|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 84
|
1. Info |
| To: | soma pavamāna | |
| From: | prajāpati vācya | |
| Metres: | 1st set of styles: virāḍjagatī (1, 3); nicṛttriṣṭup (2); jagatī (4); triṣṭup (5) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.084.01 (Mandala. Sukta. Rik)
7.3.09.01 (Ashtaka. Adhyaya. Varga. Rik)
09.04.112 (Mandala. Anuvāka. Rik)
Samhita Devanagari Accented
पव॑स्व देव॒माद॑नो॒ विच॑र्षणिर॒प्सा इंद्रा॑य॒ वरु॑णाय वा॒यवे॑ ।
कृ॒धी नो॑ अ॒द्य वरि॑वः स्वस्ति॒मदु॑रुक्षि॒तौ गृ॑णीहि॒ दैव्यं॒ जनं॑ ॥
Samhita Devanagari Nonaccented
पवस्व देवमादनो विचर्षणिरप्सा इंद्राय वरुणाय वायवे ।
कृधी नो अद्य वरिवः स्वस्तिमदुरुक्षितौ गृणीहि दैव्यं जनं ॥
Samhita Transcription Accented
pávasva devamā́dano vícarṣaṇirapsā́ índrāya váruṇāya vāyáve ǀ
kṛdhī́ no adyá várivaḥ svastimádurukṣitáu gṛṇīhi dáivyam jánam ǁ
Samhita Transcription Nonaccented
pavasva devamādano vicarṣaṇirapsā indrāya varuṇāya vāyave ǀ
kṛdhī no adya varivaḥ svastimadurukṣitau gṛṇīhi daivyam janam ǁ
Padapatha Devanagari Accented
पव॑स्व । दे॒व॒ऽमाद॑नः । विऽच॑र्षणिः । अ॒प्साः । इन्द्रा॑य । वरु॑णाय । वा॒यवे॑ ।
कृ॒धि । नः॒ । अ॒द्य । वरि॑वः । स्व॒स्ति॒ऽमत् । उ॒रु॒ऽक्षि॒तौ । गृ॒णी॒हि॒ । दैव्य॑म् । जन॑म् ॥
Padapatha Devanagari Nonaccented
पवस्व । देवऽमादनः । विऽचर्षणिः । अप्साः । इन्द्राय । वरुणाय । वायवे ।
कृधि । नः । अद्य । वरिवः । स्वस्तिऽमत् । उरुऽक्षितौ । गृणीहि । दैव्यम् । जनम् ॥
Padapatha Transcription Accented
pávasva ǀ deva-mā́danaḥ ǀ ví-carṣaṇiḥ ǀ apsā́ḥ ǀ índrāya ǀ váruṇāya ǀ vāyáve ǀ
kṛdhí ǀ naḥ ǀ adyá ǀ várivaḥ ǀ svasti-mát ǀ uru-kṣitáu ǀ gṛṇīhi ǀ dáivyam ǀ jánam ǁ
Padapatha Transcription Nonaccented
pavasva ǀ deva-mādanaḥ ǀ vi-carṣaṇiḥ ǀ apsāḥ ǀ indrāya ǀ varuṇāya ǀ vāyave ǀ
kṛdhi ǀ naḥ ǀ adya ǀ varivaḥ ǀ svasti-mat ǀ uru-kṣitau ǀ gṛṇīhi ǀ daivyam ǀ janam ǁ
09.084.02 (Mandala. Sukta. Rik)
7.3.09.02 (Ashtaka. Adhyaya. Varga. Rik)
09.04.113 (Mandala. Anuvāka. Rik)
Samhita Devanagari Accented
आ यस्त॒स्थौ भुव॑ना॒न्यम॑र्त्यो॒ विश्वा॑नि॒ सोमः॒ परि॒ तान्य॑र्षति ।
कृ॒ण्वन्त्सं॒चृतं॑ वि॒चृत॑म॒भिष्ट॑य॒ इंदुः॑ सिषक्त्यु॒षसं॒ न सूर्यः॑ ॥
Samhita Devanagari Nonaccented
आ यस्तस्थौ भुवनान्यमर्त्यो विश्वानि सोमः परि तान्यर्षति ।
कृण्वन्त्संचृतं विचृतमभिष्टय इंदुः सिषक्त्युषसं न सूर्यः ॥
Samhita Transcription Accented
ā́ yástastháu bhúvanānyámartyo víśvāni sómaḥ pári tā́nyarṣati ǀ
kṛṇvántsaṃcṛ́tam vicṛ́tamabhíṣṭaya índuḥ siṣaktyuṣásam ná sū́ryaḥ ǁ
Samhita Transcription Nonaccented
ā yastasthau bhuvanānyamartyo viśvāni somaḥ pari tānyarṣati ǀ
kṛṇvantsaṃcṛtam vicṛtamabhiṣṭaya induḥ siṣaktyuṣasam na sūryaḥ ǁ
Padapatha Devanagari Accented
आ । यः । त॒स्थौ । भुव॑नानि । अम॑र्त्यः । विश्वा॑नि । सोमः॑ । परि॑ । तानि॑ । अ॒र्ष॒ति॒ ।
कृ॒ण्वन् । स॒म्ऽचृत॑म् । वि॒ऽचृत॑म् । अ॒भिष्ट॑ये । इन्दुः॑ । सि॒स॒क्ति॒ । उ॒षस॑म् । न । सूर्यः॑ ॥
Padapatha Devanagari Nonaccented
आ । यः । तस्थौ । भुवनानि । अमर्त्यः । विश्वानि । सोमः । परि । तानि । अर्षति ।
कृण्वन् । सम्ऽचृतम् । विऽचृतम् । अभिष्टये । इन्दुः । सिसक्ति । उषसम् । न । सूर्यः ॥
Padapatha Transcription Accented
ā́ ǀ yáḥ ǀ tastháu ǀ bhúvanāni ǀ ámartyaḥ ǀ víśvāni ǀ sómaḥ ǀ pári ǀ tā́ni ǀ arṣati ǀ
kṛṇván ǀ sam-cṛ́tam ǀ vi-cṛ́tam ǀ abhíṣṭaye ǀ índuḥ ǀ sisakti ǀ uṣásam ǀ ná ǀ sū́ryaḥ ǁ
Padapatha Transcription Nonaccented
ā ǀ yaḥ ǀ tasthau ǀ bhuvanāni ǀ amartyaḥ ǀ viśvāni ǀ somaḥ ǀ pari ǀ tāni ǀ arṣati ǀ
kṛṇvan ǀ sam-cṛtam ǀ vi-cṛtam ǀ abhiṣṭaye ǀ induḥ ǀ sisakti ǀ uṣasam ǀ na ǀ sūryaḥ ǁ
09.084.03 (Mandala. Sukta. Rik)
7.3.09.03 (Ashtaka. Adhyaya. Varga. Rik)
09.04.114 (Mandala. Anuvāka. Rik)
Samhita Devanagari Accented
आ यो गोभिः॑ सृ॒ज्यत॒ ओष॑धी॒ष्वा दे॒वानां॑ सु॒म्न इ॒षय॒न्नुपा॑वसुः ।
आ वि॒द्युता॑ पवते॒ धार॑या सु॒त इंद्रं॒ सोमो॑ मा॒दयं॒दैव्यं॒ जनं॑ ॥
Samhita Devanagari Nonaccented
आ यो गोभिः सृज्यत ओषधीष्वा देवानां सुम्न इषयन्नुपावसुः ।
आ विद्युता पवते धारया सुत इंद्रं सोमो मादयंदैव्यं जनं ॥
Samhita Transcription Accented
ā́ yó góbhiḥ sṛjyáta óṣadhīṣvā́ devā́nām sumná iṣáyannúpāvasuḥ ǀ
ā́ vidyútā pavate dhā́rayā sutá índram sómo mādáyandáivyam jánam ǁ
Samhita Transcription Nonaccented
ā yo gobhiḥ sṛjyata oṣadhīṣvā devānām sumna iṣayannupāvasuḥ ǀ
ā vidyutā pavate dhārayā suta indram somo mādayandaivyam janam ǁ
Padapatha Devanagari Accented
आ । यः । गोभिः॑ । सृ॒ज्यते॑ । ओष॑धीषु । आ । दे॒वाना॑म् । सु॒म्ने । इ॒षय॑न् । उप॑ऽवसुः ।
आ । वि॒ऽद्युता॑ । प॒व॒ते॒ । धार॑या । सु॒तः । इन्द्र॑म् । सोमः॑ । मा॒दय॑न् । दैव्य॑म् । जन॑म् ॥
Padapatha Devanagari Nonaccented
आ । यः । गोभिः । सृज्यते । ओषधीषु । आ । देवानाम् । सुम्ने । इषयन् । उपऽवसुः ।
आ । विऽद्युता । पवते । धारया । सुतः । इन्द्रम् । सोमः । मादयन् । दैव्यम् । जनम् ॥
Padapatha Transcription Accented
ā́ ǀ yáḥ ǀ góbhiḥ ǀ sṛjyáte ǀ óṣadhīṣu ǀ ā́ ǀ devā́nām ǀ sumné ǀ iṣáyan ǀ úpa-vasuḥ ǀ
ā́ ǀ vi-dyútā ǀ pavate ǀ dhā́rayā ǀ sutáḥ ǀ índram ǀ sómaḥ ǀ mādáyan ǀ dáivyam ǀ jánam ǁ
Padapatha Transcription Nonaccented
ā ǀ yaḥ ǀ gobhiḥ ǀ sṛjyate ǀ oṣadhīṣu ǀ ā ǀ devānām ǀ sumne ǀ iṣayan ǀ upa-vasuḥ ǀ
ā ǀ vi-dyutā ǀ pavate ǀ dhārayā ǀ sutaḥ ǀ indram ǀ somaḥ ǀ mādayan ǀ daivyam ǀ janam ǁ
09.084.04 (Mandala. Sukta. Rik)
7.3.09.04 (Ashtaka. Adhyaya. Varga. Rik)
09.04.115 (Mandala. Anuvāka. Rik)
Samhita Devanagari Accented
ए॒ष स्य सोमः॑ पवते सहस्र॒जिद्धि॑न्वा॒नो वाच॑मिषि॒रामु॑ष॒र्बुधं॑ ।
इंदुः॑ समु॒द्रमुदि॑यर्ति वा॒युभि॒रेंद्र॑स्य॒ हार्दि॑ क॒लशे॑षु सीदति ॥
Samhita Devanagari Nonaccented
एष स्य सोमः पवते सहस्रजिद्धिन्वानो वाचमिषिरामुषर्बुधं ।
इंदुः समुद्रमुदियर्ति वायुभिरेंद्रस्य हार्दि कलशेषु सीदति ॥
Samhita Transcription Accented
eṣá syá sómaḥ pavate sahasrajíddhinvānó vā́camiṣirā́muṣarbúdham ǀ
índuḥ samudrámúdiyarti vāyúbhiréndrasya hā́rdi kaláśeṣu sīdati ǁ
Samhita Transcription Nonaccented
eṣa sya somaḥ pavate sahasrajiddhinvāno vācamiṣirāmuṣarbudham ǀ
induḥ samudramudiyarti vāyubhirendrasya hārdi kalaśeṣu sīdati ǁ
Padapatha Devanagari Accented
ए॒षः । स्यः । सोमः॑ । प॒व॒ते॒ । स॒ह॒स्र॒ऽजित् । हि॒न्वा॒नः । वाच॑म् । इ॒षि॒राम् । उ॒षः॒ऽबुध॑म् ।
इन्दुः॑ । स॒मु॒द्रम् । उत् । इ॒य॒र्ति॒ । वा॒युऽभिः॑ । आ । इन्द्र॑स्य । हार्दि॑ । क॒लशे॑षु । सी॒द॒ति॒ ॥
Padapatha Devanagari Nonaccented
एषः । स्यः । सोमः । पवते । सहस्रऽजित् । हिन्वानः । वाचम् । इषिराम् । उषःऽबुधम् ।
इन्दुः । समुद्रम् । उत् । इयर्ति । वायुऽभिः । आ । इन्द्रस्य । हार्दि । कलशेषु । सीदति ॥
Padapatha Transcription Accented
eṣáḥ ǀ syáḥ ǀ sómaḥ ǀ pavate ǀ sahasra-jít ǀ hinvānáḥ ǀ vā́cam ǀ iṣirā́m ǀ uṣaḥ-búdham ǀ
índuḥ ǀ samudrám ǀ út ǀ iyarti ǀ vāyú-bhiḥ ǀ ā́ ǀ índrasya ǀ hā́rdi ǀ kaláśeṣu ǀ sīdati ǁ
Padapatha Transcription Nonaccented
eṣaḥ ǀ syaḥ ǀ somaḥ ǀ pavate ǀ sahasra-jit ǀ hinvānaḥ ǀ vācam ǀ iṣirām ǀ uṣaḥ-budham ǀ
induḥ ǀ samudram ǀ ut ǀ iyarti ǀ vāyu-bhiḥ ǀ ā ǀ indrasya ǀ hārdi ǀ kalaśeṣu ǀ sīdati ǁ
09.084.05 (Mandala. Sukta. Rik)
7.3.09.05 (Ashtaka. Adhyaya. Varga. Rik)
09.04.116 (Mandala. Anuvāka. Rik)
Samhita Devanagari Accented
अ॒भि त्यं गावः॒ पय॑सा पयो॒वृधं॒ सोमं॑ श्रीणंति म॒तिभिः॑ स्व॒र्विदं॑ ।
ध॒नं॒ज॒यः प॑वते॒ कृत्व्यो॒ रसो॒ विप्रः॑ क॒विः काव्ये॑ना॒ स्व॑र्चनाः ॥
Samhita Devanagari Nonaccented
अभि त्यं गावः पयसा पयोवृधं सोमं श्रीणंति मतिभिः स्वर्विदं ।
धनंजयः पवते कृत्व्यो रसो विप्रः कविः काव्येना स्वर्चनाः ॥
Samhita Transcription Accented
abhí tyám gā́vaḥ páyasā payovṛ́dham sómam śrīṇanti matíbhiḥ svarvídam ǀ
dhanaṃjayáḥ pavate kṛ́tvyo ráso vípraḥ kavíḥ kā́vyenā svárcanāḥ ǁ
Samhita Transcription Nonaccented
abhi tyam gāvaḥ payasā payovṛdham somam śrīṇanti matibhiḥ svarvidam ǀ
dhanaṃjayaḥ pavate kṛtvyo raso vipraḥ kaviḥ kāvyenā svarcanāḥ ǁ
Padapatha Devanagari Accented
अ॒भि । त्यम् । गावः॑ । पय॑सा । प॒यः॒ऽवृध॑म् । सोम॑म् । श्री॒ण॒न्ति॒ । म॒तिऽभिः॑ । स्वः॒ऽविद॑म् ।
ध॒न॒म्ऽज॒यः । प॒व॒ते॒ । कृत्व्यः॑ । रसः॑ । विप्रः॑ । क॒विः । काव्ये॑न । स्वः॑ऽचनाः ॥
Padapatha Devanagari Nonaccented
अभि । त्यम् । गावः । पयसा । पयःऽवृधम् । सोमम् । श्रीणन्ति । मतिऽभिः । स्वःऽविदम् ।
धनम्ऽजयः । पवते । कृत्व्यः । रसः । विप्रः । कविः । काव्येन । स्वःऽचनाः ॥
Padapatha Transcription Accented
abhí ǀ tyám ǀ gā́vaḥ ǀ páyasā ǀ payaḥ-vṛ́dham ǀ sómam ǀ śrīṇanti ǀ matí-bhiḥ ǀ svaḥ-vídam ǀ
dhanam-jayáḥ ǀ pavate ǀ kṛ́tvyaḥ ǀ rásaḥ ǀ vípraḥ ǀ kavíḥ ǀ kā́vyena ǀ sváḥ-canāḥ ǁ
Padapatha Transcription Nonaccented
abhi ǀ tyam ǀ gāvaḥ ǀ payasā ǀ payaḥ-vṛdham ǀ somam ǀ śrīṇanti ǀ mati-bhiḥ ǀ svaḥ-vidam ǀ
dhanam-jayaḥ ǀ pavate ǀ kṛtvyaḥ ǀ rasaḥ ǀ vipraḥ ǀ kaviḥ ǀ kāvyena ǀ svaḥ-canāḥ ǁ