|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 96
|
1. Info |
| To: | soma pavamāna | |
| From: | pratardana daivodāsi | |
| Metres: | 1st set of styles: nicṛttriṣṭup (4-10, 13, 15, 18, 21, 24); triṣṭup (1, 3, 11, 12, 14, 19, 23); virāṭtrisṭup (2, 17); pādanicṛttriṣṭup (20, 22); bhurigārcītriṣṭup (16) 2nd set of styles: triṣṭubh |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.096.01 (Mandala. Sukta. Rik)
7.4.06.01 (Ashtaka. Adhyaya. Varga. Rik)
09.05.106 (Mandala. Anuvāka. Rik)
Samhita Devanagari Accented
प्र से॑ना॒नीः शूरो॒ अग्रे॒ रथा॑नां ग॒व्यन्ने॑ति॒ हर्ष॑ते अस्य॒ सेना॑ ।
भ॒द्रान्कृ॒ण्वन्निं॑द्रह॒वान्त्सखि॑भ्य॒ आ सोमो॒ वस्त्रा॑ रभ॒सानि॑ दत्ते ॥
Samhita Devanagari Nonaccented
प्र सेनानीः शूरो अग्रे रथानां गव्यन्नेति हर्षते अस्य सेना ।
भद्रान्कृण्वन्निंद्रहवान्त्सखिभ्य आ सोमो वस्त्रा रभसानि दत्ते ॥
Samhita Transcription Accented
prá senānī́ḥ śū́ro ágre ráthānām gavyánneti hárṣate asya sénā ǀ
bhadrā́nkṛṇvánnindrahavā́ntsákhibhya ā́ sómo vástrā rabhasā́ni datte ǁ
Samhita Transcription Nonaccented
pra senānīḥ śūro agre rathānām gavyanneti harṣate asya senā ǀ
bhadrānkṛṇvannindrahavāntsakhibhya ā somo vastrā rabhasāni datte ǁ
Padapatha Devanagari Accented
प्र । से॒ना॒ऽनीः । शूरः॑ । अग्रे॑ । रथा॑नाम् । ग॒व्यन् । ए॒ति॒ । हर्ष॑ते । अ॒स्य॒ । सेना॑ ।
भ॒द्रान् । कृ॒ण्वन् । इ॒न्द्र॒ऽह॒वान् । सखि॑ऽभ्यः । आ । सोमः॑ । वस्त्रा॑ । र॒भ॒सानि॑ । द॒त्ते॒ ॥
Padapatha Devanagari Nonaccented
प्र । सेनाऽनीः । शूरः । अग्रे । रथानाम् । गव्यन् । एति । हर्षते । अस्य । सेना ।
भद्रान् । कृण्वन् । इन्द्रऽहवान् । सखिऽभ्यः । आ । सोमः । वस्त्रा । रभसानि । दत्ते ॥
Padapatha Transcription Accented
prá ǀ senā-nī́ḥ ǀ śū́raḥ ǀ ágre ǀ ráthānām ǀ gavyán ǀ eti ǀ hárṣate ǀ asya ǀ sénā ǀ
bhadrā́n ǀ kṛṇván ǀ indra-havā́n ǀ sákhi-bhyaḥ ǀ ā́ ǀ sómaḥ ǀ vástrā ǀ rabhasā́ni ǀ datte ǁ
Padapatha Transcription Nonaccented
pra ǀ senā-nīḥ ǀ śūraḥ ǀ agre ǀ rathānām ǀ gavyan ǀ eti ǀ harṣate ǀ asya ǀ senā ǀ
bhadrān ǀ kṛṇvan ǀ indra-havān ǀ sakhi-bhyaḥ ǀ ā ǀ somaḥ ǀ vastrā ǀ rabhasāni ǀ datte ǁ
09.096.02 (Mandala. Sukta. Rik)
7.4.06.02 (Ashtaka. Adhyaya. Varga. Rik)
09.05.107 (Mandala. Anuvāka. Rik)
Samhita Devanagari Accented
सम॑स्य॒ हरिं॒ हर॑यो मृजंत्यश्वह॒यैरनि॑शितं॒ नमो॑भिः ।
आ ति॑ष्ठति॒ रथ॒मिंद्र॑स्य॒ सखा॑ वि॒द्वाँ ए॑ना सुम॒तिं या॒त्यच्छ॑ ॥
Samhita Devanagari Nonaccented
समस्य हरिं हरयो मृजंत्यश्वहयैरनिशितं नमोभिः ।
आ तिष्ठति रथमिंद्रस्य सखा विद्वाँ एना सुमतिं यात्यच्छ ॥
Samhita Transcription Accented
sámasya hárim hárayo mṛjantyaśvahayáirániśitam námobhiḥ ǀ
ā́ tiṣṭhati ráthamíndrasya sákhā vidvā́m̐ enā sumatím yātyáccha ǁ
Samhita Transcription Nonaccented
samasya harim harayo mṛjantyaśvahayairaniśitam namobhiḥ ǀ
ā tiṣṭhati rathamindrasya sakhā vidvām̐ enā sumatim yātyaccha ǁ
Padapatha Devanagari Accented
सम् । अ॒स्य॒ । हरि॑म् । हर॑यः । मृ॒ज॒न्ति॒ । अ॒श्व॒ऽह॒यैः । अनि॑ऽशितम् । नमः॑ऽभिः ।
आ । ति॒ष्ठ॒ति॒ । रथ॑म् । इन्द्र॑स्य । सखा॑ । वि॒द्वान् । ए॒न॒ । सु॒ऽम॒तिम् । या॒ति॒ । अच्छ॑ ॥
Padapatha Devanagari Nonaccented
सम् । अस्य । हरिम् । हरयः । मृजन्ति । अश्वऽहयैः । अनिऽशितम् । नमःऽभिः ।
आ । तिष्ठति । रथम् । इन्द्रस्य । सखा । विद्वान् । एन । सुऽमतिम् । याति । अच्छ ॥
Padapatha Transcription Accented
sám ǀ asya ǀ hárim ǀ hárayaḥ ǀ mṛjanti ǀ aśva-hayáiḥ ǀ áni-śitam ǀ námaḥ-bhiḥ ǀ
ā́ ǀ tiṣṭhati ǀ rátham ǀ índrasya ǀ sákhā ǀ vidvā́n ǀ ena ǀ su-matím ǀ yāti ǀ áccha ǁ
Padapatha Transcription Nonaccented
sam ǀ asya ǀ harim ǀ harayaḥ ǀ mṛjanti ǀ aśva-hayaiḥ ǀ ani-śitam ǀ namaḥ-bhiḥ ǀ
ā ǀ tiṣṭhati ǀ ratham ǀ indrasya ǀ sakhā ǀ vidvān ǀ ena ǀ su-matim ǀ yāti ǀ accha ǁ
09.096.03 (Mandala. Sukta. Rik)
7.4.06.03 (Ashtaka. Adhyaya. Varga. Rik)
09.05.108 (Mandala. Anuvāka. Rik)
Samhita Devanagari Accented
स नो॑ देव दे॒वता॑ते पवस्व म॒हे सो॑म॒ प्सर॑स इंद्र॒पानः॑ ।
कृ॒ण्वन्न॒पो व॒र्षयं॒द्यामु॒तेमामु॒रोरा नो॑ वरिवस्या पुना॒नः ॥
Samhita Devanagari Nonaccented
स नो देव देवताते पवस्व महे सोम प्सरस इंद्रपानः ।
कृण्वन्नपो वर्षयंद्यामुतेमामुरोरा नो वरिवस्या पुनानः ॥
Samhita Transcription Accented
sá no deva devátāte pavasva mahé soma psárasa indrapā́naḥ ǀ
kṛṇvánnapó varṣáyandyā́mutémā́murórā́ no varivasyā punānáḥ ǁ
Samhita Transcription Nonaccented
sa no deva devatāte pavasva mahe soma psarasa indrapānaḥ ǀ
kṛṇvannapo varṣayandyāmutemāmurorā no varivasyā punānaḥ ǁ
Padapatha Devanagari Accented
सः । नः॒ । दे॒व॒ । दे॒वऽता॑ते । प॒व॒स्व॒ । म॒हे । सो॒म॒ । प्सर॑से । इ॒न्द्र॒ऽपानः॑ ।
कृ॒ण्वन् । अ॒पः । व॒र्षय॑न् । द्याम् । उ॒त । इ॒माम् । उ॒रोः । आ । नः॒ । व॒रि॒व॒स्य॒ । पु॒ना॒नः ॥
Padapatha Devanagari Nonaccented
सः । नः । देव । देवऽताते । पवस्व । महे । सोम । प्सरसे । इन्द्रऽपानः ।
कृण्वन् । अपः । वर्षयन् । द्याम् । उत । इमाम् । उरोः । आ । नः । वरिवस्य । पुनानः ॥
Padapatha Transcription Accented
sáḥ ǀ naḥ ǀ deva ǀ devá-tāte ǀ pavasva ǀ mahé ǀ soma ǀ psárase ǀ indra-pā́naḥ ǀ
kṛṇván ǀ apáḥ ǀ varṣáyan ǀ dyā́m ǀ utá ǀ imā́m ǀ uróḥ ǀ ā́ ǀ naḥ ǀ varivasya ǀ punānáḥ ǁ
Padapatha Transcription Nonaccented
saḥ ǀ naḥ ǀ deva ǀ deva-tāte ǀ pavasva ǀ mahe ǀ soma ǀ psarase ǀ indra-pānaḥ ǀ
kṛṇvan ǀ apaḥ ǀ varṣayan ǀ dyām ǀ uta ǀ imām ǀ uroḥ ǀ ā ǀ naḥ ǀ varivasya ǀ punānaḥ ǁ
09.096.04 (Mandala. Sukta. Rik)
7.4.06.04 (Ashtaka. Adhyaya. Varga. Rik)
09.05.109 (Mandala. Anuvāka. Rik)
Samhita Devanagari Accented
अजी॑त॒येऽह॑तये पवस्व स्व॒स्तये॑ स॒र्वता॑तये बृह॒ते ।
तदु॑शंति॒ विश्व॑ इ॒मे सखा॑य॒स्तद॒हं व॑श्मि पवमान सोम ॥
Samhita Devanagari Nonaccented
अजीतयेऽहतये पवस्व स्वस्तये सर्वतातये बृहते ।
तदुशंति विश्व इमे सखायस्तदहं वश्मि पवमान सोम ॥
Samhita Transcription Accented
ájītayé’hataye pavasva svastáye sarvátātaye bṛhaté ǀ
táduśanti víśva imé sákhāyastádahám vaśmi pavamāna soma ǁ
Samhita Transcription Nonaccented
ajītaye’hataye pavasva svastaye sarvatātaye bṛhate ǀ
taduśanti viśva ime sakhāyastadaham vaśmi pavamāna soma ǁ
Padapatha Devanagari Accented
अजी॑तये । अह॑तये । प॒व॒स्व॒ । स्व॒स्तये॑ । स॒र्वऽता॑तये । बृ॒ह॒ते ।
तत् । उ॒श॒न्ति॒ । विश्वे॑ । इ॒मे । सखा॑यः । तत् । अ॒हम् । व॒श्मि॒ । प॒व॒मा॒न॒ । सो॒म॒ ॥
Padapatha Devanagari Nonaccented
अजीतये । अहतये । पवस्व । स्वस्तये । सर्वऽतातये । बृहते ।
तत् । उशन्ति । विश्वे । इमे । सखायः । तत् । अहम् । वश्मि । पवमान । सोम ॥
Padapatha Transcription Accented
ájītaye ǀ áhataye ǀ pavasva ǀ svastáye ǀ sarvá-tātaye ǀ bṛhaté ǀ
tát ǀ uśanti ǀ víśve ǀ imé ǀ sákhāyaḥ ǀ tát ǀ ahám ǀ vaśmi ǀ pavamāna ǀ soma ǁ
Padapatha Transcription Nonaccented
ajītaye ǀ ahataye ǀ pavasva ǀ svastaye ǀ sarva-tātaye ǀ bṛhate ǀ
tat ǀ uśanti ǀ viśve ǀ ime ǀ sakhāyaḥ ǀ tat ǀ aham ǀ vaśmi ǀ pavamāna ǀ soma ǁ
09.096.05 (Mandala. Sukta. Rik)
7.4.06.05 (Ashtaka. Adhyaya. Varga. Rik)
09.05.110 (Mandala. Anuvāka. Rik)
Samhita Devanagari Accented
सोमः॑ पवते जनि॒ता म॑ती॒नां ज॑नि॒ता दि॒वो ज॑नि॒ता पृ॑थि॒व्याः ।
ज॒नि॒ताग्नेर्ज॑नि॒ता सूर्य॑स्य जनि॒तेंद्र॑स्य जनि॒तोत विष्णोः॑ ॥
Samhita Devanagari Nonaccented
सोमः पवते जनिता मतीनां जनिता दिवो जनिता पृथिव्याः ।
जनिताग्नेर्जनिता सूर्यस्य जनितेंद्रस्य जनितोत विष्णोः ॥
Samhita Transcription Accented
sómaḥ pavate janitā́ matīnā́m janitā́ divó janitā́ pṛthivyā́ḥ ǀ
janitā́gnérjanitā́ sū́ryasya janiténdrasya janitótá víṣṇoḥ ǁ
Samhita Transcription Nonaccented
somaḥ pavate janitā matīnām janitā divo janitā pṛthivyāḥ ǀ
janitāgnerjanitā sūryasya janitendrasya janitota viṣṇoḥ ǁ
Padapatha Devanagari Accented
सोमः॑ । प॒व॒ते॒ । ज॒नि॒ता । म॒ती॒नाम् । ज॒नि॒ता । दि॒वः । ज॒नि॒ता । पृ॒थि॒व्याः ।
ज॒नि॒ता । अ॒ग्नेः । ज॒नि॒ता । सूर्य॑स्य । ज॒नि॒ता । इन्द्र॑स्य । ज॒नि॒ता । उ॒त । विष्णोः॑ ॥
Padapatha Devanagari Nonaccented
सोमः । पवते । जनिता । मतीनाम् । जनिता । दिवः । जनिता । पृथिव्याः ।
जनिता । अग्नेः । जनिता । सूर्यस्य । जनिता । इन्द्रस्य । जनिता । उत । विष्णोः ॥
Padapatha Transcription Accented
sómaḥ ǀ pavate ǀ janitā́ ǀ matīnā́m ǀ janitā́ ǀ diváḥ ǀ janitā́ ǀ pṛthivyā́ḥ ǀ
janitā́ ǀ agnéḥ ǀ janitā́ ǀ sū́ryasya ǀ janitā́ ǀ índrasya ǀ janitā́ ǀ utá ǀ víṣṇoḥ ǁ
Padapatha Transcription Nonaccented
somaḥ ǀ pavate ǀ janitā ǀ matīnām ǀ janitā ǀ divaḥ ǀ janitā ǀ pṛthivyāḥ ǀ
janitā ǀ agneḥ ǀ janitā ǀ sūryasya ǀ janitā ǀ indrasya ǀ janitā ǀ uta ǀ viṣṇoḥ ǁ
09.096.06 (Mandala. Sukta. Rik)
7.4.07.01 (Ashtaka. Adhyaya. Varga. Rik)
09.05.111 (Mandala. Anuvāka. Rik)
Samhita Devanagari Accented
ब्र॒ह्मा दे॒वानां॑ पद॒वीः क॑वी॒नामृषि॒र्विप्रा॑णां महि॒षो मृ॒गाणां॑ ।
श्ये॒नो गृध्रा॑णां॒ स्वधि॑ति॒र्वना॑नां॒ सोमः॑ प॒वित्र॒मत्ये॑ति॒ रेभ॑न् ॥
Samhita Devanagari Nonaccented
ब्रह्मा देवानां पदवीः कवीनामृषिर्विप्राणां महिषो मृगाणां ।
श्येनो गृध्राणां स्वधितिर्वनानां सोमः पवित्रमत्येति रेभन् ॥
Samhita Transcription Accented
brahmā́ devā́nām padavī́ḥ kavīnā́mṛ́ṣirvíprāṇām mahiṣó mṛgā́ṇām ǀ
śyenó gṛ́dhrāṇām svádhitirvánānām sómaḥ pavítramátyeti rébhan ǁ
Samhita Transcription Nonaccented
brahmā devānām padavīḥ kavīnāmṛṣirviprāṇām mahiṣo mṛgāṇām ǀ
śyeno gṛdhrāṇām svadhitirvanānām somaḥ pavitramatyeti rebhan ǁ
Padapatha Devanagari Accented
ब्र॒ह्मा । दे॒वाना॑म् । प॒द॒ऽवीः । क॒वी॒नाम् । ऋषिः॑ । विप्रा॑णाम् । म॒हि॒षः । मृ॒गाणा॑म् ।
श्ये॒नः । गृध्रा॑णाम् । स्वऽधि॑तिः । वना॑नाम् । सोमः॑ । प॒वित्र॑म् । अति॑ । ए॒ति॒ । रेभ॑न् ॥
Padapatha Devanagari Nonaccented
ब्रह्मा । देवानाम् । पदऽवीः । कवीनाम् । ऋषिः । विप्राणाम् । महिषः । मृगाणाम् ।
श्येनः । गृध्राणाम् । स्वऽधितिः । वनानाम् । सोमः । पवित्रम् । अति । एति । रेभन् ॥
Padapatha Transcription Accented
brahmā́ ǀ devā́nām ǀ pada-vī́ḥ ǀ kavīnā́m ǀ ṛ́ṣiḥ ǀ víprāṇām ǀ mahiṣáḥ ǀ mṛgā́ṇām ǀ
śyenáḥ ǀ gṛ́dhrāṇām ǀ svá-dhitiḥ ǀ vánānām ǀ sómaḥ ǀ pavítram ǀ áti ǀ eti ǀ rébhan ǁ
Padapatha Transcription Nonaccented
brahmā ǀ devānām ǀ pada-vīḥ ǀ kavīnām ǀ ṛṣiḥ ǀ viprāṇām ǀ mahiṣaḥ ǀ mṛgāṇām ǀ
śyenaḥ ǀ gṛdhrāṇām ǀ sva-dhitiḥ ǀ vanānām ǀ somaḥ ǀ pavitram ǀ ati ǀ eti ǀ rebhan ǁ
09.096.07 (Mandala. Sukta. Rik)
7.4.07.02 (Ashtaka. Adhyaya. Varga. Rik)
09.05.112 (Mandala. Anuvāka. Rik)
Samhita Devanagari Accented
प्रावी॑विपद्वा॒च ऊ॒र्मिं न सिंधु॒र्गिरः॒ सोमः॒ पव॑मानो मनी॒षाः ।
अं॒तः पश्य॑न्वृ॒जने॒माव॑रा॒ण्या ति॑ष्ठति वृष॒भो गोषु॑ जा॒नन् ॥
Samhita Devanagari Nonaccented
प्रावीविपद्वाच ऊर्मिं न सिंधुर्गिरः सोमः पवमानो मनीषाः ।
अंतः पश्यन्वृजनेमावराण्या तिष्ठति वृषभो गोषु जानन् ॥
Samhita Transcription Accented
prā́vīvipadvācá ūrmím ná síndhurgíraḥ sómaḥ pávamāno manīṣā́ḥ ǀ
antáḥ páśyanvṛjánemā́varāṇyā́ tiṣṭhati vṛṣabhó góṣu jānán ǁ
Samhita Transcription Nonaccented
prāvīvipadvāca ūrmim na sindhurgiraḥ somaḥ pavamāno manīṣāḥ ǀ
antaḥ paśyanvṛjanemāvarāṇyā tiṣṭhati vṛṣabho goṣu jānan ǁ
Padapatha Devanagari Accented
प्र । अ॒वी॒वि॒प॒त् । वा॒चः । ऊ॒र्मिम् । न । सिन्धुः॑ । गिरः॑ । सोमः॑ । पव॑मानः । म॒नी॒षाः ।
अ॒न्तरिति॑ । पश्य॑न् । वृ॒जना॑ । इ॒मा । अव॑राणि । आ । ति॒ष्ठ॒ति॒ । वृ॒ष॒भः । गोषु॑ । जा॒नन् ॥
Padapatha Devanagari Nonaccented
प्र । अवीविपत् । वाचः । ऊर्मिम् । न । सिन्धुः । गिरः । सोमः । पवमानः । मनीषाः ।
अन्तरिति । पश्यन् । वृजना । इमा । अवराणि । आ । तिष्ठति । वृषभः । गोषु । जानन् ॥
Padapatha Transcription Accented
prá ǀ avīvipat ǀ vācáḥ ǀ ūrmím ǀ ná ǀ síndhuḥ ǀ gíraḥ ǀ sómaḥ ǀ pávamānaḥ ǀ manīṣā́ḥ ǀ
antáríti ǀ páśyan ǀ vṛjánā ǀ imā́ ǀ ávarāṇi ǀ ā́ ǀ tiṣṭhati ǀ vṛṣabháḥ ǀ góṣu ǀ jānán ǁ
Padapatha Transcription Nonaccented
pra ǀ avīvipat ǀ vācaḥ ǀ ūrmim ǀ na ǀ sindhuḥ ǀ giraḥ ǀ somaḥ ǀ pavamānaḥ ǀ manīṣāḥ ǀ
antariti ǀ paśyan ǀ vṛjanā ǀ imā ǀ avarāṇi ǀ ā ǀ tiṣṭhati ǀ vṛṣabhaḥ ǀ goṣu ǀ jānan ǁ
09.096.08 (Mandala. Sukta. Rik)
7.4.07.03 (Ashtaka. Adhyaya. Varga. Rik)
09.05.113 (Mandala. Anuvāka. Rik)
Samhita Devanagari Accented
स म॑त्स॒रः पृ॒त्सु व॒न्वन्नवा॑तः स॒हस्र॑रेता अ॒भि वाज॑मर्ष ।
इंद्रा॑येंदो॒ पव॑मानो मनी॒ष्यं१॒॑शोरू॒र्मिमी॑रय॒ गा इ॑ष॒ण्यन् ॥
Samhita Devanagari Nonaccented
स मत्सरः पृत्सु वन्वन्नवातः सहस्ररेता अभि वाजमर्ष ।
इंद्रायेंदो पवमानो मनीष्यंशोरूर्मिमीरय गा इषण्यन् ॥
Samhita Transcription Accented
sá matsaráḥ pṛtsú vanvánnávātaḥ sahásraretā abhí vā́jamarṣa ǀ
índrāyendo pávamāno manīṣyáṃśórūrmímīraya gā́ iṣaṇyán ǁ
Samhita Transcription Nonaccented
sa matsaraḥ pṛtsu vanvannavātaḥ sahasraretā abhi vājamarṣa ǀ
indrāyendo pavamāno manīṣyaṃśorūrmimīraya gā iṣaṇyan ǁ
Padapatha Devanagari Accented
सः । म॒त्स॒रः । पृ॒त्ऽसु । व॒न्वन् । अवा॑तः । स॒हस्र॑ऽरेताः । अ॒भि । वाज॑म् । अ॒र्ष॒ ।
इन्द्रा॑य । इ॒न्दो॒ इति॑ । पव॑मानः । म॒नी॒षी । अं॒शोः । ऊ॒र्मिम् । ई॒र॒य॒ । गाः । इ॒ष॒ण्यन् ॥
Padapatha Devanagari Nonaccented
सः । मत्सरः । पृत्ऽसु । वन्वन् । अवातः । सहस्रऽरेताः । अभि । वाजम् । अर्ष ।
इन्द्राय । इन्दो इति । पवमानः । मनीषी । अंशोः । ऊर्मिम् । ईरय । गाः । इषण्यन् ॥
Padapatha Transcription Accented
sáḥ ǀ matsaráḥ ǀ pṛt-sú ǀ vanván ǀ ávātaḥ ǀ sahásra-retāḥ ǀ abhí ǀ vā́jam ǀ arṣa ǀ
índrāya ǀ indo íti ǀ pávamānaḥ ǀ manīṣī́ ǀ aṃśóḥ ǀ ūrmím ǀ īraya ǀ gā́ḥ ǀ iṣaṇyán ǁ
Padapatha Transcription Nonaccented
saḥ ǀ matsaraḥ ǀ pṛt-su ǀ vanvan ǀ avātaḥ ǀ sahasra-retāḥ ǀ abhi ǀ vājam ǀ arṣa ǀ
indrāya ǀ indo iti ǀ pavamānaḥ ǀ manīṣī ǀ aṃśoḥ ǀ ūrmim ǀ īraya ǀ gāḥ ǀ iṣaṇyan ǁ
09.096.09 (Mandala. Sukta. Rik)
7.4.07.04 (Ashtaka. Adhyaya. Varga. Rik)
09.05.114 (Mandala. Anuvāka. Rik)
Samhita Devanagari Accented
परि॑ प्रि॒यः क॒लशे॑ दे॒ववा॑त॒ इंद्रा॑य॒ सोमो॒ रण्यो॒ मदा॑य ।
स॒हस्र॑धारः श॒तवा॑ज॒ इंदु॑र्वा॒जी न सप्तिः॒ सम॑ना जिगाति ॥
Samhita Devanagari Nonaccented
परि प्रियः कलशे देववात इंद्राय सोमो रण्यो मदाय ।
सहस्रधारः शतवाज इंदुर्वाजी न सप्तिः समना जिगाति ॥
Samhita Transcription Accented
pári priyáḥ kaláśe devávāta índrāya sómo ráṇyo mádāya ǀ
sahásradhāraḥ śatávāja índurvājī́ ná sáptiḥ sámanā jigāti ǁ
Samhita Transcription Nonaccented
pari priyaḥ kalaśe devavāta indrāya somo raṇyo madāya ǀ
sahasradhāraḥ śatavāja indurvājī na saptiḥ samanā jigāti ǁ
Padapatha Devanagari Accented
परि॑ । प्रि॒यः । क॒लशे॑ । दे॒वऽवा॑तः । इन्द्रा॑य । सोमः॑ । रण्यः॑ । मदा॑य ।
स॒हस्र॑ऽधारः । श॒तऽवा॑जः । इन्दुः॑ । वा॒जी । न । सप्तिः॑ । सम॑ना । जि॒गा॒ति॒ ॥
Padapatha Devanagari Nonaccented
परि । प्रियः । कलशे । देवऽवातः । इन्द्राय । सोमः । रण्यः । मदाय ।
सहस्रऽधारः । शतऽवाजः । इन्दुः । वाजी । न । सप्तिः । समना । जिगाति ॥
Padapatha Transcription Accented
pári ǀ priyáḥ ǀ kaláśe ǀ devá-vātaḥ ǀ índrāya ǀ sómaḥ ǀ ráṇyaḥ ǀ mádāya ǀ
sahásra-dhāraḥ ǀ śatá-vājaḥ ǀ índuḥ ǀ vājī́ ǀ ná ǀ sáptiḥ ǀ sámanā ǀ jigāti ǁ
Padapatha Transcription Nonaccented
pari ǀ priyaḥ ǀ kalaśe ǀ deva-vātaḥ ǀ indrāya ǀ somaḥ ǀ raṇyaḥ ǀ madāya ǀ
sahasra-dhāraḥ ǀ śata-vājaḥ ǀ induḥ ǀ vājī ǀ na ǀ saptiḥ ǀ samanā ǀ jigāti ǁ
09.096.10 (Mandala. Sukta. Rik)
7.4.07.05 (Ashtaka. Adhyaya. Varga. Rik)
09.05.115 (Mandala. Anuvāka. Rik)
Samhita Devanagari Accented
स पू॒र्व्यो व॑सु॒विज्जाय॑मानो मृजा॒नो अ॒प्सु दु॑दुहा॒नो अद्रौ॑ ।
अ॒भि॒श॒स्ति॒पा भुव॑नस्य॒ राजा॑ वि॒दद्गा॒तुं ब्रह्म॑णे पू॒यमा॑नः ॥
Samhita Devanagari Nonaccented
स पूर्व्यो वसुविज्जायमानो मृजानो अप्सु दुदुहानो अद्रौ ।
अभिशस्तिपा भुवनस्य राजा विदद्गातुं ब्रह्मणे पूयमानः ॥
Samhita Transcription Accented
sá pūrvyó vasuvíjjā́yamāno mṛjānó apsú duduhānó ádrau ǀ
abhiśastipā́ bhúvanasya rā́jā vidádgātúm bráhmaṇe pūyámānaḥ ǁ
Samhita Transcription Nonaccented
sa pūrvyo vasuvijjāyamāno mṛjāno apsu duduhāno adrau ǀ
abhiśastipā bhuvanasya rājā vidadgātum brahmaṇe pūyamānaḥ ǁ
Padapatha Devanagari Accented
सः । पू॒र्व्यः । व॒सु॒ऽवित् । जाय॑मानः । मृ॒जा॒नः । अ॒प्ऽसु । दु॒दु॒हा॒नः । अद्रौ॑ ।
अ॒भि॒श॒स्ति॒ऽपाः । भुव॑नस्य । राजा॑ । वि॒दत् । गा॒तुम् । ब्रह्म॑णे । पू॒यमा॑नः ॥
Padapatha Devanagari Nonaccented
सः । पूर्व्यः । वसुऽवित् । जायमानः । मृजानः । अप्ऽसु । दुदुहानः । अद्रौ ।
अभिशस्तिऽपाः । भुवनस्य । राजा । विदत् । गातुम् । ब्रह्मणे । पूयमानः ॥
Padapatha Transcription Accented
sáḥ ǀ pūrvyáḥ ǀ vasu-vít ǀ jā́yamānaḥ ǀ mṛjānáḥ ǀ ap-sú ǀ duduhānáḥ ǀ ádrau ǀ
abhiśasti-pā́ḥ ǀ bhúvanasya ǀ rā́jā ǀ vidát ǀ gātúm ǀ bráhmaṇe ǀ pūyámānaḥ ǁ
Padapatha Transcription Nonaccented
saḥ ǀ pūrvyaḥ ǀ vasu-vit ǀ jāyamānaḥ ǀ mṛjānaḥ ǀ ap-su ǀ duduhānaḥ ǀ adrau ǀ
abhiśasti-pāḥ ǀ bhuvanasya ǀ rājā ǀ vidat ǀ gātum ǀ brahmaṇe ǀ pūyamānaḥ ǁ
09.096.11 (Mandala. Sukta. Rik)
7.4.08.01 (Ashtaka. Adhyaya. Varga. Rik)
09.05.116 (Mandala. Anuvāka. Rik)
Samhita Devanagari Accented
त्वया॒ हि नः॑ पि॒तरः॑ सोम॒ पूर्वे॒ कर्मा॑णि च॒क्रुः प॑वमान॒ धीराः॑ ।
व॒न्वन्नवा॑तः परि॒धीँरपो॑र्णु वी॒रेभि॒रश्वै॑र्म॒घवा॑ भवा नः ॥
Samhita Devanagari Nonaccented
त्वया हि नः पितरः सोम पूर्वे कर्माणि चक्रुः पवमान धीराः ।
वन्वन्नवातः परिधीँरपोर्णु वीरेभिरश्वैर्मघवा भवा नः ॥
Samhita Transcription Accented
tváyā hí naḥ pitáraḥ soma pū́rve kármāṇi cakrúḥ pavamāna dhī́rāḥ ǀ
vanvánnávātaḥ paridhī́m̐ráporṇu vīrébhiráśvairmaghávā bhavā naḥ ǁ
Samhita Transcription Nonaccented
tvayā hi naḥ pitaraḥ soma pūrve karmāṇi cakruḥ pavamāna dhīrāḥ ǀ
vanvannavātaḥ paridhīm̐raporṇu vīrebhiraśvairmaghavā bhavā naḥ ǁ
Padapatha Devanagari Accented
त्वया॑ । हि । नः॒ । पि॒तरः॑ । सो॒म॒ । पूर्वे॑ । कर्मा॑णि । च॒क्रुः । प॒व॒मा॒न॒ । धीराः॑ ।
व॒न्वन् । अवा॑तः । प॒रि॒ऽधीन् । अप॑ । ऊ॒र्णु॒ । वी॒रेभिः॑ । अश्वैः॑ । म॒घऽवा॑ । भ॒व॒ । नः॒ ॥
Padapatha Devanagari Nonaccented
त्वया । हि । नः । पितरः । सोम । पूर्वे । कर्माणि । चक्रुः । पवमान । धीराः ।
वन्वन् । अवातः । परिऽधीन् । अप । ऊर्णु । वीरेभिः । अश्वैः । मघऽवा । भव । नः ॥
Padapatha Transcription Accented
tváyā ǀ hí ǀ naḥ ǀ pitáraḥ ǀ soma ǀ pū́rve ǀ kármāṇi ǀ cakrúḥ ǀ pavamāna ǀ dhī́rāḥ ǀ
vanván ǀ ávātaḥ ǀ pari-dhī́n ǀ ápa ǀ ūrṇu ǀ vīrébhiḥ ǀ áśvaiḥ ǀ maghá-vā ǀ bhava ǀ naḥ ǁ
Padapatha Transcription Nonaccented
tvayā ǀ hi ǀ naḥ ǀ pitaraḥ ǀ soma ǀ pūrve ǀ karmāṇi ǀ cakruḥ ǀ pavamāna ǀ dhīrāḥ ǀ
vanvan ǀ avātaḥ ǀ pari-dhīn ǀ apa ǀ ūrṇu ǀ vīrebhiḥ ǀ aśvaiḥ ǀ magha-vā ǀ bhava ǀ naḥ ǁ
09.096.12 (Mandala. Sukta. Rik)
7.4.08.02 (Ashtaka. Adhyaya. Varga. Rik)
09.05.117 (Mandala. Anuvāka. Rik)
Samhita Devanagari Accented
यथाप॑वथा॒ मन॑वे वयो॒धा अ॑मित्र॒हा व॑रिवो॒विद्ध॒विष्मा॑न् ।
ए॒वा प॑वस्व॒ द्रवि॑णं॒ दधा॑न॒ इंद्रे॒ सं ति॑ष्ठ ज॒नयायु॑धानि ॥
Samhita Devanagari Nonaccented
यथापवथा मनवे वयोधा अमित्रहा वरिवोविद्धविष्मान् ।
एवा पवस्व द्रविणं दधान इंद्रे सं तिष्ठ जनयायुधानि ॥
Samhita Transcription Accented
yáthā́pavathā mánave vayodhā́ amitrahā́ varivovíddhavíṣmān ǀ
evā́ pavasva dráviṇam dádhāna índre sám tiṣṭha janáyā́yudhāni ǁ
Samhita Transcription Nonaccented
yathāpavathā manave vayodhā amitrahā varivoviddhaviṣmān ǀ
evā pavasva draviṇam dadhāna indre sam tiṣṭha janayāyudhāni ǁ
Padapatha Devanagari Accented
यथा॑ । अप॑वथाः । मन॑वे । व॒यः॒ऽधाः । अ॒मि॒त्र॒ऽहा । व॒रि॒वः॒ऽवित् । ह॒विष्मा॑न् ।
ए॒व । प॒व॒स्व॒ । द्रवि॑णम् । दधा॑नः । इन्द्रे॑ । सम् । ति॒ष्ठ॒ । ज॒नय॑ । आयु॑धानि ॥
Padapatha Devanagari Nonaccented
यथा । अपवथाः । मनवे । वयःऽधाः । अमित्रऽहा । वरिवःऽवित् । हविष्मान् ।
एव । पवस्व । द्रविणम् । दधानः । इन्द्रे । सम् । तिष्ठ । जनय । आयुधानि ॥
Padapatha Transcription Accented
yáthā ǀ ápavathāḥ ǀ mánave ǀ vayaḥ-dhā́ḥ ǀ amitra-hā́ ǀ varivaḥ-vít ǀ havíṣmān ǀ
evá ǀ pavasva ǀ dráviṇam ǀ dádhānaḥ ǀ índre ǀ sám ǀ tiṣṭha ǀ janáya ǀ ā́yudhāni ǁ
Padapatha Transcription Nonaccented
yathā ǀ apavathāḥ ǀ manave ǀ vayaḥ-dhāḥ ǀ amitra-hā ǀ varivaḥ-vit ǀ haviṣmān ǀ
eva ǀ pavasva ǀ draviṇam ǀ dadhānaḥ ǀ indre ǀ sam ǀ tiṣṭha ǀ janaya ǀ āyudhāni ǁ
09.096.13 (Mandala. Sukta. Rik)
7.4.08.03 (Ashtaka. Adhyaya. Varga. Rik)
09.05.118 (Mandala. Anuvāka. Rik)
Samhita Devanagari Accented
पव॑स्व सोम॒ मधु॑माँ ऋ॒तावा॒पो वसा॑नो॒ अधि॒ सानो॒ अव्ये॑ ।
अव॒ द्रोणा॑नि घृ॒तवां॑ति सीद म॒दिंत॑मो मत्स॒र इं॑द्र॒पानः॑ ॥
Samhita Devanagari Nonaccented
पवस्व सोम मधुमाँ ऋतावापो वसानो अधि सानो अव्ये ।
अव द्रोणानि घृतवांति सीद मदिंतमो मत्सर इंद्रपानः ॥
Samhita Transcription Accented
pávasva soma mádhumām̐ ṛtā́vāpó vásāno ádhi sā́no ávye ǀ
áva dróṇāni ghṛtávānti sīda madíntamo matsará indrapā́naḥ ǁ
Samhita Transcription Nonaccented
pavasva soma madhumām̐ ṛtāvāpo vasāno adhi sāno avye ǀ
ava droṇāni ghṛtavānti sīda madintamo matsara indrapānaḥ ǁ
Padapatha Devanagari Accented
पव॑स्व । सो॒म॒ । मधु॑ऽमान् । ऋ॒तऽवा॑ । अ॒पः । वसा॑नः । अधि॑ । सानौ॑ । अव्ये॑ ।
अव॑ । द्रोणा॑नि । घृ॒तऽव॑न्ति । सी॒द॒ । म॒दिन्ऽत॑मः । म॒त्स॒रः । इ॒न्द्र॒ऽपानः॑ ॥
Padapatha Devanagari Nonaccented
पवस्व । सोम । मधुऽमान् । ऋतऽवा । अपः । वसानः । अधि । सानौ । अव्ये ।
अव । द्रोणानि । घृतऽवन्ति । सीद । मदिन्ऽतमः । मत्सरः । इन्द्रऽपानः ॥
Padapatha Transcription Accented
pávasva ǀ soma ǀ mádhu-mān ǀ ṛtá-vā ǀ apáḥ ǀ vásānaḥ ǀ ádhi ǀ sā́nau ǀ ávye ǀ
áva ǀ dróṇāni ǀ ghṛtá-vanti ǀ sīda ǀ madín-tamaḥ ǀ matsaráḥ ǀ indra-pā́naḥ ǁ
Padapatha Transcription Nonaccented
pavasva ǀ soma ǀ madhu-mān ǀ ṛta-vā ǀ apaḥ ǀ vasānaḥ ǀ adhi ǀ sānau ǀ avye ǀ
ava ǀ droṇāni ǀ ghṛta-vanti ǀ sīda ǀ madin-tamaḥ ǀ matsaraḥ ǀ indra-pānaḥ ǁ
09.096.14 (Mandala. Sukta. Rik)
7.4.08.04 (Ashtaka. Adhyaya. Varga. Rik)
09.05.119 (Mandala. Anuvāka. Rik)
Samhita Devanagari Accented
वृ॒ष्टिं दि॒वः श॒तधा॑रः पवस्व सहस्र॒सा वा॑ज॒युर्दे॒ववी॑तौ ।
सं सिंधु॑भिः क॒लशे॑ वावशा॒नः समु॒स्रिया॑भिः प्रति॒रन्न॒ आयुः॑ ॥
Samhita Devanagari Nonaccented
वृष्टिं दिवः शतधारः पवस्व सहस्रसा वाजयुर्देववीतौ ।
सं सिंधुभिः कलशे वावशानः समुस्रियाभिः प्रतिरन्न आयुः ॥
Samhita Transcription Accented
vṛṣṭím diváḥ śatádhāraḥ pavasva sahasrasā́ vājayúrdevávītau ǀ
sám síndhubhiḥ kaláśe vāvaśānáḥ sámusríyābhiḥ pratiránna ā́yuḥ ǁ
Samhita Transcription Nonaccented
vṛṣṭim divaḥ śatadhāraḥ pavasva sahasrasā vājayurdevavītau ǀ
sam sindhubhiḥ kalaśe vāvaśānaḥ samusriyābhiḥ pratiranna āyuḥ ǁ
Padapatha Devanagari Accented
वृ॒ष्टिम् । दि॒वः । श॒तऽधा॑रः । प॒व॒स्व॒ । स॒ह॒स्र॒ऽसाः । वा॒ज॒ऽयुः । दे॒वऽवी॑तौ ।
सम् । सिन्धु॑ऽभिः । क॒लशे॑ । वा॒व॒शा॒नः । सम् । उ॒स्रिया॑भिः । प्र॒ऽति॒रन् । नः॒ । आयुः॑ ॥
Padapatha Devanagari Nonaccented
वृष्टिम् । दिवः । शतऽधारः । पवस्व । सहस्रऽसाः । वाजऽयुः । देवऽवीतौ ।
सम् । सिन्धुऽभिः । कलशे । वावशानः । सम् । उस्रियाभिः । प्रऽतिरन् । नः । आयुः ॥
Padapatha Transcription Accented
vṛṣṭím ǀ diváḥ ǀ śatá-dhāraḥ ǀ pavasva ǀ sahasra-sā́ḥ ǀ vāja-yúḥ ǀ devá-vītau ǀ
sám ǀ síndhu-bhiḥ ǀ kaláśe ǀ vāvaśānáḥ ǀ sám ǀ usríyābhiḥ ǀ pra-tirán ǀ naḥ ǀ ā́yuḥ ǁ
Padapatha Transcription Nonaccented
vṛṣṭim ǀ divaḥ ǀ śata-dhāraḥ ǀ pavasva ǀ sahasra-sāḥ ǀ vāja-yuḥ ǀ deva-vītau ǀ
sam ǀ sindhu-bhiḥ ǀ kalaśe ǀ vāvaśānaḥ ǀ sam ǀ usriyābhiḥ ǀ pra-tiran ǀ naḥ ǀ āyuḥ ǁ
09.096.15 (Mandala. Sukta. Rik)
7.4.08.05 (Ashtaka. Adhyaya. Varga. Rik)
09.05.120 (Mandala. Anuvāka. Rik)
Samhita Devanagari Accented
ए॒ष स्य सोमो॑ म॒तिभिः॑ पुना॒नोऽत्यो॒ न वा॒जी तर॒तीदरा॑तीः ।
पयो॒ न दु॒ग्धमदि॑तेरिषि॒रमु॒र्वि॑व गा॒तुः सु॒यमो॒ न वोळ्हा॑ ॥
Samhita Devanagari Nonaccented
एष स्य सोमो मतिभिः पुनानोऽत्यो न वाजी तरतीदरातीः ।
पयो न दुग्धमदितेरिषिरमुर्विव गातुः सुयमो न वोळ्हा ॥
Samhita Transcription Accented
eṣá syá sómo matíbhiḥ punānó’tyo ná vājī́ táratī́dárātīḥ ǀ
páyo ná dugdhámáditeriṣirámurvíva gātúḥ suyámo ná vóḷhā ǁ
Samhita Transcription Nonaccented
eṣa sya somo matibhiḥ punāno’tyo na vājī taratīdarātīḥ ǀ
payo na dugdhamaditeriṣiramurviva gātuḥ suyamo na voḷhā ǁ
Padapatha Devanagari Accented
ए॒षः । स्यः । सोमः॑ । म॒तिऽभिः॑ । पु॒ना॒नः । अत्यः॑ । न । वा॒जी । तर॑ति । इत् । अरा॑तीः ।
पयः॑ । न । दु॒ग्धम् । अदि॑तेः । इ॒षि॒रम् । उ॒रुऽइ॑व । गा॒तुः । सु॒ऽयमः॑ । न । वोळ्हा॑ ॥
Padapatha Devanagari Nonaccented
एषः । स्यः । सोमः । मतिऽभिः । पुनानः । अत्यः । न । वाजी । तरति । इत् । अरातीः ।
पयः । न । दुग्धम् । अदितेः । इषिरम् । उरुऽइव । गातुः । सुऽयमः । न । वोळ्हा ॥
Padapatha Transcription Accented
eṣáḥ ǀ syáḥ ǀ sómaḥ ǀ matí-bhiḥ ǀ punānáḥ ǀ átyaḥ ǀ ná ǀ vājī́ ǀ tárati ǀ ít ǀ árātīḥ ǀ
páyaḥ ǀ ná ǀ dugdhám ǀ áditeḥ ǀ iṣirám ǀ urú-iva ǀ gātúḥ ǀ su-yámaḥ ǀ ná ǀ vóḷhā ǁ
Padapatha Transcription Nonaccented
eṣaḥ ǀ syaḥ ǀ somaḥ ǀ mati-bhiḥ ǀ punānaḥ ǀ atyaḥ ǀ na ǀ vājī ǀ tarati ǀ it ǀ arātīḥ ǀ
payaḥ ǀ na ǀ dugdham ǀ aditeḥ ǀ iṣiram ǀ uru-iva ǀ gātuḥ ǀ su-yamaḥ ǀ na ǀ voḷhā ǁ
09.096.16 (Mandala. Sukta. Rik)
7.4.09.01 (Ashtaka. Adhyaya. Varga. Rik)
09.05.121 (Mandala. Anuvāka. Rik)
Samhita Devanagari Accented
स्वा॒यु॒धः सो॒तृभिः॑ पू॒यमा॑नो॒ऽभ्य॑र्ष॒ गुह्यं॒ चारु॒ नाम॑ ।
अ॒भि वाजं॒ सप्ति॑रिव श्रव॒स्याभि वा॒युम॒भि गा दे॑व सोम ॥
Samhita Devanagari Nonaccented
स्वायुधः सोतृभिः पूयमानोऽभ्यर्ष गुह्यं चारु नाम ।
अभि वाजं सप्तिरिव श्रवस्याभि वायुमभि गा देव सोम ॥
Samhita Transcription Accented
svāyudháḥ sotṛ́bhiḥ pūyámāno’bhyárṣa gúhyam cā́ru nā́ma ǀ
abhí vā́jam sáptiriva śravasyā́bhí vāyúmabhí gā́ deva soma ǁ
Samhita Transcription Nonaccented
svāyudhaḥ sotṛbhiḥ pūyamāno’bhyarṣa guhyam cāru nāma ǀ
abhi vājam saptiriva śravasyābhi vāyumabhi gā deva soma ǁ
Padapatha Devanagari Accented
सु॒ऽआ॒यु॒धः । सो॒तृऽभिः॑ । पू॒यमा॑नः । अ॒भि । अ॒र्ष॒ । गुह्य॑म् । चारु॑ । नाम॑ ।
अ॒भि । वाज॑म् । सप्तिः॑ऽइव । श्र॒व॒स्या । अ॒भि । वा॒युम् । अ॒भि । गाः । दे॒व॒ । सो॒म॒ ॥
Padapatha Devanagari Nonaccented
सुऽआयुधः । सोतृऽभिः । पूयमानः । अभि । अर्ष । गुह्यम् । चारु । नाम ।
अभि । वाजम् । सप्तिःऽइव । श्रवस्या । अभि । वायुम् । अभि । गाः । देव । सोम ॥
Padapatha Transcription Accented
su-āyudháḥ ǀ sotṛ́-bhiḥ ǀ pūyámānaḥ ǀ abhí ǀ arṣa ǀ gúhyam ǀ cā́ru ǀ nā́ma ǀ
abhí ǀ vā́jam ǀ sáptiḥ-iva ǀ śravasyā́ ǀ abhí ǀ vāyúm ǀ abhí ǀ gā́ḥ ǀ deva ǀ soma ǁ
Padapatha Transcription Nonaccented
su-āyudhaḥ ǀ sotṛ-bhiḥ ǀ pūyamānaḥ ǀ abhi ǀ arṣa ǀ guhyam ǀ cāru ǀ nāma ǀ
abhi ǀ vājam ǀ saptiḥ-iva ǀ śravasyā ǀ abhi ǀ vāyum ǀ abhi ǀ gāḥ ǀ deva ǀ soma ǁ
09.096.17 (Mandala. Sukta. Rik)
7.4.09.02 (Ashtaka. Adhyaya. Varga. Rik)
09.05.122 (Mandala. Anuvāka. Rik)
Samhita Devanagari Accented
शिशुं॑ जज्ञा॒नं ह॑र्य॒तं मृ॑जंति शुं॒भंति॒ वह्निं॑ म॒रुतो॑ ग॒णेन॑ ।
क॒विर्गी॒र्भिः काव्ये॑ना क॒विः सन्त्सोमः॑ प॒वित्र॒मत्ये॑ति॒ रेभ॑न् ॥
Samhita Devanagari Nonaccented
शिशुं जज्ञानं हर्यतं मृजंति शुंभंति वह्निं मरुतो गणेन ।
कविर्गीर्भिः काव्येना कविः सन्त्सोमः पवित्रमत्येति रेभन् ॥
Samhita Transcription Accented
śíśum jajñānám haryatám mṛjanti śumbhánti váhnim marúto gaṇéna ǀ
kavírgīrbhíḥ kā́vyenā kavíḥ sántsómaḥ pavítramátyeti rébhan ǁ
Samhita Transcription Nonaccented
śiśum jajñānam haryatam mṛjanti śumbhanti vahnim maruto gaṇena ǀ
kavirgīrbhiḥ kāvyenā kaviḥ santsomaḥ pavitramatyeti rebhan ǁ
Padapatha Devanagari Accented
शिशु॑म् । ज॒ज्ञा॒नम् । ह॒र्य॒तम् । मृ॒ज॒न्ति॒ । शु॒म्भन्ति॑ । वह्नि॑म् । म॒रुतः॑ । ग॒णेन॑ ।
क॒विः । गीः॒ऽभिः । काव्ये॑न । क॒विः । सन् । सोमः॑ । प॒वित्र॑म् । अति॑ । ए॒ति॒ । रेभ॑न् ॥
Padapatha Devanagari Nonaccented
शिशुम् । जज्ञानम् । हर्यतम् । मृजन्ति । शुम्भन्ति । वह्निम् । मरुतः । गणेन ।
कविः । गीःऽभिः । काव्येन । कविः । सन् । सोमः । पवित्रम् । अति । एति । रेभन् ॥
Padapatha Transcription Accented
śíśum ǀ jajñānám ǀ haryatám ǀ mṛjanti ǀ śumbhánti ǀ váhnim ǀ marútaḥ ǀ gaṇéna ǀ
kavíḥ ǀ gīḥ-bhíḥ ǀ kā́vyena ǀ kavíḥ ǀ sán ǀ sómaḥ ǀ pavítram ǀ áti ǀ eti ǀ rébhan ǁ
Padapatha Transcription Nonaccented
śiśum ǀ jajñānam ǀ haryatam ǀ mṛjanti ǀ śumbhanti ǀ vahnim ǀ marutaḥ ǀ gaṇena ǀ
kaviḥ ǀ gīḥ-bhiḥ ǀ kāvyena ǀ kaviḥ ǀ san ǀ somaḥ ǀ pavitram ǀ ati ǀ eti ǀ rebhan ǁ
09.096.18 (Mandala. Sukta. Rik)
7.4.09.03 (Ashtaka. Adhyaya. Varga. Rik)
09.05.123 (Mandala. Anuvāka. Rik)
Samhita Devanagari Accented
ऋषि॑मना॒ य ऋ॑षि॒कृत्स्व॒र्षाः स॒हस्र॑णीथः पद॒वीः क॑वी॒नां ।
तृ॒तीयं॒ धाम॑ महि॒षः सिषा॑स॒न्त्सोमो॑ वि॒राज॒मनु॑ राजति॒ ष्टुप् ॥
Samhita Devanagari Nonaccented
ऋषिमना य ऋषिकृत्स्वर्षाः सहस्रणीथः पदवीः कवीनां ।
तृतीयं धाम महिषः सिषासन्त्सोमो विराजमनु राजति ष्टुप् ॥
Samhita Transcription Accented
ṛ́ṣimanā yá ṛṣikṛ́tsvarṣā́ḥ sahásraṇīthaḥ padavī́ḥ kavīnā́m ǀ
tṛtī́yam dhā́ma mahiṣáḥ síṣāsantsómo virā́jamánu rājati ṣṭúp ǁ
Samhita Transcription Nonaccented
ṛṣimanā ya ṛṣikṛtsvarṣāḥ sahasraṇīthaḥ padavīḥ kavīnām ǀ
tṛtīyam dhāma mahiṣaḥ siṣāsantsomo virājamanu rājati ṣṭup ǁ
Padapatha Devanagari Accented
ऋषि॑ऽमनाः । यः । ऋ॒षि॒ऽकृत् । स्वः॒ऽसाः । स॒हस्र॑ऽनीथः । प॒द॒ऽवीः । क॒वी॒नाम् ।
तृ॒तीय॑म् । धाम॑ । म॒हि॒षः । सिसा॑सन् । सोमः॑ । वि॒ऽराज॑म् । अनु॑ । रा॒ज॒ति॒ । स्तुप् ॥
Padapatha Devanagari Nonaccented
ऋषिऽमनाः । यः । ऋषिऽकृत् । स्वःऽसाः । सहस्रऽनीथः । पदऽवीः । कवीनाम् ।
तृतीयम् । धाम । महिषः । सिसासन् । सोमः । विऽराजम् । अनु । राजति । स्तुप् ॥
Padapatha Transcription Accented
ṛ́ṣi-manāḥ ǀ yáḥ ǀ ṛṣi-kṛ́t ǀ svaḥ-sā́ḥ ǀ sahásra-nīthaḥ ǀ pada-vī́ḥ ǀ kavīnā́m ǀ
tṛtī́yam ǀ dhā́ma ǀ mahiṣáḥ ǀ sísāsan ǀ sómaḥ ǀ vi-rā́jam ǀ ánu ǀ rājati ǀ stúp ǁ
Padapatha Transcription Nonaccented
ṛṣi-manāḥ ǀ yaḥ ǀ ṛṣi-kṛt ǀ svaḥ-sāḥ ǀ sahasra-nīthaḥ ǀ pada-vīḥ ǀ kavīnām ǀ
tṛtīyam ǀ dhāma ǀ mahiṣaḥ ǀ sisāsan ǀ somaḥ ǀ vi-rājam ǀ anu ǀ rājati ǀ stup ǁ
09.096.19 (Mandala. Sukta. Rik)
7.4.09.04 (Ashtaka. Adhyaya. Varga. Rik)
09.05.124 (Mandala. Anuvāka. Rik)
Samhita Devanagari Accented
च॒मू॒षच्छ्ये॒नः श॑कु॒नो वि॒भृत्वा॑ गोविं॒दुर्द्र॒प्स आयु॑धानि॒ बिभ्र॑त् ।
अ॒पामू॒र्मिं सच॑मानः समु॒द्रं तु॒रीयं॒ धाम॑ महि॒षो वि॑वक्ति ॥
Samhita Devanagari Nonaccented
चमूषच्छ्येनः शकुनो विभृत्वा गोविंदुर्द्रप्स आयुधानि बिभ्रत् ।
अपामूर्मिं सचमानः समुद्रं तुरीयं धाम महिषो विवक्ति ॥
Samhita Transcription Accented
camūṣácchyenáḥ śakunó vibhṛ́tvā govindúrdrapsá ā́yudhāni bíbhrat ǀ
apā́mūrmím sácamānaḥ samudrám turī́yam dhā́ma mahiṣó vivakti ǁ
Samhita Transcription Nonaccented
camūṣacchyenaḥ śakuno vibhṛtvā govindurdrapsa āyudhāni bibhrat ǀ
apāmūrmim sacamānaḥ samudram turīyam dhāma mahiṣo vivakti ǁ
Padapatha Devanagari Accented
च॒मू॒ऽसत् । श्ये॒नः । श॒कु॒नः । वि॒ऽभृत्वा॑ । गो॒ऽवि॒न्दुः । द्र॒प्सः । आयु॑धानि । बिभ्र॑त् ।
अ॒पाम् । ऊ॒र्मिम् । सच॑मानः । स॒मु॒द्रम् । तु॒रीय॑म् । धाम॑ । म॒हि॒षः । वि॒व॒क्ति॒ ॥
Padapatha Devanagari Nonaccented
चमूऽसत् । श्येनः । शकुनः । विऽभृत्वा । गोऽविन्दुः । द्रप्सः । आयुधानि । बिभ्रत् ।
अपाम् । ऊर्मिम् । सचमानः । समुद्रम् । तुरीयम् । धाम । महिषः । विवक्ति ॥
Padapatha Transcription Accented
camū-sát ǀ śyenáḥ ǀ śakunáḥ ǀ vi-bhṛ́tvā ǀ go-vindúḥ ǀ drapsáḥ ǀ ā́yudhāni ǀ bíbhrat ǀ
apā́m ǀ ūrmím ǀ sácamānaḥ ǀ samudrám ǀ turī́yam ǀ dhā́ma ǀ mahiṣáḥ ǀ vivakti ǁ
Padapatha Transcription Nonaccented
camū-sat ǀ śyenaḥ ǀ śakunaḥ ǀ vi-bhṛtvā ǀ go-vinduḥ ǀ drapsaḥ ǀ āyudhāni ǀ bibhrat ǀ
apām ǀ ūrmim ǀ sacamānaḥ ǀ samudram ǀ turīyam ǀ dhāma ǀ mahiṣaḥ ǀ vivakti ǁ
09.096.20 (Mandala. Sukta. Rik)
7.4.09.05 (Ashtaka. Adhyaya. Varga. Rik)
09.05.125 (Mandala. Anuvāka. Rik)
Samhita Devanagari Accented
मर्यो॒ न शु॒भ्रस्त॒न्वं॑ मृजा॒नोऽत्यो॒ न सृत्वा॑ स॒नये॒ धना॑नां ।
वृषे॑व यू॒था परि॒ कोश॒मर्ष॒न्कनि॑क्रदच्च॒म्वो॒३॒॑रा वि॑वेश ॥
Samhita Devanagari Nonaccented
मर्यो न शुभ्रस्तन्वं मृजानोऽत्यो न सृत्वा सनये धनानां ।
वृषेव यूथा परि कोशमर्षन्कनिक्रदच्चम्वोरा विवेश ॥
Samhita Transcription Accented
máryo ná śubhrástanvám mṛjānó’tyo ná sṛ́tvā sanáye dhánānām ǀ
vṛ́ṣeva yūthā́ pári kóśamárṣankánikradaccamvórā́ viveśa ǁ
Samhita Transcription Nonaccented
maryo na śubhrastanvam mṛjāno’tyo na sṛtvā sanaye dhanānām ǀ
vṛṣeva yūthā pari kośamarṣankanikradaccamvorā viveśa ǁ
Padapatha Devanagari Accented
मर्यः॑ । न । शु॒भ्रः । त॒न्व॑म् । मृ॒जा॒नः । अत्यः॑ । न । सृत्वा॑ । स॒नये॑ । धना॑नाम् ।
वृषा॑ऽइव । यू॒था । परि॑ । कोश॑म् । अर्ष॑न् । कनि॑क्रदत् । च॒म्वोः॑ । आ । वि॒वे॒श॒ ॥
Padapatha Devanagari Nonaccented
मर्यः । न । शुभ्रः । तन्वम् । मृजानः । अत्यः । न । सृत्वा । सनये । धनानाम् ।
वृषाऽइव । यूथा । परि । कोशम् । अर्षन् । कनिक्रदत् । चम्वोः । आ । विवेश ॥
Padapatha Transcription Accented
máryaḥ ǀ ná ǀ śubhráḥ ǀ tanvám ǀ mṛjānáḥ ǀ átyaḥ ǀ ná ǀ sṛ́tvā ǀ sanáye ǀ dhánānām ǀ
vṛ́ṣā-iva ǀ yūthā́ ǀ pári ǀ kóśam ǀ árṣan ǀ kánikradat ǀ camvóḥ ǀ ā́ ǀ viveśa ǁ
Padapatha Transcription Nonaccented
maryaḥ ǀ na ǀ śubhraḥ ǀ tanvam ǀ mṛjānaḥ ǀ atyaḥ ǀ na ǀ sṛtvā ǀ sanaye ǀ dhanānām ǀ
vṛṣā-iva ǀ yūthā ǀ pari ǀ kośam ǀ arṣan ǀ kanikradat ǀ camvoḥ ǀ ā ǀ viveśa ǁ
09.096.21 (Mandala. Sukta. Rik)
7.4.10.01 (Ashtaka. Adhyaya. Varga. Rik)
09.05.126 (Mandala. Anuvāka. Rik)
Samhita Devanagari Accented
पव॑स्वेंदो॒ पव॑मानो॒ महो॑भिः॒ कनि॑क्रद॒त्परि॒ वारा॑ण्यर्ष ।
क्रीळं॑च॒म्वो॒३॒॑रा वि॑श पू॒यमा॑न॒ इंद्रं॑ ते॒ रसो॑ मदि॒रो म॑मत्तु ॥
Samhita Devanagari Nonaccented
पवस्वेंदो पवमानो महोभिः कनिक्रदत्परि वाराण्यर्ष ।
क्रीळंचम्वोरा विश पूयमान इंद्रं ते रसो मदिरो ममत्तु ॥
Samhita Transcription Accented
pávasvendo pávamāno máhobhiḥ kánikradatpári vā́rāṇyarṣa ǀ
krī́ḷañcamvórā́ viśa pūyámāna índram te ráso madiró mamattu ǁ
Samhita Transcription Nonaccented
pavasvendo pavamāno mahobhiḥ kanikradatpari vārāṇyarṣa ǀ
krīḷañcamvorā viśa pūyamāna indram te raso madiro mamattu ǁ
Padapatha Devanagari Accented
पव॑स्व । इ॒न्दो॒ इति॑ । पव॑मानः । महः॑ऽभिः । कनि॑क्रदत् । परि॑ । वारा॑णि । अ॒र्ष॒ ।
क्रीळ॑न् । च॒म्वोः॑ । आ । वि॒श॒ । पू॒यमा॑नः । इन्द्र॑म् । ते॒ । रसः॑ । म॒दि॒रः । म॒म॒त्तु॒ ॥
Padapatha Devanagari Nonaccented
पवस्व । इन्दो इति । पवमानः । महःऽभिः । कनिक्रदत् । परि । वाराणि । अर्ष ।
क्रीळन् । चम्वोः । आ । विश । पूयमानः । इन्द्रम् । ते । रसः । मदिरः । ममत्तु ॥
Padapatha Transcription Accented
pávasva ǀ indo íti ǀ pávamānaḥ ǀ máhaḥ-bhiḥ ǀ kánikradat ǀ pári ǀ vā́rāṇi ǀ arṣa ǀ
krī́ḷan ǀ camvóḥ ǀ ā́ ǀ viśa ǀ pūyámānaḥ ǀ índram ǀ te ǀ rásaḥ ǀ madiráḥ ǀ mamattu ǁ
Padapatha Transcription Nonaccented
pavasva ǀ indo iti ǀ pavamānaḥ ǀ mahaḥ-bhiḥ ǀ kanikradat ǀ pari ǀ vārāṇi ǀ arṣa ǀ
krīḷan ǀ camvoḥ ǀ ā ǀ viśa ǀ pūyamānaḥ ǀ indram ǀ te ǀ rasaḥ ǀ madiraḥ ǀ mamattu ǁ
09.096.22 (Mandala. Sukta. Rik)
7.4.10.02 (Ashtaka. Adhyaya. Varga. Rik)
09.05.127 (Mandala. Anuvāka. Rik)
Samhita Devanagari Accented
प्रास्य॒ धारा॑ बृह॒तीर॑सृग्रन्न॒क्तो गोभिः॑ क॒लशाँ॒ आ वि॑वेश ।
साम॑ कृ॒ण्वन्त्सा॑म॒न्यो॑ विप॒श्चित्क्रंद॑न्नेत्य॒भि सख्यु॒र्न जा॒मिं ॥
Samhita Devanagari Nonaccented
प्रास्य धारा बृहतीरसृग्रन्नक्तो गोभिः कलशाँ आ विवेश ।
साम कृण्वन्त्सामन्यो विपश्चित्क्रंदन्नेत्यभि सख्युर्न जामिं ॥
Samhita Transcription Accented
prā́sya dhā́rā bṛhatī́rasṛgrannaktó góbhiḥ kaláśām̐ ā́ viveśa ǀ
sā́ma kṛṇvántsāmanyó vipaścítkrándannetyabhí sákhyurná jāmím ǁ
Samhita Transcription Nonaccented
prāsya dhārā bṛhatīrasṛgrannakto gobhiḥ kalaśām̐ ā viveśa ǀ
sāma kṛṇvantsāmanyo vipaścitkrandannetyabhi sakhyurna jāmim ǁ
Padapatha Devanagari Accented
प्र । अ॒स्य॒ । धाराः॑ । बृ॒ह॒तीः । अ॒सृ॒ग्र॒न् । अ॒क्तः । गोभिः॑ । क॒लशा॑न् । आ । वि॒वे॒श॒ ।
साम॑ । कृ॒ण्वन् । सा॒म॒न्यः॑ । वि॒पः॒ऽचित् । क्रन्द॑न् । ए॒ति॒ । अ॒भि । सख्युः॑ । न । जा॒मिम् ॥
Padapatha Devanagari Nonaccented
प्र । अस्य । धाराः । बृहतीः । असृग्रन् । अक्तः । गोभिः । कलशान् । आ । विवेश ।
साम । कृण्वन् । सामन्यः । विपःऽचित् । क्रन्दन् । एति । अभि । सख्युः । न । जामिम् ॥
Padapatha Transcription Accented
prá ǀ asya ǀ dhā́rāḥ ǀ bṛhatī́ḥ ǀ asṛgran ǀ aktáḥ ǀ góbhiḥ ǀ kaláśān ǀ ā́ ǀ viveśa ǀ
sā́ma ǀ kṛṇván ǀ sāmanyáḥ ǀ vipaḥ-cít ǀ krándan ǀ eti ǀ abhí ǀ sákhyuḥ ǀ ná ǀ jāmím ǁ
Padapatha Transcription Nonaccented
pra ǀ asya ǀ dhārāḥ ǀ bṛhatīḥ ǀ asṛgran ǀ aktaḥ ǀ gobhiḥ ǀ kalaśān ǀ ā ǀ viveśa ǀ
sāma ǀ kṛṇvan ǀ sāmanyaḥ ǀ vipaḥ-cit ǀ krandan ǀ eti ǀ abhi ǀ sakhyuḥ ǀ na ǀ jāmim ǁ
09.096.23 (Mandala. Sukta. Rik)
7.4.10.03 (Ashtaka. Adhyaya. Varga. Rik)
09.05.128 (Mandala. Anuvāka. Rik)
Samhita Devanagari Accented
अ॒प॒घ्नन्ने॑षि पवमान॒ शत्रू॑न्प्रि॒यां न जा॒रो अ॒भिगी॑त॒ इंदुः॑ ।
सीद॒न्वने॑षु शकु॒नो न पत्वा॒ सोमः॑ पुना॒नः क॒लशे॑षु॒ सत्ता॑ ॥
Samhita Devanagari Nonaccented
अपघ्नन्नेषि पवमान शत्रून्प्रियां न जारो अभिगीत इंदुः ।
सीदन्वनेषु शकुनो न पत्वा सोमः पुनानः कलशेषु सत्ता ॥
Samhita Transcription Accented
apaghnánneṣi pavamāna śátrūnpriyā́m ná jāró abhígīta índuḥ ǀ
sī́danváneṣu śakunó ná pátvā sómaḥ punānáḥ kaláśeṣu sáttā ǁ
Samhita Transcription Nonaccented
apaghnanneṣi pavamāna śatrūnpriyām na jāro abhigīta induḥ ǀ
sīdanvaneṣu śakuno na patvā somaḥ punānaḥ kalaśeṣu sattā ǁ
Padapatha Devanagari Accented
अ॒प॒ऽघ्नन् । ए॒षि॒ । प॒व॒मा॒न॒ । शत्रू॑न् । प्रि॒याम् । न । जा॒रः । अ॒भिऽगी॑तः । इन्दुः॑ ।
सीद॑न् । वने॑षु । श॒कु॒नः । न । पत्वा॑ । सोमः॑ । पु॒ना॒नः । क॒लशे॑षु । सत्ता॑ ॥
Padapatha Devanagari Nonaccented
अपऽघ्नन् । एषि । पवमान । शत्रून् । प्रियाम् । न । जारः । अभिऽगीतः । इन्दुः ।
सीदन् । वनेषु । शकुनः । न । पत्वा । सोमः । पुनानः । कलशेषु । सत्ता ॥
Padapatha Transcription Accented
apa-ghnán ǀ eṣi ǀ pavamāna ǀ śátrūn ǀ priyā́m ǀ ná ǀ jāráḥ ǀ abhí-gītaḥ ǀ índuḥ ǀ
sī́dan ǀ váneṣu ǀ śakunáḥ ǀ ná ǀ pátvā ǀ sómaḥ ǀ punānáḥ ǀ kaláśeṣu ǀ sáttā ǁ
Padapatha Transcription Nonaccented
apa-ghnan ǀ eṣi ǀ pavamāna ǀ śatrūn ǀ priyām ǀ na ǀ jāraḥ ǀ abhi-gītaḥ ǀ induḥ ǀ
sīdan ǀ vaneṣu ǀ śakunaḥ ǀ na ǀ patvā ǀ somaḥ ǀ punānaḥ ǀ kalaśeṣu ǀ sattā ǁ
09.096.24 (Mandala. Sukta. Rik)
7.4.10.04 (Ashtaka. Adhyaya. Varga. Rik)
09.05.129 (Mandala. Anuvāka. Rik)
Samhita Devanagari Accented
आ ते॒ रुचः॒ पव॑मानस्य सोम॒ योषे॑व यंति सु॒दुघाः॑ सुधा॒राः ।
हरि॒रानी॑तः पुरु॒वारो॑ अ॒प्स्वचि॑क्रदत्क॒लशे॑ देवयू॒नां ॥
Samhita Devanagari Nonaccented
आ ते रुचः पवमानस्य सोम योषेव यंति सुदुघाः सुधाराः ।
हरिरानीतः पुरुवारो अप्स्वचिक्रदत्कलशे देवयूनां ॥
Samhita Transcription Accented
ā́ te rúcaḥ pávamānasya soma yóṣeva yanti sudúghāḥ sudhārā́ḥ ǀ
hárirā́nītaḥ puruvā́ro apsvácikradatkaláśe devayūnā́m ǁ
Samhita Transcription Nonaccented
ā te rucaḥ pavamānasya soma yoṣeva yanti sudughāḥ sudhārāḥ ǀ
harirānītaḥ puruvāro apsvacikradatkalaśe devayūnām ǁ
Padapatha Devanagari Accented
आ । ते॒ । रुचः॑ । पव॑मानस्य । सो॒म॒ । योषा॑ऽइव । य॒न्ति॒ । सु॒ऽदुघाः॑ । सु॒ऽधा॒राः ।
हरिः॑ । आऽनी॑तः । पु॒रु॒ऽवारः॑ । अ॒प्ऽसु । अचि॑क्रदत् । क॒लशे॑ । दे॒व॒ऽयू॒नाम् ॥
Padapatha Devanagari Nonaccented
आ । ते । रुचः । पवमानस्य । सोम । योषाऽइव । यन्ति । सुऽदुघाः । सुऽधाराः ।
हरिः । आऽनीतः । पुरुऽवारः । अप्ऽसु । अचिक्रदत् । कलशे । देवऽयूनाम् ॥
Padapatha Transcription Accented
ā́ ǀ te ǀ rúcaḥ ǀ pávamānasya ǀ soma ǀ yóṣā-iva ǀ yanti ǀ su-dúghāḥ ǀ su-dhārā́ḥ ǀ
háriḥ ǀ ā́-nītaḥ ǀ puru-vā́raḥ ǀ ap-sú ǀ ácikradat ǀ kaláśe ǀ deva-yūnā́m ǁ
Padapatha Transcription Nonaccented
ā ǀ te ǀ rucaḥ ǀ pavamānasya ǀ soma ǀ yoṣā-iva ǀ yanti ǀ su-dughāḥ ǀ su-dhārāḥ ǀ
hariḥ ǀ ā-nītaḥ ǀ puru-vāraḥ ǀ ap-su ǀ acikradat ǀ kalaśe ǀ deva-yūnām ǁ