|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 95
|
1. Info |
| To: | soma pavamāna | |
| From: | praskaṇva kāṇva | |
| Metres: | 1st set of styles: triṣṭup (1); saṃstārapaṅkti (2); virāṭtrisṭup (3); nicṛttriṣṭup (4); pādanicṛttriṣṭup (5) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.095.01 (Mandala. Sukta. Rik)
7.4.05.01 (Ashtaka. Adhyaya. Varga. Rik)
09.05.101 (Mandala. Anuvāka. Rik)
Samhita Devanagari Accented
कनि॑क्रंति॒ हरि॒रा सृ॒ज्यमा॑नः॒ सीद॒न्वन॑स्य ज॒ठरे॑ पुना॒नः ।
नृभि॑र्य॒तः कृ॑णुते नि॒र्णिजं॒ गा अतो॑ म॒तीर्ज॑नयत स्व॒धाभिः॑ ॥
Samhita Devanagari Nonaccented
कनिक्रंति हरिरा सृज्यमानः सीदन्वनस्य जठरे पुनानः ।
नृभिर्यतः कृणुते निर्णिजं गा अतो मतीर्जनयत स्वधाभिः ॥
Samhita Transcription Accented
kánikranti hárirā́ sṛjyámānaḥ sī́danvánasya jaṭháre punānáḥ ǀ
nṛ́bhiryatáḥ kṛṇute nirṇíjam gā́ áto matī́rjanayata svadhā́bhiḥ ǁ
Samhita Transcription Nonaccented
kanikranti harirā sṛjyamānaḥ sīdanvanasya jaṭhare punānaḥ ǀ
nṛbhiryataḥ kṛṇute nirṇijam gā ato matīrjanayata svadhābhiḥ ǁ
Padapatha Devanagari Accented
कनि॑क्रन्ति । हरिः॑ । आ । सृ॒ज्यमा॑नः । सीद॑न् । वन॑स्य । ज॒ठरे॑ । पु॒ना॒नः ।
नृऽभिः॑ । य॒तः । कृ॒णु॒ते॒ । निः॒ऽनिज॑म् । गाः । अतः॑ । म॒तीः । ज॒न॒य॒त॒ । स्व॒धाभिः॑ ॥
Padapatha Devanagari Nonaccented
कनिक्रन्ति । हरिः । आ । सृज्यमानः । सीदन् । वनस्य । जठरे । पुनानः ।
नृऽभिः । यतः । कृणुते । निःऽनिजम् । गाः । अतः । मतीः । जनयत । स्वधाभिः ॥
Padapatha Transcription Accented
kánikranti ǀ háriḥ ǀ ā́ ǀ sṛjyámānaḥ ǀ sī́dan ǀ vánasya ǀ jaṭháre ǀ punānáḥ ǀ
nṛ́-bhiḥ ǀ yatáḥ ǀ kṛṇute ǀ niḥ-níjam ǀ gā́ḥ ǀ átaḥ ǀ matī́ḥ ǀ janayata ǀ svadhā́bhiḥ ǁ
Padapatha Transcription Nonaccented
kanikranti ǀ hariḥ ǀ ā ǀ sṛjyamānaḥ ǀ sīdan ǀ vanasya ǀ jaṭhare ǀ punānaḥ ǀ
nṛ-bhiḥ ǀ yataḥ ǀ kṛṇute ǀ niḥ-nijam ǀ gāḥ ǀ ataḥ ǀ matīḥ ǀ janayata ǀ svadhābhiḥ ǁ
09.095.02 (Mandala. Sukta. Rik)
7.4.05.02 (Ashtaka. Adhyaya. Varga. Rik)
09.05.102 (Mandala. Anuvāka. Rik)
Samhita Devanagari Accented
हरिः॑ सृजा॒नः प॒थ्या॑मृ॒तस्येय॑र्ति॒ वाच॑मरि॒तेव॒ नावं॑ ।
दे॒वो दे॒वानां॒ गुह्या॑नि॒ नामा॒विष्कृ॑णोति ब॒र्हिषि॑ प्र॒वाचे॑ ॥
Samhita Devanagari Nonaccented
हरिः सृजानः पथ्यामृतस्येयर्ति वाचमरितेव नावं ।
देवो देवानां गुह्यानि नामाविष्कृणोति बर्हिषि प्रवाचे ॥
Samhita Transcription Accented
háriḥ sṛjānáḥ pathyā́mṛtásyéyarti vā́camaritéva nā́vam ǀ
devó devā́nām gúhyāni nā́māvíṣkṛṇoti barhíṣi pravā́ce ǁ
Samhita Transcription Nonaccented
hariḥ sṛjānaḥ pathyāmṛtasyeyarti vācamariteva nāvam ǀ
devo devānām guhyāni nāmāviṣkṛṇoti barhiṣi pravāce ǁ
Padapatha Devanagari Accented
हरिः॑ । सृ॒जा॒नः । प॒थ्या॑म् । ऋ॒तस्य॑ । इय॑र्ति । वाच॑म् । अ॒रि॒ताऽइ॑व । नाव॑म् ।
दे॒वः । दे॒वाना॑म् । गुह्या॑नि । नाम॑ । आ॒विः । कृ॒णो॒ति॒ । ब॒र्हिषि॑ । प्र॒ऽवाचे॑ ॥
Padapatha Devanagari Nonaccented
हरिः । सृजानः । पथ्याम् । ऋतस्य । इयर्ति । वाचम् । अरिताऽइव । नावम् ।
देवः । देवानाम् । गुह्यानि । नाम । आविः । कृणोति । बर्हिषि । प्रऽवाचे ॥
Padapatha Transcription Accented
háriḥ ǀ sṛjānáḥ ǀ pathyā́m ǀ ṛtásya ǀ íyarti ǀ vā́cam ǀ aritā́-iva ǀ nā́vam ǀ
deváḥ ǀ devā́nām ǀ gúhyāni ǀ nā́ma ǀ āvíḥ ǀ kṛṇoti ǀ barhíṣi ǀ pra-vā́ce ǁ
Padapatha Transcription Nonaccented
hariḥ ǀ sṛjānaḥ ǀ pathyām ǀ ṛtasya ǀ iyarti ǀ vācam ǀ aritā-iva ǀ nāvam ǀ
devaḥ ǀ devānām ǀ guhyāni ǀ nāma ǀ āviḥ ǀ kṛṇoti ǀ barhiṣi ǀ pra-vāce ǁ
09.095.03 (Mandala. Sukta. Rik)
7.4.05.03 (Ashtaka. Adhyaya. Varga. Rik)
09.05.103 (Mandala. Anuvāka. Rik)
Samhita Devanagari Accented
अ॒पामि॒वेदू॒र्मय॒स्तर्तु॑राणाः॒ प्र म॑नी॒षा ई॑रते॒ सोम॒मच्छ॑ ।
न॒म॒स्यंती॒रुप॑ च॒ यंति॒ सं चा च॑ विशंत्युश॒तीरु॒शंतं॑ ॥
Samhita Devanagari Nonaccented
अपामिवेदूर्मयस्तर्तुराणाः प्र मनीषा ईरते सोममच्छ ।
नमस्यंतीरुप च यंति सं चा च विशंत्युशतीरुशंतं ॥
Samhita Transcription Accented
apā́mivédūrmáyastárturāṇāḥ prá manīṣā́ īrate sómamáccha ǀ
namasyántīrúpa ca yánti sám cā́ ca viśantyuśatī́ruśántam ǁ
Samhita Transcription Nonaccented
apāmivedūrmayastarturāṇāḥ pra manīṣā īrate somamaccha ǀ
namasyantīrupa ca yanti sam cā ca viśantyuśatīruśantam ǁ
Padapatha Devanagari Accented
अ॒पाम्ऽइ॑व । इत् । ऊ॒र्मयः॑ । तर्तु॑राणाः । प्र । म॒नी॒षाः । ई॒र॒ते॒ । सोम॑म् । अच्छ॑ ।
न॒म॒स्यन्तीः॑ । उप॑ । च॒ । यन्ति॑ । सम् । च॒ । आ । च॒ । वि॒श॒न्ति॒ । उ॒श॒तीः । उ॒शन्त॑म् ॥
Padapatha Devanagari Nonaccented
अपाम्ऽइव । इत् । ऊर्मयः । तर्तुराणाः । प्र । मनीषाः । ईरते । सोमम् । अच्छ ।
नमस्यन्तीः । उप । च । यन्ति । सम् । च । आ । च । विशन्ति । उशतीः । उशन्तम् ॥
Padapatha Transcription Accented
apā́m-iva ǀ ít ǀ ūrmáyaḥ ǀ tárturāṇāḥ ǀ prá ǀ manīṣā́ḥ ǀ īrate ǀ sómam ǀ áccha ǀ
namasyántīḥ ǀ úpa ǀ ca ǀ yánti ǀ sám ǀ ca ǀ ā́ ǀ ca ǀ viśanti ǀ uśatī́ḥ ǀ uśántam ǁ
Padapatha Transcription Nonaccented
apām-iva ǀ it ǀ ūrmayaḥ ǀ tarturāṇāḥ ǀ pra ǀ manīṣāḥ ǀ īrate ǀ somam ǀ accha ǀ
namasyantīḥ ǀ upa ǀ ca ǀ yanti ǀ sam ǀ ca ǀ ā ǀ ca ǀ viśanti ǀ uśatīḥ ǀ uśantam ǁ
09.095.04 (Mandala. Sukta. Rik)
7.4.05.04 (Ashtaka. Adhyaya. Varga. Rik)
09.05.104 (Mandala. Anuvāka. Rik)
Samhita Devanagari Accented
तं म॑र्मृजा॒नं म॑हि॒षं न साना॑वं॒शुं दु॑हंत्यु॒क्षणं॑ गिरि॒ष्ठां ।
तं वा॑वशा॒नं म॒तयः॑ सचंते त्रि॒तो बि॑भर्ति॒ वरु॑णं समु॒द्रे ॥
Samhita Devanagari Nonaccented
तं मर्मृजानं महिषं न सानावंशुं दुहंत्युक्षणं गिरिष्ठां ।
तं वावशानं मतयः सचंते त्रितो बिभर्ति वरुणं समुद्रे ॥
Samhita Transcription Accented
tám marmṛjānám mahiṣám ná sā́nāvaṃśúm duhantyukṣáṇam giriṣṭhā́m ǀ
tám vāvaśānám matáyaḥ sacante tritó bibharti váruṇam samudré ǁ
Samhita Transcription Nonaccented
tam marmṛjānam mahiṣam na sānāvaṃśum duhantyukṣaṇam giriṣṭhām ǀ
tam vāvaśānam matayaḥ sacante trito bibharti varuṇam samudre ǁ
Padapatha Devanagari Accented
तम् । म॒र्मृ॒जा॒नम् । म॒हि॒षम् । न । सानौ॑ । अं॒शुम् । दु॒ह॒न्ति॒ । उ॒क्षण॑म् । गि॒रि॒ऽस्थाम् ।
तम् । वा॒व॒शा॒नम् । म॒तयः॑ । स॒च॒न्ते॒ । त्रि॒तः । बि॒भ॒र्ति॒ । वरु॑णम् । स॒मु॒द्रे ॥
Padapatha Devanagari Nonaccented
तम् । मर्मृजानम् । महिषम् । न । सानौ । अंशुम् । दुहन्ति । उक्षणम् । गिरिऽस्थाम् ।
तम् । वावशानम् । मतयः । सचन्ते । त्रितः । बिभर्ति । वरुणम् । समुद्रे ॥
Padapatha Transcription Accented
tám ǀ marmṛjānám ǀ mahiṣám ǀ ná ǀ sā́nau ǀ aṃśúm ǀ duhanti ǀ ukṣáṇam ǀ giri-sthā́m ǀ
tám ǀ vāvaśānám ǀ matáyaḥ ǀ sacante ǀ tritáḥ ǀ bibharti ǀ váruṇam ǀ samudré ǁ
Padapatha Transcription Nonaccented
tam ǀ marmṛjānam ǀ mahiṣam ǀ na ǀ sānau ǀ aṃśum ǀ duhanti ǀ ukṣaṇam ǀ giri-sthām ǀ
tam ǀ vāvaśānam ǀ matayaḥ ǀ sacante ǀ tritaḥ ǀ bibharti ǀ varuṇam ǀ samudre ǁ
09.095.05 (Mandala. Sukta. Rik)
7.4.05.05 (Ashtaka. Adhyaya. Varga. Rik)
09.05.105 (Mandala. Anuvāka. Rik)
Samhita Devanagari Accented
इष्य॒न्वाच॑मुपव॒क्तेव॒ होतुः॑ पुना॒न इं॑दो॒ वि ष्या॑ मनी॒षां ।
इंद्र॑श्च॒ यत्क्षय॑थः॒ सौभ॑गाय सु॒वीर्य॑स्य॒ पत॑यः स्याम ॥
Samhita Devanagari Nonaccented
इष्यन्वाचमुपवक्तेव होतुः पुनान इंदो वि ष्या मनीषां ।
इंद्रश्च यत्क्षयथः सौभगाय सुवीर्यस्य पतयः स्याम ॥
Samhita Transcription Accented
íṣyanvā́camupavaktéva hótuḥ punāná indo ví ṣyā manīṣā́m ǀ
índraśca yátkṣáyathaḥ sáubhagāya suvī́ryasya pátayaḥ syāma ǁ
Samhita Transcription Nonaccented
iṣyanvācamupavakteva hotuḥ punāna indo vi ṣyā manīṣām ǀ
indraśca yatkṣayathaḥ saubhagāya suvīryasya patayaḥ syāma ǁ
Padapatha Devanagari Accented
इष्य॑न् । वाच॑म् । उ॒प॒व॒क्ताऽइ॑व । होतुः॑ । पु॒ना॒नः । इ॒न्दो॒ इति॑ । वि । स्य॒ । म॒नी॒षाम् ।
इन्द्रः॑ । च॒ । यत् । क्षय॑थः । सौभ॑गाय । सु॒ऽवीर्य॑स्य । पत॑यः । स्या॒म॒ ॥
Padapatha Devanagari Nonaccented
इष्यन् । वाचम् । उपवक्ताऽइव । होतुः । पुनानः । इन्दो इति । वि । स्य । मनीषाम् ।
इन्द्रः । च । यत् । क्षयथः । सौभगाय । सुऽवीर्यस्य । पतयः । स्याम ॥
Padapatha Transcription Accented
íṣyan ǀ vā́cam ǀ upavaktā́-iva ǀ hótuḥ ǀ punānáḥ ǀ indo íti ǀ ví ǀ sya ǀ manīṣā́m ǀ
índraḥ ǀ ca ǀ yát ǀ kṣáyathaḥ ǀ sáubhagāya ǀ su-vī́ryasya ǀ pátayaḥ ǀ syāma ǁ
Padapatha Transcription Nonaccented
iṣyan ǀ vācam ǀ upavaktā-iva ǀ hotuḥ ǀ punānaḥ ǀ indo iti ǀ vi ǀ sya ǀ manīṣām ǀ
indraḥ ǀ ca ǀ yat ǀ kṣayathaḥ ǀ saubhagāya ǀ su-vīryasya ǀ patayaḥ ǀ syāma ǁ