|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 102
|
1. Info |
| To: | soma pavamāna | |
| From: | trita āptya | |
| Metres: | 1st set of styles: nicṛduṣṇik (1-4, 8); uṣṇik (5-7) 2nd set of styles: uṣṇih |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.102.01 (Mandala. Sukta. Rik)
7.5.04.01 (Ashtaka. Adhyaya. Varga. Rik)
09.06.104 (Mandala. Anuvāka. Rik)
Samhita Devanagari Accented
क्रा॒णा शिशु॑र्म॒हीनां॑ हि॒न्वन्नृ॒तस्य॒ दीधि॑तिं ।
विश्वा॒ परि॑ प्रि॒या भु॑व॒दध॑ द्वि॒ता ॥
Samhita Devanagari Nonaccented
क्राणा शिशुर्महीनां हिन्वन्नृतस्य दीधितिं ।
विश्वा परि प्रिया भुवदध द्विता ॥
Samhita Transcription Accented
krāṇā́ śíśurmahī́nām hinvánnṛtásya dī́dhitim ǀ
víśvā pári priyā́ bhuvadádha dvitā́ ǁ
Samhita Transcription Nonaccented
krāṇā śiśurmahīnām hinvannṛtasya dīdhitim ǀ
viśvā pari priyā bhuvadadha dvitā ǁ
Padapatha Devanagari Accented
क्रा॒णा । शिशुः॑ । म॒हीना॑म् । हि॒न्वन् । ऋ॒तस्य॑ । दीधि॑तिम् ।
विश्वा॑ । परि॑ । प्रि॒या । भु॒व॒त् । अध॑ । द्वि॒ता ॥
Padapatha Devanagari Nonaccented
क्राणा । शिशुः । महीनाम् । हिन्वन् । ऋतस्य । दीधितिम् ।
विश्वा । परि । प्रिया । भुवत् । अध । द्विता ॥
Padapatha Transcription Accented
krāṇā́ ǀ śíśuḥ ǀ mahī́nām ǀ hinván ǀ ṛtásya ǀ dī́dhitim ǀ
víśvā ǀ pári ǀ priyā́ ǀ bhuvat ǀ ádha ǀ dvitā́ ǁ
Padapatha Transcription Nonaccented
krāṇā ǀ śiśuḥ ǀ mahīnām ǀ hinvan ǀ ṛtasya ǀ dīdhitim ǀ
viśvā ǀ pari ǀ priyā ǀ bhuvat ǀ adha ǀ dvitā ǁ
09.102.02 (Mandala. Sukta. Rik)
7.5.04.02 (Ashtaka. Adhyaya. Varga. Rik)
09.06.105 (Mandala. Anuvāka. Rik)
Samhita Devanagari Accented
उप॑ त्रि॒तस्य॑ पा॒ष्यो॒३॒॑रभ॑क्त॒ यद्गुहा॑ प॒दं ।
य॒ज्ञस्य॑ स॒प्त धाम॑भि॒रध॑ प्रि॒यं ॥
Samhita Devanagari Nonaccented
उप त्रितस्य पाष्योरभक्त यद्गुहा पदं ।
यज्ञस्य सप्त धामभिरध प्रियं ॥
Samhita Transcription Accented
úpa tritásya pāṣyórábhakta yádgúhā padám ǀ
yajñásya saptá dhā́mabhirádha priyám ǁ
Samhita Transcription Nonaccented
upa tritasya pāṣyorabhakta yadguhā padam ǀ
yajñasya sapta dhāmabhiradha priyam ǁ
Padapatha Devanagari Accented
उप॑ । त्रि॒तस्य॑ । पा॒ष्योः॑ । अभ॑क्त । यत् । गुहा॑ । प॒दम् ।
य॒ज्ञस्य॑ । स॒प्त । धाम॑ऽभिः । अध॑ । प्रि॒यम् ॥
Padapatha Devanagari Nonaccented
उप । त्रितस्य । पाष्योः । अभक्त । यत् । गुहा । पदम् ।
यज्ञस्य । सप्त । धामऽभिः । अध । प्रियम् ॥
Padapatha Transcription Accented
úpa ǀ tritásya ǀ pāṣyóḥ ǀ ábhakta ǀ yát ǀ gúhā ǀ padám ǀ
yajñásya ǀ saptá ǀ dhā́ma-bhiḥ ǀ ádha ǀ priyám ǁ
Padapatha Transcription Nonaccented
upa ǀ tritasya ǀ pāṣyoḥ ǀ abhakta ǀ yat ǀ guhā ǀ padam ǀ
yajñasya ǀ sapta ǀ dhāma-bhiḥ ǀ adha ǀ priyam ǁ
09.102.03 (Mandala. Sukta. Rik)
7.5.04.03 (Ashtaka. Adhyaya. Varga. Rik)
09.06.106 (Mandala. Anuvāka. Rik)
Samhita Devanagari Accented
त्रीणि॑ त्रि॒तस्य॒ धार॑या पृ॒ष्ठेष्वेर॑या र॒यिं ।
मिमी॑ते अस्य॒ योज॑ना॒ वि सु॒क्रतुः॑ ॥
Samhita Devanagari Nonaccented
त्रीणि त्रितस्य धारया पृष्ठेष्वेरया रयिं ।
मिमीते अस्य योजना वि सुक्रतुः ॥
Samhita Transcription Accented
trī́ṇi tritásya dhā́rayā pṛṣṭhéṣvérayā rayím ǀ
mímīte asya yójanā ví sukrátuḥ ǁ
Samhita Transcription Nonaccented
trīṇi tritasya dhārayā pṛṣṭheṣverayā rayim ǀ
mimīte asya yojanā vi sukratuḥ ǁ
Padapatha Devanagari Accented
त्रीणि॑ । त्रि॒तस्य॑ । धार॑या । पृ॒ष्ठेषु॑ । आ । ई॒र॒य॒ । र॒यिम् ।
मिमी॑ते । अ॒स्य॒ । योज॑ना । वि । सु॒ऽक्रतुः॑ ॥
Padapatha Devanagari Nonaccented
त्रीणि । त्रितस्य । धारया । पृष्ठेषु । आ । ईरय । रयिम् ।
मिमीते । अस्य । योजना । वि । सुऽक्रतुः ॥
Padapatha Transcription Accented
trī́ṇi ǀ tritásya ǀ dhā́rayā ǀ pṛṣṭhéṣu ǀ ā́ ǀ īraya ǀ rayím ǀ
mímīte ǀ asya ǀ yójanā ǀ ví ǀ su-krátuḥ ǁ
Padapatha Transcription Nonaccented
trīṇi ǀ tritasya ǀ dhārayā ǀ pṛṣṭheṣu ǀ ā ǀ īraya ǀ rayim ǀ
mimīte ǀ asya ǀ yojanā ǀ vi ǀ su-kratuḥ ǁ
09.102.04 (Mandala. Sukta. Rik)
7.5.04.04 (Ashtaka. Adhyaya. Varga. Rik)
09.06.107 (Mandala. Anuvāka. Rik)
Samhita Devanagari Accented
ज॒ज्ञा॒नं स॒प्त मा॒तरो॑ वे॒धाम॑शासत श्रि॒ये ।
अ॒यं ध्रु॒वो र॑यी॒णां चिके॑त॒ यत् ॥
Samhita Devanagari Nonaccented
जज्ञानं सप्त मातरो वेधामशासत श्रिये ।
अयं ध्रुवो रयीणां चिकेत यत् ॥
Samhita Transcription Accented
jajñānám saptá mātáro vedhā́maśāsata śriyé ǀ
ayám dhruvó rayīṇā́m cíketa yát ǁ
Samhita Transcription Nonaccented
jajñānam sapta mātaro vedhāmaśāsata śriye ǀ
ayam dhruvo rayīṇām ciketa yat ǁ
Padapatha Devanagari Accented
ज॒ज्ञा॒नम् । स॒प्त । मा॒तरः॑ । वे॒धाम् । अ॒शा॒स॒त॒ । श्रि॒ये ।
अ॒यम् । ध्रु॒वः । र॒यी॒णाम् । चिके॑त । यत् ॥
Padapatha Devanagari Nonaccented
जज्ञानम् । सप्त । मातरः । वेधाम् । अशासत । श्रिये ।
अयम् । ध्रुवः । रयीणाम् । चिकेत । यत् ॥
Padapatha Transcription Accented
jajñānám ǀ saptá ǀ mātáraḥ ǀ vedhā́m ǀ aśāsata ǀ śriyé ǀ
ayám ǀ dhruváḥ ǀ rayīṇā́m ǀ cíketa ǀ yát ǁ
Padapatha Transcription Nonaccented
jajñānam ǀ sapta ǀ mātaraḥ ǀ vedhām ǀ aśāsata ǀ śriye ǀ
ayam ǀ dhruvaḥ ǀ rayīṇām ǀ ciketa ǀ yat ǁ
09.102.05 (Mandala. Sukta. Rik)
7.5.04.05 (Ashtaka. Adhyaya. Varga. Rik)
09.06.108 (Mandala. Anuvāka. Rik)
Samhita Devanagari Accented
अ॒स्य व्र॒ते स॒जोष॑सो॒ विश्वे॑ दे॒वासो॑ अ॒द्रुहः॑ ।
स्पा॒र्हा भ॑वंति॒ रंत॑यो जु॒षंत॒ यत् ॥
Samhita Devanagari Nonaccented
अस्य व्रते सजोषसो विश्वे देवासो अद्रुहः ।
स्पार्हा भवंति रंतयो जुषंत यत् ॥
Samhita Transcription Accented
asyá vraté sajóṣaso víśve devā́so adrúhaḥ ǀ
spārhā́ bhavanti rántayo juṣánta yát ǁ
Samhita Transcription Nonaccented
asya vrate sajoṣaso viśve devāso adruhaḥ ǀ
spārhā bhavanti rantayo juṣanta yat ǁ
Padapatha Devanagari Accented
अ॒स्य । व्र॒ते । स॒ऽजोष॑सः । विश्वे॑ । दे॒वासः॑ । अ॒द्रुहः॑ ।
स्पा॒र्हाः । भ॒व॒न्ति॒ । रन्त॑यः । जु॒षन्त॑ । यत् ॥
Padapatha Devanagari Nonaccented
अस्य । व्रते । सऽजोषसः । विश्वे । देवासः । अद्रुहः ।
स्पार्हाः । भवन्ति । रन्तयः । जुषन्त । यत् ॥
Padapatha Transcription Accented
asyá ǀ vraté ǀ sa-jóṣasaḥ ǀ víśve ǀ devā́saḥ ǀ adrúhaḥ ǀ
spārhā́ḥ ǀ bhavanti ǀ rántayaḥ ǀ juṣánta ǀ yát ǁ
Padapatha Transcription Nonaccented
asya ǀ vrate ǀ sa-joṣasaḥ ǀ viśve ǀ devāsaḥ ǀ adruhaḥ ǀ
spārhāḥ ǀ bhavanti ǀ rantayaḥ ǀ juṣanta ǀ yat ǁ
09.102.06 (Mandala. Sukta. Rik)
7.5.05.01 (Ashtaka. Adhyaya. Varga. Rik)
09.06.109 (Mandala. Anuvāka. Rik)
Samhita Devanagari Accented
यमी॒ गर्भ॑मृता॒वृधो॑ दृ॒शे चारु॒मजी॑जनन् ।
क॒विं मंहि॑ष्ठमध्व॒रे पु॑रु॒स्पृहं॑ ॥
Samhita Devanagari Nonaccented
यमी गर्भमृतावृधो दृशे चारुमजीजनन् ।
कविं मंहिष्ठमध्वरे पुरुस्पृहं ॥
Samhita Transcription Accented
yámī gárbhamṛtāvṛ́dho dṛśé cā́rumájījanan ǀ
kavím máṃhiṣṭhamadhvaré puruspṛ́ham ǁ
Samhita Transcription Nonaccented
yamī garbhamṛtāvṛdho dṛśe cārumajījanan ǀ
kavim maṃhiṣṭhamadhvare puruspṛham ǁ
Padapatha Devanagari Accented
यम् । ई॒मिति॑ । गर्भ॑म् । ऋ॒त॒ऽवृधः॑ । दृ॒शे । चारु॑म् । अजी॑जनन् ।
क॒विम् । मंहि॑ष्ठम् । अ॒ध्व॒रे । पु॒रु॒ऽस्पृह॑म् ॥
Padapatha Devanagari Nonaccented
यम् । ईमिति । गर्भम् । ऋतऽवृधः । दृशे । चारुम् । अजीजनन् ।
कविम् । मंहिष्ठम् । अध्वरे । पुरुऽस्पृहम् ॥
Padapatha Transcription Accented
yám ǀ īmíti ǀ gárbham ǀ ṛta-vṛ́dhaḥ ǀ dṛśé ǀ cā́rum ǀ ájījanan ǀ
kavím ǀ máṃhiṣṭham ǀ adhvaré ǀ puru-spṛ́ham ǁ
Padapatha Transcription Nonaccented
yam ǀ īmiti ǀ garbham ǀ ṛta-vṛdhaḥ ǀ dṛśe ǀ cārum ǀ ajījanan ǀ
kavim ǀ maṃhiṣṭham ǀ adhvare ǀ puru-spṛham ǁ
09.102.07 (Mandala. Sukta. Rik)
7.5.05.02 (Ashtaka. Adhyaya. Varga. Rik)
09.06.110 (Mandala. Anuvāka. Rik)
Samhita Devanagari Accented
स॒मी॒ची॒ने अ॒भि त्मना॑ य॒ह्वी ऋ॒तस्य॑ मा॒तरा॑ ।
त॒न्वा॒ना य॒ज्ञमा॑नु॒षग्यदं॑ज॒ते ॥
Samhita Devanagari Nonaccented
समीचीने अभि त्मना यह्वी ऋतस्य मातरा ।
तन्वाना यज्ञमानुषग्यदंजते ॥
Samhita Transcription Accented
samīcīné abhí tmánā yahvī́ ṛtásya mātárā ǀ
tanvānā́ yajñámānuṣágyádañjaté ǁ
Samhita Transcription Nonaccented
samīcīne abhi tmanā yahvī ṛtasya mātarā ǀ
tanvānā yajñamānuṣagyadañjate ǁ
Padapatha Devanagari Accented
स॒मी॒ची॒ने इति॑ स॒म्ऽई॒ची॒ने । अ॒भि । त्मना॑ । य॒ह्वी इति॑ । ऋ॒तस्य॑ । मा॒तरा॑ ।
त॒न्वा॒नाः । य॒ज्ञम् । आ॒नु॒षक् । यत् । अ॒ञ्ज॒ते ॥
Padapatha Devanagari Nonaccented
समीचीने इति सम्ऽईचीने । अभि । त्मना । यह्वी इति । ऋतस्य । मातरा ।
तन्वानाः । यज्ञम् । आनुषक् । यत् । अञ्जते ॥
Padapatha Transcription Accented
samīcīné íti sam-īcīné ǀ abhí ǀ tmánā ǀ yahvī́ íti ǀ ṛtásya ǀ mātárā ǀ
tanvānā́ḥ ǀ yajñám ǀ ānuṣák ǀ yát ǀ añjaté ǁ
Padapatha Transcription Nonaccented
samīcīne iti sam-īcīne ǀ abhi ǀ tmanā ǀ yahvī iti ǀ ṛtasya ǀ mātarā ǀ
tanvānāḥ ǀ yajñam ǀ ānuṣak ǀ yat ǀ añjate ǁ
09.102.08 (Mandala. Sukta. Rik)
7.5.05.03 (Ashtaka. Adhyaya. Varga. Rik)
09.06.111 (Mandala. Anuvāka. Rik)
Samhita Devanagari Accented
क्रत्वा॑ शु॒क्रेभि॑र॒क्षभि॑र्ऋ॒णोरप॑ व्र॒जं दि॒वः ।
हि॒न्वन्नृ॒तस्य॒ दीधि॑तिं॒ प्राध्व॒रे ॥
Samhita Devanagari Nonaccented
क्रत्वा शुक्रेभिरक्षभिर्ऋणोरप व्रजं दिवः ।
हिन्वन्नृतस्य दीधितिं प्राध्वरे ॥
Samhita Transcription Accented
krátvā śukrébhirakṣábhirṛṇórápa vrajám diváḥ ǀ
hinvánnṛtásya dī́dhitim prā́dhvaré ǁ
Samhita Transcription Nonaccented
kratvā śukrebhirakṣabhirṛṇorapa vrajam divaḥ ǀ
hinvannṛtasya dīdhitim prādhvare ǁ
Padapatha Devanagari Accented
क्रत्वा॑ । शु॒क्रेभिः॑ । अ॒क्षऽभिः॑ । ऋ॒णोः । अप॑ । व्र॒जम् । दि॒वः ।
हि॒न्वन् । ऋ॒तस्य॑ । दीधि॑तिम् । प्र । अ॒ध्व॒रे ॥
Padapatha Devanagari Nonaccented
क्रत्वा । शुक्रेभिः । अक्षऽभिः । ऋणोः । अप । व्रजम् । दिवः ।
हिन्वन् । ऋतस्य । दीधितिम् । प्र । अध्वरे ॥
Padapatha Transcription Accented
krátvā ǀ śukrébhiḥ ǀ akṣá-bhiḥ ǀ ṛṇóḥ ǀ ápa ǀ vrajám ǀ diváḥ ǀ
hinván ǀ ṛtásya ǀ dī́dhitim ǀ prá ǀ adhvaré ǁ
Padapatha Transcription Nonaccented
kratvā ǀ śukrebhiḥ ǀ akṣa-bhiḥ ǀ ṛṇoḥ ǀ apa ǀ vrajam ǀ divaḥ ǀ
hinvan ǀ ṛtasya ǀ dīdhitim ǀ pra ǀ adhvare ǁ