|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 99
|
1. Info |
| To: | soma pavamāna | |
| From: | raibhau (kāśyapas, rebha’s two sons) | |
| Metres: | 1st set of styles: anuṣṭup (2, 3, 5, 6); nicṛdanuṣṭup (4, 7, 8); virāḍbṛhatī (1) 2nd set of styles: anuṣṭubh (2-8); bṛhatī (1) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.099.01 (Mandala. Sukta. Rik)
7.4.25.01 (Ashtaka. Adhyaya. Varga. Rik)
09.06.071 (Mandala. Anuvāka. Rik)
Samhita Devanagari Accented
आ ह॑र्य॒ताय॑ धृ॒ष्णवे॒ धनु॑स्तन्वंति॒ पौंस्यं॑ ।
शु॒क्रां व॑यं॒त्यसु॑राय नि॒र्णिजं॑ वि॒पामग्रे॑ मही॒युवः॑ ॥
Samhita Devanagari Nonaccented
आ हर्यताय धृष्णवे धनुस्तन्वंति पौंस्यं ।
शुक्रां वयंत्यसुराय निर्णिजं विपामग्रे महीयुवः ॥
Samhita Transcription Accented
ā́ haryatā́ya dhṛṣṇáve dhánustanvanti páuṃsyam ǀ
śukrā́m vayantyásurāya nirṇíjam vipā́mágre mahīyúvaḥ ǁ
Samhita Transcription Nonaccented
ā haryatāya dhṛṣṇave dhanustanvanti pauṃsyam ǀ
śukrām vayantyasurāya nirṇijam vipāmagre mahīyuvaḥ ǁ
Padapatha Devanagari Accented
आ । ह॒र्य॒ताय॑ । धृ॒ष्णवे॑ । धनुः॑ । त॒न्व॒न्ति॒ । पौंस्य॑म् ।
शु॒क्राम् । व॒य॒न्ति॒ । असु॑राय । निः॒ऽनिज॑म् । वि॒पाम् । अग्रे॑ । म॒ही॒युवः॑ ॥
Padapatha Devanagari Nonaccented
आ । हर्यताय । धृष्णवे । धनुः । तन्वन्ति । पौंस्यम् ।
शुक्राम् । वयन्ति । असुराय । निःऽनिजम् । विपाम् । अग्रे । महीयुवः ॥
Padapatha Transcription Accented
ā́ ǀ haryatā́ya ǀ dhṛṣṇáve ǀ dhánuḥ ǀ tanvanti ǀ páuṃsyam ǀ
śukrā́m ǀ vayanti ǀ ásurāya ǀ niḥ-níjam ǀ vipā́m ǀ ágre ǀ mahīyúvaḥ ǁ
Padapatha Transcription Nonaccented
ā ǀ haryatāya ǀ dhṛṣṇave ǀ dhanuḥ ǀ tanvanti ǀ pauṃsyam ǀ
śukrām ǀ vayanti ǀ asurāya ǀ niḥ-nijam ǀ vipām ǀ agre ǀ mahīyuvaḥ ǁ
09.099.02 (Mandala. Sukta. Rik)
7.4.25.02 (Ashtaka. Adhyaya. Varga. Rik)
09.06.072 (Mandala. Anuvāka. Rik)
Samhita Devanagari Accented
अध॑ क्ष॒पा परि॑ष्कृतो॒ वाजाँ॑ अ॒भि प्र गा॑हते ।
यदी॑ वि॒वस्व॑तो॒ धियो॒ हरिं॑ हि॒न्वंति॒ यात॑वे ॥
Samhita Devanagari Nonaccented
अध क्षपा परिष्कृतो वाजाँ अभि प्र गाहते ।
यदी विवस्वतो धियो हरिं हिन्वंति यातवे ॥
Samhita Transcription Accented
ádha kṣapā́ páriṣkṛto vā́jām̐ abhí prá gāhate ǀ
yádī vivásvato dhíyo hárim hinvánti yā́tave ǁ
Samhita Transcription Nonaccented
adha kṣapā pariṣkṛto vājām̐ abhi pra gāhate ǀ
yadī vivasvato dhiyo harim hinvanti yātave ǁ
Padapatha Devanagari Accented
अध॑ । क्ष॒पा । परि॑ऽकृतः । वाजा॑न् । अ॒भि । प्र । गा॒ह॒ते॒ ।
यदि॑ । वि॒वस्व॑तः । धियः॑ । हरि॑म् । हि॒न्वन्ति॑ । यात॑वे ॥
Padapatha Devanagari Nonaccented
अध । क्षपा । परिऽकृतः । वाजान् । अभि । प्र । गाहते ।
यदि । विवस्वतः । धियः । हरिम् । हिन्वन्ति । यातवे ॥
Padapatha Transcription Accented
ádha ǀ kṣapā́ ǀ pári-kṛtaḥ ǀ vā́jān ǀ abhí ǀ prá ǀ gāhate ǀ
yádi ǀ vivásvataḥ ǀ dhíyaḥ ǀ hárim ǀ hinvánti ǀ yā́tave ǁ
Padapatha Transcription Nonaccented
adha ǀ kṣapā ǀ pari-kṛtaḥ ǀ vājān ǀ abhi ǀ pra ǀ gāhate ǀ
yadi ǀ vivasvataḥ ǀ dhiyaḥ ǀ harim ǀ hinvanti ǀ yātave ǁ
09.099.03 (Mandala. Sukta. Rik)
7.4.25.03 (Ashtaka. Adhyaya. Varga. Rik)
09.06.073 (Mandala. Anuvāka. Rik)
Samhita Devanagari Accented
तम॑स्य मर्जयामसि॒ मदो॒ य इं॑द्र॒पात॑मः ।
यं गाव॑ आ॒सभि॑र्द॒धुः पु॒रा नू॒नं च॑ सू॒रयः॑ ॥
Samhita Devanagari Nonaccented
तमस्य मर्जयामसि मदो य इंद्रपातमः ।
यं गाव आसभिर्दधुः पुरा नूनं च सूरयः ॥
Samhita Transcription Accented
támasya marjayāmasi mádo yá indrapā́tamaḥ ǀ
yám gā́va āsábhirdadhúḥ purā́ nūnám ca sūráyaḥ ǁ
Samhita Transcription Nonaccented
tamasya marjayāmasi mado ya indrapātamaḥ ǀ
yam gāva āsabhirdadhuḥ purā nūnam ca sūrayaḥ ǁ
Padapatha Devanagari Accented
तम् । अ॒स्य॒ । म॒र्ज॒या॒म॒सि॒ । मदः॑ । यः । इ॒न्द्र॒ऽपात॑मः ।
यम् । गावः॑ । आ॒सऽभिः॑ । द॒धुः । पु॒रा । नू॒नम् । च॒ । सू॒रयः॑ ॥
Padapatha Devanagari Nonaccented
तम् । अस्य । मर्जयामसि । मदः । यः । इन्द्रऽपातमः ।
यम् । गावः । आसऽभिः । दधुः । पुरा । नूनम् । च । सूरयः ॥
Padapatha Transcription Accented
tám ǀ asya ǀ marjayāmasi ǀ mádaḥ ǀ yáḥ ǀ indra-pā́tamaḥ ǀ
yám ǀ gā́vaḥ ǀ āsá-bhiḥ ǀ dadhúḥ ǀ purā́ ǀ nūnám ǀ ca ǀ sūráyaḥ ǁ
Padapatha Transcription Nonaccented
tam ǀ asya ǀ marjayāmasi ǀ madaḥ ǀ yaḥ ǀ indra-pātamaḥ ǀ
yam ǀ gāvaḥ ǀ āsa-bhiḥ ǀ dadhuḥ ǀ purā ǀ nūnam ǀ ca ǀ sūrayaḥ ǁ
09.099.04 (Mandala. Sukta. Rik)
7.4.25.04 (Ashtaka. Adhyaya. Varga. Rik)
09.06.074 (Mandala. Anuvāka. Rik)
Samhita Devanagari Accented
तं गाथ॑या पुरा॒ण्या पु॑ना॒नम॒भ्य॑नूषत ।
उ॒तो कृ॑पंत धी॒तयो॑ दे॒वानां॒ नाम॒ बिभ्र॑तीः ॥
Samhita Devanagari Nonaccented
तं गाथया पुराण्या पुनानमभ्यनूषत ।
उतो कृपंत धीतयो देवानां नाम बिभ्रतीः ॥
Samhita Transcription Accented
tám gā́thayā purāṇyā́ punānámabhyánūṣata ǀ
utó kṛpanta dhītáyo devā́nām nā́ma bíbhratīḥ ǁ
Samhita Transcription Nonaccented
tam gāthayā purāṇyā punānamabhyanūṣata ǀ
uto kṛpanta dhītayo devānām nāma bibhratīḥ ǁ
Padapatha Devanagari Accented
तम् । गाथ॑या । पु॒रा॒ण्या । पु॒ना॒नम् । अ॒भि । अ॒नू॒ष॒त॒ ।
उ॒तो इति॑ । कृ॒प॒न्त॒ । धी॒तयः॑ । दे॒वाना॑म् । नाम॑ । बिभ्र॑तीः ॥
Padapatha Devanagari Nonaccented
तम् । गाथया । पुराण्या । पुनानम् । अभि । अनूषत ।
उतो इति । कृपन्त । धीतयः । देवानाम् । नाम । बिभ्रतीः ॥
Padapatha Transcription Accented
tám ǀ gā́thayā ǀ purāṇyā́ ǀ punānám ǀ abhí ǀ anūṣata ǀ
utó íti ǀ kṛpanta ǀ dhītáyaḥ ǀ devā́nām ǀ nā́ma ǀ bíbhratīḥ ǁ
Padapatha Transcription Nonaccented
tam ǀ gāthayā ǀ purāṇyā ǀ punānam ǀ abhi ǀ anūṣata ǀ
uto iti ǀ kṛpanta ǀ dhītayaḥ ǀ devānām ǀ nāma ǀ bibhratīḥ ǁ
09.099.05 (Mandala. Sukta. Rik)
7.4.25.05 (Ashtaka. Adhyaya. Varga. Rik)
09.06.075 (Mandala. Anuvāka. Rik)
Samhita Devanagari Accented
तमु॒क्षमा॑णम॒व्यये॒ वारे॑ पुनंति धर्ण॒सिं ।
दू॒तं न पू॒र्वचि॑त्तय॒ आ शा॑सते मनी॒षिणः॑ ॥
Samhita Devanagari Nonaccented
तमुक्षमाणमव्यये वारे पुनंति धर्णसिं ।
दूतं न पूर्वचित्तय आ शासते मनीषिणः ॥
Samhita Transcription Accented
támukṣámāṇamavyáye vā́re punanti dharṇasím ǀ
dūtám ná pūrvácittaya ā́ śāsate manīṣíṇaḥ ǁ
Samhita Transcription Nonaccented
tamukṣamāṇamavyaye vāre punanti dharṇasim ǀ
dūtam na pūrvacittaya ā śāsate manīṣiṇaḥ ǁ
Padapatha Devanagari Accented
तम् । उ॒क्षमा॑णम् । अ॒व्यये॑ । वारे॑ । पु॒न॒न्ति॒ । ध॒र्ण॒सिम् ।
दू॒तम् । न । पू॒र्वऽचि॑त्तये । आ । शा॒स॒ते॒ । म॒नी॒षिणः॑ ॥
Padapatha Devanagari Nonaccented
तम् । उक्षमाणम् । अव्यये । वारे । पुनन्ति । धर्णसिम् ।
दूतम् । न । पूर्वऽचित्तये । आ । शासते । मनीषिणः ॥
Padapatha Transcription Accented
tám ǀ ukṣámāṇam ǀ avyáye ǀ vā́re ǀ punanti ǀ dharṇasím ǀ
dūtám ǀ ná ǀ pūrvá-cittaye ǀ ā́ ǀ śāsate ǀ manīṣíṇaḥ ǁ
Padapatha Transcription Nonaccented
tam ǀ ukṣamāṇam ǀ avyaye ǀ vāre ǀ punanti ǀ dharṇasim ǀ
dūtam ǀ na ǀ pūrva-cittaye ǀ ā ǀ śāsate ǀ manīṣiṇaḥ ǁ
09.099.06 (Mandala. Sukta. Rik)
7.4.26.01 (Ashtaka. Adhyaya. Varga. Rik)
09.06.076 (Mandala. Anuvāka. Rik)
Samhita Devanagari Accented
स पु॑ना॒नो म॒दिंत॑मः॒ सोम॑श्च॒मूषु॑ सीदति ।
प॒शौ न रेत॑ आ॒दध॒त्पति॑र्वचस्यते धि॒यः ॥
Samhita Devanagari Nonaccented
स पुनानो मदिंतमः सोमश्चमूषु सीदति ।
पशौ न रेत आदधत्पतिर्वचस्यते धियः ॥
Samhita Transcription Accented
sá punānó madíntamaḥ sómaścamū́ṣu sīdati ǀ
paśáu ná réta ādádhatpátirvacasyate dhiyáḥ ǁ
Samhita Transcription Nonaccented
sa punāno madintamaḥ somaścamūṣu sīdati ǀ
paśau na reta ādadhatpatirvacasyate dhiyaḥ ǁ
Padapatha Devanagari Accented
सः । पु॒ना॒नः । म॒दिन्ऽत॑मः । सोमः॑ । च॒मूषु॑ । सी॒द॒ति॒ ।
प॒शौ । न । रेतः॑ । आ॒ऽदध॑त् । पतिः॑ । व॒च॒स्य॒ते॒ । धि॒यः ॥
Padapatha Devanagari Nonaccented
सः । पुनानः । मदिन्ऽतमः । सोमः । चमूषु । सीदति ।
पशौ । न । रेतः । आऽदधत् । पतिः । वचस्यते । धियः ॥
Padapatha Transcription Accented
sáḥ ǀ punānáḥ ǀ madín-tamaḥ ǀ sómaḥ ǀ camū́ṣu ǀ sīdati ǀ
paśáu ǀ ná ǀ rétaḥ ǀ ā-dádhat ǀ pátiḥ ǀ vacasyate ǀ dhiyáḥ ǁ
Padapatha Transcription Nonaccented
saḥ ǀ punānaḥ ǀ madin-tamaḥ ǀ somaḥ ǀ camūṣu ǀ sīdati ǀ
paśau ǀ na ǀ retaḥ ǀ ā-dadhat ǀ patiḥ ǀ vacasyate ǀ dhiyaḥ ǁ
09.099.07 (Mandala. Sukta. Rik)
7.4.26.02 (Ashtaka. Adhyaya. Varga. Rik)
09.06.077 (Mandala. Anuvāka. Rik)
Samhita Devanagari Accented
स मृ॑ज्यते सु॒कर्म॑भिर्दे॒वो दे॒वेभ्यः॑ सु॒तः ।
वि॒दे यदा॑सु संद॒दिर्म॒हीर॒पो वि गा॑हते ॥
Samhita Devanagari Nonaccented
स मृज्यते सुकर्मभिर्देवो देवेभ्यः सुतः ।
विदे यदासु संददिर्महीरपो वि गाहते ॥
Samhita Transcription Accented
sá mṛjyate sukármabhirdevó devébhyaḥ sutáḥ ǀ
vidé yádāsu saṃdadírmahī́rapó ví gāhate ǁ
Samhita Transcription Nonaccented
sa mṛjyate sukarmabhirdevo devebhyaḥ sutaḥ ǀ
vide yadāsu saṃdadirmahīrapo vi gāhate ǁ
Padapatha Devanagari Accented
सः । मृ॒ज्य॒ते॒ । सु॒कर्म॑ऽभिः । दे॒वः । दे॒वेभ्यः॑ । सु॒तः ।
वि॒दे । यत् । आ॒सु॒ । स॒म्ऽद॒दिः । म॒हीः । अ॒पः । वि । गा॒ह॒ते॒ ॥
Padapatha Devanagari Nonaccented
सः । मृज्यते । सुकर्मऽभिः । देवः । देवेभ्यः । सुतः ।
विदे । यत् । आसु । सम्ऽददिः । महीः । अपः । वि । गाहते ॥
Padapatha Transcription Accented
sáḥ ǀ mṛjyate ǀ sukárma-bhiḥ ǀ deváḥ ǀ devébhyaḥ ǀ sutáḥ ǀ
vidé ǀ yát ǀ āsu ǀ sam-dadíḥ ǀ mahī́ḥ ǀ apáḥ ǀ ví ǀ gāhate ǁ
Padapatha Transcription Nonaccented
saḥ ǀ mṛjyate ǀ sukarma-bhiḥ ǀ devaḥ ǀ devebhyaḥ ǀ sutaḥ ǀ
vide ǀ yat ǀ āsu ǀ sam-dadiḥ ǀ mahīḥ ǀ apaḥ ǀ vi ǀ gāhate ǁ
09.099.08 (Mandala. Sukta. Rik)
7.4.26.03 (Ashtaka. Adhyaya. Varga. Rik)
09.06.078 (Mandala. Anuvāka. Rik)
Samhita Devanagari Accented
सु॒त इं॑दो प॒वित्र॒ आ नृभि॑र्य॒तो वि नी॑यसे ।
इंद्रा॑य मत्स॒रिंत॑मश्च॒मूष्वा नि षी॑दसि ॥
Samhita Devanagari Nonaccented
सुत इंदो पवित्र आ नृभिर्यतो वि नीयसे ।
इंद्राय मत्सरिंतमश्चमूष्वा नि षीदसि ॥
Samhita Transcription Accented
sutá indo pavítra ā́ nṛ́bhiryató ví nīyase ǀ
índrāya matsaríntamaścamū́ṣvā́ ní ṣīdasi ǁ
Samhita Transcription Nonaccented
suta indo pavitra ā nṛbhiryato vi nīyase ǀ
indrāya matsarintamaścamūṣvā ni ṣīdasi ǁ
Padapatha Devanagari Accented
सु॒तः । इ॒न्दो॒ इति॑ । प॒वित्रे॑ । आ । नृऽभिः॑ । य॒तः । वि । नी॒य॒से॒ ।
इन्द्रा॑य । म॒त्स॒रिन्ऽत॑मः । च॒मूषु॑ । आ । नि । सी॒द॒सि॒ ॥
Padapatha Devanagari Nonaccented
सुतः । इन्दो इति । पवित्रे । आ । नृऽभिः । यतः । वि । नीयसे ।
इन्द्राय । मत्सरिन्ऽतमः । चमूषु । आ । नि । सीदसि ॥
Padapatha Transcription Accented
sutáḥ ǀ indo íti ǀ pavítre ǀ ā́ ǀ nṛ́-bhiḥ ǀ yatáḥ ǀ ví ǀ nīyase ǀ
índrāya ǀ matsarín-tamaḥ ǀ camū́ṣu ǀ ā́ ǀ ní ǀ sīdasi ǁ
Padapatha Transcription Nonaccented
sutaḥ ǀ indo iti ǀ pavitre ǀ ā ǀ nṛ-bhiḥ ǀ yataḥ ǀ vi ǀ nīyase ǀ
indrāya ǀ matsarin-tamaḥ ǀ camūṣu ǀ ā ǀ ni ǀ sīdasi ǁ