|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 93
|
1. Info |
| To: | soma pavamāna | |
| From: | nodhas gautama | |
| Metres: | 1st set of styles: virāṭtrisṭup (1, 3, 4); triṣṭup (2); pādanicṛttriṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.093.01 (Mandala. Sukta. Rik)
7.4.03.01 (Ashtaka. Adhyaya. Varga. Rik)
09.05.091 (Mandala. Anuvāka. Rik)
Samhita Devanagari Accented
सा॒क॒मुक्षो॑ मर्जयंत॒ स्वसा॑रो॒ दश॒ धीर॑स्य धी॒तयो॒ धनु॑त्रीः ।
हरिः॒ पर्य॑द्रव॒ज्जाः सूर्य॑स्य॒ द्रोणं॑ ननक्षे॒ अत्यो॒ न वा॒जी ॥
Samhita Devanagari Nonaccented
साकमुक्षो मर्जयंत स्वसारो दश धीरस्य धीतयो धनुत्रीः ।
हरिः पर्यद्रवज्जाः सूर्यस्य द्रोणं ननक्षे अत्यो न वाजी ॥
Samhita Transcription Accented
sākamúkṣo marjayanta svásāro dáśa dhī́rasya dhītáyo dhánutrīḥ ǀ
háriḥ páryadravajjā́ḥ sū́ryasya dróṇam nanakṣe átyo ná vājī́ ǁ
Samhita Transcription Nonaccented
sākamukṣo marjayanta svasāro daśa dhīrasya dhītayo dhanutrīḥ ǀ
hariḥ paryadravajjāḥ sūryasya droṇam nanakṣe atyo na vājī ǁ
Padapatha Devanagari Accented
सा॒क॒म्ऽउक्षः॑ । म॒र्ज॒य॒न्त॒ । स्वसा॑रः । दश॑ । धीर॑स्य । धी॒तयः॑ । धनु॑त्रीः ।
हरिः॑ । परि॑ । अ॒द्र॒व॒त् । जाः । सूर्य॑स्य । द्रोण॑म् । न॒न॒क्षे॒ । अत्यः॑ । न । वा॒जी ॥
Padapatha Devanagari Nonaccented
साकम्ऽउक्षः । मर्जयन्त । स्वसारः । दश । धीरस्य । धीतयः । धनुत्रीः ।
हरिः । परि । अद्रवत् । जाः । सूर्यस्य । द्रोणम् । ननक्षे । अत्यः । न । वाजी ॥
Padapatha Transcription Accented
sākam-úkṣaḥ ǀ marjayanta ǀ svásāraḥ ǀ dáśa ǀ dhī́rasya ǀ dhītáyaḥ ǀ dhánutrīḥ ǀ
háriḥ ǀ pári ǀ adravat ǀ jā́ḥ ǀ sū́ryasya ǀ dróṇam ǀ nanakṣe ǀ átyaḥ ǀ ná ǀ vājī́ ǁ
Padapatha Transcription Nonaccented
sākam-ukṣaḥ ǀ marjayanta ǀ svasāraḥ ǀ daśa ǀ dhīrasya ǀ dhītayaḥ ǀ dhanutrīḥ ǀ
hariḥ ǀ pari ǀ adravat ǀ jāḥ ǀ sūryasya ǀ droṇam ǀ nanakṣe ǀ atyaḥ ǀ na ǀ vājī ǁ
09.093.02 (Mandala. Sukta. Rik)
7.4.03.02 (Ashtaka. Adhyaya. Varga. Rik)
09.05.092 (Mandala. Anuvāka. Rik)
Samhita Devanagari Accented
सं मा॒तृभि॒र्न शिशु॑र्वावशा॒नो वृषा॑ दधन्वे पुरु॒वारो॑ अ॒द्भिः ।
मर्यो॒ न योषा॑म॒भि नि॑ष्कृ॒तं यन्त्सं ग॑च्छते क॒लश॑ उ॒स्रिया॑भिः ॥
Samhita Devanagari Nonaccented
सं मातृभिर्न शिशुर्वावशानो वृषा दधन्वे पुरुवारो अद्भिः ।
मर्यो न योषामभि निष्कृतं यन्त्सं गच्छते कलश उस्रियाभिः ॥
Samhita Transcription Accented
sám mātṛ́bhirná śíśurvāvaśānó vṛ́ṣā dadhanve puruvā́ro adbhíḥ ǀ
máryo ná yóṣāmabhí niṣkṛtám yántsám gacchate kaláśa usríyābhiḥ ǁ
Samhita Transcription Nonaccented
sam mātṛbhirna śiśurvāvaśāno vṛṣā dadhanve puruvāro adbhiḥ ǀ
maryo na yoṣāmabhi niṣkṛtam yantsam gacchate kalaśa usriyābhiḥ ǁ
Padapatha Devanagari Accented
सम् । मा॒तृऽभिः॑ । न । शिशुः॑ । वा॒व॒शा॒नः । वृषा॑ । द॒ध॒न्वे॒ । पु॒रु॒ऽवारः॑ । अ॒त्ऽभिः ।
मर्यः॑ । न । योषा॑म् । अ॒भि । निः॒ऽकृ॒तम् । यन् । सम् । ग॒च्छ॒ते॒ । क॒लशे॑ । उ॒स्रिया॑भिः ॥
Padapatha Devanagari Nonaccented
सम् । मातृऽभिः । न । शिशुः । वावशानः । वृषा । दधन्वे । पुरुऽवारः । अत्ऽभिः ।
मर्यः । न । योषाम् । अभि । निःऽकृतम् । यन् । सम् । गच्छते । कलशे । उस्रियाभिः ॥
Padapatha Transcription Accented
sám ǀ mātṛ́-bhiḥ ǀ ná ǀ śíśuḥ ǀ vāvaśānáḥ ǀ vṛ́ṣā ǀ dadhanve ǀ puru-vā́raḥ ǀ at-bhíḥ ǀ
máryaḥ ǀ ná ǀ yóṣām ǀ abhí ǀ niḥ-kṛtám ǀ yán ǀ sám ǀ gacchate ǀ kaláśe ǀ usríyābhiḥ ǁ
Padapatha Transcription Nonaccented
sam ǀ mātṛ-bhiḥ ǀ na ǀ śiśuḥ ǀ vāvaśānaḥ ǀ vṛṣā ǀ dadhanve ǀ puru-vāraḥ ǀ at-bhiḥ ǀ
maryaḥ ǀ na ǀ yoṣām ǀ abhi ǀ niḥ-kṛtam ǀ yan ǀ sam ǀ gacchate ǀ kalaśe ǀ usriyābhiḥ ǁ
09.093.03 (Mandala. Sukta. Rik)
7.4.03.03 (Ashtaka. Adhyaya. Varga. Rik)
09.05.093 (Mandala. Anuvāka. Rik)
Samhita Devanagari Accented
उ॒त प्र पि॑प्य॒ ऊध॒रघ्न्या॑या॒ इंदु॒र्धारा॑भिः सचते सुमे॒धाः ।
मू॒र्धानं॒ गावः॒ पय॑सा च॒मूष्व॒भि श्री॑णंति॒ वसु॑भि॒र्न नि॒क्तैः ॥
Samhita Devanagari Nonaccented
उत प्र पिप्य ऊधरघ्न्याया इंदुर्धाराभिः सचते सुमेधाः ।
मूर्धानं गावः पयसा चमूष्वभि श्रीणंति वसुभिर्न निक्तैः ॥
Samhita Transcription Accented
utá prá pipya ū́dharághnyāyā índurdhā́rābhiḥ sacate sumedhā́ḥ ǀ
mūrdhā́nam gā́vaḥ páyasā camū́ṣvabhí śrīṇanti vásubhirná niktáiḥ ǁ
Samhita Transcription Nonaccented
uta pra pipya ūdharaghnyāyā indurdhārābhiḥ sacate sumedhāḥ ǀ
mūrdhānam gāvaḥ payasā camūṣvabhi śrīṇanti vasubhirna niktaiḥ ǁ
Padapatha Devanagari Accented
उ॒त । प्र । पि॒प्ये॒ । ऊधः॑ । अघ्न्या॑याः । इन्दुः॑ । धारा॑भिः । स॒च॒ते॒ । सु॒ऽमे॒धाः ।
मू॒र्धान॑म् । गावः॑ । पय॑सा । च॒मूषु॑ । अ॒भि । श्री॒ण॒न्ति॒ । वसु॑ऽभिः । न । नि॒क्तैः ॥
Padapatha Devanagari Nonaccented
उत । प्र । पिप्ये । ऊधः । अघ्न्यायाः । इन्दुः । धाराभिः । सचते । सुऽमेधाः ।
मूर्धानम् । गावः । पयसा । चमूषु । अभि । श्रीणन्ति । वसुऽभिः । न । निक्तैः ॥
Padapatha Transcription Accented
utá ǀ prá ǀ pipye ǀ ū́dhaḥ ǀ ághnyāyāḥ ǀ índuḥ ǀ dhā́rābhiḥ ǀ sacate ǀ su-medhā́ḥ ǀ
mūrdhā́nam ǀ gā́vaḥ ǀ páyasā ǀ camū́ṣu ǀ abhí ǀ śrīṇanti ǀ vásu-bhiḥ ǀ ná ǀ niktáiḥ ǁ
Padapatha Transcription Nonaccented
uta ǀ pra ǀ pipye ǀ ūdhaḥ ǀ aghnyāyāḥ ǀ induḥ ǀ dhārābhiḥ ǀ sacate ǀ su-medhāḥ ǀ
mūrdhānam ǀ gāvaḥ ǀ payasā ǀ camūṣu ǀ abhi ǀ śrīṇanti ǀ vasu-bhiḥ ǀ na ǀ niktaiḥ ǁ
09.093.04 (Mandala. Sukta. Rik)
7.4.03.04 (Ashtaka. Adhyaya. Varga. Rik)
09.05.094 (Mandala. Anuvāka. Rik)
Samhita Devanagari Accented
स नो॑ दे॒वेभिः॑ पवमान र॒देंदो॑ र॒यिम॒श्विनं॑ वावशा॒नः ।
र॒थि॒रा॒यता॑मुश॒ती पुरं॑धिरस्म॒द्र्य१॒॑गा दा॒वने॒ वसू॑नां ॥
Samhita Devanagari Nonaccented
स नो देवेभिः पवमान रदेंदो रयिमश्विनं वावशानः ।
रथिरायतामुशती पुरंधिरस्मद्र्यगा दावने वसूनां ॥
Samhita Transcription Accented
sá no devébhiḥ pavamāna radéndo rayímaśvínam vāvaśānáḥ ǀ
rathirāyátāmuśatī́ púraṃdhirasmadryágā́ dāváne vásūnām ǁ
Samhita Transcription Nonaccented
sa no devebhiḥ pavamāna radendo rayimaśvinam vāvaśānaḥ ǀ
rathirāyatāmuśatī puraṃdhirasmadryagā dāvane vasūnām ǁ
Padapatha Devanagari Accented
सः । नः॒ । दे॒वेभिः॑ । प॒व॒मा॒न॒ । र॒द॒ । इन्दो॒ इति॑ । र॒यिम् । अ॒श्विन॑म् । वा॒व॒शा॒नः ।
र॒थि॒रा॒यता॑म् । उ॒श॒ती । पुर॑म्ऽधिः । अ॒स्म॒द्र्य॑क् । आ । दा॒वने॑ । वसू॑नाम् ॥
Padapatha Devanagari Nonaccented
सः । नः । देवेभिः । पवमान । रद । इन्दो इति । रयिम् । अश्विनम् । वावशानः ।
रथिरायताम् । उशती । पुरम्ऽधिः । अस्मद्र्यक् । आ । दावने । वसूनाम् ॥
Padapatha Transcription Accented
sáḥ ǀ naḥ ǀ devébhiḥ ǀ pavamāna ǀ rada ǀ índo íti ǀ rayím ǀ aśvínam ǀ vāvaśānáḥ ǀ
rathirāyátām ǀ uśatī́ ǀ púram-dhiḥ ǀ asmadryák ǀ ā́ ǀ dāváne ǀ vásūnām ǁ
Padapatha Transcription Nonaccented
saḥ ǀ naḥ ǀ devebhiḥ ǀ pavamāna ǀ rada ǀ indo iti ǀ rayim ǀ aśvinam ǀ vāvaśānaḥ ǀ
rathirāyatām ǀ uśatī ǀ puram-dhiḥ ǀ asmadryak ǀ ā ǀ dāvane ǀ vasūnām ǁ
09.093.05 (Mandala. Sukta. Rik)
7.4.03.05 (Ashtaka. Adhyaya. Varga. Rik)
09.05.095 (Mandala. Anuvāka. Rik)
Samhita Devanagari Accented
नू नो॑ र॒यिमुप॑ मास्व नृ॒वंतं॑ पुना॒नो वा॒ताप्यं॑ वि॒श्वश्चं॑द्रं ।
प्र वं॑दि॒तुरिं॑दो ता॒र्यायुः॑ प्रा॒तर्म॒क्षू धि॒याव॑सुर्जगम्यात् ॥
Samhita Devanagari Nonaccented
नू नो रयिमुप मास्व नृवंतं पुनानो वाताप्यं विश्वश्चंद्रं ।
प्र वंदितुरिंदो तार्यायुः प्रातर्मक्षू धियावसुर्जगम्यात् ॥
Samhita Transcription Accented
nū́ no rayímúpa māsva nṛvántam punānó vātā́pyam viśváścandram ǀ
prá vanditúrindo tāryā́yuḥ prātármakṣū́ dhiyā́vasurjagamyāt ǁ
Samhita Transcription Nonaccented
nū no rayimupa māsva nṛvantam punāno vātāpyam viśvaścandram ǀ
pra vanditurindo tāryāyuḥ prātarmakṣū dhiyāvasurjagamyāt ǁ
Padapatha Devanagari Accented
नु । नः॒ । र॒यिम् । उप॑ । मा॒स्व॒ । नृ॒ऽवन्त॑म् । पु॒ना॒नः । वा॒ताप्य॑म् । वि॒श्वऽच॑न्द्रम् ।
प्र । व॒न्दि॒तुः । इ॒न्दो॒ इति॑ । ता॒रि॒ । आयुः॑ । प्रा॒तः । म॒क्षु । धि॒याऽव॑सुः । ज॒ग॒म्या॒त् ॥
Padapatha Devanagari Nonaccented
नु । नः । रयिम् । उप । मास्व । नृऽवन्तम् । पुनानः । वाताप्यम् । विश्वऽचन्द्रम् ।
प्र । वन्दितुः । इन्दो इति । तारि । आयुः । प्रातः । मक्षु । धियाऽवसुः । जगम्यात् ॥
Padapatha Transcription Accented
nú ǀ naḥ ǀ rayím ǀ úpa ǀ māsva ǀ nṛ-vántam ǀ punānáḥ ǀ vātā́pyam ǀ viśvá-candram ǀ
prá ǀ vanditúḥ ǀ indo íti ǀ tāri ǀ ā́yuḥ ǀ prātáḥ ǀ makṣú ǀ dhiyā́-vasuḥ ǀ jagamyāt ǁ
Padapatha Transcription Nonaccented
nu ǀ naḥ ǀ rayim ǀ upa ǀ māsva ǀ nṛ-vantam ǀ punānaḥ ǀ vātāpyam ǀ viśva-candram ǀ
pra ǀ vandituḥ ǀ indo iti ǀ tāri ǀ āyuḥ ǀ prātaḥ ǀ makṣu ǀ dhiyā-vasuḥ ǀ jagamyāt ǁ