonaccented
प्र सोमस्य पवमानस्योर्मय इंद्रस्य यंति जठरं सुपेशसः ।
दध्ना यदीमुन्नीता यशसा गवां दानाय शूरमुदमंदिषुः सुताः ॥
Samhita Transcription Accented
prá sómasya pávamānasyormáya índrasya yanti jaṭháram supéśasaḥ ǀ
dadhnā́ yádīmúnnītā yaśásā gávām dānā́ya śū́ramudámandiṣuḥ sutā́ḥ ǁ
Samhita Transcription Nonaccented
pra somasya pavamānasyormaya indrasya yanti jaṭharam supeśasaḥ ǀ
dadhnā yadīmunnītā yaśasā gavām dānāya śūramudamandiṣuḥ sutāḥ ǁ
Padapatha Devanagari Accented
प्र । सोम॑स्य । पव॑मानस्य । ऊ॒र्मयः॑ । इन्द्र॑स्य । य॒न्ति॒ । ज॒ठर॑म् । सु॒ऽपेश॑सः ।
द॒ध्ना । यत् । ई॒म् । उत्ऽनी॑ताः । य॒शसा॑ । गवा॑म् । दा॒नाय॑ । शूर॑म् । उ॒त्ऽअम॑न्दिषुः । सु॒ताः ॥
Padapatha Devanagari Nonaccented
प्र । सोमस्य । पवमानस्य । ऊर्मयः । इन्द्रस्य । यन्ति । जठरम् । सुऽपेशसः ।
दध्ना । यत् । ईम् । उत्ऽनीताः । यशसा । गवाम् । दानाय । शूरम् । उत्ऽअमन्दिषुः । सुताः ॥
Padapatha Transcription Accented
prá ǀ sómasya ǀ pávamānasya ǀ ūrmáyaḥ ǀ índrasya ǀ yanti ǀ jaṭháram ǀ su-péśasaḥ ǀ
dadhnā́ ǀ yát ǀ īm ǀ út-nītāḥ ǀ yaśásā ǀ gávām ǀ dānā́ya ǀ śū́ram ǀ ut-ámandiṣuḥ ǀ sutā́ḥ ǁ
Padapatha Transcription Nonaccented
pra ǀ somasya ǀ pavamānasya ǀ ūrmayaḥ ǀ indrasya ǀ yanti ǀ jaṭharam ǀ su-peśasaḥ ǀ
dadhnā ǀ yat ǀ īm ǀ ut-nītāḥ ǀ yaśasā ǀ gavām ǀ dānāya ǀ śūram ǀ ut-amandiṣuḥ ǀ sutāḥ ǁ
09.081.02 (Mandala. Sukta. Rik)
7.3.06.02 (Ashtaka. Adhyaya. Varga. Rik)
09.04.098 (Mandala. Anuvāka. Rik)
Samhita Devanagari Accented
अच्छा॒ हि सोमः॑ क॒लशाँ॒ असि॑ष्यद॒दत्यो॒ न वोळ्हा॑ र॒घुव॑र्तनि॒र्वृषा॑ ।
अथा॑ दे॒वाना॑मु॒भय॑स्य॒ जन्म॑नो वि॒द्वाँ अ॑श्नोत्य॒मुत॑ इ॒तश्च॒ यत् ॥
Samhita Devanagari Nonaccented
अच्छा हि सोमः कलशाँ असिष्यददत्यो न वोळ्हा रघुवर्तनिर्वृषा ।
अथा देवानामुभयस्य जन्मनो विद्वाँ अश्नोत्यमुत इतश्च यत् ॥
Samhita Transcription Accented
ácchā hí sómaḥ kaláśām̐ ásiṣyadadátyo ná vóḷhā raghúvartanirvṛ́ṣā ǀ
áthā devā́nāmubháyasya jánmano vidvā́m̐ aśnotyamúta itáśca yát ǁ
Samhita Transcription Nonaccented
acchā hi somaḥ kalaśām̐ asiṣyadadatyo na voḷhā raghuvartanirvṛṣā ǀ
athā devānāmubhayasya janmano vidvām̐ aśnotyamuta itaśca yat ǁ
Padapatha Devanagari Accented
अच्छ॑ । हि । सोमः॑ । क॒लशा॑न् । असि॑स्यदत् । अत्यः॑ । न । वोळ्हा॑ । र॒घुऽव॑र्तनिः । वृषा॑ ।
अथ॑ । दे॒वाना॑म् । उ॒भय॑स्य । जन्म॑नः । वि॒द्वान् । अ॒श्नो॒ति॒ । अ॒मुतः॑ । इ॒तः । च॒ । यत् ॥
Padapatha Devanagari Nonaccented
अच्छ । हि । सोमः । कलशान् । असिस्यदत् । अत्यः । न । वोळ्हा । रघुऽवर्तनिः । वृषा ।
अथ । देवानाम् । उभयस्य । जन्मनः । विद्वान् । अश्नोति । अमुतः । इतः । च । यत् ॥
Padapatha Transcription Accented
áccha ǀ hí ǀ sómaḥ ǀ kaláśān ǀ ásisyadat ǀ átyaḥ ǀ ná ǀ vóḷhā ǀ raghú-vartaniḥ ǀ vṛ́ṣā ǀ
átha ǀ devā́nām ǀ ubháyasya ǀ jánmanaḥ ǀ vidvā́n ǀ aśnoti ǀ amútaḥ ǀ itáḥ ǀ ca ǀ yát ǁ
Padapatha Transcription Nonaccented
accha ǀ hi ǀ somaḥ ǀ kalaśān ǀ asisyadat ǀ atyaḥ ǀ na ǀ voḷhā ǀ raghu-vartaniḥ ǀ vṛṣā ǀ
atha ǀ devānām ǀ ubhayasya ǀ janmanaḥ ǀ vidvān ǀ aśnoti ǀ amutaḥ ǀ itaḥ ǀ ca ǀ yat ǁ
09.081.03 (Mandala. Sukta. Rik)
7.3.06.03 (Ashtaka. Adhyaya. Varga. Rik)
09.04.099 (Mandala. Anuvāka. Rik)
Samhita Devanagari Accented
आ नः॑ सोम॒ पव॑मानः किरा॒ वस्विंदो॒ भव॑ म॒घवा॒ राध॑सो म॒हः ।
शिक्षा॑ वयोधो॒ वस॑वे॒ सु चे॒तुना॒ मा नो॒ गय॑मा॒रे अ॒स्मत्परा॑ सिचः ॥
Samhita Devanagari Nonaccented
आ नः सोम पवमानः किरा वस्विंदो भव मघवा राधसो महः ।
शिक्षा वयोधो वसवे सु चेतुना मा नो गयमारे अस्मत्परा सिचः ॥
Samhita Transcription Accented
ā́ naḥ soma pávamānaḥ kirā vásvíndo bháva maghávā rā́dhaso maháḥ ǀ
śíkṣā vayodho vásave sú cetúnā mā́ no gáyamāré asmátpárā sicaḥ ǁ
Samhita Transcription Nonaccented
ā naḥ soma pavamānaḥ kirā vasvindo bhava maghavā rādhaso mahaḥ ǀ
śikṣā vayodho vasave su cetunā mā no gayamāre asmatparā sicaḥ ǁ
Padapatha Devanagari Accented
आ । नः॒ । सो॒म॒ । पव॑मानः । कि॒र॒ । वसु॑ । इन्दो॒ इति॑ । भव॑ । म॒घऽवा॑ । राध॑सः । म॒हः ।
शिक्ष॑ । व॒यः॒ऽधः॒ । वस॑वे । सु । चे॒तुना॑ । मा । नः॒ । गय॑म् । आ॒रे । अ॒स्मत् । परा॑ । सि॒चः॒ ॥
Padapatha Devanagari Nonaccented
आ । नः । सोम । पवमानः । किर । वसु । इन्दो इति । भव । मघऽवा । राधसः । महः ।
शिक्ष । वयःऽधः । वसवे । सु । चेतुना । मा । नः । गयम् । आरे । अस्मत् । परा । सिचः ॥
Padapatha Transcription Accented
ā́ ǀ naḥ ǀ soma ǀ pávamānaḥ ǀ kira ǀ vásu ǀ índo íti ǀ bháva ǀ maghá-vā ǀ rā́dhasaḥ ǀ maháḥ ǀ
śíkṣa ǀ vayaḥ-dhaḥ ǀ vásave ǀ sú ǀ cetúnā ǀ mā́ ǀ naḥ ǀ gáyam ǀ āré ǀ asmát ǀ párā ǀ sicaḥ ǁ
Padapatha Transcription Nonaccented
ā ǀ naḥ ǀ soma ǀ pavamānaḥ ǀ kira ǀ vasu ǀ indo iti ǀ bhava ǀ magha-vā ǀ rādhasaḥ ǀ mahaḥ ǀ
śikṣa ǀ vayaḥ-dhaḥ ǀ vasave ǀ su ǀ cetunā ǀ mā ǀ naḥ ǀ gayam ǀ āre ǀ asmat ǀ parā ǀ sicaḥ ǁ
09.081.04 (Mandala. Sukta. Rik)
7.3.06.04 (Ashtaka. Adhyaya. Varga. Rik)
09.04.100 (Mandala. Anuvāka. Rik)
Samhita Devanagari Accented
आ नः॑ पू॒षा पव॑मानः सुरा॒तयो॑ मि॒त्रो ग॑च्छंतु॒ वरु॑णः स॒जोष॑सः ।
बृह॒स्पति॑र्म॒रुतो॑ वा॒युर॒श्विना॒ त्वष्टा॑ सवि॒ता सु॒यमा॒ सर॑स्वती ॥
Samhita Devanagari Nonaccented
आ नः पूषा पवमानः सुरातयो मित्रो गच्छंतु वरुणः सजोषसः ।
बृहस्पतिर्मरुतो वायुरश्विना त्वष्टा सविता सुयमा सरस्वती ॥
Samhita Transcription Accented
ā́ naḥ pūṣā́ pávamānaḥ surātáyo mitró gacchantu váruṇaḥ sajóṣasaḥ ǀ
bṛ́haspátirmarúto vāyúraśvínā tváṣṭā savitā́ suyámā sárasvatī ǁ
Samhita Transcription Nonaccented
ā naḥ pūṣā pavamānaḥ surātayo mitro gacchantu varuṇaḥ sajoṣasaḥ ǀ
bṛhaspatirmaruto vāyuraśvinā tvaṣṭā savitā suyamā sarasvatī ǁ
Padapatha Devanagari Accented
आ । नः॒ । पू॒षा । पव॑मानः । सु॒ऽरा॒तयः॑ । मि॒त्रः । ग॒च्छ॒न्तु॒ । वरु॑णः । स॒ऽजोष॑सः ।
बृह॒स्पतिः॑ । म॒रुतः॑ । वा॒युः । अ॒श्विना॑ । त्वष्टा॑ । स॒वि॒ता । सु॒ऽयमा॑ । सर॑स्वती ॥
Padapatha Devanagari Nonaccented
आ । नः । पूषा । पवमानः । सुऽरातयः । मित्रः । गच्छन्तु । वरुणः । सऽजोषसः ।
बृहस्पतिः । मरुतः । वायुः । अश्विना । त्वष्टा । सविता । सुऽयमा । सरस्वती ॥
Padapatha Transcription Accented
ā́ ǀ naḥ ǀ pūṣā́ ǀ pávamānaḥ ǀ su-rātáyaḥ ǀ mitráḥ ǀ gacchantu ǀ váruṇaḥ ǀ sa-jóṣasaḥ ǀ
bṛ́haspátiḥ ǀ marútaḥ ǀ vāyúḥ ǀ aśvínā ǀ tváṣṭā ǀ savitā́ ǀ su-yámā ǀ sárasvatī ǁ
Padapatha Transcription Nonaccented
ā ǀ naḥ ǀ pūṣā ǀ pavamānaḥ ǀ su-rātayaḥ ǀ mitraḥ ǀ gacchantu ǀ varuṇaḥ ǀ sa-joṣasaḥ ǀ
bṛhaspatiḥ ǀ marutaḥ ǀ vāyuḥ ǀ aśvinā ǀ tvaṣṭā ǀ savitā ǀ su-yamā ǀ sarasvatī ǁ
09.081.05 (Mandala. Sukta. Rik)
7.3.06.05 (Ashtaka. Adhyaya. Varga. Rik)
09.04.101 (Mandala. Anuvāka. Rik)
Samhita Devanagari Accented
उ॒भे द्यावा॑पृथि॒वी वि॑श्वमि॒न्वे अ॑र्य॒मा दे॒वो अदि॑तिर्विधा॒ता ।
भगो॒ नृशंस॑ उ॒र्वं१॒॑तरि॑क्षं॒ विश्वे॑ दे॒वाः पव॑मानं जुषंत ॥
Samhita Devanagari Nonaccented
उभे द्यावापृथिवी विश्वमिन्वे अर्यमा देवो अदितिर्विधाता ।
भगो नृशंस उर्वंतरिक्षं विश्वे देवाः पवमानं जुषंत ॥
Samhita Transcription Accented
ubhé dyā́vāpṛthivī́ viśvaminvé aryamā́ devó áditirvidhātā́ ǀ
bhágo nṛ́śáṃsa urvántárikṣam víśve devā́ḥ pávamānam juṣanta ǁ
Samhita Transcription Nonaccented
ubhe dyāvāpṛthivī viśvaminve aryamā devo aditirvidhātā ǀ
bhago nṛśaṃsa urvantarikṣam viśve devāḥ pavamānam juṣanta ǁ
Padapatha Devanagari Accented
उ॒भे इति॑ । द्यावा॑पृथि॒वी इति॑ । वि॒श्व॒मि॒न्वे इति॑ वि॒श्व॒म्ऽइ॒न्वे । अ॒र्य॒मा । दे॒वः । अदि॑तिः । वि॒ऽधा॒ता ।
भगः॑ । नृऽशंसः॑ । उ॒रु । अ॒न्तरि॑क्षम् । विश्वे॑ । दे॒वाः । पव॑मानम् । जु॒ष॒न्त॒ ॥
Padapatha Devanagari Nonaccented
उभे इति । द्यावापृथिवी इति । विश्वमिन्वे इति विश्वम्ऽइन्वे । अर्यमा । देवः । अदितिः । विऽधाता ।
भगः । नृऽशंसः । उरु । अन्तरिक्षम् । विश्वे । देवाः । पवमानम् । जुषन्त ॥
Padapatha Transcription Accented
ubhé íti ǀ dyā́vāpṛthivī́ íti ǀ viśvaminvé íti viśvam-invé ǀ aryamā́ ǀ deváḥ ǀ áditiḥ ǀ vi-dhātā́ ǀ
bhágaḥ ǀ nṛ́-śáṃsaḥ ǀ urú ǀ antárikṣam ǀ víśve ǀ devā́ḥ ǀ pávamānam ǀ juṣanta ǁ
Padapatha Transcription Nonaccented
ubhe iti ǀ dyāvāpṛthivī iti ǀ viśvaminve iti viśvam-inve ǀ aryamā ǀ devaḥ ǀ aditiḥ ǀ vi-dhātā ǀ
bhagaḥ ǀ nṛ-śaṃsaḥ ǀ uru ǀ antarikṣam ǀ viśve ǀ devāḥ ǀ pavamānam ǀ juṣanta ǁ