|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 87
|
1. Info |
| To: | soma pavamāna | |
| From: | uśanas kāvya | |
| Metres: | 1st set of styles: triṣṭup (5-7, 9); nicṛttriṣṭup (1, 2); virāṭtrisṭup (4, 8); pādanicṛttriṣṭup (3) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.087.01 (Mandala. Sukta. Rik)
7.3.22.01 (Ashtaka. Adhyaya. Varga. Rik)
09.05.049 (Mandala. Anuvāka. Rik)
Samhita Devanagari Accented
प्र तु द्र॑व॒ परि॒ कोशं॒ नि षी॑द॒ नृभिः॑ पुना॒नो अ॒भि वाज॑मर्ष ।
अश्वं॒ न त्वा॑ वा॒जिनं॑ म॒र्जयं॒तोऽच्छा॑ ब॒र्ही र॑श॒नाभि॑र्नयंति ॥
Samhita Devanagari Nonaccented
प्र तु द्रव परि कोशं नि षीद नृभिः पुनानो अभि वाजमर्ष ।
अश्वं न त्वा वाजिनं मर्जयंतोऽच्छा बर्ही रशनाभिर्नयंति ॥
Samhita Transcription Accented
prá tú drava pári kóśam ní ṣīda nṛ́bhiḥ punānó abhí vā́jamarṣa ǀ
áśvam ná tvā vājínam marjáyantó’cchā barhī́ raśanā́bhirnayanti ǁ
Samhita Transcription Nonaccented
pra tu drava pari kośam ni ṣīda nṛbhiḥ punāno abhi vājamarṣa ǀ
aśvam na tvā vājinam marjayanto’cchā barhī raśanābhirnayanti ǁ
Padapatha Devanagari Accented
प्र । तु । द्र॒व॒ । परि॑ । कोश॑म् । नि । सी॒द॒ । नृऽभिः॑ । पु॒ना॒नः । अ॒भि । वाज॑म् । अ॒र्ष॒ ।
अश्व॑म् । न । त्वा॒ । वा॒जिन॑म् । म॒र्जय॑न्तः । अच्छ॑ । ब॒र्हिः । र॒श॒नाभिः॑ । न॒य॒न्ति॒ ॥
Padapatha Devanagari Nonaccented
प्र । तु । द्रव । परि । कोशम् । नि । सीद । नृऽभिः । पुनानः । अभि । वाजम् । अर्ष ।
अश्वम् । न । त्वा । वाजिनम् । मर्जयन्तः । अच्छ । बर्हिः । रशनाभिः । नयन्ति ॥
Padapatha Transcription Accented
prá ǀ tú ǀ drava ǀ pári ǀ kóśam ǀ ní ǀ sīda ǀ nṛ́-bhiḥ ǀ punānáḥ ǀ abhí ǀ vā́jam ǀ arṣa ǀ
áśvam ǀ ná ǀ tvā ǀ vājínam ǀ marjáyantaḥ ǀ áccha ǀ barhíḥ ǀ raśanā́bhiḥ ǀ nayanti ǁ
Padapatha Transcription Nonaccented
pra ǀ tu ǀ drava ǀ pari ǀ kośam ǀ ni ǀ sīda ǀ nṛ-bhiḥ ǀ punānaḥ ǀ abhi ǀ vājam ǀ arṣa ǀ
aśvam ǀ na ǀ tvā ǀ vājinam ǀ marjayantaḥ ǀ accha ǀ barhiḥ ǀ raśanābhiḥ ǀ nayanti ǁ
09.087.02 (Mandala. Sukta. Rik)
7.3.22.02 (Ashtaka. Adhyaya. Varga. Rik)
09.05.050 (Mandala. Anuvāka. Rik)
Samhita Devanagari Accented
स्वा॒यु॒धः प॑वते दे॒व इंदु॑रशस्ति॒हा वृ॒जनं॒ रक्ष॑माणः ।
पि॒ता दे॒वानां॑ जनि॒ता सु॒दक्षो॑ विष्टं॒भो दि॒वो ध॒रुणः॑ पृथि॒व्याः ॥
Samhita Devanagari Nonaccented
स्वायुधः पवते देव इंदुरशस्तिहा वृजनं रक्षमाणः ।
पिता देवानां जनिता सुदक्षो विष्टंभो दिवो धरुणः पृथिव्याः ॥
Samhita Transcription Accented
svāyudháḥ pavate devá índuraśastihā́ vṛjánam rákṣamāṇaḥ ǀ
pitā́ devā́nām janitā́ sudákṣo viṣṭambhó divó dharúṇaḥ pṛthivyā́ḥ ǁ
Samhita Transcription Nonaccented
svāyudhaḥ pavate deva induraśastihā vṛjanam rakṣamāṇaḥ ǀ
pitā devānām janitā sudakṣo viṣṭambho divo dharuṇaḥ pṛthivyāḥ ǁ
Padapatha Devanagari Accented
सु॒ऽआ॒यु॒धः । प॒व॒ते॒ । दे॒वः । इन्दुः॑ । अ॒श॒स्ति॒ऽहा । वृ॒जन॑म् । रक्ष॑माणः ।
पि॒ता । दे॒वाना॑म् । ज॒नि॒ता । सु॒ऽदक्षः॑ । वि॒ष्ट॒म्भः । दि॒वः । ध॒रुणः॑ । पृ॒थि॒व्याः ॥
Padapatha Devanagari Nonaccented
सुऽआयुधः । पवते । देवः । इन्दुः । अशस्तिऽहा । वृजनम् । रक्षमाणः ।
पिता । देवानाम् । जनिता । सुऽदक्षः । विष्टम्भः । दिवः । धरुणः । पृथिव्याः ॥
Padapatha Transcription Accented
su-āyudháḥ ǀ pavate ǀ deváḥ ǀ índuḥ ǀ aśasti-hā́ ǀ vṛjánam ǀ rákṣamāṇaḥ ǀ
pitā́ ǀ devā́nām ǀ janitā́ ǀ su-dákṣaḥ ǀ viṣṭambháḥ ǀ diváḥ ǀ dharúṇaḥ ǀ pṛthivyā́ḥ ǁ
Padapatha Transcription Nonaccented
su-āyudhaḥ ǀ pavate ǀ devaḥ ǀ induḥ ǀ aśasti-hā ǀ vṛjanam ǀ rakṣamāṇaḥ ǀ
pitā ǀ devānām ǀ janitā ǀ su-dakṣaḥ ǀ viṣṭambhaḥ ǀ divaḥ ǀ dharuṇaḥ ǀ pṛthivyāḥ ǁ
09.087.03 (Mandala. Sukta. Rik)
7.3.22.03 (Ashtaka. Adhyaya. Varga. Rik)
09.05.051 (Mandala. Anuvāka. Rik)
Samhita Devanagari Accented
ऋषि॒र्विप्रः॑ पुरए॒ता जना॑नामृ॒भुर्धीर॑ उ॒शना॒ काव्ये॑न ।
स चि॑द्विवेद॒ निहि॑तं॒ यदा॑सामपी॒च्यं१॒॑ गुह्यं॒ नाम॒ गोनां॑ ॥
Samhita Devanagari Nonaccented
ऋषिर्विप्रः पुरएता जनानामृभुर्धीर उशना काव्येन ।
स चिद्विवेद निहितं यदासामपीच्यं गुह्यं नाम गोनां ॥
Samhita Transcription Accented
ṛ́ṣirvípraḥ puraetā́ jánānāmṛbhúrdhī́ra uśánā kā́vyena ǀ
sá cidviveda níhitam yádāsāmapīcyám gúhyam nā́ma gónām ǁ
Samhita Transcription Nonaccented
ṛṣirvipraḥ puraetā janānāmṛbhurdhīra uśanā kāvyena ǀ
sa cidviveda nihitam yadāsāmapīcyam guhyam nāma gonām ǁ
Padapatha Devanagari Accented
ऋषिः॑ । विप्रः॑ । पु॒रः॒ऽए॒ता । जना॑नाम् । ऋ॒भुः । धीरः॑ । उ॒शना॑ । काव्ये॑न ।
सः । चि॒त् । वि॒वे॒द॒ । निऽहि॑तम् । यत् । आ॒सा॒म् । अ॒पी॒च्य॑म् । गुह्य॑म् । नाम॑ । गोना॑म् ॥
Padapatha Devanagari Nonaccented
ऋषिः । विप्रः । पुरःऽएता । जनानाम् । ऋभुः । धीरः । उशना । काव्येन ।
सः । चित् । विवेद । निऽहितम् । यत् । आसाम् । अपीच्यम् । गुह्यम् । नाम । गोनाम् ॥
Padapatha Transcription Accented
ṛ́ṣiḥ ǀ vípraḥ ǀ puraḥ-etā́ ǀ jánānām ǀ ṛbhúḥ ǀ dhī́raḥ ǀ uśánā ǀ kā́vyena ǀ
sáḥ ǀ cit ǀ viveda ǀ ní-hitam ǀ yát ǀ āsām ǀ apīcyám ǀ gúhyam ǀ nā́ma ǀ gónām ǁ
Padapatha Transcription Nonaccented
ṛṣiḥ ǀ vipraḥ ǀ puraḥ-etā ǀ janānām ǀ ṛbhuḥ ǀ dhīraḥ ǀ uśanā ǀ kāvyena ǀ
saḥ ǀ cit ǀ viveda ǀ ni-hitam ǀ yat ǀ āsām ǀ apīcyam ǀ guhyam ǀ nāma ǀ gonām ǁ
09.087.04 (Mandala. Sukta. Rik)
7.3.22.04 (Ashtaka. Adhyaya. Varga. Rik)
09.05.052 (Mandala. Anuvāka. Rik)
Samhita Devanagari Accented
ए॒ष स्य ते॒ मधु॑माँ इंद्र॒ सोमो॒ वृषा॒ वृष्णे॒ परि॑ प॒वित्रे॑ अक्षाः ।
स॒ह॒स्र॒साः श॑त॒सा भू॑रि॒दावा॑ शश्वत्त॒मं ब॒र्हिरा वा॒ज्य॑स्थात् ॥
Samhita Devanagari Nonaccented
एष स्य ते मधुमाँ इंद्र सोमो वृषा वृष्णे परि पवित्रे अक्षाः ।
सहस्रसाः शतसा भूरिदावा शश्वत्तमं बर्हिरा वाज्यस्थात् ॥
Samhita Transcription Accented
eṣá syá te mádhumām̐ indra sómo vṛ́ṣā vṛ́ṣṇe pári pavítre akṣāḥ ǀ
sahasrasā́ḥ śatasā́ bhūridā́vā śaśvattamám barhírā́ vājyásthāt ǁ
Samhita Transcription Nonaccented
eṣa sya te madhumām̐ indra somo vṛṣā vṛṣṇe pari pavitre akṣāḥ ǀ
sahasrasāḥ śatasā bhūridāvā śaśvattamam barhirā vājyasthāt ǁ
Padapatha Devanagari Accented
ए॒षः । स्यः । ते॒ । मधु॑ऽमान् । इ॒न्द्र॒ । सोमः॑ । वृषा॑ । वृष्णे॑ । परि॑ । प॒वित्रे॑ । अ॒क्षा॒रिति॑ ।
स॒ह॒स्र॒ऽसाः । श॒त॒ऽसाः । भू॒रि॒ऽदावा॑ । श॒श्व॒त्ऽत॒मम् । ब॒र्हिः । आ । वा॒जी । अ॒स्था॒त् ॥
Padapatha Devanagari Nonaccented
एषः । स्यः । ते । मधुऽमान् । इन्द्र । सोमः । वृषा । वृष्णे । परि । पवित्रे । अक्षारिति ।
सहस्रऽसाः । शतऽसाः । भूरिऽदावा । शश्वत्ऽतमम् । बर्हिः । आ । वाजी । अस्थात् ॥
Padapatha Transcription Accented
eṣáḥ ǀ syáḥ ǀ te ǀ mádhu-mān ǀ indra ǀ sómaḥ ǀ vṛ́ṣā ǀ vṛ́ṣṇe ǀ pári ǀ pavítre ǀ akṣāríti ǀ
sahasra-sā́ḥ ǀ śata-sā́ḥ ǀ bhūri-dā́vā ǀ śaśvat-tamám ǀ barhíḥ ǀ ā́ ǀ vājī́ ǀ asthāt ǁ
Padapatha Transcription Nonaccented
eṣaḥ ǀ syaḥ ǀ te ǀ madhu-mān ǀ indra ǀ somaḥ ǀ vṛṣā ǀ vṛṣṇe ǀ pari ǀ pavitre ǀ akṣāriti ǀ
sahasra-sāḥ ǀ śata-sāḥ ǀ bhūri-dāvā ǀ śaśvat-tamam ǀ barhiḥ ǀ ā ǀ vājī ǀ asthāt ǁ
09.087.05 (Mandala. Sukta. Rik)
7.3.22.05 (Ashtaka. Adhyaya. Varga. Rik)
09.05.053 (Mandala. Anuvāka. Rik)
Samhita Devanagari Accented
ए॒ते सोमा॑ अ॒भि ग॒व्या स॒हस्रा॑ म॒हे वाजा॑या॒मृता॑य॒ श्रवां॑सि ।
प॒वित्रे॑भिः॒ पव॑माना असृग्रंछ्रव॒स्यवो॒ न पृ॑त॒नाजो॒ अत्याः॑ ॥
Samhita Devanagari Nonaccented
एते सोमा अभि गव्या सहस्रा महे वाजायामृताय श्रवांसि ।
पवित्रेभिः पवमाना असृग्रंछ्रवस्यवो न पृतनाजो अत्याः ॥
Samhita Transcription Accented
eté sómā abhí gavyā́ sahásrā mahé vā́jāyāmṛ́tāya śrávāṃsi ǀ
pavítrebhiḥ pávamānā asṛgrañchravasyávo ná pṛtanā́jo átyāḥ ǁ
Samhita Transcription Nonaccented
ete somā abhi gavyā sahasrā mahe vājāyāmṛtāya śravāṃsi ǀ
pavitrebhiḥ pavamānā asṛgrañchravasyavo na pṛtanājo atyāḥ ǁ
Padapatha Devanagari Accented
ए॒ते । सोमाः॑ । अ॒भि । ग॒व्या । स॒हस्रा॑ । म॒हे । वाजा॑य । अ॒मृता॑य । श्रवां॑सि ।
प॒वित्रे॑भिः । पव॑मानाः । अ॒सृ॒ग्र॒न् । श्र॒व॒स्यवः॑ । न । पृ॒त॒नाजः॑ । अत्याः॑ ॥
Padapatha Devanagari Nonaccented
एते । सोमाः । अभि । गव्या । सहस्रा । महे । वाजाय । अमृताय । श्रवांसि ।
पवित्रेभिः । पवमानाः । असृग्रन् । श्रवस्यवः । न । पृतनाजः । अत्याः ॥
Padapatha Transcription Accented
eté ǀ sómāḥ ǀ abhí ǀ gavyā́ ǀ sahásrā ǀ mahé ǀ vā́jāya ǀ amṛ́tāya ǀ śrávāṃsi ǀ
pavítrebhiḥ ǀ pávamānāḥ ǀ asṛgran ǀ śravasyávaḥ ǀ ná ǀ pṛtanā́jaḥ ǀ átyāḥ ǁ
Padapatha Transcription Nonaccented
ete ǀ somāḥ ǀ abhi ǀ gavyā ǀ sahasrā ǀ mahe ǀ vājāya ǀ amṛtāya ǀ śravāṃsi ǀ
pavitrebhiḥ ǀ pavamānāḥ ǀ asṛgran ǀ śravasyavaḥ ǀ na ǀ pṛtanājaḥ ǀ atyāḥ ǁ
09.087.06 (Mandala. Sukta. Rik)
7.3.23.01 (Ashtaka. Adhyaya. Varga. Rik)
09.05.054 (Mandala. Anuvāka. Rik)
Samhita Devanagari Accented
परि॒ हि ष्मा॑ पुरुहू॒तो जना॑नां॒ विश्वास॑र॒द्भोज॑ना पू॒यमा॑नः ।
अथा भ॑र श्येनभृत॒ प्रयां॑सि र॒यिं तुंजा॑नो अ॒भि वाज॑मर्ष ॥
Samhita Devanagari Nonaccented
परि हि ष्मा पुरुहूतो जनानां विश्वासरद्भोजना पूयमानः ।
अथा भर श्येनभृत प्रयांसि रयिं तुंजानो अभि वाजमर्ष ॥
Samhita Transcription Accented
pári hí ṣmā puruhūtó jánānām víśvā́saradbhójanā pūyámānaḥ ǀ
áthā́ bhara śyenabhṛta práyāṃsi rayím túñjāno abhí vā́jamarṣa ǁ
Samhita Transcription Nonaccented
pari hi ṣmā puruhūto janānām viśvāsaradbhojanā pūyamānaḥ ǀ
athā bhara śyenabhṛta prayāṃsi rayim tuñjāno abhi vājamarṣa ǁ
Padapatha Devanagari Accented
परि॑ । हि । स्म॒ । पु॒रु॒ऽहू॒तः । जना॑नाम् । विश्वा॑ । अस॑रत् । भोज॑ना । पू॒यमा॑नः ।
अथ॑ । आ । भ॒र॒ । श्ये॒न॒ऽभृ॒त॒ । प्रयां॑सि । र॒यिम् । तुञ्जा॑नः । अ॒भि । वाज॑म् । अ॒र्ष॒ ॥
Padapatha Devanagari Nonaccented
परि । हि । स्म । पुरुऽहूतः । जनानाम् । विश्वा । असरत् । भोजना । पूयमानः ।
अथ । आ । भर । श्येनऽभृत । प्रयांसि । रयिम् । तुञ्जानः । अभि । वाजम् । अर्ष ॥
Padapatha Transcription Accented
pári ǀ hí ǀ sma ǀ puru-hūtáḥ ǀ jánānām ǀ víśvā ǀ ásarat ǀ bhójanā ǀ pūyámānaḥ ǀ
átha ǀ ā́ ǀ bhara ǀ śyena-bhṛta ǀ práyāṃsi ǀ rayím ǀ túñjānaḥ ǀ abhí ǀ vā́jam ǀ arṣa ǁ
Padapatha Transcription Nonaccented
pari ǀ hi ǀ sma ǀ puru-hūtaḥ ǀ janānām ǀ viśvā ǀ asarat ǀ bhojanā ǀ pūyamānaḥ ǀ
atha ǀ ā ǀ bhara ǀ śyena-bhṛta ǀ prayāṃsi ǀ rayim ǀ tuñjānaḥ ǀ abhi ǀ vājam ǀ arṣa ǁ
09.087.07 (Mandala. Sukta. Rik)
7.3.23.02 (Ashtaka. Adhyaya. Varga. Rik)
09.05.055 (Mandala. Anuvāka. Rik)
Samhita Devanagari Accented
ए॒ष सु॑वा॒नः परि॒ सोमः॑ प॒वित्रे॒ सर्गो॒ न सृ॒ष्टो अ॑दधाव॒दर्वा॑ ।
ति॒ग्मे शिशा॑नो महि॒षो न शृंगे॒ गा ग॒व्यन्न॒भि शूरो॒ न सत्वा॑ ॥
Samhita Devanagari Nonaccented
एष सुवानः परि सोमः पवित्रे सर्गो न सृष्टो अदधावदर्वा ।
तिग्मे शिशानो महिषो न शृंगे गा गव्यन्नभि शूरो न सत्वा ॥
Samhita Transcription Accented
eṣá suvānáḥ pári sómaḥ pavítre sárgo ná sṛṣṭó adadhāvadárvā ǀ
tigmé śíśāno mahiṣó ná śṛ́ṅge gā́ gavyánnabhí śū́ro ná sátvā ǁ
Samhita Transcription Nonaccented
eṣa suvānaḥ pari somaḥ pavitre sargo na sṛṣṭo adadhāvadarvā ǀ
tigme śiśāno mahiṣo na śṛṅge gā gavyannabhi śūro na satvā ǁ
Padapatha Devanagari Accented
ए॒षः । सु॒वा॒नः । परि॑ । सोमः॑ । प॒वित्रे॑ । सर्गः॑ । न । सृ॒ष्टः । अ॒द॒धा॒व॒त् । अर्वा॑ ।
ति॒ग्मे इति॑ । शिशा॑नः । म॒हि॒षः । न । शृङ्गे॒ इति॑ । गाः । ग॒व्यन् । अ॒भि । शूरः॑ । न । सत्वा॑ ॥
Padapatha Devanagari Nonaccented
एषः । सुवानः । परि । सोमः । पवित्रे । सर्गः । न । सृष्टः । अदधावत् । अर्वा ।
तिग्मे इति । शिशानः । महिषः । न । शृङ्गे इति । गाः । गव्यन् । अभि । शूरः । न । सत्वा ॥
Padapatha Transcription Accented
eṣáḥ ǀ suvānáḥ ǀ pári ǀ sómaḥ ǀ pavítre ǀ sárgaḥ ǀ ná ǀ sṛṣṭáḥ ǀ adadhāvat ǀ árvā ǀ
tigmé íti ǀ śíśānaḥ ǀ mahiṣáḥ ǀ ná ǀ śṛ́ṅge íti ǀ gā́ḥ ǀ gavyán ǀ abhí ǀ śū́raḥ ǀ ná ǀ sátvā ǁ
Padapatha Transcription Nonaccented
eṣaḥ ǀ suvānaḥ ǀ pari ǀ somaḥ ǀ pavitre ǀ sargaḥ ǀ na ǀ sṛṣṭaḥ ǀ adadhāvat ǀ arvā ǀ
tigme iti ǀ śiśānaḥ ǀ mahiṣaḥ ǀ na ǀ śṛṅge iti ǀ gāḥ ǀ gavyan ǀ abhi ǀ śūraḥ ǀ na ǀ satvā ǁ
09.087.08 (Mandala. Sukta. Rik)
7.3.23.03 (Ashtaka. Adhyaya. Varga. Rik)
09.05.056 (Mandala. Anuvāka. Rik)
Samhita Devanagari Accented
ए॒षा य॑यौ पर॒मादं॒तरद्रेः॒ कूचि॑त्स॒तीरू॒र्वे गा वि॑वेद ।
दि॒वो न वि॒द्युत्स्त॒नयं॑त्य॒भ्रैः सोम॑स्य ते पवत इंद्र॒ धारा॑ ॥
Samhita Devanagari Nonaccented
एषा ययौ परमादंतरद्रेः कूचित्सतीरूर्वे गा विवेद ।
दिवो न विद्युत्स्तनयंत्यभ्रैः सोमस्य ते पवत इंद्र धारा ॥
Samhita Transcription Accented
eṣā́ yayau paramā́dantárádreḥ kū́citsatī́rūrvé gā́ viveda ǀ
divó ná vidyútstanáyantyabhráiḥ sómasya te pavata indra dhā́rā ǁ
Samhita Transcription Nonaccented
eṣā yayau paramādantaradreḥ kūcitsatīrūrve gā viveda ǀ
divo na vidyutstanayantyabhraiḥ somasya te pavata indra dhārā ǁ
Padapatha Devanagari Accented
ए॒षा । आ । य॒यौ॒ । प॒र॒मात् । अ॒न्तः । अद्रेः॑ । कूऽचि॑त् । स॒तीः । ऊ॒र्वे । गाः । वि॒वे॒द॒ ।
दि॒वः । न । वि॒ऽद्युत् । स्त॒नय॑न्ती । अ॒भ्रैः । सोम॑स्य । ते॒ । प॒व॒ते॒ । इ॒न्द्र॒ । धारा॑ ॥
Padapatha Devanagari Nonaccented
एषा । आ । ययौ । परमात् । अन्तः । अद्रेः । कूऽचित् । सतीः । ऊर्वे । गाः । विवेद ।
दिवः । न । विऽद्युत् । स्तनयन्ती । अभ्रैः । सोमस्य । ते । पवते । इन्द्र । धारा ॥
Padapatha Transcription Accented
eṣā́ ǀ ā́ ǀ yayau ǀ paramā́t ǀ antáḥ ǀ ádreḥ ǀ kū́-cit ǀ satī́ḥ ǀ ūrvé ǀ gā́ḥ ǀ viveda ǀ
diváḥ ǀ ná ǀ vi-dyút ǀ stanáyantī ǀ abhráiḥ ǀ sómasya ǀ te ǀ pavate ǀ indra ǀ dhā́rā ǁ
Padapatha Transcription Nonaccented
eṣā ǀ ā ǀ yayau ǀ paramāt ǀ antaḥ ǀ adreḥ ǀ kū-cit ǀ satīḥ ǀ ūrve ǀ gāḥ ǀ viveda ǀ
divaḥ ǀ na ǀ vi-dyut ǀ stanayantī ǀ abhraiḥ ǀ somasya ǀ te ǀ pavate ǀ indra ǀ dhārā ǁ
09.087.09 (Mandala. Sukta. Rik)
7.3.23.04 (Ashtaka. Adhyaya. Varga. Rik)
09.05.057 (Mandala. Anuvāka. Rik)
Samhita Devanagari Accented
उ॒त स्म॑ रा॒शिं परि॑ यासि॒ गोना॒मिंद्रे॑ण सोम स॒रथं॑ पुना॒नः ।
पू॒र्वीरिषो॑ बृह॒तीर्जी॑रदानो॒ शिक्षा॑ शचीव॒स्तव॒ ता उ॑प॒ष्टुत् ॥
Samhita Devanagari Nonaccented
उत स्म राशिं परि यासि गोनामिंद्रेण सोम सरथं पुनानः ।
पूर्वीरिषो बृहतीर्जीरदानो शिक्षा शचीवस्तव ता उपष्टुत् ॥
Samhita Transcription Accented
utá sma rāśím pári yāsi gónāmíndreṇa soma sarátham punānáḥ ǀ
pūrvī́ríṣo bṛhatī́rjīradāno śíkṣā śacīvastáva tā́ upaṣṭút ǁ
Samhita Transcription Nonaccented
uta sma rāśim pari yāsi gonāmindreṇa soma saratham punānaḥ ǀ
pūrvīriṣo bṛhatīrjīradāno śikṣā śacīvastava tā upaṣṭut ǁ
Padapatha Devanagari Accented
उ॒त । स्म॒ । रा॒शिम् । परि॑ । या॒सि॒ । गोना॑म् । इन्द्रे॑ण । सो॒म॒ । स॒ऽरथ॑म् । पु॒ना॒नः ।
पू॒र्वीः । इषः॑ । बृ॒ह॒तीः । जी॒र॒दा॒नो॒ इति॑ जीरऽदानो । शिक्ष॑ । श॒ची॒ऽवः॒ । तव॑ । ताः । उ॒प॒ऽस्तुत् ॥
Padapatha Devanagari Nonaccented
उत । स्म । राशिम् । परि । यासि । गोनाम् । इन्द्रेण । सोम । सऽरथम् । पुनानः ।
पूर्वीः । इषः । बृहतीः । जीरदानो इति जीरऽदानो । शिक्ष । शचीऽवः । तव । ताः । उपऽस्तुत् ॥
Padapatha Transcription Accented
utá ǀ sma ǀ rāśím ǀ pári ǀ yāsi ǀ gónām ǀ índreṇa ǀ soma ǀ sa-rátham ǀ punānáḥ ǀ
pūrvī́ḥ ǀ íṣaḥ ǀ bṛhatī́ḥ ǀ jīradāno íti jīra-dāno ǀ śíkṣa ǀ śacī-vaḥ ǀ táva ǀ tā́ḥ ǀ upa-stút ǁ
Padapatha Transcription Nonaccented
uta ǀ sma ǀ rāśim ǀ pari ǀ yāsi ǀ gonām ǀ indreṇa ǀ soma ǀ sa-ratham ǀ punānaḥ ǀ
pūrvīḥ ǀ iṣaḥ ǀ bṛhatīḥ ǀ jīradāno iti jīra-dāno ǀ śikṣa ǀ śacī-vaḥ ǀ tava ǀ tāḥ ǀ upa-stut ǁ