|
2. Audio |
by South Indian brahmins |
 |
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
Rig Veda
SANSKRIT Text & Audio
MAṆḌALA 9
Sūkta 107
|
1. Info |
| To: | soma pavamāna | |
| From: | sapta ṛṣayaḥ | |
| Metres: | 1st set of styles: virāḍbṛhatī (1, 4, 6, 9, 14, 17, 21); nicṛtpaṅkti (7, 11, 18, 20, 24, 26); bṛhatī (8, 10, 12, 13, 19, 25); bhurigbṛhatī (2, 5); pipīlikāmadhyāgāyatrī (3, 16); paṅktiḥ (15, 22); pādnicṛdbṛhatī (23) 2nd set of styles: bṛhatī (1, 4, 6, 8-10, 12, 14, 17, 19, 21, 23, 25); satobṛhatī (2, 5, 7, 11, 13, 15, 18, 20, 22, 24, 26); dvipadā virāj bhurij (3); dvipadā virāj (16) |
|
2. Audio |
by South Indian brahmins |
|
||
by Sri Shyama Sundara Sharma and Sri Satya Krishna Bhatta. Recorded by Sriranga Digital Software Technologies Pvt. Ltd. (2012) |
|
|
3. Preferences |
Show these variants of riks numbering: |
||||||||
Mandala. Sukta. Rik |
||||||||
Ashtaka. Adhyaya. Varga. Rik |
||||||||
Mandala. Anuvāka. Rik |
||||||||
Show these variants of main text: |
||||||||
Samhita |
Devanagari |
Accent |
||||||
Samhita |
Devanagari |
Without accent |
||||||
Samhita |
Transcription |
Accent |
||||||
Samhita |
Transcription |
Without accent |
||||||
Padapatha |
Devanagari |
Accent |
||||||
Padapatha |
Devanagari |
Without accent |
||||||
Padapatha |
Transcription |
Accent |
||||||
Padapatha |
Transcription |
Without accent |
||||||
|
4. Text |
09.107.01 (Mandala. Sukta. Rik)
7.5.12.01 (Ashtaka. Adhyaya. Varga. Rik)
09.07.027 (Mandala. Anuvāka. Rik)
Samhita Devanagari Accented
परी॒तो षिं॑चता सु॒तं सोमो॒ य उ॑त्त॒मं ह॒विः ।
द॒ध॒न्वाँ यो नर्यो॑ अ॒प्स्वं१॒॑तरा सु॒षाव॒ सोम॒मद्रि॑भिः ॥
Samhita Devanagari Nonaccented
परीतो षिंचता सुतं सोमो य उत्तमं हविः ।
दधन्वाँ यो नर्यो अप्स्वंतरा सुषाव सोममद्रिभिः ॥
Samhita Transcription Accented
párītó ṣiñcatā sutám sómo yá uttamám havíḥ ǀ
dadhanvā́m̐ yó náryo apsvántárā́ suṣā́va sómamádribhiḥ ǁ
Samhita Transcription Nonaccented
parīto ṣiñcatā sutam somo ya uttamam haviḥ ǀ
dadhanvām̐ yo naryo apsvantarā suṣāva somamadribhiḥ ǁ
Padapatha Devanagari Accented
परि॑ । इ॒तः । सि॒ञ्च॒त॒ । सु॒तम् । सोमः॑ । यः । उ॒त्ऽत॒मम् । ह॒विः ।
द॒ध॒न्वान् । यः । नर्यः॑ । अ॒प्ऽसु । अ॒न्तः । आ । सु॒साव॑ । सोम॑म् । अद्रि॑ऽभिः ॥
Padapatha Devanagari Nonaccented
परि । इतः । सिञ्चत । सुतम् । सोमः । यः । उत्ऽतमम् । हविः ।
दधन्वान् । यः । नर्यः । अप्ऽसु । अन्तः । आ । सुसाव । सोमम् । अद्रिऽभिः ॥
Padapatha Transcription Accented
pári ǀ itáḥ ǀ siñcata ǀ sutám ǀ sómaḥ ǀ yáḥ ǀ ut-tamám ǀ havíḥ ǀ
dadhanvā́n ǀ yáḥ ǀ náryaḥ ǀ ap-sú ǀ antáḥ ǀ ā́ ǀ susā́va ǀ sómam ǀ ádri-bhiḥ ǁ
Padapatha Transcription Nonaccented
pari ǀ itaḥ ǀ siñcata ǀ sutam ǀ somaḥ ǀ yaḥ ǀ ut-tamam ǀ haviḥ ǀ
dadhanvān ǀ yaḥ ǀ naryaḥ ǀ ap-su ǀ antaḥ ǀ ā ǀ susāva ǀ somam ǀ adri-bhiḥ ǁ
09.107.02 (Mandala. Sukta. Rik)
7.5.12.02 (Ashtaka. Adhyaya. Varga. Rik)
09.07.028 (Mandala. Anuvāka. Rik)
Samhita Devanagari Accented
नू॒नं पु॑ना॒नोऽवि॑भिः॒ परि॑ स्र॒वाद॑ब्धः सुर॒भिंत॑रः ।
सु॒ते चि॑त्त्वा॒प्सु म॑दामो॒ अंध॑सा श्री॒णंतो॒ गोभि॒रुत्त॑रं ॥
Samhita Devanagari Nonaccented
नूनं पुनानोऽविभिः परि स्रवादब्धः सुरभिंतरः ।
सुते चित्त्वाप्सु मदामो अंधसा श्रीणंतो गोभिरुत्तरं ॥
Samhita Transcription Accented
nūnám punānó’vibhiḥ pári sravā́dabdhaḥ surabhíntaraḥ ǀ
suté cittvāpsú madāmo ándhasā śrīṇánto góbhirúttaram ǁ
Samhita Transcription Nonaccented
nūnam punāno’vibhiḥ pari sravādabdhaḥ surabhintaraḥ ǀ
sute cittvāpsu madāmo andhasā śrīṇanto gobhiruttaram ǁ
Padapatha Devanagari Accented
नू॒नम् । पु॒ना॒नः । अवि॑ऽभिः । परि॑ । स्र॒व॒ । अद॑ब्धः । सु॒र॒भिम्ऽत॑रः ।
सु॒ते । चि॒त् । त्वा॒ । अ॒प्ऽसु । म॒दा॒मः॒ । अन्ध॑सा । श्री॒णन्तः॑ । गोभिः॑ । उत्ऽत॑रम् ॥
Padapatha Devanagari Nonaccented
नूनम् । पुनानः । अविऽभिः । परि । स्रव । अदब्धः । सुरभिम्ऽतरः ।
सुते । चित् । त्वा । अप्ऽसु । मदामः । अन्धसा । श्रीणन्तः । गोभिः । उत्ऽतरम् ॥
Padapatha Transcription Accented
nūnám ǀ punānáḥ ǀ ávi-bhiḥ ǀ pári ǀ srava ǀ ádabdhaḥ ǀ surabhím-taraḥ ǀ
suté ǀ cit ǀ tvā ǀ ap-sú ǀ madāmaḥ ǀ ándhasā ǀ śrīṇántaḥ ǀ góbhiḥ ǀ út-taram ǁ
Padapatha Transcription Nonaccented
nūnam ǀ punānaḥ ǀ avi-bhiḥ ǀ pari ǀ srava ǀ adabdhaḥ ǀ surabhim-taraḥ ǀ
sute ǀ cit ǀ tvā ǀ ap-su ǀ madāmaḥ ǀ andhasā ǀ śrīṇantaḥ ǀ gobhiḥ ǀ ut-taram ǁ
09.107.03 (Mandala. Sukta. Rik)
7.5.12.03 (Ashtaka. Adhyaya. Varga. Rik)
09.07.029 (Mandala. Anuvāka. Rik)
Samhita Devanagari Accented
परि॑ सुवा॒नश्चक्ष॑से देव॒माद॑नः॒ क्रतु॒रिंदु॑र्विचक्ष॒णः ॥
Samhita Devanagari Nonaccented
परि सुवानश्चक्षसे देवमादनः क्रतुरिंदुर्विचक्षणः ॥
Samhita Transcription Accented
pári suvānáścákṣase devamā́danaḥ kráturíndurvicakṣaṇáḥ ǁ
Samhita Transcription Nonaccented
pari suvānaścakṣase devamādanaḥ kraturindurvicakṣaṇaḥ ǁ
Padapatha Devanagari Accented
परि॑ । सु॒वा॒नः । चक्ष॑से । दे॒व॒ऽमाद॑नः । क्रतुः॑ । इन्दुः॑ । वि॒ऽच॒क्ष॒णः ॥
Padapatha Devanagari Nonaccented
परि । सुवानः । चक्षसे । देवऽमादनः । क्रतुः । इन्दुः । विऽचक्षणः ॥
Padapatha Transcription Accented
pári ǀ suvānáḥ ǀ cákṣase ǀ deva-mā́danaḥ ǀ krátuḥ ǀ índuḥ ǀ vi-cakṣaṇáḥ ǁ
Padapatha Transcription Nonaccented
pari ǀ suvānaḥ ǀ cakṣase ǀ deva-mādanaḥ ǀ kratuḥ ǀ induḥ ǀ vi-cakṣaṇaḥ ǁ
09.107.04 (Mandala. Sukta. Rik)
7.5.12.04 (Ashtaka. Adhyaya. Varga. Rik)
09.07.030 (Mandala. Anuvāka. Rik)
Samhita Devanagari Accented
पु॒ना॒नः सो॑म॒ धार॑या॒पो वसा॑नो अर्षसि ।
आ र॑त्न॒धा योनि॑मृ॒तस्य॑ सीद॒स्युत्सो॑ देव हिर॒ण्ययः॑ ॥
Samhita Devanagari Nonaccented
पुनानः सोम धारयापो वसानो अर्षसि ।
आ रत्नधा योनिमृतस्य सीदस्युत्सो देव हिरण्ययः ॥
Samhita Transcription Accented
punānáḥ soma dhā́rayāpó vásāno arṣasi ǀ
ā́ ratnadhā́ yónimṛtásya sīdasyútso deva hiraṇyáyaḥ ǁ
Samhita Transcription Nonaccented
punānaḥ soma dhārayāpo vasāno arṣasi ǀ
ā ratnadhā yonimṛtasya sīdasyutso deva hiraṇyayaḥ ǁ
Padapatha Devanagari Accented
पु॒ना॒नः । सो॒म॒ । धार॑या । अ॒पः । वसा॑नः । अ॒र्ष॒सि॒ ।
आ । र॒त्न॒ऽधाः । योनि॑म् । ऋ॒तस्य॑ । सी॒द॒सि॒ । उत्सः॑ । दे॒व॒ । हि॒र॒ण्ययः॑ ॥
Padapatha Devanagari Nonaccented
पुनानः । सोम । धारया । अपः । वसानः । अर्षसि ।
आ । रत्नऽधाः । योनिम् । ऋतस्य । सीदसि । उत्सः । देव । हिरण्ययः ॥
Padapatha Transcription Accented
punānáḥ ǀ soma ǀ dhā́rayā ǀ apáḥ ǀ vásānaḥ ǀ arṣasi ǀ
ā́ ǀ ratna-dhā́ḥ ǀ yónim ǀ ṛtásya ǀ sīdasi ǀ útsaḥ ǀ deva ǀ hiraṇyáyaḥ ǁ
Padapatha Transcription Nonaccented
punānaḥ ǀ soma ǀ dhārayā ǀ apaḥ ǀ vasānaḥ ǀ arṣasi ǀ
ā ǀ ratna-dhāḥ ǀ yonim ǀ ṛtasya ǀ sīdasi ǀ utsaḥ ǀ deva ǀ hiraṇyayaḥ ǁ
09.107.05 (Mandala. Sukta. Rik)
7.5.12.05 (Ashtaka. Adhyaya. Varga. Rik)
09.07.031 (Mandala. Anuvāka. Rik)
Samhita Devanagari Accented
दु॒हा॒न ऊध॑र्दि॒व्यं मधु॑ प्रि॒यं प्र॒त्नं स॒धस्थ॒मास॑दत् ।
आ॒पृच्छ्यं॑ ध॒रुणं॑ वा॒ज्य॑र्षति॒ नृभि॑र्धू॒तो वि॑चक्ष॒णः ॥
Samhita Devanagari Nonaccented
दुहान ऊधर्दिव्यं मधु प्रियं प्रत्नं सधस्थमासदत् ।
आपृच्छ्यं धरुणं वाज्यर्षति नृभिर्धूतो विचक्षणः ॥
Samhita Transcription Accented
duhāná ū́dhardivyám mádhu priyám pratnám sadhásthamā́sadat ǀ
āpṛ́cchyam dharúṇam vājyárṣati nṛ́bhirdhūtó vicakṣaṇáḥ ǁ
Samhita Transcription Nonaccented
duhāna ūdhardivyam madhu priyam pratnam sadhasthamāsadat ǀ
āpṛcchyam dharuṇam vājyarṣati nṛbhirdhūto vicakṣaṇaḥ ǁ
Padapatha Devanagari Accented
दु॒हा॒नः । ऊधः॑ । दि॒व्यम् । मधु॑ । प्रि॒यम् । प्र॒त्नम् । स॒धऽस्थ॑म् । आ । अ॒स॒द॒त् ।
आ॒ऽपृच्छ्य॑म् । ध॒रुण॑म् । वा॒जी । अ॒र्ष॒ति॒ । नृऽभिः॑ । धू॒तः । वि॒ऽच॒क्ष॒णः ॥
Padapatha Devanagari Nonaccented
दुहानः । ऊधः । दिव्यम् । मधु । प्रियम् । प्रत्नम् । सधऽस्थम् । आ । असदत् ।
आऽपृच्छ्यम् । धरुणम् । वाजी । अर्षति । नृऽभिः । धूतः । विऽचक्षणः ॥
Padapatha Transcription Accented
duhānáḥ ǀ ū́dhaḥ ǀ divyám ǀ mádhu ǀ priyám ǀ pratnám ǀ sadhá-stham ǀ ā́ ǀ asadat ǀ
ā-pṛ́cchyam ǀ dharúṇam ǀ vājī́ ǀ arṣati ǀ nṛ́-bhiḥ ǀ dhūtáḥ ǀ vi-cakṣaṇáḥ ǁ
Padapatha Transcription Nonaccented
duhānaḥ ǀ ūdhaḥ ǀ divyam ǀ madhu ǀ priyam ǀ pratnam ǀ sadha-stham ǀ ā ǀ asadat ǀ
ā-pṛcchyam ǀ dharuṇam ǀ vājī ǀ arṣati ǀ nṛ-bhiḥ ǀ dhūtaḥ ǀ vi-cakṣaṇaḥ ǁ
09.107.06 (Mandala. Sukta. Rik)
7.5.13.01 (Ashtaka. Adhyaya. Varga. Rik)
09.07.032 (Mandala. Anuvāka. Rik)
Samhita Devanagari Accented
पु॒ना॒नः सो॑म॒ जागृ॑वि॒रव्यो॒ वारे॒ परि॑ प्रि॒यः ।
त्वं विप्रो॑ अभ॒वोऽंगि॑रस्तमो॒ मध्वा॑ य॒ज्ञं मि॑मिक्ष नः ॥
Samhita Devanagari Nonaccented
पुनानः सोम जागृविरव्यो वारे परि प्रियः ।
त्वं विप्रो अभवोऽंगिरस्तमो मध्वा यज्ञं मिमिक्ष नः ॥
Samhita Transcription Accented
punānáḥ soma jā́gṛvirávyo vā́re pári priyáḥ ǀ
tvám vípro abhavó’ṅgirastamo mádhvā yajñám mimikṣa naḥ ǁ
Samhita Transcription Nonaccented
punānaḥ soma jāgṛviravyo vāre pari priyaḥ ǀ
tvam vipro abhavo’ṅgirastamo madhvā yajñam mimikṣa naḥ ǁ
Padapatha Devanagari Accented
पु॒ना॒नः । सो॒म॒ । जागृ॑विः । अव्यः॑ । वारे॑ । परि॑ । प्रि॒यः ।
त्वम् । विप्रः॑ । अ॒भ॒वः॒ । अङ्गि॑रःऽतमः । मध्वा॑ । य॒ज्ञम् । मि॒मि॒क्ष॒ । नः॒ ॥
Padapatha Devanagari Nonaccented
पुनानः । सोम । जागृविः । अव्यः । वारे । परि । प्रियः ।
त्वम् । विप्रः । अभवः । अङ्गिरःऽतमः । मध्वा । यज्ञम् । मिमिक्ष । नः ॥
Padapatha Transcription Accented
punānáḥ ǀ soma ǀ jā́gṛviḥ ǀ ávyaḥ ǀ vā́re ǀ pári ǀ priyáḥ ǀ
tvám ǀ vípraḥ ǀ abhavaḥ ǀ áṅgiraḥ-tamaḥ ǀ mádhvā ǀ yajñám ǀ mimikṣa ǀ naḥ ǁ
Padapatha Transcription Nonaccented
punānaḥ ǀ soma ǀ jāgṛviḥ ǀ avyaḥ ǀ vāre ǀ pari ǀ priyaḥ ǀ
tvam ǀ vipraḥ ǀ abhavaḥ ǀ aṅgiraḥ-tamaḥ ǀ madhvā ǀ yajñam ǀ mimikṣa ǀ naḥ ǁ
09.107.07 (Mandala. Sukta. Rik)
7.5.13.02 (Ashtaka. Adhyaya. Varga. Rik)
09.07.033 (Mandala. Anuvāka. Rik)
Samhita Devanagari Accented
सोमो॑ मी॒ढ्वान्प॑वते गातु॒वित्त॑म॒ ऋषि॒र्विप्रो॑ विचक्ष॒णः ।
त्वं क॒विर॑भवो देव॒वीत॑म॒ आ सूर्यं॑ रोहयो दि॒वि ॥
Samhita Devanagari Nonaccented
सोमो मीढ्वान्पवते गातुवित्तम ऋषिर्विप्रो विचक्षणः ।
त्वं कविरभवो देववीतम आ सूर्यं रोहयो दिवि ॥
Samhita Transcription Accented
sómo mīḍhvā́npavate gātuvíttama ṛ́ṣirvípro vicakṣaṇáḥ ǀ
tvám kavírabhavo devavī́tama ā́ sū́ryam rohayo diví ǁ
Samhita Transcription Nonaccented
somo mīḍhvānpavate gātuvittama ṛṣirvipro vicakṣaṇaḥ ǀ
tvam kavirabhavo devavītama ā sūryam rohayo divi ǁ
Padapatha Devanagari Accented
सोमः॑ । मी॒ढ्वान् । प॒व॒ते॒ । गा॒तु॒वित्ऽत॑मः । ऋषिः॑ । विप्रः॑ । वि॒ऽच॒क्ष॒णः ।
त्वम् । क॒विः । अ॒भ॒वः॒ । दे॒व॒ऽवीत॑मः । आ । सूर्य॑म् । रो॒ह॒यः॒ । दि॒वि ॥
Padapatha Devanagari Nonaccented
सोमः । मीढ्वान् । पवते । गातुवित्ऽतमः । ऋषिः । विप्रः । विऽचक्षणः ।
त्वम् । कविः । अभवः । देवऽवीतमः । आ । सूर्यम् । रोहयः । दिवि ॥
Padapatha Transcription Accented
sómaḥ ǀ mīḍhvā́n ǀ pavate ǀ gātuvít-tamaḥ ǀ ṛ́ṣiḥ ǀ vípraḥ ǀ vi-cakṣaṇáḥ ǀ
tvám ǀ kavíḥ ǀ abhavaḥ ǀ deva-vī́tamaḥ ǀ ā́ ǀ sū́ryam ǀ rohayaḥ ǀ diví ǁ
Padapatha Transcription Nonaccented
somaḥ ǀ mīḍhvān ǀ pavate ǀ gātuvit-tamaḥ ǀ ṛṣiḥ ǀ vipraḥ ǀ vi-cakṣaṇaḥ ǀ
tvam ǀ kaviḥ ǀ abhavaḥ ǀ deva-vītamaḥ ǀ ā ǀ sūryam ǀ rohayaḥ ǀ divi ǁ
09.107.08 (Mandala. Sukta. Rik)
7.5.13.03 (Ashtaka. Adhyaya. Varga. Rik)
09.07.034 (Mandala. Anuvāka. Rik)
Samhita Devanagari Accented
सोम॑ उ षुवा॒णः सो॒तृभि॒रधि॒ ष्णुभि॒रवी॑नां ।
अश्व॑येव ह॒रिता॑ याति॒ धार॑या मं॒द्रया॑ याति॒ धार॑या ॥
Samhita Devanagari Nonaccented
सोम उ षुवाणः सोतृभिरधि ष्णुभिरवीनां ।
अश्वयेव हरिता याति धारया मंद्रया याति धारया ॥
Samhita Transcription Accented
sóma u ṣuvāṇáḥ sotṛ́bhirádhi ṣṇúbhirávīnām ǀ
áśvayeva harítā yāti dhā́rayā mandráyā yāti dhā́rayā ǁ
Samhita Transcription Nonaccented
soma u ṣuvāṇaḥ sotṛbhiradhi ṣṇubhiravīnām ǀ
aśvayeva haritā yāti dhārayā mandrayā yāti dhārayā ǁ
Padapatha Devanagari Accented
सोमः॑ । ऊं॒ इति॑ । सु॒वा॒नः । सो॒तृऽभिः॑ । अधि॑ । स्नुऽभिः॑ । अवी॑नाम् ।
अश्व॑याऽइव । ह॒रिता॑ । या॒ति॒ । धार॑या । म॒न्द्रया॑ । या॒ति॒ । धार॑या ॥
Padapatha Devanagari Nonaccented
सोमः । ऊं इति । सुवानः । सोतृऽभिः । अधि । स्नुऽभिः । अवीनाम् ।
अश्वयाऽइव । हरिता । याति । धारया । मन्द्रया । याति । धारया ॥
Padapatha Transcription Accented
sómaḥ ǀ ūṃ íti ǀ suvānáḥ ǀ sotṛ́-bhiḥ ǀ ádhi ǀ snú-bhiḥ ǀ ávīnām ǀ
áśvayā-iva ǀ harítā ǀ yāti ǀ dhā́rayā ǀ mandráyā ǀ yāti ǀ dhā́rayā ǁ
Padapatha Transcription Nonaccented
somaḥ ǀ ūṃ iti ǀ suvānaḥ ǀ sotṛ-bhiḥ ǀ adhi ǀ snu-bhiḥ ǀ avīnām ǀ
aśvayā-iva ǀ haritā ǀ yāti ǀ dhārayā ǀ mandrayā ǀ yāti ǀ dhārayā ǁ
09.107.09 (Mandala. Sukta. Rik)
7.5.13.04 (Ashtaka. Adhyaya. Varga. Rik)
09.07.035 (Mandala. Anuvāka. Rik)
Samhita Devanagari Accented
अ॒नू॒पे गोमा॒न्गोभि॑रक्षाः॒ सोमो॑ दु॒ग्धाभि॑रक्षाः ।
स॒मु॒द्रं न सं॒वर॑णान्यग्मन्मं॒दी मदा॑य तोशते ॥
Samhita Devanagari Nonaccented
अनूपे गोमान्गोभिरक्षाः सोमो दुग्धाभिरक्षाः ।
समुद्रं न संवरणान्यग्मन्मंदी मदाय तोशते ॥
Samhita Transcription Accented
anūpé gómāngóbhirakṣāḥ sómo dugdhā́bhirakṣāḥ ǀ
samudrám ná saṃváraṇānyagmanmandī́ mádāya tośate ǁ
Samhita Transcription Nonaccented
anūpe gomāngobhirakṣāḥ somo dugdhābhirakṣāḥ ǀ
samudram na saṃvaraṇānyagmanmandī madāya tośate ǁ
Padapatha Devanagari Accented
अ॒नू॒पे । गोऽमा॑न् । गोभिः॑ । अ॒क्षा॒रिति॑ । सोमः॑ । दु॒ग्धाभिः॑ । अ॒क्षा॒रिति॑ ।
स॒मु॒द्रम् । न । स॒म्ऽवर॑णानि । अ॒ग्म॒न् । म॒न्दी । मदा॑य । तो॒श॒ते॒ ॥
Padapatha Devanagari Nonaccented
अनूपे । गोऽमान् । गोभिः । अक्षारिति । सोमः । दुग्धाभिः । अक्षारिति ।
समुद्रम् । न । सम्ऽवरणानि । अग्मन् । मन्दी । मदाय । तोशते ॥
Padapatha Transcription Accented
anūpé ǀ gó-mān ǀ góbhiḥ ǀ akṣāríti ǀ sómaḥ ǀ dugdhā́bhiḥ ǀ akṣāríti ǀ
samudrám ǀ ná ǀ sam-váraṇāni ǀ agman ǀ mandī́ ǀ mádāya ǀ tośate ǁ
Padapatha Transcription Nonaccented
anūpe ǀ go-mān ǀ gobhiḥ ǀ akṣāriti ǀ somaḥ ǀ dugdhābhiḥ ǀ akṣāriti ǀ
samudram ǀ na ǀ sam-varaṇāni ǀ agman ǀ mandī ǀ madāya ǀ tośate ǁ
09.107.10 (Mandala. Sukta. Rik)
7.5.13.05 (Ashtaka. Adhyaya. Varga. Rik)
09.07.036 (Mandala. Anuvāka. Rik)
Samhita Devanagari Accented
आ सो॑म सुवा॒नो अद्रि॑भिस्ति॒रो वारा॑ण्य॒व्यया॑ ।
जनो॒ न पु॒रि च॒म्वो॑र्विश॒द्धरिः॒ सदो॒ वने॑षु दधिषे ॥
Samhita Devanagari Nonaccented
आ सोम सुवानो अद्रिभिस्तिरो वाराण्यव्यया ।
जनो न पुरि चम्वोर्विशद्धरिः सदो वनेषु दधिषे ॥
Samhita Transcription Accented
ā́ soma suvānó ádribhistiró vā́rāṇyavyáyā ǀ
jáno ná purí camvórviśaddháriḥ sádo váneṣu dadhiṣe ǁ
Samhita Transcription Nonaccented
ā soma suvāno adribhistiro vārāṇyavyayā ǀ
jano na puri camvorviśaddhariḥ sado vaneṣu dadhiṣe ǁ
Padapatha Devanagari Accented
आ । सो॒म॒ । सु॒वा॒नः । अद्रि॑ऽभिः । ति॒रः । वारा॑णि । अ॒व्यया॑ ।
जनः॑ । न । पु॒रि । च॒म्वोः॑ । वि॒श॒त् । हरिः॑ । सदः॑ । वने॑षु । द॒धि॒षे॒ ॥
Padapatha Devanagari Nonaccented
आ । सोम । सुवानः । अद्रिऽभिः । तिरः । वाराणि । अव्यया ।
जनः । न । पुरि । चम्वोः । विशत् । हरिः । सदः । वनेषु । दधिषे ॥
Padapatha Transcription Accented
ā́ ǀ soma ǀ suvānáḥ ǀ ádri-bhiḥ ǀ tiráḥ ǀ vā́rāṇi ǀ avyáyā ǀ
jánaḥ ǀ ná ǀ purí ǀ camvóḥ ǀ viśat ǀ háriḥ ǀ sádaḥ ǀ váneṣu ǀ dadhiṣe ǁ
Padapatha Transcription Nonaccented
ā ǀ soma ǀ suvānaḥ ǀ adri-bhiḥ ǀ tiraḥ ǀ vārāṇi ǀ avyayā ǀ
janaḥ ǀ na ǀ puri ǀ camvoḥ ǀ viśat ǀ hariḥ ǀ sadaḥ ǀ vaneṣu ǀ dadhiṣe ǁ
09.107.11 (Mandala. Sukta. Rik)
7.5.14.01 (Ashtaka. Adhyaya. Varga. Rik)
09.07.037 (Mandala. Anuvāka. Rik)
Samhita Devanagari Accented
स मा॑मृजे ति॒रो अण्वा॑नि मे॒ष्यो॑ मी॒ळ्हे सप्ति॒र्न वा॑ज॒युः ।
अ॒नु॒माद्यः॒ पव॑मानो मनी॒षिभिः॒ सोमो॒ विप्रे॑भि॒र्ऋक्व॑भिः ॥
Samhita Devanagari Nonaccented
स मामृजे तिरो अण्वानि मेष्यो मीळ्हे सप्तिर्न वाजयुः ।
अनुमाद्यः पवमानो मनीषिभिः सोमो विप्रेभिर्ऋक्वभिः ॥
Samhita Transcription Accented
sá māmṛje tiró áṇvāni meṣyó mīḷhé sáptirná vājayúḥ ǀ
anumā́dyaḥ pávamāno manīṣíbhiḥ sómo víprebhirṛ́kvabhiḥ ǁ
Samhita Transcription Nonaccented
sa māmṛje tiro aṇvāni meṣyo mīḷhe saptirna vājayuḥ ǀ
anumādyaḥ pavamāno manīṣibhiḥ somo viprebhirṛkvabhiḥ ǁ
Padapatha Devanagari Accented
सः । म॒मृ॒जे॒ । ति॒रः । अण्वा॑नि । मे॒ष्यः॑ । मी॒ळ्हे । सप्तिः॑ । न । वा॒ज॒ऽयुः ।
अ॒नु॒ऽमाद्यः॑ । पव॑मानः । म॒नी॒षिऽभिः॑ । सोमः॑ । विप्रे॑भिः । ऋक्व॑ऽभिः ॥
Padapatha Devanagari Nonaccented
सः । ममृजे । तिरः । अण्वानि । मेष्यः । मीळ्हे । सप्तिः । न । वाजऽयुः ।
अनुऽमाद्यः । पवमानः । मनीषिऽभिः । सोमः । विप्रेभिः । ऋक्वऽभिः ॥
Padapatha Transcription Accented
sáḥ ǀ mamṛje ǀ tiráḥ ǀ áṇvāni ǀ meṣyáḥ ǀ mīḷhé ǀ sáptiḥ ǀ ná ǀ vāja-yúḥ ǀ
anu-mā́dyaḥ ǀ pávamānaḥ ǀ manīṣí-bhiḥ ǀ sómaḥ ǀ víprebhiḥ ǀ ṛ́kva-bhiḥ ǁ
Padapatha Transcription Nonaccented
saḥ ǀ mamṛje ǀ tiraḥ ǀ aṇvāni ǀ meṣyaḥ ǀ mīḷhe ǀ saptiḥ ǀ na ǀ vāja-yuḥ ǀ
anu-mādyaḥ ǀ pavamānaḥ ǀ manīṣi-bhiḥ ǀ somaḥ ǀ viprebhiḥ ǀ ṛkva-bhiḥ ǁ
09.107.12 (Mandala. Sukta. Rik)
7.5.14.02 (Ashtaka. Adhyaya. Varga. Rik)
09.07.038 (Mandala. Anuvāka. Rik)
Samhita Devanagari Accented
प्र सो॑म दे॒ववी॑तये॒ सिंधु॒र्न पि॑प्ये॒ अर्ण॑सा ।
अं॒शोः पय॑सा मदि॒रो न जागृ॑वि॒रच्छा॒ कोशं॑ मधु॒श्चुतं॑ ॥
Samhita Devanagari Nonaccented
प्र सोम देववीतये सिंधुर्न पिप्ये अर्णसा ।
अंशोः पयसा मदिरो न जागृविरच्छा कोशं मधुश्चुतं ॥
Samhita Transcription Accented
prá soma devávītaye síndhurná pipye árṇasā ǀ
aṃśóḥ páyasā madiró ná jā́gṛvirácchā kóśam madhuścútam ǁ
Samhita Transcription Nonaccented
pra soma devavītaye sindhurna pipye arṇasā ǀ
aṃśoḥ payasā madiro na jāgṛviracchā kośam madhuścutam ǁ
Padapatha Devanagari Accented
प्र । सो॒म॒ । दे॒वऽवी॑तये । सिन्धुः॑ । न । पि॒प्ये॒ । अर्ण॑सा ।
अं॒शोः । पय॑सा । म॒दि॒रः । न । जागृ॑विः । अच्छ॑ । कोश॑म् । म॒धु॒ऽश्चुत॑म् ॥
Padapatha Devanagari Nonaccented
प्र । सोम । देवऽवीतये । सिन्धुः । न । पिप्ये । अर्णसा ।
अंशोः । पयसा । मदिरः । न । जागृविः । अच्छ । कोशम् । मधुऽश्चुतम् ॥
Padapatha Transcription Accented
prá ǀ soma ǀ devá-vītaye ǀ síndhuḥ ǀ ná ǀ pipye ǀ árṇasā ǀ
aṃśóḥ ǀ páyasā ǀ madiráḥ ǀ ná ǀ jā́gṛviḥ ǀ áccha ǀ kóśam ǀ madhu-ścútam ǁ
Padapatha Transcription Nonaccented
pra ǀ soma ǀ deva-vītaye ǀ sindhuḥ ǀ na ǀ pipye ǀ arṇasā ǀ
aṃśoḥ ǀ payasā ǀ madiraḥ ǀ na ǀ jāgṛviḥ ǀ accha ǀ kośam ǀ madhu-ścutam ǁ
09.107.13 (Mandala. Sukta. Rik)
7.5.14.03 (Ashtaka. Adhyaya. Varga. Rik)
09.07.039 (Mandala. Anuvāka. Rik)
Samhita Devanagari Accented
आ ह॑र्य॒तो अर्जु॑ने॒ अत्के॑ अव्यत प्रि॒यः सू॒नुर्न मर्ज्यः॑ ।
तमीं॑ हिन्वंत्य॒पसो॒ यथा॒ रथं॑ न॒दीष्वा गभ॑स्त्योः ॥
Samhita Devanagari Nonaccented
आ हर्यतो अर्जुने अत्के अव्यत प्रियः सूनुर्न मर्ज्यः ।
तमीं हिन्वंत्यपसो यथा रथं नदीष्वा गभस्त्योः ॥
Samhita Transcription Accented
ā́ haryató árjune átke avyata priyáḥ sūnúrná márjyaḥ ǀ
támīm hinvantyapáso yáthā rátham nadī́ṣvā́ gábhastyoḥ ǁ
Samhita Transcription Nonaccented
ā haryato arjune atke avyata priyaḥ sūnurna marjyaḥ ǀ
tamīm hinvantyapaso yathā ratham nadīṣvā gabhastyoḥ ǁ
Padapatha Devanagari Accented
आ । ह॒र्य॒तः । अर्जु॑ने । अत्के॑ । अ॒व्य॒त॒ । प्रि॒यः । सू॒नुः । न । मर्ज्यः॑ ।
तम् । ई॒म् । हि॒न्व॒न्ति॒ । अ॒पसः॑ । यथा॑ । रथ॑म् । न॒दीषु॑ । आ । गभ॑स्त्योः ॥
Padapatha Devanagari Nonaccented
आ । हर्यतः । अर्जुने । अत्के । अव्यत । प्रियः । सूनुः । न । मर्ज्यः ।
तम् । ईम् । हिन्वन्ति । अपसः । यथा । रथम् । नदीषु । आ । गभस्त्योः ॥
Padapatha Transcription Accented
ā́ ǀ haryatáḥ ǀ árjune ǀ átke ǀ avyata ǀ priyáḥ ǀ sūnúḥ ǀ ná ǀ márjyaḥ ǀ
tám ǀ īm ǀ hinvanti ǀ apásaḥ ǀ yáthā ǀ rátham ǀ nadī́ṣu ǀ ā́ ǀ gábhastyoḥ ǁ
Padapatha Transcription Nonaccented
ā ǀ haryataḥ ǀ arjune ǀ atke ǀ avyata ǀ priyaḥ ǀ sūnuḥ ǀ na ǀ marjyaḥ ǀ
tam ǀ īm ǀ hinvanti ǀ apasaḥ ǀ yathā ǀ ratham ǀ nadīṣu ǀ ā ǀ gabhastyoḥ ǁ
09.107.14 (Mandala. Sukta. Rik)
7.5.14.04 (Ashtaka. Adhyaya. Varga. Rik)
09.07.040 (Mandala. Anuvāka. Rik)
Samhita Devanagari Accented
अ॒भि सोमा॑स आ॒यवः॒ पवं॑ते॒ मद्यं॒ मदं॑ ।
स॒मु॒द्रस्याधि॑ वि॒ष्टपि॑ मनी॒षिणो॑ मत्स॒रासः॑ स्व॒र्विदः॑ ॥
Samhita Devanagari Nonaccented
अभि सोमास आयवः पवंते मद्यं मदं ।
समुद्रस्याधि विष्टपि मनीषिणो मत्सरासः स्वर्विदः ॥
Samhita Transcription Accented
abhí sómāsa āyávaḥ pávante mádyam mádam ǀ
samudrásyā́dhi viṣṭápi manīṣíṇo matsarā́saḥ svarvídaḥ ǁ
Samhita Transcription Nonaccented
abhi somāsa āyavaḥ pavante madyam madam ǀ
samudrasyādhi viṣṭapi manīṣiṇo matsarāsaḥ svarvidaḥ ǁ
Padapatha Devanagari Accented
अ॒भि । सोमा॑सः । आ॒यवः॑ । पव॑न्ते । मद्य॑म् । मद॑म् ।
स॒मु॒द्रस्य॑ । अधि॑ । वि॒ष्टपि॑ । म॒नी॒षिणः॑ । म॒त्स॒रासः॑ । स्वः॒ऽविदः॑ ॥
Padapatha Devanagari Nonaccented
अभि । सोमासः । आयवः । पवन्ते । मद्यम् । मदम् ।
समुद्रस्य । अधि । विष्टपि । मनीषिणः । मत्सरासः । स्वःऽविदः ॥
Padapatha Transcription Accented
abhí ǀ sómāsaḥ ǀ āyávaḥ ǀ pávante ǀ mádyam ǀ mádam ǀ
samudrásya ǀ ádhi ǀ viṣṭápi ǀ manīṣíṇaḥ ǀ matsarā́saḥ ǀ svaḥ-vídaḥ ǁ
Padapatha Transcription Nonaccented
abhi ǀ somāsaḥ ǀ āyavaḥ ǀ pavante ǀ madyam ǀ madam ǀ
samudrasya ǀ adhi ǀ viṣṭapi ǀ manīṣiṇaḥ ǀ matsarāsaḥ ǀ svaḥ-vidaḥ ǁ
09.107.15 (Mandala. Sukta. Rik)
7.5.14.05 (Ashtaka. Adhyaya. Varga. Rik)
09.07.041 (Mandala. Anuvāka. Rik)
Samhita Devanagari Accented
तर॑त्समु॒द्रं पव॑मान ऊ॒र्मिणा॒ राजा॑ दे॒व ऋ॒तं बृ॒हत् ।
अर्ष॑न्मि॒त्रस्य॒ वरु॑णस्य॒ धर्म॑णा॒ प्र हि॑न्वा॒न ऋ॒तं बृ॒हत् ॥
Samhita Devanagari Nonaccented
तरत्समुद्रं पवमान ऊर्मिणा राजा देव ऋतं बृहत् ।
अर्षन्मित्रस्य वरुणस्य धर्मणा प्र हिन्वान ऋतं बृहत् ॥
Samhita Transcription Accented
táratsamudrám pávamāna ūrmíṇā rā́jā devá ṛtám bṛhát ǀ
árṣanmitrásya váruṇasya dhármaṇā prá hinvāná ṛtám bṛhát ǁ
Samhita Transcription Nonaccented
taratsamudram pavamāna ūrmiṇā rājā deva ṛtam bṛhat ǀ
arṣanmitrasya varuṇasya dharmaṇā pra hinvāna ṛtam bṛhat ǁ
Padapatha Devanagari Accented
तर॑त् । स॒मु॒द्रम् । पव॑मानः । ऊ॒र्मिणा॑ । राजा॑ । दे॒वः । ऋ॒तम् । बृ॒हत् ।
अर्ष॑त् । मि॒त्रस्य॑ । वरु॑णस्य । धर्म॑णा । प्र । हि॒न्वा॒नः । ऋ॒तम् । बृ॒हत् ॥
Padapatha Devanagari Nonaccented
तरत् । समुद्रम् । पवमानः । ऊर्मिणा । राजा । देवः । ऋतम् । बृहत् ।
अर्षत् । मित्रस्य । वरुणस्य । धर्मणा । प्र । हिन्वानः । ऋतम् । बृहत् ॥
Padapatha Transcription Accented
tárat ǀ samudrám ǀ pávamānaḥ ǀ ūrmíṇā ǀ rā́jā ǀ deváḥ ǀ ṛtám ǀ bṛhát ǀ
árṣat ǀ mitrásya ǀ váruṇasya ǀ dhármaṇā ǀ prá ǀ hinvānáḥ ǀ ṛtám ǀ bṛhát ǁ
Padapatha Transcription Nonaccented
tarat ǀ samudram ǀ pavamānaḥ ǀ ūrmiṇā ǀ rājā ǀ devaḥ ǀ ṛtam ǀ bṛhat ǀ
arṣat ǀ mitrasya ǀ varuṇasya ǀ dharmaṇā ǀ pra ǀ hinvānaḥ ǀ ṛtam ǀ bṛhat ǁ
09.107.16 (Mandala. Sukta. Rik)
7.5.15.01 (Ashtaka. Adhyaya. Varga. Rik)
09.07.042 (Mandala. Anuvāka. Rik)
Samhita Devanagari Accented
नृभि॑र्येमा॒नो ह॑र्य॒तो वि॑चक्ष॒णो राजा॑ दे॒वः स॑मु॒द्रियः॑ ॥
Samhita Devanagari Nonaccented
नृभिर्येमानो हर्यतो विचक्षणो राजा देवः समुद्रियः ॥
Samhita Transcription Accented
nṛ́bhiryemānó haryató vicakṣaṇó rā́jā deváḥ samudríyaḥ ǁ
Samhita Transcription Nonaccented
nṛbhiryemāno haryato vicakṣaṇo rājā devaḥ samudriyaḥ ǁ
Padapatha Devanagari Accented
नृऽभिः॑ । ये॒मा॒नः । ह॒र्य॒तः । वि॒ऽच॒क्ष॒णः । राजा॑ । दे॒वः । स॒मु॒द्रियः॑ ॥
Padapatha Devanagari Nonaccented
नृऽभिः । येमानः । हर्यतः । विऽचक्षणः । राजा । देवः । समुद्रियः ॥
Padapatha Transcription Accented
nṛ́-bhiḥ ǀ yemānáḥ ǀ haryatáḥ ǀ vi-cakṣaṇáḥ ǀ rā́jā ǀ deváḥ ǀ samudríyaḥ ǁ
Padapatha Transcription Nonaccented
nṛ-bhiḥ ǀ yemānaḥ ǀ haryataḥ ǀ vi-cakṣaṇaḥ ǀ rājā ǀ devaḥ ǀ samudriyaḥ ǁ
09.107.17 (Mandala. Sukta. Rik)
7.5.15.02 (Ashtaka. Adhyaya. Varga. Rik)
09.07.043 (Mandala. Anuvāka. Rik)
Samhita Devanagari Accented
इंद्रा॑य पवते॒ मदः॒ सोमो॑ म॒रुत्व॑ते सु॒तः ।
स॒हस्र॑धारो॒ अत्यव्य॑मर्षति॒ तमी॑ मृजंत्या॒यवः॑ ॥
Samhita Devanagari Nonaccented
इंद्राय पवते मदः सोमो मरुत्वते सुतः ।
सहस्रधारो अत्यव्यमर्षति तमी मृजंत्यायवः ॥
Samhita Transcription Accented
índrāya pavate mádaḥ sómo marútvate sutáḥ ǀ
sahásradhāro átyávyamarṣati támī mṛjantyāyávaḥ ǁ
Samhita Transcription Nonaccented
indrāya pavate madaḥ somo marutvate sutaḥ ǀ
sahasradhāro atyavyamarṣati tamī mṛjantyāyavaḥ ǁ
Padapatha Devanagari Accented
इन्द्रा॑य । प॒व॒ते॒ । मदः॑ । सोमः॑ । म॒रुत्व॑ते । सु॒तः ।
स॒हस्र॑ऽधारः । अति॑ । अव्य॑म् । अ॒र्ष॒ति॒ । तम् । ई॒मिति॑ । मृ॒ज॒न्ति॒ । आ॒यवः॑ ॥
Padapatha Devanagari Nonaccented
इन्द्राय । पवते । मदः । सोमः । मरुत्वते । सुतः ।
सहस्रऽधारः । अति । अव्यम् । अर्षति । तम् । ईमिति । मृजन्ति । आयवः ॥
Padapatha Transcription Accented
índrāya ǀ pavate ǀ mádaḥ ǀ sómaḥ ǀ marútvate ǀ sutáḥ ǀ
sahásra-dhāraḥ ǀ áti ǀ ávyam ǀ arṣati ǀ tám ǀ īmíti ǀ mṛjanti ǀ āyávaḥ ǁ
Padapatha Transcription Nonaccented
indrāya ǀ pavate ǀ madaḥ ǀ somaḥ ǀ marutvate ǀ sutaḥ ǀ
sahasra-dhāraḥ ǀ ati ǀ avyam ǀ arṣati ǀ tam ǀ īmiti ǀ mṛjanti ǀ āyavaḥ ǁ
09.107.18 (Mandala. Sukta. Rik)
7.5.15.03 (Ashtaka. Adhyaya. Varga. Rik)
09.07.044 (Mandala. Anuvāka. Rik)
Samhita Devanagari Accented
पु॒ना॒नश्च॒मू ज॒नय॑न्म॒तिं क॒विः सोमो॑ दे॒वेषु॑ रण्यति ।
अ॒पो वसा॑नः॒ परि॒ गोभि॒रुत्त॑रः॒ सीद॒न्वने॑ष्वव्यत ॥
Samhita Devanagari Nonaccented
पुनानश्चमू जनयन्मतिं कविः सोमो देवेषु रण्यति ।
अपो वसानः परि गोभिरुत्तरः सीदन्वनेष्वव्यत ॥
Samhita Transcription Accented
punānáścamū́ janáyanmatím kavíḥ sómo devéṣu raṇyati ǀ
apó vásānaḥ pári góbhirúttaraḥ sī́danváneṣvavyata ǁ
Samhita Transcription Nonaccented
punānaścamū janayanmatim kaviḥ somo deveṣu raṇyati ǀ
apo vasānaḥ pari gobhiruttaraḥ sīdanvaneṣvavyata ǁ
Padapatha Devanagari Accented
पु॒ना॒नः । च॒मू इति॑ । ज॒नय॑न् । म॒तिम् । क॒विः । सोमः॑ । दे॒वेषु॑ । र॒ण्य॒ति॒ ।
अ॒पः । वसा॑नः । परि॑ । गोभिः॑ । उत्ऽत॑रः । सीद॑न् । वने॑षु । अ॒व्य॒त॒ ॥
Padapatha Devanagari Nonaccented
पुनानः । चमू इति । जनयन् । मतिम् । कविः । सोमः । देवेषु । रण्यति ।
अपः । वसानः । परि । गोभिः । उत्ऽतरः । सीदन् । वनेषु । अव्यत ॥
Padapatha Transcription Accented
punānáḥ ǀ camū́ íti ǀ janáyan ǀ matím ǀ kavíḥ ǀ sómaḥ ǀ devéṣu ǀ raṇyati ǀ
apáḥ ǀ vásānaḥ ǀ pári ǀ góbhiḥ ǀ út-taraḥ ǀ sī́dan ǀ váneṣu ǀ avyata ǁ
Padapatha Transcription Nonaccented
punānaḥ ǀ camū iti ǀ janayan ǀ matim ǀ kaviḥ ǀ somaḥ ǀ deveṣu ǀ raṇyati ǀ
apaḥ ǀ vasānaḥ ǀ pari ǀ gobhiḥ ǀ ut-taraḥ ǀ sīdan ǀ vaneṣu ǀ avyata ǁ
09.107.19 (Mandala. Sukta. Rik)
7.5.15.04 (Ashtaka. Adhyaya. Varga. Rik)
09.07.045 (Mandala. Anuvāka. Rik)
Samhita Devanagari Accented
तवा॒हं सो॑म रारण स॒ख्य इं॑दो दि॒वेदि॑वे ।
पु॒रूणि॑ बभ्रो॒ नि च॑रंति॒ मामव॑ परि॒धीँरति॒ ताँ इ॑हि ॥
Samhita Devanagari Nonaccented
तवाहं सोम रारण सख्य इंदो दिवेदिवे ।
पुरूणि बभ्रो नि चरंति मामव परिधीँरति ताँ इहि ॥
Samhita Transcription Accented
távāhám soma rāraṇa sakhyá indo divédive ǀ
purū́ṇi babhro ní caranti mā́máva paridhī́m̐ráti tā́m̐ ihi ǁ
Samhita Transcription Nonaccented
tavāham soma rāraṇa sakhya indo divedive ǀ
purūṇi babhro ni caranti māmava paridhīm̐rati tām̐ ihi ǁ
Padapatha Devanagari Accented
तव॑ । अ॒हम् । सो॒म॒ । र॒र॒ण॒ । स॒ख्ये । इ॒न्दो॒ इति॑ । दि॒वेऽदि॑वे ।
पु॒रूणि॑ । ब॒भ्रो॒ इति॑ । नि । च॒र॒न्ति॒ । माम् । अव॑ । प॒रि॒ऽधीन् । अति॑ । तान् । इ॒हि॒ ॥
Padapatha Devanagari Nonaccented
तव । अहम् । सोम । ररण । सख्ये । इन्दो इति । दिवेऽदिवे ।
पुरूणि । बभ्रो इति । नि । चरन्ति । माम् । अव । परिऽधीन् । अति । तान् । इहि ॥
Padapatha Transcription Accented
táva ǀ ahám ǀ soma ǀ raraṇa ǀ sakhyé ǀ indo íti ǀ divé-dive ǀ
purū́ṇi ǀ babhro íti ǀ ní ǀ caranti ǀ mā́m ǀ áva ǀ pari-dhī́n ǀ áti ǀ tā́n ǀ ihi ǁ
Padapatha Transcription Nonaccented
tava ǀ aham ǀ soma ǀ raraṇa ǀ sakhye ǀ indo iti ǀ dive-dive ǀ
purūṇi ǀ babhro iti ǀ ni ǀ caranti ǀ mām ǀ ava ǀ pari-dhīn ǀ ati ǀ tān ǀ ihi ǁ
09.107.20 (Mandala. Sukta. Rik)
7.5.15.05 (Ashtaka. Adhyaya. Varga. Rik)
09.07.046 (Mandala. Anuvāka. Rik)
Samhita Devanagari Accented
उ॒ताहं नक्त॑मु॒त सो॑म ते॒ दिवा॑ स॒ख्याय॑ बभ्र॒ ऊध॑नि ।
घृ॒णा तपं॑त॒मति॒ सूर्यं॑ प॒रः श॑कु॒ना इ॑व पप्तिम ॥
Samhita Devanagari Nonaccented
उताहं नक्तमुत सोम ते दिवा सख्याय बभ्र ऊधनि ।
घृणा तपंतमति सूर्यं परः शकुना इव पप्तिम ॥
Samhita Transcription Accented
utā́hám náktamutá soma te dívā sakhyā́ya babhra ū́dhani ǀ
ghṛṇā́ tápantamáti sū́ryam paráḥ śakunā́ iva paptima ǁ
Samhita Transcription Nonaccented
utāham naktamuta soma te divā sakhyāya babhra ūdhani ǀ
ghṛṇā tapantamati sūryam paraḥ śakunā iva paptima ǁ
Padapatha Devanagari Accented
उ॒त । अ॒हम् । नक्त॑म् । उ॒त । सो॒म॒ । ते॒ । दिवा॑ । स॒ख्याय॑ । ब॒भ्रो॒ इति॑ । ऊध॑नि ।
घृ॒णा । तप॑न्तम् । अति॑ । सूर्य॑म् । प॒रः । श॒कु॒नाःऽइ॑व । प॒प्ति॒म॒ ॥
Padapatha Devanagari Nonaccented
उत । अहम् । नक्तम् । उत । सोम । ते । दिवा । सख्याय । बभ्रो इति । ऊधनि ।
घृणा । तपन्तम् । अति । सूर्यम् । परः । शकुनाःऽइव । पप्तिम ॥
Padapatha Transcription Accented
utá ǀ ahám ǀ náktam ǀ utá ǀ soma ǀ te ǀ dívā ǀ sakhyā́ya ǀ babhro íti ǀ ū́dhani ǀ
ghṛṇā́ ǀ tápantam ǀ áti ǀ sū́ryam ǀ paráḥ ǀ śakunā́ḥ-iva ǀ paptima ǁ
Padapatha Transcription Nonaccented
uta ǀ aham ǀ naktam ǀ uta ǀ soma ǀ te ǀ divā ǀ sakhyāya ǀ babhro iti ǀ ūdhani ǀ
ghṛṇā ǀ tapantam ǀ ati ǀ sūryam ǀ paraḥ ǀ śakunāḥ-iva ǀ paptima ǁ
09.107.21 (Mandala. Sukta. Rik)
7.5.16.01 (Ashtaka. Adhyaya. Varga. Rik)
09.07.047 (Mandala. Anuvāka. Rik)
Samhita Devanagari Accented
मृ॒ज्यमा॑नः सुहस्त्य समु॒द्रे वाच॑मिन्वसि ।
र॒यिं पि॒शंगं॑ बहु॒लं पु॑रु॒स्पृहं॒ पव॑माना॒भ्य॑र्षसि ॥
Samhita Devanagari Nonaccented
मृज्यमानः सुहस्त्य समुद्रे वाचमिन्वसि ।
रयिं पिशंगं बहुलं पुरुस्पृहं पवमानाभ्यर्षसि ॥
Samhita Transcription Accented
mṛjyámānaḥ suhastya samudré vā́caminvasi ǀ
rayím piśáṅgam bahulám puruspṛ́ham pávamānābhyárṣasi ǁ
Samhita Transcription Nonaccented
mṛjyamānaḥ suhastya samudre vācaminvasi ǀ
rayim piśaṅgam bahulam puruspṛham pavamānābhyarṣasi ǁ
Padapatha Devanagari Accented
मृ॒ज्यमा॑नः । सु॒ऽह॒स्त्य॒ । स॒मु॒द्रे । वाच॑म् । इ॒न्व॒सि॒ ।
र॒यिम् । पि॒शङ्ग॑म् । ब॒हु॒लम् । पु॒रु॒ऽस्पृह॑म् । पव॑मान । अ॒भि । अ॒र्ष॒सि॒ ॥
Padapatha Devanagari Nonaccented
मृज्यमानः । सुऽहस्त्य । समुद्रे । वाचम् । इन्वसि ।
रयिम् । पिशङ्गम् । बहुलम् । पुरुऽस्पृहम् । पवमान । अभि । अर्षसि ॥
Padapatha Transcription Accented
mṛjyámānaḥ ǀ su-hastya ǀ samudré ǀ vā́cam ǀ invasi ǀ
rayím ǀ piśáṅgam ǀ bahulám ǀ puru-spṛ́ham ǀ pávamāna ǀ abhí ǀ arṣasi ǁ
Padapatha Transcription Nonaccented
mṛjyamānaḥ ǀ su-hastya ǀ samudre ǀ vācam ǀ invasi ǀ
rayim ǀ piśaṅgam ǀ bahulam ǀ puru-spṛham ǀ pavamāna ǀ abhi ǀ arṣasi ǁ
09.107.22 (Mandala. Sukta. Rik)
7.5.16.02 (Ashtaka. Adhyaya. Varga. Rik)
09.07.048 (Mandala. Anuvāka. Rik)
Samhita Devanagari Accented
मृ॒जा॒नो वारे॒ पव॑मानो अ॒व्यये॒ वृषाव॑ चक्रदो॒ वने॑ ।
दे॒वानां॑ सोम पवमान निष्कृ॒तं गोभि॑रंजा॒नो अ॑र्षसि ॥
Samhita Devanagari Nonaccented
मृजानो वारे पवमानो अव्यये वृषाव चक्रदो वने ।
देवानां सोम पवमान निष्कृतं गोभिरंजानो अर्षसि ॥
Samhita Transcription Accented
mṛjānó vā́re pávamāno avyáye vṛ́ṣā́va cakrado váne ǀ
devā́nām soma pavamāna niṣkṛtám góbhirañjānó arṣasi ǁ
Samhita Transcription Nonaccented
mṛjāno vāre pavamāno avyaye vṛṣāva cakrado vane ǀ
devānām soma pavamāna niṣkṛtam gobhirañjāno arṣasi ǁ
Padapatha Devanagari Accented
मृ॒जा॒नः । वारे॑ । पव॑मानः । अ॒व्यये॑ । वृषा॑ । अव॑ । च॒क्र॒दः॒ । वने॑ ।
दे॒वाना॑म् । सो॒म॒ । प॒व॒मा॒न॒ । निः॒ऽकृ॒तम् । गोभिः॑ । अ॒ञ्जा॒नः । अ॒र्ष॒सि॒ ॥
Padapatha Devanagari Nonaccented
मृजानः । वारे । पवमानः । अव्यये । वृषा । अव । चक्रदः । वने ।
देवानाम् । सोम । पवमान । निःऽकृतम् । गोभिः । अञ्जानः । अर्षसि ॥
Padapatha Transcription Accented
mṛjānáḥ ǀ vā́re ǀ pávamānaḥ ǀ avyáye ǀ vṛ́ṣā ǀ áva ǀ cakradaḥ ǀ váne ǀ
devā́nām ǀ soma ǀ pavamāna ǀ niḥ-kṛtám ǀ góbhiḥ ǀ añjānáḥ ǀ arṣasi ǁ
Padapatha Transcription Nonaccented
mṛjānaḥ ǀ vāre ǀ pavamānaḥ ǀ avyaye ǀ vṛṣā ǀ ava ǀ cakradaḥ ǀ vane ǀ
devānām ǀ soma ǀ pavamāna ǀ niḥ-kṛtam ǀ gobhiḥ ǀ añjānaḥ ǀ arṣasi ǁ
09.107.23 (Mandala. Sukta. Rik)
7.5.16.03 (Ashtaka. Adhyaya. Varga. Rik)
09.07.049 (Mandala. Anuvāka. Rik)
Samhita Devanagari Accented
पव॑स्व॒ वाज॑सातये॒ऽभि विश्वा॑नि॒ काव्या॑ ।
त्वं स॑मु॒द्रं प्र॑थ॒मो वि धा॑रयो दे॒वेभ्यः॑ सोम मत्स॒रः ॥
Samhita Devanagari Nonaccented
पवस्व वाजसातयेऽभि विश्वानि काव्या ।
त्वं समुद्रं प्रथमो वि धारयो देवेभ्यः सोम मत्सरः ॥
Samhita Transcription Accented
pávasva vā́jasātaye’bhí víśvāni kā́vyā ǀ
tvám samudrám prathamó ví dhārayo devébhyaḥ soma matsaráḥ ǁ
Samhita Transcription Nonaccented
pavasva vājasātaye’bhi viśvāni kāvyā ǀ
tvam samudram prathamo vi dhārayo devebhyaḥ soma matsaraḥ ǁ
Padapatha Devanagari Accented
पव॑स्व । वाज॑ऽसातये । अ॒भि । विश्वा॑नि । काव्या॑ ।
त्वम् । स॒मु॒द्रम् । प्र॒थ॒मः । वि । धा॒र॒यः॒ । दे॒वेभ्यः॑ । सो॒म॒ । म॒त्स॒रः ॥
Padapatha Devanagari Nonaccented
पवस्व । वाजऽसातये । अभि । विश्वानि । काव्या ।
त्वम् । समुद्रम् । प्रथमः । वि । धारयः । देवेभ्यः । सोम । मत्सरः ॥
Padapatha Transcription Accented
pávasva ǀ vā́ja-sātaye ǀ abhí ǀ víśvāni ǀ kā́vyā ǀ
tvám ǀ samudrám ǀ prathamáḥ ǀ ví ǀ dhārayaḥ ǀ devébhyaḥ ǀ soma ǀ matsaráḥ ǁ
Padapatha Transcription Nonaccented
pavasva ǀ vāja-sātaye ǀ abhi ǀ viśvāni ǀ kāvyā ǀ
tvam ǀ samudram ǀ prathamaḥ ǀ vi ǀ dhārayaḥ ǀ devebhyaḥ ǀ soma ǀ matsaraḥ ǁ
09.107.24 (Mandala. Sukta. Rik)
7.5.16.04 (Ashtaka. Adhyaya. Varga. Rik)
09.07.050 (Mandala. Anuvāka. Rik)
Samhita Devanagari Accented
स तू प॑वस्व॒ परि॒ पार्थि॑वं॒ रजो॑ दि॒व्या च॑ सोम॒ धर्म॑भिः ।
त्वां विप्रा॑सो म॒तिभि॑र्विचक्षण शु॒भ्रं हि॑न्वंति धी॒तिभिः॑ ॥
Samhita Devanagari Nonaccented
स तू पवस्व परि पार्थिवं रजो दिव्या च सोम धर्मभिः ।
त्वां विप्रासो मतिभिर्विचक्षण शुभ्रं हिन्वंति धीतिभिः ॥
Samhita Transcription Accented
sá tū́ pavasva pári pā́rthivam rájo divyā́ ca soma dhármabhiḥ ǀ
tvā́m víprāso matíbhirvicakṣaṇa śubhrám hinvanti dhītíbhiḥ ǁ
Samhita Transcription Nonaccented
sa tū pavasva pari pārthivam rajo divyā ca soma dharmabhiḥ ǀ
tvām viprāso matibhirvicakṣaṇa śubhram hinvanti dhītibhiḥ ǁ
Padapatha Devanagari Accented
सः । तु । प॒व॒स्व॒ । परि॑ । पार्थि॑वम् । रजः॑ । दि॒व्या । च॒ । सो॒म॒ । धर्म॑ऽभिः ।
त्वाम् । विप्रा॑सः । म॒तिऽभिः॑ । वि॒ऽच॒क्ष॒ण॒ । शु॒भ्रम् । हि॒न्व॒न्ति॒ । धी॒तिऽभिः॑ ॥
Padapatha Devanagari Nonaccented
सः । तु । पवस्व । परि । पार्थिवम् । रजः । दिव्या । च । सोम । धर्मऽभिः ।
त्वाम् । विप्रासः । मतिऽभिः । विऽचक्षण । शुभ्रम् । हिन्वन्ति । धीतिऽभिः ॥
Padapatha Transcription Accented
sáḥ ǀ tú ǀ pavasva ǀ pári ǀ pā́rthivam ǀ rájaḥ ǀ divyā́ ǀ ca ǀ soma ǀ dhárma-bhiḥ ǀ
tvā́m ǀ víprāsaḥ ǀ matí-bhiḥ ǀ vi-cakṣaṇa ǀ śubhrám ǀ hinvanti ǀ dhītí-bhiḥ ǁ
Padapatha Transcription Nonaccented
saḥ ǀ tu ǀ pavasva ǀ pari ǀ pārthivam ǀ rajaḥ ǀ divyā ǀ ca ǀ soma ǀ dharma-bhiḥ ǀ
tvām ǀ viprāsaḥ ǀ mati-bhiḥ ǀ vi-cakṣaṇa ǀ śubhram ǀ hinvanti ǀ dhīti-bhiḥ ǁ
09.107.25 (Mandala. Sukta. Rik)
7.5.16.05 (Ashtaka. Adhyaya. Varga. Rik)
09.07.051 (Mandala. Anuvāka. Rik)
Samhita Devanagari Accented
पव॑माना असृक्षत प॒वित्र॒मति॒ धार॑या ।
म॒रुत्वं॑तो मत्स॒रा इं॑द्रि॒या हया॑ मे॒धाम॒भि प्रयां॑सि च ॥
Samhita Devanagari Nonaccented
पवमाना असृक्षत पवित्रमति धारया ।
मरुत्वंतो मत्सरा इंद्रिया हया मेधामभि प्रयांसि च ॥
Samhita Transcription Accented
pávamānā asṛkṣata pavítramáti dhā́rayā ǀ
marútvanto matsarā́ indriyā́ háyā medhā́mabhí práyāṃsi ca ǁ
Samhita Transcription Nonaccented
pavamānā asṛkṣata pavitramati dhārayā ǀ
marutvanto matsarā indriyā hayā medhāmabhi prayāṃsi ca ǁ
Padapatha Devanagari Accented
पव॑मानाः । अ॒सृ॒क्ष॒त॒ । प॒वित्र॑म् । अति॑ । धार॑या ।
म॒रुत्व॑न्तः । म॒त्स॒राः । इ॒न्द्रि॒याः । हयाः॑ । मे॒धाम् । अ॒भि । प्रयां॑सि । च॒ ॥
Padapatha Devanagari Nonaccented
पवमानाः । असृक्षत । पवित्रम् । अति । धारया ।
मरुत्वन्तः । मत्सराः । इन्द्रियाः । हयाः । मेधाम् । अभि । प्रयांसि । च ॥
Padapatha Transcription Accented
pávamānāḥ ǀ asṛkṣata ǀ pavítram ǀ áti ǀ dhā́rayā ǀ
marútvantaḥ ǀ matsarā́ḥ ǀ indriyā́ḥ ǀ háyāḥ ǀ medhā́m ǀ abhí ǀ práyāṃsi ǀ ca ǁ
Padapatha Transcription Nonaccented
pavamānāḥ ǀ asṛkṣata ǀ pavitram ǀ ati ǀ dhārayā ǀ
marutvantaḥ ǀ matsarāḥ ǀ indriyāḥ ǀ hayāḥ ǀ medhām ǀ abhi ǀ prayāṃsi ǀ ca ǁ
09.107.26 (Mandala. Sukta. Rik)
7.5.16.06 (Ashtaka. Adhyaya. Varga. Rik)
09.07.052 (Mandala. Anuvāka. Rik)
Samhita Devanagari Accented
अ॒पो वसा॑नः॒ परि॒ कोश॑मर्ष॒तींदु॑र्हिया॒नः सो॒तृभिः॑ ।
ज॒नयं॒ज्योति॑र्मं॒दना॑ अवीवश॒द्गाः कृ॑ण्वा॒नो न नि॒र्णिजं॑ ॥
Samhita Devanagari Nonaccented
अपो वसानः परि कोशमर्षतींदुर्हियानः सोतृभिः ।
जनयंज्योतिर्मंदना अवीवशद्गाः कृण्वानो न निर्णिजं ॥
Samhita Transcription Accented
apó vásānaḥ pári kóśamarṣatī́ndurhiyānáḥ sotṛ́bhiḥ ǀ
janáyañjyótirmandánā avīvaśadgā́ḥ kṛṇvānó ná nirṇíjam ǁ
Samhita Transcription Nonaccented
apo vasānaḥ pari kośamarṣatīndurhiyānaḥ sotṛbhiḥ ǀ
janayañjyotirmandanā avīvaśadgāḥ kṛṇvāno na nirṇijam ǁ
Padapatha Devanagari Accented
अ॒पः । वसा॑नः । परि॑ । कोश॑म् । अ॒र्ष॒ति॒ । इन्दुः॑ । हि॒या॒नः । सो॒तृऽभिः॑ ।
ज॒नय॑न् । ज्योतिः॑ । म॒न्दनाः॑ । अ॒वी॒व॒श॒त् । गाः । कृ॒ण्वा॒नः । न । निः॒ऽनिज॑म् ॥
Padapatha Devanagari Nonaccented
अपः । वसानः । परि । कोशम् । अर्षति । इन्दुः । हियानः । सोतृऽभिः ।
जनयन् । ज्योतिः । मन्दनाः । अवीवशत् । गाः । कृण्वानः । न । निःऽनिजम् ॥
Padapatha Transcription Accented
apáḥ ǀ vásānaḥ ǀ pári ǀ kóśam ǀ arṣati ǀ índuḥ ǀ hiyānáḥ ǀ sotṛ́-bhiḥ ǀ
janáyan ǀ jyótiḥ ǀ mandánāḥ ǀ avīvaśat ǀ gā́ḥ ǀ kṛṇvānáḥ ǀ ná ǀ niḥ-níjam ǁ
Padapatha Transcription Nonaccented
apaḥ ǀ vasānaḥ ǀ pari ǀ kośam ǀ arṣati ǀ induḥ ǀ hiyānaḥ ǀ sotṛ-bhiḥ ǀ
janayan ǀ jyotiḥ ǀ mandanāḥ ǀ avīvaśat ǀ gāḥ ǀ kṛṇvānaḥ ǀ na ǀ niḥ-nijam ǁ