|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 90
|
1. Info |
| To: | soma pavamāna | |
| From: | vasiṣṭha maitrāvaruṇi | |
| Metres: | 1st set of styles: triṣṭup (1, 3, 4); nicṛttriṣṭup (2, 6); bhuriktriṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.090.01 (Mandala. Sukta. Rik)
7.3.26.01 (Ashtaka. Adhyaya. Varga. Rik)
09.05.073 (Mandala. Anuvāka. Rik)
Samhita Devanagari Accented
प्र हि॑न्वा॒नो ज॑नि॒ता रोद॑स्यो॒ रथो॒ न वाजं॑ सनि॒ष्यन्न॑यासीत् ।
इंद्रं॒ गच्छ॒न्नायु॑धा सं॒शिशा॑नो॒ विश्वा॒ वसु॒ हस्त॑योरा॒दधा॑नः ॥
Samhita Devanagari Nonaccented
प्र हिन्वानो जनिता रोदस्यो रथो न वाजं सनिष्यन्नयासीत् ।
इंद्रं गच्छन्नायुधा संशिशानो विश्वा वसु हस्तयोरादधानः ॥
Samhita Transcription Accented
prá hinvānó janitā́ ródasyo rátho ná vā́jam saniṣyánnayāsīt ǀ
índram gácchannā́yudhā saṃśíśāno víśvā vásu hástayorādádhānaḥ ǁ
Samhita Transcription Nonaccented
pra hinvāno janitā rodasyo ratho na vājam saniṣyannayāsīt ǀ
indram gacchannāyudhā saṃśiśāno viśvā vasu hastayorādadhānaḥ ǁ
Padapatha Devanagari Accented
प्र । हि॒न्वा॒नः । ज॒नि॒ता । रोद॑स्योः । रथः॑ । न । वाज॑म् । स॒नि॒ष्यन् । अ॒या॒सी॒त् ।
इन्द्र॑म् । गच्छ॑न् । आयु॑धा । स॒म्ऽशिशा॑नः । विश्वा॑ । वसु॑ । हस्त॑योः । आ॒ऽदधा॑नः ॥
Padapatha Devanagari Nonaccented
प्र । हिन्वानः । जनिता । रोदस्योः । रथः । न । वाजम् । सनिष्यन् । अयासीत् ।
इन्द्रम् । गच्छन् । आयुधा । सम्ऽशिशानः । विश्वा । वसु । हस्तयोः । आऽदधानः ॥
Padapatha Transcription Accented
prá ǀ hinvānáḥ ǀ janitā́ ǀ ródasyoḥ ǀ ráthaḥ ǀ ná ǀ vā́jam ǀ saniṣyán ǀ ayāsīt ǀ
índram ǀ gácchan ǀ ā́yudhā ǀ sam-śíśānaḥ ǀ víśvā ǀ vásu ǀ hástayoḥ ǀ ā-dádhānaḥ ǁ
Padapatha Transcription Nonaccented
pra ǀ hinvānaḥ ǀ janitā ǀ rodasyoḥ ǀ rathaḥ ǀ na ǀ vājam ǀ saniṣyan ǀ ayāsīt ǀ
indram ǀ gacchan ǀ āyudhā ǀ sam-śiśānaḥ ǀ viśvā ǀ vasu ǀ hastayoḥ ǀ ā-dadhānaḥ ǁ
09.090.02 (Mandala. Sukta. Rik)
7.3.26.02 (Ashtaka. Adhyaya. Varga. Rik)
09.05.074 (Mandala. Anuvāka. Rik)
Samhita Devanagari Accented
अ॒भि त्रि॑पृ॒ष्ठं वृष॑णं वयो॒धामां॑गू॒षाणा॑मवावशंत॒ वाणीः॑ ।
वना॒ वसा॑नो॒ वरु॑णो॒ न सिंधू॒न्वि र॑त्न॒धा द॑यते॒ वार्या॑णि ॥
Samhita Devanagari Nonaccented
अभि त्रिपृष्ठं वृषणं वयोधामांगूषाणामवावशंत वाणीः ।
वना वसानो वरुणो न सिंधून्वि रत्नधा दयते वार्याणि ॥
Samhita Transcription Accented
abhí tripṛṣṭhám vṛ́ṣaṇam vayodhā́māṅgūṣā́ṇāmavāvaśanta vā́ṇīḥ ǀ
vánā vásāno váruṇo ná síndhūnví ratnadhā́ dayate vā́ryāṇi ǁ
Samhita Transcription Nonaccented
abhi tripṛṣṭham vṛṣaṇam vayodhāmāṅgūṣāṇāmavāvaśanta vāṇīḥ ǀ
vanā vasāno varuṇo na sindhūnvi ratnadhā dayate vāryāṇi ǁ
Padapatha Devanagari Accented
अ॒भि । त्रि॒ऽपृ॒ष्ठम् । वृष॑णम् । व॒यः॒ऽधाम् । आ॒ङ्गू॒षाणा॑म् । अ॒वा॒व॒श॒न्त॒ । वाणीः॑ ।
वना॑ । वसा॑नः । वरु॑णः । न । सिन्धू॑न् । वि । र॒त्न॒ऽधाः । द॒य॒ते॒ । वार्या॑णि ॥
Padapatha Devanagari Nonaccented
अभि । त्रिऽपृष्ठम् । वृषणम् । वयःऽधाम् । आङ्गूषाणाम् । अवावशन्त । वाणीः ।
वना । वसानः । वरुणः । न । सिन्धून् । वि । रत्नऽधाः । दयते । वार्याणि ॥
Padapatha Transcription Accented
abhí ǀ tri-pṛṣṭhám ǀ vṛ́ṣaṇam ǀ vayaḥ-dhā́m ǀ āṅgūṣā́ṇām ǀ avāvaśanta ǀ vā́ṇīḥ ǀ
vánā ǀ vásānaḥ ǀ váruṇaḥ ǀ ná ǀ síndhūn ǀ ví ǀ ratna-dhā́ḥ ǀ dayate ǀ vā́ryāṇi ǁ
Padapatha Transcription Nonaccented
abhi ǀ tri-pṛṣṭham ǀ vṛṣaṇam ǀ vayaḥ-dhām ǀ āṅgūṣāṇām ǀ avāvaśanta ǀ vāṇīḥ ǀ
vanā ǀ vasānaḥ ǀ varuṇaḥ ǀ na ǀ sindhūn ǀ vi ǀ ratna-dhāḥ ǀ dayate ǀ vāryāṇi ǁ
09.090.03 (Mandala. Sukta. Rik)
7.3.26.03 (Ashtaka. Adhyaya. Varga. Rik)
09.05.075 (Mandala. Anuvāka. Rik)
Samhita Devanagari Accented
शूर॑ग्रामः॒ सर्व॑वीरः॒ सहा॑वां॒जेता॑ पवस्व॒ सनि॑ता॒ धना॑नि ।
ति॒ग्मायु॑धः क्षि॒प्रध॑न्वा स॒मत्स्वषा॑ळ्हः सा॒ह्वान्पृत॑नासु॒ शत्रू॑न् ॥
Samhita Devanagari Nonaccented
शूरग्रामः सर्ववीरः सहावांजेता पवस्व सनिता धनानि ।
तिग्मायुधः क्षिप्रधन्वा समत्स्वषाळ्हः साह्वान्पृतनासु शत्रून् ॥
Samhita Transcription Accented
śū́ragrāmaḥ sárvavīraḥ sáhāvāñjétā pavasva sánitā dhánāni ǀ
tigmā́yudhaḥ kṣiprádhanvā samátsváṣāḷhaḥ sāhvā́npṛ́tanāsu śátrūn ǁ
Samhita Transcription Nonaccented
śūragrāmaḥ sarvavīraḥ sahāvāñjetā pavasva sanitā dhanāni ǀ
tigmāyudhaḥ kṣipradhanvā samatsvaṣāḷhaḥ sāhvānpṛtanāsu śatrūn ǁ
Padapatha Devanagari Accented
शूर॑ऽग्रामः । सर्व॑ऽवीरः । सहा॑वान् । जेता॑ । प॒व॒स्व॒ । सनि॑ता । धना॑नि ।
ति॒ग्मऽआ॑युधः । क्षि॒प्रऽध॑न्वा । स॒मत्ऽसु॑ । अषा॑ळ्हः । स॒ह्वान् । पृत॑नासु । शत्रू॑न् ॥
Padapatha Devanagari Nonaccented
शूरऽग्रामः । सर्वऽवीरः । सहावान् । जेता । पवस्व । सनिता । धनानि ।
तिग्मऽआयुधः । क्षिप्रऽधन्वा । समत्ऽसु । अषाळ्हः । सह्वान् । पृतनासु । शत्रून् ॥
Padapatha Transcription Accented
śū́ra-grāmaḥ ǀ sárva-vīraḥ ǀ sáhāvān ǀ jétā ǀ pavasva ǀ sánitā ǀ dhánāni ǀ
tigmá-āyudhaḥ ǀ kṣiprá-dhanvā ǀ samát-su ǀ áṣāḷhaḥ ǀ sahvā́n ǀ pṛ́tanāsu ǀ śátrūn ǁ
Padapatha Transcription Nonaccented
śūra-grāmaḥ ǀ sarva-vīraḥ ǀ sahāvān ǀ jetā ǀ pavasva ǀ sanitā ǀ dhanāni ǀ
tigma-āyudhaḥ ǀ kṣipra-dhanvā ǀ samat-su ǀ aṣāḷhaḥ ǀ sahvān ǀ pṛtanāsu ǀ śatrūn ǁ
09.090.04 (Mandala. Sukta. Rik)
7.3.26.04 (Ashtaka. Adhyaya. Varga. Rik)
09.05.076 (Mandala. Anuvāka. Rik)
Samhita Devanagari Accented
उ॒रुग॑व्यूति॒रभ॑यानि कृ॒ण्वन्त्स॑मीची॒ने आ प॑वस्वा॒ पुरं॑धी ।
अ॒पः सिषा॑सन्नु॒षसः॒ स्व१॒॑र्गाः सं चि॑क्रदो म॒हो अ॒स्मभ्यं॒ वाजा॑न् ॥
Samhita Devanagari Nonaccented
उरुगव्यूतिरभयानि कृण्वन्त्समीचीने आ पवस्वा पुरंधी ।
अपः सिषासन्नुषसः स्वर्गाः सं चिक्रदो महो अस्मभ्यं वाजान् ॥
Samhita Transcription Accented
urúgavyūtirábhayāni kṛṇvántsamīcīné ā́ pavasvā púraṃdhī ǀ
apáḥ síṣāsannuṣásaḥ svárgā́ḥ sám cikrado mahó asmábhyam vā́jān ǁ
Samhita Transcription Nonaccented
urugavyūtirabhayāni kṛṇvantsamīcīne ā pavasvā puraṃdhī ǀ
apaḥ siṣāsannuṣasaḥ svargāḥ sam cikrado maho asmabhyam vājān ǁ
Padapatha Devanagari Accented
उ॒रुऽग॑व्यूतिः । अभ॑यानि । कृ॒ण्वन् । स॒मी॒ची॒ने इति॑ स॒म्ऽई॒ची॒ने । आ । प॒व॒स्व॒ । पुर॑न्धी॒ इति॒ पुर॑म्ऽधी ।
अ॒पः । सिसा॑सन् । उ॒षसः॑ । स्वः॑ । गाः । सम् । चि॒क्र॒दः॒ । म॒हः । अ॒स्मभ्य॑म् । वाजा॑न् ॥
Padapatha Devanagari Nonaccented
उरुऽगव्यूतिः । अभयानि । कृण्वन् । समीचीने इति सम्ऽईचीने । आ । पवस्व । पुरन्धी इति पुरम्ऽधी ।
अपः । सिसासन् । उषसः । स्वः । गाः । सम् । चिक्रदः । महः । अस्मभ्यम् । वाजान् ॥
Padapatha Transcription Accented
urú-gavyūtiḥ ǀ ábhayāni ǀ kṛṇván ǀ samīcīné íti sam-īcīné ǀ ā́ ǀ pavasva ǀ púrandhī íti púram-dhī ǀ
apáḥ ǀ sísāsan ǀ uṣásaḥ ǀ sváḥ ǀ gā́ḥ ǀ sám ǀ cikradaḥ ǀ maháḥ ǀ asmábhyam ǀ vā́jān ǁ
Padapatha Transcription Nonaccented
uru-gavyūtiḥ ǀ abhayāni ǀ kṛṇvan ǀ samīcīne iti sam-īcīne ǀ ā ǀ pavasva ǀ purandhī iti puram-dhī ǀ
apaḥ ǀ sisāsan ǀ uṣasaḥ ǀ svaḥ ǀ gāḥ ǀ sam ǀ cikradaḥ ǀ mahaḥ ǀ asmabhyam ǀ vājān ǁ
09.090.05 (Mandala. Sukta. Rik)
7.3.26.05 (Ashtaka. Adhyaya. Varga. Rik)
09.05.077 (Mandala. Anuvāka. Rik)
Samhita Devanagari Accented
मत्सि॑ सोम॒ वरु॑णं॒ मत्सि॑ मि॒त्रं मत्सींद्र॑मिंदो पवमान॒ विष्णुं॑ ।
मत्सि॒ शर्धो॒ मारु॑तं॒ मत्सि॑ दे॒वान्मत्सि॑ म॒हामिंद्र॑मिंदो॒ मदा॑य ॥
Samhita Devanagari Nonaccented
मत्सि सोम वरुणं मत्सि मित्रं मत्सींद्रमिंदो पवमान विष्णुं ।
मत्सि शर्धो मारुतं मत्सि देवान्मत्सि महामिंद्रमिंदो मदाय ॥
Samhita Transcription Accented
mátsi soma váruṇam mátsi mitrám mátsī́ndramindo pavamāna víṣṇum ǀ
mátsi śárdho mā́rutam mátsi devā́nmátsi mahā́míndramindo mádāya ǁ
Samhita Transcription Nonaccented
matsi soma varuṇam matsi mitram matsīndramindo pavamāna viṣṇum ǀ
matsi śardho mārutam matsi devānmatsi mahāmindramindo madāya ǁ
Padapatha Devanagari Accented
मत्सि॑ । सो॒म॒ । वरु॑णम् । मत्सि॑ । मि॒त्रम् । मत्सि॑ । इन्द्र॑म् । इ॒न्दो॒ इति॑ । प॒व॒मा॒न॒ । विष्णु॑म् ।
मत्सि॑ । शर्धः॑ । मारु॑तम् । मत्सि॑ । दे॒वान् । मत्सि॑ । म॒हाम् । इन्द्र॑म् । इ॒न्दो॒ इति॑ । मदा॑य ॥
Padapatha Devanagari Nonaccented
मत्सि । सोम । वरुणम् । मत्सि । मित्रम् । मत्सि । इन्द्रम् । इन्दो इति । पवमान । विष्णुम् ।
मत्सि । शर्धः । मारुतम् । मत्सि । देवान् । मत्सि । महाम् । इन्द्रम् । इन्दो इति । मदाय ॥
Padapatha Transcription Accented
mátsi ǀ soma ǀ váruṇam ǀ mátsi ǀ mitrám ǀ mátsi ǀ índram ǀ indo íti ǀ pavamāna ǀ víṣṇum ǀ
mátsi ǀ śárdhaḥ ǀ mā́rutam ǀ mátsi ǀ devā́n ǀ mátsi ǀ mahā́m ǀ índram ǀ indo íti ǀ mádāya ǁ
Padapatha Transcription Nonaccented
matsi ǀ soma ǀ varuṇam ǀ matsi ǀ mitram ǀ matsi ǀ indram ǀ indo iti ǀ pavamāna ǀ viṣṇum ǀ
matsi ǀ śardhaḥ ǀ mārutam ǀ matsi ǀ devān ǀ matsi ǀ mahām ǀ indram ǀ indo iti ǀ madāya ǁ
09.090.06 (Mandala. Sukta. Rik)
7.3.26.06 (Ashtaka. Adhyaya. Varga. Rik)
09.05.078 (Mandala. Anuvāka. Rik)
Samhita Devanagari Accented
ए॒वा राजे॑व॒ क्रतु॑माँ॒ अमे॑न॒ विश्वा॒ घनि॑घ्नद्दुरि॒ता प॑वस्व ।
इंदो॑ सू॒क्ताय॒ वच॑से॒ वयो॑ धा यू॒यं पा॑त स्व॒स्तिभिः॒ सदा॑ नः ॥
Samhita Devanagari Nonaccented
एवा राजेव क्रतुमाँ अमेन विश्वा घनिघ्नद्दुरिता पवस्व ।
इंदो सूक्ताय वचसे वयो धा यूयं पात स्वस्तिभिः सदा नः ॥
Samhita Transcription Accented
evā́ rā́jeva krátumām̐ ámena víśvā ghánighnadduritā́ pavasva ǀ
índo sūktā́ya vácase váyo dhā yūyám pāta svastíbhiḥ sádā naḥ ǁ
Samhita Transcription Nonaccented
evā rājeva kratumām̐ amena viśvā ghanighnadduritā pavasva ǀ
indo sūktāya vacase vayo dhā yūyam pāta svastibhiḥ sadā naḥ ǁ
Padapatha Devanagari Accented
ए॒व । राजा॑ऽइव । क्रतु॑ऽमान् । अमे॑न । विश्वा॑ । घनि॑घ्नत् । दुः॒ऽइ॒ता । प॒व॒स्व॒ ।
इन्दो॒ इति॑ । सु॒ऽउ॒क्ताय॑ । वच॑से । वयः॑ । धाः॒ । यू॒यम् । पा॒त॒ । स्व॒स्तिऽभिः॑ । सदा॑ । नः॒ ॥
Padapatha Devanagari Nonaccented
एव । राजाऽइव । क्रतुऽमान् । अमेन । विश्वा । घनिघ्नत् । दुःऽइता । पवस्व ।
इन्दो इति । सुऽउक्ताय । वचसे । वयः । धाः । यूयम् । पात । स्वस्तिऽभिः । सदा । नः ॥
Padapatha Transcription Accented
evá ǀ rā́jā-iva ǀ krátu-mān ǀ ámena ǀ víśvā ǀ ghánighnat ǀ duḥ-itā́ ǀ pavasva ǀ
índo íti ǀ su-uktā́ya ǀ vácase ǀ váyaḥ ǀ dhāḥ ǀ yūyám ǀ pāta ǀ svastí-bhiḥ ǀ sádā ǀ naḥ ǁ
Padapatha Transcription Nonaccented
eva ǀ rājā-iva ǀ kratu-mān ǀ amena ǀ viśvā ǀ ghanighnat ǀ duḥ-itā ǀ pavasva ǀ
indo iti ǀ su-uktāya ǀ vacase ǀ vayaḥ ǀ dhāḥ ǀ yūyam ǀ pāta ǀ svasti-bhiḥ ǀ sadā ǀ naḥ ǁ