|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 86
|
1. Info |
| To: | soma pavamāna | |
| From: | 1-10: akṛṣṭās (alias of māṣā sages); 11-20: sikatās (alias of the nivāvarī sages); 21-30: pṛṣṇis (alias of the ajā sages); 31-40: atrayas; 41-45: atri bhauma; 46-48: gṛtsamada bhārgava śaunaka |
|
| Metres: | 1st set of styles: virāḍjagatī (2, 7, 8, 11, 12, 17, 20, 23, 30, 31, 34-36, 38, 39, 42, 44, 47); nicṛjjagatī (3-5, 9, 10, 13, 16, 18, 19, 22, 25, 27, 32, 37, 41, 46); jagatī (1, 6, 21, 26, 33, 40); pādanicṛjjgatī (14, 15, 28, 29, 43, 48); ārcījagatī (24); svarāḍārcījagatī (45) 2nd set of styles: jagatī |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.086.01 (Mandala. Sukta. Rik)
7.3.12.01 (Ashtaka. Adhyaya. Varga. Rik)
09.05.001 (Mandala. Anuvāka. Rik)
Samhita Devanagari Accented
प्र त॑ आ॒शवः॑ पवमान धी॒जवो॒ मदा॑ अर्षंति रघु॒जा इ॑व॒ त्मना॑ ।
दि॒व्याः सु॑प॒र्णा मधु॑मंत॒ इंद॑वो म॒दिंत॑मासः॒ परि॒ कोश॑मासते ॥
Samhita Devanagari Nonaccented
प्र त आशवः पवमान धीजवो मदा अर्षंति रघुजा इव त्मना ।
दिव्याः सुपर्णा मधुमंत इंदवो मदिंतमासः परि कोशमासते ॥
Samhita Transcription Accented
prá ta āśávaḥ pavamāna dhījávo mádā arṣanti raghujā́ iva tmánā ǀ
divyā́ḥ suparṇā́ mádhumanta índavo madíntamāsaḥ pári kóśamāsate ǁ
Samhita Transcription Nonaccented
pra ta āśavaḥ pavamāna dhījavo madā arṣanti raghujā iva tmanā ǀ
divyāḥ suparṇā madhumanta indavo madintamāsaḥ pari kośamāsate ǁ
Padapatha Devanagari Accented
प्र । ते॒ । आ॒शवः॑ । प॒व॒मा॒न॒ । धी॒ऽजवः॑ । मदाः॑ । अ॒र्ष॒न्ति॒ । र॒घु॒जाःऽइ॑व । त्मना॑ ।
दि॒व्याः । सु॒ऽप॒र्णाः । मधु॑ऽमन्तः । इन्द॑वः । म॒दिन्ऽत॑मासः । परि॑ । कोश॑म् । आ॒स॒ते॒ ॥
Padapatha Devanagari Nonaccented
प्र । ते । आशवः । पवमान । धीऽजवः । मदाः । अर्षन्ति । रघुजाःऽइव । त्मना ।
दिव्याः । सुऽपर्णाः । मधुऽमन्तः । इन्दवः । मदिन्ऽतमासः । परि । कोशम् । आसते ॥
Padapatha Transcription Accented
prá ǀ te ǀ āśávaḥ ǀ pavamāna ǀ dhī-jávaḥ ǀ mádāḥ ǀ arṣanti ǀ raghujā́ḥ-iva ǀ tmánā ǀ
divyā́ḥ ǀ su-parṇā́ḥ ǀ mádhu-mantaḥ ǀ índavaḥ ǀ madín-tamāsaḥ ǀ pári ǀ kóśam ǀ āsate ǁ
Padapatha Transcription Nonaccented
pra ǀ te ǀ āśavaḥ ǀ pavamāna ǀ dhī-javaḥ ǀ madāḥ ǀ arṣanti ǀ raghujāḥ-iva ǀ tmanā ǀ
divyāḥ ǀ su-parṇāḥ ǀ madhu-mantaḥ ǀ indavaḥ ǀ madin-tamāsaḥ ǀ pari ǀ kośam ǀ āsate ǁ
09.086.02 (Mandala. Sukta. Rik)
7.3.12.02 (Ashtaka. Adhyaya. Varga. Rik)
09.05.002 (Mandala. Anuvāka. Rik)
Samhita Devanagari Accented
प्र ते॒ मदा॑सो मदि॒रास॑ आ॒शवोऽसृ॑क्षत॒ रथ्या॑सो॒ यथा॒ पृथ॑क् ।
धे॒नुर्न व॒त्सं पय॑सा॒भि व॒ज्रिण॒मिंद्र॒मिंद॑वो॒ मधु॑मंत ऊ॒र्मयः॑ ॥
Samhita Devanagari Nonaccented
प्र ते मदासो मदिरास आशवोऽसृक्षत रथ्यासो यथा पृथक् ।
धेनुर्न वत्सं पयसाभि वज्रिणमिंद्रमिंदवो मधुमंत ऊर्मयः ॥
Samhita Transcription Accented
prá te mádāso madirā́sa āśávó’sṛkṣata ráthyāso yáthā pṛ́thak ǀ
dhenúrná vatsám páyasābhí vajríṇamíndramíndavo mádhumanta ūrmáyaḥ ǁ
Samhita Transcription Nonaccented
pra te madāso madirāsa āśavo’sṛkṣata rathyāso yathā pṛthak ǀ
dhenurna vatsam payasābhi vajriṇamindramindavo madhumanta ūrmayaḥ ǁ
Padapatha Devanagari Accented
प्र । ते॒ । मदा॑सः । म॒दि॒रासः॑ । आ॒शवः॑ । असृ॑क्षत । रथ्या॑सः । यथा॑ । पृथ॑क् ।
धे॒नुः । न । व॒त्सम् । पय॑सा । अ॒भि । व॒ज्रिण॑म् । इन्द्र॑म् । इन्द॑वः । मधु॑ऽमन्तः । ऊ॒र्मयः॑ ॥
Padapatha Devanagari Nonaccented
प्र । ते । मदासः । मदिरासः । आशवः । असृक्षत । रथ्यासः । यथा । पृथक् ।
धेनुः । न । वत्सम् । पयसा । अभि । वज्रिणम् । इन्द्रम् । इन्दवः । मधुऽमन्तः । ऊर्मयः ॥
Padapatha Transcription Accented
prá ǀ te ǀ mádāsaḥ ǀ madirā́saḥ ǀ āśávaḥ ǀ ásṛkṣata ǀ ráthyāsaḥ ǀ yáthā ǀ pṛ́thak ǀ
dhenúḥ ǀ ná ǀ vatsám ǀ páyasā ǀ abhí ǀ vajríṇam ǀ índram ǀ índavaḥ ǀ mádhu-mantaḥ ǀ ūrmáyaḥ ǁ
Padapatha Transcription Nonaccented
pra ǀ te ǀ madāsaḥ ǀ madirāsaḥ ǀ āśavaḥ ǀ asṛkṣata ǀ rathyāsaḥ ǀ yathā ǀ pṛthak ǀ
dhenuḥ ǀ na ǀ vatsam ǀ payasā ǀ abhi ǀ vajriṇam ǀ indram ǀ indavaḥ ǀ madhu-mantaḥ ǀ ūrmayaḥ ǁ
09.086.03 (Mandala. Sukta. Rik)
7.3.12.03 (Ashtaka. Adhyaya. Varga. Rik)
09.05.003 (Mandala. Anuvāka. Rik)
Samhita Devanagari Accented
अत्यो॒ न हि॑या॒नो अ॒भि वाज॑मर्ष स्व॒र्वित्कोशं॑ दि॒वो अद्रि॑मातरं ।
वृषा॑ प॒वित्रे॒ अधि॒ सानो॑ अ॒व्यये॒ सोमः॑ पुना॒न इं॑द्रि॒याय॒ धाय॑से ॥
Samhita Devanagari Nonaccented
अत्यो न हियानो अभि वाजमर्ष स्वर्वित्कोशं दिवो अद्रिमातरं ।
वृषा पवित्रे अधि सानो अव्यये सोमः पुनान इंद्रियाय धायसे ॥
Samhita Transcription Accented
átyo ná hiyānó abhí vā́jamarṣa svarvítkóśam divó ádrimātaram ǀ
vṛ́ṣā pavítre ádhi sā́no avyáye sómaḥ punāná indriyā́ya dhā́yase ǁ
Samhita Transcription Nonaccented
atyo na hiyāno abhi vājamarṣa svarvitkośam divo adrimātaram ǀ
vṛṣā pavitre adhi sāno avyaye somaḥ punāna indriyāya dhāyase ǁ
Padapatha Devanagari Accented
अत्यः॑ । न । हि॒या॒नः । अ॒भि । वाज॑म् । अ॒र्ष॒ । स्वः॒ऽवित् । कोश॑म् । दि॒वः । अद्रि॑ऽमातरम् ।
वृषा॑ । प॒वित्रे॑ । अधि॑ । सानौ॑ । अ॒व्यये॑ । सोमः॑ । पु॒ना॒नः । इ॒न्द्रि॒याय॑ । धाय॑से ॥
Padapatha Devanagari Nonaccented
अत्यः । न । हियानः । अभि । वाजम् । अर्ष । स्वःऽवित् । कोशम् । दिवः । अद्रिऽमातरम् ।
वृषा । पवित्रे । अधि । सानौ । अव्यये । सोमः । पुनानः । इन्द्रियाय । धायसे ॥
Padapatha Transcription Accented
átyaḥ ǀ ná ǀ hiyānáḥ ǀ abhí ǀ vā́jam ǀ arṣa ǀ svaḥ-vít ǀ kóśam ǀ diváḥ ǀ ádri-mātaram ǀ
vṛ́ṣā ǀ pavítre ǀ ádhi ǀ sā́nau ǀ avyáye ǀ sómaḥ ǀ punānáḥ ǀ indriyā́ya ǀ dhā́yase ǁ
Padapatha Transcription Nonaccented
atyaḥ ǀ na ǀ hiyānaḥ ǀ abhi ǀ vājam ǀ arṣa ǀ svaḥ-vit ǀ kośam ǀ divaḥ ǀ adri-mātaram ǀ
vṛṣā ǀ pavitre ǀ adhi ǀ sānau ǀ avyaye ǀ somaḥ ǀ punānaḥ ǀ indriyāya ǀ dhāyase ǁ
09.086.04 (Mandala. Sukta. Rik)
7.3.12.04 (Ashtaka. Adhyaya. Varga. Rik)
09.05.004 (Mandala. Anuvāka. Rik)
Samhita Devanagari Accented
प्र त॒ आश्वि॑नीः पवमान धी॒जुवो॑ दि॒व्या अ॑सृग्र॒न्पय॑सा॒ धरी॑मणि ।
प्रांतर्ऋष॑यः॒ स्थावि॑रीरसृक्षत॒ ये त्वा॑ मृ॒जंत्यृ॑षिषाण वे॒धसः॑ ॥
Samhita Devanagari Nonaccented
प्र त आश्विनीः पवमान धीजुवो दिव्या असृग्रन्पयसा धरीमणि ।
प्रांतर्ऋषयः स्थाविरीरसृक्षत ये त्वा मृजंत्यृषिषाण वेधसः ॥
Samhita Transcription Accented
prá ta ā́śvinīḥ pavamāna dhījúvo divyā́ asṛgranpáyasā dhárīmaṇi ǀ
prā́ntárṛ́ṣayaḥ sthā́virīrasṛkṣata yé tvā mṛjántyṛṣiṣāṇa vedhásaḥ ǁ
Samhita Transcription Nonaccented
pra ta āśvinīḥ pavamāna dhījuvo divyā asṛgranpayasā dharīmaṇi ǀ
prāntarṛṣayaḥ sthāvirīrasṛkṣata ye tvā mṛjantyṛṣiṣāṇa vedhasaḥ ǁ
Padapatha Devanagari Accented
प्र । ते॒ । आश्वि॑नीः । प॒व॒मा॒न॒ । धी॒ऽजुवः॑ । दि॒व्याः । अ॒सृ॒ग्र॒न् । पय॑सा । धरी॑मणि ।
प्र । अ॒न्तः । ऋष॑यः । स्थावि॑रीः । अ॒सृ॒क्ष॒त॒ । ये । त्वा॒ । मृ॒जन्ति॑ । ऋ॒षि॒ऽसा॒ण॒ । वे॒धसः॑ ॥
Padapatha Devanagari Nonaccented
प्र । ते । आश्विनीः । पवमान । धीऽजुवः । दिव्याः । असृग्रन् । पयसा । धरीमणि ।
प्र । अन्तः । ऋषयः । स्थाविरीः । असृक्षत । ये । त्वा । मृजन्ति । ऋषिऽसाण । वेधसः ॥
Padapatha Transcription Accented
prá ǀ te ǀ ā́śvinīḥ ǀ pavamāna ǀ dhī-júvaḥ ǀ divyā́ḥ ǀ asṛgran ǀ páyasā ǀ dhárīmaṇi ǀ
prá ǀ antáḥ ǀ ṛ́ṣayaḥ ǀ sthā́virīḥ ǀ asṛkṣata ǀ yé ǀ tvā ǀ mṛjánti ǀ ṛṣi-sāṇa ǀ vedhásaḥ ǁ
Padapatha Transcription Nonaccented
pra ǀ te ǀ āśvinīḥ ǀ pavamāna ǀ dhī-juvaḥ ǀ divyāḥ ǀ asṛgran ǀ payasā ǀ dharīmaṇi ǀ
pra ǀ antaḥ ǀ ṛṣayaḥ ǀ sthāvirīḥ ǀ asṛkṣata ǀ ye ǀ tvā ǀ mṛjanti ǀ ṛṣi-sāṇa ǀ vedhasaḥ ǁ
09.086.05 (Mandala. Sukta. Rik)
7.3.12.05 (Ashtaka. Adhyaya. Varga. Rik)
09.05.005 (Mandala. Anuvāka. Rik)
Samhita Devanagari Accented
विश्वा॒ धामा॑नि विश्वचक्ष॒ ऋभ्व॑सः प्र॒भोस्ते॑ स॒तः परि॑ यंति के॒तवः॑ ।
व्या॒न॒शिः प॑वसे सोम॒ धर्म॑भिः॒ पति॒र्विश्व॑स्य॒ भुव॑नस्य राजसि ॥
Samhita Devanagari Nonaccented
विश्वा धामानि विश्वचक्ष ऋभ्वसः प्रभोस्ते सतः परि यंति केतवः ।
व्यानशिः पवसे सोम धर्मभिः पतिर्विश्वस्य भुवनस्य राजसि ॥
Samhita Transcription Accented
víśvā dhā́māni viśvacakṣa ṛ́bhvasaḥ prabhóste satáḥ pári yanti ketávaḥ ǀ
vyānaśíḥ pavase soma dhármabhiḥ pátirvíśvasya bhúvanasya rājasi ǁ
Samhita Transcription Nonaccented
viśvā dhāmāni viśvacakṣa ṛbhvasaḥ prabhoste sataḥ pari yanti ketavaḥ ǀ
vyānaśiḥ pavase soma dharmabhiḥ patirviśvasya bhuvanasya rājasi ǁ
Padapatha Devanagari Accented
विश्वा॑ । धामा॑नि । वि॒श्व॒ऽच॒क्षः॒ । ऋभ्व॑सः । प्र॒ऽभोः । ते॒ । स॒तः । परि॑ । य॒न्ति॒ । के॒तवः॑ ।
वि॒ऽआ॒न॒शिः । प॒व॒से॒ । सो॒म॒ । धर्म॑ऽभिः । पतिः॑ । विश्व॑स्य । भुव॑नस्य । रा॒ज॒सि॒ ॥
Padapatha Devanagari Nonaccented
विश्वा । धामानि । विश्वऽचक्षः । ऋभ्वसः । प्रऽभोः । ते । सतः । परि । यन्ति । केतवः ।
विऽआनशिः । पवसे । सोम । धर्मऽभिः । पतिः । विश्वस्य । भुवनस्य । राजसि ॥
Padapatha Transcription Accented
víśvā ǀ dhā́māni ǀ viśva-cakṣaḥ ǀ ṛ́bhvasaḥ ǀ pra-bhóḥ ǀ te ǀ satáḥ ǀ pári ǀ yanti ǀ ketávaḥ ǀ
vi-ānaśíḥ ǀ pavase ǀ soma ǀ dhárma-bhiḥ ǀ pátiḥ ǀ víśvasya ǀ bhúvanasya ǀ rājasi ǁ
Padapatha Transcription Nonaccented
viśvā ǀ dhāmāni ǀ viśva-cakṣaḥ ǀ ṛbhvasaḥ ǀ pra-bhoḥ ǀ te ǀ sataḥ ǀ pari ǀ yanti ǀ ketavaḥ ǀ
vi-ānaśiḥ ǀ pavase ǀ soma ǀ dharma-bhiḥ ǀ patiḥ ǀ viśvasya ǀ bhuvanasya ǀ rājasi ǁ
09.086.06 (Mandala. Sukta. Rik)
7.3.13.01 (Ashtaka. Adhyaya. Varga. Rik)
09.05.006 (Mandala. Anuvāka. Rik)
Samhita Devanagari Accented
उ॒भ॒यतः॒ पव॑मानस्य र॒श्मयो॑ ध्रु॒वस्य॑ स॒तः परि॑ यंति के॒तवः॑ ।
यदी॑ प॒वित्रे॒ अधि॑ मृ॒ज्यते॒ हरिः॒ सत्ता॒ नि योना॑ क॒लशे॑षु सीदति ॥
Samhita Devanagari Nonaccented
उभयतः पवमानस्य रश्मयो ध्रुवस्य सतः परि यंति केतवः ।
यदी पवित्रे अधि मृज्यते हरिः सत्ता नि योना कलशेषु सीदति ॥
Samhita Transcription Accented
ubhayátaḥ pávamānasya raśmáyo dhruvásya satáḥ pári yanti ketávaḥ ǀ
yádī pavítre ádhi mṛjyáte háriḥ sáttā ní yónā kaláśeṣu sīdati ǁ
Samhita Transcription Nonaccented
ubhayataḥ pavamānasya raśmayo dhruvasya sataḥ pari yanti ketavaḥ ǀ
yadī pavitre adhi mṛjyate hariḥ sattā ni yonā kalaśeṣu sīdati ǁ
Padapatha Devanagari Accented
उ॒भ॒यतः॑ । पव॑मानस्य । र॒श्मयः॑ । ध्रु॒वस्य॑ । स॒तः । परि॑ । य॒न्ति॒ । के॒तवः॑ ।
यदि॑ । प॒वित्रे॑ । अधि॑ । मृ॒ज्यते॑ । हरिः॑ । सत्ता॑ । नि । योना॑ । क॒लशे॑षु । सी॒द॒ति॒ ॥
Padapatha Devanagari Nonaccented
उभयतः । पवमानस्य । रश्मयः । ध्रुवस्य । सतः । परि । यन्ति । केतवः ।
यदि । पवित्रे । अधि । मृज्यते । हरिः । सत्ता । नि । योना । कलशेषु । सीदति ॥
Padapatha Transcription Accented
ubhayátaḥ ǀ pávamānasya ǀ raśmáyaḥ ǀ dhruvásya ǀ satáḥ ǀ pári ǀ yanti ǀ ketávaḥ ǀ
yádi ǀ pavítre ǀ ádhi ǀ mṛjyáte ǀ háriḥ ǀ sáttā ǀ ní ǀ yónā ǀ kaláśeṣu ǀ sīdati ǁ
Padapatha Transcription Nonaccented
ubhayataḥ ǀ pavamānasya ǀ raśmayaḥ ǀ dhruvasya ǀ sataḥ ǀ pari ǀ yanti ǀ ketavaḥ ǀ
yadi ǀ pavitre ǀ adhi ǀ mṛjyate ǀ hariḥ ǀ sattā ǀ ni ǀ yonā ǀ kalaśeṣu ǀ sīdati ǁ
09.086.07 (Mandala. Sukta. Rik)
7.3.13.02 (Ashtaka. Adhyaya. Varga. Rik)
09.05.007 (Mandala. Anuvāka. Rik)
Samhita Devanagari Accented
य॒ज्ञस्य॑ के॒तुः प॑वते स्वध्व॒रः सोमो॑ दे॒वाना॒मुप॑ याति निष्कृ॒तं ।
स॒हस्र॑धारः॒ परि॒ कोश॑मर्षति॒ वृषा॑ प॒वित्र॒मत्ये॑ति॒ रोरु॑वत् ॥
Samhita Devanagari Nonaccented
यज्ञस्य केतुः पवते स्वध्वरः सोमो देवानामुप याति निष्कृतं ।
सहस्रधारः परि कोशमर्षति वृषा पवित्रमत्येति रोरुवत् ॥
Samhita Transcription Accented
yajñásya ketúḥ pavate svadhvaráḥ sómo devā́nāmúpa yāti niṣkṛtám ǀ
sahásradhāraḥ pári kóśamarṣati vṛ́ṣā pavítramátyeti róruvat ǁ
Samhita Transcription Nonaccented
yajñasya ketuḥ pavate svadhvaraḥ somo devānāmupa yāti niṣkṛtam ǀ
sahasradhāraḥ pari kośamarṣati vṛṣā pavitramatyeti roruvat ǁ
Padapatha Devanagari Accented
य॒ज्ञस्य॑ । के॒तुः । प॒व॒ते॒ । सु॒ऽअ॒ध्व॒रः । सोमः॑ । दे॒वाना॑म् । उप॑ । या॒ति॒ । निः॒ऽकृ॒तम् ।
स॒हस्र॑ऽधारः । परि॑ । कोश॑म् । अ॒र्ष॒ति॒ । वृषा॑ । प॒वित्र॑म् । अति॑ । ए॒ति॒ । रोरु॑वत् ॥
Padapatha Devanagari Nonaccented
यज्ञस्य । केतुः । पवते । सुऽअध्वरः । सोमः । देवानाम् । उप । याति । निःऽकृतम् ।
सहस्रऽधारः । परि । कोशम् । अर्षति । वृषा । पवित्रम् । अति । एति । रोरुवत् ॥
Padapatha Transcription Accented
yajñásya ǀ ketúḥ ǀ pavate ǀ su-adhvaráḥ ǀ sómaḥ ǀ devā́nām ǀ úpa ǀ yāti ǀ niḥ-kṛtám ǀ
sahásra-dhāraḥ ǀ pári ǀ kóśam ǀ arṣati ǀ vṛ́ṣā ǀ pavítram ǀ áti ǀ eti ǀ róruvat ǁ
Padapatha Transcription Nonaccented
yajñasya ǀ ketuḥ ǀ pavate ǀ su-adhvaraḥ ǀ somaḥ ǀ devānām ǀ upa ǀ yāti ǀ niḥ-kṛtam ǀ
sahasra-dhāraḥ ǀ pari ǀ kośam ǀ arṣati ǀ vṛṣā ǀ pavitram ǀ ati ǀ eti ǀ roruvat ǁ
09.086.08 (Mandala. Sukta. Rik)
7.3.13.03 (Ashtaka. Adhyaya. Varga. Rik)
09.05.008 (Mandala. Anuvāka. Rik)
Samhita Devanagari Accented
राजा॑ समु॒द्रं न॒द्यो॒३॒॑ वि गा॑हते॒ऽपामू॒र्मिं स॑चते॒ सिंधु॑षु श्रि॒तः ।
अध्य॑स्था॒त्सानु॒ पव॑मानो अ॒व्ययं॒ नाभा॑ पृथि॒व्या ध॒रुणो॑ म॒हो दि॒वः ॥
Samhita Devanagari Nonaccented
राजा समुद्रं नद्यो वि गाहतेऽपामूर्मिं सचते सिंधुषु श्रितः ।
अध्यस्थात्सानु पवमानो अव्ययं नाभा पृथिव्या धरुणो महो दिवः ॥
Samhita Transcription Accented
rā́jā samudrám nadyó ví gāhate’pā́mūrmím sacate síndhuṣu śritáḥ ǀ
ádhyasthātsā́nu pávamāno avyáyam nā́bhā pṛthivyā́ dharúṇo mahó diváḥ ǁ
Samhita Transcription Nonaccented
rājā samudram nadyo vi gāhate’pāmūrmim sacate sindhuṣu śritaḥ ǀ
adhyasthātsānu pavamāno avyayam nābhā pṛthivyā dharuṇo maho divaḥ ǁ
Padapatha Devanagari Accented
राजा॑ । स॒मु॒द्रम् । न॒द्यः॑ । वि । गा॒ह॒ते॒ । अ॒पाम् । ऊ॒र्मिम् । स॒च॒ते॒ । सिन्धु॑षु । श्रि॒तः ।
अधि॑ । अ॒स्था॒त् । सानु॑ । पव॑मानः । अ॒व्यय॑म् । नाभा॑ । पृ॒थि॒व्याः । ध॒रुणः॑ । म॒हः । दि॒वः ॥
Padapatha Devanagari Nonaccented
राजा । समुद्रम् । नद्यः । वि । गाहते । अपाम् । ऊर्मिम् । सचते । सिन्धुषु । श्रितः ।
अधि । अस्थात् । सानु । पवमानः । अव्ययम् । नाभा । पृथिव्याः । धरुणः । महः । दिवः ॥
Padapatha Transcription Accented
rā́jā ǀ samudrám ǀ nadyáḥ ǀ ví ǀ gāhate ǀ apā́m ǀ ūrmím ǀ sacate ǀ síndhuṣu ǀ śritáḥ ǀ
ádhi ǀ asthāt ǀ sā́nu ǀ pávamānaḥ ǀ avyáyam ǀ nā́bhā ǀ pṛthivyā́ḥ ǀ dharúṇaḥ ǀ maháḥ ǀ diváḥ ǁ
Padapatha Transcription Nonaccented
rājā ǀ samudram ǀ nadyaḥ ǀ vi ǀ gāhate ǀ apām ǀ ūrmim ǀ sacate ǀ sindhuṣu ǀ śritaḥ ǀ
adhi ǀ asthāt ǀ sānu ǀ pavamānaḥ ǀ avyayam ǀ nābhā ǀ pṛthivyāḥ ǀ dharuṇaḥ ǀ mahaḥ ǀ divaḥ ǁ
09.086.09 (Mandala. Sukta. Rik)
7.3.13.04 (Ashtaka. Adhyaya. Varga. Rik)
09.05.009 (Mandala. Anuvāka. Rik)
Samhita Devanagari Accented
दि॒वो न सानु॑ स्त॒नय॑न्नचिक्रद॒द्द्यौश्च॒ यस्य॑ पृथि॒वी च॒ धर्म॑भिः ।
इंद्र॑स्य स॒ख्यं प॑वते वि॒वेवि॑द॒त्सोमः॑ पुना॒नः क॒लशे॑षु सीदति ॥
Samhita Devanagari Nonaccented
दिवो न सानु स्तनयन्नचिक्रदद्द्यौश्च यस्य पृथिवी च धर्मभिः ।
इंद्रस्य सख्यं पवते विवेविदत्सोमः पुनानः कलशेषु सीदति ॥
Samhita Transcription Accented
divó ná sā́nu stanáyannacikradaddyáuśca yásya pṛthivī́ ca dhármabhiḥ ǀ
índrasya sakhyám pavate vivévidatsómaḥ punānáḥ kaláśeṣu sīdati ǁ
Samhita Transcription Nonaccented
divo na sānu stanayannacikradaddyauśca yasya pṛthivī ca dharmabhiḥ ǀ
indrasya sakhyam pavate vivevidatsomaḥ punānaḥ kalaśeṣu sīdati ǁ
Padapatha Devanagari Accented
दि॒वः । न । सानु॑ । स्त॒नय॑न् । अ॒चि॒क्र॒द॒त् । द्यौः । च॒ । यस्य॑ । पृ॒थि॒वी । च॒ । धर्म॑ऽभिः ।
इन्द्र॑स्य । स॒ख्यम् । प॒व॒ते॒ । वि॒ऽवेवि॑दत् । सोमः॑ । पु॒ना॒नः । क॒लशे॑षु । सी॒द॒ति॒ ॥
Padapatha Devanagari Nonaccented
दिवः । न । सानु । स्तनयन् । अचिक्रदत् । द्यौः । च । यस्य । पृथिवी । च । धर्मऽभिः ।
इन्द्रस्य । सख्यम् । पवते । विऽवेविदत् । सोमः । पुनानः । कलशेषु । सीदति ॥
Padapatha Transcription Accented
diváḥ ǀ ná ǀ sā́nu ǀ stanáyan ǀ acikradat ǀ dyáuḥ ǀ ca ǀ yásya ǀ pṛthivī́ ǀ ca ǀ dhárma-bhiḥ ǀ
índrasya ǀ sakhyám ǀ pavate ǀ vi-vévidat ǀ sómaḥ ǀ punānáḥ ǀ kaláśeṣu ǀ sīdati ǁ
Padapatha Transcription Nonaccented
divaḥ ǀ na ǀ sānu ǀ stanayan ǀ acikradat ǀ dyauḥ ǀ ca ǀ yasya ǀ pṛthivī ǀ ca ǀ dharma-bhiḥ ǀ
indrasya ǀ sakhyam ǀ pavate ǀ vi-vevidat ǀ somaḥ ǀ punānaḥ ǀ kalaśeṣu ǀ sīdati ǁ
09.086.10 (Mandala. Sukta. Rik)
7.3.13.05 (Ashtaka. Adhyaya. Varga. Rik)
09.05.010 (Mandala. Anuvāka. Rik)
Samhita Devanagari Accented
ज्योति॑र्य॒ज्ञस्य॑ पवते॒ मधु॑ प्रि॒यं पि॒ता दे॒वानां॑ जनि॒ता वि॒भूव॑सुः ।
दधा॑ति॒ रत्नं॑ स्व॒धयो॑रपी॒च्यं॑ म॒दिंत॑मो मत्स॒र इं॑द्रि॒यो रसः॑ ॥
Samhita Devanagari Nonaccented
ज्योतिर्यज्ञस्य पवते मधु प्रियं पिता देवानां जनिता विभूवसुः ।
दधाति रत्नं स्वधयोरपीच्यं मदिंतमो मत्सर इंद्रियो रसः ॥
Samhita Transcription Accented
jyótiryajñásya pavate mádhu priyám pitā́ devā́nām janitā́ vibhū́vasuḥ ǀ
dádhāti rátnam svadháyorapīcyám madíntamo matsará indriyó rásaḥ ǁ
Samhita Transcription Nonaccented
jyotiryajñasya pavate madhu priyam pitā devānām janitā vibhūvasuḥ ǀ
dadhāti ratnam svadhayorapīcyam madintamo matsara indriyo rasaḥ ǁ
Padapatha Devanagari Accented
ज्योतिः॑ । य॒ज्ञस्य॑ । प॒व॒ते॒ । मधु॑ । प्रि॒यम् । पि॒ता । दे॒वाना॑म् । ज॒नि॒ता । वि॒भुऽव॑सुः ।
दधा॑ति । रत्न॑म् । स्व॒धयोः॑ । अ॒पी॒च्य॑म् । म॒दिन्ऽत॑मः । म॒त्स॒रः । इ॒न्द्रि॒यः । रसः॑ ॥
Padapatha Devanagari Nonaccented
ज्योतिः । यज्ञस्य । पवते । मधु । प्रियम् । पिता । देवानाम् । जनिता । विभुऽवसुः ।
दधाति । रत्नम् । स्वधयोः । अपीच्यम् । मदिन्ऽतमः । मत्सरः । इन्द्रियः । रसः ॥
Padapatha Transcription Accented
jyótiḥ ǀ yajñásya ǀ pavate ǀ mádhu ǀ priyám ǀ pitā́ ǀ devā́nām ǀ janitā́ ǀ vibhú-vasuḥ ǀ
dádhāti ǀ rátnam ǀ svadháyoḥ ǀ apīcyám ǀ madín-tamaḥ ǀ matsaráḥ ǀ indriyáḥ ǀ rásaḥ ǁ
Padapatha Transcription Nonaccented
jyotiḥ ǀ yajñasya ǀ pavate ǀ madhu ǀ priyam ǀ pitā ǀ devānām ǀ janitā ǀ vibhu-vasuḥ ǀ
dadhāti ǀ ratnam ǀ svadhayoḥ ǀ apīcyam ǀ madin-tamaḥ ǀ matsaraḥ ǀ indriyaḥ ǀ rasaḥ ǁ
09.086.11 (Mandala. Sukta. Rik)
7.3.14.01 (Ashtaka. Adhyaya. Varga. Rik)
09.05.011 (Mandala. Anuvāka. Rik)
Samhita Devanagari Accented
अ॒भि॒क्रंद॑न्क॒लशं॑ वा॒ज्य॑र्षति॒ पति॑र्दि॒वः श॒तधा॑रो विचक्ष॒णः ।
हरि॑र्मि॒त्रस्य॒ सद॑नेषु सीदति मर्मृजा॒नोऽवि॑भिः॒ सिंधु॑भि॒र्वृषा॑ ॥
Samhita Devanagari Nonaccented
अभिक्रंदन्कलशं वाज्यर्षति पतिर्दिवः शतधारो विचक्षणः ।
हरिर्मित्रस्य सदनेषु सीदति मर्मृजानोऽविभिः सिंधुभिर्वृषा ॥
Samhita Transcription Accented
abhikrándankaláśam vājyárṣati pátirdiváḥ śatádhāro vicakṣaṇáḥ ǀ
hárirmitrásya sádaneṣu sīdati marmṛjānó’vibhiḥ síndhubhirvṛ́ṣā ǁ
Samhita Transcription Nonaccented
abhikrandankalaśam vājyarṣati patirdivaḥ śatadhāro vicakṣaṇaḥ ǀ
harirmitrasya sadaneṣu sīdati marmṛjāno’vibhiḥ sindhubhirvṛṣā ǁ
Padapatha Devanagari Accented
अ॒भि॒ऽक्रन्द॑न् । क॒लश॑म् । वा॒जी । अ॒र्ष॒ति॒ । पतिः॑ । दि॒वः । श॒तऽधा॑रः । वि॒ऽच॒क्ष॒णः ।
हरिः॑ । मि॒त्रस्य॑ । सद॑नेषु । सी॒द॒ति॒ । म॒र्मृ॒जा॒नः । अवि॑ऽभिः । सिन्धु॑ऽभिः । वृषा॑ ॥
Padapatha Devanagari Nonaccented
अभिऽक्रन्दन् । कलशम् । वाजी । अर्षति । पतिः । दिवः । शतऽधारः । विऽचक्षणः ।
हरिः । मित्रस्य । सदनेषु । सीदति । मर्मृजानः । अविऽभिः । सिन्धुऽभिः । वृषा ॥
Padapatha Transcription Accented
abhi-krándan ǀ kaláśam ǀ vājī́ ǀ arṣati ǀ pátiḥ ǀ diváḥ ǀ śatá-dhāraḥ ǀ vi-cakṣaṇáḥ ǀ
háriḥ ǀ mitrásya ǀ sádaneṣu ǀ sīdati ǀ marmṛjānáḥ ǀ ávi-bhiḥ ǀ síndhu-bhiḥ ǀ vṛ́ṣā ǁ
Padapatha Transcription Nonaccented
abhi-krandan ǀ kalaśam ǀ vājī ǀ arṣati ǀ patiḥ ǀ divaḥ ǀ śata-dhāraḥ ǀ vi-cakṣaṇaḥ ǀ
hariḥ ǀ mitrasya ǀ sadaneṣu ǀ sīdati ǀ marmṛjānaḥ ǀ avi-bhiḥ ǀ sindhu-bhiḥ ǀ vṛṣā ǁ
09.086.12 (Mandala. Sukta. Rik)
7.3.14.02 (Ashtaka. Adhyaya. Varga. Rik)
09.05.012 (Mandala. Anuvāka. Rik)
Samhita Devanagari Accented
अग्रे॒ सिंधू॑नां॒ पव॑मानो अर्ष॒त्यग्रे॑ वा॒चो अ॑ग्रि॒यो गोषु॑ गच्छति ।
अग्रे॒ वाज॑स्य भजते महाध॒नं स्वा॑यु॒धः सो॒तृभिः॑ पूयते॒ वृषा॑ ॥
Samhita Devanagari Nonaccented
अग्रे सिंधूनां पवमानो अर्षत्यग्रे वाचो अग्रियो गोषु गच्छति ।
अग्रे वाजस्य भजते महाधनं स्वायुधः सोतृभिः पूयते वृषा ॥
Samhita Transcription Accented
ágre síndhūnām pávamāno arṣatyágre vācó agriyó góṣu gacchati ǀ
ágre vā́jasya bhajate mahādhanám svāyudháḥ sotṛ́bhiḥ pūyate vṛ́ṣā ǁ
Samhita Transcription Nonaccented
agre sindhūnām pavamāno arṣatyagre vāco agriyo goṣu gacchati ǀ
agre vājasya bhajate mahādhanam svāyudhaḥ sotṛbhiḥ pūyate vṛṣā ǁ
Padapatha Devanagari Accented
अग्रे॑ । सिन्धू॑नाम् । पव॑मानः । अ॒र्ष॒ति॒ । अग्रे॑ । वा॒चः । अ॒ग्रि॒यः । गोषु॑ । ग॒च्छ॒ति॒ ।
अग्रे॑ । वाज॑स्य । भ॒ज॒ते॒ । म॒हा॒ऽध॒नम् । सु॒ऽआ॒यु॒धः । सो॒तृऽभिः॑ । पू॒य॒ते॒ । वृषा॑ ॥
Padapatha Devanagari Nonaccented
अग्रे । सिन्धूनाम् । पवमानः । अर्षति । अग्रे । वाचः । अग्रियः । गोषु । गच्छति ।
अग्रे । वाजस्य । भजते । महाऽधनम् । सुऽआयुधः । सोतृऽभिः । पूयते । वृषा ॥
Padapatha Transcription Accented
ágre ǀ síndhūnām ǀ pávamānaḥ ǀ arṣati ǀ ágre ǀ vācáḥ ǀ agriyáḥ ǀ góṣu ǀ gacchati ǀ
ágre ǀ vā́jasya ǀ bhajate ǀ mahā-dhanám ǀ su-āyudháḥ ǀ sotṛ́-bhiḥ ǀ pūyate ǀ vṛ́ṣā ǁ
Padapatha Transcription Nonaccented
agre ǀ sindhūnām ǀ pavamānaḥ ǀ arṣati ǀ agre ǀ vācaḥ ǀ agriyaḥ ǀ goṣu ǀ gacchati ǀ
agre ǀ vājasya ǀ bhajate ǀ mahā-dhanam ǀ su-āyudhaḥ ǀ sotṛ-bhiḥ ǀ pūyate ǀ vṛṣā ǁ
09.086.13 (Mandala. Sukta. Rik)
7.3.14.03 (Ashtaka. Adhyaya. Varga. Rik)
09.05.013 (Mandala. Anuvāka. Rik)
Samhita Devanagari Accented
अ॒यं म॒तवां॑छकु॒नो यथा॑ हि॒तोऽव्ये॑ ससार॒ पव॑मान ऊ॒र्मिणा॑ ।
तव॒ क्रत्वा॒ रोद॑सी अंत॒रा क॑वे॒ शुचि॑र्धि॒या प॑वते॒ सोम॑ इंद्र ते ॥
Samhita Devanagari Nonaccented
अयं मतवांछकुनो यथा हितोऽव्ये ससार पवमान ऊर्मिणा ।
तव क्रत्वा रोदसी अंतरा कवे शुचिर्धिया पवते सोम इंद्र ते ॥
Samhita Transcription Accented
ayám matávāñchakunó yáthā hitó’vye sasāra pávamāna ūrmíṇā ǀ
táva krátvā ródasī antarā́ kave śúcirdhiyā́ pavate sóma indra te ǁ
Samhita Transcription Nonaccented
ayam matavāñchakuno yathā hito’vye sasāra pavamāna ūrmiṇā ǀ
tava kratvā rodasī antarā kave śucirdhiyā pavate soma indra te ǁ
Padapatha Devanagari Accented
अ॒यम् । म॒तऽवा॑न् । श॒कु॒नः । यथा॑ । हि॒तः । अव्ये॑ । स॒सा॒र॒ । पव॑मानः । ऊ॒र्मिणा॑ ।
तव॑ । क्रत्वा॑ । रोद॑सी॒ इति॑ । अ॒न्त॒रा । क॒वे॒ । शुचिः॑ । धि॒या । प॒व॒ते॒ । सोमः॑ । इ॒न्द्र॒ । ते॒ ॥
Padapatha Devanagari Nonaccented
अयम् । मतऽवान् । शकुनः । यथा । हितः । अव्ये । ससार । पवमानः । ऊर्मिणा ।
तव । क्रत्वा । रोदसी इति । अन्तरा । कवे । शुचिः । धिया । पवते । सोमः । इन्द्र । ते ॥
Padapatha Transcription Accented
ayám ǀ matá-vān ǀ śakunáḥ ǀ yáthā ǀ hitáḥ ǀ ávye ǀ sasāra ǀ pávamānaḥ ǀ ūrmíṇā ǀ
táva ǀ krátvā ǀ ródasī íti ǀ antarā́ ǀ kave ǀ śúciḥ ǀ dhiyā́ ǀ pavate ǀ sómaḥ ǀ indra ǀ te ǁ
Padapatha Transcription Nonaccented
ayam ǀ mata-vān ǀ śakunaḥ ǀ yathā ǀ hitaḥ ǀ avye ǀ sasāra ǀ pavamānaḥ ǀ ūrmiṇā ǀ
tava ǀ kratvā ǀ rodasī iti ǀ antarā ǀ kave ǀ śuciḥ ǀ dhiyā ǀ pavate ǀ somaḥ ǀ indra ǀ te ǁ
09.086.14 (Mandala. Sukta. Rik)
7.3.14.04 (Ashtaka. Adhyaya. Varga. Rik)
09.05.014 (Mandala. Anuvāka. Rik)
Samhita Devanagari Accented
द्रा॒पिं वसा॑नो यज॒तो दि॑वि॒स्पृश॑मंतरिक्ष॒प्रा भुव॑ने॒ष्वर्पि॑तः ।
स्व॑र्जज्ञा॒नो नभ॑सा॒भ्य॑क्रमीत्प्र॒त्नम॑स्य पि॒तर॒मा वि॑वासति ॥
Samhita Devanagari Nonaccented
द्रापिं वसानो यजतो दिविस्पृशमंतरिक्षप्रा भुवनेष्वर्पितः ।
स्वर्जज्ञानो नभसाभ्यक्रमीत्प्रत्नमस्य पितरमा विवासति ॥
Samhita Transcription Accented
drāpím vásāno yajató divispṛ́śamantarikṣaprā́ bhúvaneṣvárpitaḥ ǀ
svárjajñānó nábhasābhyákramītpratnámasya pitáramā́ vivāsati ǁ
Samhita Transcription Nonaccented
drāpim vasāno yajato divispṛśamantarikṣaprā bhuvaneṣvarpitaḥ ǀ
svarjajñāno nabhasābhyakramītpratnamasya pitaramā vivāsati ǁ
Padapatha Devanagari Accented
द्रा॒पिम् । वसा॑नः । य॒ज॒तः । दि॒वि॒ऽस्पृश॑म् । अ॒न्त॒रि॒क्ष॒ऽप्राः । भुव॑नेषु । अर्पि॑तः ।
स्वः॑ । ज॒ज्ञा॒नः । नभ॑सा । अ॒भि । अ॒क्र॒मी॒त् । प्र॒त्नम् । अ॒स्य॒ । पि॒तर॑म् । आ । वि॒वा॒स॒ति॒ ॥
Padapatha Devanagari Nonaccented
द्रापिम् । वसानः । यजतः । दिविऽस्पृशम् । अन्तरिक्षऽप्राः । भुवनेषु । अर्पितः ।
स्वः । जज्ञानः । नभसा । अभि । अक्रमीत् । प्रत्नम् । अस्य । पितरम् । आ । विवासति ॥
Padapatha Transcription Accented
drāpím ǀ vásānaḥ ǀ yajatáḥ ǀ divi-spṛ́śam ǀ antarikṣa-prā́ḥ ǀ bhúvaneṣu ǀ árpitaḥ ǀ
sváḥ ǀ jajñānáḥ ǀ nábhasā ǀ abhí ǀ akramīt ǀ pratnám ǀ asya ǀ pitáram ǀ ā́ ǀ vivāsati ǁ
Padapatha Transcription Nonaccented
drāpim ǀ vasānaḥ ǀ yajataḥ ǀ divi-spṛśam ǀ antarikṣa-prāḥ ǀ bhuvaneṣu ǀ arpitaḥ ǀ
svaḥ ǀ jajñānaḥ ǀ nabhasā ǀ abhi ǀ akramīt ǀ pratnam ǀ asya ǀ pitaram ǀ ā ǀ vivāsati ǁ
09.086.15 (Mandala. Sukta. Rik)
7.3.14.05 (Ashtaka. Adhyaya. Varga. Rik)
09.05.015 (Mandala. Anuvāka. Rik)
Samhita Devanagari Accented
सो अ॑स्य वि॒शे महि॒ शर्म॑ यच्छति॒ यो अ॑स्य॒ धाम॑ प्रथ॒मं व्या॑न॒शे ।
प॒दं यद॑स्य पर॒मे व्यो॑म॒न्यतो॒ विश्वा॑ अ॒भि सं या॑ति सं॒यतः॑ ॥
Samhita Devanagari Nonaccented
सो अस्य विशे महि शर्म यच्छति यो अस्य धाम प्रथमं व्यानशे ।
पदं यदस्य परमे व्योमन्यतो विश्वा अभि सं याति संयतः ॥
Samhita Transcription Accented
só asya viśé máhi śárma yacchati yó asya dhā́ma prathamám vyānaśé ǀ
padám yádasya paramé vyómanyáto víśvā abhí sám yāti saṃyátaḥ ǁ
Samhita Transcription Nonaccented
so asya viśe mahi śarma yacchati yo asya dhāma prathamam vyānaśe ǀ
padam yadasya parame vyomanyato viśvā abhi sam yāti saṃyataḥ ǁ
Padapatha Devanagari Accented
सः । अ॒स्य॒ । वि॒शे । महि॑ । शर्म॑ । य॒च्छ॒ति॒ । यः । अ॒स्य॒ । धाम॑ । प्र॒थ॒मम् । वि॒ऽआ॒न॒शे ।
प॒दम् । यत् । अ॒स्य॒ । प॒र॒मे । विऽओ॑मनि । अतः॑ । विश्वाः॑ । अ॒भि । सम् । या॒ति॒ । स॒म्ऽयतः॑ ॥
Padapatha Devanagari Nonaccented
सः । अस्य । विशे । महि । शर्म । यच्छति । यः । अस्य । धाम । प्रथमम् । विऽआनशे ।
पदम् । यत् । अस्य । परमे । विऽओमनि । अतः । विश्वाः । अभि । सम् । याति । सम्ऽयतः ॥
Padapatha Transcription Accented
sáḥ ǀ asya ǀ viśé ǀ máhi ǀ śárma ǀ yacchati ǀ yáḥ ǀ asya ǀ dhā́ma ǀ prathamám ǀ vi-ānaśé ǀ
padám ǀ yát ǀ asya ǀ paramé ǀ ví-omani ǀ átaḥ ǀ víśvāḥ ǀ abhí ǀ sám ǀ yāti ǀ sam-yátaḥ ǁ
Padapatha Transcription Nonaccented
saḥ ǀ asya ǀ viśe ǀ mahi ǀ śarma ǀ yacchati ǀ yaḥ ǀ asya ǀ dhāma ǀ prathamam ǀ vi-ānaśe ǀ
padam ǀ yat ǀ asya ǀ parame ǀ vi-omani ǀ ataḥ ǀ viśvāḥ ǀ abhi ǀ sam ǀ yāti ǀ sam-yataḥ ǁ
09.086.16 (Mandala. Sukta. Rik)
7.3.15.01 (Ashtaka. Adhyaya. Varga. Rik)
09.05.016 (Mandala. Anuvāka. Rik)
Samhita Devanagari Accented
प्रो अ॑यासी॒दिंदु॒रिंद्र॑स्य निष्कृ॒तं सखा॒ सख्यु॒र्न प्र मि॑नाति सं॒गिरं॑ ।
मर्य॑ इव युव॒तिभिः॒ सम॑र्षति॒ सोमः॑ क॒लशे॑ श॒तया॑म्ना प॒था ॥
Samhita Devanagari Nonaccented
प्रो अयासीदिंदुरिंद्रस्य निष्कृतं सखा सख्युर्न प्र मिनाति संगिरं ।
मर्य इव युवतिभिः समर्षति सोमः कलशे शतयाम्ना पथा ॥
Samhita Transcription Accented
pró ayāsīdínduríndrasya niṣkṛtám sákhā sákhyurná prá mināti saṃgíram ǀ
márya iva yuvatíbhiḥ sámarṣati sómaḥ kaláśe śatáyāmnā pathā́ ǁ
Samhita Transcription Nonaccented
pro ayāsīdindurindrasya niṣkṛtam sakhā sakhyurna pra mināti saṃgiram ǀ
marya iva yuvatibhiḥ samarṣati somaḥ kalaśe śatayāmnā pathā ǁ
Padapatha Devanagari Accented
प्रो इति॑ । अ॒या॒सी॒त् । इन्दुः॑ । इन्द्र॑स्य । निः॒ऽकृ॒तम् । सखा॑ । सख्युः॑ । न । प्र । मि॒ना॒ति॒ । स॒म्ऽगिर॑म् ।
मर्यः॑ऽइव । यु॒व॒तिऽभिः॑ । सम् । अ॒र्ष॒ति॒ । सोमः॑ । क॒लशे॑ । श॒तऽया॑म्ना । प॒था ॥
Padapatha Devanagari Nonaccented
प्रो इति । अयासीत् । इन्दुः । इन्द्रस्य । निःऽकृतम् । सखा । सख्युः । न । प्र । मिनाति । सम्ऽगिरम् ।
मर्यःऽइव । युवतिऽभिः । सम् । अर्षति । सोमः । कलशे । शतऽयाम्ना । पथा ॥
Padapatha Transcription Accented
pró íti ǀ ayāsīt ǀ índuḥ ǀ índrasya ǀ niḥ-kṛtám ǀ sákhā ǀ sákhyuḥ ǀ ná ǀ prá ǀ mināti ǀ sam-gíram ǀ
máryaḥ-iva ǀ yuvatí-bhiḥ ǀ sám ǀ arṣati ǀ sómaḥ ǀ kaláśe ǀ śatá-yāmnā ǀ pathā́ ǁ
Padapatha Transcription Nonaccented
pro iti ǀ ayāsīt ǀ induḥ ǀ indrasya ǀ niḥ-kṛtam ǀ sakhā ǀ sakhyuḥ ǀ na ǀ pra ǀ mināti ǀ sam-giram ǀ
maryaḥ-iva ǀ yuvati-bhiḥ ǀ sam ǀ arṣati ǀ somaḥ ǀ kalaśe ǀ śata-yāmnā ǀ pathā ǁ
09.086.17 (Mandala. Sukta. Rik)
7.3.15.02 (Ashtaka. Adhyaya. Varga. Rik)
09.05.017 (Mandala. Anuvāka. Rik)
Samhita Devanagari Accented
प्र वो॒ धियो॑ मंद्र॒युवो॑ विप॒न्युवः॑ पन॒स्युवः॑ सं॒वस॑नेष्वक्रमुः ।
सोमं॑ मनी॒षा अ॒भ्य॑नूषत॒ स्तुभो॒ऽभि धे॒नवः॒ पय॑सेमशिश्रयुः ॥
Samhita Devanagari Nonaccented
प्र वो धियो मंद्रयुवो विपन्युवः पनस्युवः संवसनेष्वक्रमुः ।
सोमं मनीषा अभ्यनूषत स्तुभोऽभि धेनवः पयसेमशिश्रयुः ॥
Samhita Transcription Accented
prá vo dhíyo mandrayúvo vipanyúvaḥ panasyúvaḥ saṃvásaneṣvakramuḥ ǀ
sómam manīṣā́ abhyánūṣata stúbho’bhí dhenávaḥ páyasemaśiśrayuḥ ǁ
Samhita Transcription Nonaccented
pra vo dhiyo mandrayuvo vipanyuvaḥ panasyuvaḥ saṃvasaneṣvakramuḥ ǀ
somam manīṣā abhyanūṣata stubho’bhi dhenavaḥ payasemaśiśrayuḥ ǁ
Padapatha Devanagari Accented
प्र । वः॒ । धियः॑ । म॒न्द्र॒ऽयुवः॑ । वि॒प॒न्युवः॑ । प॒न॒स्युवः॑ । स॒म्ऽवस॑नेषु । अ॒क्र॒मुः॒ ।
सोम॑म् । म॒नी॒षाः । अ॒भि । अ॒नू॒ष॒त॒ । स्तुभः॑ । अ॒भि । धे॒नवः॑ । पय॑सा । ई॒म् । अ॒शि॒श्र॒युः॒ ॥
Padapatha Devanagari Nonaccented
प्र । वः । धियः । मन्द्रऽयुवः । विपन्युवः । पनस्युवः । सम्ऽवसनेषु । अक्रमुः ।
सोमम् । मनीषाः । अभि । अनूषत । स्तुभः । अभि । धेनवः । पयसा । ईम् । अशिश्रयुः ॥
Padapatha Transcription Accented
prá ǀ vaḥ ǀ dhíyaḥ ǀ mandra-yúvaḥ ǀ vipanyúvaḥ ǀ panasyúvaḥ ǀ sam-vásaneṣu ǀ akramuḥ ǀ
sómam ǀ manīṣā́ḥ ǀ abhí ǀ anūṣata ǀ stúbhaḥ ǀ abhí ǀ dhenávaḥ ǀ páyasā ǀ īm ǀ aśiśrayuḥ ǁ
Padapatha Transcription Nonaccented
pra ǀ vaḥ ǀ dhiyaḥ ǀ mandra-yuvaḥ ǀ vipanyuvaḥ ǀ panasyuvaḥ ǀ sam-vasaneṣu ǀ akramuḥ ǀ
somam ǀ manīṣāḥ ǀ abhi ǀ anūṣata ǀ stubhaḥ ǀ abhi ǀ dhenavaḥ ǀ payasā ǀ īm ǀ aśiśrayuḥ ǁ
09.086.18 (Mandala. Sukta. Rik)
7.3.15.03 (Ashtaka. Adhyaya. Varga. Rik)
09.05.018 (Mandala. Anuvāka. Rik)
Samhita Devanagari Accented
आ नः॑ सोम सं॒यतं॑ पि॒प्युषी॒मिष॒मिंदो॒ पव॑स्व॒ पव॑मानो अ॒स्रिधं॑ ।
या नो॒ दोह॑ते॒ त्रिरह॒न्नस॑श्चुषी क्षु॒मद्वाज॑व॒न्मधु॑मत्सु॒वीर्यं॑ ॥
Samhita Devanagari Nonaccented
आ नः सोम संयतं पिप्युषीमिषमिंदो पवस्व पवमानो अस्रिधं ।
या नो दोहते त्रिरहन्नसश्चुषी क्षुमद्वाजवन्मधुमत्सुवीर्यं ॥
Samhita Transcription Accented
ā́ naḥ soma saṃyátam pipyúṣīmíṣamíndo pávasva pávamāno asrídham ǀ
yā́ no dóhate tríráhannásaścuṣī kṣumádvā́javanmádhumatsuvī́ryam ǁ
Samhita Transcription Nonaccented
ā naḥ soma saṃyatam pipyuṣīmiṣamindo pavasva pavamāno asridham ǀ
yā no dohate trirahannasaścuṣī kṣumadvājavanmadhumatsuvīryam ǁ
Padapatha Devanagari Accented
आ । नः॒ । सो॒म॒ । स॒म्ऽयत॑म् । पि॒प्युषी॑म् । इष॑म् । इन्दो॒ इति॑ । पव॑स्व । पव॑मानः । अ॒स्रिध॑म् ।
या । नः॒ । दोह॑ते । त्रिः । अह॑न् । अस॑श्चुषी । क्षु॒ऽमत् । वाज॑ऽवत् । मधु॑ऽमत् । सु॒ऽवीर्य॑म् ॥
Padapatha Devanagari Nonaccented
आ । नः । सोम । सम्ऽयतम् । पिप्युषीम् । इषम् । इन्दो इति । पवस्व । पवमानः । अस्रिधम् ।
या । नः । दोहते । त्रिः । अहन् । असश्चुषी । क्षुऽमत् । वाजऽवत् । मधुऽमत् । सुऽवीर्यम् ॥
Padapatha Transcription Accented
ā́ ǀ naḥ ǀ soma ǀ sam-yátam ǀ pipyúṣīm ǀ íṣam ǀ índo íti ǀ pávasva ǀ pávamānaḥ ǀ asrídham ǀ
yā́ ǀ naḥ ǀ dóhate ǀ tríḥ ǀ áhan ǀ ásaścuṣī ǀ kṣu-mát ǀ vā́ja-vat ǀ mádhu-mat ǀ su-vī́ryam ǁ
Padapatha Transcription Nonaccented
ā ǀ naḥ ǀ soma ǀ sam-yatam ǀ pipyuṣīm ǀ iṣam ǀ indo iti ǀ pavasva ǀ pavamānaḥ ǀ asridham ǀ
yā ǀ naḥ ǀ dohate ǀ triḥ ǀ ahan ǀ asaścuṣī ǀ kṣu-mat ǀ vāja-vat ǀ madhu-mat ǀ su-vīryam ǁ
09.086.19 (Mandala. Sukta. Rik)
7.3.15.04 (Ashtaka. Adhyaya. Varga. Rik)
09.05.019 (Mandala. Anuvāka. Rik)
Samhita Devanagari Accented
वृषा॑ मती॒नां प॑वते विचक्ष॒णः सोमो॒ अह्नः॑ प्रतरी॒तोषसो॑ दि॒वः ।
क्रा॒णा सिंधू॑नां क॒लशाँ॑ अवीवश॒दिंद्र॑स्य॒ हार्द्या॑वि॒शन्म॑नी॒षिभिः॑ ॥
Samhita Devanagari Nonaccented
वृषा मतीनां पवते विचक्षणः सोमो अह्नः प्रतरीतोषसो दिवः ।
क्राणा सिंधूनां कलशाँ अवीवशदिंद्रस्य हार्द्याविशन्मनीषिभिः ॥
Samhita Transcription Accented
vṛ́ṣā matīnā́m pavate vicakṣaṇáḥ sómo áhnaḥ pratarītóṣáso diváḥ ǀ
krāṇā́ síndhūnām kaláśām̐ avīvaśadíndrasya hā́rdyāviśánmanīṣíbhiḥ ǁ
Samhita Transcription Nonaccented
vṛṣā matīnām pavate vicakṣaṇaḥ somo ahnaḥ pratarītoṣaso divaḥ ǀ
krāṇā sindhūnām kalaśām̐ avīvaśadindrasya hārdyāviśanmanīṣibhiḥ ǁ
Padapatha Devanagari Accented
वृषा॑ । म॒ती॒नाम् । प॒व॒ते॒ । वि॒ऽच॒क्ष॒णः । सोमः॑ । अह्नः॑ । प्र॒ऽत॒री॒ता । उ॒षसः॑ । दि॒वः ।
क्रा॒णा । सिन्धू॑नाम् । क॒लशा॑न् । अ॒वी॒व॒श॒त् । इन्द्र॑स्य । हार्दि॑ । आ॒ऽवि॒शन् । म॒नी॒षिऽभिः॑ ॥
Padapatha Devanagari Nonaccented
वृषा । मतीनाम् । पवते । विऽचक्षणः । सोमः । अह्नः । प्रऽतरीता । उषसः । दिवः ।
क्राणा । सिन्धूनाम् । कलशान् । अवीवशत् । इन्द्रस्य । हार्दि । आऽविशन् । मनीषिऽभिः ॥
Padapatha Transcription Accented
vṛ́ṣā ǀ matīnā́m ǀ pavate ǀ vi-cakṣaṇáḥ ǀ sómaḥ ǀ áhnaḥ ǀ pra-tarītā́ ǀ uṣásaḥ ǀ diváḥ ǀ
krāṇā́ ǀ síndhūnām ǀ kaláśān ǀ avīvaśat ǀ índrasya ǀ hā́rdi ǀ ā-viśán ǀ manīṣí-bhiḥ ǁ
Padapatha Transcription Nonaccented
vṛṣā ǀ matīnām ǀ pavate ǀ vi-cakṣaṇaḥ ǀ somaḥ ǀ ahnaḥ ǀ pra-tarītā ǀ uṣasaḥ ǀ divaḥ ǀ
krāṇā ǀ sindhūnām ǀ kalaśān ǀ avīvaśat ǀ indrasya ǀ hārdi ǀ ā-viśan ǀ manīṣi-bhiḥ ǁ
09.086.20 (Mandala. Sukta. Rik)
7.3.15.05 (Ashtaka. Adhyaya. Varga. Rik)
09.05.020 (Mandala. Anuvāka. Rik)
Samhita Devanagari Accented
म॒नी॒षिभिः॑ पवते पू॒र्व्यः क॒विर्नृभि॑र्य॒तः परि॒ कोशाँ॑ अचिक्रदत् ।
त्रि॒तस्य॒ नाम॑ ज॒नय॒न्मधु॑ क्षर॒दिंद्र॑स्य वा॒योः स॒ख्याय॒ कर्त॑वे ॥
Samhita Devanagari Nonaccented
मनीषिभिः पवते पूर्व्यः कविर्नृभिर्यतः परि कोशाँ अचिक्रदत् ।
त्रितस्य नाम जनयन्मधु क्षरदिंद्रस्य वायोः सख्याय कर्तवे ॥
Samhita Transcription Accented
manīṣíbhiḥ pavate pūrvyáḥ kavírnṛ́bhiryatáḥ pári kóśām̐ acikradat ǀ
tritásya nā́ma janáyanmádhu kṣaradíndrasya vāyóḥ sakhyā́ya kártave ǁ
Samhita Transcription Nonaccented
manīṣibhiḥ pavate pūrvyaḥ kavirnṛbhiryataḥ pari kośām̐ acikradat ǀ
tritasya nāma janayanmadhu kṣaradindrasya vāyoḥ sakhyāya kartave ǁ
Padapatha Devanagari Accented
म॒नी॒षिऽभिः॑ । प॒व॒ते॒ । पू॒र्व्यः । क॒विः । नृऽभिः॑ । य॒तः । परि॑ । कोशा॑न् । अ॒चि॒क्र॒द॒त् ।
त्रि॒तस्य॑ । नाम॑ । ज॒नय॑न् । मधु॑ । क्ष॒र॒त् । इन्द्र॑स्य । वा॒योः । स॒ख्याय॑ । कर्त॑वे ॥
Padapatha Devanagari Nonaccented
मनीषिऽभिः । पवते । पूर्व्यः । कविः । नृऽभिः । यतः । परि । कोशान् । अचिक्रदत् ।
त्रितस्य । नाम । जनयन् । मधु । क्षरत् । इन्द्रस्य । वायोः । सख्याय । कर्तवे ॥
Padapatha Transcription Accented
manīṣí-bhiḥ ǀ pavate ǀ pūrvyáḥ ǀ kavíḥ ǀ nṛ́-bhiḥ ǀ yatáḥ ǀ pári ǀ kóśān ǀ acikradat ǀ
tritásya ǀ nā́ma ǀ janáyan ǀ mádhu ǀ kṣarat ǀ índrasya ǀ vāyóḥ ǀ sakhyā́ya ǀ kártave ǁ
Padapatha Transcription Nonaccented
manīṣi-bhiḥ ǀ pavate ǀ pūrvyaḥ ǀ kaviḥ ǀ nṛ-bhiḥ ǀ yataḥ ǀ pari ǀ kośān ǀ acikradat ǀ
tritasya ǀ nāma ǀ janayan ǀ madhu ǀ kṣarat ǀ indrasya ǀ vāyoḥ ǀ sakhyāya ǀ kartave ǁ
09.086.21 (Mandala. Sukta. Rik)
7.3.16.01 (Ashtaka. Adhyaya. Varga. Rik)
09.05.021 (Mandala. Anuvāka. Rik)
Samhita Devanagari Accented
अ॒यं पु॑ना॒न उ॒षसो॒ वि रो॑चयद॒यं सिंधु॑भ्यो अभवदु लोक॒कृत् ।
अ॒यं त्रिः स॒प्त दु॑दुहा॒न आ॒शिरं॒ सोमो॑ हृ॒दे प॑वते॒ चारु॑ मत्स॒रः ॥
Samhita Devanagari Nonaccented
अयं पुनान उषसो वि रोचयदयं सिंधुभ्यो अभवदु लोककृत् ।
अयं त्रिः सप्त दुदुहान आशिरं सोमो हृदे पवते चारु मत्सरः ॥
Samhita Transcription Accented
ayám punāná uṣáso ví rocayadayám síndhubhyo abhavadu lokakṛ́t ǀ
ayám tríḥ saptá duduhāná āśíram sómo hṛdé pavate cā́ru matsaráḥ ǁ
Samhita Transcription Nonaccented
ayam punāna uṣaso vi rocayadayam sindhubhyo abhavadu lokakṛt ǀ
ayam triḥ sapta duduhāna āśiram somo hṛde pavate cāru matsaraḥ ǁ
Padapatha Devanagari Accented
अ॒यम् । पु॒ना॒नः । उ॒षसः॑ । वि । रो॒च॒य॒त् । अ॒यम् । सिन्धु॑ऽभ्यः । अ॒भ॒व॒त् । ऊं॒ इति॑ । लो॒क॒ऽकृत् ।
अ॒यम् । त्रिः । स॒प्त । दु॒दु॒हा॒नः । आ॒ऽशिर॑म् । सोमः॑ । हृ॒दे । प॒व॒ते॒ । चारु॑ । म॒त्स॒रः ॥
Padapatha Devanagari Nonaccented
अयम् । पुनानः । उषसः । वि । रोचयत् । अयम् । सिन्धुऽभ्यः । अभवत् । ऊं इति । लोकऽकृत् ।
अयम् । त्रिः । सप्त । दुदुहानः । आऽशिरम् । सोमः । हृदे । पवते । चारु । मत्सरः ॥
Padapatha Transcription Accented
ayám ǀ punānáḥ ǀ uṣásaḥ ǀ ví ǀ rocayat ǀ ayám ǀ síndhu-bhyaḥ ǀ abhavat ǀ ūṃ íti ǀ loka-kṛ́t ǀ
ayám ǀ tríḥ ǀ saptá ǀ duduhānáḥ ǀ ā-śíram ǀ sómaḥ ǀ hṛdé ǀ pavate ǀ cā́ru ǀ matsaráḥ ǁ
Padapatha Transcription Nonaccented
ayam ǀ punānaḥ ǀ uṣasaḥ ǀ vi ǀ rocayat ǀ ayam ǀ sindhu-bhyaḥ ǀ abhavat ǀ ūṃ iti ǀ loka-kṛt ǀ
ayam ǀ triḥ ǀ sapta ǀ duduhānaḥ ǀ ā-śiram ǀ somaḥ ǀ hṛde ǀ pavate ǀ cāru ǀ matsaraḥ ǁ
09.086.22 (Mandala. Sukta. Rik)
7.3.16.02 (Ashtaka. Adhyaya. Varga. Rik)
09.05.022 (Mandala. Anuvāka. Rik)
Samhita Devanagari Accented
पव॑स्व सोम दि॒व्येषु॒ धाम॑सु सृजा॒न इं॑दो क॒लशे॑ प॒वित्र॒ आ ।
सीद॒न्निंद्र॑स्य ज॒ठरे॒ कनि॑क्रद॒न्नृभि॑र्य॒तः सूर्य॒मारो॑हयो दि॒वि ॥
Samhita Devanagari Nonaccented
पवस्व सोम दिव्येषु धामसु सृजान इंदो कलशे पवित्र आ ।
सीदन्निंद्रस्य जठरे कनिक्रदन्नृभिर्यतः सूर्यमारोहयो दिवि ॥
Samhita Transcription Accented
pávasva soma divyéṣu dhā́masu sṛjāná indo kaláśe pavítra ā́ ǀ
sī́danníndrasya jaṭháre kánikradannṛ́bhiryatáḥ sū́ryamā́rohayo diví ǁ
Samhita Transcription Nonaccented
pavasva soma divyeṣu dhāmasu sṛjāna indo kalaśe pavitra ā ǀ
sīdannindrasya jaṭhare kanikradannṛbhiryataḥ sūryamārohayo divi ǁ
Padapatha Devanagari Accented
पव॑स्व । सो॒म॒ । दि॒व्येषु॑ । धाम॑ऽसु । सृ॒जा॒नः । इ॒न्दो॒ इति॑ । क॒लशे॑ । प॒वित्रे॑ । आ ।
सीद॑न् । इन्द्र॑स्य । ज॒ठरे॑ । कनि॑क्रदत् । नृऽभिः॑ । य॒तः । सूर्य॑म् । आ । अ॒रो॒ह॒यः॒ । दि॒वि ॥
Padapatha Devanagari Nonaccented
पवस्व । सोम । दिव्येषु । धामऽसु । सृजानः । इन्दो इति । कलशे । पवित्रे । आ ।
सीदन् । इन्द्रस्य । जठरे । कनिक्रदत् । नृऽभिः । यतः । सूर्यम् । आ । अरोहयः । दिवि ॥
Padapatha Transcription Accented
pávasva ǀ soma ǀ divyéṣu ǀ dhā́ma-su ǀ sṛjānáḥ ǀ indo íti ǀ kaláśe ǀ pavítre ǀ ā́ ǀ
sī́dan ǀ índrasya ǀ jaṭháre ǀ kánikradat ǀ nṛ́-bhiḥ ǀ yatáḥ ǀ sū́ryam ǀ ā́ ǀ arohayaḥ ǀ diví ǁ
Padapatha Transcription Nonaccented
pavasva ǀ soma ǀ divyeṣu ǀ dhāma-su ǀ sṛjānaḥ ǀ indo iti ǀ kalaśe ǀ pavitre ǀ ā ǀ
sīdan ǀ indrasya ǀ jaṭhare ǀ kanikradat ǀ nṛ-bhiḥ ǀ yataḥ ǀ sūryam ǀ ā ǀ arohayaḥ ǀ divi ǁ
09.086.23 (Mandala. Sukta. Rik)
7.3.16.03 (Ashtaka. Adhyaya. Varga. Rik)
09.05.023 (Mandala. Anuvāka. Rik)
Samhita Devanagari Accented
अद्रि॑भिः सु॒तः प॑वसे प॒वित्र॒ आँ इंद॒विंद्र॑स्य ज॒ठरे॑ष्वावि॒शन् ।
त्वं नृ॒चक्षा॑ अभवो विचक्षण॒ सोम॑ गो॒त्रमंगि॑रोभ्योऽवृणो॒रप॑ ॥
Samhita Devanagari Nonaccented
अद्रिभिः सुतः पवसे पवित्र आँ इंदविंद्रस्य जठरेष्वाविशन् ।
त्वं नृचक्षा अभवो विचक्षण सोम गोत्रमंगिरोभ्योऽवृणोरप ॥
Samhita Transcription Accented
ádribhiḥ sutáḥ pavase pavítra ā́m̐ índavíndrasya jaṭháreṣvāviśán ǀ
tvám nṛcákṣā abhavo vicakṣaṇa sóma gotrámáṅgirobhyo’vṛṇorápa ǁ
Samhita Transcription Nonaccented
adribhiḥ sutaḥ pavase pavitra ām̐ indavindrasya jaṭhareṣvāviśan ǀ
tvam nṛcakṣā abhavo vicakṣaṇa soma gotramaṅgirobhyo’vṛṇorapa ǁ
Padapatha Devanagari Accented
अद्रि॑ऽभिः । सु॒तः । प॒व॒से॒ । प॒वित्रे॑ । आ । इन्दो॒ इति॑ । इन्द्र॑स्य । ज॒ठरे॑षु । आ॒ऽवि॒शन् ।
त्वम् । नृ॒ऽचक्षाः॑ । अ॒भ॒वः॒ । वि॒ऽच॒क्ष॒ण॒ । सोम॑ । गो॒त्रम् । अङ्गि॑रःऽभ्यः । अ॒वृ॒णोः॒ । अप॑ ॥
Padapatha Devanagari Nonaccented
अद्रिऽभिः । सुतः । पवसे । पवित्रे । आ । इन्दो इति । इन्द्रस्य । जठरेषु । आऽविशन् ।
त्वम् । नृऽचक्षाः । अभवः । विऽचक्षण । सोम । गोत्रम् । अङ्गिरःऽभ्यः । अवृणोः । अप ॥
Padapatha Transcription Accented
ádri-bhiḥ ǀ sutáḥ ǀ pavase ǀ pavítre ǀ ā́ ǀ índo íti ǀ índrasya ǀ jaṭháreṣu ǀ ā-viśán ǀ
tvám ǀ nṛ-cákṣāḥ ǀ abhavaḥ ǀ vi-cakṣaṇa ǀ sóma ǀ gotrám ǀ áṅgiraḥ-bhyaḥ ǀ avṛṇoḥ ǀ ápa ǁ
Padapatha Transcription Nonaccented
adri-bhiḥ ǀ sutaḥ ǀ pavase ǀ pavitre ǀ ā ǀ indo iti ǀ indrasya ǀ jaṭhareṣu ǀ ā-viśan ǀ
tvam ǀ nṛ-cakṣāḥ ǀ abhavaḥ ǀ vi-cakṣaṇa ǀ soma ǀ gotram ǀ aṅgiraḥ-bhyaḥ ǀ avṛṇoḥ ǀ apa ǁ
09.086.24 (Mandala. Sukta. Rik)
7.3.16.04 (Ashtaka. Adhyaya. Varga. Rik)
09.05.024 (Mandala. Anuvāka. Rik)
Samhita Devanagari Accented
त्वां सो॑म॒ पव॑मानं स्वा॒ध्योऽनु॒ विप्रा॑सो अमदन्नव॒स्यवः॑ ।
त्वां सु॑प॒र्ण आभ॑रद्दि॒वस्परींदो॒ विश्वा॑भिर्म॒तिभिः॒ परि॑ष्कृतं ॥
Samhita Devanagari Nonaccented
त्वां सोम पवमानं स्वाध्योऽनु विप्रासो अमदन्नवस्यवः ।
त्वां सुपर्ण आभरद्दिवस्परींदो विश्वाभिर्मतिभिः परिष्कृतं ॥
Samhita Transcription Accented
tvā́m soma pávamānam svādhyó’nu víprāso amadannavasyávaḥ ǀ
tvā́m suparṇá ā́bharaddiváspárī́ndo víśvābhirmatíbhiḥ páriṣkṛtam ǁ
Samhita Transcription Nonaccented
tvām soma pavamānam svādhyo’nu viprāso amadannavasyavaḥ ǀ
tvām suparṇa ābharaddivasparīndo viśvābhirmatibhiḥ pariṣkṛtam ǁ
Padapatha Devanagari Accented
त्वाम् । सो॒म॒ । पव॑मानम् । सु॒ऽआ॒ध्यः॑ । अनु॑ । विप्रा॑सः । अ॒म॒द॒न् । अ॒व॒स्यवः॑ ।
त्वाम् । सु॒ऽप॒र्णः । आ । अ॒भ॒र॒त् । दि॒वः । परि॑ । इन्दो॒ इति॑ । विश्वा॑भिः । म॒तिऽभिः॑ । परि॑ऽकृतम् ॥
Padapatha Devanagari Nonaccented
त्वाम् । सोम । पवमानम् । सुऽआध्यः । अनु । विप्रासः । अमदन् । अवस्यवः ।
त्वाम् । सुऽपर्णः । आ । अभरत् । दिवः । परि । इन्दो इति । विश्वाभिः । मतिऽभिः । परिऽकृतम् ॥
Padapatha Transcription Accented
tvā́m ǀ soma ǀ pávamānam ǀ su-ādhyáḥ ǀ ánu ǀ víprāsaḥ ǀ amadan ǀ avasyávaḥ ǀ
tvā́m ǀ su-parṇáḥ ǀ ā́ ǀ abharat ǀ diváḥ ǀ pári ǀ índo íti ǀ víśvābhiḥ ǀ matí-bhiḥ ǀ pári-kṛtam ǁ
Padapatha Transcription Nonaccented
tvām ǀ soma ǀ pavamānam ǀ su-ādhyaḥ ǀ anu ǀ viprāsaḥ ǀ amadan ǀ avasyavaḥ ǀ
tvām ǀ su-parṇaḥ ǀ ā ǀ abharat ǀ divaḥ ǀ pari ǀ indo iti ǀ viśvābhiḥ ǀ mati-bhiḥ ǀ pari-kṛtam ǁ
09.086.25 (Mandala. Sukta. Rik)
7.3.16.05 (Ashtaka. Adhyaya. Varga. Rik)
09.05.025 (Mandala. Anuvāka. Rik)
Samhita Devanagari Accented
अव्ये॑ पुना॒नं परि॒ वार॑ ऊ॒र्मिणा॒ हरिं॑ नवंते अ॒भि स॒प्त धे॒नवः॑ ।
अ॒पामु॒पस्थे॒ अध्या॒यवः॑ क॒विमृ॒तस्य॒ योना॑ महि॒षा अ॑हेषत ॥
Samhita Devanagari Nonaccented
अव्ये पुनानं परि वार ऊर्मिणा हरिं नवंते अभि सप्त धेनवः ।
अपामुपस्थे अध्यायवः कविमृतस्य योना महिषा अहेषत ॥
Samhita Transcription Accented
ávye punānám pári vā́ra ūrmíṇā hárim navante abhí saptá dhenávaḥ ǀ
apā́mupásthe ádhyāyávaḥ kavímṛtásya yónā mahiṣā́ aheṣata ǁ
Samhita Transcription Nonaccented
avye punānam pari vāra ūrmiṇā harim navante abhi sapta dhenavaḥ ǀ
apāmupasthe adhyāyavaḥ kavimṛtasya yonā mahiṣā aheṣata ǁ
Padapatha Devanagari Accented
अव्ये॑ । पु॒ना॒नम् । परि॑ । वारे॑ । ऊ॒र्मिणा॑ । हरि॑म् । न॒व॒न्ते॒ । अ॒भि । स॒प्त । धे॒नवः॑ ।
अ॒पाम् । उ॒पऽस्थे॑ । अधि॑ । आ॒यवः॑ । क॒विम् । ऋ॒तस्य॑ । योना॑ । म॒हि॒षाः । अ॒हे॒ष॒त॒ ॥
Padapatha Devanagari Nonaccented
अव्ये । पुनानम् । परि । वारे । ऊर्मिणा । हरिम् । नवन्ते । अभि । सप्त । धेनवः ।
अपाम् । उपऽस्थे । अधि । आयवः । कविम् । ऋतस्य । योना । महिषाः । अहेषत ॥
Padapatha Transcription Accented
ávye ǀ punānám ǀ pári ǀ vā́re ǀ ūrmíṇā ǀ hárim ǀ navante ǀ abhí ǀ saptá ǀ dhenávaḥ ǀ
apā́m ǀ upá-sthe ǀ ádhi ǀ āyávaḥ ǀ kavím ǀ ṛtásya ǀ yónā ǀ mahiṣā́ḥ ǀ aheṣata ǁ
Padapatha Transcription Nonaccented
avye ǀ punānam ǀ pari ǀ vāre ǀ ūrmiṇā ǀ harim ǀ navante ǀ abhi ǀ sapta ǀ dhenavaḥ ǀ
apām ǀ upa-sthe ǀ adhi ǀ āyavaḥ ǀ kavim ǀ ṛtasya ǀ yonā ǀ mahiṣāḥ ǀ aheṣata ǁ
09.086.26 (Mandala. Sukta. Rik)
7.3.17.01 (Ashtaka. Adhyaya. Varga. Rik)
09.05.026 (Mandala. Anuvāka. Rik)
Samhita Devanagari Accented
इंदुः॑ पुना॒नो अति॑ गाहते॒ मृधो॒ विश्वा॑नि कृ॒ण्वन्त्सु॒पथा॑नि॒ यज्य॑वे ।
गाः कृ॑ण्वा॒नो नि॒र्णिजं॑ हर्य॒तः क॒विरत्यो॒ न क्रीळ॒न्परि॒ वार॑मर्षति ॥
Samhita Devanagari Nonaccented
इंदुः पुनानो अति गाहते मृधो विश्वानि कृण्वन्त्सुपथानि यज्यवे ।
गाः कृण्वानो निर्णिजं हर्यतः कविरत्यो न क्रीळन्परि वारमर्षति ॥
Samhita Transcription Accented
índuḥ punānó áti gāhate mṛ́dho víśvāni kṛṇvántsupáthāni yájyave ǀ
gā́ḥ kṛṇvānó nirṇíjam haryatáḥ kavírátyo ná krī́ḷanpári vā́ramarṣati ǁ
Samhita Transcription Nonaccented
induḥ punāno ati gāhate mṛdho viśvāni kṛṇvantsupathāni yajyave ǀ
gāḥ kṛṇvāno nirṇijam haryataḥ kaviratyo na krīḷanpari vāramarṣati ǁ
Padapatha Devanagari Accented
इन्दुः॑ । पु॒ना॒नः । अति॑ । गा॒ह॒ते॒ । मृधः॑ । विश्वा॑नि । कृ॒ण्वन् । सु॒ऽपथा॑नि । यज्य॑वे ।
गाः । कृ॒ण्वा॒नः । निः॒ऽनिज॑म् । ह॒र्य॒तः । क॒विः । अत्यः॑ । न । क्रीळ॑न् । परि॑ । वार॑म् । अ॒र्ष॒ति॒ ॥
Padapatha Devanagari Nonaccented
इन्दुः । पुनानः । अति । गाहते । मृधः । विश्वानि । कृण्वन् । सुऽपथानि । यज्यवे ।
गाः । कृण्वानः । निःऽनिजम् । हर्यतः । कविः । अत्यः । न । क्रीळन् । परि । वारम् । अर्षति ॥
Padapatha Transcription Accented
índuḥ ǀ punānáḥ ǀ áti ǀ gāhate ǀ mṛ́dhaḥ ǀ víśvāni ǀ kṛṇván ǀ su-páthāni ǀ yájyave ǀ
gā́ḥ ǀ kṛṇvānáḥ ǀ niḥ-níjam ǀ haryatáḥ ǀ kavíḥ ǀ átyaḥ ǀ ná ǀ krī́ḷan ǀ pári ǀ vā́ram ǀ arṣati ǁ
Padapatha Transcription Nonaccented
induḥ ǀ punānaḥ ǀ ati ǀ gāhate ǀ mṛdhaḥ ǀ viśvāni ǀ kṛṇvan ǀ su-pathāni ǀ yajyave ǀ
gāḥ ǀ kṛṇvānaḥ ǀ niḥ-nijam ǀ haryataḥ ǀ kaviḥ ǀ atyaḥ ǀ na ǀ krīḷan ǀ pari ǀ vāram ǀ arṣati ǁ
09.086.27 (Mandala. Sukta. Rik)
7.3.17.02 (Ashtaka. Adhyaya. Varga. Rik)
09.05.027 (Mandala. Anuvāka. Rik)
Samhita Devanagari Accented
अ॒स॒श्चतः॑ श॒तधा॑रा अभि॒श्रियो॒ हरिं॑ नवं॒तेऽव॒ ता उ॑द॒न्युवः॑ ।
क्षिपो॑ मृजंति॒ परि॒ गोभि॒रावृ॑तं तृ॒तीये॑ पृ॒ष्ठे अधि॑ रोच॒ने दि॒वः ॥
Samhita Devanagari Nonaccented
असश्चतः शतधारा अभिश्रियो हरिं नवंतेऽव ता उदन्युवः ।
क्षिपो मृजंति परि गोभिरावृतं तृतीये पृष्ठे अधि रोचने दिवः ॥
Samhita Transcription Accented
asaścátaḥ śatádhārā abhiśríyo hárim navanté’va tā́ udanyúvaḥ ǀ
kṣípo mṛjanti pári góbhirā́vṛtam tṛtī́ye pṛṣṭhé ádhi rocané diváḥ ǁ
Samhita Transcription Nonaccented
asaścataḥ śatadhārā abhiśriyo harim navante’va tā udanyuvaḥ ǀ
kṣipo mṛjanti pari gobhirāvṛtam tṛtīye pṛṣṭhe adhi rocane divaḥ ǁ
Padapatha Devanagari Accented
अ॒स॒श्चतः॑ । श॒तऽधा॑राः । अ॒भि॒ऽश्रियः॑ । हरि॑म् । न॒व॒न्ते॒ । अव॑ । ताः । उ॒द॒न्युवः॑ ।
क्षिपः॑ । मृ॒ज॒न्ति॒ । परि॑ । गोभिः॑ । आऽवृ॑तम् । तृ॒तीये॑ । पृ॒ष्ठे । अधि॑ । रो॒च॒ने । दि॒वः ॥
Padapatha Devanagari Nonaccented
असश्चतः । शतऽधाराः । अभिऽश्रियः । हरिम् । नवन्ते । अव । ताः । उदन्युवः ।
क्षिपः । मृजन्ति । परि । गोभिः । आऽवृतम् । तृतीये । पृष्ठे । अधि । रोचने । दिवः ॥
Padapatha Transcription Accented
asaścátaḥ ǀ śatá-dhārāḥ ǀ abhi-śríyaḥ ǀ hárim ǀ navante ǀ áva ǀ tā́ḥ ǀ udanyúvaḥ ǀ
kṣípaḥ ǀ mṛjanti ǀ pári ǀ góbhiḥ ǀ ā́-vṛtam ǀ tṛtī́ye ǀ pṛṣṭhé ǀ ádhi ǀ rocané ǀ diváḥ ǁ
Padapatha Transcription Nonaccented
asaścataḥ ǀ śata-dhārāḥ ǀ abhi-śriyaḥ ǀ harim ǀ navante ǀ ava ǀ tāḥ ǀ udanyuvaḥ ǀ
kṣipaḥ ǀ mṛjanti ǀ pari ǀ gobhiḥ ǀ ā-vṛtam ǀ tṛtīye ǀ pṛṣṭhe ǀ adhi ǀ rocane ǀ divaḥ ǁ
09.086.28 (Mandala. Sukta. Rik)
7.3.17.03 (Ashtaka. Adhyaya. Varga. Rik)
09.05.028 (Mandala. Anuvāka. Rik)
Samhita Devanagari Accented
तवे॒माः प्र॒जा दि॒व्यस्य॒ रेत॑स॒स्त्वं विश्व॑स्य॒ भुव॑नस्य राजसि ।
अथे॒दं विश्वं॑ पवमान ते॒ वशे॒ त्वमिं॑दो प्रथ॒मो धा॑म॒धा अ॑सि ॥
Samhita Devanagari Nonaccented
तवेमाः प्रजा दिव्यस्य रेतसस्त्वं विश्वस्य भुवनस्य राजसि ।
अथेदं विश्वं पवमान ते वशे त्वमिंदो प्रथमो धामधा असि ॥
Samhita Transcription Accented
távemā́ḥ prajā́ divyásya rétasastvám víśvasya bhúvanasya rājasi ǀ
áthedám víśvam pavamāna te váśe tvámindo prathamó dhāmadhā́ asi ǁ
Samhita Transcription Nonaccented
tavemāḥ prajā divyasya retasastvam viśvasya bhuvanasya rājasi ǀ
athedam viśvam pavamāna te vaśe tvamindo prathamo dhāmadhā asi ǁ
Padapatha Devanagari Accented
तव॑ । इ॒माः । प्र॒ऽजाः । दि॒व्यस्य॑ । रेत॑सः । त्वम् । विश्व॑स्य । भुव॑नस्य । रा॒ज॒सि॒ ।
अथ॑ । इ॒दम् । विश्व॑म् । प॒व॒मा॒न॒ । ते॒ । वशे॑ । त्वम् । इ॒न्दो॒ इति॑ । प्र॒थ॒मः । धा॒म॒ऽधाः । अ॒सि॒ ॥
Padapatha Devanagari Nonaccented
तव । इमाः । प्रऽजाः । दिव्यस्य । रेतसः । त्वम् । विश्वस्य । भुवनस्य । राजसि ।
अथ । इदम् । विश्वम् । पवमान । ते । वशे । त्वम् । इन्दो इति । प्रथमः । धामऽधाः । असि ॥
Padapatha Transcription Accented
táva ǀ imā́ḥ ǀ pra-jā́ḥ ǀ divyásya ǀ rétasaḥ ǀ tvám ǀ víśvasya ǀ bhúvanasya ǀ rājasi ǀ
átha ǀ idám ǀ víśvam ǀ pavamāna ǀ te ǀ váśe ǀ tvám ǀ indo íti ǀ prathamáḥ ǀ dhāma-dhā́ḥ ǀ asi ǁ
Padapatha Transcription Nonaccented
tava ǀ imāḥ ǀ pra-jāḥ ǀ divyasya ǀ retasaḥ ǀ tvam ǀ viśvasya ǀ bhuvanasya ǀ rājasi ǀ
atha ǀ idam ǀ viśvam ǀ pavamāna ǀ te ǀ vaśe ǀ tvam ǀ indo iti ǀ prathamaḥ ǀ dhāma-dhāḥ ǀ asi ǁ
09.086.29 (Mandala. Sukta. Rik)
7.3.17.04 (Ashtaka. Adhyaya. Varga. Rik)
09.05.029 (Mandala. Anuvāka. Rik)
Samhita Devanagari Accented
त्वं स॑मु॒द्रो अ॑सि विश्व॒वित्क॑वे॒ तवे॒माः पंच॑ प्र॒दिशो॒ विध॑र्मणि ।
त्वं द्यां च॑ पृथि॒वीं चाति॑ जभ्रिषे॒ तव॒ ज्योतीं॑षि पवमान॒ सूर्यः॑ ॥
Samhita Devanagari Nonaccented
त्वं समुद्रो असि विश्ववित्कवे तवेमाः पंच प्रदिशो विधर्मणि ।
त्वं द्यां च पृथिवीं चाति जभ्रिषे तव ज्योतींषि पवमान सूर्यः ॥
Samhita Transcription Accented
tvám samudró asi viśvavítkave távemā́ḥ páñca pradíśo vídharmaṇi ǀ
tvám dyā́m ca pṛthivī́m cā́ti jabhriṣe táva jyótīṃṣi pavamāna sū́ryaḥ ǁ
Samhita Transcription Nonaccented
tvam samudro asi viśvavitkave tavemāḥ pañca pradiśo vidharmaṇi ǀ
tvam dyām ca pṛthivīm cāti jabhriṣe tava jyotīṃṣi pavamāna sūryaḥ ǁ
Padapatha Devanagari Accented
त्वम् । स॒मु॒द्रः । अ॒सि॒ । वि॒श्व॒ऽवित् । क॒वे॒ । तव॑ । इ॒माः । पञ्च॑ । प्र॒ऽदिशः॑ । विऽध॑र्मणि ।
त्वम् । द्याम् । च॒ । पृ॒थि॒वीम् । च॒ । अति॑ । ज॒भ्रि॒षे॒ । तव॑ । ज्योतीं॑षि । प॒व॒मा॒न॒ । सूर्यः॑ ॥
Padapatha Devanagari Nonaccented
त्वम् । समुद्रः । असि । विश्वऽवित् । कवे । तव । इमाः । पञ्च । प्रऽदिशः । विऽधर्मणि ।
त्वम् । द्याम् । च । पृथिवीम् । च । अति । जभ्रिषे । तव । ज्योतींषि । पवमान । सूर्यः ॥
Padapatha Transcription Accented
tvám ǀ samudráḥ ǀ asi ǀ viśva-vít ǀ kave ǀ táva ǀ imā́ḥ ǀ páñca ǀ pra-díśaḥ ǀ ví-dharmaṇi ǀ
tvám ǀ dyā́m ǀ ca ǀ pṛthivī́m ǀ ca ǀ áti ǀ jabhriṣe ǀ táva ǀ jyótīṃṣi ǀ pavamāna ǀ sū́ryaḥ ǁ
Padapatha Transcription Nonaccented
tvam ǀ samudraḥ ǀ asi ǀ viśva-vit ǀ kave ǀ tava ǀ imāḥ ǀ pañca ǀ pra-diśaḥ ǀ vi-dharmaṇi ǀ
tvam ǀ dyām ǀ ca ǀ pṛthivīm ǀ ca ǀ ati ǀ jabhriṣe ǀ tava ǀ jyotīṃṣi ǀ pavamāna ǀ sūryaḥ ǁ
09.086.30 (Mandala. Sukta. Rik)
7.3.17.05 (Ashtaka. Adhyaya. Varga. Rik)
09.05.030 (Mandala. Anuvāka. Rik)
Samhita Devanagari Accented
त्वं प॒वित्रे॒ रज॑सो॒ विध॑र्मणि दे॒वेभ्यः॑ सोम पवमान पूयसे ।
त्वामु॒शिजः॑ प्रथ॒मा अ॑गृभ्णत॒ तुभ्ये॒मा विश्वा॒ भुव॑नानि येमिरे ॥
Samhita Devanagari Nonaccented
त्वं पवित्रे रजसो विधर्मणि देवेभ्यः सोम पवमान पूयसे ।
त्वामुशिजः प्रथमा अगृभ्णत तुभ्येमा विश्वा भुवनानि येमिरे ॥
Samhita Transcription Accented
tvám pavítre rájaso vídharmaṇi devébhyaḥ soma pavamāna pūyase ǀ
tvā́muśíjaḥ prathamā́ agṛbhṇata túbhyemā́ víśvā bhúvanāni yemire ǁ
Samhita Transcription Nonaccented
tvam pavitre rajaso vidharmaṇi devebhyaḥ soma pavamāna pūyase ǀ
tvāmuśijaḥ prathamā agṛbhṇata tubhyemā viśvā bhuvanāni yemire ǁ
Padapatha Devanagari Accented
त्वम् । प॒वित्रे॑ । रज॑सः । विऽध॑र्मणि । दे॒वेभ्यः॑ । सो॒म॒ । प॒व॒मा॒न॒ । पू॒य॒से॒ ।
त्वाम् । उ॒शिजः॑ । प्र॒थ॒माः । अ॒गृ॒भ्ण॒त॒ । तुभ्य॑ । इ॒मा । विश्वा॑ । भुव॑नानि । ये॒मि॒रे॒ ॥
Padapatha Devanagari Nonaccented
त्वम् । पवित्रे । रजसः । विऽधर्मणि । देवेभ्यः । सोम । पवमान । पूयसे ।
त्वाम् । उशिजः । प्रथमाः । अगृभ्णत । तुभ्य । इमा । विश्वा । भुवनानि । येमिरे ॥
Padapatha Transcription Accented
tvám ǀ pavítre ǀ rájasaḥ ǀ ví-dharmaṇi ǀ devébhyaḥ ǀ soma ǀ pavamāna ǀ pūyase ǀ
tvā́m ǀ uśíjaḥ ǀ prathamā́ḥ ǀ agṛbhṇata ǀ túbhya ǀ imā́ ǀ víśvā ǀ bhúvanāni ǀ yemire ǁ
Padapatha Transcription Nonaccented
tvam ǀ pavitre ǀ rajasaḥ ǀ vi-dharmaṇi ǀ devebhyaḥ ǀ soma ǀ pavamāna ǀ pūyase ǀ
tvām ǀ uśijaḥ ǀ prathamāḥ ǀ agṛbhṇata ǀ tubhya ǀ imā ǀ viśvā ǀ bhuvanāni ǀ yemire ǁ
09.086.31 (Mandala. Sukta. Rik)
7.3.18.01 (Ashtaka. Adhyaya. Varga. Rik)
09.05.031 (Mandala. Anuvāka. Rik)
Samhita Devanagari Accented
प्र रे॒भ ए॒त्यति॒ वार॑म॒व्ययं॒ वृषा॒ वने॒ष्वव॑ चक्रद॒द्धरिः॑ ।
सं धी॒तयो॑ वावशा॒ना अ॑नूषत॒ शिशुं॑ रिहंति म॒तयः॒ पनि॑प्नतं ॥
Samhita Devanagari Nonaccented
प्र रेभ एत्यति वारमव्ययं वृषा वनेष्वव चक्रदद्धरिः ।
सं धीतयो वावशाना अनूषत शिशुं रिहंति मतयः पनिप्नतं ॥
Samhita Transcription Accented
prá rebhá etyáti vā́ramavyáyam vṛ́ṣā váneṣváva cakradaddháriḥ ǀ
sám dhītáyo vāvaśānā́ anūṣata śíśum rihanti matáyaḥ pánipnatam ǁ
Samhita Transcription Nonaccented
pra rebha etyati vāramavyayam vṛṣā vaneṣvava cakradaddhariḥ ǀ
sam dhītayo vāvaśānā anūṣata śiśum rihanti matayaḥ panipnatam ǁ
Padapatha Devanagari Accented
प्र । रे॒भः । ए॒ति॒ । अति॑ । वार॑म् । अ॒व्यय॑म् । वृषा॑ । वने॑षु । अव॑ । च॒क्र॒द॒त् । हरिः॑ ।
सम् । धी॒तयः॑ । वा॒व॒शा॒नाः । अ॒नू॒ष॒त॒ । शिशु॑म् । रि॒ह॒न्ति॒ । म॒तयः॑ । पनि॑प्नतम् ॥
Padapatha Devanagari Nonaccented
प्र । रेभः । एति । अति । वारम् । अव्ययम् । वृषा । वनेषु । अव । चक्रदत् । हरिः ।
सम् । धीतयः । वावशानाः । अनूषत । शिशुम् । रिहन्ति । मतयः । पनिप्नतम् ॥
Padapatha Transcription Accented
prá ǀ rebháḥ ǀ eti ǀ áti ǀ vā́ram ǀ avyáyam ǀ vṛ́ṣā ǀ váneṣu ǀ áva ǀ cakradat ǀ háriḥ ǀ
sám ǀ dhītáyaḥ ǀ vāvaśānā́ḥ ǀ anūṣata ǀ śíśum ǀ rihanti ǀ matáyaḥ ǀ pánipnatam ǁ
Padapatha Transcription Nonaccented
pra ǀ rebhaḥ ǀ eti ǀ ati ǀ vāram ǀ avyayam ǀ vṛṣā ǀ vaneṣu ǀ ava ǀ cakradat ǀ hariḥ ǀ
sam ǀ dhītayaḥ ǀ vāvaśānāḥ ǀ anūṣata ǀ śiśum ǀ rihanti ǀ matayaḥ ǀ panipnatam ǁ
09.086.32 (Mandala. Sukta. Rik)
7.3.18.02 (Ashtaka. Adhyaya. Varga. Rik)
09.05.032 (Mandala. Anuvāka. Rik)
Samhita Devanagari Accented
स सूर्य॑स्य र॒श्मिभिः॒ परि॑ व्यत॒ तंतुं॑ तन्वा॒नस्त्रि॒वृतं॒ यथा॑ वि॒दे ।
नय॑न्नृ॒तस्य॑ प्र॒शिषो॒ नवी॑यसीः॒ पति॒र्जनी॑ना॒मुप॑ याति निष्कृ॒तं ॥
Samhita Devanagari Nonaccented
स सूर्यस्य रश्मिभिः परि व्यत तंतुं तन्वानस्त्रिवृतं यथा विदे ।
नयन्नृतस्य प्रशिषो नवीयसीः पतिर्जनीनामुप याति निष्कृतं ॥
Samhita Transcription Accented
sá sū́ryasya raśmíbhiḥ pári vyata tántum tanvānástrivṛ́tam yáthā vidé ǀ
náyannṛtásya praśíṣo návīyasīḥ pátirjánīnāmúpa yāti niṣkṛtám ǁ
Samhita Transcription Nonaccented
sa sūryasya raśmibhiḥ pari vyata tantum tanvānastrivṛtam yathā vide ǀ
nayannṛtasya praśiṣo navīyasīḥ patirjanīnāmupa yāti niṣkṛtam ǁ
Padapatha Devanagari Accented
सः । सूर्य॑स्य । र॒श्मिऽभिः॑ । परि॑ । व्य॒त॒ । तन्तु॑म् । त॒न्वा॒नः । त्रि॒ऽवृत॑म् । यथा॑ । वि॒दे ।
नय॑न् । ऋ॒तस्य॑ । प्र॒ऽशिषः॑ । नवी॑यसीः । पतिः॑ । जनी॑नाम् । उप॑ । या॒ति॒ । निः॒ऽकृ॒तम् ॥
Padapatha Devanagari Nonaccented
सः । सूर्यस्य । रश्मिऽभिः । परि । व्यत । तन्तुम् । तन्वानः । त्रिऽवृतम् । यथा । विदे ।
नयन् । ऋतस्य । प्रऽशिषः । नवीयसीः । पतिः । जनीनाम् । उप । याति । निःऽकृतम् ॥
Padapatha Transcription Accented
sáḥ ǀ sū́ryasya ǀ raśmí-bhiḥ ǀ pári ǀ vyata ǀ tántum ǀ tanvānáḥ ǀ tri-vṛ́tam ǀ yáthā ǀ vidé ǀ
náyan ǀ ṛtásya ǀ pra-śíṣaḥ ǀ návīyasīḥ ǀ pátiḥ ǀ jánīnām ǀ úpa ǀ yāti ǀ niḥ-kṛtám ǁ
Padapatha Transcription Nonaccented
saḥ ǀ sūryasya ǀ raśmi-bhiḥ ǀ pari ǀ vyata ǀ tantum ǀ tanvānaḥ ǀ tri-vṛtam ǀ yathā ǀ vide ǀ
nayan ǀ ṛtasya ǀ pra-śiṣaḥ ǀ navīyasīḥ ǀ patiḥ ǀ janīnām ǀ upa ǀ yāti ǀ niḥ-kṛtam ǁ
09.086.33 (Mandala. Sukta. Rik)
7.3.18.03 (Ashtaka. Adhyaya. Varga. Rik)
09.05.033 (Mandala. Anuvāka. Rik)
Samhita Devanagari Accented
राजा॒ सिंधू॑नां पवते॒ पति॑र्दि॒व ऋ॒तस्य॑ याति प॒थिभिः॒ कनि॑क्रदत् ।
स॒हस्र॑धारः॒ परि॑ षिच्यते॒ हरिः॑ पुना॒नो वाचं॑ ज॒नय॒न्नुपा॑वसुः ॥
Samhita Devanagari Nonaccented
राजा सिंधूनां पवते पतिर्दिव ऋतस्य याति पथिभिः कनिक्रदत् ।
सहस्रधारः परि षिच्यते हरिः पुनानो वाचं जनयन्नुपावसुः ॥
Samhita Transcription Accented
rā́jā síndhūnām pavate pátirdivá ṛtásya yāti pathíbhiḥ kánikradat ǀ
sahásradhāraḥ pári ṣicyate háriḥ punānó vā́cam janáyannúpāvasuḥ ǁ
Samhita Transcription Nonaccented
rājā sindhūnām pavate patirdiva ṛtasya yāti pathibhiḥ kanikradat ǀ
sahasradhāraḥ pari ṣicyate hariḥ punāno vācam janayannupāvasuḥ ǁ
Padapatha Devanagari Accented
राजा॑ । सिन्धू॑नाम् । प॒व॒ते॒ । पतिः॑ । दि॒वः । ऋ॒तस्य॑ । या॒ति॒ । प॒थिऽभिः॑ । कनि॑क्रदत् ।
स॒हस्र॑ऽधारः । परि॑ । सि॒च्य॒ते॒ । हरिः॑ । पु॒ना॒नः । वाच॑म् । ज॒नय॑न् । उप॑ऽवसुः ॥
Padapatha Devanagari Nonaccented
राजा । सिन्धूनाम् । पवते । पतिः । दिवः । ऋतस्य । याति । पथिऽभिः । कनिक्रदत् ।
सहस्रऽधारः । परि । सिच्यते । हरिः । पुनानः । वाचम् । जनयन् । उपऽवसुः ॥
Padapatha Transcription Accented
rā́jā ǀ síndhūnām ǀ pavate ǀ pátiḥ ǀ diváḥ ǀ ṛtásya ǀ yāti ǀ pathí-bhiḥ ǀ kánikradat ǀ
sahásra-dhāraḥ ǀ pári ǀ sicyate ǀ háriḥ ǀ punānáḥ ǀ vā́cam ǀ janáyan ǀ úpa-vasuḥ ǁ
Padapatha Transcription Nonaccented
rājā ǀ sindhūnām ǀ pavate ǀ patiḥ ǀ divaḥ ǀ ṛtasya ǀ yāti ǀ pathi-bhiḥ ǀ kanikradat ǀ
sahasra-dhāraḥ ǀ pari ǀ sicyate ǀ hariḥ ǀ punānaḥ ǀ vācam ǀ janayan ǀ upa-vasuḥ ǁ
09.086.34 (Mandala. Sukta. Rik)
7.3.18.04 (Ashtaka. Adhyaya. Varga. Rik)
09.05.034 (Mandala. Anuvāka. Rik)
Samhita Devanagari Accented
पव॑मान॒ मह्यर्णो॒ वि धा॑वसि॒ सूरो॒ न चि॒त्रो अव्य॑यानि॒ पव्य॑या ।
गभ॑स्तिपूतो॒ नृभि॒रद्रि॑भिः सु॒तो म॒हे वाजा॑य॒ धन्या॑य धन्वसि ॥
Samhita Devanagari Nonaccented
पवमान मह्यर्णो वि धावसि सूरो न चित्रो अव्ययानि पव्यया ।
गभस्तिपूतो नृभिरद्रिभिः सुतो महे वाजाय धन्याय धन्वसि ॥
Samhita Transcription Accented
pávamāna máhyárṇo ví dhāvasi sū́ro ná citró ávyayāni pávyayā ǀ
gábhastipūto nṛ́bhirádribhiḥ sutó mahé vā́jāya dhányāya dhanvasi ǁ
Samhita Transcription Nonaccented
pavamāna mahyarṇo vi dhāvasi sūro na citro avyayāni pavyayā ǀ
gabhastipūto nṛbhiradribhiḥ suto mahe vājāya dhanyāya dhanvasi ǁ
Padapatha Devanagari Accented
पव॑मान । महि॑ । अर्णः॑ । वि । धा॒व॒सि॒ । सूरः॑ । न । चि॒त्रः । अव्य॑यानि । पव्य॑या ।
गभ॑स्तिऽपूतः । नृऽभिः॑ । अद्रि॑ऽभिः । सु॒तः । म॒हे । वाजा॑य । धन्या॑य । ध॒न्व॒सि॒ ॥
Padapatha Devanagari Nonaccented
पवमान । महि । अर्णः । वि । धावसि । सूरः । न । चित्रः । अव्ययानि । पव्यया ।
गभस्तिऽपूतः । नृऽभिः । अद्रिऽभिः । सुतः । महे । वाजाय । धन्याय । धन्वसि ॥
Padapatha Transcription Accented
pávamāna ǀ máhi ǀ árṇaḥ ǀ ví ǀ dhāvasi ǀ sū́raḥ ǀ ná ǀ citráḥ ǀ ávyayāni ǀ pávyayā ǀ
gábhasti-pūtaḥ ǀ nṛ́-bhiḥ ǀ ádri-bhiḥ ǀ sutáḥ ǀ mahé ǀ vā́jāya ǀ dhányāya ǀ dhanvasi ǁ
Padapatha Transcription Nonaccented
pavamāna ǀ mahi ǀ arṇaḥ ǀ vi ǀ dhāvasi ǀ sūraḥ ǀ na ǀ citraḥ ǀ avyayāni ǀ pavyayā ǀ
gabhasti-pūtaḥ ǀ nṛ-bhiḥ ǀ adri-bhiḥ ǀ sutaḥ ǀ mahe ǀ vājāya ǀ dhanyāya ǀ dhanvasi ǁ
09.086.35 (Mandala. Sukta. Rik)
7.3.18.05 (Ashtaka. Adhyaya. Varga. Rik)
09.05.035 (Mandala. Anuvāka. Rik)
Samhita Devanagari Accented
इष॒मूर्जं॑ पवमाना॒भ्य॑र्षसि श्ये॒नो न वंसु॑ क॒लशे॑षु सीदसि ।
इंद्रा॑य॒ मद्वा॒ मद्यो॒ मदः॑ सु॒तो दि॒वो वि॑ष्टं॒भ उ॑प॒मो वि॑चक्ष॒णः ॥
Samhita Devanagari Nonaccented
इषमूर्जं पवमानाभ्यर्षसि श्येनो न वंसु कलशेषु सीदसि ।
इंद्राय मद्वा मद्यो मदः सुतो दिवो विष्टंभ उपमो विचक्षणः ॥
Samhita Transcription Accented
íṣamū́rjam pavamānābhyárṣasi śyenó ná váṃsu kaláśeṣu sīdasi ǀ
índrāya mádvā mádyo mádaḥ sutó divó viṣṭambhá upamó vicakṣaṇáḥ ǁ
Samhita Transcription Nonaccented
iṣamūrjam pavamānābhyarṣasi śyeno na vaṃsu kalaśeṣu sīdasi ǀ
indrāya madvā madyo madaḥ suto divo viṣṭambha upamo vicakṣaṇaḥ ǁ
Padapatha Devanagari Accented
इष॑म् । ऊर्ज॑म् । प॒व॒मा॒न॒ । अ॒भि । अ॒र्ष॒सि॒ । श्ये॒नः । न । वंसु॑ । क॒लशे॑षु । सी॒द॒सि॒ ।
इन्द्रा॑य । मद्वा॑ । मद्यः॑ । मदः॑ । सु॒तः । दि॒वः । वि॒ष्ट॒म्भः । उ॒प॒ऽमः । वि॒ऽच॒क्ष॒णः ॥
Padapatha Devanagari Nonaccented
इषम् । ऊर्जम् । पवमान । अभि । अर्षसि । श्येनः । न । वंसु । कलशेषु । सीदसि ।
इन्द्राय । मद्वा । मद्यः । मदः । सुतः । दिवः । विष्टम्भः । उपऽमः । विऽचक्षणः ॥
Padapatha Transcription Accented
íṣam ǀ ū́rjam ǀ pavamāna ǀ abhí ǀ arṣasi ǀ śyenáḥ ǀ ná ǀ váṃsu ǀ kaláśeṣu ǀ sīdasi ǀ
índrāya ǀ mádvā ǀ mádyaḥ ǀ mádaḥ ǀ sutáḥ ǀ diváḥ ǀ viṣṭambháḥ ǀ upa-máḥ ǀ vi-cakṣaṇáḥ ǁ
Padapatha Transcription Nonaccented
iṣam ǀ ūrjam ǀ pavamāna ǀ abhi ǀ arṣasi ǀ śyenaḥ ǀ na ǀ vaṃsu ǀ kalaśeṣu ǀ sīdasi ǀ
indrāya ǀ madvā ǀ madyaḥ ǀ madaḥ ǀ sutaḥ ǀ divaḥ ǀ viṣṭambhaḥ ǀ upa-maḥ ǀ vi-cakṣaṇaḥ ǁ
09.086.36 (Mandala. Sukta. Rik)
7.3.19.01 (Ashtaka. Adhyaya. Varga. Rik)
09.05.036 (Mandala. Anuvāka. Rik)
Samhita Devanagari Accented
स॒प्त स्वसा॑रो अ॒भि मा॒तरः॒ शिशुं॒ नवं॑ जज्ञा॒नं जेन्यं॑ विप॒श्चितं॑ ।
अ॒पां गं॑ध॒र्वं दि॒व्यं नृ॒चक्ष॑सं॒ सोमं॒ विश्व॑स्य॒ भुव॑नस्य रा॒जसे॑ ॥
Samhita Devanagari Nonaccented
सप्त स्वसारो अभि मातरः शिशुं नवं जज्ञानं जेन्यं विपश्चितं ।
अपां गंधर्वं दिव्यं नृचक्षसं सोमं विश्वस्य भुवनस्य राजसे ॥
Samhita Transcription Accented
saptá svásāro abhí mātáraḥ śíśum návam jajñānám jényam vipaścítam ǀ
apā́m gandharvám divyám nṛcákṣasam sómam víśvasya bhúvanasya rājáse ǁ
Samhita Transcription Nonaccented
sapta svasāro abhi mātaraḥ śiśum navam jajñānam jenyam vipaścitam ǀ
apām gandharvam divyam nṛcakṣasam somam viśvasya bhuvanasya rājase ǁ
Padapatha Devanagari Accented
स॒प्त । स्वसा॑रः । अ॒भि । मा॒तरः॑ । शिशु॑म् । नव॑म् । ज॒ज्ञा॒नम् । जेन्य॑म् । वि॒पः॒ऽचित॑म् ।
अ॒पाम् । ग॒न्ध॒र्वम् । दि॒व्यम् । नृ॒ऽचक्ष॑सम् । सोम॑म् । विश्व॑स्य । भुव॑नस्य । रा॒जसे॑ ॥
Padapatha Devanagari Nonaccented
सप्त । स्वसारः । अभि । मातरः । शिशुम् । नवम् । जज्ञानम् । जेन्यम् । विपःऽचितम् ।
अपाम् । गन्धर्वम् । दिव्यम् । नृऽचक्षसम् । सोमम् । विश्वस्य । भुवनस्य । राजसे ॥
Padapatha Transcription Accented
saptá ǀ svásāraḥ ǀ abhí ǀ mātáraḥ ǀ śíśum ǀ návam ǀ jajñānám ǀ jényam ǀ vipaḥ-cítam ǀ
apā́m ǀ gandharvám ǀ divyám ǀ nṛ-cákṣasam ǀ sómam ǀ víśvasya ǀ bhúvanasya ǀ rājáse ǁ
Padapatha Transcription Nonaccented
sapta ǀ svasāraḥ ǀ abhi ǀ mātaraḥ ǀ śiśum ǀ navam ǀ jajñānam ǀ jenyam ǀ vipaḥ-citam ǀ
apām ǀ gandharvam ǀ divyam ǀ nṛ-cakṣasam ǀ somam ǀ viśvasya ǀ bhuvanasya ǀ rājase ǁ
09.086.37 (Mandala. Sukta. Rik)
7.3.19.02 (Ashtaka. Adhyaya. Varga. Rik)
09.05.037 (Mandala. Anuvāka. Rik)
Samhita Devanagari Accented
ई॒शा॒न इ॒मा भुव॑नानि॒ वीय॑से युजा॒न इं॑दो ह॒रितः॑ सुप॒र्ण्यः॑ ।
तास्ते॑ क्षरंतु॒ मधु॑मद्घृ॒तं पय॒स्तव॑ व्र॒ते सो॑म तिष्ठंतु कृ॒ष्टयः॑ ॥
Samhita Devanagari Nonaccented
ईशान इमा भुवनानि वीयसे युजान इंदो हरितः सुपर्ण्यः ।
तास्ते क्षरंतु मधुमद्घृतं पयस्तव व्रते सोम तिष्ठंतु कृष्टयः ॥
Samhita Transcription Accented
īśāná imā́ bhúvanāni vī́yase yujāná indo harítaḥ suparṇyáḥ ǀ
tā́ste kṣarantu mádhumadghṛtám páyastáva vraté soma tiṣṭhantu kṛṣṭáyaḥ ǁ
Samhita Transcription Nonaccented
īśāna imā bhuvanāni vīyase yujāna indo haritaḥ suparṇyaḥ ǀ
tāste kṣarantu madhumadghṛtam payastava vrate soma tiṣṭhantu kṛṣṭayaḥ ǁ
Padapatha Devanagari Accented
ई॒शा॒नः । इ॒मा । भुव॑नानि । वि । ई॒य॒से॒ । यु॒जा॒नः । इ॒न्दो॒ इति॑ । ह॒रितः॑ । सु॒ऽप॒र्ण्यः॑ ।
ताः । ते॒ । क्ष॒र॒न्तु॒ । मधु॑ऽमत् । घृ॒तम् । पयः॑ । तव॑ । व्र॒ते । सो॒म॒ । ति॒ष्ठ॒न्तु॒ । कृ॒ष्टयः॑ ॥
Padapatha Devanagari Nonaccented
ईशानः । इमा । भुवनानि । वि । ईयसे । युजानः । इन्दो इति । हरितः । सुऽपर्ण्यः ।
ताः । ते । क्षरन्तु । मधुऽमत् । घृतम् । पयः । तव । व्रते । सोम । तिष्ठन्तु । कृष्टयः ॥
Padapatha Transcription Accented
īśānáḥ ǀ imā́ ǀ bhúvanāni ǀ ví ǀ īyase ǀ yujānáḥ ǀ indo íti ǀ harítaḥ ǀ su-parṇyáḥ ǀ
tā́ḥ ǀ te ǀ kṣarantu ǀ mádhu-mat ǀ ghṛtám ǀ páyaḥ ǀ táva ǀ vraté ǀ soma ǀ tiṣṭhantu ǀ kṛṣṭáyaḥ ǁ
Padapatha Transcription Nonaccented
īśānaḥ ǀ imā ǀ bhuvanāni ǀ vi ǀ īyase ǀ yujānaḥ ǀ indo iti ǀ haritaḥ ǀ su-parṇyaḥ ǀ
tāḥ ǀ te ǀ kṣarantu ǀ madhu-mat ǀ ghṛtam ǀ payaḥ ǀ tava ǀ vrate ǀ soma ǀ tiṣṭhantu ǀ kṛṣṭayaḥ ǁ
09.086.38 (Mandala. Sukta. Rik)
7.3.19.03 (Ashtaka. Adhyaya. Varga. Rik)
09.05.038 (Mandala. Anuvāka. Rik)
Samhita Devanagari Accented
त्वं नृ॒चक्षा॑ असि सोम वि॒श्वतः॒ पव॑मान वृषभ॒ ता वि धा॑वसि ।
स नः॑ पवस्व॒ वसु॑म॒द्धिर॑ण्यवद्व॒यं स्या॑म॒ भुव॑नेषु जी॒वसे॑ ॥
Samhita Devanagari Nonaccented
त्वं नृचक्षा असि सोम विश्वतः पवमान वृषभ ता वि धावसि ।
स नः पवस्व वसुमद्धिरण्यवद्वयं स्याम भुवनेषु जीवसे ॥
Samhita Transcription Accented
tvám nṛcákṣā asi soma viśvátaḥ pávamāna vṛṣabha tā́ ví dhāvasi ǀ
sá naḥ pavasva vásumaddhíraṇyavadvayám syāma bhúvaneṣu jīváse ǁ
Samhita Transcription Nonaccented
tvam nṛcakṣā asi soma viśvataḥ pavamāna vṛṣabha tā vi dhāvasi ǀ
sa naḥ pavasva vasumaddhiraṇyavadvayam syāma bhuvaneṣu jīvase ǁ
Padapatha Devanagari Accented
त्वम् । नृ॒ऽचक्षाः॑ । अ॒सि॒ । सो॒म॒ । वि॒श्वतः॑ । पव॑मान । वृ॒ष॒भ॒ । ता । वि । धा॒व॒सि॒ ।
सः । नः॒ । प॒व॒स्व॒ । वसु॑ऽमत् । हिर॑ण्यऽवत् । व॒यम् । स्या॒म॒ । भुव॑नेषु । जी॒वसे॑ ॥
Padapatha Devanagari Nonaccented
त्वम् । नृऽचक्षाः । असि । सोम । विश्वतः । पवमान । वृषभ । ता । वि । धावसि ।
सः । नः । पवस्व । वसुऽमत् । हिरण्यऽवत् । वयम् । स्याम । भुवनेषु । जीवसे ॥
Padapatha Transcription Accented
tvám ǀ nṛ-cákṣāḥ ǀ asi ǀ soma ǀ viśvátaḥ ǀ pávamāna ǀ vṛṣabha ǀ tā́ ǀ ví ǀ dhāvasi ǀ
sáḥ ǀ naḥ ǀ pavasva ǀ vásu-mat ǀ híraṇya-vat ǀ vayám ǀ syāma ǀ bhúvaneṣu ǀ jīváse ǁ
Padapatha Transcription Nonaccented
tvam ǀ nṛ-cakṣāḥ ǀ asi ǀ soma ǀ viśvataḥ ǀ pavamāna ǀ vṛṣabha ǀ tā ǀ vi ǀ dhāvasi ǀ
saḥ ǀ naḥ ǀ pavasva ǀ vasu-mat ǀ hiraṇya-vat ǀ vayam ǀ syāma ǀ bhuvaneṣu ǀ jīvase ǁ
09.086.39 (Mandala. Sukta. Rik)
7.3.19.04 (Ashtaka. Adhyaya. Varga. Rik)
09.05.039 (Mandala. Anuvāka. Rik)
Samhita Devanagari Accented
गो॒वित्प॑वस्व वसु॒विद्धि॑रण्य॒विद्रे॑तो॒धा इं॑दो॒ भुव॑ने॒ष्वर्पि॑तः ।
त्वं सु॒वीरो॑ असि सोम विश्व॒वित्तं त्वा॒ विप्रा॒ उप॑ गि॒रेम आ॑सते ॥
Samhita Devanagari Nonaccented
गोवित्पवस्व वसुविद्धिरण्यविद्रेतोधा इंदो भुवनेष्वर्पितः ।
त्वं सुवीरो असि सोम विश्ववित्तं त्वा विप्रा उप गिरेम आसते ॥
Samhita Transcription Accented
govítpavasva vasuvíddhiraṇyavídretodhā́ indo bhúvaneṣvárpitaḥ ǀ
tvám suvī́ro asi soma viśvavíttám tvā víprā úpa girémá āsate ǁ
Samhita Transcription Nonaccented
govitpavasva vasuviddhiraṇyavidretodhā indo bhuvaneṣvarpitaḥ ǀ
tvam suvīro asi soma viśvavittam tvā viprā upa girema āsate ǁ
Padapatha Devanagari Accented
गो॒ऽवित् । प॒व॒स्व॒ । व॒सु॒ऽवित् । हि॒र॒ण्य॒ऽवित् । रे॒तः॒ऽधाः । इ॒न्दो॒ इति॑ । भुव॑नेषु । अर्पि॑तः ।
त्वम् । सु॒ऽवीरः॑ । अ॒सि॒ । सो॒म॒ । वि॒श्व॒ऽवित् । तम् । त्वा॒ । विप्राः॑ । उप॑ । गि॒रा । इ॒मे । आ॒स॒ते॒ ॥
Padapatha Devanagari Nonaccented
गोऽवित् । पवस्व । वसुऽवित् । हिरण्यऽवित् । रेतःऽधाः । इन्दो इति । भुवनेषु । अर्पितः ।
त्वम् । सुऽवीरः । असि । सोम । विश्वऽवित् । तम् । त्वा । विप्राः । उप । गिरा । इमे । आसते ॥
Padapatha Transcription Accented
go-vít ǀ pavasva ǀ vasu-vít ǀ hiraṇya-vít ǀ retaḥ-dhā́ḥ ǀ indo íti ǀ bhúvaneṣu ǀ árpitaḥ ǀ
tvám ǀ su-vī́raḥ ǀ asi ǀ soma ǀ viśva-vít ǀ tám ǀ tvā ǀ víprāḥ ǀ úpa ǀ girā́ ǀ imé ǀ āsate ǁ
Padapatha Transcription Nonaccented
go-vit ǀ pavasva ǀ vasu-vit ǀ hiraṇya-vit ǀ retaḥ-dhāḥ ǀ indo iti ǀ bhuvaneṣu ǀ arpitaḥ ǀ
tvam ǀ su-vīraḥ ǀ asi ǀ soma ǀ viśva-vit ǀ tam ǀ tvā ǀ viprāḥ ǀ upa ǀ girā ǀ ime ǀ āsate ǁ
09.086.40 (Mandala. Sukta. Rik)
7.3.19.05 (Ashtaka. Adhyaya. Varga. Rik)
09.05.040 (Mandala. Anuvāka. Rik)
Samhita Devanagari Accented
उन्मध्व॑ ऊ॒र्मिर्व॒नना॑ अतिष्ठिपद॒पो वसा॑नो महि॒षो वि गा॑हते ।
राजा॑ प॒वित्र॑रथो॒ वाज॒मारु॑हत्स॒हस्र॑भृष्टिर्जयति॒ श्रवो॑ बृ॒हत् ॥
Samhita Devanagari Nonaccented
उन्मध्व ऊर्मिर्वनना अतिष्ठिपदपो वसानो महिषो वि गाहते ।
राजा पवित्ररथो वाजमारुहत्सहस्रभृष्टिर्जयति श्रवो बृहत् ॥
Samhita Transcription Accented
únmádhva ūrmírvanánā atiṣṭhipadapó vásāno mahiṣó ví gāhate ǀ
rā́jā pavítraratho vā́jamā́ruhatsahásrabhṛṣṭirjayati śrávo bṛhát ǁ
Samhita Transcription Nonaccented
unmadhva ūrmirvananā atiṣṭhipadapo vasāno mahiṣo vi gāhate ǀ
rājā pavitraratho vājamāruhatsahasrabhṛṣṭirjayati śravo bṛhat ǁ
Padapatha Devanagari Accented
उत् । मध्वः॑ । ऊ॒र्मिः । व॒ननाः॑ । अ॒ति॒स्थि॒प॒त् । अ॒पः । वसा॑नः । म॒हि॒षः । वि । गा॒ह॒ते॒ ।
राजा॑ । प॒वित्र॑ऽरथः । वाज॑म् । आ । अ॒रु॒ह॒त् । स॒हस्र॑ऽभृष्टिः । ज॒य॒ति॒ । श्रवः॑ । बृ॒हत् ॥
Padapatha Devanagari Nonaccented
उत् । मध्वः । ऊर्मिः । वननाः । अतिस्थिपत् । अपः । वसानः । महिषः । वि । गाहते ।
राजा । पवित्रऽरथः । वाजम् । आ । अरुहत् । सहस्रऽभृष्टिः । जयति । श्रवः । बृहत् ॥
Padapatha Transcription Accented
út ǀ mádhvaḥ ǀ ūrmíḥ ǀ vanánāḥ ǀ atisthipat ǀ apáḥ ǀ vásānaḥ ǀ mahiṣáḥ ǀ ví ǀ gāhate ǀ
rā́jā ǀ pavítra-rathaḥ ǀ vā́jam ǀ ā́ ǀ aruhat ǀ sahásra-bhṛṣṭiḥ ǀ jayati ǀ śrávaḥ ǀ bṛhát ǁ
Padapatha Transcription Nonaccented
ut ǀ madhvaḥ ǀ ūrmiḥ ǀ vananāḥ ǀ atisthipat ǀ apaḥ ǀ vasānaḥ ǀ mahiṣaḥ ǀ vi ǀ gāhate ǀ
rājā ǀ pavitra-rathaḥ ǀ vājam ǀ ā ǀ aruhat ǀ sahasra-bhṛṣṭiḥ ǀ jayati ǀ śravaḥ ǀ bṛhat ǁ
09.086.41 (Mandala. Sukta. Rik)
7.3.20.01 (Ashtaka. Adhyaya. Varga. Rik)
09.05.041 (Mandala. Anuvāka. Rik)
Samhita Devanagari Accented
स भं॒दना॒ उदि॑यर्ति प्र॒जाव॑तीर्वि॒श्वायु॒र्विश्वाः॑ सु॒भरा॒ अह॑र्दिवि ।
ब्रह्म॑ प्र॒जाव॑द्र॒यिमश्व॑पस्त्यं पी॒त इं॑द॒विंद्र॑म॒स्मभ्यं॑ याचतात् ॥
Samhita Devanagari Nonaccented
स भंदना उदियर्ति प्रजावतीर्विश्वायुर्विश्वाः सुभरा अहर्दिवि ।
ब्रह्म प्रजावद्रयिमश्वपस्त्यं पीत इंदविंद्रमस्मभ्यं याचतात् ॥
Samhita Transcription Accented
sá bhandánā údiyarti prajā́vatīrviśvā́yurvíśvāḥ subhárā áhardivi ǀ
bráhma prajā́vadrayímáśvapastyam pītá indavíndramasmábhyam yācatāt ǁ
Samhita Transcription Nonaccented
sa bhandanā udiyarti prajāvatīrviśvāyurviśvāḥ subharā ahardivi ǀ
brahma prajāvadrayimaśvapastyam pīta indavindramasmabhyam yācatāt ǁ
Padapatha Devanagari Accented
सः । भ॒न्दनाः॑ । उत् । इ॒य॒र्ति॒ । प्र॒जाऽव॑तीः । वि॒श्वऽआ॑युः । विश्वाः॑ । सु॒ऽभराः॑ । अहः॑ऽदिवि ।
ब्रह्म॑ । प्र॒जाऽव॑त् । र॒यिम् । अश्व॑ऽपस्त्यम् । पी॒तः । इ॒न्दो॒ इति॑ । इन्द्र॑म् । अ॒स्मभ्य॑म् । या॒च॒ता॒त् ॥
Padapatha Devanagari Nonaccented
सः । भन्दनाः । उत् । इयर्ति । प्रजाऽवतीः । विश्वऽआयुः । विश्वाः । सुऽभराः । अहःऽदिवि ।
ब्रह्म । प्रजाऽवत् । रयिम् । अश्वऽपस्त्यम् । पीतः । इन्दो इति । इन्द्रम् । अस्मभ्यम् । याचतात् ॥
Padapatha Transcription Accented
sáḥ ǀ bhandánāḥ ǀ út ǀ iyarti ǀ prajā́-vatīḥ ǀ viśvá-āyuḥ ǀ víśvāḥ ǀ su-bhárāḥ ǀ áhaḥ-divi ǀ
bráhma ǀ prajā́-vat ǀ rayím ǀ áśva-pastyam ǀ pītáḥ ǀ indo íti ǀ índram ǀ asmábhyam ǀ yācatāt ǁ
Padapatha Transcription Nonaccented
saḥ ǀ bhandanāḥ ǀ ut ǀ iyarti ǀ prajā-vatīḥ ǀ viśva-āyuḥ ǀ viśvāḥ ǀ su-bharāḥ ǀ ahaḥ-divi ǀ
brahma ǀ prajā-vat ǀ rayim ǀ aśva-pastyam ǀ pītaḥ ǀ indo iti ǀ indram ǀ asmabhyam ǀ yācatāt ǁ
09.086.42 (Mandala. Sukta. Rik)
7.3.20.02 (Ashtaka. Adhyaya. Varga. Rik)
09.05.042 (Mandala. Anuvāka. Rik)
Samhita Devanagari Accented
सो अग्रे॒ अह्नां॒ हरि॑र्हर्य॒तो मदः॒ प्र चेत॑सा चेतयते॒ अनु॒ द्युभिः॑ ।
द्वा जना॑ या॒तय॑न्नं॒तरी॑यते॒ नरा॑ च॒ शंसं॒ दैव्यं॑ च ध॒र्तरि॑ ॥
Samhita Devanagari Nonaccented
सो अग्रे अह्नां हरिर्हर्यतो मदः प्र चेतसा चेतयते अनु द्युभिः ।
द्वा जना यातयन्नंतरीयते नरा च शंसं दैव्यं च धर्तरि ॥
Samhita Transcription Accented
só ágre áhnām hárirharyató mádaḥ prá cétasā cetayate ánu dyúbhiḥ ǀ
dvā́ jánā yātáyannantárīyate nárā ca śáṃsam dáivyam ca dhartári ǁ
Samhita Transcription Nonaccented
so agre ahnām harirharyato madaḥ pra cetasā cetayate anu dyubhiḥ ǀ
dvā janā yātayannantarīyate narā ca śaṃsam daivyam ca dhartari ǁ
Padapatha Devanagari Accented
सः । अग्रे॑ । अह्ना॑म् । हरिः॑ । ह॒र्य॒तः । मदः॑ । प्र । चेत॑सा । चे॒त॒य॒ते॒ । अनु॑ । द्युऽभिः॑ ।
द्वा । जना॑ । या॒तय॑न् । अ॒न्तः । ई॒य॒ते॒ । नरा॒शंस॑म् । च॒ । दैव्य॑म् । च॒ । ध॒र्तरि॑ ॥
Padapatha Devanagari Nonaccented
सः । अग्रे । अह्नाम् । हरिः । हर्यतः । मदः । प्र । चेतसा । चेतयते । अनु । द्युऽभिः ।
द्वा । जना । यातयन् । अन्तः । ईयते । नराशंसम् । च । दैव्यम् । च । धर्तरि ॥
Padapatha Transcription Accented
sáḥ ǀ ágre ǀ áhnām ǀ háriḥ ǀ haryatáḥ ǀ mádaḥ ǀ prá ǀ cétasā ǀ cetayate ǀ ánu ǀ dyú-bhiḥ ǀ
dvā́ ǀ jánā ǀ yātáyan ǀ antáḥ ǀ īyate ǀ nárāśáṃsam ǀ ca ǀ dáivyam ǀ ca ǀ dhartári ǁ
Padapatha Transcription Nonaccented
saḥ ǀ agre ǀ ahnām ǀ hariḥ ǀ haryataḥ ǀ madaḥ ǀ pra ǀ cetasā ǀ cetayate ǀ anu ǀ dyu-bhiḥ ǀ
dvā ǀ janā ǀ yātayan ǀ antaḥ ǀ īyate ǀ narāśaṃsam ǀ ca ǀ daivyam ǀ ca ǀ dhartari ǁ
09.086.43 (Mandala. Sukta. Rik)
7.3.20.03 (Ashtaka. Adhyaya. Varga. Rik)
09.05.043 (Mandala. Anuvāka. Rik)
Samhita Devanagari Accented
अं॒जते॒ व्यं॑जते॒ समं॑जते॒ क्रतुं॑ रिहंति॒ मधु॑ना॒भ्यं॑जते ।
सिंधो॑रुच्छ्वा॒से प॒तयं॑तमु॒क्षणं॑ हिरण्यपा॒वाः प॒शुमा॑सु गृभ्णते ॥
Samhita Devanagari Nonaccented
अंजते व्यंजते समंजते क्रतुं रिहंति मधुनाभ्यंजते ।
सिंधोरुच्छ्वासे पतयंतमुक्षणं हिरण्यपावाः पशुमासु गृभ्णते ॥
Samhita Transcription Accented
añjáte vyáñjate sámañjate krátum rihanti mádhunābhyáñjate ǀ
síndhorucchvāsé patáyantamukṣáṇam hiraṇyapāvā́ḥ paśúmāsu gṛbhṇate ǁ
Samhita Transcription Nonaccented
añjate vyañjate samañjate kratum rihanti madhunābhyañjate ǀ
sindhorucchvāse patayantamukṣaṇam hiraṇyapāvāḥ paśumāsu gṛbhṇate ǁ
Padapatha Devanagari Accented
अ॒ञ्जते॑ । वि । अ॒ञ्ज॒ते॒ । सम् । अ॒ञ्ज॒ते॒ । क्रतु॑म् । रि॒ह॒न्ति॒ । मधु॑ना । अ॒भि । अ॒ञ्ज॒ते॒ ।
सिन्धोः॑ । उ॒त्ऽश्वा॒से । प॒तय॑न्तम् । उ॒क्षण॑म् । हि॒र॒ण्य॒ऽपा॒वाः । प॒शुम् । आ॒सु॒ । गृ॒भ्ण॒ते॒ ॥
Padapatha Devanagari Nonaccented
अञ्जते । वि । अञ्जते । सम् । अञ्जते । क्रतुम् । रिहन्ति । मधुना । अभि । अञ्जते ।
सिन्धोः । उत्ऽश्वासे । पतयन्तम् । उक्षणम् । हिरण्यऽपावाः । पशुम् । आसु । गृभ्णते ॥
Padapatha Transcription Accented
añjáte ǀ ví ǀ añjate ǀ sám ǀ añjate ǀ krátum ǀ rihanti ǀ mádhunā ǀ abhí ǀ añjate ǀ
síndhoḥ ǀ ut-śvāsé ǀ patáyantam ǀ ukṣáṇam ǀ hiraṇya-pāvā́ḥ ǀ paśúm ǀ āsu ǀ gṛbhṇate ǁ
Padapatha Transcription Nonaccented
añjate ǀ vi ǀ añjate ǀ sam ǀ añjate ǀ kratum ǀ rihanti ǀ madhunā ǀ abhi ǀ añjate ǀ
sindhoḥ ǀ ut-śvāse ǀ patayantam ǀ ukṣaṇam ǀ hiraṇya-pāvāḥ ǀ paśum ǀ āsu ǀ gṛbhṇate ǁ
09.086.44 (Mandala. Sukta. Rik)
7.3.20.04 (Ashtaka. Adhyaya. Varga. Rik)
09.05.044 (Mandala. Anuvāka. Rik)
Samhita Devanagari Accented
वि॒प॒श्चिते॒ पव॑मानाय गायत म॒ही न धारात्यंधो॑ अर्षति ।
अहि॒र्न जू॒र्णामति॑ सर्पति॒ त्वच॒मत्यो॒ न क्रीळ॑न्नसर॒द्वृषा॒ हरिः॑ ॥
Samhita Devanagari Nonaccented
विपश्चिते पवमानाय गायत मही न धारात्यंधो अर्षति ।
अहिर्न जूर्णामति सर्पति त्वचमत्यो न क्रीळन्नसरद्वृषा हरिः ॥
Samhita Transcription Accented
vipaścíte pávamānāya gāyata mahī́ ná dhā́rā́tyándho arṣati ǀ
áhirná jūrṇā́máti sarpati tvácamátyo ná krī́ḷannasaradvṛ́ṣā háriḥ ǁ
Samhita Transcription Nonaccented
vipaścite pavamānāya gāyata mahī na dhārātyandho arṣati ǀ
ahirna jūrṇāmati sarpati tvacamatyo na krīḷannasaradvṛṣā hariḥ ǁ
Padapatha Devanagari Accented
वि॒पः॒ऽचिते॑ । पव॑मानाय । गा॒य॒त॒ । म॒ही । न । धारा॑ । अति॑ । अन्धः॑ । अ॒र्ष॒ति॒ ।
अहिः॑ । न । जू॒र्णाम् । अति॑ । स॒र्प॒ति॒ । त्वच॑म् । अत्यः॑ । न । क्रीळ॑न् । अ॒स॒र॒त् । वृषा॑ । हरिः॑ ॥
Padapatha Devanagari Nonaccented
विपःऽचिते । पवमानाय । गायत । मही । न । धारा । अति । अन्धः । अर्षति ।
अहिः । न । जूर्णाम् । अति । सर्पति । त्वचम् । अत्यः । न । क्रीळन् । असरत् । वृषा । हरिः ॥
Padapatha Transcription Accented
vipaḥ-cíte ǀ pávamānāya ǀ gāyata ǀ mahī́ ǀ ná ǀ dhā́rā ǀ áti ǀ ándhaḥ ǀ arṣati ǀ
áhiḥ ǀ ná ǀ jūrṇā́m ǀ áti ǀ sarpati ǀ tvácam ǀ átyaḥ ǀ ná ǀ krī́ḷan ǀ asarat ǀ vṛ́ṣā ǀ háriḥ ǁ
Padapatha Transcription Nonaccented
vipaḥ-cite ǀ pavamānāya ǀ gāyata ǀ mahī ǀ na ǀ dhārā ǀ ati ǀ andhaḥ ǀ arṣati ǀ
ahiḥ ǀ na ǀ jūrṇām ǀ ati ǀ sarpati ǀ tvacam ǀ atyaḥ ǀ na ǀ krīḷan ǀ asarat ǀ vṛṣā ǀ hariḥ ǁ
09.086.45 (Mandala. Sukta. Rik)
7.3.20.05 (Ashtaka. Adhyaya. Varga. Rik)
09.05.045 (Mandala. Anuvāka. Rik)
Samhita Devanagari Accented
अ॒ग्रे॒गो राजाप्य॑स्तविष्यते वि॒मानो॒ अह्नां॒ भुव॑ने॒ष्वर्पि॑तः ।
हरि॑र्घृ॒तस्नुः॑ सु॒दृशी॑को अर्ण॒वो ज्यो॒तीर॑थः पवते रा॒य ओ॒क्यः॑ ॥
Samhita Devanagari Nonaccented
अग्रेगो राजाप्यस्तविष्यते विमानो अह्नां भुवनेष्वर्पितः ।
हरिर्घृतस्नुः सुदृशीको अर्णवो ज्योतीरथः पवते राय ओक्यः ॥
Samhita Transcription Accented
agregó rā́jā́pyastaviṣyate vimā́no áhnām bhúvaneṣvárpitaḥ ǀ
hárirghṛtásnuḥ sudṛ́śīko arṇavó jyotī́rathaḥ pavate rāyá okyaḥ ǁ
Samhita Transcription Nonaccented
agrego rājāpyastaviṣyate vimāno ahnām bhuvaneṣvarpitaḥ ǀ
harirghṛtasnuḥ sudṛśīko arṇavo jyotīrathaḥ pavate rāya okyaḥ ǁ
Padapatha Devanagari Accented
अ॒ग्रे॒ऽगः । राजा॑ । अप्यः॑ । त॒वि॒ष्य॒ते॒ । वि॒ऽमानः॑ । अह्ना॑म् । भुव॑नेषु । अर्पि॑तः ।
हरिः॑ । घृ॒तऽस्नुः॑ । सु॒ऽदृशी॑कः । अ॒र्ण॒वः । ज्यो॒तिःऽर॑थः । प॒व॒ते॒ । रा॒ये । ओ॒क्यः॑ ॥
Padapatha Devanagari Nonaccented
अग्रेऽगः । राजा । अप्यः । तविष्यते । विऽमानः । अह्नाम् । भुवनेषु । अर्पितः ।
हरिः । घृतऽस्नुः । सुऽदृशीकः । अर्णवः । ज्योतिःऽरथः । पवते । राये । ओक्यः ॥
Padapatha Transcription Accented
agre-gáḥ ǀ rā́jā ǀ ápyaḥ ǀ taviṣyate ǀ vi-mā́naḥ ǀ áhnām ǀ bhúvaneṣu ǀ árpitaḥ ǀ
háriḥ ǀ ghṛtá-snuḥ ǀ su-dṛ́śīkaḥ ǀ arṇaváḥ ǀ jyotíḥ-rathaḥ ǀ pavate ǀ rāyé ǀ okyáḥ ǁ
Padapatha Transcription Nonaccented
agre-gaḥ ǀ rājā ǀ apyaḥ ǀ taviṣyate ǀ vi-mānaḥ ǀ ahnām ǀ bhuvaneṣu ǀ arpitaḥ ǀ
hariḥ ǀ ghṛta-snuḥ ǀ su-dṛśīkaḥ ǀ arṇavaḥ ǀ jyotiḥ-rathaḥ ǀ pavate ǀ rāye ǀ okyaḥ ǁ
09.086.46 (Mandala. Sukta. Rik)
7.3.21.01 (Ashtaka. Adhyaya. Varga. Rik)
09.05.046 (Mandala. Anuvāka. Rik)
Samhita Devanagari Accented
अस॑र्जि स्कं॒भो दि॒व उद्य॑तो॒ मदः॒ परि॑ त्रि॒धातु॒र्भुव॑नान्यर्षति ।
अं॒शुं रि॑हंति म॒तयः॒ पनि॑प्नतं गि॒रा यदि॑ नि॒र्णिज॑मृ॒ग्मिणो॑ य॒युः ॥
Samhita Devanagari Nonaccented
असर्जि स्कंभो दिव उद्यतो मदः परि त्रिधातुर्भुवनान्यर्षति ।
अंशुं रिहंति मतयः पनिप्नतं गिरा यदि निर्णिजमृग्मिणो ययुः ॥
Samhita Transcription Accented
ásarji skambhó divá údyato mádaḥ pári tridhā́turbhúvanānyarṣati ǀ
aṃśúm rihanti matáyaḥ pánipnatam girā́ yádi nirṇíjamṛgmíṇo yayúḥ ǁ
Samhita Transcription Nonaccented
asarji skambho diva udyato madaḥ pari tridhāturbhuvanānyarṣati ǀ
aṃśum rihanti matayaḥ panipnatam girā yadi nirṇijamṛgmiṇo yayuḥ ǁ
Padapatha Devanagari Accented
अस॑र्जि । स्क॒म्भः । दि॒वः । उत्ऽय॑तः । मदः॑ । परि॑ । त्रि॒ऽधातुः॑ । भुव॑नानि । अ॒र्ष॒ति॒ ।
अं॒शुम् । रि॒ह॒न्ति॒ । म॒तयः॑ । पनि॑प्नतम् । गि॒रा । यदि॑ । निः॒ऽनिज॑म् । ऋ॒ग्मिणः॑ । य॒युः ॥
Padapatha Devanagari Nonaccented
असर्जि । स्कम्भः । दिवः । उत्ऽयतः । मदः । परि । त्रिऽधातुः । भुवनानि । अर्षति ।
अंशुम् । रिहन्ति । मतयः । पनिप्नतम् । गिरा । यदि । निःऽनिजम् । ऋग्मिणः । ययुः ॥
Padapatha Transcription Accented
ásarji ǀ skambháḥ ǀ diváḥ ǀ út-yataḥ ǀ mádaḥ ǀ pári ǀ tri-dhā́tuḥ ǀ bhúvanāni ǀ arṣati ǀ
aṃśúm ǀ rihanti ǀ matáyaḥ ǀ pánipnatam ǀ girā́ ǀ yádi ǀ niḥ-níjam ǀ ṛgmíṇaḥ ǀ yayúḥ ǁ
Padapatha Transcription Nonaccented
asarji ǀ skambhaḥ ǀ divaḥ ǀ ut-yataḥ ǀ madaḥ ǀ pari ǀ tri-dhātuḥ ǀ bhuvanāni ǀ arṣati ǀ
aṃśum ǀ rihanti ǀ matayaḥ ǀ panipnatam ǀ girā ǀ yadi ǀ niḥ-nijam ǀ ṛgmiṇaḥ ǀ yayuḥ ǁ
09.086.47 (Mandala. Sukta. Rik)
7.3.21.02 (Ashtaka. Adhyaya. Varga. Rik)
09.05.047 (Mandala. Anuvāka. Rik)
Samhita Devanagari Accented
प्र ते॒ धारा॒ अत्यण्वा॑नि मे॒ष्यः॑ पुना॒नस्य॑ सं॒यतो॑ यंति॒ रंह॑यः ।
यद्गोभि॑रिंदो च॒म्वोः॑ सम॒ज्यस॒ आ सु॑वा॒नः सो॑म क॒लशे॑षु सीदसि ॥
Samhita Devanagari Nonaccented
प्र ते धारा अत्यण्वानि मेष्यः पुनानस्य संयतो यंति रंहयः ।
यद्गोभिरिंदो चम्वोः समज्यस आ सुवानः सोम कलशेषु सीदसि ॥
Samhita Transcription Accented
prá te dhā́rā átyáṇvāni meṣyáḥ punānásya saṃyáto yanti ráṃhayaḥ ǀ
yádgóbhirindo camvóḥ samajyása ā́ suvānáḥ soma kaláśeṣu sīdasi ǁ
Samhita Transcription Nonaccented
pra te dhārā atyaṇvāni meṣyaḥ punānasya saṃyato yanti raṃhayaḥ ǀ
yadgobhirindo camvoḥ samajyasa ā suvānaḥ soma kalaśeṣu sīdasi ǁ
Padapatha Devanagari Accented
प्र । ते॒ । धाराः॑ । अति॑ । अण्वा॑नि । मे॒ष्यः॑ । पु॒ना॒नस्य॑ । स॒म्ऽयतः॑ । य॒न्ति॒ । रंह॑यः ।
यत् । गोभिः॑ । इ॒न्दो॒ इति॑ । च॒म्वोः॑ । स॒म्ऽअ॒ज्यसे॑ । आ । सु॒वा॒नः । सो॒म॒ । क॒लशे॑षु । सी॒द॒सि॒ ॥
Padapatha Devanagari Nonaccented
प्र । ते । धाराः । अति । अण्वानि । मेष्यः । पुनानस्य । सम्ऽयतः । यन्ति । रंहयः ।
यत् । गोभिः । इन्दो इति । चम्वोः । सम्ऽअज्यसे । आ । सुवानः । सोम । कलशेषु । सीदसि ॥
Padapatha Transcription Accented
prá ǀ te ǀ dhā́rāḥ ǀ áti ǀ áṇvāni ǀ meṣyáḥ ǀ punānásya ǀ sam-yátaḥ ǀ yanti ǀ ráṃhayaḥ ǀ
yát ǀ góbhiḥ ǀ indo íti ǀ camvóḥ ǀ sam-ajyáse ǀ ā́ ǀ suvānáḥ ǀ soma ǀ kaláśeṣu ǀ sīdasi ǁ
Padapatha Transcription Nonaccented
pra ǀ te ǀ dhārāḥ ǀ ati ǀ aṇvāni ǀ meṣyaḥ ǀ punānasya ǀ sam-yataḥ ǀ yanti ǀ raṃhayaḥ ǀ
yat ǀ gobhiḥ ǀ indo iti ǀ camvoḥ ǀ sam-ajyase ǀ ā ǀ suvānaḥ ǀ soma ǀ kalaśeṣu ǀ sīdasi ǁ
09.086.48 (Mandala. Sukta. Rik)
7.3.21.03 (Ashtaka. Adhyaya. Varga. Rik)
09.05.048 (Mandala. Anuvāka. Rik)
Samhita Devanagari Accented
पव॑स्व सोम क्रतु॒विन्न॑ उ॒क्थ्योऽव्यो॒ वारे॒ परि॑ धाव॒ मधु॑ प्रि॒यं ।
ज॒हि विश्वा॑न्र॒क्षस॑ इंदो अ॒त्रिणो॑ बृ॒हद्व॑देम वि॒दथे॑ सु॒वीराः॑ ॥
Samhita Devanagari Nonaccented
पवस्व सोम क्रतुविन्न उक्थ्योऽव्यो वारे परि धाव मधु प्रियं ।
जहि विश्वान्रक्षस इंदो अत्रिणो बृहद्वदेम विदथे सुवीराः ॥
Samhita Transcription Accented
pávasva soma kratuvínna ukthyó’vyo vā́re pári dhāva mádhu priyám ǀ
jahí víśvānrakṣása indo atríṇo bṛhádvadema vidáthe suvī́rāḥ ǁ
Samhita Transcription Nonaccented
pavasva soma kratuvinna ukthyo’vyo vāre pari dhāva madhu priyam ǀ
jahi viśvānrakṣasa indo atriṇo bṛhadvadema vidathe suvīrāḥ ǁ
Padapatha Devanagari Accented
पव॑स्व । सो॒म॒ । क्र॒तु॒ऽवित् । नः॒ । उ॒क्थ्यः॑ । अव्यः॑ । वारे॑ । परि॑ । धा॒व॒ । मधु॑ । प्रि॒यम् ।
ज॒हि । विश्वा॑न् । र॒क्षसः॑ । इ॒न्दो॒ इति॑ । अ॒त्रिणः॑ । बृ॒हत् । व॒दे॒म॒ । वि॒दथे॑ । सु॒ऽवीराः॑ ॥
Padapatha Devanagari Nonaccented
पवस्व । सोम । क्रतुऽवित् । नः । उक्थ्यः । अव्यः । वारे । परि । धाव । मधु । प्रियम् ।
जहि । विश्वान् । रक्षसः । इन्दो इति । अत्रिणः । बृहत् । वदेम । विदथे । सुऽवीराः ॥
Padapatha Transcription Accented
pávasva ǀ soma ǀ kratu-vít ǀ naḥ ǀ ukthyáḥ ǀ ávyaḥ ǀ vā́re ǀ pári ǀ dhāva ǀ mádhu ǀ priyám ǀ
jahí ǀ víśvān ǀ rakṣásaḥ ǀ indo íti ǀ atríṇaḥ ǀ bṛhát ǀ vadema ǀ vidáthe ǀ su-vī́rāḥ ǁ
Padapatha Transcription Nonaccented
pavasva ǀ soma ǀ kratu-vit ǀ naḥ ǀ ukthyaḥ ǀ avyaḥ ǀ vāre ǀ pari ǀ dhāva ǀ madhu ǀ priyam ǀ
jahi ǀ viśvān ǀ rakṣasaḥ ǀ indo iti ǀ atriṇaḥ ǀ bṛhat ǀ vadema ǀ vidathe ǀ su-vīrāḥ ǁ