|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 94
|
1. Info |
| To: | soma pavamāna | |
| From: | kaṇva ghaura | |
| Metres: | 1st set of styles: virāṭtrisṭup (2, 3, 5); nicṛttriṣṭup (1); triṣṭup (4) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.094.01 (Mandala. Sukta. Rik)
7.4.04.01 (Ashtaka. Adhyaya. Varga. Rik)
09.05.096 (Mandala. Anuvāka. Rik)
Samhita Devanagari Accented
अधि॒ यद॑स्मिन्वा॒जिनी॑व॒ शुभः॒ स्पर्धं॑ते॒ धियः॒ सूर्ये॒ न विशः॑ ।
अ॒पो वृ॑णा॒नः प॑वते कवी॒यन्व्र॒जं न प॑शु॒वर्ध॑नाय॒ मन्म॑ ॥
Samhita Devanagari Nonaccented
अधि यदस्मिन्वाजिनीव शुभः स्पर्धंते धियः सूर्ये न विशः ।
अपो वृणानः पवते कवीयन्व्रजं न पशुवर्धनाय मन्म ॥
Samhita Transcription Accented
ádhi yádasminvājínīva śúbhaḥ spárdhante dhíyaḥ sū́rye ná víśaḥ ǀ
apó vṛṇānáḥ pavate kavīyánvrajám ná paśuvárdhanāya mánma ǁ
Samhita Transcription Nonaccented
adhi yadasminvājinīva śubhaḥ spardhante dhiyaḥ sūrye na viśaḥ ǀ
apo vṛṇānaḥ pavate kavīyanvrajam na paśuvardhanāya manma ǁ
Padapatha Devanagari Accented
अधि॑ । यत् । अ॒स्मि॒न् । वा॒जिनि॑ऽइव । शुभः॑ । स्पर्ध॑न्ते । धियः॑ । सूर्ये॑ । न । विशः॑ ।
अ॒पः । वृ॒णा॒नः । प॒व॒ते॒ । क॒वि॒ऽयन् । व्र॒जम् । न । प॒शु॒ऽवर्ध॑नाय । मन्म॑ ॥
Padapatha Devanagari Nonaccented
अधि । यत् । अस्मिन् । वाजिनिऽइव । शुभः । स्पर्धन्ते । धियः । सूर्ये । न । विशः ।
अपः । वृणानः । पवते । कविऽयन् । व्रजम् । न । पशुऽवर्धनाय । मन्म ॥
Padapatha Transcription Accented
ádhi ǀ yát ǀ asmin ǀ vājíni-iva ǀ śúbhaḥ ǀ spárdhante ǀ dhíyaḥ ǀ sū́rye ǀ ná ǀ víśaḥ ǀ
apáḥ ǀ vṛṇānáḥ ǀ pavate ǀ kavi-yán ǀ vrajám ǀ ná ǀ paśu-várdhanāya ǀ mánma ǁ
Padapatha Transcription Nonaccented
adhi ǀ yat ǀ asmin ǀ vājini-iva ǀ śubhaḥ ǀ spardhante ǀ dhiyaḥ ǀ sūrye ǀ na ǀ viśaḥ ǀ
apaḥ ǀ vṛṇānaḥ ǀ pavate ǀ kavi-yan ǀ vrajam ǀ na ǀ paśu-vardhanāya ǀ manma ǁ
09.094.02 (Mandala. Sukta. Rik)
7.4.04.02 (Ashtaka. Adhyaya. Varga. Rik)
09.05.097 (Mandala. Anuvāka. Rik)
Samhita Devanagari Accented
द्वि॒ता व्यू॒र्ण्वन्न॒मृत॑स्य॒ धाम॑ स्व॒र्विदे॒ भुव॑नानि प्रथंत ।
धियः॑ पिन्वा॒नाः स्वस॑रे॒ न गाव॑ ऋता॒यंती॑र॒भि वा॑वश्र॒ इंदुं॑ ॥
Samhita Devanagari Nonaccented
द्विता व्यूर्ण्वन्नमृतस्य धाम स्वर्विदे भुवनानि प्रथंत ।
धियः पिन्वानाः स्वसरे न गाव ऋतायंतीरभि वावश्र इंदुं ॥
Samhita Transcription Accented
dvitā́ vyūrṇvánnamṛ́tasya dhā́ma svarvíde bhúvanāni prathanta ǀ
dhíyaḥ pinvānā́ḥ svásare ná gā́va ṛtāyántīrabhí vāvaśra índum ǁ
Samhita Transcription Nonaccented
dvitā vyūrṇvannamṛtasya dhāma svarvide bhuvanāni prathanta ǀ
dhiyaḥ pinvānāḥ svasare na gāva ṛtāyantīrabhi vāvaśra indum ǁ
Padapatha Devanagari Accented
द्वि॒ता । वि॒ऽऊ॒र्ण्वन् । अ॒मृत॑स्य । धाम॑ । स्वः॒ऽविदे॑ । भुव॑नानि । प्र॒थ॒न्त॒ ।
धियः॑ । पि॒न्वा॒नाः । स्वस॑रे । न । गावः॑ । ऋ॒त॒ऽयन्तीः॑ । अ॒भि । वा॒व॒श्रे॒ । इन्दु॑म् ॥
Padapatha Devanagari Nonaccented
द्विता । विऽऊर्ण्वन् । अमृतस्य । धाम । स्वःऽविदे । भुवनानि । प्रथन्त ।
धियः । पिन्वानाः । स्वसरे । न । गावः । ऋतऽयन्तीः । अभि । वावश्रे । इन्दुम् ॥
Padapatha Transcription Accented
dvitā́ ǀ vi-ūrṇván ǀ amṛ́tasya ǀ dhā́ma ǀ svaḥ-víde ǀ bhúvanāni ǀ prathanta ǀ
dhíyaḥ ǀ pinvānā́ḥ ǀ svásare ǀ ná ǀ gā́vaḥ ǀ ṛta-yántīḥ ǀ abhí ǀ vāvaśre ǀ índum ǁ
Padapatha Transcription Nonaccented
dvitā ǀ vi-ūrṇvan ǀ amṛtasya ǀ dhāma ǀ svaḥ-vide ǀ bhuvanāni ǀ prathanta ǀ
dhiyaḥ ǀ pinvānāḥ ǀ svasare ǀ na ǀ gāvaḥ ǀ ṛta-yantīḥ ǀ abhi ǀ vāvaśre ǀ indum ǁ
09.094.03 (Mandala. Sukta. Rik)
7.4.04.03 (Ashtaka. Adhyaya. Varga. Rik)
09.05.098 (Mandala. Anuvāka. Rik)
Samhita Devanagari Accented
परि॒ यत्क॒विः काव्या॒ भर॑ते॒ शूरो॒ न रथो॒ भुव॑नानि॒ विश्वा॑ ।
दे॒वेषु॒ यशो॒ मर्ता॑य॒ भूषं॒दक्षा॑य रा॒यः पु॑रु॒भूषु॒ नव्यः॑ ॥
Samhita Devanagari Nonaccented
परि यत्कविः काव्या भरते शूरो न रथो भुवनानि विश्वा ।
देवेषु यशो मर्ताय भूषंदक्षाय रायः पुरुभूषु नव्यः ॥
Samhita Transcription Accented
pári yátkavíḥ kā́vyā bhárate śū́ro ná rátho bhúvanāni víśvā ǀ
devéṣu yáśo mártāya bhū́ṣandákṣāya rāyáḥ purubhū́ṣu návyaḥ ǁ
Samhita Transcription Nonaccented
pari yatkaviḥ kāvyā bharate śūro na ratho bhuvanāni viśvā ǀ
deveṣu yaśo martāya bhūṣandakṣāya rāyaḥ purubhūṣu navyaḥ ǁ
Padapatha Devanagari Accented
परि॑ । यत् । क॒विः । काव्या॑ । भर॑ते । शूरः॑ । न । रथः॑ । भुव॑नानि । विश्वा॑ ।
दे॒वेषु॑ । यशः॑ । मर्ता॑य । भूष॑न् । दक्षा॑य । रा॒यः । पु॒रु॒ऽभूषु॑ । नव्यः॑ ॥
Padapatha Devanagari Nonaccented
परि । यत् । कविः । काव्या । भरते । शूरः । न । रथः । भुवनानि । विश्वा ।
देवेषु । यशः । मर्ताय । भूषन् । दक्षाय । रायः । पुरुऽभूषु । नव्यः ॥
Padapatha Transcription Accented
pári ǀ yát ǀ kavíḥ ǀ kā́vyā ǀ bhárate ǀ śū́raḥ ǀ ná ǀ ráthaḥ ǀ bhúvanāni ǀ víśvā ǀ
devéṣu ǀ yáśaḥ ǀ mártāya ǀ bhū́ṣan ǀ dákṣāya ǀ rāyáḥ ǀ puru-bhū́ṣu ǀ návyaḥ ǁ
Padapatha Transcription Nonaccented
pari ǀ yat ǀ kaviḥ ǀ kāvyā ǀ bharate ǀ śūraḥ ǀ na ǀ rathaḥ ǀ bhuvanāni ǀ viśvā ǀ
deveṣu ǀ yaśaḥ ǀ martāya ǀ bhūṣan ǀ dakṣāya ǀ rāyaḥ ǀ puru-bhūṣu ǀ navyaḥ ǁ
09.094.04 (Mandala. Sukta. Rik)
7.4.04.04 (Ashtaka. Adhyaya. Varga. Rik)
09.05.099 (Mandala. Anuvāka. Rik)
Samhita Devanagari Accented
श्रि॒ये जा॒तः श्रि॒य आ निरि॑याय॒ श्रियं॒ वयो॑ जरि॒तृभ्यो॑ दधाति ।
श्रियं॒ वसा॑ना अमृत॒त्वमा॑य॒न्भवं॑ति स॒त्या स॑मि॒था मि॒तद्रौ॑ ॥
Samhita Devanagari Nonaccented
श्रिये जातः श्रिय आ निरियाय श्रियं वयो जरितृभ्यो दधाति ।
श्रियं वसाना अमृतत्वमायन्भवंति सत्या समिथा मितद्रौ ॥
Samhita Transcription Accented
śriyé jātáḥ śriyá ā́ níriyāya śríyam váyo jaritṛ́bhyo dadhāti ǀ
śríyam vásānā amṛtatvámāyanbhávanti satyā́ samithā́ mitádrau ǁ
Samhita Transcription Nonaccented
śriye jātaḥ śriya ā niriyāya śriyam vayo jaritṛbhyo dadhāti ǀ
śriyam vasānā amṛtatvamāyanbhavanti satyā samithā mitadrau ǁ
Padapatha Devanagari Accented
श्रि॒ये । जा॒तः । श्रि॒ये । आ । निः । इ॒या॒य॒ । श्रिय॑म् । वयः॑ । ज॒रि॒तृऽभ्यः॑ । द॒धा॒ति॒ ।
श्रिय॑म् । वसा॑नाः । अ॒मृ॒त॒ऽत्वम् । आ॒य॒न् । भव॑न्ति । स॒त्या । स॒म्ऽइ॒था । मि॒तऽद्रौ॑ ॥
Padapatha Devanagari Nonaccented
श्रिये । जातः । श्रिये । आ । निः । इयाय । श्रियम् । वयः । जरितृऽभ्यः । दधाति ।
श्रियम् । वसानाः । अमृतऽत्वम् । आयन् । भवन्ति । सत्या । सम्ऽइथा । मितऽद्रौ ॥
Padapatha Transcription Accented
śriyé ǀ jātáḥ ǀ śriyé ǀ ā́ ǀ níḥ ǀ iyāya ǀ śríyam ǀ váyaḥ ǀ jaritṛ́-bhyaḥ ǀ dadhāti ǀ
śríyam ǀ vásānāḥ ǀ amṛta-tvám ǀ āyan ǀ bhávanti ǀ satyā́ ǀ sam-ithā́ ǀ mitá-drau ǁ
Padapatha Transcription Nonaccented
śriye ǀ jātaḥ ǀ śriye ǀ ā ǀ niḥ ǀ iyāya ǀ śriyam ǀ vayaḥ ǀ jaritṛ-bhyaḥ ǀ dadhāti ǀ
śriyam ǀ vasānāḥ ǀ amṛta-tvam ǀ āyan ǀ bhavanti ǀ satyā ǀ sam-ithā ǀ mita-drau ǁ
09.094.05 (Mandala. Sukta. Rik)
7.4.04.05 (Ashtaka. Adhyaya. Varga. Rik)
09.05.100 (Mandala. Anuvāka. Rik)
Samhita Devanagari Accented
इष॒मूर्ज॑म॒भ्य१॒॑र्षाश्वं॒ गामु॒रु ज्योतिः॑ कृणुहि॒ मत्सि॑ दे॒वान् ।
विश्वा॑नि॒ हि सु॒षहा॒ तानि॒ तुभ्यं॒ पव॑मान॒ बाध॑से सोम॒ शत्रू॑न् ॥
Samhita Devanagari Nonaccented
इषमूर्जमभ्यर्षाश्वं गामुरु ज्योतिः कृणुहि मत्सि देवान् ।
विश्वानि हि सुषहा तानि तुभ्यं पवमान बाधसे सोम शत्रून् ॥
Samhita Transcription Accented
íṣamū́rjamabhyárṣā́śvam gā́murú jyótiḥ kṛṇuhi mátsi devā́n ǀ
víśvāni hí suṣáhā tā́ni túbhyam pávamāna bā́dhase soma śátrūn ǁ
Samhita Transcription Nonaccented
iṣamūrjamabhyarṣāśvam gāmuru jyotiḥ kṛṇuhi matsi devān ǀ
viśvāni hi suṣahā tāni tubhyam pavamāna bādhase soma śatrūn ǁ
Padapatha Devanagari Accented
इष॑म् । ऊर्ज॑म् । अ॒भि । अ॒र्ष॒ । अश्व॑म् । गाम् । उ॒रु । ज्योतिः॑ । कृ॒णु॒हि॒ । मत्सि॑ । दे॒वान् ।
विश्वा॑नि । हि । सु॒ऽसहा॑ । तानि॑ । तुभ्य॑म् । पव॑मान । बाध॑से । सो॒म॒ । शत्रू॑न् ॥
Padapatha Devanagari Nonaccented
इषम् । ऊर्जम् । अभि । अर्ष । अश्वम् । गाम् । उरु । ज्योतिः । कृणुहि । मत्सि । देवान् ।
विश्वानि । हि । सुऽसहा । तानि । तुभ्यम् । पवमान । बाधसे । सोम । शत्रून् ॥
Padapatha Transcription Accented
íṣam ǀ ū́rjam ǀ abhí ǀ arṣa ǀ áśvam ǀ gā́m ǀ urú ǀ jyótiḥ ǀ kṛṇuhi ǀ mátsi ǀ devā́n ǀ
víśvāni ǀ hí ǀ su-sáhā ǀ tā́ni ǀ túbhyam ǀ pávamāna ǀ bā́dhase ǀ soma ǀ śátrūn ǁ
Padapatha Transcription Nonaccented
iṣam ǀ ūrjam ǀ abhi ǀ arṣa ǀ aśvam ǀ gām ǀ uru ǀ jyotiḥ ǀ kṛṇuhi ǀ matsi ǀ devān ǀ
viśvāni ǀ hi ǀ su-sahā ǀ tāni ǀ tubhyam ǀ pavamāna ǀ bādhase ǀ soma ǀ śatrūn ǁ