|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 101
|
1. Info |
| To: | soma pavamāna | |
| From: | 1-3: andhīgu śyāvāśvi; 4-6: yayāti nāhuṣa; 7-9: nahuṣa mānava; 10-12: manu sāṃvaraṇa; 13-16: prajāpati |
|
| Metres: | 1st set of styles: nicṛdanuṣṭup (1, 6, 7, 9, 11-14); anuṣṭup (4, 5, 8, 15, 16); nicṛdgāyatrī (2); virāḍgāyatrī (3); pādanicṛdanuṣṭup (10) 2nd set of styles: anuṣṭubh (1, 4-16); gāyatrī (2, 3) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.101.01 (Mandala. Sukta. Rik)
7.5.01.01 (Ashtaka. Adhyaya. Varga. Rik)
09.06.088 (Mandala. Anuvāka. Rik)
Samhita Devanagari Accented
पु॒रोजि॑ती वो॒ अंध॑सः सु॒ताय॑ मादयि॒त्नवे॑ ।
अप॒ श्वानं॑ श्नथिष्टन॒ सखा॑यो दीर्घजि॒ह्व्यं॑ ॥
Samhita Devanagari Nonaccented
पुरोजिती वो अंधसः सुताय मादयित्नवे ।
अप श्वानं श्नथिष्टन सखायो दीर्घजिह्व्यं ॥
Samhita Transcription Accented
purójitī vo ándhasaḥ sutā́ya mādayitnáve ǀ
ápa śvā́nam śnathiṣṭana sákhāyo dīrghajihvyám ǁ
Samhita Transcription Nonaccented
purojitī vo andhasaḥ sutāya mādayitnave ǀ
apa śvānam śnathiṣṭana sakhāyo dīrghajihvyam ǁ
Padapatha Devanagari Accented
पु॒रःऽजि॑ती । वः॒ । अन्ध॑सः । सु॒ताय॑ । मा॒द॒यि॒त्नवे॑ ।
अप॑ । श्वान॑म् । श्न॒थि॒ष्ट॒न॒ । सखा॑यः । दी॒र्घ॒ऽजि॒ह्व्य॑म् ॥
Padapatha Devanagari Nonaccented
पुरःऽजिती । वः । अन्धसः । सुताय । मादयित्नवे ।
अप । श्वानम् । श्नथिष्टन । सखायः । दीर्घऽजिह्व्यम् ॥
Padapatha Transcription Accented
puráḥ-jitī ǀ vaḥ ǀ ándhasaḥ ǀ sutā́ya ǀ mādayitnáve ǀ
ápa ǀ śvā́nam ǀ śnathiṣṭana ǀ sákhāyaḥ ǀ dīrgha-jihvyám ǁ
Padapatha Transcription Nonaccented
puraḥ-jitī ǀ vaḥ ǀ andhasaḥ ǀ sutāya ǀ mādayitnave ǀ
apa ǀ śvānam ǀ śnathiṣṭana ǀ sakhāyaḥ ǀ dīrgha-jihvyam ǁ
09.101.02 (Mandala. Sukta. Rik)
7.5.01.02 (Ashtaka. Adhyaya. Varga. Rik)
09.06.089 (Mandala. Anuvāka. Rik)
Samhita Devanagari Accented
यो धार॑या पाव॒कया॑ परिप्र॒स्यंद॑ते सु॒तः ।
इंदु॒रश्वो॒ न कृत्व्यः॑ ॥
Samhita Devanagari Nonaccented
यो धारया पावकया परिप्रस्यंदते सुतः ।
इंदुरश्वो न कृत्व्यः ॥
Samhita Transcription Accented
yó dhā́rayā pāvakáyā pariprasyándate sutáḥ ǀ
índuráśvo ná kṛ́tvyaḥ ǁ
Samhita Transcription Nonaccented
yo dhārayā pāvakayā pariprasyandate sutaḥ ǀ
induraśvo na kṛtvyaḥ ǁ
Padapatha Devanagari Accented
यः । धार॑या । पा॒व॒कया॑ । प॒रि॒ऽप्र॒स्यन्द॑ते । सु॒तः ।
इन्दुः॑ । अश्वः॑ । न । कृत्व्यः॑ ॥
Padapatha Devanagari Nonaccented
यः । धारया । पावकया । परिऽप्रस्यन्दते । सुतः ।
इन्दुः । अश्वः । न । कृत्व्यः ॥
Padapatha Transcription Accented
yáḥ ǀ dhā́rayā ǀ pāvakáyā ǀ pari-prasyándate ǀ sutáḥ ǀ
índuḥ ǀ áśvaḥ ǀ ná ǀ kṛ́tvyaḥ ǁ
Padapatha Transcription Nonaccented
yaḥ ǀ dhārayā ǀ pāvakayā ǀ pari-prasyandate ǀ sutaḥ ǀ
induḥ ǀ aśvaḥ ǀ na ǀ kṛtvyaḥ ǁ
09.101.03 (Mandala. Sukta. Rik)
7.5.01.03 (Ashtaka. Adhyaya. Varga. Rik)
09.06.090 (Mandala. Anuvāka. Rik)
Samhita Devanagari Accented
तं दु॒रोष॑म॒भी नरः॒ सोमं॑ वि॒श्वाच्या॑ धि॒या ।
य॒ज्ञं हि॑न्वं॒त्यद्रि॑भिः ॥
Samhita Devanagari Nonaccented
तं दुरोषमभी नरः सोमं विश्वाच्या धिया ।
यज्ञं हिन्वंत्यद्रिभिः ॥
Samhita Transcription Accented
tám duróṣamabhī́ náraḥ sómam viśvā́cyā dhiyā́ ǀ
yajñám hinvantyádribhiḥ ǁ
Samhita Transcription Nonaccented
tam duroṣamabhī naraḥ somam viśvācyā dhiyā ǀ
yajñam hinvantyadribhiḥ ǁ
Padapatha Devanagari Accented
तम् । दु॒रोष॑म् । अ॒भि । नरः॑ । सोम॑म् । वि॒श्वाच्या॑ । धि॒या ।
य॒ज्ञम् । हि॒न्व॒न्ति॒ । अद्रि॑ऽभिः ॥
Padapatha Devanagari Nonaccented
तम् । दुरोषम् । अभि । नरः । सोमम् । विश्वाच्या । धिया ।
यज्ञम् । हिन्वन्ति । अद्रिऽभिः ॥
Padapatha Transcription Accented
tám ǀ duróṣam ǀ abhí ǀ náraḥ ǀ sómam ǀ viśvā́cyā ǀ dhiyā́ ǀ
yajñám ǀ hinvanti ǀ ádri-bhiḥ ǁ
Padapatha Transcription Nonaccented
tam ǀ duroṣam ǀ abhi ǀ naraḥ ǀ somam ǀ viśvācyā ǀ dhiyā ǀ
yajñam ǀ hinvanti ǀ adri-bhiḥ ǁ
09.101.04 (Mandala. Sukta. Rik)
7.5.01.04 (Ashtaka. Adhyaya. Varga. Rik)
09.06.091 (Mandala. Anuvāka. Rik)
Samhita Devanagari Accented
सु॒तासो॒ मधु॑मत्तमाः॒ सोमा॒ इंद्रा॑य मं॒दिनः॑ ।
प॒वित्र॑वंतो अक्षरंदे॒वान्ग॑च्छंतु वो॒ मदाः॑ ॥
Samhita Devanagari Nonaccented
सुतासो मधुमत्तमाः सोमा इंद्राय मंदिनः ।
पवित्रवंतो अक्षरंदेवान्गच्छंतु वो मदाः ॥
Samhita Transcription Accented
sutā́so mádhumattamāḥ sómā índrāya mandínaḥ ǀ
pavítravanto akṣarandevā́ngacchantu vo mádāḥ ǁ
Samhita Transcription Nonaccented
sutāso madhumattamāḥ somā indrāya mandinaḥ ǀ
pavitravanto akṣarandevāngacchantu vo madāḥ ǁ
Padapatha Devanagari Accented
सु॒तासः॑ । मधु॑मत्ऽतमाः । सोमाः॑ । इन्द्रा॑य । म॒न्दिनः॑ ।
प॒वित्र॑ऽवन्तः । अ॒क्ष॒र॒न् । दे॒वान् । ग॒च्छ॒न्तु॒ । वः॒ । मदाः॑ ॥
Padapatha Devanagari Nonaccented
सुतासः । मधुमत्ऽतमाः । सोमाः । इन्द्राय । मन्दिनः ।
पवित्रऽवन्तः । अक्षरन् । देवान् । गच्छन्तु । वः । मदाः ॥
Padapatha Transcription Accented
sutā́saḥ ǀ mádhumat-tamāḥ ǀ sómāḥ ǀ índrāya ǀ mandínaḥ ǀ
pavítra-vantaḥ ǀ akṣaran ǀ devā́n ǀ gacchantu ǀ vaḥ ǀ mádāḥ ǁ
Padapatha Transcription Nonaccented
sutāsaḥ ǀ madhumat-tamāḥ ǀ somāḥ ǀ indrāya ǀ mandinaḥ ǀ
pavitra-vantaḥ ǀ akṣaran ǀ devān ǀ gacchantu ǀ vaḥ ǀ madāḥ ǁ
09.101.05 (Mandala. Sukta. Rik)
7.5.01.05 (Ashtaka. Adhyaya. Varga. Rik)
09.06.092 (Mandala. Anuvāka. Rik)
Samhita Devanagari Accented
इंदु॒रिंद्रा॑य पवत॒ इति॑ दे॒वासो॑ अब्रुवन् ।
वा॒चस्पति॑र्मखस्यते॒ विश्व॒स्येशा॑न॒ ओज॑सा ॥
Samhita Devanagari Nonaccented
इंदुरिंद्राय पवत इति देवासो अब्रुवन् ।
वाचस्पतिर्मखस्यते विश्वस्येशान ओजसा ॥
Samhita Transcription Accented
índuríndrāya pavata íti devā́so abruvan ǀ
vācáspátirmakhasyate víśvasyéśāna ójasā ǁ
Samhita Transcription Nonaccented
indurindrāya pavata iti devāso abruvan ǀ
vācaspatirmakhasyate viśvasyeśāna ojasā ǁ
Padapatha Devanagari Accented
इन्दुः॑ । इन्द्रा॑य । प॒व॒ते॒ । इति॑ । दे॒वासः॑ । अ॒ब्रु॒व॒न् ।
वा॒चः । पतिः॑ । म॒ख॒स्य॒ते॒ । विश्व॑स्य । ईशा॑नः । ओज॑सा ॥
Padapatha Devanagari Nonaccented
इन्दुः । इन्द्राय । पवते । इति । देवासः । अब्रुवन् ।
वाचः । पतिः । मखस्यते । विश्वस्य । ईशानः । ओजसा ॥
Padapatha Transcription Accented
índuḥ ǀ índrāya ǀ pavate ǀ íti ǀ devā́saḥ ǀ abruvan ǀ
vācáḥ ǀ pátiḥ ǀ makhasyate ǀ víśvasya ǀ ī́śānaḥ ǀ ójasā ǁ
Padapatha Transcription Nonaccented
induḥ ǀ indrāya ǀ pavate ǀ iti ǀ devāsaḥ ǀ abruvan ǀ
vācaḥ ǀ patiḥ ǀ makhasyate ǀ viśvasya ǀ īśānaḥ ǀ ojasā ǁ
09.101.06 (Mandala. Sukta. Rik)
7.5.02.01 (Ashtaka. Adhyaya. Varga. Rik)
09.06.093 (Mandala. Anuvāka. Rik)
Samhita Devanagari Accented
स॒हस्र॑धारः पवते समु॒द्रो वा॑चमींख॒यः ।
सोमः॒ पती॑ रयी॒णां सखेंद्र॑स्य दि॒वेदि॑वे ॥
Samhita Devanagari Nonaccented
सहस्रधारः पवते समुद्रो वाचमींखयः ।
सोमः पती रयीणां सखेंद्रस्य दिवेदिवे ॥
Samhita Transcription Accented
sahásradhāraḥ pavate samudró vācamīṅkhayáḥ ǀ
sómaḥ pátī rayīṇā́m sákhéndrasya divédive ǁ
Samhita Transcription Nonaccented
sahasradhāraḥ pavate samudro vācamīṅkhayaḥ ǀ
somaḥ patī rayīṇām sakhendrasya divedive ǁ
Padapatha Devanagari Accented
स॒हस्र॑ऽधारः । प॒व॒ते॒ । स॒मु॒द्रः । वा॒च॒म्ऽई॒ङ्ख॒यः ।
सोमः॑ । पतिः॑ । र॒यी॒णाम् । सखा॑ । इन्द्र॑स्य । दि॒वेऽदि॑वे ॥
Padapatha Devanagari Nonaccented
सहस्रऽधारः । पवते । समुद्रः । वाचम्ऽईङ्खयः ।
सोमः । पतिः । रयीणाम् । सखा । इन्द्रस्य । दिवेऽदिवे ॥
Padapatha Transcription Accented
sahásra-dhāraḥ ǀ pavate ǀ samudráḥ ǀ vācam-īṅkhayáḥ ǀ
sómaḥ ǀ pátiḥ ǀ rayīṇā́m ǀ sákhā ǀ índrasya ǀ divé-dive ǁ
Padapatha Transcription Nonaccented
sahasra-dhāraḥ ǀ pavate ǀ samudraḥ ǀ vācam-īṅkhayaḥ ǀ
somaḥ ǀ patiḥ ǀ rayīṇām ǀ sakhā ǀ indrasya ǀ dive-dive ǁ
09.101.07 (Mandala. Sukta. Rik)
7.5.02.02 (Ashtaka. Adhyaya. Varga. Rik)
09.06.094 (Mandala. Anuvāka. Rik)
Samhita Devanagari Accented
अ॒यं पू॒षा र॒यिर्भगः॒ सोमः॑ पुना॒नो अ॑र्षति ।
पति॒र्विश्व॑स्य॒ भूम॑नो॒ व्य॑ख्य॒द्रोद॑सी उ॒भे ॥
Samhita Devanagari Nonaccented
अयं पूषा रयिर्भगः सोमः पुनानो अर्षति ।
पतिर्विश्वस्य भूमनो व्यख्यद्रोदसी उभे ॥
Samhita Transcription Accented
ayám pūṣā́ rayírbhágaḥ sómaḥ punānó arṣati ǀ
pátirvíśvasya bhū́mano vyákhyadródasī ubhé ǁ
Samhita Transcription Nonaccented
ayam pūṣā rayirbhagaḥ somaḥ punāno arṣati ǀ
patirviśvasya bhūmano vyakhyadrodasī ubhe ǁ
Padapatha Devanagari Accented
अ॒यम् । पू॒षा । र॒यिः । भगः॑ । सोमः॑ । पु॒ना॒नः । अ॒र्ष॒ति॒ ।
पतिः॑ । विश्व॑स्य । भूम॑नः । वि । अ॒ख्य॒त् । रोद॑सी॒ इति॑ । उ॒भे इति॑ ॥
Padapatha Devanagari Nonaccented
अयम् । पूषा । रयिः । भगः । सोमः । पुनानः । अर्षति ।
पतिः । विश्वस्य । भूमनः । वि । अख्यत् । रोदसी इति । उभे इति ॥
Padapatha Transcription Accented
ayám ǀ pūṣā́ ǀ rayíḥ ǀ bhágaḥ ǀ sómaḥ ǀ punānáḥ ǀ arṣati ǀ
pátiḥ ǀ víśvasya ǀ bhū́manaḥ ǀ ví ǀ akhyat ǀ ródasī íti ǀ ubhé íti ǁ
Padapatha Transcription Nonaccented
ayam ǀ pūṣā ǀ rayiḥ ǀ bhagaḥ ǀ somaḥ ǀ punānaḥ ǀ arṣati ǀ
patiḥ ǀ viśvasya ǀ bhūmanaḥ ǀ vi ǀ akhyat ǀ rodasī iti ǀ ubhe iti ǁ
09.101.08 (Mandala. Sukta. Rik)
7.5.02.03 (Ashtaka. Adhyaya. Varga. Rik)
09.06.095 (Mandala. Anuvāka. Rik)
Samhita Devanagari Accented
समु॑ प्रि॒या अ॑नूषत॒ गावो॒ मदा॑य॒ घृष्व॑यः ।
सोमा॑सः कृण्वते प॒थः पव॑मानास॒ इंद॑वः ॥
Samhita Devanagari Nonaccented
समु प्रिया अनूषत गावो मदाय घृष्वयः ।
सोमासः कृण्वते पथः पवमानास इंदवः ॥
Samhita Transcription Accented
sámu priyā́ anūṣata gā́vo mádāya ghṛ́ṣvayaḥ ǀ
sómāsaḥ kṛṇvate patháḥ pávamānāsa índavaḥ ǁ
Samhita Transcription Nonaccented
samu priyā anūṣata gāvo madāya ghṛṣvayaḥ ǀ
somāsaḥ kṛṇvate pathaḥ pavamānāsa indavaḥ ǁ
Padapatha Devanagari Accented
सम् । ऊं॒ इति॑ । प्रि॒याः । अ॒नू॒ष॒त॒ । गावः॑ । मदा॑य । घृष्व॑यः ।
सोमा॑सः । कृ॒ण्व॒ते॒ । प॒थः । पव॑मानासः । इन्द॑वः ॥
Padapatha Devanagari Nonaccented
सम् । ऊं इति । प्रियाः । अनूषत । गावः । मदाय । घृष्वयः ।
सोमासः । कृण्वते । पथः । पवमानासः । इन्दवः ॥
Padapatha Transcription Accented
sám ǀ ūṃ íti ǀ priyā́ḥ ǀ anūṣata ǀ gā́vaḥ ǀ mádāya ǀ ghṛ́ṣvayaḥ ǀ
sómāsaḥ ǀ kṛṇvate ǀ patháḥ ǀ pávamānāsaḥ ǀ índavaḥ ǁ
Padapatha Transcription Nonaccented
sam ǀ ūṃ iti ǀ priyāḥ ǀ anūṣata ǀ gāvaḥ ǀ madāya ǀ ghṛṣvayaḥ ǀ
somāsaḥ ǀ kṛṇvate ǀ pathaḥ ǀ pavamānāsaḥ ǀ indavaḥ ǁ
09.101.09 (Mandala. Sukta. Rik)
7.5.02.04 (Ashtaka. Adhyaya. Varga. Rik)
09.06.096 (Mandala. Anuvāka. Rik)
Samhita Devanagari Accented
य ओजि॑ष्ठ॒स्तमा भ॑र॒ पव॑मान श्र॒वाय्यं॑ ।
यः पंच॑ चर्ष॒णीर॒भि र॒यिं येन॒ वना॑महै ॥
Samhita Devanagari Nonaccented
य ओजिष्ठस्तमा भर पवमान श्रवाय्यं ।
यः पंच चर्षणीरभि रयिं येन वनामहै ॥
Samhita Transcription Accented
yá ójiṣṭhastámā́ bhara pávamāna śravā́yyam ǀ
yáḥ páñca carṣaṇī́rabhí rayím yéna vánāmahai ǁ
Samhita Transcription Nonaccented
ya ojiṣṭhastamā bhara pavamāna śravāyyam ǀ
yaḥ pañca carṣaṇīrabhi rayim yena vanāmahai ǁ
Padapatha Devanagari Accented
यः । ओजि॑ष्ठः । तम् । आ । भ॒र॒ । पव॑मान । श्र॒वाय्य॑म् ।
यः । पञ्च॑ । च॒र्ष॒णीः । अ॒भि । र॒यिम् । येन॑ । वना॑महै ॥
Padapatha Devanagari Nonaccented
यः । ओजिष्ठः । तम् । आ । भर । पवमान । श्रवाय्यम् ।
यः । पञ्च । चर्षणीः । अभि । रयिम् । येन । वनामहै ॥
Padapatha Transcription Accented
yáḥ ǀ ójiṣṭhaḥ ǀ tám ǀ ā́ ǀ bhara ǀ pávamāna ǀ śravā́yyam ǀ
yáḥ ǀ páñca ǀ carṣaṇī́ḥ ǀ abhí ǀ rayím ǀ yéna ǀ vánāmahai ǁ
Padapatha Transcription Nonaccented
yaḥ ǀ ojiṣṭhaḥ ǀ tam ǀ ā ǀ bhara ǀ pavamāna ǀ śravāyyam ǀ
yaḥ ǀ pañca ǀ carṣaṇīḥ ǀ abhi ǀ rayim ǀ yena ǀ vanāmahai ǁ
09.101.10 (Mandala. Sukta. Rik)
7.5.02.05 (Ashtaka. Adhyaya. Varga. Rik)
09.06.097 (Mandala. Anuvāka. Rik)
Samhita Devanagari Accented
सोमाः॑ पवंत॒ इंद॑वो॒ऽस्मभ्यं॑ गातु॒वित्त॑माः ।
मि॒त्राः सु॑वा॒ना अ॑रे॒पसः॑ स्वा॒ध्यः॑ स्व॒र्विदः॑ ॥
Samhita Devanagari Nonaccented
सोमाः पवंत इंदवोऽस्मभ्यं गातुवित्तमाः ।
मित्राः सुवाना अरेपसः स्वाध्यः स्वर्विदः ॥
Samhita Transcription Accented
sómāḥ pavanta índavo’smábhyam gātuvíttamāḥ ǀ
mitrā́ḥ suvānā́ arepásaḥ svādhyáḥ svarvídaḥ ǁ
Samhita Transcription Nonaccented
somāḥ pavanta indavo’smabhyam gātuvittamāḥ ǀ
mitrāḥ suvānā arepasaḥ svādhyaḥ svarvidaḥ ǁ
Padapatha Devanagari Accented
सोमाः॑ । प॒व॒न्ते॒ । इन्द॑वः । अ॒स्मभ्य॑म् । गा॒तु॒वित्ऽत॑माः ।
मि॒त्राः । सु॒वा॒नाः । अ॒रे॒पसः॑ । सु॒ऽआ॒ध्यः॑ । स्वः॒ऽविदः॑ ॥
Padapatha Devanagari Nonaccented
सोमाः । पवन्ते । इन्दवः । अस्मभ्यम् । गातुवित्ऽतमाः ।
मित्राः । सुवानाः । अरेपसः । सुऽआध्यः । स्वःऽविदः ॥
Padapatha Transcription Accented
sómāḥ ǀ pavante ǀ índavaḥ ǀ asmábhyam ǀ gātuvít-tamāḥ ǀ
mitrā́ḥ ǀ suvānā́ḥ ǀ arepásaḥ ǀ su-ādhyáḥ ǀ svaḥ-vídaḥ ǁ
Padapatha Transcription Nonaccented
somāḥ ǀ pavante ǀ indavaḥ ǀ asmabhyam ǀ gātuvit-tamāḥ ǀ
mitrāḥ ǀ suvānāḥ ǀ arepasaḥ ǀ su-ādhyaḥ ǀ svaḥ-vidaḥ ǁ
09.101.11 (Mandala. Sukta. Rik)
7.5.03.01 (Ashtaka. Adhyaya. Varga. Rik)
09.06.098 (Mandala. Anuvāka. Rik)
Samhita Devanagari Accented
सु॒ष्वा॒णासो॒ व्यद्रि॑भि॒श्चिता॑ना॒ गोरधि॑ त्व॒चि ।
इष॑म॒स्मभ्य॑म॒भितः॒ सम॑स्वरन्वसु॒विदः॑ ॥
Samhita Devanagari Nonaccented
सुष्वाणासो व्यद्रिभिश्चिताना गोरधि त्वचि ।
इषमस्मभ्यमभितः समस्वरन्वसुविदः ॥
Samhita Transcription Accented
suṣvāṇā́so vyádribhiścítānā górádhi tvací ǀ
íṣamasmábhyamabhítaḥ sámasvaranvasuvídaḥ ǁ
Samhita Transcription Nonaccented
suṣvāṇāso vyadribhiścitānā goradhi tvaci ǀ
iṣamasmabhyamabhitaḥ samasvaranvasuvidaḥ ǁ
Padapatha Devanagari Accented
सु॒स्वा॒नासः॑ । वि । अद्रि॑ऽभिः । चिता॑नाः । गोः । अधि॑ । त्व॒चि ।
इष॑म् । अ॒स्मभ्य॑म् । अ॒भितः॑ । सम् । अ॒स्व॒र॒न् । व॒सु॒ऽविदः॑ ॥
Padapatha Devanagari Nonaccented
सुस्वानासः । वि । अद्रिऽभिः । चितानाः । गोः । अधि । त्वचि ।
इषम् । अस्मभ्यम् । अभितः । सम् । अस्वरन् । वसुऽविदः ॥
Padapatha Transcription Accented
susvānā́saḥ ǀ ví ǀ ádri-bhiḥ ǀ cítānāḥ ǀ góḥ ǀ ádhi ǀ tvací ǀ
íṣam ǀ asmábhyam ǀ abhítaḥ ǀ sám ǀ asvaran ǀ vasu-vídaḥ ǁ
Padapatha Transcription Nonaccented
susvānāsaḥ ǀ vi ǀ adri-bhiḥ ǀ citānāḥ ǀ goḥ ǀ adhi ǀ tvaci ǀ
iṣam ǀ asmabhyam ǀ abhitaḥ ǀ sam ǀ asvaran ǀ vasu-vidaḥ ǁ
09.101.12 (Mandala. Sukta. Rik)
7.5.03.02 (Ashtaka. Adhyaya. Varga. Rik)
09.06.099 (Mandala. Anuvāka. Rik)
Samhita Devanagari Accented
ए॒ते पू॒ता वि॑प॒श्चितः॒ सोमा॑सो॒ दध्या॑शिरः ।
सूर्या॑सो॒ न द॑र्श॒तासो॑ जिग॒त्नवो॑ ध्रु॒वा घृ॒ते ॥
Samhita Devanagari Nonaccented
एते पूता विपश्चितः सोमासो दध्याशिरः ।
सूर्यासो न दर्शतासो जिगत्नवो ध्रुवा घृते ॥
Samhita Transcription Accented
eté pūtā́ vipaścítaḥ sómāso dádhyāśiraḥ ǀ
sū́ryāso ná darśatā́so jigatnávo dhruvā́ ghṛté ǁ
Samhita Transcription Nonaccented
ete pūtā vipaścitaḥ somāso dadhyāśiraḥ ǀ
sūryāso na darśatāso jigatnavo dhruvā ghṛte ǁ
Padapatha Devanagari Accented
ए॒ते । पू॒ताः । वि॒पः॒ऽचितः॑ । सोमा॑सः । दधि॑ऽआशिरः ।
सूर्या॑सः । न । द॒र्श॒तासः॑ । जि॒ग॒त्नवः॑ । ध्रु॒वाः । घृ॒ते ॥
Padapatha Devanagari Nonaccented
एते । पूताः । विपःऽचितः । सोमासः । दधिऽआशिरः ।
सूर्यासः । न । दर्शतासः । जिगत्नवः । ध्रुवाः । घृते ॥
Padapatha Transcription Accented
eté ǀ pūtā́ḥ ǀ vipaḥ-cítaḥ ǀ sómāsaḥ ǀ dádhi-āśiraḥ ǀ
sū́ryāsaḥ ǀ ná ǀ darśatā́saḥ ǀ jigatnávaḥ ǀ dhruvā́ḥ ǀ ghṛté ǁ
Padapatha Transcription Nonaccented
ete ǀ pūtāḥ ǀ vipaḥ-citaḥ ǀ somāsaḥ ǀ dadhi-āśiraḥ ǀ
sūryāsaḥ ǀ na ǀ darśatāsaḥ ǀ jigatnavaḥ ǀ dhruvāḥ ǀ ghṛte ǁ
09.101.13 (Mandala. Sukta. Rik)
7.5.03.03 (Ashtaka. Adhyaya. Varga. Rik)
09.06.100 (Mandala. Anuvāka. Rik)
Samhita Devanagari Accented
प्र सु॑न्वा॒नस्यांध॑सो॒ मर्तो॒ न वृ॑त॒ तद्वचः॑ ।
अप॒ श्वान॑मरा॒धसं॑ ह॒ता म॒खं न भृग॑वः ॥
Samhita Devanagari Nonaccented
प्र सुन्वानस्यांधसो मर्तो न वृत तद्वचः ।
अप श्वानमराधसं हता मखं न भृगवः ॥
Samhita Transcription Accented
prá sunvānásyā́ndhaso márto ná vṛta tádvácaḥ ǀ
ápa śvā́namarādhásam hatā́ makhám ná bhṛ́gavaḥ ǁ
Samhita Transcription Nonaccented
pra sunvānasyāndhaso marto na vṛta tadvacaḥ ǀ
apa śvānamarādhasam hatā makham na bhṛgavaḥ ǁ
Padapatha Devanagari Accented
प्र । सु॒न्वा॒नस्य॑ । अन्ध॑सः । मर्तः॑ । न । वृ॒त॒ । तत् । वचः॑ ।
अप॑ । श्वान॑म् । अ॒रा॒धस॑म् । ह॒त । म॒खम् । न । भृग॑वः ॥
Padapatha Devanagari Nonaccented
प्र । सुन्वानस्य । अन्धसः । मर्तः । न । वृत । तत् । वचः ।
अप । श्वानम् । अराधसम् । हत । मखम् । न । भृगवः ॥
Padapatha Transcription Accented
prá ǀ sunvānásya ǀ ándhasaḥ ǀ mártaḥ ǀ ná ǀ vṛta ǀ tát ǀ vácaḥ ǀ
ápa ǀ śvā́nam ǀ arādhásam ǀ hatá ǀ makhám ǀ ná ǀ bhṛ́gavaḥ ǁ
Padapatha Transcription Nonaccented
pra ǀ sunvānasya ǀ andhasaḥ ǀ martaḥ ǀ na ǀ vṛta ǀ tat ǀ vacaḥ ǀ
apa ǀ śvānam ǀ arādhasam ǀ hata ǀ makham ǀ na ǀ bhṛgavaḥ ǁ
09.101.14 (Mandala. Sukta. Rik)
7.5.03.04 (Ashtaka. Adhyaya. Varga. Rik)
09.06.101 (Mandala. Anuvāka. Rik)
Samhita Devanagari Accented
आ जा॒मिरत्के॑ अव्यत भु॒जे न पु॒त्र ओ॒ण्योः॑ ।
सर॑ज्जा॒रो न योष॑णां व॒रो न योनि॑मा॒सदं॑ ॥
Samhita Devanagari Nonaccented
आ जामिरत्के अव्यत भुजे न पुत्र ओण्योः ।
सरज्जारो न योषणां वरो न योनिमासदं ॥
Samhita Transcription Accented
ā́ jāmírátke avyata bhujé ná putrá oṇyóḥ ǀ
sárajjāró ná yóṣaṇām varó ná yónimāsádam ǁ
Samhita Transcription Nonaccented
ā jāmiratke avyata bhuje na putra oṇyoḥ ǀ
sarajjāro na yoṣaṇām varo na yonimāsadam ǁ
Padapatha Devanagari Accented
आ । जा॒मिः । अत्के॑ । अ॒व्य॒त॒ । भु॒जे । न । पु॒त्रः । ओ॒ण्योः॑ ।
सर॑त् । जा॒रः । न । योष॑णाम् । व॒रः । न । योनि॑म् । आ॒ऽसद॑म् ॥
Padapatha Devanagari Nonaccented
आ । जामिः । अत्के । अव्यत । भुजे । न । पुत्रः । ओण्योः ।
सरत् । जारः । न । योषणाम् । वरः । न । योनिम् । आऽसदम् ॥
Padapatha Transcription Accented
ā́ ǀ jāmíḥ ǀ átke ǀ avyata ǀ bhujé ǀ ná ǀ putráḥ ǀ oṇyóḥ ǀ
sárat ǀ jāráḥ ǀ ná ǀ yóṣaṇām ǀ varáḥ ǀ ná ǀ yónim ǀ ā-sádam ǁ
Padapatha Transcription Nonaccented
ā ǀ jāmiḥ ǀ atke ǀ avyata ǀ bhuje ǀ na ǀ putraḥ ǀ oṇyoḥ ǀ
sarat ǀ jāraḥ ǀ na ǀ yoṣaṇām ǀ varaḥ ǀ na ǀ yonim ǀ ā-sadam ǁ
09.101.15 (Mandala. Sukta. Rik)
7.5.03.05 (Ashtaka. Adhyaya. Varga. Rik)
09.06.102 (Mandala. Anuvāka. Rik)
Samhita Devanagari Accented
स वी॒रो द॑क्ष॒साध॑नो॒ वि यस्त॒स्तंभ॒ रोद॑सी ।
हरिः॑ प॒वित्रे॑ अव्यत वे॒धा न योनि॑मा॒सदं॑ ॥
Samhita Devanagari Nonaccented
स वीरो दक्षसाधनो वि यस्तस्तंभ रोदसी ।
हरिः पवित्रे अव्यत वेधा न योनिमासदं ॥
Samhita Transcription Accented
sá vīró dakṣasā́dhano ví yástastámbha ródasī ǀ
háriḥ pavítre avyata vedhā́ ná yónimāsádam ǁ
Samhita Transcription Nonaccented
sa vīro dakṣasādhano vi yastastambha rodasī ǀ
hariḥ pavitre avyata vedhā na yonimāsadam ǁ
Padapatha Devanagari Accented
सः । वी॒रः । द॒क्ष॒ऽसाध॑नः । वि । यः । त॒स्तम्भ॑ । रोद॑सी॒ इति॑ ।
हरिः॑ । प॒वित्रे॑ । अ॒व्य॒त॒ । वे॒धाः । न । योनि॑म् । आ॒ऽसद॑म् ॥
Padapatha Devanagari Nonaccented
सः । वीरः । दक्षऽसाधनः । वि । यः । तस्तम्भ । रोदसी इति ।
हरिः । पवित्रे । अव्यत । वेधाः । न । योनिम् । आऽसदम् ॥
Padapatha Transcription Accented
sáḥ ǀ vīráḥ ǀ dakṣa-sā́dhanaḥ ǀ ví ǀ yáḥ ǀ tastámbha ǀ ródasī íti ǀ
háriḥ ǀ pavítre ǀ avyata ǀ vedhā́ḥ ǀ ná ǀ yónim ǀ ā-sádam ǁ
Padapatha Transcription Nonaccented
saḥ ǀ vīraḥ ǀ dakṣa-sādhanaḥ ǀ vi ǀ yaḥ ǀ tastambha ǀ rodasī iti ǀ
hariḥ ǀ pavitre ǀ avyata ǀ vedhāḥ ǀ na ǀ yonim ǀ ā-sadam ǁ
09.101.16 (Mandala. Sukta. Rik)
7.5.03.06 (Ashtaka. Adhyaya. Varga. Rik)
09.06.103 (Mandala. Anuvāka. Rik)
Samhita Devanagari Accented
अव्यो॒ वारे॑भिः पवते॒ सोमो॒ गव्ये॒ अधि॑ त्व॒चि ।
कनि॑क्रद॒द्वृषा॒ हरि॒रिंद्र॑स्या॒भ्ये॑ति निष्कृ॒तं ॥
Samhita Devanagari Nonaccented
अव्यो वारेभिः पवते सोमो गव्ये अधि त्वचि ।
कनिक्रदद्वृषा हरिरिंद्रस्याभ्येति निष्कृतं ॥
Samhita Transcription Accented
ávyo vā́rebhiḥ pavate sómo gávye ádhi tvací ǀ
kánikradadvṛ́ṣā háriríndrasyābhyeti niṣkṛtám ǁ
Samhita Transcription Nonaccented
avyo vārebhiḥ pavate somo gavye adhi tvaci ǀ
kanikradadvṛṣā haririndrasyābhyeti niṣkṛtam ǁ
Padapatha Devanagari Accented
अव्यः॑ । वारे॑भिः । प॒व॒ते॒ । सोमः॑ । गव्ये॑ । अधि॑ । त्व॒चि ।
कनि॑क्रदत् । वृषा॑ । हरिः । इन्द्र॑स्य । अ॒भि । ए॒ति॒ । निः॒ऽकृ॒तम् ॥
Padapatha Devanagari Nonaccented
अव्यः । वारेभिः । पवते । सोमः । गव्ये । अधि । त्वचि ।
कनिक्रदत् । वृषा । हरिः । इन्द्रस्य । अभि । एति । निःऽकृतम् ॥
Padapatha Transcription Accented
ávyaḥ ǀ vā́rebhiḥ ǀ pavate ǀ sómaḥ ǀ gávye ǀ ádhi ǀ tvací ǀ
kánikradat ǀ vṛ́ṣā ǀ háríḥ ǀ índrasya ǀ abhí ǀ eti ǀ niḥ-kṛtám ǁ
Padapatha Transcription Nonaccented
avyaḥ ǀ vārebhiḥ ǀ pavate ǀ somaḥ ǀ gavye ǀ adhi ǀ tvaci ǀ
kanikradat ǀ vṛṣā ǀ hariḥ ǀ indrasya ǀ abhi ǀ eti ǀ niḥ-kṛtam ǁ